العام چنت كُلش متحمسة لشهر الأمتحانات الوزارية
والسنة خلصت امتحانات المرحلة الاولى

حَبيبيني طُلاب السادِس
العَام چنت مِن ضمنكُم وچنت مثلكُم وبنفس الفترة الي داتمرون بيها حاليًا بنفس التوتر والقلق بنفس التعب والجُهد ، بَس بالنهاية اطبق قولهِ تعالى وهوَ يقول : ﴿ثُمَّ السَّبيلَ يَسَّرَهُ﴾
وتيسر كُلشي راح الخوف والقلق
نجحت مِن السادِس وصرت جامعة كملت فاينل المرحلة الاولى ،
والي اقصدة بكلامي انتوا هَم رح تتيسر حياتكُم وامتحاناتكُم رح تكملون وتفرحون وبالنهاية رح تكتبون ،
﴿ فَرِحِيـنَ بِمَا آتَاهُمُ اللّٰهُ مِنْ فَضْـلِهِ ﴾
كملوا وخليكُم اقوياء لتستسلمون ولتخافون الي كاتبة الرَب وقاسمة الكُم مرح يروح لغيركُم اتأكدوا
لتخلون الخوف يسيطر عليكُم اتحمسوا وافرحوا رح تتحررون العَام اني چنت كُلش مختلفة عن كُل طُلاب السادِس
چنت الطالبة الوحيدة الي مخايفة ولا منضغطة فترة السادِس مِن احلى وانظم فترات حَياتي ،
گلبي وياكُم ويدعيلكُم
وتأملوا خير وبشروا كلبكُم العوض قريب ♥️♥️♥️.

هوَ شعور بسيط يلامس روحنا بفترات التعب
شعور " حُب الله النا "
شعور طمأنينة وطبطبة وسَلام گد ما هوَ بسيط گد ما هوَ عظيم ويهون علينا الأيام الي نعيشها ،
الفترة الي فاتت چانت كُلها عبارة عن لطف الرَب ورحمته وحُبه الي
لو احمد رَبي طول الوقت محكدر اوفي كُل هالنعم 🤍🤍🤍،
فَ دائمًا وابدًا الحَمد لله .

يتم الاختفاء هالايام
خلوني بين دعواتكُم 🤍.