كفايه :: يااا وج سكتي ام السان لا اسمعج امه عييب
ام جبار اجت عليج تريدج لـ أحمد وابوج گال گليللهم صغيره وما ننطيها للغريب

آماني :: ايبااااه والمن تردوني ليا قريب هذا لا يكون لـ اصخيم لو احويدر المدگدگ

كفايه :: اگلج تعاي صدگ و سلام منين دره واجه گلج

آماني :: غير حضرتج اسولفين كلشي لـ أمه اذا انتن سرجن و مسرورجن سوه أكيد عرف منها وهيج وهيج گلي يسوي لو قبلت و سوه روحه عنتر أبن شداد ابراسي

كفايه :: اشبيج وي الولد ليش دائماً تتناكرين ويا وانتي مو هذا طبعج الولد ما امسويلج شي شو خوش ولد وشاغول

آماني :: ما امسويلي شي بس مااطيقه ولا ابلعه
كفايه :: دروحي روحي الله يطيج كملي دراستج عود

آماني :: ورى ايام اجتلي مرت عمي أسعد

حبيبه :: أكلج امونه هذا سلام اجالي و حاجاني عليج يگلي بلكت اتقنعيها أنا شاريها و احبها وكت ما جانو اهلها بأيران واتمناها اصير الي هاي حلم الطفوله

وج يعني حب الطفوله ما راح ايعيفج ولا ينساج صدگي ايموت عليج اسالفه كلها بيج جابلج هاي وگلي تنطيها الها و اذا اتحبيني لا ترديني انا عمتج مثل أمج

آماني :: خذت العلاگه منها جانت بيها علبه مغلفه و شال و قطعه بيضه بيها حرفي و حرفه وعطر فرنسي و رساله بخطه المزنجر گوة فهمته چانت كتابته بـ الانگليزي مدري كردي كل شي ما افهم منها و نقص احرف الكلمات اغنيه لـ صلاح البحر و بلاخير كاتب احبج و اموت عليج

گام يجينيه بين يوم ويوم مرات اطلع و مرات اغلس هو استغل فترة اهله موجودين عدنا هو ما يصلي گام كلما يجي اعلمه علىالصلاة گتله صلي و حاولت اعلمه على الصلاة و فعلاً گام ايصلي و هذا الشي فرحني

اجه رمضان وهمه عدنا بعدهم ننجمع كلنا على الفطور هو ويانه موجود و صايم بديت اتقرب اله اشويه اشويه الى إن اتعودت عليي و على وجوده ويانه كلما يجي ايجيبلي شي ويا بلعيد جاب الي ملابس ابوي وامي استغربوا

سجاد :: شكو هاي المن الملابس و ليش اجيبلها وياك

سلام :: عمو اشتريت للبنات و هي صارت اگبالي جبتلها شكو بيها مابيها شي

سجاد :: اشمعنا بس آماني ليش ما حبت لـ ذكريات هم

سلام :: هااا نسيتهاا
ذكريات :: أي صدگتي سلام افندي علينه هاي نستيها
سلام :: وج ام حلك سكتي انا غير مره اجيبلج

خلصن شهرين و خلصو بناء بعد رمضان و العيد بدوا ينقلون بغراضهم شالوا منه و استقروا ابيتهم ضل يتردد علينه كل يوم حجه شكل حتى مرات يجي يضرب أبره وهو مابي شي ابوي يضوج منه ما يرتاحله و كلما يجي النه ايضل يحجي ويصير وجهه ثگيل لأن حس اكو شي

حبيته وتعلقت بي و حبيت اهتمامه بيه طبعاً دراستي ومستواي اتراجع حييل و حتى رسبت بأربع مواد بنص السنه استلمت النتيجه من خوفي و مستحاي ما راويتها لامي وابوي وادري بيهم يحجون عليه بس غصب عني لازم اگللهم اشلون اخذها واني ما موقعتها لازم توقيع ولي الأمر اضطريت قبل لا اروح المدرسه الصبج گتلهم

آماني :: بابا وقعلي هاي الشهاده
سجاد :: توج ياله تحجين ليش ما حجيتي من امس من رجعتي

آماني :: هااا مو شسمه
سجاد و كفايه :: راسبه مووو چم ماده

آماني :: أي أربع مواد
كفايه :: صدگ تحجين لو تشاقيين بله اشوفها واشلون هسه ادخلين وزاري

حصلتلي رزاله و ضجت حييل منها قررت اترك كل شي وراي و اشد حيلي واعدل المواد الراسبه بيهن ضليت كل همي أعدل المواد و انجح حتى ادخل بكلوريا

گام سلام يجي ومااطلع اشوفه هو مل اختي ذكريات اتروح للسوگ مرات وي أمي بيتهم ابطريق السوگ يسألها عني لو يدزلي رساله كتابيه بيدها لو شي هديه ويوصل سلامه الي من خلال اختي لو خواته يجن النه

قسمت وقتي ضليت اگعد الفجر ادرس و اراجع لحد ما اروح للمدرسه چان اخبالي و لا الفيزياء و لا الكيمياء والانگليزي أموت منهن و ادرس على أعصابي المهم عدلتهم و نجحت بكل المواد و درجاتي زينه بس الأهم إذا اتقسمن و طلع عندي السعي هذا الي خوفني و ضوجني

انطونه عطله قبل الإمتحانات و گالوا انكمل النتايج ونعلن عنها والدخول همين
بهذا الوكت أمي اتمرضت و مانعرف شنو سالفتها اتأزمت حالتها راجعت گلولها بيج تيفوو حييل اتأذت بعدين اكتشفت حامل هنا صارت المسؤوليه كلها عليه

البيت وشغله عجن و خبز طبخ و غسل و الدراسه لعبت روحي من كل شي ما الحگ على وكتي الليل كله ادرس رحت اشوف النتايج علنو عنها والدخول الوزراي خايفه على قلقل على ضايجه كلها ماخذه مني مأخذ استلمت النتيجه واجيت للبيت لگيت أمي واكفه بلباب اتباو؏ علي من بعيد

آماني :: يمه خيرر المن واگفه بلباب اصاير اكو شي
كفايه :: امتانيتج بشري شنوو

آماني : شبشرر

يتبع

١٧__١٨




إحببتک كأنک الأمان والسلام
سلاماً لي حين ملڪت قلبي وعقلي وروحي .. و سلاماً لک و لقلبك الذي علمني الحب
سلاماً لمن أحببته حد الألم فعلمني الحياة
تطير ڪ الحمامه في فڪري إذا فڪرت بک

قراءة ممتعه اتمناها لڪم معي

كفايه :: شني شتبشرين النتيجه شنو ناجحه لو لا و داخله وزاري لا انا منتظرتج و انتي بطرانه

آماني :: أي داخله و ناجحه هاج هاي الشهاده
انطيتها الها و دخلت اذا هي استلمتني من الباب

كفايه :: ياا صلوات درجاتج عاليه و ناجحه چا اشبيچ ضاربه البوز شبرين
آماني :: يمه راسي يوجعني حيل احسه راح ينفجر

كفايه :: يا يمه اسم الله عليج اشبيج خاف من القلق لو ما نايمه عدل
آماني :: ما ادري يمه ما ادري مالي خلگ

ضليت اصرخ من راسي و الوجع البي ما اگدر اتحمل بعد الوجع گومتني گوة غسلتلي وانطتني حبوب رأس ابوي طالع للصيدليه فتحها هو وصديقه يجي من المستشفى يرتاح ساعتين و يروح للصيدليه يفتحها

المهم اني شربت حبوب رأس وعصير ليمون ونمت ضليت أنام هواي و وجع براسي أبد ما يتركني رجعت قسمت وقتي بين البيت و شغله و الدراسه انطونه شهر ونص عطله قسمتهم على الكتب و كل كتاب اخليله كم يوم حتى اخلص كل الكتاب وكل المواد

بهاي الفتره صار الكتل بلشوارع و على الإسماء و الي مالابسه عبايه صارت اوضاع المنطقه زفت و اتخوف رعب الخطف بصفحه و الكتل بصفحه مره گلي ابوي امشى وياي لبيت جدج انا گمت ابدل حتى اروح ويا واطلع اشويه من الجو و الدراسه والتعب

سجاد :: بابا آماني لبسي عبايه
آماني :: ليش اشبيهم ملابسي اطوال و اعراض و عبايه ماالبس لو شيصير
سجاد :: چاا ما اطلعين وياي

آماني :: اي عادي ما اطلع هلرايحه ابدل و اگعد على أساس اني وين رايحه هو كله كله لبيت جدي و وياك قابل راح ياكلوني

سجاد :: ديله يله امشي بس لا تبچين
آماني :: ما بچيت على شنو ابچي

ابوي حييل يخاف و يغار عليه يعني لو أريد أطلع ايشوف لبسي و اذا ما مقتنع بي يگلي بدلي و لبسي غيره و هاي السالفه ابد ما بطلها وياي چم مره يخليني اغير لبسي و يضوجني من الطلعه كلها المهم طلعنا و رحنا لبيت جدي ابو أمجد سلمنا و گعدنه و بدأت التحقيقات و السؤالات الما تخلص و لا تتبطل

صاحب :: هاا آماني شني بويه هيجي طالعه انتي لا عبايه لا شي و انتي چبيره و حلوه و هذا الدرب اشطوله و ترحين مشي و تجين مشي عيب و هم ايخوف

آماني :: حجيت بگلبي يا سالفه الما تفض جدو ما عليه شي لا تخاف ما يصير بيه شي گلت بگلبي بس كفني شرك انوب حول على ابوي

صاحب :: چاا أنت شني بويه ما تگدرلها هاي النويعمه ما تلبسها عبايه ما اشوفها اشطولها و إن شاء الله ناوي تعوفها تدرس و تكمل بويه هاي اشيخ عليك لو كملت

اني خليت و گمت انقهرت حييل و ضجت احترگ گلبي من حجيه وما اگدر ارد ادري بأبوي ما يقبل و هم ما ياخذ بحجيه ويسوي بيه مثل ما گال طلعت بره گعدت اشويه و دخل عمو عادل و سلام شافوني ضايجه و گاعده لوحدي على صفحه

عادل :: هاا أمونه شلونج خيرج بويه ليش گاعده لوحدج هناا اشبيج منو وياج

آماني :: هلا عموو شلونك لا مابيه شي سلامتك
سلام :: شلونج امونتي اشبيج منو وياج صاير شي
آماني :: الحمدلله زينه لا محد وياي ما بيه شي
عافوني و دخلوو اشويه و رحت دخلت يم عمتي و نسوان عمامي گعدت دخل سلام و بدأ التصنيف و السوالف و الضحك إني وياهم بس امبين عليه امخنچره و وضع رأسي و الوجع الما يعيفني يأثر عليه بسرعه گمت من يمهم بره احسن روحي مخنوگه أريد اتنفس اشويه و اجه وراي سلام حس عليه بيه شي

سلام :: أمونه حبيبتي اشبيج ليش مو على بعضج صاير شي گليلي عفيه عود اليوم أنا اجيت فرحان بس ما ادري بيج هناا خوش مفاجأة هاي

آماني :: اني مابيه شي عفيه لا تلح مالي خلگ شكوو شنوو الي امفرحك
سلام :: أي ليش مالچ خلگ غير ادگليلي اشبيج و اصاير ليش اتخوفيني

انا و ابوي اجينه انحاجي جدو يقنع ابوج على موضوع الخطبه الصراحه هاي ثالث مره نحاجي ابوج و ابوج يغلس لو بعدين لو مو هسه أريد اعرف اشوكت مو طلعت روحي أنا

آماني :: شنو هذا الحجي جديد و انت اشدعوه عليك مستعجل ما متفقين هيج احنا و الدراسه اشلون و هسه امتحانات راح تبدي ما فكرت بهاي أنت اهم شي روحك و راحتك

سلام :: و ليش انأخر إذا أنتي رايدتني و أنا رايدج و مشتريج و مشلو؏ گلبي صار اسنين أنتي طلعتي اضبط من ابوج يا برودج

آماني :: يا برود جاي اگلك عندي امتحانات و أمي مريضه و البيت فوگاي شصير اني يعني

سلام :: هاا يعني عاجبج لجاي ايصير اضاهر اجي اشوفج ما اطلعين اشوفج و احجي وياج بلصدف لقاءاتنا معدوده والله مليت من هاي الوضعيه و الصراحه خايف

آماني :: من شنو خايف
سلام :: الصراحه ما مطمئن لوضعج و لا لأبوج و حاس على يا ساعه اتعوفين الاول و التالي و اضل انا و انا جاي اسمع كل يوم واحد جاي عليج اموت ولج آماني اموت من الحرگه و القهر خاف ابوج يوافق على واحد منهم ويروح كل تعبي

آماني :: يا تعب تقصد
سلام :: خاب دروحي روحي الفاهيه عفتي الحجي كله چلبتي بهاي

آماني :: دروح هو مو صوچك صوچي واكفه احجي وياك هسه يجي عموو ميثم و يشوفنه و نبتلي
سلام :: هسه انا خذت منج حگ باطل كلشي ماكو وعيونج كل شي ما افتهمت منج اشحده خلي يسوي شي و شوفي شسوي

آماني :: هجم بيت جاكي شان ادخل عيني ادخل احسلك

صدگ واحد يحب الثاني وگلوب مراهقه ونتراسل و اشعار و خابصين اروحنا بس ولا سوينه شي حرام لو غير اخلاقي ابد
جان عدنا شرايط تسجيل اغاني قديمه ابوي محتفظ بيهم من ظمنهن واحد بس موسيقى اسم الموسيقى ليلة القبض على فاطمه هذا حييل حبيته جنت دائماً اشغله واگعد اسمع

اما الشرايط اذكرت عموو عادل من چان بلاردن اشلون يدز النه حجي بلشرايط حبيت الفكره گلت خلي اجرب اسجل صوت وادزه لـ سلام خلصت شغلي چانت امي بلسوگ واخواني دوامات واني معطله گعدت اسجل واجرب اشلون يسوون الصوت بي والله صار ضليت اسولف ويا كأنه يمي
هسه اتگولون شنو هالفكره المجنونه هاي

