صاحب شكو ولج المن جايه هنا اشعدج
عادل روحي رجعي وانا اشويه واجي
أمآني عمو ليش جدو جاي يفلش ابيتنا
عادل بويه روحي وبعدين اجي واحجيلج
لا تتعورين ويطيح عليج طابوگ لو تراب يدخل بعيونج
أمآني خوش رايحه انا
عادل روحي وديري بالج من الشارع
سألتني وحجت هيج لو گومت شكو
اجروح بيه بوكتها تعاركت وي ابوي
ورجعت للبيت وهو نزل الشيلمان وباعه
واخذ
افلوسهن وثاني يوم باع البيت انا
تعاركت ويا وطردني من البيت رحت
لبيت عمتي وهم هوسه وعالگه للضالين متعاركه وي ولدها ومطفرتهم كلمن بصفحه عفتهم وطلعت رحت لصديقي بتت يمه ضليت ٣ ايام وانا ماادري شنو صاير
بلبيت ولا همه الي سألو عليه وين ماوين
رحت للبيت اشوفهم جاي يفلشون بساحة البيت
هاا شكوو شو جاي تفلشون
أسعد أسكت يمعود غير يريد يسوي محل بلبيت
عادل وهاي من افلوس سجاد هاا
أسعد ليش عندك شك طبعاً
عادل چا امجد وين ما حجه ويا شي
أسعد أسكت غير تعارك وياهم وطره
من البيت گله لم غراضك و ولي
شوفلك مكان يلفيك

عادل هيج صارت چا ماخله البيت وخلانه نگعد بي هم يرتاح من عدنا وهم احنه نرتاح من المأساة هاي
من افلوس سجاد رمم البيت وسوه ديوانيه
بنو محل وجابو غراض كامله للمحل حلويات ومواد غذائيه
عندي اخوي الوحيد الي كمل دخل كليه الشرطه وصار ضابط بفضل سجاد وافلوسه واخوي الصغير بوكتها افراري من الجيش انسجن طلعو من السجن وصرفوا علي من افلوس سجاد
وانا من قهري ومعاركي وي مرتي
وقهر ابوي وتصرفات امي اللي مساندة ابوي على الغلط واخذوا افلوس البيت واصرفوا بيهن كأنما افلوسهم
طفرت روحي وگلت مااضل هنا قررت اروح ورى سجاد لأيران و أمآني وحميد
الكاسرين گلبي وبجيهم على امهم وابوهم گلت اخذهم وياي
لأن همه ازيد شي عليه و على أسعد و سناء ونورس احنه متكفلين بيهم ومن واحد لواحد ومانخلي احد يسويلهم شي لو يدنالهم
انا اكتل جهالي علمودهم
بعد هذا كله ثبت قراري على سفري رغم چانو امعارضيني وما قابلين اروح بس اصريت ورحت للخلاص والهروب من كثر المشاكل والقهر الي جاي يصير وبعد الله اعلم شنو
راح يصير
حاولت اخذ وياي أمآني وحميد ماصارت وهم خفت عليهم يصير بيهم شي كلشي يصير هذا طريق و مو أمآن عاد انا اذا صار عليه شي اولي ذولي الجهال شنو ذنبهم
اخذتهم اشتريت الهم ملابس واخذتلهم صور بلاستوديو حتى اخذ صورهم لامهم وابوهم ونستهم ورجعتهم للبيت
انطلقت لطريق وحدود العراق وايران تهريب تركت كلشي وراي ومشيت مرتي وجهالي واهلي من القهر والضيم و تسلط ابوي علينه وما يخلينه انشوف دربنا وحياتنا وكل شغلنا وگدنا الهم وياريت لو قابلين
وخاصه انا شغلي هلاك وتعب بـ الصناعيه
والحديد وكل شغلي الهم يادوب زوجت روحي منهن حتى ماصرفو عليه شي منهم كل زواجي مني وكل گدي الهم
المهم رحت لأيران وصلت بعد معاناة وهلاك ورعب وخوف الطريق
سجاد أكثر واحد أعزه ومتعلق بي من بين أخواني
شفت أخوي وعزيز گلبي سجاد وحاله الي يبچي الصخر وتساؤلاتهم على أمآني وحميد و على أهلي عصرت گلبي عصر لو على بيتهم واسوينا بي ومنو گعد بي
ما سيطرت على روحي اشگد ما شفت قسوة من ابوي وتصرفاته وضغط الشغل وتعبه وهلاكي ومشاكلي الزوجيه
ذبيتهه يمهم وكأنه همه الي راح يساعدوني ويخلصوني من هذا كله ويطلعوني من المأزق الي انا بي سولفتلهم على الي سوو اهلي
و على سوا ابوي بلبيت وانقهروا حييل وضاجو
مافكرت انا زيدت عليهم جحيمهم
ومن كتها قررو يرجعون العراق
اما انا طلعت من ايران گبل على الأردن عشت هناك واشتغلت بكلشي ذبيت روحي بلشغل حتى احصل افلوس واجمعهم و اكون گدرت الملي فلس اشتري بيت الي واستقر بيعد عن معاناة ابوي
وياي ابن عمتي وابن خالي هم طلعو من ضيم اهلهم
اشتغلنا بغسل الصحون بلمطاعم
اشتغلنا بغسل الملابس وماكو شغله ما جربناها واخير شي استقرينه على الصناعيه والحديد صرنا حدادين نسوي بيبان وشبابيك
والي احصله اكتره وادز لاهلي ولمرتي وجهالي مصرف
اهلك روحي بلشغل وادز كل شهر نص ورقه لاهلي وادزلهم تسجيل صوتي بـ الشرايط لأن گبل اهلي ماعدهم تليفون جان اكو تليفونات ارضيه بس ابوي ماجايب
المهم ادز لجهالي ملابس واحذيه والعاب
و طبعاً حصت أمآني وحميد من ضمنهم بل من احسنهم شنو الشغله الزينه أكول هاي لاماني لو لحميد يعني اخصصهن الهم
وهمه نفس الشي يدزولي تسجيل حتى اسمع اصواتهم
چانو جوارينه عدهم تليفونات ارضيه
مرات اتصل عليهم واگوللهم يدزون
على احد احجي ويا من اهلي وهكذا
مرت الايام والاشهر
فد يوم اتصلت مرتي وگالت دزلي
مصرف انا مريضه و بتك الصغيره مريضه ولازم تنام مستشفى وعلاجات واني
ماعندي افلوس واهلك اگللهم ما يطوني يگولون ماعدنا

