-زين هسه بسبعه خل أروح أبدل

-الله وياچ...
غسلت وجهي فرچت أسناني
لبست جنز رصاصي
و بدي داخلي مال سترة ابيض
و كوت اسود لحد الركبه مفتوح
مكياج خفيف....رتبت ألشال...ألفون رن أبتسمت
رمشلي
شلت غراضي أنزل الدرج....عمي خالد بوجهي

-صباح ألخير خالد....
-صباح الخير رح ترحين وي ألولد...
-أي عمو
-تمام أتفقت وياه على السعر لأن والدچ محینزل

-مشکور خالد

-لچ کولي عمو...

-أخاف عليك تكبر

-ههه الله وياج جوجه مااكدرلچ

طلعت بسرعه آلحبيبي...سیارته مقابیل بیتنا
یا فرحتي من شفته..
إتطمنت من اجه
اول ماصعدت يباوع عليه الضحكه ماليه وجهي
وهو وعيونه بعد بيها اثار بجي دمارات حمر

سديت باب ألسياره وگلبي معصور حزن عليه.
ليش،هلكد حزين ....بضحك همستله

- شلونك

-زين بشوفتج وانتي

-كلش زينه.........جر حسره باوع عليه

-حبيبي شنو تريكت

-ماأحب ألريوك وما اتريك الصبح قبل ال٧ اتقياء متتحمل معدتي....

طبينه بازدحام الكراده على الجادريه..
يسوق والزدحام بكل مكان
بالسيارة تعبنه من التأخير
نحچي بكلشي
وعلى اي شي ...ماعرفنا نسكت دقيقه ....جر حسره
وهو يباع للازدحام

- یاوجع گلبي....جوجه ماعرفت طعم الحياة
أله بوجودج...
يجوز طبيعتي أريد كلشي مره وحده...
تعرفين گلبي ركص ركص مهوال...من شفتچ

بس صبرت ولي يصبر ينول.. ..
واني نلت
أريد أهدي نبضات گلبي جمانه......بسرعه وبخفه كرص ايدي......فزيت متوجعه

-وي ليش كرصت أيدي.

-ههههه اسف حبيبي أريد اشوف أليمي مو خيال
درت وجهي
-مااريد أحچي وياك
-أسف
- ما.....التفت عليه جر ايدي...منتظر أسامحه
-صمونتي تدلل عليه....وهذا احلى شي احبه بي تتدلل
أو احب شي على گلبي دلالج...

-حسامحك

-أدللي أبويه الدلال مانخلق ألا الج
دار سيارته وكل شوي يباوع عليه مثل ممصدك
يباوع بضحكه حتى كتله اخر شي بنتر

-حيدر انتبه للطريق..

-ههههه النظر للجمال حسنه

-لا صدك عود تحجي

-الجمال وحده من عطايا الله...
بس ربچ لطیف بعباده.......
حچي يذوب الحجر...

مديت أيدي فتحت الحافضات مال الاقراص مالته لكيت بيها اقراص لكاظم قديمه
من ظمنها احبك جدا

-حيييل تتذكر
-ههه يوميه اسمعها او بين يوم ويوم
-زین غير كاظم الساهر شتحب بعد
-حسام الرسام نساني الي سكن كلبي
-وبعد
-وبعد جيبي البيدج.....ناوشته اخذهن
وشغل قرص مكتوب علي يوميات رجل مهزوم
شغل بيه اغنيه بعد الفراق لكاظم الساهر

بعد الفراق
رأيت الصبر شيعني في صحوة الفجر
امشي مشي سكرانِ
يخيفني الليل
والذكرى تعذبني
وحارب النوم ذاكرتي واجفاني

مدينة الحب , أمشي في شوارعكِ
وانا أرى الحبَ محمولا بأكفاني
صبّوا العذاب كما شئتم على جسدي
فلا شهود على تعذيب سجاني

رجعتُ للدارِ , أمشي فوق نيراني
كفاً لكفٍ
يقود خُطايَّ حرماني
هل من مجيب ؟
أنا في الباب منتظرٌ
لا أحمل الورد
أحمل طوق أحزاني

ألغنيه حزينه بقيت أباوع ألوجه..
حسيته اختنك حيل.....مد أيده تلمس أيدي الي جانت
بحظني
ردت أجرها...عصرها بقوه وبلطف
يتلمسها بأصابعه.....السير واكف
من انفتح الطريق شال ايدي خلاهه على الكير
بدل سرعه ومشى
ورجع ايده وأيدي ألحظني

لل8 احنه مواصلين ....ركن ألسياره..
نزل واشرلي تعالي....
تأخرت على ألجامعه....همزين محاضرتي بتسعه
نزلت وراه
دخلنه مطعم اوبن بوفي ريوك...
كعدنا.....
-شطلبين حبيبي...
- كهوة بيضه مخلوطه بكهوه سوده.......
طلب چاي وجاب وي طلبيتي نوتيلا وصمون

-جمانه لازم أكل..
-سويلي لفه نوتيلا......سوالي لفه اكلت اول لكمه
-اكول الدباديب شلون صارو دباديب
اثاري ياكلون نوتيلا بالصمون.... باوعتله صفح بخزرة
-حبيبي بالعافيه ابويه انت
كلشي حلو عليج مادامج انت
ذبيت اللفه وشربت الكهوه
-ليش ماتاكلين
-شبعت
-يولي بس لا تحسستي من كلامي
دخيل محمد تره اتشاقه
اكليها الخاطري
-لا والله شبعت ماكدر بعد الكهوة ثكيله
- ابويه انت تره والله اشاقه
يعني قابل انتي جايه غصب عني
شو اني الي احبج
واني الي اعرفج من زمان
لو ماتعجبيني شلون ابقى وياج
-ماكو شي شبيك ما اشتهي وخلاص

-حطي ابالج لو افتر العالم كله
ما الكه جمانه ثانيه
اني ماحبيت شكل لو جسم
اني حبيت جمانه لو مهما تتغير جمانه
تبقى جمانه وحده بالدنيا فهمتي
-اوك اوك راح اكل انت الي تحسست ترة
اني بس الكهوة حسيتها ثكلت معدتي+كلماتك الجميله
بعد ما اكدر اكل عادي تصير عند الناس وما ينقهرون

-اويلي تعجبيني من تقلبين الطاوله على اليتناقش وياج وتخلي يصفن
يول هاي رزاله لو كلام عادي

-لا عادي.... اكلت وكملت ورحنه للكليه

احلى ايام مرت بحياتي ايام
احلى منها حيدر
يوميه يمي اصدقائي
هسه ماكو مجال اشوفهم بعد
حيدر يفهمني ويشرح الاشياء الصعبه عليه
اختصاصي قريب حيل من اختصاصه
وهو ذكي ويتذكر كلشي
يجنن كلشي بي حلوو
لحيته سماره من يلزم ايدي
واباوعله واشوف الفرق بين بياضي وسمارة
حيل احب شخصيته قويه
حيل مو من الزلم الي تتقشمر رأيه واحد
لو تنكلب الدنيا

مايغيرة
الا تصير كارثه يالله يتنازل شوي

يوميه ننزل نتريك بهذا المكان
الى ان علمني اتريك مثله
من كدما يسويلي لفات صغار
وينطيني نشرب جاي بكوب واحد
يخلص ونجيب غيرة
هيج تعودنه لا اراديه
هو يشرب بالكوب مالتي

وعايف كوبه الى ان صارت اعتياديه
نجيب كوب واحد
تليفوناتنه متسكت

رسائل بالدقايق كلها حب وغزل واشتياق
كومه تنفتح مواضيع قديمه
ويصير عتب ودموع الى ان اتفقنه
بعد مانفتح اي شي بالماضي
ادخل محاضرات بالتسعه
واطلع بال2 وهو يبدي ب11 اول محاضرة
ويخلص مثلي
اثناء المحاظرات مانلتقي دائما
خصصت بين المحاضرات اشوف اصدقائي..
كعدت يمهم......عباس ،صادق،نهى ،وشهد
نظراتهم غريبه يباعون ورافعين حاجب....كال عباس

-جوجه أنتي صديقتي هسه احجي كلشي
شعندج ويه ابو الماجستير....

-عباس والله جيران قدماء
وهمات صار الخط مالتي ......صادق ارتجى علميز

-زين ليش عفتي خطج ورحتي وياه

-صادق خويي اريحلي لأن سيارة صغيرة توصلني بسرعه بلا دوخه.....

شهد ارتجت مثل عباس ،وصادق.....

-زين حبيبتي جوجه خطج چان حلو مضبوط

-أووف ماكو بنات جيران وياي بالكليه
حته تجي ويانه بالخط.........نهى اشرتلهم عود دورها

-جوجه هو بيته بالدورة عباس سأل
وانتي بالكراده شلون جيران

-شلنه بالدورة فترة وووو رجعنه للكراد.....
اووف متخلص الاستفسارات مالتكم
بعني لازم اقنعكم بجواب......ادري بيكم تحبوني
بس أرجوكم خلوني براحتي...

رمشلي حيدر....طلعت منهم يارب ألى متى أخبي
ماريد احد يدري الي بيني وبين حيدر شنوو
وهم يسألون...

أقتربت أمتحانات الكورس الثاني...
تركت كروبي ألي چنت آقرا بیه..
لأن حيدر يقريني...
ألدروس صعبه
متت كل فكرة من افكار المواد يرادلها دماغ وحدها يشرح ويحاول يفهمني
واني كوة اركز بالماده من اباوعله وهو يشرح
ويحرك ايدي ادوخ احس اذاناتي بعد ماتسمع الكلام الي داينحجي احير بترتيبه بعطرة
أيده والساعه والمحبس...

خرب شكد بي كمية رجوله وجاذبيه متنحمل
اركز زين بيه..
إكول لا اني لان احبه هيج اشوفه ....
صادف ألخميس....جاي أطلع واشوفه كاعد
يم باب الجامعه....
طلعت موبايلي....ومن ورى الأشجار
كصيت له صوره شلون يدخن...ويجر نفسه
وشلون يضيك عيونه .....

مشيت الحد عنده...شمر جكارته...
-يله أروح حبيبي .....يسوق مبتسم
لأن اباع عليه...وصلني للبيت...
ماتصلت عليه ألتهيت بحمودي أخوي مريض..
الحد ألسبت أختنكت عليه
وتضايقت حيل مشتاقتله
من الخميس ماشايفته
احس طاقتي فرغت دقيقه ورا دقيقه
رن عليه....واول مافتحته نهديت بي

- ليش ماتسال ماتكول اشتاقتلي
ماتفكر بيه ....
-حبيبي والله شغله أمنيه اطلبت منه نغلق كلشي
ودزيتلج رساله..

-لا لا انت مااتحبني ابد....

-ابويه انتي اشكد مجرمه....أدموعي مشرحت حبي
يول حتى دمي شرح...

-دمك...شوكت

-حبيبي شسوي واراضيج ابويه...لاتبچبن‌
أروحلچ فدوه...
-ماااتحبني حيدر
-خرب حيدر وعشيرته أذا مايحبچ...
یول أهدأي غمضي عيونج
وتخيلي نفسج نايمه بحظني
ودا العب بشعرج
بضفيرتج الحلوة الجنتي تخليها صفح
تخيلي اشيلها ابوسهه وارجعها على جتفج

بجيت بالزايد.....واريد اسكت مكدرت..
وچن حچي يزيد دموعي....

-حيدر شوكت اجي يمك وبعد ماروح
تعبت وضجت وحدي
شسوي هنا وحدي اريدك ألك

-اويلي عليه لچ شلون اليوم تريدين ابتلي بيج
ابويه روحي اني بعد ما اتحمل

-ما ما‌ ..ما اني الي ما اتحمل مو انت

-جمانه روحي هسه ترة فولت
وراح احجي مو خوش حجي

الفضول الي عندي...خلاني عفت روحي
وحرت بيه

- شنو يابه مو خوش حجي يعني شنو قصدك
تهدد تصيح لو تتجاوز
والله ماحجي وياك بعد أذا غلطت

- يبوو باع شفتهمت لج اخخخ منج
شالعه كلبي كون يمج هسه جان عضيتج
من شفايفج على هالعقليه العندج

-لا بالله شو انت ماتعرف تحجي كلام حلو
كلامك كله يخوف

-شتريدين يولي شاحجي حلوو مثلا
اكولج **** لشفايفج لحدما املخهن
لو اكولج ****بين ايديه واشبع روحي من ركبتج لحدما اخليها تصير حمرة
شتريدين يولي روحي افتهمي
من اكولج بعد ماتحمل يعني
اني ماتحمل رجال وحبيبته تكوله
اريد حظنك وحنانك شلون شيسوي
وين ينطي وجهه

- عزااااتت بعينك لك تادب اني ماقصدي هيج
عيب عليك اني شمدريني بيك تفكر هيج

-وهسه دريتي ماريد بعد تكولين
كلام يحسسني هيج
تره ماكدر اسيطر ع روحي
وهذا الدرب اذا فتنه بي تره مامنه رجعه

- شمدريك حضرتك مامنه رجعه
معناهه مجربه لهذا الطريق مووو
-يمعثور يحيدر هسه انت وكتج تغارين

- لا ما اغار بس انت تحجي كلام
يدل ع كلام اخر

-لا ما مجربه سامع اصدقائي يحجون

- هااا عبالي

-شعبالج جوجو ترة اني مو بكدج اني جبير
عمري سبعه وعشرين سنه
شمتوقعه المثلي ماعنده تجارب بهالمجال

حاولت أغير الموضوع

-تعبانه اريد انام.....

