"لا شيء أجمل من أن يكون قلبك مُسالمًا في هذه الحياة 💜"

الحرية: أن لا تنتظر شيئاً ..!!❤

اياك ان تنهزم إياك أن تضع العذر في سوء حظك أمام ما تتمناه قاوم🌸

كم مرَّة كُنتَ عاوز تقوم بالليل تصلِّي ليك ركعات قِيام وتسجد لربَّنا بس كنتَ تعبان، مساهر، يومك كان طويل
وقلتَ خلاص ح أقوم بكرة إن شاء الله!

كم مرَّة جيتي تلبسي طرحة كبيرة وتوسِّعي البلوزة شوية وتلبسي سكريت واسع، بَس قلتي بعد الأيام دي تمشي أنا حاسة روحي لسه بعيدة وعايزة ربنا يهديني بعدَّاك اتحجب!

كم مرة طيب؟
جيت تقرأ وردك من القرآن ولقيت إنو عندك شغل كتير أو امتحانات قربت وكاتمة فيك
قلتَ خلاص، ح اقراو بعدين
وبعدين لسه ما جات!

ولما جيتي تلبسي النقاب وحسيتي روحك بعيدة ومحتاجة تلتزمي أول وتقرِّبي من ربنا أكتر حتى تلبسي النقاب - ظنًا منك إنك ح تكوني خصمًا على المنقبات- لو لبستيهو وانتي لسه ما ملتزمة
مرات كتيرة شديد، بنكون عايزين نعمل طاعة وبنقول بعدين
عايزين نتصدَّق، بَس ما هسي ،بعدين لمن يكون معانا قروش!
عايزين نصلي نافلة بس بعدين عشان هسي عندنا صداع أو أي مانع تاني

الشيطان بحب يثبِّطنا، بحب كلمة (بعدين) دي شديد
عشان هو عارف تمامًا إنو ماف بعدين ح تجي ولا شي
قطار العمر ماشي وما معروف آخر محطة متين!

ربنا سبحانه وتعالى
بحب الأثر الناشئ عن الطاعة
كيف؟
التعب البتتعبو في طاعة معيَّنة، ربنا بحبو وما بنساهو ليك ،بل يضاعف أجرك أكتر وأكتر
ربنا عز وجل
بحب خطواتنا المتعثِّرة دي ،البسيط الدايِم
بتذكر أيام الحفظ
رفيقتنا كانت عيَّانة شديد ،كان عندنا دروس توحيد مصاحبة لحلقات الحفظ، لما ابتدا الدرس
رفيقتنا دي جات وكان بادي عليها أثر التعب والمرض، قعدت طرف، واتكأت على الحيطة وبقت بتسمع
بتذكر وقتها الشيخة قالت لينا تعقيبًا على الموقف ده :

"أكرمُ الخطوات على الله، خطوةٌ تمشيها متحاملًا على ألَمِك"
اتخيَّل!
تدوس على ألمَك وتواصل مشي، تتناسى المرض وتواصل سعِي، تتجاوز التعب وتواصل مسير
الله الله من الخطوات البتمشيها في طريق ربنا
حاشاه ينسى تعبك، ألمك، سهرك في طاعتو، مجاهدتك في سبيل رضاهو!

نواياكِ الطيبة ،كلماتك الصادقة، دعواتك بأن يرزقك الجنة وما قرَّب إليها من قولٍ وعمَل
جاهدو في سبيل ربنا ياخوانَّا
واللهِ إن لِلْطَّاعة وقت المرض والتعب، لذَّة ما ذاقها إلا من عرف الله والجهاد في سبيله وأحبَّه
إنك حتى وانتِ عيانة ما تنسي نصيبك من النوافل ، إنك حتى وانتَ عندك امتحانات ما تنسى وردك من القرآن

الطريق لربنا ما ساهل ياخوانَّا ،لو كان ساهل كان لقينا كل الناس دي ماشة فيهو!
الطريق صعب، وعايز مجاهدة كبيرة، ورِفاق يعينُوك على مشَقَّة الدرب ويقصِّرو معاك طول الطريق
ولأنُو كل شي في الدنيا دي رِزق، اسألو ربنا الرزق الطيب من الأصحاب ومن بعد، اسألوه يقوِّيكم ويعينكم ويرزقكم الصبر على الطاعات والصبر عن المعاصي
"واصبِر نفسَك مع الذينَ يدعونَ ربَّهم بالغداةِ والعشيِّ يريدُونَ وجهه ولا تعدُ عيناكَ عنهم تُريدُ زينةَ الحياة الدنيا"

وفي الختام
قَد يكُونُ الدَّربُ صعبًا... لا تميلُوا ♥️

وشُكرًا
وعفوًا
#صفية_مصطفى

" انا م ندمت على اي علاقة في حياتي وفخورة جدا بأي انسان عرفتو ومبسوطة بالونسات البسيطة البتخليني افرح فترات طويلة وقاعدة في قلبي لحدي هسي بالجد انا م خسرت زول بالعكس كسبت مواقف جميلة جدا الدعم الكان بيقدمو لي اي زول في اي حتة و اي مناسبة خلاني اقتنع انو انا نهائى ما خسرانة ولو استنفدت كل طاقتي في اني انقد علاقتي مع اي زول فأنا م ندمانة على اي شيء لانو حرفيا اي زول دخل حياتي كان وحيفضل عظيم " ، على الاقل من وجهة نظري....