انا من هذا الكلام انصدمت مهما يكون
هاي مسؤله مني وجهالي مسؤليتي
ما اراويهم مثل ما يسون اهلي وياهم
والي صدمني ما ينطونها اي شي من
الي ادزه الهم يعني اي فلس ما يوصل
الها وللجهال كله يروح الهم امي وابوي
عاد بوكتها قررت ادز افلوس اله بلخفيه
وكتلها صيري معدله وجمعي هاي الفلوس واتصرفي بيهن عدل ضليت ادز كل
شهر هم علاجاتهم وهم مصرفهم
وعيشتهم



. •🌼❀ ••┈••┈• ❖═══❖◎◎❖═══❖ .










#بارت٤



سأخبرڪم بأمراً لربما شديد القسوه
بكائڪم فى الطريق دون أن تشعروا
لمن يمرون من حولڪم
هذا الاحساس لن تستطيعوا
أن تعرفوا مدى قسوته إلا اذا
تعرضتوا لـ مثله
تشعروا وقتها أنه لا يهمڪم
اشڪالڪم ڪيف تڪون أمام الناس
ولا تفڪروا فى ما سيقولونه
عنڪم وقت يرونڪم بهذا الشڪل
كل ما تفكرون به حينها أن تخرجوا شحنة الحزن و الألم الذي ينتابڪم لتستطيعوا
أن تصلوا إلى السرير و الوساده
لتختموا نهاية يومڪم
ثم لتقنعوا غيرڪم انكم لا تبالوا بشي أبداً

وبعد
‏
‏أنا أنثى لا أڪون جزء ولا أتجزأ
ولا اقبل النصف ولا أفهم كيف شكل
الأنصاف
أنا امرأة تحضر بكامل توهججها
وأندفاعها و أڪوטּ او لا أڪوטּ
أو أغيب إلى الأبد



أمآني أگلج يمه من اجيتوا من ايران شنو صار وياكم بلطريق

كفايه هاا يمه شكوو شو جاي ادورين دفاتر قديمه شلج بهاي السالفه واتهيضين الذكريات

أمآني يمه احجي هسه اني أسألتج

كفايه والمن اسألين مو تدرين بكل السوالف بعد شكوو

أمآني يمه عفيه سولفي اكو اشياء ناسيتها واريد تفاصيل حبابه

كفايه سمعي
الجماعه عبالهم احنا مستقرين ومرتاحين وگاعدين گعده زينه ما يدرون بوضعنا ومشلوعه گلوبنا صفح ولا شايفين الاستقرار ولا مرتاحين

دزوا ورانا أمجد حتى يستقر يمنه وخالي ابو أمجد گايله روح يم اخوك

امجد اجه چم يوم ومل ويگول زهگت روحي ويريد يرجع عاد احنه بوكتها قررنا نرجع

چان طريق الجيه اكثر خطوره من الروحه ركبونا گرايبنا من الاهواز لـ محمره سياره
ومن المحمره للحدود مشي نمشي

لزمونه امن الحدود الايرانية و ودونه رأسا للمحكمه و المحكمه حكمت علينه وسوينه تعهد نرجع وما نضل بأيران

طلعونه من المحكمه گبل للحدود ومن الحدود الايرانية والعراقيه ضلينه نمشي بليل حتى ما ننشاف من امن الحدود العراقيه

صار الفجر علينه ومحمد ضل يبجي خفنه خاف ننلزم خلصنه الصحراء گوة مال التنومه

شفنه بيت بابه مفتوح رأسا دخلنه بي چنه جايبين غراض هواي ويانه بس من التعب والمشي والهلاك گمنه نمشي ونذب بلغراض اغلب غراضنه ذبيناها بلشارع والطريق شي ورى شي

المهم دخلنا عبالنا البيت مامسكون لان باب الشارع مفتوح سمعنا صوت داخل البيت دگينا عليهم الباب

طلعت النه مره چبيره وياها شاب شخصيه
المره تفضلو امرو

سجاد ما يامر عليكم ضالم بس رايدين نرتاح يمكم چم ساعه تعبانين من المشي وهذا ابنه يبجي

چان نظرات الشاب النه بشك وترقب وخايف منا
المره ياهله بيكم يمه تفضلو
الشاب وين وين يتفضلون
شنو وضعكم منين جايين انتم

المره يمه هسه وكت تحقيق وي الوادم بلباب غير يدخلون واحجي وياهم
دخلو يمه دخلو

سجاد خويه احنه جايين من ايران وهاي وهاي
اشو هذا تخبل من سولفتله

الشاب صدگ تحجي جذب كومو هسه اطلعون من البيت

أمجد خير خويه شني السالفه بس ساعه نرتاح من الطريق

الشاب بويه انا ضابط وهسه لو بلغت عنكم ترحون بيها ولو أسكت ويكشفوني متستر عليكم وانتم توكم جايين من ايران اروح بيها انا
فأتكفو الشر وطلعو مااريد مشاكل ولا انا اسوي الكم مشاكل وعد بس طلعو لا تبلوني وتروح وضيفتي واتبهذل بلمراكز وتعرفون النظام و وضعه

سجاد خويه هسه نطلع ولا يهمك احنه ما دخلنا الكم حتى نسويلكم مشاكل وانما بس نرتاح ونسكت الولد هم راح يبلينه