-احسن الچ والیه....تصبحین علی خیر...

مکدرت آنام فكرت بيني وبين نفسي
ليش هيج

حجى
شكد مايستحي صدك الولد
ماينطون عين
بس انطيهم شويه مجال
يدوسون زايد ...
ونمت هاي جانت المرة الوحيدة
الي تجاوز حدة بيها ...........رجعت من الجامعه

رجعت للبيت واشوف سرمد عدنا....
-شونك سرمد
-اهلا جمانه....من رخصتك اريد اصعد تعبانه
-جمانه أني من رخصتج أريد خمس دقائق...
يارب شسوي من سنين أحسسه ماأريده...ليش هيج
أنقهر عليه..
لأن هلكد نظيف...

-أتفضل...جر كرسي الي بلمطبخ كعد...اشر بيده

-والله ماأبزز ترى....

-ها لا بلعكس تعرف معزتك كاخ...بس لأن كلت
مجرد خمس دقائق.....جريت كرسي كعدت

-جمانه مااعرف شلون أبدي...بيده موبايله
شوفي رقمچ عندي مرات هواي أجت أفكار بعقلي
أدك عليچ...

-ههههه أدك....

-هههه دوم أنشاء الله الضحكه متفاركج

-أشكرك سرمد..

-شردت أتكول...

-ردت أكول أرسايل ألي أكتبها وماأرسلها ألچ
برغم رقمچ عندي.....كلهن هنا بلمسودات
عيوني ألي تتفحص صورنا من أحنا جهال..
أدموعچ من مره ضربچ والدچ
کلهن من أضوج أذكرهن......خصوص من نزلت ألچ
عثک مال تمر....أشكد فرحتي....
هواي نقاط تجمعني بيچ.....کلبچ وگلبي صافيات

-كافي سرمد تعبت..،كمت بلا ماانتظر حجيه

ثاني يوم صادف ورا امتحانات الكورس الثاني.....
قررت اسوي مفاجأه.....
رحت للكليه مال حيدر.....
أول مدخلت لكيته كاعد بالحديقه...
واشوف يمه أبنيه حلوة... سمرة
ناعمه وشويه عدها شخصيه ملامحها قويه

حيدر وهيه...
يحجون ومندمجين
مبين موظوعهم مهم ....
كعدت على صفحه انتضرة يكمل يالله احجي ويا ضلو تقريبا ربع ساعه يحجون...
وراهه البنيه صارت عصبيه.....

من شفت هل أبنيه
شعور غريب أول مره يصير بيه
ألبنيه وين شايفتها.....أتذكرها.....
جمعت كل ملامحها اريد اتذكرهن

عيون حيدر خلني انساها....
حركاته من يقوس حواجبه متعصب...
وكفته يريد يتجادل وياها...

أناقته وعطره من بعيده...لمعة شعره
گلبي ضعيف كدامه...
مارح يصمد أكثر.
هل وسامه ليش مزوج خصوص..هو كل المميزات
عنده.....
أريد أنفض هل أفكار وبسرعه...
أي الهندسه صعبه...حقه ميريدنا نزوج هسه
مستقبلي دراستي...
لازم أهتم بيهن.........وكفت البنيه كباله وجعتني
تقربت شافني فرح.....بس باوع لعيوني
وين اباع طلع عل البنيه....متوتر ........

-حيدر منو هاي؟؟

-زميلة اليه ...... شونچ حبیبي...
-حيدر منو هاي.....ماچنها زمیله
أشو تحجون مثل ألي تعرفون بعض...

-يول لا تلحين......تعالي...
أمشي وراه واني ضايجه صعدنا بسياره وممصدكته واحس ضام شي عليه..لازم اعرفه واعرف منو هذي البنيه
-حيدر مكلت الصدق

-الصدق اتصدكين گلبچ...

-شصدك كلبي حيدر....لك احس جاي تقشمرني
تجذب عليه...أحجي

هل حجايه حركت شي داخله أندار عليه...يباوع
وعيونه متعصبه...
تحولن من لون اسود بياض صافي
ألون أحمر بسواد ليله كلها غيم رمادي
غيوم وراها عاصفه ترابيه حاره
تحرك الاخضر واليابس
سد حلكه مثل الي ياكل شفته الجوه
مثل ألي ميريد يتعصب

أللحظه خفت منه والدموع ماليه عيوني من چذبه حجى وبنتره..

-لاااااااتكولين چذاب....غمضت عيوني

-لعد كولي وريحني....نظراته الحارقه توصلي
واحس دتخترقني
واني ودي أتعارك وياه أندمه على چذبته
نار بداخلي مشتعله وألم بگلبي...أحبه
أريد أكون وياه....
بس هو جاي يضم عليه أشياء

-شتقصدين أريحچ

-منو هاي أبنيه

-ألخاطر ربچ أشكد تلحين هاي وحده عاديه..مچلبتلي
واني دائما أصدها...
أرتبك كلشي بيه من يحجي....وصلت ألبيت اهلي
أبتسم بوجهي برغم عصبي..

-مدا دكول الحقيقه.....

-اوكفي جمانه

فتحت باب ألسياره...وبلا ماأسلم نزلت
وسديت باب السياره بقوه.....
ماأشوف أله شخط السيارة بقوه بحيث الدخان
من جوه التاير.....
دخلت للبيت والضوجه بوجهي سلمت عليهم...
صعدت ألغرفتي ذبيت جنطتي بقوه بلكاع
جريت الچراچف علی چربایتي...مخنوكه الفون يرن رفعته اريد افتحه اسمه بشاشه فتحت باب الكنتور سويته صامت
شمرته بيه ونزلت نمت بالهول.....ماما صاحتلي

-جمانه تعال
-مامشتهيه ماما.....لكيت جدتي بلهول كاعده
خليت راسي بحضنها
تمسد بشعري....

-بيبي جمانه شو مو على بعضج سولفي ترتاحين

-مبيه شي بيبي أريد انام راسي يوجعني...
وذا نمت لاتكعدوني ألامتحانات تعبتني...

-تدللين...
أفكار تعبت دماغي
...ونظراته ألها بتحدي تحفر بذاكرتي
وايده بجيوبه يحاجيها بأنفه كل هل افكار بالي
كعدت ألبيت سنطه...ومتغطيه

ألساعه بلهول بتسعه...يعني كلمن بغرفته
تمشيت للمطبخ جوعانه ودايخه....فتحت ألثلاجه
كلشي أكو
أجبان"كباب بحافظه"فواكه"باكيت حليب"كاكاو
لعبت نفسي . سديتها
مااريد أتعشى ممشتهيه أكل..
رحت فتحت ألكنتور
والفون لساه يضوي....فتحته لكيت أتصالات ،رسائل
لكيته داك هواي حيل
مسجات وحده منهن
يهدد ويتوعد.....
من ظمنها كايل
_هاي أخر مره أكسر ايدج..
اذا طبكتي الباب بوجهي مرة ثانيه....
-ليش مصدكين بيه....أني تعبان جمانه،صمونتي
كومه حجي كله اتهام اليه بعدم احساسي بي

.....شمرت ألموبايل
أريد انام.....
والصداع موتني ..مكعدت أله الصبح
بدلت بسرعه...وطلعت بلا ريوك
واحس نفسي دايخه
وماعندي طاقه ابد تعبانه وضايجه

حسيته ماجاوب جواب صريح احسه دايكذب ما كاعد يحجي الحقيقه اني اعرفه اكثر من روحي ممكذب عليه سابقا هالمرة يكذب
كضاهه مرتبك
جاي أوكف تكسي....واشوف سيارته الكمارو
جاي أغلس منه أجر تكسي..انداريت ماما وراي
ردت ماأصعد بس حتى لاشك بيه..
انجبرت أركب وياه....
بلا سلام وعيوني للشارع ماأباوع له...سلم
-صباح الخير حبيبي......مرديت
وهو غلس ما سوى روحه ممنتبه
ساق عالخط السريع بسرعه
قرب أيده لزم ايدي وجابها يمه....
وخرت ايدي منه
-حيدر ماأريد اي شي اريد بس الحقيقه
رجع لزمها وجرها بقوة ...

-موبكيفج

- شنووو هو اجبار عوف ايدي....

-أااااااشبيج من البارحه لليوم......
بصوت طرشني. وعصبي اول مرة هيج يصيح
صوته احسه ضرب دماغي خليت ايدي على راسي

-لتصيح انت شبيك مداتحجي الصدك
خبلتني من البارحه منوو هاي البنيه

-أسكتي ماريد اسمع حجايه بعد بهالموضوع كااااااااافي
أبويه انتي يول والله بس ألچ گلبي...

-رجعنا ألنفس الدائرة.....نزلني حيدر
هسه مابقى وياك ولا دقيقه مو اني الي انخدع وبعدين
ليش تصيح عليه ماأسمحلك...ابجي بحركه انداريت افتح باب السيارة...
وهو بنص الخط السريع .....

-جمانه لايصير حادث أهدأي....أشبيچ

-أريد أنزل ماابقى وياك نزززززززلني......طبك السياره على صفحه يريد يهدأني..

-حبيبي سدي الباب لتتخبلين..... ماسمعته اخذت جنطتي و نزلت مشيت خطوتين ثلاثه...

احس دخت وضلمت الدنيا بعيني...
والم قوي براسي
لان مماكله شي من ريوك البارحه.......
دنكت راسي حطيت ايدي على عيوني
حسيت اسودت عيوني التفت اني بعيده عن السياره
بخمس خطوات
وصوته
- حبيبي شبيج طاح حظي شكد حقير يول
شجابج حبيبي اذا هيج مريضه ليش داومتي
تعالي اصعدي........... اريد اعانده مااروح وياه
بس مكدرت كلشي منهار بيه وحيلي مهدود
يا ربي لا تعاقبني بحيدر صعبه اتحمل ماكدر على بعده كل هالافكار براسي
أخذ جنطتي والملزمه....يمشيني
صعدت
اول مكعدت احس رجع الدم براسي......بصعوبه حجيت

- اقرب محل جيبلي عصير راح اموت

- ماتكوليلي شجاج تخبلتي
كلما تشوفيلج شغله الدنيا تكلبيها عليه...كولي رجال
الناس تحسبله ألف حساب ..
وانتي تبهذلي على أقل غلط

..عيوني اله وشوف غواش

- فدوه مااريد اي شي ريحني وكول منو هاي

- اهوووو ماعندي غير الي كلته وحده لازكتلي من زمان وتحاول
ماتصدكين مشكلتج.....شغل السيارة
وطلع وسكتنه كلشي ماحجينه

نفس مطعمنا نزلنه نتريك اخذت كوب كهوة بالحليب
توسل علمود اكل ويا ماقبلت
ماكدر اكل اصلا كوة كاعده على اعصابي
احس روحي مخدوعه
اجتني افكار هواي
كلبي يكولي هو صادق
وفعلا من هالاشكال لي تلزك اكو هواي بالكليه يشمرن روحهن ع اي واحد
ومايصير اتخلى عنه باول موقف
وما اصدكه
هذا حبيبي ألي انتظرته
هذا روحي الي أريدها
هذا نفسي الأعشقها

حيدر مو شي عادي بحياتي قررت اعديها اله
وانسى الي شفته ماريد افكر
ولا اريد تتاثر علاقتنه بهيج شغله تافهه
كمل ريوك والصمون نصه مماكله...
راح غسل أيده....
ومقهوره عليه تعب يبررلي هواي برر موقفه واني صافنه بوجهه لا اخذ ولا انطي صافنه ...وكف يمي يمسح ايده من المي بكلينس....

- اذا كملتي يالله اوديج للبيت
لأن شكلج تعبانه مو مال دوام وحطلبلچ آجازه...ابتسمت له متغلبه على شكي...وقهري

- لا ماريد اروح للبيت اريد اتريك جوعانه...كعد

- هاااا صدك تتريكين
صار ساعه اتوسل بيج اكلي
من خلصت هسه تريدين تاكلين

-بكيفي جوعانه

-فدوه للصمونه من جوع أمري شطلبين
-اريد كباب
ومقبلات
وببسي
وحلويات......فتح عيونه عليه

-يمعثوره
-يا اشو دتباوع

-لا حبيبي بس دا ادور البنيه العصبيه وينها
الي خلتني كوه أتريك...
ولليل افتر بسياره يم بيتهم...
والصبح خلت المرور يباوعون حسبالهم خاطفها..
-أي وهسه

-لا سلامتچ.....أكلي اليعجبج ابويه انت باوعتله وهو يطلب أكل
حسيت روحي ضلمته
يجوز ماعنده شي مثل ما يكول
والنماذج هاي بالكليه هواي
أرتجى علميز صافن عليه واني اكل
صفنته غريبه
يباوع على حركاتي وايديه وكلشي بيه
نضرته بيها حزن عكس كل يوم
جان يباوعلي وهو فرحان
بذيچ الایام اقرة بعيونه سعاده
الیوم حزين يتصفن عبالك واحد واكع بورطه
واني قررت اتجاهل الصار
ما مستعده اتنازل عن حيدر تحت اي ضرف
كملت اكلي
-ألحمد الله حروح اغسل
-عافيه حبيبي .....غسلت بلمغاسل
رتبت شالي رجعت وجهه لشباك مجتف ايديه ورى
يباوع من الشباك عالشارع .....
من كعدت يالله نتبهلي ألتفت عليه

-شبيك حيدر أشو صافن ما حجه شي
شال سويج وغراضه....
رحنه للدوام.............

