ONLY ARSENAL

🔝የኒኮላስ ፔፔ የእግርኳስ ጉዞ ክፍል ሁለት(2)
·
የአንገርስ ወጣት ቡድን ለፔፔ ራሱን የማሳደግ እድል ሰጠው የ18 ዓመቱን ፔፔ በቋሚነት ወደ ሜዳ ያስገቡት ጀመር የዛ ቡድን አሰልጣኝ በፔፔ የእግርኳስ ህይወት ላይ ትልቅ አሻራቸውን ያሳረፉ ሰው ናቸው አብዱል ቡሃዛማ ፔፔ ሰለሱ እንዲህ ይላል" ፈጣሪ የሱ እጅ ላይ ባይጥለኝ ኖሮ አሁን ያለሁበት ደረጃ ላይ አልደስስም ነበር" ። ቡሃዛማ ፔፔን ለውጦታል በኳስ ብቻ ሳይሆን ከኳስ ውጪ ያለውን ህይወቱን እንዲያስተካክል አድርጎታል፣ከአስተማሪዎቹ ብዙ ቅሬታ ይቀርብበታል የወጣቱ ፀባይ አስቸጋሪ ነበር ቡሃዛማ ይሄ አሳስቦታል ጎበዝ ተጫዋች ነው ፀባይ ግን ይጎለዋል።

አንድ ቀን የፔፔን የእግርኳስ ህይወት ሊያበላሽ የቀረበ ነገር ተፈጠረ፣ ፔፔ ከቡድን ጓደኞቹ ጋር በፓሪስ ጎዳናዎች ላይ እየተጓዙ ነበር፤ወደ አንድ ሱፐር ማርኬት ገብተው የቾኮሌት እሽጎች ሰርቀው ይመገባሉ፣ገንዘብ አልነበራቸውም ሳይከፍሉ ለማምለጥ ሲሞክሩ በጠባቂዎቹ ተያዙ፣ያ ድርጊታቸው ክለቡን አስቆጣ

ፔፔና ጓደኞቹ ሊባረሩ ሆነ ያ ሁሉ ልፋትና አድካሚ ጉዞ በዛች ቾኮሌት ምክንያት መና ልትቀር ነበር፣ቡዛማ ስለዛች ጊዜ ያስታውሳል" በጣም ፈርቶ ነበር ፕሮፌሽናል ኳስ ተጫዋች የመሆን ህልሙ ሊያበቃ ነበር" ፣ አሰልጣኙና ፕሬዝዳንቱ ግን አንድ እድል ሰጡት፣ ራሱን እንዲያሻሽልና ብዙ የመሰለፍ እድል እንዲያገኝ በዛው አመት በ #ሻምፒዮናት_ናሽናል ለሚጫወተው ክለብ #ኦርሊያንስ በውሰት ተሰጠ

ኒኮላስ ፔፔ ያንን ክለብ ወደ ሊግ 2 እንዲያድግ ትልቅ ሚና ተጫወቶ ወደ እናት ክለቡና ወደ ዋናው ሊግ ወዳደገው ክለቡ አንገርስ ተመለሰ፣በዛ ሰዓት ነው የፔፔ ህይወት የተቀየረው ወደ ታላቅነት ለሚያደርገው ጉዞ መሰረት የሆነ ነገር ተፈጠረ።

አንገርስ ከ ሬኔስ ጨዋታ ነበራቸው የቀድሞ የሪያል ማድሪድ መልማይ #ሉዊስ_ካምፖስ አንድ የሬኔስ ተጫዋች ለማየት ጨዋታውን ታድሞ ነበር፣የፔፔ ብቃት ግን ካምፖስን ሌላ ተጫዋች ሊያሳየው አልቻለም፣ጥሩ እንቅስቃሴ አሳየ አስገራሚ የግራ እግር ጎል አስቆጠረ፣ካምፖስ ሌላ ተጫዋች ለመመልከት ቢመጣም ልጁን ግን ያየው አይመስልም ፔፔ ነበር የጨዋታው ኮከብ አይኖች ሁሉ እሱ ላይ ነበሩ

ያኔ ካምፖስ ወደ ይህ ድንቅ የመስመር ተጫዋች በትንሽ ቲም እንዲጫወት አልፈለገም በአንድ ቃለመጠይቅ ስለሱ እንዲህ ብሏል << በዛ ጨዋታ ባየሁት ጊዜ ወዲያው ወደድኩት ይህ ልጅ በትልቅ ደረጃ መጫወት ይገባዋል ትልቅ ክለብ ላይ ሲገባም ለብቻው መግነን እደሚችል አምን ነበር >> ብሎ ስለ ብቃቱ መስክሮለታል