الأم يمه دخلي انريگهم مااشوفهم تعبانين هم مشي وهم ليل وحر خوف

الشاب يله حضرو الريوگ انا هم وراي دوام وراح ادز على حازم يجي ياخذهم على اقرب مكان يردونه

كفايه گولي بطلاع الروح قنعو وبقينه ساعتين
للـ ٧ الصبح اخذونا من بيتهم بعد ما شكرناهم على وكفتهم ويانه و على وجبة الريوگ

نزلنه الولد الي وصا الضابط بلعشار جان اقرب مكان النه بيت عمي نزلنه عدهم طبعاً رحبو بينه بين احضان واشتياق واللهفه والسؤالات عدت الساعات

وصلنه خبر لبيت خالي صاحب وصلنا وصار عدهم علم بينه اجينه

أسعد يوسف سجاد وكفايه اجوو ماتاخذنه نروح نشوفهم وناخذ أمآني وحميد ويانه

يوسف صدگ تحجي اشوكت اجوو
أسعد اليوم الصبح ويمكن وما يگدرون يجون اليوم لهنا

يوسف چا امشي يله وصيح للجهال خل يمشون ويانه

أسعد أمآني يله امشي وياي انتي وحميد وينه

أمآني حميد بره يلعب بس وين اروح
أسعد مو تردين امج وابوج
أمآني اي
أسعد چا يله امشي اروح الهم واشوفينهم
أمآني اجذب عليه انته كل مره دگلي وما تاخذني

أسعد ولج ام السان مو راح اجيج منو هذا الي يجذب
أمآني چا انه امجذبه غير انته كلما ابجي عليهم ادگلي وما تاخذني تذكر لمن احترگت ايدي وضليت ابجي عليهم قشمرتني وخذتني وياك لـ رافد صاحبك وانا امصدگتك عبالي راح تاخذني لامي وابوي صدگ

أسعد وين اگدر على السانج انا غير انتي الليل كله ماخليتيني انام وبس تبجين سكتج برافد

اكو وحده تفتهم تلزم مشواية السمج وهيه حاره واشيلها صرتي عنتر ابن شداد وتردين اشيلين السمج

أمآني چا غير كله من ورى هذا ابو الفرن ضل يلح علينه

أسعد هسه تمشين لولا راح اروح انا
أمآني ادري بيك اجذب عليه بس هم اروح يله راح اروح اصيح لـ حميد يمشي ويانه

أسعد روحي بدلي ام السان وخلي حميد يغسل وييدل ويله اتأخرنه

أمآني اني رحت بس ما امصدگه راح اشوف امي وابوي عمو أسعد دائماً يقشمرني هالمره ماصدگت

حميد عمو صدگ رايحين لامي وابوي

يوسف اي عمو صدگ هسه نوصل وانشوفهم

أماني زين هسه همه وين وليش مااجو للبيت

أسعد يابويه من أسألتج انتي المفروض يسمونج استفهام مو أمآني

أمآني اي غير اريد اعرف وافتهم

يوسف بويه هسه نوصل وافتهمي احنه هم ما ندري ليش مااجو همه گالو جيبو أمآني وحميد نريد انشوفهم

أمآني خوش اشوكت نوصل
يوسف هسه اشويه ونوصل

أمآني چان المكان الي رايحين اله قريب مجرد ربع ساعه ونوصل بس احسه صار طويل والى ابعد نقطه جانت لحظات الانتظار صعبه وعقولنه الصغيره ماگادره تتحمل وتستوعب الصدمه واثارة اللقاء ولهفته ايام الفقد والفراگ ترهق رغم صغر السن

ها قد وصلنا الى مكان يحتضن امي وابوي نزلنه اني وحميد نركض بلهفه بعبره ملت صدورنا وبدموع جاريه رغم اني ما مصدگه لهسه راح التقي باامي وابوي واخواني

احسهم جاي يجذبون علي لأن من بدت العطله لهسه همه كل يوم يگلولنه باجر ناخذكم حتى عمو عادل چم مره يگلي اخذج وانوب راح وعافني اشگد اتأذيت بسفره ومن يسلم عليه ويدزلي وهدايه اشگد ابجي واتمناه يمي

چان بيت عم امي بابهم مفتوح دخلنا واحنه اندور بلوجوه ويصير ابوي اگبالي الله الله

ملكت الكون كله مو حضن ابوي بلهفه بشوگ وادموع تصب وصوت البواجي رج المكان بحيث كل الي گاعدين بجو

أمي وبجيهه لو احنه ودموعنه الي تتجاره
يايمه ليش عفتيني يمه ماگلتي منو يدرسها منو يبدللها
يمه ماختفي عليه خاف اتعور لو احترگ يمه احترگت واني الليل كله ابجي واگلهم ودوني لمي
يمه من نجحت تمنيتج اشوفين شهادتي وتحضنيني
بابا هنت عليك وعفتني مشتاقتلك

لو اشما احجي مااگدر اوصف ذاك اللقاء ولهفته وكلماته لقاء يجمع بين الخيمه والحنان والجنه والحب

سجاد
جيتي للعراق ورجوعي لاهلي مثل الي توه منولد وصفر ماعنده شي ولا حوله ولا قوة

بعد كل الي صار ماانكر شوگي ولهفتي الهم ولقائي وياهم بس كل الاسى والالم يوم الي اريد انام وماكو مكان ولا فراش يأويني وبأسمي

وانا الي كونت نفسي بنفسي وتعبي كلشي طار صفر اليدين خالي الوفاض كسرتي گلبي على بيتي وشگى عمري ابد ما تنسي

شنو الي ينسيليا شنو اسوي بعد من گالي ابوي ماعندي شي الك وهو با؏ بيت ووطن لامني ولام عايلتي

يگلي ماعندك شي عندي وافلوس البيت كلها عدهم وعايشين بخيره الله يجزيهم
رجعتي لاهلي سكنت غرفه يا دوب افراش انام علي واهدومنه القليله الي تسترنه