بطريق كلي
-جمانه حتبدي الامتحانات وراها تجي العطله
ماكدر بعد اريد نتزوج تعبت من فراكج

-تمام بس مو هسه انجح السنه بوراها تجي تخطبني واصلا مابقى شي قليل كلش ع نهاية السنه
احجي برود برغم فرحانه....
صدك نوبات حدث يبرد موقف..
وحدث ثاني يحرك موقف

مرت أيام وبهل الفتره حيدرتعبت اعصابه كلش
بدون سبب
الوقت كله عصبي
و يتحسس من كلشي
ومايقبل يكول شبي........
يصفن هواي وتعبان حتى من يقريني مو مثل قبل

بيومها مرة خابرني من صوته عرفت متضايق حيل
-صمونتي دكيت عليج بساعه متاخره
أريدچ‌ تفتحيلي غطاج..
وسويلي مكان يمج
اريد انام بحظنچ تعبانه نفسيتي تدمرت

- شنو بيك
-مابيه مشاكل بالبيت
وبالشغل
والدراسه صعبه

-اني وياك لتكول شي صعب
والدراسه الحمدلله احسن من غيرك مايكدرون يدرسون وبعدين تعال يمي يالله
سويتلك مكان بس لتتحرك هواي وتضوجني

-حبيبي تعبان احجي انتي اريد انام على صوتج
-مااعرف منين أبديلك
اكثر شي احبه بحياتي جدو وماما
كلش أحبهم.....
تدري جوارينه أجوي عليه خطبوني ههههه

-خرب اهلج منو الخطب ترى والله اسوي جريمه
-ههه خوش طريقه اكعدك أسفه حبيبي
بقيت إسولف وياه
الى ان داخ و نام...

وره ايام
حاولت اقره بليل لأن بدت امتحاناتي
وهو نفسه عصبي ....
معرفت شنو ألي يعانيه....
مجرد يوصلني وقليل يحجي
يدخن....يضحكلي بس جوه ضحكته قهر

وصلني للجامعه....قبل لا انزل...

-حبيبي مشتاقلج أريد أسولف وياج..

-حيدر الكروب صار هواي مكاعده وياهم.....

-حبيبي الخاطري لاترحين ألهم
خابريني شوكت ما تخلص محاضرتج وتفرغين
-لعد ومحاضراتك

-اعوفهن محاضراتي واجي يمج...
بس لا تروحين يم اصدقائج

ايام الامتحانات خلصها نفس ألنمط
يوم يتفاهم
ويوم روحه بخشمه .....عباس اجى يمي
-شني ياب مشتاقيلج اليوم أخر امتحان
عاد نتوادع....
ناخذ صور.

....
ناخذ غيبه..
ناخذ ذكرى...
-عباس ماشي روح وهسه أجيكم......اجتي شهد يمه

-عود ننتظرج مو تغلسين....
أبو الماجستير أخذج من عدنا.......

-شهوده هيات ألبنيه ألي شفتها يم حيدر
متعرفيها.....
-لا والله بس اوكفي خل يجي صادق اختصاصه
تبحوش عن ماضي الناس...كون تعرفين اسمها

-لا والله ماأعرف اسمها...
-جمانه صبرج هيات صادق ونهى..
وكف صادق يمي

-كولي ضلعه شكو
-هيات أم ألكيلوت الصحراوي..
تكدر تجيب معلومات عنها.....

-ألسمره الحلوه...
-أي هي...
-ربع ساعه...أو نص أجيبلج لطاطيش عنها
لان حتى متعرفين اسمها...
كعدنا بلكافتيريا نسولف نضحك...رن موبايلي مسج
من حيدر
-أليوم نتغده سوى بنفس مطعمنا...
نتفق علی موعد جیتي الاهلج باسبوع أو أقل نحدد أجيب اهلي واخطبچ
رديت عليه مسج
-ماشي حبيبي نتغدى سوه وبعد......رسلت رساله..دز
- من تخلصين امتحانج دكيلي مسكول
ردت أكله خلصت
.. أجى صادق اعيونه عليه
اني ،وعباس،شهد،ونهى......كعد

-جبتلكم لطاطيش...
ألبنيه ماجستير ودتكمل دكتوراه....
عدها ولد عمره خمس سنين تجيبه وياها
بس معرفت أبنها لو لا ماأدري....
عدها أخ مخطوف من سنين...
عائله معروفه بدوره..ومتمكنين اسمها....بلا ما أنتظره
يكمل
كمت أروح الكلية حيدر....واني فرحانه
يعني أتهمته باطل...أووي حبيبي

خلي أفأجأه عجبني اروحله للقسم
وانتضره يطلع نروح سوى....
لازم اعتذرله حبيبي كومه بررلي
تمشيتةبخطوات فرحانه تلغي شكو شك چان بالي
وصلت للقسم مالته
جاي أدخل للقاعه شفت حيدر..
هو ونفس هاي البنيه وحدهم بالقاعه...
أيدي على گلبي

عيوني أدور بينهم هي كاعده عل كرسي مال طلاب هو واكف بمكان الستيج مال استاذ...
مدا أعرف شنو الي صار بيه

سمعت صدمة عمري...
سمعت شي ممتوقعته...
شي ممتخيلته بيوم هاي البنيه....
وهذا هو
بينهم كلام عشره
وكفت بمكاني...
واسمع
سمعت كلشي ....
لازمه موبايلي بايدي حتى الي يفوت
ويطلع من القسم عبالهم طالعه من القاعه داخابر
او اراسل احد وسمعتها تكوله
-أني مرتك أحبك موت عوفها البنيه
الي تريد تخطبها
والبيت والعائله الي تعبنا بيها
ليش تهدمه بيوم وليله
علمود رغباتك ونزواتك
ومو كلشي بالدنيا حب
اكو اشياء اختاريناها وقررنه نسويها
لازم نلتزم ونكون كد قرارنه

ياربي هسه هي تحجي عن بيت أو اسره..
وكف عقلي وهو يرد

- اني احبها وانت تدرين من البدايه احبها وقبلتي بيه
وانت تدرين بهذا الشي ماضميت عليج
ولا كذبت
چنت منطيج علم اذا شفتها اتزوجها
لو اخر يوم بعمري
نسيتي شصار بيه من راحت
تعرفين شنو احبها

-أي وهي لبستك وراحت تعرف شنو راحت وعافتك ماتستاهل منك كل هذا
منو جان يجي يمك ويواسيك غيري
نسيت الايام الي تتخربط بيها
و اخوك يجيبني اداريك
تحملت منك الي ما تتحمله هي
وماعفتك ولا اريد اعوفك
تذكر من تصخن وتلزم ايديه وتكولي
جمانه لتعوفيني احبج
ومن تفتح عيونك تلكاني تشمر ايدي
يامره تتحمل هيچ
تتحملك جمانه هيج

- انت جان هذا اختيارج
انت اختاريتي
جنتي تدرين مراح انسى
وكلتلج ماكدر انسى
انت جنت راضيه لتوكفين بطريقي سجى
يولي احبها
اوعدج ما افرق بينكم

-حيدر حرامات تهدم كل الي سويته علمود حب قديم لو بي خير جان بقى

- اني ما راح اهدم ليش تكولين اهدم

-لا ينهدم اني ما ارضى بهيج وضع

ماكدر اعيش ويه زوجه ثانيه

-انت حرة باختيارج
واني حر
واكو اتفاق مسبق بيناتنه
اني مو كاعد احطج كدام امر واقع
اني قبل تلاث سنوات كايل الج
لو الكاهه بالمريخ اجيبها واخذها

-بكيفك بعد اني مليت منك
اني سجى تعرفني كلش زين
يعني مايشرفني تاخذ عليه وحده اقل مني مستوى
اني وياك دراسات عليا ثنينه
وهي يادوب بداية بكالوريوس
كلشي بينا ينتهي
قبل لاتخطبها
........رجلي جمدت مكانها
واسمع صوته دفع الكرسي بقوه
مكدرت أدخل......
أنفتح الباب ماسمعت خطواته
بس فتح الباب لكيته واكف كبالي
باوعتله عيوني بعيونه أدور بوجه وبخده وبكلشي بيه
ماعرفته هذا حيدر
احس مو هو الاحبه .........
حلكي يرجف وعيوني تكت دمع
أريد أتوسله واكله ليش قشمرتني
ليش خدعتني أيام ،
أسابيع،
اشهر
أسنين أدورك بين كلشي حلو بحياتي

-جمانه...
-كول صخمانه...لي...ليش چذبت عليه...نتر

-ممكذب أنتي ليش ما دكيتي عليه
من كملتي امتحان ..........
يريد ينسيني سجى
باوعتله بستهزاء دفعته من صدره رجع خطوتين
دخلت وبضحكه قهر أباوعله

- همزين ما دكيتلك جان فاتتني هاي المفاجأه الحلوة ليش ماكايل الي متزوج......
حتى أبارك...
هو ساكت صافن
سجى على كعدتها عل ستيج صافنه
كلشي ماحجت رافعه حاجبها ومقهوره عليه

سكوتهم تخيلي بس اني احجي او اهذي وحدي
تقربت منها مديت ايدي اسلم عليها
-تشرفت بمعرفتج ليش حيدر ماكايل لي
هيج مرتك حلوه......مامدت ايدها

حزت عليه نفسي طلعت من القاعه بسرعه
التفت حيدر ورايه .....
-اوكفي يولو....ماسمعت له....بس حسيت لزمني من ايدي
-صبر اسمعيني....التفتت له بصوت عالي

- ماااااااا اسمعك وخر مني لتلزمني

-نصي صوتج فضحتينه امشي وياي اجيب سويج والموبايل واجي....

.

- عوفني ما اجي وياك ..

-يولي اسمعيني بالاول

-ما اسمع ولا كلمه وخر عني اريد ارجع للبيت

- اني اوصلج اصبري

-دتفتهم مااااريد اتركني بحالي..رفع اصبعه ويحجي من بين اسنانه بقسوه
-خطوه وحده وحدج اكسر رجليج

-حضرتك رجال ومتخليني اطلع وحدي....اباوع وراه
وبقوه مركزه بعينه.....
.... الرجال وينه من هذا الجذب كله...
مااحس اله لزم ايدي وعصرهه حيل بايده وخزرني بعيونه خزرة حيل قويه
-أني اعلمج الرجال شيسوي..... جرني وراه
وبضافري الطوال خرمشته وزلغته
احاول افتح ايدي من ايده بدون فايدة...

صاك ايده بقوه وچن أخرمش حجر مو ايد بشر
مايحس بالألم
تاذيت كلش وتوجعت ايدي من ضغطت ايدة القويه رجعني للقاعه
شفت سجى بعدهه على كعدتهه من دخلنه
فزت واكفه باوعتلهه
-حبابه ساعديني ماا اريده...حاجي رجلج أذاني
اريد اروح الاهلي بعدهه ما ناطقه حيدر صاح
-ماريد اسمع صوتج سجی.....صوته العالي طرشني
احسه فاقد عقله من العصبيه
جمدت من الخوف رجع أيده
اخذ سويج وموبايل وجكاير من الستيج
رجع جرني ورا من جديد ....واني اتوسله بوجع

-حيدر ايدي

-طبچ مرض مااريد ولا صوت......طلعني من القسم وباع للجامعه همزين الامتحان خلصانه
وقليلين طلاب بالكليه
جان انفضحت فضيحه شكبرهه....
وصلني للسيارة بدون مايحجي..... فتح الباب وشمرني شمرة قويه بالسياره وسد الباب
قفلهه ولاف حتى يصعد ...
افرك بزندي وأيدي يوجعني.....
أول ما طلع من الكراج الباب الكليه.........كتله

-نزلني اني اروح وبعد مالك علاقه بيه

-أنچبي صوتج ما اسمعه اني مورجال موو
يول الا اندمج على هالحجايه .....يضرب الستيرن
منو المو رجال ااااااحجي

- لتجلب بهاي الكلمه الله يخليك ....ابجي واحجي
أاني اسفه عن هالكلمه
بس انت شسويت انت مسوي مصيبه
ليش سويت هيج بيه
ليش طيحت حظي
ليش جذبت عليه
چان عفتك وماتورطت اكثر

-كلتلج اسمعيني مارضيتي تسمعين شسويلج

- شاسمع اكثر من السمعته شتريد تكول
عندك بيت وطفل شنو اني بحياتك...... لزم ايدي
- انتي حبي
- ياحب حيدر انت مزوج عوفني اروح
ماريد اشوفك بعد

-احبج صدكي عدما ايست منج يالله هيج سويت

-حيدر طلعني من هاي المهزله مثل ما طببتني
خلصني ماريدك بعد

- مو هو بكيفج لعبه عندج اني بنت الكلب

- اني الي لعبه مو انت وماريدك بعد
لتتصل ولا تجي
ولا اريد اشوفك
ولا اسمعك ولادز اهلك

- مو بكيفج راح اجيب اهلي واجي اسبوع الي يجي وعود واجهيني وكولي ماريدك
الا اسكطج

- لتجي ولاتوصل ماقبل بيك
ماريدك
لو هسه مو احبك
لو هسه انت الوحيد بالدنيا
ماريد بعد وبكيفي...