ያሁኑ የሊድስ ዩናይትድ አሰልጣኝ #ማርሴሎ_ቤልሳ በዛ ሰዓት የሊል አሰልጣኝ ነበሩ ካምፖስም ስለ ፔፔ ሹክ አላቸው፣ማርሴሎም የፔፔን ብቃት ለማየት የአንድ ጨዋታ ቪዲዮ ማየት በቂያቸው ነበር 2017 ላይ ኒኮላስ ፔፔን አስፈረሙት ለፔፔ አዲስ የህይወት ምዕራፍ ተከፈተለት ልጅ ሆኖ ፕሮፌሽናል ተጫዋች መሆን ይፈልግ ነበር ከድሀ ቤተሰብ መወለዱ፣በታዳጊ እድሜው መልማዮች በሱ ብቃት አለማመናቸው ከህልሙ አላስቀረውም አሁን ለኛ ለመድፈኞቹ ያበቃውንና ለአለም ያስተዋወቀውን ሊል ተቀላቀለ።

ሆኖም አይቮሪያኑ ኮከብ በመጀመሪያው ዓመት አልደመቀም ማርሴሎ ቤልሳ የፊት አጥቂ አረጉት ይህ ለፔፔ ምቹ ቦታ አደለም እንደልቡ እንዳይጫወት ሆነ ሊልም በዛ አመት ጥሩ አልነበረም ማርሴሎ ተሰናበቱ።

አሁን ፔፔ ወደኛ ክለብ የመጣበትን ምክንያት የፈጠሩት ሰው መጡ፣#ክሪስቶፍ_ጋልቲየር። እኚ ሰው ታክቲክ አዋቂ ናቸው በወጣቶች ያምናሉ አጥቂያችን ኦባሚያንግን በሴንት ኢቲያን አሰልጥነውታል እዚ ለመድረሱ ወሳኙ ሰዎ ናቸው፣ፔፔንም ለዚ አብቅተውታል የሱን ችሎታ አይተውታል

የቡድኑን ታክቲክ ወደ 4-2-3-1 ቀየሩት ፔፔም ወደ ደመቀበት የቀኝ ክንፍ ቦታ ቀየሩት ነገሮች ይሄኔ ተቀየሩ በፔፔ ብቃት ውስጥ የሊል ድንቅ የውድድር ዓመት ተፈጠረ፣ቡድኑ በፔፔ ላይ ተሰራ ያቀብላል ያገባል በፍጥነቱና በምትሃተኛው ግራ እግሩ ተከላካዮችን ማሸበር ስራው ሆነ፣ሊል ከሃያሉ ክለብ ፒ ኤስ ጂ በመቀጠል ሁለተኛ ሆኖ አጠናቀቀ ፔፔም በኮከብ ግብ አግቢነቱ በምባፔ ተበልጦ ሁለተኛ ሆኖ አጠናቀቀ።

ይሄኔ የአውሮፓ ታላላቅ ክለቦች አይናቸውን ወደ ፔፔ አዞሩ ከሙኒክ እስከ ናፖሊ ከሊቨርፑል እስከ ማን ዩናይትድ ሁሉም ፊርማውን ለማግኘት እሽቅድድም ያዙ፣ፔፔ ግን ከነዚህ ሁሉ ታላላቅ ክለቦች አንድ ክለብ መርጧል ታላቁን አርሰናል። አሁን ፔፔ መድፈኛ ነው የታላላቆቹን ቤት ተቀላቅሏል የዚህ ልጅ ህልም በአስቸጋሪ ሁኔታዎች ውስጥ አልፎ ወደ አንጋፋው ክለባችን አርሰናል መርቶታል።

ቤተሰቡ ብዙ ለፍቶበታል አባቱ እጅግ ጠንካራ ሰው ናቸው ፔፔና ወንድሙን ለማሳደግ እድሜያቸውን ሙሉ ለፍተዋል ፔፔም ይህ ይገባዋል ቤተሰቡን ይወዳል እረፍቱን ከእናትና አባቱ ጋር ያሳልፋል፣ህይወታቸውን ቀይሯል ለልጆቹ ሲሯሯጥ የኖረውን አባቱን አሳርፏል ፔፔ አሁን ሚሊየነር ነው።

ገና ከልጅነቱ ድህነት፣ስደተኝነት፣ አይቷል በእግርኳሱም ቢሆን ብዙ ተስፋ አስቆራጭ ነገሮችን አሳልፏል ፔፔ ግን እነዚ አልበገሩትም እግርኳስ መዝናኛው ብቻ ሳትሆን አላማውም ነበረች ከፖይቲርስ እስከ አንገርስ ከኦርሊያንስ እስከ ሊል ረጅም ጉዞን አድርጎ አሁን ወደታላቁ አርሰናል መቷል የህይወቱ ወርቃማ ጊዜ ላይ ይገኛል ገና 24 አመቱ ነው ከሱ ብዙ እንጠብቃለን።

"SHARE" @ethiorse

1.73K viewsedited 05:33