المهم وصلت اله الشريط هو عباله اغنيه شي واني هم ما گتله شنو هذا بس انطيته اله هو سامعه وميت ضحك عليه ايگلي صدگ مخبله عاد هو صار اضبط مني سوه نفس الفكره بس ضاف الها شعر چانت كلمات الشعر كلش حلوه اني من عشاق الشعر احبه حييل

دزاه الي بيد عمتي حبيبه مرت عمي أسعد
حبيبه :: اگلج هذا كاسيت انطانيا سلام گلي وصلي لأماني بس عليج الله من اسمعينه گليلي شنو بي
آماني :: ان شاء الله
خليت الشريط بلمسجل وگعدت اسمع عبالك مسافرين وهو بوكتها جان اكو تليفونات موجوده بس الفكره عجبتنه حلوه انو الواحد يجرب شغلات من ضمنها الغريبه

عاد مره ثانيه هم دز هو بيد عمتي حبيبه گالت اگلج شنو السالفه هاي الشرايط شنو بيها فهميني گعدت سولفتلها خربت ضحك علينا

حبيبه :: تدرين چم سنه حبيت عمج وهو هم بس هاي الفكره ابد مااجت على بالنه جان ايدزلي شرايط بس أغاني وانا هم ادزله أغاني راح احاجي أسعد اگله ليش ما سويت هيج چا بس اسليم و امونه يسون هيج

آماني :: عمه صدگ جذب وكتكم راح هسه هذا وكتنه خلينه انعيشه اگلج صدگ سولفيلي على حبكم
حبيبه :: يووو سكتي يمعوده شسولف اشما أسولفلج ما اخلص هواي بطولات

آماني :: اتعلميني بيكم غير چنت اني المرسال بينكم ما تذكرين اگلج صدگ اريد اشوف الرسايل اذا محتفضه بيهن اريد اقراهم

حبيبه :: اي وعلي اشلون انسى هواي أشياء ما تنسي رغم السنين تعدي و اتمر بس اضل محفوره بلذاكره هسه انتم هم نفس الشي هذا حبكم راح اذكرونه و ما راح تنسون ابد لان طفولي

گعدت طلعتلي الاشعار والدفاتر والرسائل الي جان يدزهم الها اويلي يابه عشق لا ينتهي تدرين عمه اتمنى ايصير حبنه مثلكم رغم السنوات الطويله ما اتغيرتوا ولا خرب حبكم ودام بينكم هالشي

حبيبه :: ان شاء الله عمه الله يوفقكم ويفرح گلوبكم وتنجمعون على خير وتحت سقف واحد والله غير العب فلك بعرسكم لو صار اشعدي غير امونه و اسليم فدوه اروحلكم انا اشوف روحي بيكم لهيجي اساعدكم و انصحكم

طريقة تفكيري و عقلي ابد مو مال وحده عمرها ١٥ سنه چنت أحب بعمق بس بعقل رغم صغر السن والمراهقه والطيش بس بحذر وعفويه بنفس الوكت

بدأت الإمتحانات بس الخوف متملكني من الجاي گانه أريد امتحن حتى اخلص وبنفس الوكت مااريد اخلص حتى لا انصدم بلجاي جدو اذا حط شي براسه يسوي تعبت من التفكير حاولت انسى كل شي من ضمنهم التفكير و اتركها على الله و اخلي بالي و اركز بلدراسه وبس و فعلاً انطيت كل اهميتي و وكتي الأكبر للدروس

هاي كلها بصفحه و الكتل بلشوارع و الخطف بصفحه جاي نمشي اني و صديقاتي دموع و مريم وشفنه ابنيه ويانه بلمدرسه مكتوله بلشارع ضلينه امصفصفين لا ناخذ ولا ننطي طارت كل الدروس المحفوظه بلدماغ متنا خوف

مريم اتخاف من الدم هي شافت الدم وهي طاحت بلگا؏ فقدت يمعوده ام الغيره گعدي ماكو انوب التمو الناس واحنا نحاول انصحيها متنا من الرعب ذبينه عليها ماي اشويه صحصحت گومناها گوة ومشينه عفنا الناس ملتمه على جثت البنيه بعد ما نعرف شنو صار رحنه كملنه طريقنه للمدرسه وبدينه الإمتحان جانت بدايه مرعبه ومن كثر الخوف طار كل شي كوة جاوبنه اني عن نفسي ومااعتقد انجح بهاي الماده

رغم خوفي بس مضطره اسكت و مااحجي خاف اگلهم و يبطلوني بس ابو لعلوم امگابل الراديو وين يسكت اذا سمع سامع الخبر والمكان و هو اسودن علينه گال لأبوي يا صاحب وما ادراك ما صاحب شگول عليك اني سويت روحي ماادري ولا اعرف بس خلي اكمل الامتحانات والله كريم عود بعدين

المهم خلصت الامتحانات على خير شبعت نوم السهر دمرني اول اسبوع مشى و عده طبيعي
فد يوم خلصت شغلي صبينه غدا كلنا ملتمين عطلة تغدينه وخلصت كفيت المطبخ والماعين غسلتهن سويت چاي وصبيته الهم گعدت انفتح موضوع

سجاد :: بابا آماني جدج و عمج عادل فتحوا موضوع خطوبتج وانتي اكيد عدج علم بلموضوع الصراحه هاي مو اول مره بس چنت اسد السالفه واگلهم عدها دراسه وامتحانات لو اغلس يصير خير لو بعدين ومأخر السالفه فهسه گامو يلحون رايدينج لـ سلام الموضوع يخصج و يخص حياتج و سوآء قبلتي او رفضتي انتي حره و انا وياج بس الاهم تفكرين عدل و اشوفينه مناسب الج لو لا انا عن نفسي علاقتي بأخوي ما أريدها تخرب و عادل أقرب اخواني الي

كفايه :: الصراحه هو الولد خوش ولد ما يتعيب شاغول و ابو بيت بس أنا ما انصحج تقبلين و تاخذينه ما ترتاحين أبد شو همه كلهم أصغار و هوسه و ما عدهم نظام بحياتهم اتعبين وياهم و انتي مو من النوع الي تتحملين و حمل تعب و مغثه ابنيتي و اعرفج ما تتحملين وهذا زواج مو لعبه مو يوم و يومين و لا هو ثوب و اتبدلينه وكت ما تحبين

حميد :: انطيج رأيي ولو أنا أصغر منج بس ابقى اخوج وهم اخاف عليج سلام لا تاخذينه ما ايفيدج ما يصلح الج و مو من ثوبج رفضي أحسن الج و النه

إني هناا بس مستمعه لأرآئهم صحيح أحبه بس تايهه ما بين علقي الي رافضه و گلبي الي رايده وبين كلام أهلي عنه و النصايح و الارآء احسن اشتت تفكيري حييل و بعد ما اعرف شسوي ابوي شاف حيرتي و حس عليه وهمين يدري بيه هاويته

سجاد :: آماني الاختيار الاول و الاخير الج اخذي وقتج و فكري و بعدين الله كريم لا تستعجلين أنا گتلهم أخذ رأيها و ارجعلكم خبر

آماني :: الله كريم
من بعد كمية النصايح و الرأي المختلف و تفكير عميق قررت القرار الصائب كان لڪن للاسف ما دام بعد ثلاث أيام رحت لأبوي بليل قبل لا ينام

آماني :: بابا اني فكرت عدل و اخذت قراري و ما اريد سلام و أريد أكمل دراستي ما أريد أبطل

سجاد :: خوش بس هذا قرارج لوحد و دراستج لوحد
آماني :: اشلون يعني ما فهمت عليك
سجاد :: يعني دراسه ماكو بعد ومنو گالج اتڪملين مثلاً اصلا المدرسه تنسيها

آماني :: ليش هيج بابا عفيه ما أريد إترك الدراسه الله يخليك واني امفكره لو معدلي زين ادخل معهد معلمات لا تكسرني أنت عاد

سجاد :: آماني سدي الموضوع والسيره كلها والدراسه تنسينها ما اشوفين الوضع اشلونه والمدارس بعيده علينه و الكتل و الخطف افلس لا اتعاندين و روحي نامي

آماني :: منين يجي النوم بعد
ضليت طول الليل گاعده و ابچي مدري حضي وليص أبوي مدري ادعي على جدي الي گام يقرأ براسه و ايوزه عليه مدري اندب على أمي الي مالها كلمه و رأي و وگفت وياي شبعت قهر وبچي گمت اتوضيت و صليت و ضليت گاعده اقرأ قرآن و ابچي حتى ارتاح



يتبع










#بارت١٨
قال لي....
أنتي ‏امرأة يقع بها المرء
بكامل انتباهه
و أنا وقعت بحب تلك المرأة
و تلك العينان الجاحدتان
أنا ‏أنظر في عينيڪي
أتأكد بأن هناك متسع
من الحب والجمال و السعاده
وبأن المعجزات تتحقق
و البدايات تخلق لي من حيث لا ادري
وجودك معي يحمل لي سبع سعادات و طيف حب و باقات من الياسمين لصفاء و طهر قلبك









. •┈••┈••❀🌼 🌼❀ ••┈••┈• ❖═══❖◎◎❖═══❖ . ❖═══❖◎◎❖═══❖

آماني :: بعد رفض ابوي للدراسه ضليت لا أكل و لا شرب و نوم قليل و الوجع يوم عن يوم ايزيد ما ينقص عندي اتأذيت حييل و ابوي ما احجي ويا و لا اطلع اسلم علي و لا اشوفه أبد ضليت على هذا الحال ثلاث ايام صاحب ابو المصايب گام يخابر دائماً يريد يعرف الرد و گاله أبوي آماني رافضه ما تريد سلام

كفايه :: يا ستار هاي منو هيجي يدگ الباب گوم حميد افتح الباب

حميد :: گايم گايم
فتحت الباب و اشوف جدو هلو جدو شلونك اتفضل اتفضل

صاحب :: شني بويه طرشان ما اسمعون صارلي ساعه ادگ الباب الشمس حرگتني مرگ

كفايه :: هلا خالي شلونك عساك سالم خو مابيك شي

صاحب :: غير انكتلت من الحر و انتم ساعه ياله اتفتحون الباب

كفايه :: ما سمعنه الباب التلفزيون صوته عالي و المكيف هذا يربد كل شي ما نسمع منهم

صاحب :: دجيبيلي ماي خل اشرب فحطت

كفايه :: ليش وين جنت انت

صاحب :: رحت استلم راتب و اجييت عليكم وين اميينه شو مالها حس

كفايه :: لوحدك اجييت مو ما اشوف اشلون تطلع لوحدك آماني مريضه و مالها خلگ بلغرفه

صاحب :: اي لوحدي اجييت جابني رجليه ليش اشبيها صيحييلها بله

كفايه :: آماني آماني گعدي بله هذا جدج اجه النه و يريدج

آماني :: خير يارب شيريد هذا ما اطلع گليله ماتت
كفايه :: استحي و لا تحجين هيج على جدج گومي احسلج و سدي حلگج لا يسمع

آماني :: هو انتم هذا الفالحيين بي لا يسمع تخافون منه و كلشي عدكم عيب و حرام روحي گعدي يم خالج روحي

كفايه :: اشلون ورطه هاي ادگومين لولا
آماني :: گايمه گايمه بس روحي اني اجي وراج
گمت غيرت ملابسي و غسلت و رحت يمهم
شلونك جدو

صاحب :: هلا بيج يبعد جدج هلا بيج بويه تعاي تعاي گعدي يمي اشخيرج ايگولون مريضه

آماني :: يمه اشبي جدو خاف يريد يمووت
كفايه :: انجبي ولج و سكتي لا يسمعج
آماني :: عاد هو اشلونه اذاناته تسمع عن بعد مييت متر اگلك حميد اني نايمه لو صاحيه تسمع جدك شيحجي لو اني الوجع مال راسي امأثر عليه ويمكن جاي اتخييل

حميد :: لا جاي اسمع وياج اشبيج صاحيه بس خلي نسمع للاخر شنو نهاية حجيه بله لازم وراها شي هاي المقدمات

صاحب :: اشبيكم ولكم شتبسبسون سمعوني وياكم
آماني :: جدو يعني متأكد ما سمعت
صاحب :: اسمعت ما سمعت شي
آماني :: اهاا لا جدو ماكو شي بس گتلك شلونك شخبارك مشتاقين

صاحب :: هسه اريدج اسويلي نومي بصره يگولون اسوينه طيب
آماني :: لا جدو متوهمين الي گالولك ما اعرف اسوي
كفايه :: آماني
آماني :: شنووو
كفايه :: گومي سوي
آماني :: إن شاء الله

سويت من لا چاره و اني روحي طالعه منه انوب رأسا گعدت من الدوخه و الوجع مال راسي احسه يريد ينفجر بعد مابيه حتى اوگف و عيوني غوشن گوة اشوف ضليت گاعده بلگا؏ اجتلي ذكريات

ذكريات :: هاا خير اشبيج ليش گاعده بلگا؏ و اشبي وجهج انگلب احمر و عيونج امورمه جاي تبچين

آماني :: مابيه شي بس وخري مني
بيه مابيه ڪملت النومي و خليته يم امي هي اصب جاي اروح للغرفه صاح عليه

صاحب :: تعاي تعاي وين رايحه تعاي اهناا
آماني :: لا الوضعيه أبد ما اطمن
صاحب :: شنو گلتي
آماني :: لا جدو مو وياك شنو تريد خوماكو شي

صاحب :: أول شي الله بلخير
ردينه علي اني و امي الله بلخيرات

صاحب :: أنا سجاد گالي انتي ما موافقه على سلام و تردين اتكملين دراسه و سلام درى و ضاج و عمج عادل هم زعل شانت علي ليش ترفضين بدون سبب اشعدج بويه گولي ليش رفضتي امخليه أحد ابراسج شايفتلچ شوفه و دراستچ انسيها ابوج ما راح يخلييج اداوميين بعد هو هيجي گال ولو خلاج أنا امنعج و اكسر رجليج

آماني :: جدو شنو الحجي هذا اشتدرون بيه من هذا النو؏ إني لو سامعين عليه شي و اذا اموصليلك شي عني البي خير يجي يگلي مو يروح يشتكي عليه عد أحد بعدين رفضي لسلام بدون سبب و ماكو اي سبب لا اضلون اطلعون حجي من يمكم مو ايگولون الزواج قسمه و نصيب مو نصيب بعض احنا بعد على شنو هذا الكلام