المحكمه صادره علي حكم غيابي ٥ سنوات ولاني توه جاي من ايران الله اعلم اشگد حكم اخذ عليها

وكتها صارت الانتفاظه الشعبانيه ويعتبرونه متعاونين وي ايران يعني بوكتها علي علامة إكس

بهاي الفتره ضليت من مكان لمكان اروح اخاف اضل يم اهلي خاف يجون علي

جنت اروح بأجازه لڪربلاء يم بيت
خالتى اهل كفايه

لو اروح بغداد يم اختها انضل أيام هناك ونرجع ارجوع

شغلي بأيران لميت افلوسي وضميتهن بذاك الوكت صارت ثلاث اوراق وعادل اخوي دزلي منه اربع اوراق گالي اشتري الي بيت

اتفقت ويا احط افلوسي على افلوسه ونشترينه بيت واثنينه بي

بوكتها قررت اشتري بيت بكربلاء ورحت دورت ولگيت والحمدلله اتفقت وي
ابو البيت وانطيته عربون ورجعت
للبصره حتى اجيب بقية الفلوس

سجاد بويه انا حصلت بيت ودفعت عربون وراح نحول هناك انا وعايلتي واخذ عايلة عادل وياي

صاحب اشلون اشلون شني بويه ابكيفك تتصرف وعفت الاماكن كلها تريد تروح لـ كربلاء يم اهل مرتك واضل تحت رحمتهم واشأگول للناس انا

ابني راح اشتره بيت بعيد عنا ويسكن يم اهل مريته غير اكسركم اتكسر وبعدين انته منين جبت افلوس تشتري بيت انته وعادل

سجاد هسه ما صار شي ما تريدنه اروح اهناك روح انته جيب العربون وتعال انا مااتفاشل وي الناس بعد ما اتفقت وياهم

صاحب خوش انا باجر من الصبح اروح اجيب الفلوس واجي

سجاد راح ابوي من الصبح لـ كربلاء جاب العربون واجه وغلسه علي ولا انطاني منه ربع
انا الباقي العندي رحت ادور بيت على گد العندي

لگيت بيت صغير على گد الحال بس تعبان اشتريته مجرد مااخلص من المعاناة

طبعاً انطيت خبر لـ عادل بهاي السالفه كلها گلي اشتري بلي عندك والك والله كريم الباقي المهم انت ترتاح وتشتريلك بيت وتستقر

حولت بلبيت وگعدت بي رتبته بلي اگدر علي مشكله بعيد عن اهلي هذا البيت بغير مكان يعني

المهم گعدت بي ضليت عشرة ايام
سوو عليه اخباريه بأني توني راجع من أيران وانسجنت 😔💔

يتبع

٥__٦

#بارت٥


ليته يعلم اني لا اقوى على فراقه
وإن قلبي يشتاق لقلبه
ليته يعود لأاحكي له مافعله بقلبي الحزين
هل هذا ما تريده ؟
فـ الفرح هجرني واسكنني اليأس
رحيلك وبعدك عني قد اهلك وتين قلبي
تعال ارجوك وزرني حتى لو في المنام
لأطفئ وهج وحميم روحي الذبلان
تعال لأفرش العيون واضلعي لك
واطفي عذابي و حبي المفتون بك
تعال لأڪحل العيون برؤيتك
فقد مزقني هجرك واختفائك
يا روح الروح






ڪفايه :: أنسجن سجاد واسودت الدنيا بعيوني واني مالي احد اهلي بكربلاء واني بلبصره وبيت خالتي شالو ايدهم منا حتى الفلوس الي ضلن من البيت اخذهم خالي صاحب واستجدي منهم الفلس گوه

أريد اعيش جهالي لا واحد ولا اثنين خمسه واحد ابطني متت البيت مو عبالك بيت عبالك سجن صار عليه واول دخولنه بي ما طولنه عشر ايام وانسجن سجاد

كرهت البيت كله واحسه عتبته مو حلوه مااهتميت للبيت غير بس جهالي وهم گوه عليه ضليت بليه روح واني الي ماادري بروحي وين راحت ضلت وي سجاد المااعرف عنه شي

ميت عدل شنو سوو بي شنو وضعه تخبلت اشهر مرت علينه واحنه مانعرف عنه اي شي البيت مليت منه وتواسيل ياله يضلون يباتون وياي

محد يقبل يمشي ويضل يمنه ويعيف مكانه ومنطقته ادمرت نفسيتي ضليت اجي ابات عدهم واعيف بيتي لأن لا اكل لا مصرف مره من المرات اجيت لبيت خالي ابو أمجد ضليت ثلاث ايام

صاحب :: شني بويه مالج نيه ترحين لبيتج راح اضلين هناا روحي شوفي بيتج اشبي مابي

كفايه :: خالي والله مالي خلك للبيت وهم ماعندي مصرف ولا أكل بلبيت

صاحب :: انا هم ماعندي منين اجيبلكم كل العندي اطيتجياه

كفايه :: خالي والفلوس مال سجاد مو خله عندك افلوس البقيه الضلن من البيت

صاحب :: وانتي شني جاي تحاسبيني وين وديت الفلوس مو جاي انطيكم واصرف عليكم

كفايه :: اشتصرف يا خالي هو شو گوه علينه اللگمه والمصرف حتى الجهال يروحون للمدرسه بدون مصرف

صاحب :: دهاج هاي چم فلس ودبري بيهن حالج وروحي لبيتج شوفي لو راح اضلون هناا

كفايه :: محد يقبل يروح وياي واني كارهه البيت احس الحيطان تاكلني والمنطقه تخوف والامن يفتر علينه واخاف كلشي يصير

صاحب :: مايصير شي توكلي على الله وروحي هسه احاجي واحد من الولد ياخذج ويضل وياج
ميثم روح وي مرت اخوك وبات وياهم