سكت وسكتت وصلني للبيت
نزلت بدون كلام وراح هو
طبكت باب بيتنه
و باوعت للحديقه .....
ضليت واكفه بالشمس اباوع عالورد
اتذكر روحي الصبح من طلعت
جانت الدنيا ما واسعتني فرح
اخير يوم امتحانات ونتغده سوى
وخطوبتنه قربت
وهسه
هسه تفلشت الدنيا ع راسي
كلشي انتهى.......
طبيت للبيت كبل سبحت بهدومي
دخلت ألغرفتي والمي ينكط من ملابسي
اريد تطفى نار گلبي
نار السنين ألبچيتهن
رجعت نارهن اقوى وحركتني
مديت ايدي فتحت السبلت
وكفت كباله
شعري مبلل
وجسمي مبلل
وكلبي مشتعل نار
والغصه واصله لبلعومي.....
اريد ابجي وماكو دموع من كد الصدمه
ماكدرت ابجي
جبل عاصي ابلعومي متت ....
معقوله حيدر حبيبي
حلم العمر
الانسان الي جنت اكوله كلشي
الانسان الي مرفوعه كل الحواجز ابيناتنه
بدون كلام واحد يفهم الثاني
الشخص الوحيد الي اشوف روحي وياه
حبيبي شكد حبيته
وشكد علقت نفسي بي
اكو نقاط بالحب باختيارنه نوكف عدها
او نتعداهه
مثلا التعود
او عدم القدره على الحياة من دون النحبه
او احساسنه انو احنه متاذين وحدنه
الا بوجود الي نحبه يالله يروح الالم من داخلنه
جنت هيج ويه حيدر
ارجع من الكليه وابدي احسب دقايق
حته يجي ليل ونسولف
مية مرة افز باليل
واكتبله رسائل
وانام ومن اكعد
الكاه مجاوبني
واكعد الصبح اطير علمود اشوفه
والملابس
والمكياج
والعطر
والكشخه حته اخلي مايباوع لغيري
سوالفنه بالسياره
وريوكنه
ودخلتنه للكليه سوى
حتى مرات يضم غراضه يمي
مابي حيل يشيلهن تبقى شغلات منه بجنطتي
ينساهن...
عيوني للجنطه
جداحاته تبقى دائما يمي
3 جداحات عندي مالاته
لمسة ايده هاي الايد تلمسني بحنيه مرة
ومرة توجعني لحد ما ابجي من وجعها
تعبت من الافكار والسبلت يكفخ بوجهي
احس ثلجت

و من داخل كلبي كامت تطلع رجفه بروده صعدت لغرفتي
طفيت البنكه وطلعت لحاف
وشمرت جنطتي بالكنتور
وبيها التليفون
ماريد اسمع شي منه
ولا افكر بي
غطيت روحي حته راسي
ونمت حسيت ع اصوات فوك راسي
والم بايدي وهوسه يمي
درت ضهري ونمت عبالي نايمه بالهول
وهاي هوسه اهلي
نمت وكعدت لكيت روحي فعلا بالهول
اجت كدامي الساعه بسبعه ....افتح عيوني
استغربت
يعني اني نايمه من البارحه الظهر اباع للاثاث مو غرفتي
شنزلني منها للهول
خفت من الموقف احس اكو شي صاير....
كمت من مكاني
لكيت مامه فارشه بالكاع ونايمه يمي كعدتهه
-ماما كومي اني شجابني هنا....

كعدت ماما
مخترعه
- شلونج شلون صرتي تلزم بايديه وكصتي
- زينه بس شسوي هنا
- اتخربطتي لبارحه وسخنتي وعمج نزلج المغربيه وجابلج ابر خافظ حرارة
-يااا شو اني ما ادري ماحسيت
-جمانه منوو حيدر؟؟؟؟؟
صفنت بوجهه احس تقلص دماغي
وكزبر جلدي و انشاليت وانركعت بالكاع
من شدة السؤال عليه
ممتوقعه راح تسالني امي منو حيدر
وشاريد اجاوبها منوو
هو منوو اصلا دموعي سبقتني
تذكرت الي نسيته دقايق
بس بين ماكعدت وسالتني امي جنت ناسيه ومرتاحه

-عزاا بعينج لچ ابوچ كالب الدنيا علی راسي وكال -اعرفي منها منو حيدر ألبارحه الليل كله تهذين بي
-شكلت
- شكلتي بت النعال حيدر اكرهك
اموت منك
و3 مرات رددتي اسمه
جريت نفس أطمأنيت ماحاجيه غير شي

- ماما هذا ابو الخط مالتي يريد يخطبني وبعدين عرفت بي مزوج البارحه
وحيل ضجت وبنفس الوكت موزينه بالامتحان
-راح اكول لابوج هيج بس حضري روحج
متمشي عليه هاي الجذبه
تحجيلي كلشي
- اي .....دنكت راسي ضلت تباوعلي شويه
راحت لبابا
واني رجعت نمت كعدت بسبعه ونص
طلع بابا لدوامه
واني معندي دوام اول يوم الي بعطلث اخر السنه مقهورة حيل
ومادري شنو الي يريح كلبي غيره
ورا ما طلع بابا وكلهم نايمين
اخوتي
وجدو وبيبي كلواحد بغرفته
بس اني بالهول اجتني ماما تربعت يمي وكالت
- يالله سولفيلي كلشي...من دکت الباب الحد السلام ‌علیکم
لأن باجر انروح الكربلاء...نشوف تجهيزات سرمد
ألي سواها أبيتهم
لأن يريد يخطبچ...
-شنوو؟؟

نزلت دموعي اريد اهداء نفسي
وموقفه وخداعه اليه.....ادموعي تنزل ولساني يحجي

- ماكو شي ماما ماكدر احجي....

- احجي دا اكولج اني مو ابوج وتقشمريني
.....أعيوني الها واصرارها تعرف وجع بنتها الچبیره استسلمت للامر الواقع
محتاجه احجي البيه لاحد واخلص...
محتاجه آطلع الغصه الي بلعومي.....سولفتلها كلشي
سولفتلها بدموع...ختمتها بعبره محبوسه

-كل الحزن والكأبه"والمرض قبل لأن أحبه..
وكل الفرح "والسعاده الي عشته البارحه لان احبه..
وهسه الي بيه من تعب همات لأن احبه...

وجهه وهي تسمع من صدمه لصدمه...زحكت بيه

-عزااا العزاج بنت نبيل أشوكت كبرتي..اشوكت عشكتي
أمنيلچ هل جرائه ...كلبه

-ممسویه شي ماما....والله

-الله يهلك ماما الي معرفت تربيج
خاب ضني بيچ هواي
هاي تربيتي ألچ...
کم مره أکولچ الرياجيل ماألهم أمان..
لچ الرجال والزمن غدارين.
لچ طاح حظج على هل دكه...
شكلتي الروحج
لچ حتخلیني علج بحلك نبيل....

-ما....قبل لا أكمل حجي مااحس اله ضربتني راشدي

-حرامات بيج التعب...
هاي عود انت العاقله
واني الواثقه من عقلج وأخلاقج
واراهن عليج متزلين نفسچ
ولا تغلطين...
هيج يطلع منج جمانه ....
هاي نصايحه
هاي الثقه الزايده المنطيتج اياها

-مامه والله مامسويه شي غلط...
كل الي سويته احسه عادي
مو شي غلط...
ماشفت غلط انو يوصلني للكليه
ويرجعني للبيت
ومو غلط نحجي بالتليفون
مادام كلشي بحدود الادب
لا هو يتجاوز حدوده......

- عوفيچ السویتي مو غلط...بس شفتي
شفتي هسه شصار بيج...شنو حالج
هو هذا الغلط
هاي الورطه الانتي بيها
لو متصرفتي بطيش
مجان تورطتي
وورطتي الولد وياچ....

-ماما

-أنچبي يا ادبسز..

-ماما والله مو ادبسز بنتج.... بعدين هو مايقبل
ماعرف شلون اوصللج الفكرة
هو طبيعته حيل متحكم بغيرة
متسلط وشخصيته قويه
هو يفرض روحه...
هو خلاني أتعلق بوهم
بوهم حبه موبكيفي والله

-وانت شنوو ماعندج شخصيه

-ماما اني مو ماعندي شخصيه....
بس اني احبه ماكدر .......
انتي ماما وحبيبتي
ساعديني ماما رح اموت
شسوي شسسسوي..بقت دردم يمي زكحت بيه

-استغفرك ياربي لچ أشلون رح اطلعچ من ورطتچ...غبيه"دماغ سز
كفختني......تلمست راسي اباوعلها انقهرت عليه
من شافتني ماسكتت من البجي

-والله ماكو اي شي غلط...
ماسويت شي غلط
كلشي سويته عادي
كأي شخص ثاني حاله من حال صادق ومحمود وعباس ....
مو مسولفتلج عنهم
موكتلح نكعد ونسولف
ونشاقى سوى وعباس جان بالخط ويايه
هذا هم نفس الشي....
بس الفرق واحد يحب الثاني
واحترمت نفسي
وماسويت شي يمس اخلاقي
واذا تجاوزت حدودي بعض المواقف
فهو يريد يجي يخطبني الجمعه التجي...

أول مره ماما تضربني ....
واول مره احس بحرارة الراشدي....بس متوجعت

سكتت وهي تباوعلي حاولت ماتبچي...وكابرت
أعرف نفسي قويه مثلها...
يجوز نهاريت يمها لأن أمي....
بس هي بقت كوه عليها أن تبقى قويه كدامي
ماحجت شي....
تريد تتخلص من بجيه مكتومه...
واني اريد الكى نفسي...لهل بجيه
وين من هل تعب.......باوعتلي بطارف عين دامعه

-ما حجه وياج شي....
اقصد بعدما رجعتي من الدوام....

-ماادري شمرت جنطتي بالكنتور ماردت اسمع منه شي

- كومي جيبي موبايلچ ماما.....

-صار ماما......ارتجیت عِلی آیدي أكوم اجيب ألفون
طلعت الفون...حاولت أشغله مغلق مخلص شحن دكمة الكهرباء يمي حطيته عالشحن ..،
انتضرت شويه..؟

مديت ايدي فتحته وبدت أشعارات توصل
تقريبا سبعين رساله ومكالمه لم يرد عليها
أيدي ترجف....مقهوره عليه
يمكن اليل كله يتصل حبيبي
ألحدما خلص الشحن وطفى التليفون...اجتي ماما

- افتحي الرسائل.....فتحت أول وحده وجانت
جمانه ردي بسرعه
لج حبيبي الله يخليج اسمعيني..
ليش هيج تسوين بيه

وبتسلسل رساله ورى الثانيه....كاتب
والله احبج ابويه
افتحي خط خليني افهمج

جمانه حبيبي لاتحاسبيني على شي صار
تحصيل حاصل بحياتي
لج سجى حتوتني نفسيأ
من ماعندي احد
جنت محتاج عائله
محتاج مرة بحياتي
محتاج طفل يعوضني اهلي الراحو
صدكيني ردتج انت مرتي
بس انت شسويتي جمانه
انتي عفتيني
واني جنت بامس الحاجه الج
تمنيتج من الله تصيريلي مره
بس شنو الصار جمانه
عفتيني ورحتي
خليتي النار تاكل بيه وحدي
جنت اموت 100 مرة
من اكول كبرت وتزوجها غيري لج اموت بناري
ومحد يدري بيه سجى بنت عمي صديقتي
المقربه من الصغر
جانت تسمعني
جانت تدري بكلشي
چنت اشكيلها همي..

الى ان هي حبتني...
من كدما احجيلها عليج...
من كد مااوصف شوقي بيج
حبت طريقتي بحبچ

ما انكر جانت غلطه من خطبتها..
بس هي سندتني بأضعف أوقاتي...
عانت هواي ويايه...

چان المفروض ما اعقد علیها هي بالذات
لان بيناتنه اني وياهه ماكو اسرار..
تقره افكاري

بدون كلام...