صاحب :: شني بويه شو تحجين و انتي صاحبة الراهي بعدج ما صرتي دكتوره و گمتي تتفلسفين بروسنه شني مالچ رداد يردچ

آماني :: ادري اني اشحاجيه حتى اتفلسف غير انت اتگلي عدچ شي و شايفتلچ شوفه لو حاطه احد براسي ادري شنو قابل الي يدرسن عدهن احد ابروسهن لو كل العالم نفس تفكيركم چان محد وصل ولا واحد درس لا صارن النسوان دكاتره ولا مهندسات ولا معلمات وانت واحد من الناس مو چنت اداوم بلبترو و وياك نسوان شفتهن سون شي وياك لو وي غيرك

صاحب :: شوف أنا شحجي و هي اشتحجي وج السانج اشطوله أنتي

آماني :: ليش مالي رداد لو گلت شي غلط حاسبني انت او امي و ابوي موجودين وين الغلط گلي علي بله شوف جدو يمكن لو مو أنت جدي چان حجيت وياك غير شي بس اني احترم و رغم هذا كله اني ما مجاوزه عليك

صاحب :: يا بت الحلال الدراسه ما تفيدج و لا الوضع زين و يساعدج اداوميين ليش انا مو خليت امج اتكمل و صارت معلمه و ساندتها و خليتها توصل و احنا خذناها بصف ثالث متوسط كملت معهد و صارت معلمه و بعدين ابوج عارض دوامها

يعني بكل الاحوال ما استفادت شي هاي هي گاعده يمج و اسمعج خلفت و كونت عايله وانتم كلكم زينين و اثثت بيت و هسه مستقره بعد الدراسه شني و شغله ثانيه اذا ابالج أحد تنسين نهائي لو تموتين لو تنطين ما ترحين لغريب خلي هوشنه ابحوشنه

عابت هالمثل والي گاله و الي مثله

آماني :: هسه اشلزگتولي بااحد و عدج واحد و غريب و خبصتوني بيش احلفلك ما عندي شي بس الي اريد اعرفه اشمعنى اني ما اروح لغريب مو هاي بنات عموو أمجد ثلاثه منهن انطيتوهن لغريب چاا أنا وحد شني

صاحب :: اي أنتي وحد و تنسين هاي السالفه لا اتحلفين ادري بيج ما عدج شي بس اريدج اتوافقين على سلام و لا تكسرين ابخاطره تره يحبج و شاريج و مستعد كل شي يسوي علمودچ و شبي هو شو شاغول و ابو بيت و ما يتعيب شنو حجتج بعد

آماني :: هسه اني عيبت عليي لو گلت بي شي اني ما أريد ازوج و انتهى الموضوع ادري ما تحجين يا يمه شو ذابتها على الصامت لا اي ولا لا

كفايه :: يمه انى مالي كلمه و ان گلت شي محد يستمع لرأيي و الموضوع يخصج انتي بيدج الرفض و بيدج القبول

صاحب :: يعني انتي امأيدتها على الرفض موو

كفايه :: مو هيج خالي هسه اني حاجيه شي شو گاعده بس اسمعكم و اتريد الصراحه الحياة الزوجيه اتريد تفاهم و اتريد ناس كبار و عاقله و تتحمل و همه اثنينهم بعدهم اصغار وينهم و وين الزواج و بعدين بيت عادل كل نظام مابي ولا تفاهم همه مو لهسه عادل و مرته امناگر و امعارك اشلون بعد ايزوجون ابنهم و همه حياتهم امخربطه

صاحب :: اهااا هيجي الحجي صار چاا انتي مو اصغر منها بسنه و ازوجتي سجاد و هاي انتم متفاهمين و عايشين أحسن عيشه واحد يحب الثاني واحد يحترم الثاني

كفايه :: ايي اني ما گلت شي صح بس الي گلته عن تجربه و بعدين منو گال هي و سلام حياتهم راح اصير مثل حياتنه ايجوز اصير مثل حياة امه و ابوه

صاحب :: كل شي بيد الله لا اتقررين من يمج و انا اوگف وياهم و اسندهم و شنو ايصير انا المسؤول عنه و انا الي اتكفله و لو سوه شي الها اله ارمي طلقه و اخلصها منه و الله العظيم ما شفنا شي منه هذا هو جاي يجي كل يوم النه و جاي يشتغل وي ابوه بلمحل مال الحداده يعني لو بي شي ابوه يعرف بي و لو بذر من عده شي مو زين احنا عدنا علم بي

آماني :: لا اگلكم و لا اتگلولي قنعنا كلنا و المشكله ابوي خلاني بوجه المدفع و هو طلع منها چان طالع و ما حضر ولا شاهد هاي المحاضره كلها انطيت موافقتي و افتكيت من الجرجره مالت صاحب و سلام گتله هذا هو موافقه

طلع تليفونه و انطانياه گلي اتصلي على عمج عادل واحجي وياه و گليله تعال النه تغده عدنه اتصلت عليي و گتله و صدگ اجه ما طول لأن چان محله قريب علينه اشويه و گلي اتصلي على ابوج اتصلت عليي و هو حاجاه و ابوي هم ما طول اشويه و اجه

واني اصلا صارلي مده لا شايفه ابوي ولا حاجيه وياه شفته دخل خليت و گمت رحت للمطبخ احس روحي گمت افور اشلون الماي من يغلي على النار هيج داخلي ما أعرف شنو السبب

گعد يقص عليهم الكلام الي صار اشلون عنده طاقه للكلام و للاعاده ما اعرف لو ينطيني اشويه من طاقته خررب يومه عود هو رجال اشكبره و اني ابنيه اصغيره و ما عندي الطاقه الشايلها هو

صاحولي و عساي ما صاحولي گعدو يسألون بيه اذا موافقه لو لا و اذا جدو صدر منه ضغط عليه بكلامه لولا گتلهم لا ماكو و موافقه اني بكلمتي اصار اصرار و عناد وي ابوي انوب ضليت اباوع علي و گتلهم موافقه ڪأني ارآهنه على رفضه للدوام و الدراسه الي

عمو عادل احسه بين الفرحان و بين الضايج ما اعرف شنو السالفه و لا سألته على شي اني ابد اما اني خليت آمآلي على سلام بلكت احقق احلامي الي راحت وياا

اتفقوا على يوم الجمعه اتكون عزيمه عد بيت جدي و كلها تلتم و ايكون العقد القرآن هناك اخذوو قياس اصبعي حتى يشترون الي حلقه و راح عموو عادل و اخذ جدو ويا بعد ما اتغدوو و اسوالف جدو و بطولاته الي ما تنتهي

طلعوو و رجعت اني للغرفه سويت روحي نايمه گعدت ابچي اني ابنفسي ما أدرى ليش و على شنوو لحد ما ملييت ونمت ماادري بنفسي صحيت المغرب راسي اموتني من الألم ضليت اصرخ منه اجولي اهلي كلهم يتراكضون عليه

شالني ابوي اشيول ركض بيه للمستشفى الي يداوم بيها سوولي فحوصات و تحاليل و قاسو الضغط طلع الضغط نازل هواي اما الفحوصات و التحاليل كل شي مابيهن رجعوني للبيت طبعاً ابوي لهسه محاجيه ويا بس من شفت خوفه عليه احس روحي لو اموت افضل من ما احجي ويا

عدت الأيام اجه يوم الجمعه بين الوجع و الخوف و الارتباك گمت حضرت اموري بس ولا کأنو اني الي اليوم عقد قرآني رحت عادي حالي حال الكل معزومه على وجبة غدا دخلت لبيت جدي كلها موجوده و ملتمين عبالك عرس مو عقد قرآن

كلها جايه عمامي كلهم همه و عوائلهم
خوال سلام و خالاته جدتي اصير عمتهم وابوهم ايصير خال عمامي همين كلهم حاضرين
وكلها فرحانه ازيد مني شفت سلام وشفت فرحته الي ضاهره على وجه و لبسه و اناقته وشكله المزنجر متغيير

اجتلي خالة سلام الصغيره هاي صديقتي المقربه الي جرتني ابغرفت جدتي دخلتني اول شي خضنتني و بعدين ضلت تغلط و ترزل بيه لأن رفضت سلام بلبدايه واصل للكل الخبر و كلها گامت تحجي شيش بيش مشكل عليه عبالك مدري اسويت اشويه و دخل سلام عليه اثاري متفقه هي ويا يا ملعونه واني مااريد اواجهه

سلام :: هااا ليش ما تردين اتواجهيني منيش خايفه ست آماني و ليش بله ما ترديني چااا وين الحب بسرعه بعتيني اطاچ گلبج اتأذيني ما حسبتي شيصير بيه و أنا الي گتلج ما اگدر بلاچ أنتي وحده إنانيه و ما تهتمين لاحد ادورين مصلحتج و راحتج

آماني :: أگلك أنت عايش الدور و جاي اتمثل جاك و روز لأن مندمج اهواي بلفلم مدري روميوو و جوليت احسن موو

سلام :: طبعاً و لا عندج ذرة رومانسيه مو صوجج صوجي جاي اعتب عليج بس ايگولون ما يعتب عليك اله الي مشتريك اريد احضنج مشتاقلج بذات

آماني :: ابو رومانسيه وخر مناا احسلك لا يجينه احد و يشوفنه يريد يحضن هو دروح بابا روح

سلام :: اي خلي يجون و اذا اجوو غير راح اصيرين مرتي فنه الي يحجي ويانه بعد محد اله حق يفك حلگه ويانه و يحجي

آماني :: بعدني ما صايره مرتك هاي انت گلتها راح من اصير الله كريم

سلام :: ليش هيج مصره اضوجيني و أنا أسعد إنسان على وجه الأرض هسه امونه و راح اصير مرتي شريد بعد من ﷲ
صدگ آماني سولفيلي ليش گلتي ما أريد سلام اذا انتي اتحبيني ما تطلع هاي الكلمه منج و ماكو وحده تحب واحد و اتگول ما أريده

آماني :: سد هاي السيره مو وكتها إذا أنت فرحان ليش اضيع فرحتك هسه
اشويه و صاحولي كأنه كان الخلاص من سؤال صعب اجابتي عليي نقذوني ردت اروح لزمني من ايدي جريت ايدي و گتله مره ثانيه لا تلزمني خوش

سلام :: لا مو خوش أنتي مرتي والي كل الحق بلزمج و بعدين اشبيج رحتي اتركضين چنچ تردين اتخلصين مني هيجي ما طايقه وجودي يمچ

آماني :: لا اتحلل من يمك رحمه لاهلك مو هيج قصدي بس وكفتنه هنا غلط والي يدخل و يشوفنه ايفكر الف فكره لهيج متوتره عيفني خلي اطلع

سلام :: روحي شردي روحي اريد اشوف لشوكت راح اشردين مني

طلعت منه يم الجمهور الغفيير و الهوسه يبووي جهال اصغار و اكبار و حجي و اصياح الجو چان كلش حلو و اللمه و خاصه لو انت اتكون سيد الحضور هاي هنا رهيب الموقف اتكون محط انظار الجميع

المصادف/ ٢٠ ــ ٧ ــ ٢٠٠٧ / تاريخ لا يمكن نسيانه

حضروا الغدا كملو صبوا چاي كلها گامت اتلملم و اتحضر حتى يبدي الحفل الي همه امخططين اله
خال سلام چان عنده صديق شيخ جابو للبيت حتى يعقدلنه و بسبب الهوسه و الضجه الموجوده گالوو وكلي ابوج حتى يتم العقد وافقت وانطيتهم الموافقه بعدها تم العقد

صارت الهلال افلس الجدات من صفحه و العمات و الخالات و هوسات بنات عمي و خوال سلام يعني صار يوم كلش حلو رغم بساطته و مابي تعديلات كل الشغلات عفويه صارت

گالوا راح يدخل يلبسها الحلقه إني گمت ارجف احس اول مره راح اشوفه رغم صارلي سنه من بدأت علاقتنه و هواي اشاوفنه دخل سلام و ضلن يهوسن و يهلهلن الحبايب گعد يمي و گدام الكل يمه متتت من الخجل و هو اخذها فرصه گام يتغزل ويحجي وياي كلها گامت اصنف عليي و اتگله هااا اسليم علينه

لبسني الخاتم وساعه واني هم لبسته خاتم گاموا يهوسون و ياخذون صور بلكامره خالاته و عماتي ما يگعدن راحه كلهن گلله حبها و لا تخاف من امها هو ما صدگ رأستاً باسني بخدي وهنه كلهن گامن ايصرخن گلله ولك غير اتبوسها ابراسها شو انت ركضت لخدها

سلام :: اسكتن لو انوب اسوي اكبر منها هسه مو أنا گوة گاعد و متحمل الكيك الگاعد يمي

گامن كلهن وشحوتنه بره طلعنه وهو يتوسل بيهن ايضل گاعد و هنه طلعنه وقفلن الباب حتى ما يدخل مره ثانيه

يتبع

١٩_٢٠

#بارت١٩
طحنتنا السنين ڪ الطحين
نعبرها أم تعبرنا ؟
وجوهنا شاحبه متعبه
لڪن في النهايه نحن الخاسرون
تخدعنا بزيفها و ڪذبها
وفي النهايه راحلوون
عشريني يشيب مبكراً
سنيننا يڪسوها غبار التعب
بلا محطه بلا وصول
لاهثين ندور خلفها ڪ الفصول
ڪ هشيم ڪ نار ڪ دخان
تدور الحياة و عمرنا قصير
يأخذنا عراة في لحظة الممات

ثم
مع مرور الأيام ستتعلم التفاوض مع جراحاتک
ستتعلم أنّ تمرّ بجانب الألم ثم تمضي ساخراً و تعرف أن جراحک مفتوحة لڪنها لم تعد تؤلمک







آماني :: بعد ما خلصت الهوسه و كلها بدت تروح ضلينه احنا ابيت جدو للمغرب يله رحنا لبيتنه يوم متعب چان
بليل أخذت تليفون أمي اتصلت على سلام

آماني :: الووو سلام شلونك
سلام :: هلا بهصوت مشتاقلج
آماني :: بسم الله شنو لحگت تشتاق
سلام :: سكتي يمعوده احس روحي طاير من الفرح

