على مهل الجروح اللي تزاحم والحزن بالدور
سحايبها على صحراء شعوري تبرق وترعد .

لا يغرك إني ما أشكي الحال وأقول :
‏حتى لو أضحك ضحكتي لا تغرّك
‏
‏لي حول والله وأكثر شوي من حول
‏⁦ أعيش⁩ ⁦ بحاله⁩⁦ جعلها⁩ماتمرّك⁩ .

شايلٍ همّه وصدره على الهم ضاري
صايرٍ مثل شيّال الجمر في حثوله .

شفتك وسلّمت لي قلبك ومزلاجه
وأصبحت تنهى على كيفك وتآمرني

كنت أحسب إنك طبيب القلب وعلاجَه
وأثرك تدوّر على أدنى شي يكسرني .

‏جيت من عمر الجفاف أنطر سحابه
‏شايل الدنيا على راسي وصدري

‏صمتي صمت اللي أكل قلبه عتابه
‏لو تقول أوصف شعورك قلت مدري .

إطلالتك ﻻ جفّ وجه الزمن ديم
‏تبسّمي يا حيّ هالصوت والزول

‏الناس مبسوطه على الصبح والغيم
‏واللي صباح و غيم وأنتي وش يقول؟ (:

‏يا محلا السوالف منّك يالنادر المملوح
‏تعيّش الخلايق في رضا يوم تسمعها

‏أحبك ولا أعدّك سوى قطعة من الروح
‏عسى الروح قبل إني لا أودّعك أودعها .

عذب الكلام اللّي معك ما يجرح الحُب النبيل
‏إعتق نسايم كلمتك و أسمح لها الليله تهبّ

‏سولف ترى صمتك طويل و ليلي الأظلم طويل
‏ولا يقصر الليل الطويل إلا سوالف من تحبّ .

على هونك ترى ماني من اللّي يتبع المقفين
‏ونفسي ماتحب الهون لو كان الطرف غالي .

ودي أقعد معك ساعه لو ماعيش إلا هي
‏أُمنيه و الأمنيه تصعب على طالبها

‏فصل فنجال قهوه من يدك ولاشاهي
فرصةٍ ياحظ منهو فالعمر يكسبها

أتقهوى كل عيونك وقلبي ساهي
‏في وصوفك يا أعذب وصوف البشر وأغربها

‏وكل ما مديت ببيالتك وأنا فاهي
‏ويش أسوي ؟ أقول بيالتك ولا أشربها ؟ ❤️.

‏حكم القدر ياحبيبي صعب تغييره
‏مدام بعت الحبيب اللي لكم شاري .

ولا لي ورى الماضي حسوفه ومرجاع
وأقفت ركابي مانويت الرجوعي .

ياغرام يندعى به على الصدر الرحُوب
‏من ظفر به يشكر الله على حسن المئاب

‏أنت غاية من تمنّى ونكسة من يتوب
‏معك ياهون المصايب وياكبر المصاب

‏فيك مصياف الخواطر ومرباع القلوب
‏وفيك من نجد العذيّه عواصيف المهاب

‏وفيك يلقى اللّي يحبك من الواقع هروب
‏ما درى إنه رايح من عذاب في عذاب .

أشوف البدر في جِيده وسواد اللّيل قذلاته .