بمعنى إلي راسب بأربع مواد يحقلة يمتحن وزاري ودور واحد فقط
وإلي راسب بخمسة حيعيد السنة

ودور ثالث ماكو ودور ثاني للدخول الشامل ماكو

وتأجيل للإمتحانات للدور الثاني ماكو

عجيب !! يا وزارة إلى أين؟؟؟

#طـلاب الدخول الشامل 🤎.

أعرف القرار اليوم مو سهل ابدًا على كثير من الطلاب، خصوصًا اللي كانوا ينتظرون تأجيل الامتحانات أو دخولًا أوسع، ومن حقكم تزعلون لأنكم تعبتوا وتمنيتوا فرصة أكبر بس لا تخلّون خيبة اليوم تكسر عزيمتكم أكو فرصة انطتلكم، فتمسّكوا بيها ولا تخلّونها تروح من إيدكم إذا عندك أربع مواد أو أقل، بعدك تگدر تغيّر النتيجة بعدك تگدر تثبت لنفسك إن هالسنة ما راح تنتهي باللي صار بيها من تعب وضغط مو مهم شكد تعثرت، المهم شلون راح تقوم من هسه...
﴿فَإِنَّ مَعَ الْعُسْرِ يُسْرًا﴾
خلّوا ثقتكم بالله، واشتغلوا على الفرصة الموجودة بدل ما نبقى نتحسر على الفرصة اللي تمنيناها الله يكتب لكم بهاي الفرصة بداية فرحة، ويجعل تعبكم وسهركم سببًا لنجاح ينسّيكم كل هالأيام.

أما اللّي مااحالفهُم الحظ

أرجوكم لا تخلّون قرار اليوم يكون نهاية الأمل بقلوبكم مو كل باب ينغلق يعني انتهى الطريق، ولا كل شيء تمنيناه ما صار يعني إن الله تركنا يمكن إحنا ما نفهم الحكمة هسه ويمكن بعد فترة نعرف ليش صار كل شيء بهالشكل
المهم لا تيأسون من رحمة الله، ولا تحكمون على مستقبلكم من لحظة صعبة.
﴿وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ﴾
اللهم اجبر قلوب من خابت آمالهم، وعوّضهم عن كل فرصة تمنّوها وما حصلت، وافتح لهم أبوابًا ما كانوا يتوقعونها، واكتب لهم من الخير ما يجعلهم يومًا ما يحمدونك على كل شيء ظنّوه خسارة.

-لُمى🤎.

طبطبة عليكم وعسى ولعل الله يجبر خاطركم 🤍

شاركو يحلوين 🤍