آماني :: ديربالك لا اطيح و تتكسر
ارتاحييت هسه سويت الي ابراسك هي هاي هيه دگيت روحك عليها
جنت لازمه الحلقه و اني احجي ويا و رأسا عوجتها بيدي ضليت اباوع عليها

سلام :: اشبيج چنچ ضايجه و ما فرحانه ليش هيج تحجين وياي

آماني :: لا بلعكس فرحانه مثلك يله رايحه اني راح اروح مع السلامه و سديت الخط ما انتظرته يرد عليه
احساسي چان بين الضوجه والفرحه بين الإنكسار و الخوف ما أعرف شنوو المصير و لا الجاي شنو تحطمت من البدايه الدراسه و تركتها بعد شنو من تنازلات راح أقدم

هو من البدايه امحضر كل شي الغرفه و غراضها كامله ضاله على تحضيراتي و ما يريد الخطوبه اطول امفكر شهرين و نزوج حتى تفكير ابوي ما يريد جرجره و طبه و طلعه
ضل يتردد علينا كل جمعه يجي يشوفني و ينطيني مصرف و يجيبلي شي ويا

سلام :: امونه أريد اشتريلج تليفون حتى نحجي اتصال ابراحتنه انا ما جاي اخذ راحتي وياج من اجي اخوانج و ابوج يگابلونه و يگعدون حتى اتقيد بلكلام و ماأگدر احجي شي وياج

آماني :: ما ادري شوف ابوي خاف ما يقبل گله و إذا وافق جيب عود
سلام چان يخاف يحجي اي شي وي ابوي هم من باب الإحترام و هم من خوفه لا يفركش ابوي كلشي و يخسرني

بهذا الوكت احنا انتقلنه لغير منطقه اسمها نضران البصره القديمه قريب على سوگ الجمعه المعروف بلبصره و بعيد عن بيت جدي بيت عمو عادل همين انتقلو لغير منطقه بعيده عن بيت جدي

علنوا عن النتائج و لازم اروح استلمه خذاني ابوي وداني لبيت جدي ابات عدهم و الصبح اطلع للمدرسه استلم النتيجه گعد سلم عليهم للمغرب راح و خلاني اشو ورى العشا دخل سلام لبيت جدي استغربت دخوله الهم

سلام :: السلام عليكم
هااي منوو هناا خطيبتي الحلوه اجابج ولج

آماني :: و عليكم السلام هلا بلمزنجر شني هاي امدهن وامزنجر صاير اتخر؏ ما ادري بيك هيج چان ما وافقت عليك

سلام :: توافقين غصبا عليج مو ابكيفج شلونج اخبارج مشتاقلج

وسناء :: هوووب هووب نحن هناا ترى
سلام :: انتي خو حاشره روحج بكلشي دروحي و سويلنه مجال هوينه ما كافي عليه اخوج گوة اتنفس من ورا يگابلنه و يگعد حصره عليه احجي حجايه

آماني :: ضلوو اتعاركو اني رايحه
سلام :: تعاي وج تعاي ما عليج بيها هاي
وسناء :: انجب ولك منو هاي شو ما تحترم انت انا عمتك و أكبر منك

آماني :: يبووو عليكم اشگد اتحبون تتناگرون هسه انت اجابك بله لو اكو احد گالك هنا اني و اجيت

سلام :: ايي العصفوره گلتلي حبيبتك هناا و اجيت اركض شسوي گلبي صغير ما يتحمل اسمع كيكتي موجوده و ما اجي

وسناء :: ياا وج هو يشتغل هناا ويجي عدنا ما يروح لبيتهم بعيد معناها يگضي شغله كراوي و هو رجال جاي يلم روحه مستعجل يريد يزوج جاي ايلم الفلس على الفلس خطيه

آماني :: ليش تشتغل هناا مو چنت تشتغل وي ابوك ذيج الأيام شنو الي اتغيير شو ما حجيت ادري بيك تشتغل وي ابوك

سلام :: هو أنا شايفج شايفه دربي حتى اگلج و ابوج لايصها عليه و الله اخاف اذنى شي اروح بيها معناها

آماني :: دروح غسل روح الله يطيك و يطي ابوي وياك

سلام :: رايح رايح بس لا يزعل و يعصب الحلوو

راح للحمام يسبح شغله حداده تعب و هلاك و اني رحت يم نسوان عمامي و عمتي گاعدات يباوعن على التلفزيون و يسولفن و كلهم مجمعين عمامي طلع سلام و گعد يمنه ضحك و سوالف و راح جاب حلويات و حب وهاي الشغلات و گعدنه

الخبيث اتفق وي عمتي عليه عمتي ما مزوجه عمرها ٢٨ سنه اتأخر الوكت و كلها گامت على غرفها ضلينه اني و عمتي و سلام

وسناء :: اگلك ما تروح اتنام كل يوم هيج وكت نايم اليوم اشعدك گاعد مو وراك شغل روح نام انت تعبان

سلام :: أنا جوعان أريد اكل شو انفتحت شهيتي عود اليوم متعشي مرتين

وسناء :: ايي حقك والله الي يشوف كيك گباله غصبا علي ايجوع

سلام :: اي والله عمه شوفي اشلون كيك يشهي واحد ياكل حتى لو واحد مو جوعان هم ياكل

آماني :: اگلكم اشبيكم مخابيل انتم وين هو الكيك والله خبصتونه صار ساعه گاعده يمكم و متابعه وياكم ما شفت كيك لو بس انتم اشوفون

سلام :: خاب امده حضي اي والله الفاهيه روحي بابا روحي مو وياج احنا على هاي بلتلفزيون نحجي

آماني :: هو مو صوجك صوجي گاعده يمك رايحه انام احسن الي
رحت من يمهم فرشت فراش الي و نمت اشويه واجت عمتي هم اتمددت يمي ورى نص ساعه گام ايگحگح استاذ سلام

وسناء :: خايب لو مو اتگح ما اخليهاا تجيك و اذا گامت اله اكسر رجلها

سلام :: ههههه انتي قاسيه مو بيدج لان ما مزوجه اتغارين من عدنا نامي نامي احسلج

وسناء :: عابت حتى عابت اذا ما ازوج و احرگ گلبك

آماني :: اني سويت روحي نايمه ما اسمعهم ضليت اضحك على خبالهم بس ما جالي نوم لأن متغيير مكاني اني عكره اذا اغير مكاني ما انام و اذا مو افراشي المتعوده علي هم ما اگدر انام ابسهوله ضليت امدده على الفراش و حسبه اجيبني وحسبه توديني باجر النتايج وخايفه ومتوتره

اتأخر الوقت ماادري بيش الساعه المكان ضلمه و كلها نامت گمت اشرب ماي دخلت للمطبخ و اشوف بزونه سوده وعيونها تلمع ذهبي طفرت من مكاني على طفرتي اجه سلام للمطبخ

سلام :: اشبيج اجاي اسوين
آماني :: اجيت اشرب ماي عطشانه وشفت هاي البزونه واخترعت شكلها ايخوف

سلام :: وينها البزونه
آماني :: درت وجهي حتى اگله عليها ما شفت البزونه ضليت صافنه گتله والله چانت هناا حتى لگيتها فوگ الكاونتر

سلام :: شربتي ماي لولا
آماني :: لا هو جاي ادور وين امخلينه
راح جابلي واجه انطاني شربته ورجعت جاي ادخل للغرفه جرني من ايدي

سلام :: تعاي نامي يمي
آماني :: خو ماكو شي سالمين

سلام :: يابه لا اتنامين بس گعدي يمي ابين ما انام روحي رجعي لفراشج

آماني :: خوش بس اصير عاقل وما اسوي شي والله اصرخ واگعدهم كلهم عليك

سلام :: قابل عمي بس تعاي لا اتگعدين الوادم علينه
اگلج امونه احنا مو عقدنه يعني هسه انتي مرتي ليش ما اتنزعين الحجاب گدامي صار شهر على خطوبتنه وانا شعرج ما شايفه

آماني :: اهووو بدت رحمة الله تسكت لو اگوم ما انزع الحجاب اتريد ما اتريد ابكيفك هسه اگوم

سلام :: عمي ما لازم ما لازم بس خليج گاعده وياي
آماني :: اگلك صدگ انت اشعدك گاعد لهسه

سلام :: ما ادري كل يوم هيج وكت نايم ابسابع نومه اليوم الگمر ضاوي وما اجالي نوم
تدرين امونه اشگد تعبان و خاصتا اليوم شغل هواي و من الصبح لحد ما اجيت على فد وكفه يا دوب نزلت اتغديت ورجعت اشتغل بس من شفتج راح التعب كله هيج و اصيرين ابيتنه واحل من الشغل الگاج اگبالي و انسى تعبي ومعاناة اليوم كله الله يفرحتي

آماني :: ﷲ كريم ماكو شي بعيد على ربك لفته كن فتكون اصير واصير اسوالف انوب اتمل مني و اضل اضوج ترجع للبيت حتى ما اشوفني

سلام :: ليش هيج تحجين اكو واحد يمل لو يضوج من روحه تدرين انتي روحي والنفس الي اتنفسه احبج حب يمكن اهلج ما يحبوج هيج مثلي

آماني :: ابو حب حتى اني هم احبك بس نام و فضني نعست اني اريد انام باجر لازم اگعد من وكت حتى اروح للمدرسه وانت عندك شغل

سلام :: طيرتي ام الرومانسيه انتي تعاي خلي راسج هنا والله ما ادنالج ولا اسويلج شي بس تعاي لا ايگعدون ويسونلنه سالفه هذا صاحب ايشحوتنه ابنصاص الليالي

آماني :: صدگ ذكرتني هسه يطلع عموو ميثم من غرفته و ايشوفنه گاعدين سوه يلعب طوبه بينه

سلام :: خلي ايطير يلعب طوبه شمسوين غير مرتي و حلالي بايگين شني ليش دائماً اتحسسيني جاي اسوي حرام وانتي مرتي

آماني :: اگلك صدگ بيش الساعه هسه مالي خلگ مشاكل وحجي أريد اروح أنام نعست كلش
سلام :: ساعة بـ ثلاثه و نص
آماني :: حيييل يله تصبح على خير
سلام :: أجمعين

نمت گعدت الصبح لگيته رايح اتريگت وي نسوان عمامي و عمتي خلصت بدلت و رحت للمدرسه شفت صديقاتي وشافني لابسه الحلقه كلها اتباركتلي وما امصدگين عبالهم اشاقه لو هيج لابسه الحلقه ضلينه گاعدين انسولف ودرن بيه انتقلنه على غير منطقه ودرن بيه بعد ما اداوم حييل ضاجن

صاحوو بلاسامي وزعوا النتايج الحمد الله ناجحه درجاتي حلوه معدلي زين ايجيبلي معهد ملعمات اخ يلقهر بدل الواحد صارو اثنين لازم اقنعهم حتى اداوم رجعت لبيت جدي ميت حسبه ابراسي واشلون اقنعهم اداوم بلكي الله يهديهم و يقبلون دخلت للبيت شافو الشهاده ودرجاتي باركولي على النجاح

اجه ابوي علي العصر خذاني و طلع من غير طريق بيتنه

آماني :: شنوو بابا وين رايحين شو مو طريق بيتنه هذا
سجاد :: لا مو لبيتنه لبيت عمج عادل عازمينه على عشا

آماني :: اهاا خير ان شاء الله
اگلك بابا حبوبي خلي اداوم شوف معدلي زين ويقبلوني معهد ملعمات خلي ادخل معهد فدوه اقبل

سجاد :: آماني أنا گتلج انسي الموضوع الدراسه وانسي هاي السالفه من بالج كلش وبعدين انتي هسه ابحكم مزوجه و هم ما اعتقد يخلونجن اتكملين

آماني : ضلن ادموعي يصبن لا اراديا بدون رد مني على الكلام فشلت بعد ومالي طاقه احجي و اتوسل أكثر ضليت ساكته الطريق كله إلى إن وصلنه لبيت عموو دخلنت سلمت و گعدت يم امي موجوده ماخذهم ابوي قبلي

للمغرب دخل سلام ما اتوقعته يجي الي ادري بي ايضل عد بيت جدي اجابه هسه استغربت دخوله

سلام :: السلام عليكم
كلها صاحت و عليكم السلام
سلم علينه كلنا و گعد

سلام :: هاا امونه بشري استلمتي الشهاده
آماني :: اي استلمتها ناجحه
سلام :: اي الحمدلله الف مبروك چاا اشبيج ضايجه و چنچ باچيه

آماني :: الله يبارك بيك لا مابيه شي
سلام :: خلي اغسل و ابدل واجيج
آماني :: ماشي
گعدنه ابين التحضيرات والسؤالات والسوالف كملنه العشا و صبينه كلنه گعدنا نتعشى امحضرين هواي شغلات و اڪلات خلصنه اشرلي اجي ورا رحت ورا دخل للغرفه

آماني :: هاا شنو صحتلي على شنو
سلام :: ما تردين اشوفين غرفتج
آماني :: شفتها قبل لا تجي
سلام :: اي وشنو رأييج شنو تردين بعد بيها حتى اجيبه لو انشوف يوم ونطلع انا وياج انجيب النواقص
آماني :: الله كريم

سلام :: شني اشبيج شو مو على بعضج شنو صاير
آماني :: ما صاير شي بس حجيت ويه ابوي على المدرسه والدوام رفض وانت هم ما راح اتخليني أكيد ما تقبل غلط

سلام :: اي أكيد اذا هو ابوج ما خلاچ انا اخليچ انسي الدوام و المدرسه و ابدي حضري امورج الشهر الجاي نزوج ما دام امكملين كل شي جاي اشتغل شفتين نهار و ليل حتى اوفر افلوس العشا والصالون حتى نخلص و نزوج وانصير تحت سقف واحد بدل هذا الشلاع الگلب

آماني :: خوش
سلام :: شني خوش چنچ ما مقتنعه بلحجي
آماني :: لا عليمن ما مقتنعه هذا هو
يله جاي ايصيحون علي راح اروح

سلام :: هيج راح ترحين بدون شي
آماني :: ليش شنو تريد حضرتك بعد
سلام :: تعاي خلي احضنج وابوسج وروحي

آماني :: امشي ولي امشي يحضن هو
سلام :: عابتلج غير مرتي جاي اتحسسيني صاحبج
آماني :: خاب انت بطران اني وين وانت وين

