‏حتى المكان اللي عجزت أتعدّاه
‏أقسى عليه احيان .. واحيان احنّه

‏ولاء البشر ماهوب دايم ولا مضمون
‏مادام الولاء بالجوف ماهوب فالبشرة

‏الإنسان إذا ما يردعه دين أو قانون
‏يخون الوطن والعيش والملح والعشرة

‏حط كفّك فوق رأسٍ من الحزن مغلوب
‏كفّك اللي تعرفه روحي وترتاح له

‏صباح الزعل ،، ولا صباح الرضى والشوق
‏يا ويلي من الاولى / و ويلي على الاخرى

‏تهادى على قلبي و ريّح و هد و روق
‏وشف جرحي الشايب ،، ورا الضحكه العذرى

‏أحبك .. لها يومين في صوتي المخنوق
‏يسكّر عليها الضيق و تضيّع المجرى

‏"يا أعظم ما تمنيته من الدنيا.. ولا أدري ليش
‏أحسّك شيء لا يمكن يعيه إنسان في باله"

‏"لا تحاول يا بعد كل الأحبّة خاطر اللي
‏ما تلدَّد في ديارك غير من كثر الحسافة

‏إن رضيت أجيك كلي، وإن زعلت أجيك كلي
‏أنت ذنبٍ لو يُعاد الوقت.. بـ أعيد إقترافه"

‏و إن طاح قلبي وسولف لك عن أتعاسه
‏ لا تضحك مْن الكلام اللي يعوّرني

‏يبلغ الانسان حدًا
‏تكون فيه نجاته أن يطفئ شعوره، ويغدو غريب حتى عن نفسه

‏أحلام قلبي كبيره من كبر شاني
‏ و الصعب لاهل الصعب تتسهل دروبه

‏ مدري على وين بمشي لكن إيماني
‏ أصدق من إيمان مذنب مسّته توبه

‏ عندي يقين بعدل ربي وميزاني
‏ من عاش يتبع ضميره فاز بحروبه
‏
‏ ماطيح الله هالدعوات بلساني
‏ إلا وهي ليّ مقسومه ومكتوبه

ما لعب فيني ولا وراني نجوم القوايل
‏غير عذراً كنّ شمس الصبح تشرق من نحرها

‏كن عمري قبل لا أعرفك مقدار زلّة
‏وكل حاجة بعد ما جيت على قياسي

‏غاسل الصدر من ضِيقه وشرّه وغله
‏من حنانك، أحس الوقت ما عاد قاسي

‏وروحي اللي من الإرهاق، لبسي تملّه
‏إستراحت معك، يا أريح علي من لباسي

‏جيت قَفري مجيّ المزنة المستهلّة
‏وإستقرّت مشاويري، و شددّت باسي

‏أعطني كفّك، المنديل ما أبغاه، خلّه
‏كفّك آرهف من المنديل على المآسي
‏

‏"تسامحت مع نفسي وهون علي دعاي
‏خصوصاً دعاي اللي دعيته وأنا ساجد

‏غمرني شعور من الرضا للزمان الجاي
‏ولا صار عندي خوف من عضة الناجد

‏اثر من عطاه اللّٰه نزاهة ضمير ورأي
‏ يغيب الغياب، اللي يخليه متواجد

‏لا تشره عليّ يوم أبتسم في وجيه عداي
‏ محبّيني أكثر .. من معاديني بواجد"

أعلّي جروحك فوق لا طيّحوك جروح
‏وأنزّلك وإن ضاق الفضا فيك وجداني

خطاك البحر يا عذب منك الخطا مملوح
وخطاي إني الغرقان و الموج يجفاني

جرحٍ تحت سرج الخيل متداري
‏لا الخيل تشكي ولا الخيّال داري

‏يارب اجعلها ليالٍ تجبر بها خواطرنا

‏عطاها الولي عقل وجمال ودلال وذوق
‏هني الحظيظ اللي من الناس تكتب له

‏على غيرها تفرق بالأسلوب والمنطوق
‏مع زين خد وخشم وشفيّتن ذبله

‏شعرها على الردفين متثنيٍ من فوق
‏طويلٍ معنقـها ومــع زينهــا قبّله