ميثم :: انا مااروح ولا ابات وياهم عدي دوام وما الحگ اطلع من عدهم واروح للكليه شوف قصي

صاحب :: هو وينه خـ،،، هسه تلگا ساكن بيت سيد جاسم وشيجيبه

ميثم :: ماادري بي وين انا شوفوو انتم وين انا شلي غرض بيكم

كفايه :: بلتواسييل والشلا؏ الگلب اجه قصي واخذنا ورحت دخلت البيت عساي مادخلت لگيت البيت مگلوب گلاب منفوش نفش

الغراض العندي كلهن مبيوگاات من ضمنهم تراجي ذهب مالات أمآني وذكريات جبتهن الهم من ايران هم ماكو

السگف جان شيلمان وفوگ الشيلمان قسم جينكو وقسم خوص السگف كله مشيول والشيلمان ماكو عاد هنا بعد ضبطت وكلها التمت عليه

شتا وبارده الدنيا وبوكتها ماصارلي هواي من والده جديد اتبهذلت اتبهذل اني والجهال

سوه عليه فضل خالي نقل غراضنه المتبقيه الهم وجابنه يمهم بغرفه عدل البيت وأجره وافلوس الإيجار اله الحمدلله

يسوي عليه فضل وينطيني مصرف بسيط كلش وكونه مسوي علينه فضل امسكنه بغرفه من بيته

نقلنه حميد واماني من المدرسه وجبناهم لمدرستهم القديمه قريبه علينه بس مدرسه أمآني بعيده عليها وتروح وتجي مشي

اما طفلي طلع هزيل ضعيف من سوء التغذيه الي صارتلي والهم الي غير حياتي ودمرها والحاله النفسيه الزفت حتى بلرضاعه مايشبع هذا الولد هم شبع ضيم وياي من صغره

مر على سجن سجاد ست اشهر ولهسه مانعرف عنه شي فقدنه الأمل منه بأنو عايش ماخلينه سجن بلبصره ما دورنا و سألنه علي

أمجد بصفحه وخالي بصفحه وخالتي هم تروح وتسأل علي متت قهر تخبلت صرت چني امسودنه واحتاريت اشلون اكمل حياتي بدونه وهو روحي الماتفارگني

ماخليت صلاة ماصليتها ماكو ختمه ماسويتها وقراءة القرآن في سبيل احصل معلومه ولو صغيره منه

بيوم رحت للسوگ ابيع الحليب مال الاطفال الي يوزعوه بلوجبه لان ماينشرب واشتري بداله حليب غيره زين لأبني رضا حتى يرضع لان حليب صدري نشف بعد ومايشبع

المهم سمعت مره تگول الي يروح كل سبت لـ للسيد عبدالله بن علي ينطي مراده بلأيد
هذا مكان بلعشار اشلون الخطوه اصغيره راجع نسله للايمه

اني بوكتها اچلب بگشايه ترجعلي الأمل ولو جزء بسيط سويت كلشي بقت على هاي هسه گلت خلي اجرب وبفضل الله خير

الي يداوم علي كل سبت وسبع اسبوتات ينطي مراده ويحصله يگولون مجرب گلت خلي اجرب ماراح اخسر شي گلت لخالتي وخالي وهم زين ما رفضوا

گالو روحي بس مو لوحدج
رحت واخذ وياي احمواتي الي هنه بنات خالتي وسناء ونورس وهم مرت عادل هم ملت تريد رجلها يرجع صار على سفره خارج العراق سنتين ونص

انصلي صلاة الفجر ونطلع اروح نركب عبريه من رأس الشارع للعشار نوصل للسيد من الصبح توه يفتحون الجامع مالته ضلينه على هاي الحاله كل سبت اروح واحنه اول الداخلين

انظفه ونعدله وارتب الغراض البي ونگعد نصلي ونندعي وكل وحده عدها حاجه وطلب بس الرئيسي انحصل شي عن سجاد لان كلنه تعبنه من فراگه والدوراه عنه

اما حالي فـ يبچي الصخر وكلمن يشوفني يبچي على حالي اول مره هيج افارگه ويفارگني ما متعودين على الغياب احنه من ازوجنا لحد ما انسجن ما واحد بعد عن الثاني غير للدوام وبس ومن انقل للبصره وصار دوامه يومي كيفنه المهم

ازيد المرات نرجع مشي لأن ماعدنا افلوس والمسافه بعيده حييل علينه نوصل للبيت هلڪانين من التعب بس شنسوي هو متأملين بالله والسيد خير وعسى ولعل اكو فرج النه

طبعاً اوقاتنا من تخله من المواقف مرات تبجي ومرات اضحك وهيج عدة الأيام والاسابيع وهذا السبت آخر سبت من اصل سبع سبوتات

رجعنه تعبانين ساعه عشره الصبح گعدنه ارتاحينه اشويه وكل وحده كملت الشغل الـ عليها هاي التنظف وهاي التطبخ وهاي التغسل ملابس والفراش كلمن كملت شغلها وگعدنه كل وحده تستذكر موقف هم يضحك وهم يبچي

اندگ الباب قوي طلع خالي يصيح ليش هيج يندگ الباب وماكو احد يفتحه

چان انشوف ضباط اثنين بالباب وڪفت اگلوبنه شنو صاير وشنو راح يصير بعد مابينه حمل صدماات

العسكري :: هذا بيت صاحب أبو أمجد أهل سجاد
صاحب :: يي تُفَـــــٌــــضْلو انا صاحب ابو أمجد شبيي سجاد ؟















#بارت٦
‏


طفوله وأي طفوله
يتخللها فراق و رحيل
بين غياباً و حضور
بين شتاتاً وتفكير ، تدهور و المأسآة
كل التفاصيل عالقه بـ الذاكره
العين تبكي ونبض القلب مستمر
غابوا و لڪن
مازالت أحفظ ودهم
تركوني أحبة ليس لهم في القلب مثيل
الشوق في داخلي
ينزف الحرف وينبض بها قلبي بلهفة