سلام :: وين اثنينه بنفس الغرفه وين بعد
آماني :: رايحه اني انت واحد ما تستحي اتخوف وخرت منه وطلعت من الغرفه اجه وراي يركض يريد يلزمني ركضت وهو لزمني شبگني واجت ذكريات

سلام :: خرب ابليسج مو وكتج كلش
ذكريات :: دروح طلعو كلهم برا امتانين آماني وانت لازگلها
سلام :: ام حلگ روحو و خلوها هناا شلكم بيها
ذكريات :: اذا انت هيج روح احجي وي ابوي و گله اني شكوو تگلي

سلام :: ام حلگ ما ينگدرلج لا انتي ولا اختج روحن عمي روحن تردن اتورطني وي ابوچن انوب

آماني :: ما تگدرلنه اصلا و خوفك من ابوي يمنعك يله رايحين مع السلامه
سلام :: الله وياج ديري بالج على روحج تعاي تعاي نسيت انطيج حلاوته نجاحج

آماني :: كفني شرك مااريد شي منك
سلام :: لا والله مو شقى تاني اشوي بس
هاج هاي هم مصرف وهم لنجاحج خاف تردين تشترين شي
آماني :: بس هاي اهواي
سلام :: ميخالف ماكوو شي يكثر على كيكتي الحلوه يله روحي لا ايضلون يحجون عليج مع السلامه

رحنا للبيت عدة الايام طبيعيه بهاي الفتره ماكو شي صار شهر ثاني على خطوبتنه والي بهذا الشهر امقررين نزوج طبعاً افلوس احنا ما استملنا شي وهذا چان رأيي ابوي گلهم انتم اسوگو و شجيبون جيبوو حاچو ابوي علمود اروح وياهم للسوگ وانسوگ الشغلات الي اريدها ما قبل

گلهم انتم اشتروا آماني ما تدخل للسوگ وگضيت هذا العمر كله اني ما داخله للسوگ اشتروا همه الملابس والذهب وكملو كل شي حسب الاصول خابروا على ابوي گلوله اليوم نجي انجيب نيشان آماني گلهم هلا بيكم عبالك فصليه لا صالون ولا شي لا بلخطوبه ولا هسه

اني من سمعت حييل ضجت هم أريد حفله حالي حال البنات وياي واتعمدت ما اسوي شي مجرد نظفت البيت وسبحت لبست لبس عادي ولا حطيت مكياج ولبست حجاب وحضرت شغلات التقديم الچاي والعصير حتى كيك ما سويت عناد بلكل

امي هم ضاجت مثلي بس سكتت ما حجت اجوو بيت عمي كلهم و عمامي ونسوان عمامي صارت عاديه ابيناتنه واستغربوا وضعي كلشي ما امسويه حاولت مرت عمي ميثم اتغير شكلي بلمكياج واغير لبسي ما قبلت اني عاندت وضليت على وضعي هم ضاجت گالت مو عروس حالج حال البنات كتلها سكتي وغلسي

خلصت الهوسه وراحوا كلمن لبيته گعدت افتح الملابس واشوفهن ضليت ابچي جايبينهم كلهن اكبار علي مو قياسي اغلبهن امي هم ضلت تحجي

كفايه :: شنو هاي يردون ايضحكون عليج اتلبسينهن وايسوونج مضحكه صدگ جذب هو مو صوجهم صوج ابوج من البدايه گلهم انتم ابكيفكم

آماني :: اشترديني اگول يعني خليهن اني اصغر واسويهن عدل وهذا ارجعه عليهم ايبدلونه لو ياخذونه لوحده من بناتهم ويشترون غيره الي اني اگلهم طلعي منهه انتي لا اتكرهين روحج على الفاضي

صدگ ورى چم يوم حاجيت سلام

سلام :: هذا هو شنو تردين ايصير ولا يهمج انا اخذج للسوگ واشتري الي تردينه بس كون الله يهدي ابوج ويخليج اطلعين وياي هسه راح اروح للزياره الشعبانيه ومن ارجع لعيونچ شنو تردين اسوي هاج هذا مصرف هم خاف تحتاجين شي

آماني :: مااريد صار عندي هواي افلوس ابسببك جاي اجمعهم ما مشتريه شي لهسه

سلام :: ميخالف أنتي مسؤوله مني خو ما ترحين تگولين لابوج على مصرف چا انا شني غير خطيبج وابن عمج والمن جاي اشتغل غير علمودج واكمل كلشي حتى نزوج

آماني :: وراح تروح للزياره اشوكت ترجع
سلام :: ما ادري بيد الله راح اروح وي خالي نخدم هناك ولحد ما تخلص وتكف الزياره نرجع اتصل عليج واطمنج
آماني :: ماشي دير بالك على نفسك

راح و عدة الأيام الي ندري بيهم جاي يخدمون صارت انفجارات ابكربلاء يوم الشعبانيه و القناصات اشتغلت بين الاحزاب يخابرون كله مغلق الاجهزه وكلها ضال بالها لأن شبابنا اغلبها راحت إني ما عندي اتصال وي سلام اله بلصدف لو من أمي لو من ابوي انوب خابر عموو عادل

عادل :: الوو السلام عليكم شلونك سجاد
سجاد :: و عليكم السلام هلا بيك عادل الحمدلله وانت شلونك

عادل :: الحمدلله زين اگلك سلام هم اتصل عليكم شو اخباره مغلق خابرت كل خواله هم ماكو ولا واحد يرد وهاي الاحداث الصارت سمعت بيها

سجاد :: لا والله ماكو ما متصل علينه سمعت بيها و خابرت بيت خالتي ما يمهم شي والولد كلها هسه ما يعرفون اخبارهم بس قبل يوم رايحين الهم

سلام :: هذا گتله لا تروح شصخم رايح ما قبل اله اروح ركب راسه وراح وياهم وهسه ماكو خبر من اي واحد منهم وضل بالنه گلت بلكت متصل عليكم امحاجي آماني

سجاد :: لا ماكو بس هسه اتصل واشوف بلكت واحد منهم يجاوب وانطيك خبر
خابرت على الولد اريد احد يجاوب ماكو شي مغلق وشي ماترد اشويه رد عليه عبد اخو كفايه

سجاد :: هلا عبد الله يساعدك شنو اخباركم طمنونه عليكم شو ولا واحد يرد خوما صاير شي ضل بالنا يمعود

عبد :: شطمنك يمعود احنا ابنص الهوسه هسه وقناصات دگ على موكب عباس ابن خالي واحنا يمهم والشبكات ما جاي تتحصل گوة

سجاد :: دير بالكم يمعود ابعدو عن الرمي والقناصات لا تخلي احد يطلع واذا حصلتو شبكه طمنونه رجعو لبيوتكم خويه شلكم بهلسالفه ولم الولد واخذهم واياك

بهذا الحجي ما اسمع اله صوت الرمي والصريخ ومات منو مات ما اعرف وانگطع الخط













#بارت٢٠


❖═══❖◎◎❖═══❖

‏إنني خائفه
‏من ڪل الأشياء المجهوله
‏من الماضي الذي يطاردني دائماً
و ‏من الوجوه المألوفه ‏التي تحولت فجأةً
‏لوجوه غريبه
‏إخاف..
‏من إلإيدي ‏التي صافحتني
‏وتركت مخالبها ‏بيدي ‏و نزفت آثآرها
‏إخاف..
‏من التجارب الفاشله ‏و الأصدقاء اللذين تغيروا فجأةً
‏إخاف..
‏من الحلم الذي تمنيته ‏ثم وجدته كابوساً لا ينتهي.

إخاف
من السفر الى جهات مجهوله
قد تڪون بلا محطه
او حتى بلا وصول الى مڪان مقصود
إخاف
من خشونة الملابس التي تسبب لي الضيق
أخاف
إن اطوف حول نفسي من اليأس
ومن التڪرار الامحدود من المشهد
إخاف
من اصابعي التي تشير الى الأمل المستحيل
إخاف
من نفسي حين يغزوني التعب
ومن الخوف
أصبحت ڪطين هارب من المقابر
بسبب ضجره من وقع دفوف الموت عليه .





سلام :: الكتل والدمار الي بلشارع عشناه برعب والقناصات من كل الاتجاهات يشتغل علينا گوة بينا مابينا وصلنه لمكان آمن جوه الگا؏ مثل السرداب دخلنه الرمي مستمر بين الأطراف

حافظ :: ولك اسليم امشي خل نطلع وين دخلتنه أنت
سلام :: وين تطلع ما اشوف الرمي والعالم اتكتلت كلها خلي اشويه يهدأ الجو و اروح تاني اشويه

حافظ :: والله بطران هي الموته وحده على أساس هسه الموت لو يريد يجينه هذا مكانك العاوي راح ينقذنه دمشي امشي راح اطلع أنا وانت ضل هناا عود

سلام :: خرب غيرتك اذا عدك غيره وين امولي ولك تاني اشويه و بعدين نطلع سوه

حافظ :: صدگ اسليم لو متت انا ديربالك على جهالي و على خالتك وخليهم بعيونك لا تقصر منهم واذا أنت متت اطمن انا ازوج آماني

سلام :: امداك وامده تفكيرك الوسخ امشي ولي
ضجت من كلامه وحسيت لو نطلع انموت لزمت تليفوني حاولت اتصل على أهلي ماكو شبكه رجعت حاولت اتصل على بيت عمي واسمع صوت آماني خاف كلشي يصير همين ماكو شبكه ضليت ابقلق طلعت روحي اروح واجي

حافظ :: خايب ما تگعد والله موتتني اشبيك تروح وتجي حتى اعيوني راحن من وراك المن جاي اتخابر

سلام :: ولك جاي اخابر على أهلي و على بيت عمي سجاد ماكو شبكه

حافظ :: واشعدك اتخابر على بيت عمك هسه عمك اينگعلك اتنگع خاف ما متت من الرمي اتموت من حجيه عليك دگعد واسكت

سلام :: اول شي مشتاق لأماني صارلي هواي ما سامع صوتها وهم اطمن عليها واطمنها ادري بالها مشغول هسه وانت هذا كلامك خوفني حسستني صدگ راح انموت

حافظ :: خايب ما انموت ما انموت شايفلك عار يموت وين لاگيها هاي واشفايتلك نموت هنا وبين الحرمين بلكت ننحسب على الشهداء ولو ما انطولها احنا

سلام :: هاي اشبيك اشبينه عار شمسوين احنا قابل حتى عار شو ماتعرف تحجي

حافظ :: خايب اسليم علينه مو حتى ثلج گلينه اذا احنا مو عار اشخلينه للعارات ليش ما سوينه احنا حتى بين الحياة والموت ما راضي تعترف بأغلاطك خرب ابليسك

صدگ سلام نصيحه مني لأن اكبر منك اولا وثانيا شوف هسه الخوف والرعبه الي سكنه من الكتل والموت لو ضلينه عايشين انغير من حياتنه ونتغيير للاحسن ونترك كل المعاصي ونتوجه لله تدري أنا ما عندي ابو وعلمني وخاف عليه عشت معاناة الفگد من صغري ورباني الشارع انت عندك ابو وام يخافون عليك وقريب راح تزوج ابدي بدايه صحيحه واترك كلشي وراك ولو متنا بعد هاي تبقى يم الله اذا يتقبلنه ويغفر النه لولا

سلام :: خوش هذا هو اوعدك وعد منا وابدي صح بس اسكت هذا كلامك جاي يخوفني بلزايد وانا صارلي اشگد اهنا حتى ما خابرت لابوي وحجيت ويا يعني لو صار شي ما راح اسامح نفسي

حافظ :: اگلك اسليم خلي نطلع وگف الرمي ماكو صوت شي هسه خلي انروح للامام هم انزور وهم انضل اهناك لحد ما تهدأ الاوضاع انروح عمتي هسه گلبها يمنه بلكي انشوف عبد بطريقنه حتى انطمنهم علينه

سلام :: امشي امشي بعد انت مصر اليوم لو بلهدف لو بلنجف
طلعنه واحنا نشاهد واحد يباوع على الثاني وما امصدگين نوصل بسلامه شفنا عبد چنه يدور علينه والتليفون بيده رأساً صار رمي وحمى الجوو ما اشوف اله حافظ طاح بلڰا؏

بعد ماحسيت ابروحي ضليت اصرخ وادگ والطم صديق روحي هذا الما أگدر ابلايا واخوي الما جابته أمي اشوف دمه يجري اگبالي وسبح بلدم كلنه ضلينه نصارخ

ولك رحت وعفتني مو أنت اتگول زفتك عليه مو أنت اتگول انا اخذك وانا اجيبك شو عفتني رحت هذا وعدك اليه ما تعيفني ولك رحت وعفتني يااخوي وسندي ولك ماعندي اخو بس انت وهم رحت عاد چا خذتني وياك مو گلت انموت سوه خذاك الموت وما خذاني

احتارينه شنو نحجي شنو انگول ضلينه اروكض بي نتأمل ما ميت بعده وهو بساعيتها الطلقه گتلته ابمكانه الطرق امسدده والعالم امكتله بلشوارع الاف راحوو بوكتها اخذنا غسلنا وكفنا ودفنا ابمگبره بكربلاء ما گدرنه ناخذه للنجف اندفنه ابمكبرتهم الطرق امسدده و الحضر عام وماكو سيارات ينتقلن حتى ما وديناه لاهله ولبيتهم رأساً دفناه

امه واخوو اجوو لڪربلاء يحضرون الدفن عمامي وخوالي هم خلصنه گوه رجعنه للبصره نصبووا الفاتحه مالته واشوف ابنه وبناته اثتين صغار الصغيره توهي تمشي واذكرت وصيته الي متت من القهر والبچي ما گدرت اقاوم منظرهم اگبالي

دخلت اشوف خالتي وانطيها غراضه الضلت عندي تليفونه ومحفظته خالتي ما ينعرف حالها هي والفراش سوه وجهه من اللطم والدگ امزلغ واحمر حتلها ايبجي ضلت شابگتني ڪأنه اشهم آخر ما بقى من عطره بيه

خذت غراضه فتحت محفضته واتباوع الها حاط صوره الها وصور لجهاله بيه واتگلي ولك اسليم راح راح وعافني ليش خليته يطلع چان لزمته ومنعته من الطلعه مو انت ويا چا أنت مو اخوو موو صديقه مو ادگول هو روحي اشلون اتعيف روحك اشلون اتعيفه يموت