جنت اکعد وياهه وباشد نقاشنا
اكوللهه جمانتي سويلي فلان شغله ....
بدون وعي مني....

أذا اكلچ عذبتها ويايه....
عذبتها بكد ماعذبت روحي عليج

من اجيها كخطيب
جنت اجيبلها عطرج
بيوم خطوبتي غمضت عيوني وكلت
وتخيلتج
من كالت موافقه
ضحكت
وضحكتي اخذت نص وجهي...
لان هذا عطرج بيها...
يعني جزء من بعض منج..

أياس لان شنو الفائده
جنتي انتي
مو هيه
جنت وياج
مو وياهه
جانت تسكت
وتتحمل
لان تحبني
مثل ما اني احبج
جانت عاذرتني
لان تدري شنو معنى واحد يحب
وصدكيني
ماراح افرق بينكم ثنينكم
احبكم هي صديقتي
وانت عشق روحي وكلبي
لان ادري بيها تدري بيه احبج
جنت محلل على روحي
اتخيلج بيها
لان رضت بيه
و بعلمها الصار
وبارادتها اطبق

واني بشر مو ملاك
ادري بيج ماراح تضلميني
ادري بيج كلبج يوسعني بكل ضروفي
هاي ضروفي جمانه لتتخلين عني
انتضر منج مكالمه لتطولين عليه
كلبي دايوجعني
اريد اسمع صوتج وارتاح
ترة دانتضر مكالمه منج
حبيبي لتسوين بيه هيج

ماكملت الرسائل...
كمت أمسح
وامسح
وامسح......
وامسح الرسائل الممقريه....
كعدت بلكاع...

ذبيت التليفون.... وباوعت لماما
ألي جانت واكفه تقرة ورايه...
وجهي جان مبرطم وبس..
اريد ابجي عليه
انقهرت كلش من هيج حجه
هذا شصاير بي حبيبي
سودة عليه ماريد اتعبه واعذبه
ليش هيج ديصير..
ثاني مره هو واني نتعذب.....صوت ماما ببتعجب

-لج جمانه هذا صدك يحبج
ويريد يخطبج
مو دايلعب ...اي يريدج
عبالي ديلعب عليج.......

-لا ماما مديلعب.....كعدت يمي

- والله ماما بكيفج اني اساعدج بكل الاحوال
اذا ماتريدي
وهو الاحسن عوفي يمه
مرته خطيه ......أدموعي تجري واحاجيها

-ها اي هااي ثاني مره

اي ثاني مره اعوفه....وحعوفه...لزمت جتفي

-لا هاي هيه من هسه تبجين من دبش حتعوفي

-ماما احبه شلون..
حبابه ساعديني ....

- عوفي ماما احسنلج
مبيج حيل تعيشين زوجه ثانيه..
وينام يمج ويمها وكدام عينج
مرته الاولى يحبها
مايتخلى عنها

-ها لا ماما حبابه خلصيني ماكدر هيج
مدأكدر ماتحمل
داموووت

-كومي غسلي وخلي نشوف هالورطه
شلون راح نخلص منها

-ليش ورطه اكوله ماريدك ومايجي لا ورطه ولا احد يدري
-اي مو هو بكيفج اكوله ماريدك ويروح
عوبه ام عقلين
ام المشاكل
جايبتلي مخبل
وتريد تكوله عوفني
ويقتنع ويعوفها.....
-وتالي ماما...
-تالي روحي غسلي وجهج
كمت من يمها.............
حتى مشيتي منهاره.....وصلت للسنك غسلت
صبيتلي جاي وتريكت وحدي بالمطبخ

اكل واتذكر من جان يسويلي لفات مال كباب وينطينياهن
الى ان عودني اكل كباب الصبح
وشرب وياه كوب الجاي مالتي
محد هسه يتسابق ويايه حته يخلصه

هنا عرفت شنو الغلط الحب قبل ألزواج
لان بيه هواي حتمالات
واولهن اكبر غلط تعودت عليه و على وجوده بحياتي ادمنت عطرة
كلشي يذكرني بي
قفلت تليفوني وعفته
ماريد احجي وياه
كلبي محمل عليه
للجمعه بقيت كاعده.....طلعت للكراج

وبقيت كاعده عل كرسي بلحديقه..
تعبانه من كلشي..
ومن أي شي
ماكو شي يثيرني...ولا يهمني...
لازم أنساه بعد..
أليوم الموعد صدك حيجي...برغم رافضته
أي حيجي اعرف ومتأكده ..

حرك گلبي بخداعه...حاقده عليه
يارب مايجي.....
مسحت دموعي...
عيوني للحديقه اباع للورد...شون مفتح
هيج جنت أني...
درت وجهي للكناري ألي بلقفص..
يغرد بأكثر من نغمه...
غمضت عيوني على أثر تغريداته الحلوه...
أتمنى أختفي للأبد ورى هل شجره...
ما أريد أشوف احد...
ولا أحد يشوفني...رجعلي الصداع....
فتحت عيوني
مديت أيدي
.اخذت حبايه صداع متوتره،خايفه....
أندك باب بيتنا....
مااكدر اكوم افتحه...
بيني وبين الباب شجرة
يعني لا اشوف الي يطب..ولا اليطلع
انفتح باب الخارجي...
عمي خالد فتح ألباب....
واسمع أصوات رياجيل....
يم الاستقبال مديت راسي...
تسفطت الأحذيه باب ألدوانيه ذول رياجيل كومه

أقتربت خطوتين....ألكل تسولف...بشي خطبه

وصوته من دونهم مميز وهو يكول
-الله بلخير ........يعني سواها واجى..
سواها وماأخذ كلامي

-اني حيدر الي يمي اهلي وعشيرتي جاي اخطب بنتك جمانه

صوت بابا...وحجي..كال؟؟
-ماعدنا بنات للزواج....وشربو چایگم‌‌‌‌...
رحت آلغرفتي ماأريد اسمع شي...
مااعرف اشكد بقو....
بس العرفته حاولو يقنعون بابا..
وبابا قافل...

الحد اليل كمت أسوي عشى...أجتي ماما يمي

-حبيبتي جمانه..حضري نفسچ باچر نروح ألكربلاء

-مااكدر

-ماما شوفي من كتلج على سرمد
چنت آعتقد حتفرحین...
بس بعد ألي عرفته...
ألج مطلق الحريه أنو توافقين...أو ترفضين

-مشكوره ماما....

-حضري جنطتج باجر أنروح....

-تمام ماما...

ثاني يوم جهزت نفسي وبدلت...إختي جنه بقت
لأن عدها أمتحانات السادس علمي..
بقت يم بيبي وجدو....
خالي أجى وصلنا
سيارته مضلله
ركبت ألسياره...
واحنا جاي نعبر الترفكلايت..
واشوف سيارة حيدر الكمارو...
رايحه على فرعنا....

معناها هو كل يوم يجي هنا وقت....
لازم ألغي من حساباتي....لازم اموت گلبي وانسى
بيدي الفون مبي شحن..
مجرد ديكور...
أعرف بس أفتحه يتصل...
حاولت أنام

طول ألطريق حتى لو چذب..

مااريد أباع على الشارع ولا على ألناس..
كلشي بيه كاره كلشي ومأيس من كلشي...ماما يمي

-أكعدي ماما جمانه وصلنا...فتحت عيوني والدموع بيهن...مسحت ماما خدي بأيدها

-أريدچ تصیرین قویه...وشنو التردي كوليلي
وذا متقبلين بسرمد عادي...

-صار ماما لاتخافين عليه أكدر أتعداها..
من چنت مراهقه تعدیتها‌....هسه ناضجه يعني
أكدر اكثر من قبل...

-عفيه جوجه.......نزلنا ومقرره أقبل بسرمد
أذا حاجاني بنفس الموضوع...
هو ليش أجيتهم الهل سبب....نزل خالو ألجنط
أخذت وحده ادفعها أم ألچرخ....
واشوف سرمد اجى
من بعيد لاف الشماغ على ركبته باس ماما وشبكها...
واحسه متغير مو مثل كل مره متلهف عليه
يجوز لأن صديته...
هو چان یبادر لازم اني ابادر....سرمد احلى من حيدر
ليش احب حيدر.....
هنا عرفت ألواحد من يحب...
انشوف النحبه احلى واحد...حتى لو محلو
اتشوفه اريحي حتى لو معقد...
انشوفه بسيط حتى لو متكبر
وبين قوسيين يكون بنظرنا النحبه هو شخص
مثالي...
ونقنع الحوالينا ....أنو مناقصه شي
لاجمال...
ولا أخلاق...
ولا ادب.....هيج حيدر اشوفه مقارنه بسرمد الي
أدنى عليه وبموصفاته الهادئه...

-شونج جمانه...

-اهلا سرمد أنت شونك بذات ليش متسأل...بنص عين باوعلي

-والله مااعرف ليش بس أذكر وحده أحاجيها تغلس
مو آحنا ناس مانحب نفرض نفسنه...
زحمه عل الرجال مو ههههه....
-هیچ صرنا سرمد
-جاي اشاقه...بس شفت نفسي أغرد خارج السرب
من رخصتج اني اخذ الغراض
وهو يجر الجنطه مني..

-ماشي سرمد بسيطه...خاله أم سرمد استقبلتنا
رحت للغرفه الي دائما اكعد بيها أني وماما من نجي
باي مكان الوجع يجي وياي..
فتحت ألجنط...ارتب الملابس..
أجتي أيدي عل فون....فتحته...

مكالمات،رسائل...وكل وحده بيهن تصورلي وضعه
تصورلي أشكد يعاني....

مسحت نصهن..
وايدي تبعت گلبي فتحت ألبقيه...
مستخدم كل ألطرق...
اسلوب تهديد....كاتب
"والله ياجمانه لو أخر يوم بحياتي أخذج..وذا اسمع
لو أشم خبر قابله بغيري أقتلج واقتل روحي

...اسلوب التقنع ...

"أبويه أنتي أشكد مجرمه مكافي عفتيني قبل
نفس الغلط كررتي وعفتيني..
ليش حبيبي يول ليش....أبويه أنتي ترى راح أموت
وذنبي بركبتج يامستبده"

واكثرهن قهرني
حته يثير دماغي اتجاهه هنا وكع الفون من ايدي
أحس حموت قهر عليه...
هذا حيدر ما يحجي هيج ويايه ابد
يخاف عليه حتى من الرومانسيه الزايده
من ابجي واكوله اريدك اتمنى هسه اجي يمك
من يمه ينرعب من افكاري
يخاف لا احس بشي
واكوم اريده باستمرار
يخاف حته من احتياجي اله
مايريدني احس بشي
مايكدر ينطينياه
قريت رسائله عرفت هو واصل حد الخبال
بعد مايعرف وين يودي روحه
وشيسوي لحتى يقنعني......مسحت دموعي
على دكت ألباب..
قفلت الفون وكلبي ينزف قهر..
نار وتاكل بروحي كلماته

وتجي كبال عيني عصبيته وصوته العالي
من يضوج من شغله بسيطه
واتخيل وضعه هسه ادري بي ممرتاح
احس بي يطلع ويطب ويشتغل
ويدور سوالف تنسي...حتى ميفكر
بس يبقى ممرتاح
تلمست گلبي احس بي
كلبي يحس بكلبه....عيوني للمرايه
لازم اطوي صفحه حيدر...وانسى
وهو هم ينسى .

ويرجع مثل قبل لبيته "ومرته" وابنه"
ماريد اخرب حياة احد وخصوص هل احد حبيبي
كافي عليه حياتي التفلشت كدامي
ماريد اعيش احد العايشته اني....

تمددت دايخه من ألبچي...سمعت ماما دكعدني
ماريد أكوم...
أريد اشرد بلنوم من كلشي.....
الحد ألعصريه.....كعدت يسولفون واني مو مثل قبل
الضحكه راحت مني...
والفرحه طارت يسولفن ويضحكن..
واني مثل الي تابع فلم صامت...ما أسمع كلشي
رجعت للغرفه.....
فتحت ألفون ...كاتب

-یول لیش متقرین الدزها لچ حرام علیچ
أقريها...
هاي أخر مره أدزها.......
مسحتها
ألحد الفجر سمعت صوت الديج...فزيت على صوته
مشطت ضفيرتي...
ولبست كلبيه فستان...
طلعت والأذان هستوه خلص...
ريحة الچاي دخلت ألخشمي...حركت بيه شي
ألنقاء ألي بهل مكان...
صوت زوج خالتي يردد

-يافتاح ياعليم يارزاق ياكريم....عجبتني هل عاده
طلعت للطرمه وكفت...
واشوف سرمد كعد يكول
-أصبحنا واصبح الملك لله...تقرب للمغسله أتوضى
راح من طريق ألمطبخ..
واني وكفت أباع للساحه مالت بيتهم چبیره
وبیها نخلات....
عشر دقایق واکفه وهمسه وراي

-صباح آلخیر جمانه...آنداریت

-صباح ألنور سرمد...تعرف حلوه أهنا الطبيعه..