اليوم معكم شخصية غامضه يعجز عن الفهم جامد، غير مفهوم ، مبهم ، معقد ، بارد، مثابر ، انتكالي ربما ، منزوي ، غير مهتم، يتقن فن الامبلاة ، ‏انعزالي ، مسالم ، حريص ، ذو عقل تجاري ، مجازف ، متناقض ،،








حميد : مواليد ١٩٩٢ موضف بـ النفط
مزوج وعندي ٢ ولد ابني صف اول ابتدائي والثاني خمس سنوات زواجي تقليدي من بنت غريبه مو من العائله





للتنويه والله القصه حقيقيه ومجايبه شي مني او مزوده ع الاحداث هاي كلها أشياء صايره وياهم ما عدا الخواطر اني اكتبها

حميد :
ارجع وياكم اشوي للطفوله

غياب اهلي وفراگهم خلاني اصير منزوي اليشوفني يگول ما مهتم بس داخلي غير عكس أمآني تماماً

أگضي النهار بـ العب لو وي بيبي بـ المحل اتعلقت هواي بعمتي نورس جانت الي بمثابة أمي طلعتي گعدتي سالفتي وياها

أنا صغير بس كتوم مااضهر شي لاحد ابد بارد هيج الي يشوفني أمآني تگول عني انته متناقض وعندك اللامبلات بكل شي هذا ضاهري
بس داخلي محد يفهمني شنو أريد مااحب القال والقلت اكره المشاكل وبيت جدي كله مشاكل ومعارك وصياح

بس بغياب اهلي ماخلو أحد يأذينه علاقتي قويه بأولاد عمي وبناتهم عكس أمآني مالها علاقه بيهم ولا تتدخل وي احد منهم

صدگ هادئه بس عصبيه ومدلله مالها علاقه بالصغار چانت دائماً وي عمامي وعماتي الكبار حتى قليل تلعب وياي لو وي بنات عمي

كلنا نجتمع ونلعب سوه اله هيه ماتجي ويانه يسمونها المعقده من صغرها لحد ما كبرت وهذا لقبها من اولاد وبنات اعمامي

من كبرنا صار العكس هي اجتماعيه وانا انعزالي 😁

اجو اهلي من أيران ما لحگنه نتهنه بجيتهم وانسجن ابوي عشنا معاناة وحصره علينه الفلس والاكل الزين اروح للمدرسه اشوف الولد واشعدهم انقهر

چانت مدرستنا مختلطه انا و أمآني نفس المدرسه هي صف ثاني وانا صف اول اروح وانجي سوه تخاف عليه اتعارك علمودي من اتعرض للضرب من الجهال الي بعمري

رجعنا لبيت جدي وعشنا وياهم بعد ما راحت اغلب اغراضنا عشنا بلويل طبعاً جدي من النوع العصبي حيييل وما يريد هوسه

واحنه هواي بلبيت چان يطردنه بره نگضيها لعب لحد مااريد انام لو ناكل ندخل للبيت لو اروح للمدرسه
ندخل للبيت عوجيته ويفتر علينه خاصه لو التمينه كلنا ونلعب سوه جهال عمو أمجد واحنا وجهال عمو عادل

مره الضهر من ورى الغدا لمتنه عمتي الصغيره وتلعب بينه لان نفس العمر تقريباً جدي يريد ينام واحنه صوتنا عالي وحده من بنات عمي عادل تعاركت وي اختي ذكريات ضلت اصرخ واصيح
اجانه جدي يركض يريد يكتلنه كلها اطافرت واخذت مكان اضم نفسنه بي أمآني گلتلي تعال وياي مارحت وياها ضليت وي عمتي عبالي ما تنكتل

كلنا انكتلنه اله أمآني يدورون عليها ماكو جدي ماخله مكان ما دوره حتى يكتلها مل وراح مالگاها

خلته يروح وطلعت من تانكي فارغ امخلينه جوه مال شغل هيه داخله جوه بي بوكتها ضلت تضحك علينه لان كلنه انكتلنه وهيه لا
مو گتلك تعال وياي انت مااجيت حل وياك

هاي وحده من المأسي و المضحكه بنفس الوكت كل شي شفنا وكل شي چان النه درس قوه شخصيتنه

ابوي تعبو وهم يدورون علي ماكو خوفنه وتفكيرنه كله كتلوو احنه اطفال بأمس الحاجه اله هو ما مخلينه بعازة احد كلشي متوفر النه رغم بساطت الضروف
بس ولا قهر وضيم بيت جدي والعوز الهم

أمآني : بهاي الفتره ابوي انسجن وما نعرف عنه اي شي ما لحگنه نشبع منه شوف جانت المده بين جيته من أيران و لزمته للسجن ٥ اشهر ضلتنه بمنطقه غريبه وبعيده عن الأهل صعبه واحنه كلنه اصغار

انشوف أمي من كثر تعلقها بأبوي تخبلت اله اشويه حالتها حاله يرثى لها بيتنه تعبان و الجوو بوكتها بارد حييل ومطر نگعد ميتين من البرد وناگعين من المطر

البيت يخر علينه ونحجي وي جدو ولا يسمعنه ولا يسوي شي أروح انضل يمهم يوم خميس وجمعه لأن عطلة مدارس ومن نرجع نتوسل بيهم كون احد يروح ويبات ويانه ومحد يقبل من عمامي

ولو قبلو بلتواسيل يمشون ويانه ولد عمي لو عمي قصي ضلتنه بهذا البيت مأساة عشنه گوه اندبر اللگمه بينما ابوي عايف النه افلوس واهواي عد جدي

يوم الي نگله اريد مصرف لو نشتري مسواگ للبيت واكل يگلها ماعندي منين اجيبلج اروح اني وحميد للمدرسه انباوع ع الجهال ويانه شنو يشترون ولو شنو يأكلون واحنه حتى مشتره مانگدر نشتري ماعدنه افلوس