احتاريت شگلها و شسويلها واشلون اصبرها وهمه اثنينهم اعزاز عندي شگلها اگلها انسي حبچ لو انسي زوجچ ماعندي شي اگوله خذت الجهال منها وطلعت

حافظ محبوب واخو خيته سبع عسى ما أحد ينخاه يركض گدامه ما يهاب ولا يخاف من احد حافظ ايصير رجل خالتي وهم ابن عم أمي وابن خال ابوي و اخوي الماجابته امي سري و اسراري عنده محد چان يعرف بيه احب آماني بس هو يدري وامي

ابموته اتأذيت حييل ياريتني لو رحت ويا شوف القدر والعمر أنا يمه وابصفه الطلقه ما صارت بيه صارت بي ضليت عايش معاناة بعده

آماني :: من سمعنا صوت الصريخ والرمي والمات وما عرفنه منوو انشغل بالنه انخابرلهم محد يرد إني بوكتها چان كل توقعاتي سلام الي مات انخبطت خبط وضليت فكره اتوديني وفكره اجيبني لهناك خابرت بيبي ام أمي وگالتنه حافظ مات

حافظ ايصير أبن رضا الي بداية القصه ذكرناه خال أمجد وسجاد الي ياخذهم ويا للشغل ويضم افلوسهم استشهد بحرب ايران مدري بوش المهم

سوو الفاتحه وضلينه اروح الهم من الصبح لليل نرجع إني بوكتها مااعرف حافظ هاگد وماعندي اختلاط وياهم يعني اعرفه معرفه سطحيه مو أكثر ولا اعرف بعلاقت سلام هيج قويه بي إلا لمن شفت سلام و وضعه حييل متدهور وشكله متغير ١٨٠ درجه

وحال مرته اليكسر الخاطر لو امه لو جهاله ايكسرون الگلب توهم اصغار وما شبعوا من ابوهم شوف يعني ألواحد يتأذى على اذيتهم حتى لو ما شايف شي من المقابيل ضليت ابجي على بچيتهم و على السوالف گعدن وئام وليلو يسولفلي على علاقته وي سلام اخوهن اشلون چانت وي حافظ

اتأجل زواجنه الي مقررينه بهذا الشهر وسلام ضل ما يجينه و شهر كامل لا شايفته ولا امخابرلي اشتاقله واشتاق لاهتمامه وياي لسوالفه البايخه اجه رمضان وخلص رمضان وهو ماكو احنا من طبعنا اول يوم العيد كلنه نلتم ابيت جدي نتغدا عدهم وكل عمامي وعوايلهم يلتمون سوه

هذا العيد صح كلها ملتمه و موجوده بس انحسه كئيب اربعينية حافظ صادف وهم مرت عمي يوسف حييل مريضه وكلها متأثره ابمرضها وحسيناها قريب راح اتودع
عده كأنه يوم عادي

شفت سلام بس هذا مو سلام أبد ولا يمه شخص ثاني امكتر وماله غرض بااحد لا يسولف وي أحد حتى اني سلامه وياي ثگيل وما احسه فرحان لشوفتي عفته ما سألته ولا حجيت ويا خلص اليوم وكل واحد راح لبيته

رحنا للبيت ضايجه اخذت تليفون أمي واتصلت على سلام گعدت احجي ويا واسمعه يبچي استغربت عمري كله ما شايفته يبچي كله امسوي روحه جنتل مان لو عنتر ابن شداد هالمره يختلف اشبيك وهو انفجر ضل يحجيلي على حافظ واشلون چان ويا واشلون گاضيها وياه ضحكه اسوالفه مقالبه هو يحجي واني اسمع بدون كلام مني لحد ما خلص ونام وهو مايدري سديت الخط منه ورحت نمت صبحنا على خبر وفاة مرت عمي

طبعاً صايره منوشات بين اهلها وبيت جدي اهلها يردون الفاتحه عدهم وجدي يريدها عنده وصارتلك لخه بعدين كل واحد سوالها فاتحه وهذا الحجي عمي فاقد بلمستشفى وضعه يرثى له گعد لگاها ماخذيها اهلها دافنيها وما اشوفون حاله ايبجي الصخر صريخه وثغيبه عليها گلنه ما راح ايعيش بعد وراها

ايام الفاتحه كلنه ملتمين ابيت جدي نشتغل وانحضر وانجهز الثوابات صاحولي گلولي صعدي فوگ للمخزن جيبي اماعين وصواني حتى انخلي بيهن الحلاوه والتمر ويوزعون بره صعدت اجيب الغراض وانزل شي ورى شي آخر شي صعدت و طفرت من مكاني اله شويه چان صرخت

سلام :: بسم الله اشبيج
آماني :: أنت وين جنت منين طلعت
سلام :: جنت نايم ابغرفت عموو قصي وگعدت على الربد مال الماعين طلعت ما شفت أحد

آماني :: اشعندك نايم هنا والعالم ملتهيه شي اطگ بشي وانت ماخذلك زاويه

سلام :: غير ما نايم الليل كله وصار يومين اروكض منا ومنا غير هلكنه اشلون بله ما انام

آماني :: و اشعندك ما نايم بليل و هاي أنت من اشوكت نايم اني اليوم كله ماشفتك موجود جوه كل الولد اله انت ماكو

سلام :: اي بله حضرت جنابج شفتيمن من الولد وايطبون وايطلعون و أنتي اگبالهم هاا

آماني :: شفتهم كلهم وجاي ايدخلون واني اناوشهم بعد شتريد روح نام روح اشبع نوم بله گلي من اشوكت هنا ونايم

سلام :: احجي عدل اول شي واحجي منو شافج من الولد وثاني شي جوعان اريد اكل سويلي

آماني :: اهووو يا سالفه الما تخلص هو مو صوجك صوجي جاي احجي وياك دروح خلي اخلص شغل مو انت گاعد بطران خلي خواتك ايسون الك صيحلهن

سلام :: هيج صارت موو خوش عود راح اتنزلين ولا اجيبين اكل وشوفي شسوي

آماني :: والله ولا اسوي اي شي اتريد انزل اشويه وراح انصب عشا واكل ابراحتك استاذ سلام باي

سلام :: امينه نايم من الفجر وهسه الساعه بـ ثلاثه وما ماكل اي شي تردين اضل للعشا ابتلي بيج والعباس

آماني :: العباس لا شافك ولا اسوي ولا اصعد بعد اريد اشوفك شسوي بله
ركضت انزل اني والصواني زين ما طحت من الدرج وهو يباوع وراي ويضحك عليه

آماني :: فاطمه هاج هاي الفه وديها لسلام فوگ
فاطمه :: وديت اللفه وگلي صيحي لاماني خلي تجي
آماني :: گليله ما تقبل تجي وخلي ينزل ايصيحوله عمامي بره راح تحرگ فلمك اذا ضليت فوگ
اشويه ونزل وايشرلي إني الج صبريلي

آماني :: اگلج عمه سلام مدري اشلونه شو ما عاجبني تصرفاته احس اكو شي

حبيبه :: هو الصراحه انا هم جاي اگلج واسألج عنه اذا عندج علم بي شي او لا سمعت شي بس ما اعتقد صدگ

آماني :: يا ستار شكوو احجي شنو سمعتي ومن منوو حتى نطمن اذا صدگ لو چذب

حبيبه :: ولج سمعت ولد عمج أمجد يحجون على سلام يگولون يكبسل بس ما صدگت اله لمن اساله واشوف وامس الليل كله همه گاعدين بره بلچادر وطلعلهم عمج ميثم رزلهم ودخلهم كلهم هسه ادخلون وتخمدون لو ماكو روحو كلمن لاهله دخل سلام هنا نام ولد عمج أمجد راحو

آماني :: يبووي يا طلابة الماتخلص وي ولد عمي أمجد هاي ثاني مره يحجون حجي وما يوضحون صدگ لو چدب وبلا ادله تذكرين ذيج المره لمن اتعاركت وي سلام بسبب حجي ضياء وطلع چذب والله ماادري اني هم محتاره هو وضعه مو شي من وفاة حافظ واتغيير تغيير جذري وتدرين بلوضع انتي لا الي گعده ويا ولا تواصل دائم ويا حتى لو صدگ هم ماراح اعرف خلي احجي ويا واشوف

حبيبه :: بس لا تگليله مني عرفتي أنا هم على الفرغه ومن تخلص هاي الهوسه اگعد احجي ويا واشوف شنو سالفته واگلج عود

خلصت ايام الفاتحه والهوسه وعدة الأيام مابيها شي فد يوم خابر عموو عادل گال باچر راح نجي نتغده عدكم كلنا صادف يوم الجمعه حضرنه احنا غدانه وترتيبات البيت اجوو هم كلهم هاي فرصتي احجي ويا سلام واشوف شني السالفه لأن هالشي ضل ياكل بگلبي أيام

شفته طلع بره رحت للمطبخ حتى اشوفه واصيح علي شافني واجالي

سلام :: هاا امونه هم زين طلعتي اريد احجي وياج ابراحتي هناك كلها گاعده ومااگدر اخذ راحتي شلونج شوو مو على بعضج

آماني :: هو طلعت اريد احجي وياك واذا مااحجي اموتك واموت

سلام :: يا ستار شكوو احجي اشبيج
آماني :: هيج وهيج سمعت من فاتحة ميسون الله يرحمها وما جاي اصير فرصه احجيلك لو اخابرك

سلام :: وأنتي صدگتي هذا الحجي والكلام ما تدرين بيهم همه شنو واشلون ايچذبون ولا تنسين ولد عمي أمجد اثنينهم رايدينج حيدر وضياء ولمن أنا خطبتج وقبلتي همه ماتوا قهر يعني مستعدين ايسوون أي شي ويحجون ويخربون وانتي ابكيفج تردين اصدگين تردين لا ابراحتج

آماني :: سلام والله ثم والله لو سمعت شي مره ثانيه لا اعرفك ولا تعرفني بعد وتحلم اشوفني لو تنگلب الدنيا هم ما اشوفك واخرب كلشي وامشي عادي ترى كلش فأنت اخذ الحذر ولا تسوي شي تندم علي بعدين اي شي مكروه وما مقبول تركه ولا اسوي شي حرام

سلام :: شني هذا كلامج تهديد لو شنو بلضبط وبعدين شنو الحرام مثليش يعني

آماني :: والله ماادري اعتبره مثل ما تريد تعتبره تهديد تحذير خوف قلق وانت وضميرك بعد اضل راح اعبر هالكلام هالمره المره الجايه ماتدري شنو اسوي اگلبها گلاب عليكم مو دگول هذا آخر حجي وياك بعد يله اخذ راحتك رايحه اني

عفته ايصيح ايريد ما جاوبته خليت ودخلت جوه بعد ما طلعت ولا شفتهم حتى من راحوا ما سلمت عليهم امخليلي مصرف عد امي هو جر بوش من هذا كلامي بس شنو الفايده مرجوعها علي بأذيتي من اهدها ضليت لا ليلي ليل ولا نهاري نهار كله وجع ايصير عندي قوي ابراسي

گام يجي كل جمعه النه وما اطلعله ولا اسلم علي ومالي خلگ اي شي ازيد الامرار من يجي اسوي روحي نايمه امي وابوي شكو اكو شي وسألوني كم مره ليش مااطلعين ولا اسلمين شنو صاير ما اجاوبهم اسكت لو اگلهم كلشي ماكو

وجع راسي مستمر واموت منه بحيث اگعد الليل كله ابچي من الوجع اگوم اتوضى واصلي واگعد أقرأ قرآن ياله ارتاح ضلت وسيلتي و راحتي قراءة القرآن من أقرأ ياله أهدأ ضليت لهذا الوضع مده أمي وابوي ملوو مني ياخذوني للدكتور وتحاليل ماكو شي ولا بيه شي

ورى شهر تقريباً عزمونه بيت عمو عادل على غدا رحنا كلنا چانت العزيمه برعاية سلام هو صاحب الفكره وهو الي مجهز وامسوگ كل شي

يتبع

٢١_٢٢
#بارت٢١





ـــــــــــــــــــــــــــ ♡

تسرق جزء من لحظاتها لتراها
واذا بتلك الأجزاء من عمرها
تودعة دون لقاء
لتذهب متكأة
على ذلك الغصن الذي
لم يثمر بعد
ليطعمها
حتى إن أوراقها
لم تضلل لها
لكنها صبرت
وشقت وحرثت
بجانبيه أغصاناً
تسنده
ليشتد عودة ويثمر
وهي الآن تنتظر وتنتظر
وطال الانتظار
فبدأ الصبر ينفذ شيئاً فشيئاً
حتى ذكرياتها باتت كوابيس
تراودها في يقضتها
فأصبحت ک الغريق
الذي يتمسك
بخيال طيراً في السماء
فأصبحت بركانا ذو حمما
وفي مسيرها تحرق كل شي
توهم البعض بأنها
تحمل في طيات حممها اشجاراً
تسر الناظرين منظرها
يمر الوقت واذا بها تحرق
جذورها
وهنا تمطر السماء

بقلم ميرزا مهند

★ ﮼ ★
❖═══❖◎◎❖═══❖

آماني :: اتفاجئنه بيت جدي عدهم واحنا اصاير والعزيمه على سلام من غبائنا مدري طيبتنه ما فكرنا بشي ولا حسبنا غير حساب چانت اللمه والگعده حلوه مابيه شي او خلل حتى واحد يشك بشي كلها موجوده وضحك وشقى صار تغيير روتين

وسناء :: اگول سلام هاي العزيمه مناسبتيش امسويها عود

سلام :: هيج بدون مناسبه او اتگدرين اتگولين صلح ونلم كلنه سوه صار اهواي ما ملتمين وانا صار هواي ما شايف آماني وعمو سجاد ساد كل البيبان بوجهي حتى طلعه ما يخليني اطلع وياها

وسناء :: حييل والله تستاهل من تاخذها عود شبعها طلعات اذا انت زلمه

سلام :: واشبيه مو زلمه بس طلعة المخطوبين الها نكهه خاصه ومدة الخطوبه حلو واحد يتونس بيها واخوج قافل ما تتوسطين الي يمه بلكي يقبل

