❌لايدعم الجذب و لايدعم الكتابة و لايدعم التفكير بالمستقبل
فقط الدعاء على الظالم والكتابة له
و لا يدعم القراءات بكل انواعها
لا يدعم الحدس وغيرها

لكن بنات الي يجربها ضروري يشاركني الصور حتى انزل مقطع عنه بالتيك بعدين وايضاً حتى اساعدكم بالتفسير ، توعدوني الي يصوت بـ نعم ترجعون للبوت وتشاركوني؟
– @ootedy136BOT

مبدئيا مادام هسه اكثر من اربعين شخص مهتم انا كلش ممتنة
طبعا هي تعتبر شبه تعويذة مو تعويذة كاملة وتركز على انها تشيل الطاقة السلبية من حولج سواء حسد او طاقة سلبية او حقد وغيرها

كوين حطي ببالج نحتاج كوب مي عود بخور مي وبيضة وحدة فقط

حطي ببالج هالطريقة ٥٠٪؜ النيات الي تحطيها ببالج و٢٠٪؜ ثقتج بيها و٣٠٪؜ الامور الي حتطلع بالكاس
اول شي تجيبين البيضة وتنوين اهم شي النية بداخلج ليش لان النية هي نصف التعويذة ركزي وياي

تنوين ان البيضة راح تشيل عنج وعن طاقتج وعن هالتج كل الطاقات السلبية
- لو حدسج گالج تاخذين اكثر من بيضة فسويها واستمعي لحدسج
تنوين ان البيضة حتمتص كل هالطاقات السلبية الي تحيط بيج كلها

ثم راح تجيبين البيضة وتفركينها على كل جسمج
اذا عندج شاكرة تعبانة تكدرين تحطين مكان البيضة على مكان الشاكرة وتنوين ان البيضة حتمتص السلبية منها

بعد ما تخلصين من البيضة تجيبين كوب وتحطين عود بخور وتنوين ان الكوب يتنظف من اي شي سلبي او من اي طاقات سلبية

بعدها تعبينه مي ركزي وياي الخطوات هنا حتكون مهمة

تفقسين البيضة بس ركزي لا تباوعين للكاس بعد ما تفقسينها المهم باول ثواني من الفقس لا تباوعين للكوب !
لازم تغطين راس الكوب بيدج وتنوين ان كل الطاقات السلبية راح تظهر بالكوب سواء جانت حسد او غيرة او نميمة او نفاق او غيرها

بعدها توخرين ايدج
@ootedy136BOT

هي رح توضحلج شنو الطاقة السلبيه الي حولج وحتشيلها

شلون نعرف الطاقة السلبية الي ظهرت من خلال البيضة الي بالكوب؟ طبعاً هنا رح نعرف الطاقة السلبيه شنو نوعها وحيعتمد التفسير على الصفار والبياض والأشكال طبعا والخيوط والماء والفقاعات والروائح والتغييرات

طبعاً هالطريقة تشبه بحد كبير طريقة الفنجان لكن الفرق هاي بالبيض وبالماء

بنات من تنظفون الكوب بعود البخور ترا بس شوي وتشيلونه يعني لاتبقونه بالكوب بس نظفوه
البخور لازم تشغلونه شوي وتشيلونه

تفسير البيض :

اولاً : الصفار الي يظهر بيه طبيعة الطاقة الحاليه
- اذا كان صفار كامل ومستديم وسالم فمعناه طاقتج مستقرة ولاتوجد سلبيات كبرى بيها لان الصفار مهم هنا بنات

- الصفار اذا جان مكسور او تالف بمعناه يوجد ارهاق نفسي او جسدي وهالشي يظهر بالصفار

- الصفار اذا جان شكله مطبوخ او لونه غامق مثل المطبوخ يكون يعني هالشخص ديضغط على طاقته ومراكم امور

- البقع الداكنة او العلامات الغامقه على صفار البيض حيكون تفسيرها بسبب الانسدادات او طاقات كثيفه او راكدة والافضل الشخص يتحقق من صحته ( قد تدل على مشكلة صحية )