المنطقه الي ساكنين بيها ناس مثقفين وهادئه من كثر الهدوء تخوف والامن بليل كله يفترون على المنطقه احنه مامتعودين هيج لان عايشين بمنطقه شعبيه

من خوفنه ورعبنه حجي مانحجي ابوي اشهر واحنه اندور علي مانعرف شنو صار ويا وين هسه هم ماندري هلكوو ماله اثر ولا وجود

دورو علي بكل السجون وكل المستشفيات محد ينطي عنه معلومه ادل علي او موجود لولا أمي وضعها من سيئ الى أسوء

صارت عدها ولاده واحنه اصلا ماندري بيهه حامل واجه طفل على الدنيا بدون ابو هذا الولد شبع مرار خطيه من سوء التغذية ولا كبر وحتى الكلام مانطق بوكتها گلنه أخرس

امي صارت مثل المخابيل تمشي وتحجي لوحدها ماكو شي ما سوته بس كون تحصل خبر عن ابوي

عادل : الغربه صعبه والاصعب انو نشتغل ونهلك ونتعب وبدون فايده يعني لميت كل تعبي ودزيته لـ سجاد ع اساس يشتريلي بيت وبعد اتفاق ويا افلوسي على افلوسه نشتري بيت زين وچبير الم بي اولادنا ونستقر ونگعد

كل احلامنه ضاعت بسبب ابو دينه ومعبوده الفلوس مااعرف وين الملذه تاخذ افلوس وتعب مو مالك ضليت من جديد الم بتعبي وشگاي

عرفت بعدها اخوي انسجن الصراحه احنه متوقعين هذا الشي وهو اجه وجازف بكلشي برجعته بس الي المامتوقعي انو يضيع اثره وهذا اكبر مخاوفنه

روحي وگلبي ويا بس جسم موجود هنا للتعب والشغل وهم احاول انسه واتناسه بشغلي حتى ماافكر بلي متوقعينه احنه

چان بالي مشغول وياهم وبعيشتهم رغم وجودي هنا ضليت ادزلهم مصرف خاص لعايلته وللاسف بعد فتره اكتشفت مايوصللهم ياخذه ابوي

چنت اتصل عليهم على جوارينه واسمع اخبارهم واطمن عليهم بس دائماً انكسر بشي جديد كل ما خلصت المكالمه

حاليا مر وقت وجودي هنا سنتين
سنتين من التعب والهلاك سنتين من الخذلان والانكسار سنتين من المعاناة والتقييد
ياريت لو بفايده راح كل املي وامالي ضلتي هنا هسه بس كفيان شر ومشاكل بعد مابيدي شي غير

بعد كل هاي المأساة والهلاك سمعت مرتي متعاركه وي ابوي وضاله اصيح وتغلط لأن الفلوس كلها ابطنه واله طبعاً انا ما رضيت مهما يكون هذا ابوي وتصرف غلط منها

بس اضاهر گد ما ماله من المشاكل وقلة الحيله المهم صايره مشكله كلش چبيره ومطالبتهم بفلوس ومشتره البيت لان بعتباره الفلوس مال البيت عنده

امطالبه بيهن وضاله اتعد واصف عليهم اذا مايشتورن بيت وتلم بي جهالها منخضع للامر الواقع ومشتري بيت بسيط ويبعد عنهم شوارع بينهم وبين البيت

وبعد معاناة وشلاع گلب محولين بي البيت عباره عن غرفتين وساحة چبيره و صحيات اجلكم الله

نعمه ولا الماكو المهم بيت يستقرون بي من القال والقلت وضال اخوها يجي يبات وياهم ودومه عدها بعد مايحل من شغله

الجهال بوكتهم اصغار ولد و ثلاث بنات ثنين مدارس يداومون وانا مستمر ادزلهم مصرف وغراض هم يحتاجونها من لبس واشياء للبيت او العاب

ماافرفقهم عن جهال سجاد كل الي ادزه الهم ادز ويا لبيت سجاد وجهاله وهيج مضت الأياموالاشهر والسنين

يتبع

٧____٨

#بارت٧



تعالي إلي و أنقذيني من هذا الشتات
تعالي إلي وأحضنيني وانسيني هم الحياة
تعالي ففي عينكي أنسى الزلات
تعالي إلي فما عدت اطيق الحضور
ذڪراك يهيج بداخلي كل المكنون
تركتي لي ندبه بكل اطرافي تعالي لتري ماكان منك وما كان منهم من جروح
قلتي لي انتبه لروحك ...؟
كيف واذا بروحي تسكن روحك
خذيني معك لا أهتم لنفسي لانها بين راحتيك اذا اردتي إن تحرقيها او تعذبيها
او ترعيها او تسقيها فأنا لا خوف علي حين أكون معك
فقط أهمسي لي بـ أحبك وأنتي بين أحضاني





سجاد :: أخذوني للسجن چان اكو واحد من المنطقه امسوي اخباريه عني لـ مختار المنطقه و المختار ما قصر خبر عني الأمن أجو اعتقلوني

من طلعت من اهلي جاي اروح لبيتي الزمت من قبل الأمن بتهمة عميل لأيران
شفت الويل ماي بارد يذبونه علينه بعز الشتا والي يروح للتحقيق لو يرجع لولا

والي يرجع ماينعرف كثر ما امدمه وامكسر اتكسر مكان السجن مخفي محد يعرف اسمه لو بيا منطقه او اي محافظة بس همه ما طلونه خارج المحافظه بوكتها لان مسافه قريبه ونزلوني

ما يحجون اي شي يخص الأماكن والاسامي ادمرت ادمر و ادمرت نفسيتي والتعذيب بصفحه وبالي الي مشغول على عايلتي بصفحه