آماني :: إني اسمع حجيهم وامغلسه اسوي روحي بالي مو يمهم انظف بضافيري ولا درت بال للحجي

سلام :: اگول ست آماني شو ما شاركتي الحديث وملتهيه بضافيرج انوب جديده هاي الاضافير من اشوكت وانتي اطولين بيهن مو تدرين بيهن حرام ويمنعن الصلاة اذا وسخات گومي قرضيهن

آماني :: اگول لو تكرمني بسكوتك مو افضل جاي تحجي بلحلال و الحرام اشو ما شفتك صليت عود من اتگوم اصلي تعال حاسبني على شي بعدين

سلام :: اهاا هيج صارت
آماني :: اي هيج واكثر اذا تريد اترخص منكم اني

سلام :: تعاي وين رايحه
آماني :: ما عليك وين عسى ما بجهنم
سلام :: اشبيج اتخبلتي تعاي مو احجي وياج

آماني :: عفتهم ومشيت رحت گعدت يم ابوي وعمو عادل وجدو حتى ما يحجي شي وياي بوجودهم
صارت هوسه وتحضير الغدا وكلنه بمكان واحد گعدنه نتغده هو صار اگبالي وياكل واكله بخرعه من يمي لعبت نفسي

سلام :: اگلج عمه اشو انا انفتحت شهيتي وانوب آماني صارت اگبالي غصبن علي اجوع واكل

وسناء :: بهاي انا وياك اذا كيك وصار اگبالك أكيد تاكل وتشتهي بس مو علينه هذا الحجي انت گول انا جاي اخذ مشهيات وفضت راحه بعد مال آماني عيفها هاي اتولي السالفه

سلام :: لا يابه منو گال مشهيات خوماكو شي

آماني :: الما يشوف من الغربال يبقى اعمى اكلك مال مخاريع حتى سديت نفسي من الأكل

سلام :: لا لا اكلي راح اگوم أنا هي العزومه علمودج وانوب ما تلكلين يا فشلتنه بين العربان

آماني :: ليش علمودي اني شكوو وليش تتفشل كلامك بي انه لو توضح لو تسكت

سلام :: هسه اشحجينه ما ادگليلي شو ما جاي يعجبج شي والله احتاريت

كفايه :: آماني شكوو اشبيج اكلي وسكتي
آماني :: سكتنا
اكلت وخلصنه لمينه السفره والتهينه بلغسل غسلت وياهن وكفينا المطبخ وبين السوالف خلصنه شخصية وئام بلبيت أبد ما حبيتها متسلطه والها رايها واتريد الكل ياخذ احجايتها كونها هي الي لازمه البيت ومسؤوله علي اما امها ما الها كل دور بلبيت

وئام اخت سلام اني وياها نفس العمر فرق اشهر بينه اني أكبر منها بس احسها اكبر مني بهواي هي الكل بلكل بلبيت عبالك امهم مو بتهم واني هيج شخصيه ما تعحبني احسها متعجرفه هسه اني هم لازمه بيت اهلي بس مو هيج مثلهه محد اله راي بس رايها حسبت حسابات من البدايه راح اسويلي مشاكل كونها غيوره بشكل

سوالفنه طبيعيه مابيها تعمق او اگول عليها سوالف سطحيه اما ليلو لا شخصيتها حلوه مرحه والي يسايسها ياخذ اهدوم العليها بس عراكه وهم لازم اخذ حذر طحت ابمأزق يمكن مااطلع منه والله يستر من النهايه هاي جيتي الهم هواي اكتشفت شغلات بيهم

فاطمه و علياء و علي و عبدالله اصغار بعدهم يعني مااشيل الهم اهميه وامهم حامل
عموو عادل نهاره يگضي بلشغل بره جيته وي آذان المغرب هو وسلام هيج نظامهم
يعني مثل ماگالت امي عايله مخربطه وبدون نظام يعني بلمختصر راح اعاني كلش هواي

الصراحه ضجت من اسلوبهم واسلوب حياتهم الي ما يشبه حياتنا أبد بس مدري شنو الي سكتني والي خلاني ما اتراجع تعبت من التفكير واني گاعده لوحدي بعيده عن الكل والهوسه

سلام :: اشعدج گاعده هنا لوحدج واشبيج امطنگره منو وياج

آماني :: اشبيك گمزتني دگول احم دستور محد وياي مابيه شي ليش تسأل

سلام :: وين صافنه انتي شنو الي شاغلج بله دورت عليج يم البنات ماكو وسألتهن محد تدري بيج واجيت ادورج اشعدج ماخذه زاويه لوحدج

آماني :: ماكو شي طلعت من الهوسه راسي يوجعني

سلام :: اشبي راسج ما صار زين انطيج حبوب لراسج بلكي ايصير زين

آماني :: لا المشكله بين فتره وفتره يرجع علي الوجع واقوى من الي قبله وما احب اخذ ادويه ذاك اليوم خذاني ابوي للمستشفى ويا وسويت كل التحاليل مابيه شي عجيب ليش يوجعني ماادري

سلام :: هاا ماادري ايجوز تفكير وسهر ايضل راسج يوجعج أكيد وهيج امور ما اتبين بتحاليل بس ايصير من الارهاق

آماني :: الله أعلم
سلام :: شني ما مشتاقه الي والله مشتاقلج حييل انا تدرين راح احاجي ابوي حتى ايروح ياخذ أذن من اهل حافظ و نزوج انا مليت انتظر واتاني تعبت ويا ساعه اتخربين كلشي انتي وابوج انا مااصدگ تخلص سالفتنه على خير

آماني :: شنو مناسبة هذا الكلام والحجي شنو معناها وليش متخوف لهدرجه

سلام :: ماادري ابوج ماله آمان
آماني :: عيف ابوي ابحاله ولا اجيب سيرته عود انعدل وهو يحطك على رأسه

سلام :: هسه اشحجيت انا ذميت هرقل
آماني :: تروح سبعين فدوه بس لاسمه انت قابل مثله لو تجي بضفره

سلام :: اووو بعد شيخلصني
آماني :: وخر مني اموديه عليك إني أنت اجيت

سلام :: فوگ ما افگدج وادور عليج
اگلج صدگ أريد أطلع وياج لأي مكان نطلع نتونس بي

آماني :: صدگ چذب ذاك ابوي روح حاجي و گله أريد أطلع وي آماني

سلام :: تدرين أنتي النسخه الثانيه مالت ابوج ما يعجبج العجب

آماني :: اي عادي وين المشكله اتشرف واتمنى إني مثل ابوي اصلا
هو صدگ ما يعجبني العجب بس ما ادري اشلون انعجبت بيك هاي الضواهر الكونيه مدري اصار بيها

سلام :: عابتلج اي والله عود جاي احجي وي خطيبتي ما ادري طلعلي جبار وما يتحاجه انتي فاقده كل الحساسات شايلينهه منج

آماني :: وهاي دريت هسه عيفني وامشي لو اگلك اني رايحه ادري بيك لزگه ما تروح
ابوكتها صدگ محترگ گلبي وطالعه روحي من تصرفاتهم واسلوبهم راسا بين علي وهاي مشكلتي اذا اضوج ايغيم وجهي وعسى لا يحجي وياي راسا اگب بوجه الواحد وهاي مو طبعي مااعرف ليش هيج صرت اندافعيه فجأة احس نار يسري بجسمي واضل ارجف ويلزمني راسي

گضت العزيمه على خير طلعنه للبيت مرت الأيام طبيعيه امي حامل صارت ولادتها ليلة عيد الاضحى خذاها ابوي وراحو للمستشفى چان شتا وبارده الدنيا وبليل ورى العشا عدلت البيت ونضفت تنضيف العيد بيتنه اصغير وحلو امرتب يعني بسرعه يتنضف ما ايتعب

ذكريات چانت اصغيره صف اول متوسط بس اگله گومي سوي شي تتولول كله اهووو عدها يادوب تغسل اماعين العشا اموتتني ابرودها مره اتحاجينه على تنضيف والماعيين وغلطت علي زعلت منها ودام زعلي ويها ثلاث اشهر اني وياها بنفس البيت و ما احجي وياها

خطيه اني تكسر خاطري واحبها حييل بس ردت اعلمها ما تغلط عليه بعد هاي وحده السانها متبري منها وتتجاسر حتى على اخواني تغلط وتعارك اني ما يعجبني هيج ضليت مااحجي وياها اريد اشوف شسوي بله خطيه ماكو شي ما سوته في سبيل تحجي وياي واني امغلسه منها اعيفها واگوم اخير شي ملت گلت لابوي علي

سجاد :: آماني صدگ ما تحجين وي ذكريات انتي صارلج ثلاث اشهر

آماني :: يي بابا صدگ
سجاد :: چاا شو احنا ولا منتبهين ما تتحاجن بله على شنو الزعل عاد يسوه لا زعلانه هاي المده

آماني :: ضليت احجي ويا واسولفله وهو يضحك عليه على شنو تضحك بابا هاي وحده يراد گص السانها شوفها اشلون اترادد وتغلط وكلشي عدها اهووو وهسه وتغلس ابدال ما اتحاجونهه اشوف البيت كله عليه ومن اگله على شي اضل تحجي وتغلط و اهووو بلسانها شمسويه هسه هيه

سجاد :: ميخالف بابا بعدهي اصغيره وانتي الجبيره تتحملينها وتعلمينها وما ايصير انتن خوات وبينجن هذا الجفا وانتن اصغار بعدجن يله هسه تجي اصالحج واصالحيها انتي هي اتگول چم مره تجيج وانتي توخرين منها وما تردين عليها

آماني :: صار بابا هذا هو ما ايصير خاطرك اله طيب
اجت صالحتني وصالحتها وبعد من اهدها ما عادتها وياي ابد لحد هسه بس مشكلتها السانها عام عليها بس طيبت گلب و تنسى بسرعه هسه اذا تذكر اضل تضحك على تصرفاتها واسلوبها وهي اصغيره سبحان مغير الاحوال الي غيرها هسه غير شخصيه تماماً

المهم ناموا اخواني كلهم ضليت بس اني گاعده امتانيه أمي وابوي اشوكت يجون سنطه وهدوء وبارده ولوحدي گاعده توضيت وصليت ركعتين وضليت أقرأ قرآن صارت الساعه بـ 1 اجو امي وابوي وياهم طفله اجنن جمالها ما ينوصف اباوع على شكلها ودي اكلها من الجمال صارت عندي اخت ثانيه

احنا بلعاده الطفل الي ايصير عدنه بلبدايه مو حلو يتعدل بلاشهر هاي عكس صارت كلش كلش حلوه ابوي سماها ياسمين وبعدين صار اختلاف بلاسم امي متحلمه بلامام علي عليه السلام وگالت لابوي هذا الحلم غير ابوي الاسم وسموها اسم على تفسير الحلم تابع للامام علي عليه السلام

صبحنا مصباح العيد عدنه طفل يبجي بلبيت كلهم گعدو مستغربين الوضعيه واحنا بيتنا هدوء و كلنا اكبار رضا اصغرنا وعمره 10 سنوات خلصهن دخل على 11 شعور مختلف بلبيت بحيث صارت مدلله من الكل

عادتنه مصباح العيد اروح لبيت جدي نلتم كلنه هالمره اختلفت ما گدرنه نطلع لو اروح لان امي توهي والده ضجنه احنا رحت جهزت الغدا وكملت كل شغلات البيت واتغدينه وخلصنه ودخلوا علينه بيت عموو عادل كلهم فاگدينه ابيت جدو ماكوو سوو هجوم علينه دخلتهم ما متوقعيها بس عدنا عادات واحد ايسير على الثاني

عهود :: يمه شنو هذا الجمال وج كفايه منين جايبه هاي الابنيه انا اشگد عدي بنات واريد ولد بس اذا اجتني هيج ابنيه عادي

آماني :: صلي على محمد شسالفه

عهود :: وج غير تنگرط حتى نسيت

سلام :: يمه فدوه شنو هاي ملاك

آماني :: لا بالله ربحنا اليوم الابنيه ايصير بيهه شي

سلام :: عموو اريد اخذ آماني واروح للكورنيش نتونس وارجعها ما انطول عيد واريد اطلعها

سجاد :: اگلك عموو ما تنچب وين ماخذها للكورنيش واريح اگعد واسكت على هاي الازدحامات والشباب التارسه الكورنيش شني تريد تاخذها تستعرض بيها

آماني :: هسه دگعد واسكت احسن لصموك ارتاحيت

سلام :: فوگ ما اخذج و اونسج هو مو صوجج ما يسوه حصلتلي رزاله من وراج ضلي ضلي

آماني :: عود اذا انت هيج خل نتزوج وطلعني شبعني طلعات محد ايگلك ليش اريد اشوف بله من نزوج هم اطلعني لو بس فخفخت الخطوبه هسه وتلح ملحه بليه داعي

سلام :: الله أكبر انا بيش طحت بعد بيج و ابوج اشلون اثنين ما تنبلعون

آماني :: هذول ياهم الي ما ينبلعون بله اذا انت زلمه صدگ روح احجي يم ابوي مو يمي وبعدين اذا ما ننبلع ليش اجيت و تتوسل

سلام :: رايح عمي رايح والله يالله خطوبه عذاب صارت اطول من حرب ايران ولو بلهدف لو بلنجف الله يستر اذا خلصت على خير

آماني :: روح منو لازمك اموديه عليك إني جايلي للمناگر وماراضي
خليت وعفته ودخلت يمهم گعدت اجه وراي هو گعد كأنه كلشي ما مسوي ولا حاجي شي گعد يشاقه ويسولف ويضحك اني ودي اموته

راحوا عدت الايام ماكو شي صافيه يجي بين فتره وفتره ينطيني مصرف ويسلم وايروح اياس ما گام ايطالب بطلعه يعرف رد ابوي رغم حاجاه عموو وعمه عهود حتى نطلع رفض رفض قطعي بدون نقاش وهمه من النوع يحترمون ابوي فما يجادلونه برأيه

مرت الأيام ووجع راسي زاد ضليت اصرخ من الوجع ما خليت شي ما سويته نفس الشي چان اكو مره يمنه هاي المره يدخل براسها رجال اسمه سيد مزهر واشلون مااعرف هاي المره چبيره حييل ومن الصالحين السيد يحضر عدها كل ثنين وخميس بس بهاي الايام ومن ساعه ٨ الصبح لساعه ١٢ الضهر وي الأذان يطلع