-أي اكيد شني قابل أول مره تشوفيها

-لا أكيد بس هيچ حلوه....صار کدامي يدكم ردن دشداشته...
جر شماغ من ألحبل لفاه على راسه..
أباوع عليه فرحانه مااعرف شنو بيه..
بطرف أصبعه
خلى ايده على كصتي...تفاجأت من حركته برغم بسرعه...
-جمانه شني مصخنه

-لا ماأقصد....خجلت من تصرفي عززا أوي كله من نهى
هاي نصيحتها الشهد من جانت معجبه بصادق
كالتلها صفني عليه ويحبج...
خل اشوفها .،...
-جمانه مو على بعضج كولي..لو أول مره تشوفيني
لو شنو فلمچ
جاي تصفنين هواي عليه

-لا بس حلو لمن تلف ألشماغ هيج لفه
أحسها أستايل كلش حلو...

-بس هيج.......توترت واني أحاول أكون مو اني خصوص سرمد ألي أحسه صافي
بس لازم أريحه لان يحبني

ولازم اريح نفسي لأن اريد أنسى حيدر....جاوبته

-لا مو بس دأشوف كلشي يلوك لك..

-والله

-وجاي أشوفك ماخذ عيون خاله الصفر..بس حواجبك
أثخن أشوي

-الله واكبر....يواش عليه ميصير هيج خجلتيني
-أسفه يله أترخص.......مشيت خطوه

-لا جمانه لا تتأسفين اريد اعرف رايج....
قبل ما اكول لابويه يحاجي بيبي وخالتي

-أبشنو.

-جمانه مااعرف شكلچ آستغفر الله هاي الناس شنو دكول لمن تنعجب وشلون تحجي.......

-قصدك من الشخص يريد يعترف...

-عفيه أي باعي أني ممحتك بنات ابد عكسچ
لأن جدج بحكم هو شيوعي..
عنون تربيته أنو المرإه والرجل اصدقاء
بلا حواجز ...
وعادي صداقة الولد والبنيه...والضحك بينهم

-مجاي أفهمك يعني شي عندي أصدقاء ولد

-هيج شي ...اني مو متدين كد ماتربيت أنو الحرام
حرام
والحلال حلال...يعني أني معجب بيج
أول ماشبيتي واني أحبج
يعني من زمان
ولأن جنتي صغيرة
سكتت
إكثر من مره بينتلج
أنو أنتي عاجبتني...من اخطبج توافقين....أباع الملامحه ألي أبرء من أن أصدمه بيه...غمضت عيوني

-اي موافقه....
-موافقه شنو
-موافقه تخطبني...

-أشكرج جمانه وان شاء الله راح اخليج
اسعد وحده بالدنيا ....اسعد زوجه...هو يحجي واني احاول قدر الامكان اختصر الكلام.... وبعد منه
عمري مجذبت ولا عرفت ألچذب
هسه احس روحي مو مكاني ولا ثوبي هنا ..

رجعت للغرفه....ومطلعت....
نظرات سرمد مجان متخيل راح اقبل بهالسرعه
ولا اني جنت متخيله نفسي جبانه
وراح انهزم بهالطريقه الغبيه من الماضي
ولا فكرت بروحي
ولافكرت بحيدر من يدري
شراح يسوي ولا حطيت اعتبار لأي شي
غير اني اريد انهزم من واقعي

ثالث يوم أجاني سرمد واني يم ماما...

-خاله أمانتي جمانه....

-یا عززااا هاي أنت سرمد....اجى والده وطلعو
من دون ان يكمل حجيه....
طلعت للباب أشوف رياجيل ثلاثه واكفين
سرمد طلع من جيب ثوبه أفلوس نطاهم....يضحك
واخذ الكرك...خلا على چتفه
یحرث بلکاع....خلیت الشال علی راسي
لازم أتعلم عليه....
مناقصه شي......
رجعت للمطبخ أخذت بطل مي
ثلث خطوات اجيت يمه مديت ايدي أناوشه مي
رفع عيونه أليه يضحك

-هاي أليه يابه نعم الله

-لويش نطيت أفلوس لذولي الرياجيل...فتح البطل
شرب مي...مسح وجه بلشماغ

-الرياجيل ذول فلاليح مال كاع والدي..نطيتهم شهريتهم..
زين ليش تباعين عليهم

-أااهوو شكد مكروه....شنو أباع

-اتلاطف هاي شبيج
-عبالي.............
-لايبه ألي ميخاف من خطيبته مو رجال هههه
-أي حباب هيج أريدك....كل كلمه أحجيها أغص بيها
ناوشني بطل ألمي....
نزع شحاطته....
-وين رايح
-اجيبلج ذاك العثك مال التمر خوش راوي
-لا لاتوكع سرمد

-منو أني باوعيلي ....راح للنخله جر حبل لفاه عليها
لف ثوبه وصعد..جاب العثك شايله بيده
وجهه عركان..
-مشكور بس دتعب نفسك....

-جمانه هواي اصفنين ترى ألج حق تغيرين رأيج
-لا .....رجعت ابسرعه
خلصت بقية السبوع بين خالاتي...
رجعنا ألبغداد
بين صفناتي...ودموعي شهكة نفس
جدو حاول يطلعني من كأبتي...يفرفرني بسيارته
كلما تحسرني البجيه...اكتمها
لان وعدت ماما أنو اسد موضوعه
وماما عادي ماجابت سيرة الموضوع ..
باعتبار انسد وخلص

تليفوني مافتحته من يوم الي قريت الرسايل
عشت ايامي وحدي اني وذكرياتي
طلعت الشريحه
فتحت الفون اكلب بصور الي ماخذتهم
ماجنت اخذله صور مباشره
اصور روحي واطلع جزء مبهم منه
خاف يفتشون تليفوني
ماريد تظهر صورته واضحه
اكثر الصور الي عندي
طالع بيهن جتفه
لو صفحة وجهه وهو داير لغير اتجاه
لو صوره لكفاه وهو يمشي ضاهره بيهه
بوابة جامعه بغداد
وصورة كاعد ع صبه وماد رجله وديورث جكارة
من صفحته
والمقصود منضر شلال صاير كباله
اكلب بالصور واسمع اغنيه تسجيل اله هو سجله بصوته
قرا بيه قصيده مدينة الحب

كلي هاي اول قصيده توصف الفراك بهيج دقه وحقيقه
مدينة الحب أمشي في شوارعك
و أنا أرى الحب محمولا بأكفانِ

صبوا العذاب كما شئتم على جسدي
فلا شهود على تعذيب سجاني

رجعت للدار أمشي فوق نيراني
كفاً لكف يقود خطاي حرماني

هل من مجيب؟ أنا في الباب منتظر
لا أحمل الورد أحمل اطواق أحزاني

ذهبت مع الريح فأصحو يا مدللها
كأس هي الان بيدي عاشق ثاني

عينايَ .. شفتايَ .. أعصابي .. خيالي .. دمي
يبحثون عنها بين أحضاني

قلبوا الاثاث و ضجوا حول صورتها
متظاهرين كشعب خلف قضبان

نريدها اليوم شمعتنا.. حبيبتنا
لا زاد لا نوم.. عصيانا بعصياني

يا أيها القوم يا جسدي و عاطفتي
كفى ملاما! فجلد الذات أدماني

صفعت وجهي.. أهذا يا زمان أنا
أذلني الحب أخرسني و أعماني

بعد الفراق رايت الصبر شيعني
في صحوة الفجر أمشي مشي سكران

يخيفني الليل و الذكرى تعذبني
و حارب النوم ذاكرتي و أجفاني

صفعت وجهي أهذا يا زمان أنا
أذلني الحب أخرسني و أعماني

جدو ماله خلك شهر كامل أتمرض شوي
ورى مارجعت صحته
تقريب ثاني شهر بلعطله
يعني ورا شهرين تقريبا خابرت خالتي ماما...واني يمها
-أم جمانه الباجر راح نجي الجمعه.....
عيوني ألماما..........باوعتلي بقوه
-لاتضعفين جمانه....

-لا مارح أضعف..أوثقي بيه

أليل خلص مثل كل يوم معذب روحي

ألصبح اجوي بيت خالتي كلهم
وياهن خوالي وولدهم
وبيبي وحجو ويه ماما وابويه بموضوع سرمد
بابا رفض أول مره......
ماما قنعته وحجو والخطوبه ماما كيفت
تحب سرمد وتحب اخوتها كالت اليه
-ولدهم حبابين يدللون المره.....ضحكت جذب
لأن بالنسبه الي مافارقه عندي اي شي
المهم اقطع كل امل بحيدر
كل شي يوصلني بي ماريده
كلشي ينسيني حيدر افرح بيه لأن تعبت

بقو يومين عدنا....وراحو
ورا يومين ماما قنعت بابا
اتفقو ويه جدو وبيبي وعمي كلهم
ماعندهم مانع دزو موافقه لخوالي

أجتي جنه شافتني كاعده ضايجه
-أممم ضايجه لج خوالي عندهم كيعان بكربلاء
كيعان زراعيه
وبساتين تخبل
والخضرة حلوة ترد الروح عندهم
وشفت بيها فلاحين وهم هم يشتغلون بيها
حياتهم حلوة بسيطه

-كافي جنه

-لج خالي مرتب
وحلو وانيق هو وولده
علاقته بمرته حلوه احترام وتفاهم
ماعندهم مشاكل...

-أي اعرف جنه....وانتي اخذي اخوه

-ههه نزول عليج....

بعدها حددو خوالي الجمعه التجي..
يجون خطوبه رسميه.....
والجمعه الوراهه نيشان وعقد....
اني هنا بديت احس بالخوف...
صارت رسمي وبيها حجي رياجيل
خفت و مشاعري لاتبقى وي حيدر

ومثل اي بنيه...
رهبه
وخجل بالاضافه الى ما اخذت الاحبه
الاربعاء ليلة الخميس بليل تقريبا ...بثمانيه
توني مخلصه سواية العشا
وغاسله مواعين ومرتبه المطبخ
ومحظرة صينيه العشه ابمكان ماما....
اندكت الباب مديت راسي واشوف عمي طلع
عمي فتحه
ودخل وجهى عليه
-حبيبتي جمانه صديقتج برى
-صديقتي....... استغربت منو تجي بيهن
بدون ماتنطيني خبر....
طلعت للباب الخارجي الدنيه حارة...
نهايات اب....
فتحت الحنفيه مال مغسله..غسلة وجي بصابون
ونشفت بلخاولي بسرعه...
فتحت الباب وجان انصدم بفرحه

-لا صدك تيسير كدامي...
فدوة حبيبتي لچ ماصدكت شفتچ
حبيبتي تجنین صايرة....
فاتت وشبكتها وبوستها...
شبكتني صار 6 سنوات ممتشاوفين

-مشتاقتلچ جمانه شخبارچ یولو

-لچ شلونچ

- زينه الحمدلله کمشت أيدي تعالي جمانه
حيدر يريدج بره .....
خطوتين باب ألبيت طلعت نسيت نفسي
بلا حجاب
همزين الدنيه لليل و شايله شعري ذيل حصان عالي وكذلتي كاصتهه كصه فرعونيه...
ولابسه فانيله بيضه ركلان وبرموده سوده
طلعت من شافني راسا صفن
- شلونج حبيبي المجرمه
- تفضل خويه ابويه وعمي بلبيت اذا تريد...
اكو ضوه خفيف من الكراج مالتنه
يعكس على وجهه حسيته من كلتله خويه
انسحبت الفرحه منه ظلم وجهه
دخلت لان بلا حجاب
لزمت ايد تيسير ودخلتهه للستقبال

-شلونها جامعتج
دراستچ
وضعچ
خوتج......

-آلحمدالله....أجتي ماما ولجنى سلمن عليها
واحس مختنكه...من شوفته وذبول ملامحه

- ليش ما كلتيلي عن صلة قرابتچ بحيدر

-أسفه والله هو مايقبل وماكدر اكسرله كلمه
اخاف منه...لأن أبن عمي

-أخوانج شلونهم....حصرتها ألدمعه
ألحمدلله كلهم مزوجين.....بس فكرت أنخطف
ولسى ماكو....

-أوووي حبيبتي أنشاء الله تلكوه...

-يارب....

-بيا جامعه صرتي....
-أنقبلت علوم مستنصريه...ورح أداوم ألرابعه

-اني عدت السادس و اجلت العام والسنه ثاني اخر شي
بس أخبار سارة أسيل
- تزوجن وعندهن جهال ..ساره زوجة ابن عمها
ورسل جوارينها
لأن اهلها رفضو رحمن
بس اني وياج التهينا ندرس...ههه حنعنس

- لا حبي اني الجمعه العقد مالتي لأبن خالتي
چانت کاعده.. راسا انسحبت الضحكه من وجهه
ظلمت ملامحها......نفس ردود فعل حيدر بالظبط
من ينصدم بخبر ...نفس صفنته

-جمانه حيدر دايموت حرام عليج
- تيسير حيدر مزوج ماريد أذي اكثر من هيج خلي يرجع لبيته
ولعائلته مرته خطيه شنو ذنبها تحبه
تيسير شفتها حلوه ... وبعدها صغيره
غلط الوضع هيج
غلطه ولازم أصير اقوى منه اصلحه أني

-بكيفج بس حيدر خطيه كالي كوليلهه خلي تفتح موبايلهه يريد يحجي وياج

-كتلهه ماكو كلام ابيناتنه
بعد كلشي خلص فهمي

-يعني اكوله انت راح تعقدين لابن خالتج الجمعه

- بكيفج كوليله احسن مما يدري بعدين
طلعت الفون مالتي.....هاي صورة خطيبي...باوعت
-لج يجن....