#ايلاف💛✨

ما عايز احلف بس الي بيقرأ المنشور داا قمرررر
ومتغطي ببطانيه وتلفونه صامت.💔

-


عندما بشّر الله نبي الله زكريا عليه السلام بـ (يحيى) عليه السلام، تعجب عجبًا شديدًا، فهو يعلم انقطاع الأسباب، هو شيخ كبير، وامرأته عاقر لم تُنجب منذ شبابها، فكيف سيُرزق الآن بمولود وهو الأمر الذي لا يُعقل!
حتى بلغ به من شدة تعجبه، أن طلب من الله (علامة) تدل على ان هذه البشرى حق ومن الله تعالى، أراد أن يطمئن انه لا يتوهم ما سيحدث له من الفرح المنتظر أعوامًا وأعوام!
فقال (رب اجعل لي آية)..
-وكان جواب الله عليه أن قال له : (آيتك الا تكلم الناس ثلاث ليالٍ سَوِيًا) !
يعني أن آيتك يا زكريا والتي تدل على صدق ما بشرتك به، أنك لن تستطيع أن تكلم الناس لمدة ثلاثة أيام، وانت (سَويًا) !
يعني وانت سليم اللسان، والعقل، والمَخارج، لا عيب بك يمنعك من الكلام مطلقًا، لا مانع (جسدي) يمنع كلامك، لكن الإعجاز في الأمر انك رغم ذلك لن تستطيع الكلام مع الناس لمدة ثلاثة ايام!
-كيف هذا ؟!
-هذا أمر الله..
ولعلك إذا تفكرت في (البشرى بـ يحيى) و (الآية بعدم الكلام)
تجد أن الله أراد ان يعلمك امرًا عظيمًا..
ففي البشرى بـ يحيى ، كان زكريا لا يملك الأسباب جميعها، هو شيخ كبير وامرأته عاقر لا تنجب، {ورغم ذلك رزقه الله بالذرية رغم انقطاع أسبابها}..!
وفي الآية بعدم الكلام، فقد كان زكريا يمتلك جميع الأسباب، صحيح اللسان، والعقل، والمخارج، لديه الإرادة في الكلام، {ورغم ذلك لم يستطع التكلم مع غيره لمدة ثلاثة أيام، فقد سلبه الله المقدرة على الكلام رغم وجود أسبابها} !!
لتعلم ان الله إذا أراد شيئًا أتاك به دون أسباب، وإذا أراد ان يمنعك شيئًا منعك إياه مع وفرة أسبابه..!
لأن الله لا يُعجزه شئ في الأرض ولا في السماء ، وهو على ما يشاء (قدير)!
فسبحان من يرزق بسبب ودون سبب وضد السبب، سبحان من إذا أراد شيئًا قال له كن فيكون.

أنا هُنا ، عِندما تكوُن لديكِ
أحلام سيئة ، و عِندما تشعرِ
أنكِ لا تستطيعِ الحديث ،
عِندما تشّعرِ بأن روحك
مُتعبة ، بغَض النظر عَن ما تمُرِ بهِ ،
أنا هُنا 💗.

•



#‏ستبقى الحياة جميلة ما دام هُناك أشخاص قلوبهم كالغيّوم
جميلون بأخلاقهم وكلماتهم..
ابتسمو ودعوا الحزن #يمضي بعيدا عن وجوهكم الجميلة ....
مساءكم #ابتسامة وراحة بال #وسعادة تملا قلوبكم ..🍃

📖✏️📜
.


❣

.



#ليس هناك وسادة ناعمة في هذا العالم مثل الضمير #النقي !🍁
َ





❣

.




صَاحب #الهَدفْ لايلتفت للمغرَيات !؛
َ




❣

جيب يدك اعفص ليك حبي ☺️❤️

" ‏ولكن الإنسان يتأذى بقدر العشم! "

_ الأذى الناتج من التعرض لأي موقف مؤذي بكون على قدر مكانة الشخص ال بدر منو الموقف و بقدر العشم فيه .

_ الكلمة السيئة م دايماّ بتكون مؤذية ، بس لمن تجي من الإنسان اللي مفترض إذا اتوجهت ليك كلمة سيئة هو يرد عليها حتبقى مؤذية شديد .

_ حاجة حزينة جداً انو اكتر انسان بهمك يخيب توقعاتك كلها و م يبقى قدر العشم ، يكسر خاطرك اللي مفروض هو يجبرو ، يسمعك كلام عمرك م اتخيلت تسمعو منو ، و يتصرف تصرفات تخليك تتأكد انك م بتعرفو .

_ العشم مؤذي ، الخيبة ال بعد العشم مؤذية لأبعد حد ، ف بتطل تتعشم في شخص ، بطل تتوقع مكانتك عند شخص ، صحتك اهم ، و خيبة العشم من أكبر مدمرات الصحة .

_ في آخر المطاف ❤️:

" التجارب حولتني من إنسانة بتكره الوحدة ، لإنسانة بتفضل الوحدة مية مرة على العلاقات ال نهايتها خيبة ، لإنسانة بطلت تتعشم أبداً ، في كل صباح بقول لنفسي " يمكن تكون النهاية معاهم الليلة " ، عدم العشم مريح لأبعد حد " 🫀🦋.

#حوراء_محمد