هاي المره كلها تحجي بيها ابركة الله وهذا السيد اشافي المريض لو المره المايصير عدها اطفال وعلاجها بس تقرأ علي كلشي ما اسوي امي گالت راح اخذج واروح الها رحنا المره بس شافتني گامت تنفخ وبصوت السيد داخلها حجت وياي جانت الناس هوسه عدها واني اخاف هاي اول مره ادخل مكان مااعرفه

چان ادگلي بابا شنو هاي انتي وين دخلتي روحج بيا حفره واشراح ايطلعج منها اشورطاج و ويامن شلج بهاي السالفه

من الخوف ضليت صافنه وما ارد عليها وما مفتهمه على شنو جاي تحجي وياي آخر شي گلتلي لا تاكلين حب بي دهون يأثر على راسج وقرايت القرآن قللي منها

گتلها اشلون اقلل منها اني بس بقراءة القرآن جاي ارتاح ويخف وجعي بين ماجاي احجي وياها گامت تنفخ حييل وطلع السيد من راسها رجعت المره الجبيره تحجي بتعب ورجفه وكأني ما چنت احجي وياها ابد

چان ابوجهي طالع صدف سمكيه يسموها هاي راجعت چم طبيب واخذت الها غسولات وعلاجات ما فاد ولا راح أبد چانن النسوان يسألنها على هواي أشياء اجابوبهم بطب الأعشاب گلت خلي اسأل على وجهي بله واشوف شنو ادگول سألته چان ادگلي لمي بيت العنكبوت وخلي بصحن بي ماي ودهني بي وچهچ

الصراحه اني استغربت بيت عنكبوت واخلي على وجهي ويروح ما صدگت ولا سويته اصلا گلت ماكو هيج شي هي علاجات واشكال الوان ومصارت چاره عود عنكبوت وبيته شنو هاي بده يتكاثر ويكبر بوجهي تقريباً انترس أمي گامت نضفت البيت وجمعت شكو بيت للعنكبوت وسوته اليه واني اضحك عليها سويته واني كاشه

على ثلاث ايام اني ادهن وجهي بهذا الماي بس اعرف مراح يتغير شي بعد اسبوع جاي اغسل وجهي ماكو أثر لان هو اشوي طالع وعازل عن وجهي معقوله راح باوعت بلمرايه اشو ماهو ولا اكو اثر لاي شي معقوله هذا بيت العنكبوت بي هيج فايده واحنا مانعرف من فرحتي رحت اركض لابوي وامي واكلهم على وجهي مابي شي بس وجع راسي على حطته ما نقص ولا راح

بعد اشهر قررو يوم الزواج خابر عمو عادل گال بعد اسبوع بديت احضر من جديد المصرف الي ينطينيا سلام امجمعته كله انطيته لامي اشترتلي ملابس مال عروس بيهن حض غير عن الملابس الي جابوهن الي وهم اشتريت تراجي ذهب اصغار من ضمن الفلوس

خلصت تحضيرات اللبس بديت بتحضيرات الصالون وشرطت اريد اسوي حفلة حنه و على احسابهم لاني ماسويت اي حفله وحاجيت سلام يشتري الي غراض بلملابس نقص وهو وعدني يشتريلي حاجه ابوي والله هداه خلاني اطلع وياهم للسوگ حتى اشتري چم حاجه رحت چان سلام وامي وعمتي وسناء

جاي نمشي واحد بلشارع گال اوووف اجاب الگمر على الصخول وهو گال هيج وسلام اتعارك ويا وصارتلك امراگع بلبوكسات اشلون هيج يحجي

آماني :: يعني ابوي ما يلام اذا ما خلاني اطلع وياك اشبيك زورگت الولد

سلام :: چا انتي ما سمعتي شيحجي وشگال تردين اسكتله

آماني :: دمشي امشي الله يخليك غاوي عرايك انت
رحنا افترينه على المحلات اشترينه الأشياء الي اريدها بلگوات خلصنه ورجعنا لبيت جدي گالوا لازم اضلين هناا اتباتين حتى اروح نحجز على البدلات واشوفينهن على قياسج ونتفق على الصالون ضليت

ثاني يوم من الصبح رحنا اندور ونفتر على الصالونات وانشوف البدلات آخر شي عجبني بدلتين للحنه وحده ماروني وحده ليموني ابوكتها البنات كلها عاجات بلاحمر اني فضلت الليموني وثبتت عليها كلش حلوه

وانوب اختاريت البدله البيضه للعرس گتلهم اريد البس حجاب بلعرس وبدله اردان كلها ما قبلت وضلت تحجي علي واني عاندت وسويت الي اريده ادور على بدله بيها ردن ماكو دبرتلي ام الصالون اردنات وخيطتهن على البدله الردتها وسويت شعري وكملت كل شغلاتي واجه يوم الحنه

الحنه صارت شي مختلف لأن بيتنه اصغير وبيت عمي چبير اتفقوا كلها تنجمع ابيت عمي عادل وايسوون حفلتين حفله للبنات جوه والعصر وحفله للولد بره بليل اجواء خرافيه صارت لمه وكلها موجوده وعرس بعد معاناة كلها فرحانه واتباركلي
خلصت حنتنه على خير بقت حنة الولد

الولد سوها بره وجابو رواديد البنات كلهن اخذن زاوية البيبان واتباوع لو السياج خلن كراسي يباوعن من ورى السياج وعمامي كلساع داخل واحد امرزلهن صار رگص الشباب افلس اجواء حيل حلوه

اني من التعب بعد وكفه مابيه اوگف صار اسبوع على فد ركضه وديت على ابوي گتله خلي اروح تعبت اريد ارتاح يادوب بدلت ومسحت المكياج وفتحت تسريحة شعري رحنا للبيت ذبيت روحي ميته گبل على النوم عبالك مدري صار سنه ما نايمه

كفايه :: ولج آماني گومي يله بله هاي شكل وحده اليوم عرسها صدگ جذب يمه شني سالفتج كومي ولج راح يجون عليج ياخذونج وانتي لهسه نايمه

آماني :: ليش بيش الساعه هسه خليني نايمه يمه نعسانه متفقين وي الصالون بـ 11 بعد وكت

كفايه :: وج گومي يا وكت بـ 10 هسه
آماني :: چذب
كفايه :: دگومي گومي يا چذب امچذبه عليج قبل

آماني :: ادري ما گعدتيني وين الحگ هسه
گمت اركض ركض اسبح وانشف شعري وابدل اجه علي عموو أسعد وعمه وسناء خذوني للصالون وامي وياي چانت عرايس اثنين وياي واني الثالثه اشتغلتنه نفس الشغل كلنه بس البدلات والمديلات يختلفن واني لابسه حجاب وهن لا

انصلبت بلصالون من ساعه 11 للساعه 4 هلكت شغل وبنات وياي مو لوحدي واسوي شغله واتروح على الثانيه مكايجي گتلها اريده طبيعي مو طوخ ويخرب شكلي مااحب المكياج وعدي حساييه منه المهم سوتليا نازك وامرتب خلصتنا وگفت اسوي الحجاب اني واعدله

وگفتنه ثلاثتنه سوه وضلت اصور ببنه گالت كلش حلوات طلعتن وانتي شي مميز لأن لابسه حجاب ابنها وياها چان صغير يگلها ماما صارت جنها حمامه هاي العروس عليه وهن ضلن يضحكن

اجه علينه عموو أسعد وسلام رحنا للأستوديو مال التصوير صورنه وكملنه واخذنه صور جماعيه اني و أمي شايله بيدها سبأ وسلام وعمو أسعد وعمه وسناء خلصنه وصلوني لبيتنه وهمه راحو لبيت عمو عادل

دخلت للبيت احس روحي مدري شنو صار بيه شفت ابوي واگف ودمعته بااطراف عينه وذكريات تباوعلي دمعت حاولت تخفي دمعتها ماگدرت شردت تبجي لوحدها بلغرفه امي گوة لازمه روحه احس جاي اودعهم وبعد مااشوفهم

اجت الزفه بيها جدي وعمي قصي وعمي ميثم وخالاتي وجدتي و خوالي دخلوا سلام علي المزنجر طالع حلوو عود واخذوني من البيت اني بعد ما كدرت صدگ احساس غريب اجالي خلاني ابچي ماكدرت اقاوم حضنت ابوي وابجي دخلاني سلام بلسياره هو وعمي قصي

طول الطريق سلام يحجي وياي ويهدي بيه ويتغزل وحلوه صايره حتى ايغير جدتي گعدت يمي تسمعه يحجي وياي
ولك يخايب شهرتنه الزم روحك اصبر اشويه واعقل يلخبل سد حلگك واسكت

آماني :: اني هنا متت من الضحك على حجي جدتي
سلام :: اي ضحكي ضحكي كيفتي خو انا اعلمج
آماني :: شسوي بله اگول لابوي

سلام :: ضحكتيني والله تتحامين باابوج ترى اليوم ابوج مو يمج واضلين يمي محد ياخذج مني

آماني :: هاي منو گالك اضل يمك صدگ جذب هي اتخلص الحفله وارجع وي ابوي
سلام :: انشوف بله انا لو ابوج

جدتي :: خايبين سكتوو مخروعين حجي خوما مخروعين ولكم مابيكم اصبرون اشبيكم والله ما تستحون
حجينه اثنينه سكتنه سكتنه

چان سايق السياره خال سلام ضل يضحك علينه واخيراً خلصنه منكم والله عثه وشلعتو اگلوبنا خطوبتكم اطول من حرب أيران خو اسليم مرضاني ويا يا آماني ويا آماني هسه خذتها كفى شرك وفك منا ياخه خلي نرتاح
شغل مواليد وضلينه ساكتين نسمع

وصلنه لبيتهم وابوي ورانا بسيارته جاب بيهه امي واخواني دخلو السياره الي بيهه احنا گبل للبيت نزلوني بدأت مراسيم الزواج وهوساتهم كحفله عراقيه جنوبيه صارت كلش حلوه دخل هو وياي بدلنه الحلقات وضلينه انصور والي استغربوا بدلتي والحجاب ومنظري طلع ايجنن

على عنادهم سويت الي اريده ولبسته رغم كلها رافضته چان واني اصلا لبسته لأن ولدنه ايطبون وايطلعون علينه عادي فحبيت شكلي حييل حلوه طلعت ومختلفه عن الكل صرت اول وحده بلعائله بعرسها تلبس حجاب

بهاي اللحظات گالوا زفوهم يمه حالي ما ينوصف بهاي اللحظه دخلوني للغرفه واشويه اجه سلام دخل عليه گعد باسني ابراسي

سلام :: يا رحمة الله واخيرا عندي ويمي امونه مااصدگ يمكن أنا بحلم يله گومي بدلي ابين ما ابدل خلي نتعشه انا ميت من الجوع

آماني :: بدلت ومسحت المكياج اريد افتح تسريحة شعري اتبهذلت اتبهذل وما گدرت سلام حباب افتحليا متت من الجوع مال راسي وماجاي اگدر افتحه

سلام :: يله تعاي انا اگول لا واخيرا راح اشوف شعرج مو مره حتى بعرسها لابسه حجاب بس تردين الصدگ حييل كبرتي بعيني من سويتي هيج

آماني :: هسه دفتح وعيفك من هالكلام راسي صار اشكبره
سلام :: وج شنو هاي اشگد حاطين ماشات ماكو بعد هاي للصبح احنا نفتح لازم
امونه حبيبتي انا احبج اهواي وهاي امنيت دنياي انتي اصيرين الي انتي عشگي من واصغيره الي اريد اگوله الج شسمعين ما تحجينه واصبرين وتتحملين واي شي ايصير تگليلي قبل كل شي

آماني :: اگلك ترى جاي اتخوفني اتحسسني داخلين على حرب شكوو

سلام :: ماكو شي بس هيج توصياات مو اكثر
تعااي يله ……

آماني :: هاي شنو سلام لو ادري هيج چان ما ازوجتك ولا ازوج اصلا مااريدك اني وخر مني











#بارت٢٢

هل ستداوي الجراح ام ستزيد الجراح
جراح
أعلم أنك فخ والوقو؏ بك جريمه
وانك هاويه والسقوط منك وفاة

يقولون آهن على غدرك يا حواء
وانك كيد يستحيل النجاة منه
وانك هاويه يصعب الوقوف عليها
آدم يقول
كل الطرق التي اسلكها نحوك تؤدي الى الهلاك

فأقول يا آدم مهلاً
قف و تريث فأنت لست ملاك مرا؏
كان كيدي لأجل الحب بنيا
فعذراً إن تسببت لك بلصدا؏
إلا ترى هنالك فروقات

بالله عليك ألم يكن كيد أخوت يوسف بلحقد والصرا؏
إن كيدي بني لأجل الحب
وكان كيدك لأجل الحرب
ثم
حررتك مني غيب وابتعد كما تحب وتلاشى كل الأشياء

يا عزيزي فأنا حواء التي يصعب عليك إمتلاكي
سأكون أولى أولوياتك عندما أصعب عليك
وعندما تضمن بقائي عندك و معك
سأكون بلدرك الأسفل من قائمتك



سلام :: شبيج آماني شني السالفه
آماني :: وخر مني ما اريدك ولو ادري هيج چان ما ازوجت

سلام :: ادري هسه انا شمسوي الج حتى ما ترديني ارتاحي اشويه التعب امأثر عليج خلي اگلهم ايجيبون النه عشا انا ما ماكل شي من الصبح لهسه ومتت من الجوع

آماني :: شوف انت راح تطلع واذا سألوك على شي كل شي ما اتگلهم اذا حجيت شي هاي هيه وياك

سلام :: اطمني مااحجي شي لا تخافين بس انتي اهدي وارتاحي

طلع وكلها اجتلي يتباركون وگعدو يمي اجتلي امي
كفايه :: ها يمه اشبيج ليش مخطوف لونج شكوو بيج شي
آماني :: مابيه شي يمه كل شي ماكو

اشويه جابو العشا واجه سلام اتعشينه وخلصنه اخذ صينية الأكل وطلعها ورجع حاول يتقربلي ما خليته گتله وخر مني