-اشكرج .

-جمانه ما انصحج تلعبين هيج لعبه ويه حيدر
تره ايده واصله بكل مكان
اني لو منج ما العب ويا هالعبه

-لابله وشيسوي يعني اعلى مابخيله يركبه
وبعدين شنو ايده واصله بكل مكان
-جمانه حيدر يشتغل ويه الامريكان ولسى ما بطل
أو بلمعنى بطل...بس الشركه أمنيه قويه
لج يروح ياذيكم
- لا تخافين مايكدر ياذينه
بس صدقه بصفته شنو يأذيني
بالله وحده وداتنخطب لابن خالتهه
شيكدر يسوي

-والله اني بلغتج وبعد بكيفج

-تيسير انت تمشين وتفضحين بابن عمج
وهو شغله خطر شمدريج انت
وهو حته الي ماكايل
-ولج بس الج اكول ماكول لغير احد علمود تفتهمين ويامن انت
ومنين عرفت
فهو ماكايل الأي واحد بس لابويه
واني سمعتهم من يسولفون.....هسه رايحه

-ألله وياج تيسير........احسها رادت تحجي شي
وصلتها للباب
سلمت عليها
- اخر شي افتحي فونج .....
وطلعت طلعت وراهه بوستها وراحت....
مااريد أفتح اكيد يهدد...لو يغلط...

بعدها ألخميس أحضر نفسي للخطوبه...
أريد أنسى كلشي...
وأبدي جديد....

...
ألحد ألخميس بليل...رجعت ألشريحه
أريد أشوف شكاتب....
فتحت ألفون....
أول مفتحت فوني.....اجتي رسايل
ورأسن أتصال.....من حيدر ....فتحته صاح بصوت
وبلهجه كلش قاسيه وبيها تكبر وحقد

-هاي شسمعت بس بلهجه كلش قاسيه تكبر
- هاي هيه حيدر انخطبت وخلص
-لچ هسه یله کالتلي تيسير احجي
-أي حنخطب
-احترمي نفسج شنو انخطبتي وخلص
يول شداتحجين انتي

-حيدر هاي هيج انتهى كلشي..
الله يخليك ابتعد مني

-والله نجوم السما اقربلج...
ومحمد اكتل وانكتل وما تزوجين غيري

- لتهدد وعوفني بحالي ماريدك بعد

- جمانه حطي ابالج اقتلج واقتله وما اتردد لحظه ليش قبلتي بيه فهميني
شنو البي أحسن مني

-مابي بس اريد ابتعد عنك عوفني بحالي

- لج لتموتيني لج شخلاج هيج تسوين
تخبلتي؟؟

- ماتخبلت بالعكس ماريد اخرب حياتك..

-ياحياه لج حياتي حركتيها انعل ابوج لابو حته الخلفج
يول بنت الكلب شعجبج بيه
هل حقيره تيسير هسه كالتلي شكله
يول قبلتي بيه لان ابيض وعيونه ملونه
قبلتي بيه لان حلو...
مجرمه احچي عاجبچ لان حلوو......أريد اكرهه بيه
ولازم أقسي عليه بلعت بجيتي همس بحسره
- اي ايي لان حلوو وعيونه صفر"واشكر
تذكر من كتلي يول تحبين ألشكران...أي
حجيت هيج بس متت
احس كلبي انعصر من القهر ...
لو يدري بگلبي ياحلو يا ابيض .
خرب لو يدري اني ما اشوف احلى منه
وما اشوف باي واحد رجوله تضاهي رجولته
مااشوف أحلى من سمارة و حرارته بتصرفاته
الي تحرك مشاعري وبس
ماكو غيره بكلبي....
بس دست ع كلشي بيه
ورجعت اكد اي عاجبني حلو ليش شبي
اختنك حسيته كام يحجي ويشاهك بجي..

-انعل ابوج لابو حته الجابج عليه
لچ حقيرة
كلبه انتي متستاهلين حبي
یول داموت تعرفين شنو داموت
ألخاطر الله كافي صار شهرين
ماكافي عذابي وقهري.....امده گلبي
عشك حقيره....
شهرين فراك
انوب تنخطبين....

-حيدر كافي ......رجع بقوه صاح

-يول اني اعلمج والله اكتلج
وحق الله اكتلج واكتل روحي...
مكدرت أتحمل عذابه ألي بصوته بين

- حبيبي كافي لتحجي هيج
- لاتكولين حبيبي جذابه
انتي جذابه
وحقيره
شوفي اذا طخج اذبحج والله العظيم اذبحج
لج بس يطخج اقتله وخلي ورى الشمس

-حيدر كافي الله يخليك كافي لتسوي هيج
وروح عني انت متزوج
الله يخليك اعتقني لوجه الله
ماريدك روح لاهلك
حيدر مرتك تحبك .....مكدرت أكمل من كلتله هيج كمت ابجي انقهرت عنده مرة وتحبه غيري

- جمانه أضاهر متعرفين منو حيدر....
متعرفين أني منو
وشنو أكدر أسوي.... كلمتي وحده
اذا عقدتي اسكطج والله
انهيج من الوجود

-شنو انت ماخذ راحتك وتهدد
شنو انت منو انطاك احقيه تتحكم بيه هيج

-أنچبي جمانه اني ماعندي احقيه
لچ قصدچ ذاك الاشكر له احقيه
أني وبس أليه احقيه اخذ راحتي بيج
بس اني اليه بيج...ومحد ثاني
جمانه اني حيدر
تعرفين منو حيدر
يول جمانه اموت اذا تزوجتي
أموت اذا غيري شاف تفاصيلچ....
مجرمه دأكلچ اموت بصباحيتج تسمعين
خبر موتي ارحمي حالي

-حيدر مرتك ماكدر شلون اخذك منهم
وابنك يريدك
انت وامه اني شنو من هاي الوضعيه
مجرد اضافه سخيفه
تخرب عليكم حياتكم

- انت حبيبتي وماكدر اعيش بدونج
انتي مو اضافه
انتي حياه اليه
ولتفكرين بغير شي

-حيدر كافي افتهم انتهى ما اغير رأيي
لان ماكدر خلاص كلشي تحدد

-أبويه انتي حقيره كون يمي اخخخخ ربي
جان كطعتج وملخته ألشعر راسج
متونسه بنت الكلب على عذابي
متونسه على دموعي
روحي الله لا ينطيج
وعساهه بحظج وبختج كل النار البيه
طبك الفون بوجهي
خفت من تهديداه
وصافنه لأن سده
صوجي حجيت وياه
غبيه وابقى غبيه
شخلاني افتح فوني
مو جنت مرتاحه
شحصلت غير الغلط
والمسبه
والصياح
والرزايل......

ماعرف نمت لولا
كعدت واعرف أليوم الجمعه
أليوم أروح بروح تعبانه
واصلا ماادري شسوي
مالي واهس ألكلشي
كوة ماما جرجرتني للسوك...
اشتريت فستان
وشغلات
اخذت لون ماروني طويل
فيزون بي فتحه جانبيه لحد فوك الركبه
ومن فوك شي بسيط ازقي وبس
ودتني للصالون حفت حواجبي عدل
ورادت تسحبلي خصل ماقبلت ....

-لا خليه شعري حلو اسود ...
وملمسه ناعم ....

-أي واضيفلج شعرج طويل لحد نهاية ضهرج
وبي موجه بسيطه .....بس ليش مااخصل

-حيدر يحبه و دائما يذكر ضفيرتي
دائما يكول لاتلعبين بي بقي اسود وناعم
احلى انتبهت على روحي
اني شكاعد افكر
حيدر وين
واني وين.....ابتسمتلي..
طلعتلي مجله ...
وماما ختارتلي...
مكياج حلو حمرة ماروني
ولاينر قوي برز رسمه عيني
وشعري ع طوله سوته كيرلي
شالت جوانبه من وجهي بطريقه بسيطه كلش
اباوع للمرايه من كملت طالعه حيل حلوة
الى درجه كل الي بالصالون يباعن ويصلون ع محمد
وگلبي شكد جواه وجع...
حطيت شال على راسي
و ثاني على جتافي
كمت لزمت الفتحه مال فستان بيدي
حته من اطلع ماتبين افخاذي
وصلت للسياره....بابا منتظرني باب الصالون
فتح الباب اليه
صعدنه بالسيارة وبابا فرحان ...
لان ماما مرتبه نفسها مكياج خفيف...
مشغل اغنيه ويباوع عليه.....صاح

-اشطالع الحلو....لك يحلو...الغنيه شغلها
فدوة فدوة يبنيه شتتريكين يوميه ...يغمزلي
وماما تضرب بيه بالشقه

..
-عوفها نبيل خجلتها البنتك

-دشوفي بنتي شون طالعه....كبرتني بخطوبتها نداوي

-اي وحتصير ازغر جد بلعالم عمره بثلاثينات

فرحت من شفتهم فرحانين..
بابا وماما حته بقو يشاقوني
يخجلوني ويباعولي من المرايه
يضحكوني....
ضحكت وياهم...
وصلنه داندخل فرعنه ....
وما احس الا انردمنه ردمه قويه...
صرخت ماما...وصياح بابا اخر شي تذكرته
الردمه قويه
بشكل الى درجه ويه مانردم بابا
وانظربنه فقدت الوعي..
من كعدت مااعرف شوكت وشلون لكيت روحي وحدي بغرفه ؟؟

وين أني؟؟
أفتح عيوني كوه من الألم..
مكدرت أكوم
ألتفت يمنى يسرى ألريحه طيبه ركزت على ألحايط
على الشباك ...
هاي مستشفى...
انتجيت على أيدي....ماما"بابا وينهم...
اشصار عليهم....ردت احجي
ألوجع ماخذني
تلمست راسي من الجهه اليمنه مضروب بكصتي
بعدت ألغطا..واشوف ركبي اليمنه تملخني تملخ
من الالم
وجع فضيع برجلي ....
كوه كعدت على حيلي ابجي بحركه
ماما بابا ماتو
واني هنا محد يعرفني.....لا مماتو...

-بابا وينك"ماما.....جريت ألغطا أحاول أكوم
ماما حتعوفيني هسه...
بابا هستوك تضحك وياي
صرخت بقوه مااتخيل نفسي افقدهم
على صوتي أنفتح ألباب
ودخلت الممرضه متريدني أكوم

-لا تتحركين ميصير.....جريت أيدها

-فدوه ألله أيخليچ وين اهلي....

-أهلج زينين بغير غرفه بس يصحون نكولج

- عفيه دكولي والله

-والله زينين

- شلونهم خاف دتکذبين

-دا كولج زينين حالتهم بسيطه..
بس شويه رضوض ابوج بصدرة
لان صدره صاير عالستيرن ومتاذي شويه

-اشكرج والله.....
-يله ارتاحي للتحركين....جاي أعدل كعدتي الوجع موتني..... صحتلها
-فدوه رجليه دتأذيني
رجليه داتموتني من الوجع
ركبتي حيل توجعني فدوه أشبيهم

-مبيج شي شويه وتصيرين زينه ..
بس أخلي كانونه آلچ وحترتاحین...جرت أيدي شدتها
لكت ألوريد خلتها......

-توجع ألكانونه...

-أي لان راح اضربج ابره مهدأة
لان لازم نراقب حالتج..

-ليش شنو بيه

-مبيج شي بس خاف رضوض بالدماغ
لان موصين عليج

- مابيه شي راسي ميوجعني....
بس رجلي موتتني فدوه

-لعد صبر هسه يجي الولد الاجه وياچ.
راح دايكمل اجرائات جوة ويدفع الأجور

- منو

- ماعرف بس جان شايلج..وجابج للطوارئ

-ها خاف خطيبي.....نيمتني عدل

-لبسج ومكياجج....وين جنت رايحه

- اليوم المفروض الخطوبه مالتي...بس وين اني
سكتت ماحجت شي مجرد نظراتها مقهوره عليه...

-انتي بمستشفى الخيال الأهليه

افكر ماما وبابا خطيه بابا بس لا تأذى
غمضت عيوني....أنفتح الباب
فتحت عيوني متفاجأه....
واشوف حيدر طب للغرفه.. صفنت عليه

اريد أكله شجابك هنا.....الممرضه حاچتني

-هو هذا الكتلج علي جابج تعرفي......سكتت بقلق
يعني هاي الممرضه تمشي بأوامره باوعتلها

- اي والله اعرفه
بس مااريد
الله يخليج حبابه وديني يم اهلي...
جلبت بايدين الممرضه الي جانت يمي....أبجي بحركه
بعدت ايدي من ايدها براحه....بهدوء كالت

- عيني حاليا مايصير اصبري شويه....واني رايحه طلعت وخلتنه وحدنه وسدت باب الغرفه...

