‏لا عاد تنشدني ورى الخاطر حزين
‏إن كان عندك عقل شفني و إعتبر

‏الفقد يوجع و الغياب أحيان شين
‏ولا تنفع الحيله إليا باح الصبر

‏واللّي يقول مع الشتاء الخطّر تزين
‏ما جرّب الفرقا ولا الحظ الغبر

‏بدا يطول اللّيل و يزيد الحنين
‏للغايبين اللّي ما طقو لي خبر (:

جعلني قدام لا أموت ما أزعّل صديق
‏وجعلني ما أرد محتاج ولا أفشّل خوي .

يموت حب الناس والجرح مامات
‏ويسيل دمع العين دام الغلا حيّ

‏لاعاد ترجي رجعة الوقت لافات
‏اللّي مضى لايمكن يغيره شيّ .

حاول تميّزني عن باقي الناس
‏مالله خلقني يا أبيض الوجه عادي .

على مهل الجروح اللي تزاحم والحزن بالدور
سحايبها على صحراء شعوري تبرق وترعد .

لا يغرك إني ما أشكي الحال وأقول :
‏حتى لو أضحك ضحكتي لا تغرّك
‏
‏لي حول والله وأكثر شوي من حول
‏⁦ أعيش⁩ ⁦ بحاله⁩⁦ جعلها⁩ماتمرّك⁩ .

شايلٍ همّه وصدره على الهم ضاري
صايرٍ مثل شيّال الجمر في حثوله .

شفتك وسلّمت لي قلبك ومزلاجه
وأصبحت تنهى على كيفك وتآمرني

كنت أحسب إنك طبيب القلب وعلاجَه
وأثرك تدوّر على أدنى شي يكسرني .

‏جيت من عمر الجفاف أنطر سحابه
‏شايل الدنيا على راسي وصدري

‏صمتي صمت اللي أكل قلبه عتابه
‏لو تقول أوصف شعورك قلت مدري .

إطلالتك ﻻ جفّ وجه الزمن ديم
‏تبسّمي يا حيّ هالصوت والزول

‏الناس مبسوطه على الصبح والغيم
‏واللي صباح و غيم وأنتي وش يقول؟ (:

‏يا محلا السوالف منّك يالنادر المملوح
‏تعيّش الخلايق في رضا يوم تسمعها

‏أحبك ولا أعدّك سوى قطعة من الروح
‏عسى الروح قبل إني لا أودّعك أودعها .

عذب الكلام اللّي معك ما يجرح الحُب النبيل
‏إعتق نسايم كلمتك و أسمح لها الليله تهبّ

‏سولف ترى صمتك طويل و ليلي الأظلم طويل
‏ولا يقصر الليل الطويل إلا سوالف من تحبّ .

على هونك ترى ماني من اللّي يتبع المقفين
‏ونفسي ماتحب الهون لو كان الطرف غالي .

ودي أقعد معك ساعه لو ماعيش إلا هي
‏أُمنيه و الأمنيه تصعب على طالبها

‏فصل فنجال قهوه من يدك ولاشاهي
فرصةٍ ياحظ منهو فالعمر يكسبها

أتقهوى كل عيونك وقلبي ساهي
‏في وصوفك يا أعذب وصوف البشر وأغربها

‏وكل ما مديت ببيالتك وأنا فاهي
‏ويش أسوي ؟ أقول بيالتك ولا أشربها ؟ ❤️.