بياض البيض : يتمثل بالامور الي تحيط بالشخص وتؤثر عليه
- خيوط البيض اذا كانت متشابكه : مثل شبكة عنكبوت على سبيل المثال
معناه هالشخص ( بهالفتره تحديداً ) داخل بصراع عاطفي وجاي يستنزفه هالشي بحيث ظاهر بطاقته وهالشي ايضاً يتفسر على انه عائق

- مسامير / ابر متجهه لأعلى الكوب : حسد / مراقبه / طاقة تعلق ممكن وطاقة تفكير ايضاً، تدل على سحر انتبهوا

- مسامير عديدة : مشاكل اكثر ، سلبية وصراع او توتر

- اغطية / بطانيات حول الصفار : استنزاف طاقي ، يدل على حاجة للحمايه

- ظهور اشكال ناس : حسد وطاقته ظاهره هنا وممكن سحر

الي عندهم دورة عندهم المقدرة يسوونها كلش عادي ، لتذبون الكوب لازم تفسرون البيض يلا

الفقاعات الي تكون بأعلى سطح الماء
- اذا كانت قليلة حيكون معناه ان التنظيف دينفع او ديشتغل
- اذا كانت كثيفه او مجتمعه : نميمة او طاقة اكثر من شخص يتحدثون سلبياً عنك

الماء
اذا كانت صافي حيكون بمعنى الطاقه السلبيه قليله
اذا كان متسخ او عكر يجي بمعنى تراكم عاطفي او طاقي
الرغوي بمعنى الاجهاد

الحركة والاتجاه
اذا كانت الطاقة تتحرك للاعلى فيجي بمعنى المؤثرات الخارجيه وطاقة اشخاص دتأثر على طاقة الشخص
اذا للاسفل يجي بمعنى الضغط والتعب والتفكير المفرط

ظهور عين او اشكال اخرى تجي بمعنى الحسد او العين الشريرة

على سبيل المثال هنا حشرحلكم على بيضة البنية

طبعا تعتبر هالطريقة مثل كشف طاقي

نلاحظ اول شي البيضة شكلها شبه مطبوخ ويعني هالشخص ديضغط على طاقته ومراكم امور بنفس الوقت توجد خيوط على شكل عناكيب وبشكل كثيف اصلاً! هنا هالخيوط تمثل الامور الي دتتعب الشخص
ظاهرلي هنا ان هالشخص داخل بصراع او تفكير مفرط او زائد وهالشي دياثر على طاقته ويتعبه
ولاحظت هالخيوط متجهه للأعلى
فيعني بسبب اشخاص
مو بسبب الشخص نفسه
وايضاً المي ظاهر هنا انه نظيف فيعني الطاقه السلبيه هنا بسرعه حتتنظف واساسا الظاهر هنا الطاقه مو بسبب حسد او غيره وانما من التفكير

بنات الي تحب ، الي تحب يعني خطوة اختيارية جداً
تضع ملح وفلفل اسود على الكوب بعد التفسير بنية انها تنهي كل هالطاقة السلبية الظهرت بالكوب
بعدها تذبها باي مكان
بالحمام اكرمكم الله او بالمغسلة
والافضل بالحمام حتى تتخلص بشكل نهائي من الطاقة السلبيه

حستغل هالفترة واقلل من سعر تعويذة الدراسه او شموع الدراسه مع جرة الدراسه ، اكرر هي كلش مفيدة لموضوع الالتزام والتسويف وتساعد على التركيز ايضاً ، الشموع حتكون على ٢٠ والجرات على ٣٠
نرجع نتذكر ان الشموع كتأثير تظهر بشكل سريع ولأشهر ، والجرات على تأثير بطيئ لكن لسنوات
ونتذكر ان الدراسه اعتمادها الاساسي على الشخص بنفسه يعني الموضوع ٦٠٪؜ على ارادة الشخص و٤٠٪؜ على الشموع بحد ذاتها
نرجع نتذكر ايضاً ان المفترض الشخص ينساها ويكمل حياته طبيعي