عيوني أله واكف يباوعلي...حاقده عليه وموجوع
-انت شتسوي هنا..

-اجيت أشوفج.......

-بس لا ألك أيد بلي صار...باوعلي ويتفحص جروحي مقهور عليه.....

-أممممممم

-لك مااحب هل حركه انتهى كلشي
الله يخليك ابتعد

- والله انجوم السما اقربلج اكتل وانكتل
وما تزوجين غيري....

- لتهدد وعوفني بحالي ماريدك يااخي كوه
مااريدك بعد ... تعصب وبينة عروك ركبته صاح من بين أسنانه وبثقه قاسيه

- جمانه حطي ابالج اقتلج واقتله..
وما اتردد لحظه وحده....وحق الله أقتله
ودمه بركبتچ.....

-انت.......كطع كلامي وبأصبعه الي يهدد بيه صاح

-اششس ولا تلخمطين حجي
بس كليلي ليش قبلتي بي فهميني
شنو البي مااعندي أني

-اووف يارب لك تعبتني والله مابي مابي
بس اريد ابتعد عنك
ياأخي عوفني بحالي عوفني

-نعله على أبوچ يول لتموتيني.....ادنى عليه خفت منه
ومن عصبيته....
يدور على الچربایه ویشد بشعره من وری
.....لج شخلاج هيج تسوين؟
تخبلتي يول فهميني هسه ماعجبتچ خلقتي
هسه صرتي دورين شاب أشكر...
شلون ياربي اصبغ روحي مثل مايكل جاكسون
واصير أبيض وترديني
من خرب أهلچ دمرتيني....
فهميني شخبلج عليه

-ماتخبلت بالعكس ماريد اخرب حياتك..
وممعيبه

-اخخ ياحياه یول حركتيها
انعل ابوج
لابو حته الخلفج
یا بنت الكلب تحبي لان عيونه ملونه
لان حلو ...ادنى عليه وضرب ألچربایه بوکس
....آحجي عاجبج لان حلوو.....رفعت عیوني لعيونه
وخزرته بكد وجع گلبي...
بكد طعنت روحي وحبي له

-اي اي أي لان حلوو.....وجه صار احمر قهر
رجلي توجعني ...خليت ايدي عليها من الألم....

-جمانه ماتصيرين لغيري.. شفتي عنادج حبيبي

- الله لاينطيك لك ليش هيج سويت بيه....
ردت اكوم صحت من الوجع
حيدر الالم مداينحمل برجلي ليش هيج...
كله منج اني حذرتج وانت متسمعين كلام

-كافي يول

-لك انت شنووو روح ماريدك روح رووووووح
اصيح وابجي اجه يمي بسرعه.... كعد بطرف الچربایه
جرني حط راسي ع صدرة
حاوط ظهري بأيده حظني ...
مديت ايدي ادفع بي وهو ....يسكتني

-اشش اشش أبويه انتي اسكتي
يمسد بشعري ألى ان سكتت وغمضت عيوني
من كد مادادفع بيه تعبت
صرت ابجي بصمت..
حظنه جان حار
ونبض كلبه كله صار باذني
وايده محاوطتني من كل جهه...ونزاكة عطره
حته الالم بعد ما احس بي
شعوري عبالك طايرة لابسما ولا بكاع
اول مرة يحظني واقترب منه هيچ....
حسیت هنا الآمان....
هنا الکی روحي

هنا راحتي...،.....سكنت وهو يمسد شعري باس راسي
- يولي أحبچ وحق خالق هالكون
آبویه كتلج عوفي ماسمعتي
هسه يالله رتاحيتي من صارت هيج..
یول کل وجع بیچ بیه.....خرب کلبي العار
الي يدور عذابه بيده...
مااعرف نفسي ليش هلكد أحبچ...
کل یوم راح اموت من كد فراكچ...بعدت منه
أمسح دموعي وباوعله عيونه دور بوجي....

-حيدر حباب اسمع مني..عوف گلبک
ولو مرة وحده أسمع مني اني ماتحمل بعد
يارجال أسمعني
حظنك ماكدر اشوف غيري بي
ماكدر اشوفكم تنامون سوى
حيدر حرام عليك خليني اولي لحالي

-اويلي يابه هالكد مقهورة مني
ابويه انت هذا الحظن الج ومو لغيرج...
وهذا الصدر مكانچ وبأسمج بس...

واذا دخل غيرج بالغلط تكومين تعوفين حبيبج

- اي والله زهدت بيك ماريده بعد....كام بنرفزه
جر كرسي وكعد كبالي
باوع بعيوني ويركز بملامحي..
نسيت روحي اني حاطه مكياج
و الفستان .....بعد عيونه وارتجى علكرسي
لان حس بيه خجلت...
واغطي بصدري..

- صيري واقعيه
انت مو بكيفج الكاعد تحجي..
متكدرين تطبقي
ولا اني اكدر امنع نفسي عنج
جمانه ست سنوات

-خمسه ونص
-خوش يلشاطره همزين أني داقريج تحسبين غلط

-كافي حيدر

-مو كافي انت صرتي ويه دمي..
شتزهدين
وشانسى أني

-حيدر التريده غلط...
واني ماريد اسوي شي اندم عليه
- يابنت الناس مو كلشي صح٠٠ ١% يريحنه
اكو شغلات غلط نرتاح بيها
واكو شغلات صح تعذبنه
اذا تزوجتي لهذا الأشكر الغبي
برايج شكد نسبه الصح بقرارج

-احتمال ٥٠%

- ليش هالرقم بالذات

- عالاقل سجی وابنك ترجعلهم وترتاحون
كعائله دنكت بتعب وقهر

-كعائله يعني مو عائله كلتيها يعني
زين تحسين راح ترتاحين وياه

- ادري مراح ارتاح

-تعرفين شنو معنى اول حب ألچ
اني فتحته آلكلبج
واني الي خليتج تحبيني
تنازلت وضحيت يالله صار حبنه
ماراح يسويلج هيج هل آشکر
ولاراح يعرف شنو معنى جمانه ....ومعنى أسمها

ج.... معناها جنون حيدر
م... ......محبوبة حيدر
ا............أمنية حيدر
ن.........نهاية وبداية حيدر
ه.......هناء وسعادة حيدر

هاي حروف اسمج بلنسبه اليه
يعني حته اذا تزوجتي...متنسيني
وراح تكضين عمرج عينج ورايه
وتدوريني بيه وهو خطيه شنو ذنبه
تدورين حظني بيه
ودورين وعيوني ومتلكين شي
لا هو
ولا انتي راح تعيشون مثل الناس...
عوفي جمانه
عوفي لهذا الأشكر
خرب الحظ بسببه كرهت الشكران
عوفيه و لتخليني اطب بخطيته

- حيدر اريد منك شي حباب
-كولي ابويه انتي يول تدللين بس أمري

- حيدر اني جبيرة مو جمانه ام ١٦ سنه
اني كبرت
واعرف اقرر
واعرف اختار
حيدر عوفني اختار حياتي
اني احبك صحيح الله يشهد
اموت عليك الحد العشق
بس حيدر خلص لهنا انتهى الي بيناتنه
انت متزوج
ماريد اظلم احد افهم عليه
هذا قراري وما مستعده اغيرة تحت اي ضرف
وتحت أي ضغط......صفن بوجهي وبحسره

-يول انت شكد مجرمه وقاسيه
عض أصبعه حيل........
اخخخ كون الزم شعرج اكطعه
الله يحركج ويطلع حركتي بيج
ويراويج شنو النار الحاطتني بيها
دكلي احبك بس ماريدك ...
يعني شسويلج هسه ادك اصبع بهل انجاز مالتج
لو اركص چوبي

وكف متعصب ....ودي اضحك على حركته دك اصبع
جر علاكه من القنفه .......شمرها عليه باوعتلها

-شنو هاي حيدر
-صخام حيدر جابه يله كومي هذا بطل مي
وكلينكس مبلل
أمسحي وجهج وضفري شعرج
جنج ساجده عبيد

-يااااا شدا دكول عيب عليك....

-ولا تهونين جنج كاوليه مكياج وحاله شعرها
بعد خو نزعي تستعرض جسمها يمه.......سكتت منه
اضفر شعري ضفيره.....
مد ايده للستره طلع ضب أفلوس وبعصبيه
سحب منها لاستيكه مال فلوس.....مد ايده
اخذتها قرصت بيها شعري
طلعت كلنكس مسحت المكياج
واشوفه يخابر واحد كاله

-اريد دشداشه نسائيه سوده او نيلي او قاتم
تقرب عليه مد راسه لورايه مادري شيسوي
واصابعه اجتي على ظهري كزبر جسمي
غمضت عيوني مثل عايشه حلم
وهو يجر فستاني من ورا مادري شيباوع
خفت منه يسوي شي...انداريت داشوف شبي...
خزرني بحده......رجع يحاجي ألولد
يكله جيلهن الدشداشات قياس ٤٨ احسن.....وسده.

-شدسوي انت موعيب

- انجبي ..........سكتت منه حسيت بي فول اعصاب ورجلي صل عليه بجيت من الوجع
يفتر بلغرفه وصوت حذائه يضرب براسي
الممرضه ماجتي .....خمس دقايق مدري عشره
رن موبايله........باوعلي

-كافي تخزر

-لاتتحركين هسه اجي.... طلع
واني احاول أكوم اشرد منه
خردلتني فتحت ألثوب.....والوجع مساعدني
جاي انزل رجلي
دخل جريت حسره

-همزين لحكت عليج.....عنوديه عرفتج
كومي بدلي فتح العلاكه طلع دشداشه
شمرهه عليه.........من تخلصين صيحيلي
طلع سد الباب..... حاولت انزع ثوبي مكدرت
نزعته من فوك وكوة طلعته من جوايه
لأن كاعده علي
لبست دشداشه وبسرعه لان شعرضهه عليه
حتى بيبي السمينه همات عريضه عليها
نزلتها........

-خلصت حيدر......دخل جايب ويا كرسي متحرك
-كومي يالله اهلج صحو
- كله من وراك صار بينه هيج والله اذا صار بيهم شي

- انجبي ولتفتحين حلكج
وتستاهلين وبو زايد وهاي بس البدايه وياج....سكتت مالي خلك صوته العالي

ماما حبيبتي وينج عني صدك طلع مخبل
مسحت دمعتي.....وصوته حجى بهمس
.....كومي يالله داكعدج عالكرسي
-ماكعد شنو معوقه قابل اني أكدرامشي
- كلت انجبي وسوي ألي أكوله سكتت... اجه عليه
.... لزمي ايدي وكومي.....باوعتله صفح ودرت وجهي -وخر عني أعرف.....كمت دانزل جان يصرخ الم برجلي موطبيعي ابجي بحركه
لزمته من ايديناته ثنينهن.....
سندني ونزلني واني افرفح وابجي....

- كافي بجي يولي هديتي حيلي....موتيني قهر
يول ادموعج نار تحرك گلبي

- كله من وراك هيج صار بيه لان تخبلت

- دا اكلح تستاهلين وابو زايد..بس گلبي أثول شسوي
دفع ألكرسي طلعني....

واشوف الممرضه بالباب....وحدها مثل تراقب
نطاهه ألضبه مال فلوس وكاللهه
-مثل مكتلج لتحجين لأي شخص

- اي اي عيني تدلل.......اخذتني الممرضه
بعد ماخلت الفلوس بجيبها....
نصى عليه ونظراته كلها حب مجنون

-أبويه انتي لاتنسين أنتي بنت هذا ...اشر على كلبه

-كله منك دمرت گلبي ...وهسه رجلي.
رن فونه باوع للشاشه وعيونه اليه

-اجى أبو نبيل جدج.....ديربالچ علی نفسچ حبیبی
راح بسرعه
والممرضه دفعتني.....طلعت
التفت خايفه....وصدك خفت منه هذا الوحشي مايخاف يسوي اليريدة
عرفت وعنده حلول لكلشي
مشاها بلفلوس.....ضربت خدي
عزززااااأ لو يدري بابا بيه جان بلمستشفى يمي
چان صلخ جلدي
وسواهه كاتل ومكتول ......
يارب وكعت بثنين مخابيل حبيبي وابوي
طببتني على اهلي
بابا اباوعله خطيه تعبان حيل...
الستيرن ماذي صدرة كوه حجى
الممرضه كالتلي....
-لاتخافين مجرد رضوض ماكو كسور....
عيوني الماما......
راسهه ملفوف لأن مضروب...
بقيت يمهم دقيقتين
كعد بابا.....
كوه مد ايده الجيبه طلع تليفونه....يتصل

-ألو بويه ابنك بلمستشفى تعال...باوعلي بابا
-شونج جمانه حبيبي

-زينه بابا....
-معرفتي منو الجابنه
-ها؟؟؟