الجو چان يكتل من البر نهاية شهر ١٢ واحنا ينگعونه بماي بارد ولا عدنه ملابس ولا غطه ندفي بي روحنا بطانيه عسكريه لكل واحد وحده ويادوب ندورها على جسمنا دمار وهلاك من نوع ثاني

فكرت الي يروح وما يرجع لو يرجع مكسر هاي ترعبني وتعيشني بخيالات من الخوف والرعب الي تملكني صار الدعاء وسيلتي لأني بريء واندب الإمام الكاظم عليه السلام بكل الأوقات وحاشاهم ما يقصرون ﷲ واهل البيت

شهرين احنا الضوه ما شايفينه ولا ندري احنا وين صدروا قرار ينقلونه لغير مكان خلو على روسنا غلافات سود وربطونا وركبوونا سيارات الطريق طويل حييل بلساعات يله وصلنه

نزلونه بعد معاناة طويله وتعب عرفنه بوكتها احنا ابغداد سجن مظلم لا يقل عن الي قبله جوه الگاع مخيف بي اشد انواع العذاب والمعاناة كل ضنهم انا من العملاء لأيران

ما يدرون روحتي بس عذاب وتعب وشغل ماشفت منها شي بعد تحقيق عميق وضرب واهاين طلعت بلويل التعذيب مستمر وقسم من الشباب راحوا ما اجوو وما ندري بيهم وين و شنو صار وياهم أما الي يضل يجي مكسر انا من ضمن المكسرين والعذاب اقسى انواعه

شهرين من المعاناة والفراگ و الألم وكله بصفحه وبعدي عن عايلتي ومااعرف عنهم شي بصفحه ولا اگدر اتواصل وياهم چانو مانعين اي زياره ومحد يذكر اي شي وماكو أي معلومه تطلع من أحد و حتى ما واحد يحجي وي الثاني ابد والي يسمعون صوته آخر يوم بعمره

چانت صلاتي و دعائي وتوسلاتي بالله واهل البيت نجتني من هواي مصاعب والحمدلله يمكن بفضل الأهل ودعواتهم لو مرتي وجهالي الي مالهم ذنب يعيشون وينحرمون من أب و الأب هو بريء من أي شي وسجنه ضلم بضلم

بعد شهرين من الظلام الدامس والسجن الي جوه الگا؏ قرروا يرجعونه للبصره وهم نقلونه مثل النقله القبلها هاي الحجي احنا ما نعرف وين ماخذينه لو وين رايحين بس من بعد الطريق والي اساسا انا حافظه واعرفه بسبب دوامي من اسليمانيه لـ بغداد للبصره لأن شبعت منه هذا الطريق واندله

دخلنه للبصره بليل دخلونه للسجن بي ناس هواي ومن خلال الحجي عرفنه احنا بلبصره نقلوني سجن عادي مو مثل القبلهم متحفظ وناسه قليله ومحد يحجي وي الثاني

هنا اشوه گضيتها بين الصلاة والدعاء والمناجاة لرب العالمين يخلصني من هذا العذاب والمأزق الي انا بي

تعرفت على شباب وقسم من الضباط خوش ناس وخاصتا من عرفوا بيه مطوع بلجيش والمستشفى وشافو تعاملي وياهم بأحترام حبوني

رفعوني للمحكمه و حكموا عليه بـ سنه و ثلاث اشهر خلصت سته بهاي الفتره اجو ضباط قدامه وشفتهم عرفوني قسم منهم اصدقائي سلمو عليه وسلمت عليهم و سولفولي اشلون ضامين أوراق الحكم الي مصدرينه عليه غيابي علمود المتهم الي شرد مني

انا بوكتها استغربت محد جاب طاري الحكم الي عليه وهذا لوحده خمس سنوات
بس ماحجيت معناها افک علي نار جهنم ضليت ساكت لحد ما صحباني اجو و سولفولي

طلبت منهم يرحون لاهلي واطيتهم العنوان يطمنونهم عليه ودزيت الهم رساله كتابيه اطمنهم علي وانا عايش والحمدلله
همه ماقصروا راحوا عليهم ومسولفين لاهلي عليه وامطمنيهم وطمنوني عليهم كلهم زينين

رجعوا نقلوني سجن بـ بغداد اهون من الي قبله وهم صادقت ناس وقسم من الشرطه طلبت منهم اتصل ابت خالتي اخت كفايه اصير الله هداهم وقبلو

اتصلت بيهه فرحت بيه خطيه سلمت عليه وسلمت عليها وطمنتها انا موجود هنا ابغداد وانطيتها عنوان المركز لان مسموحلي زياره بي

اجتلي هيه ورجلها يوم مواجهتي جايبه وياها انواع الأكل واشكال الحلويات ڪليجه وڪيك والبقلاوه وكله بحافظات ومغلفه والدولمه والدجاج

صحت لكل الموجودين يجوون ياكلون وياي وفعلا كلها التمت وگعدو وياي يأكلون لأن فاقدين هذا الاكل

اكل السجون يلعب النفس صمون مال جيش ويابس ولو شوربه تلعب الروح وما تنوكل
على هذا الاكل كلها كييفت عليي حتى الضباط

ضلت خطيه بين فتره وفتره و وكت زياره تجي هيه ورجلها ويجون محمليين بأنواع الأكل والملابس وافراشات للنوم وكل ما تجي عبالك يصير عيد بلسجن

أكل وملابس و فراش وغطه نضيف هيه حالتها زينه ورجلها تاجر بلاقمشه والفراش وخير من الله رازقهم من واسعه عشت شهرين هنا نسيت الست اشهر القبله من المعاناة هم الناس زينه وهم بت خالتي سترت عليه

بعد ايام رجعوني للبصره بس هالمره تختلف على الاقل السجن معروف وهمين انطوني بي زياره ومواجهه واشوف اهلي وجهالي وافرح بيهم وبشوفتهم

حددوا وقت الزياره و وصل الهم خبر انا هنا والهم حق بزيارتي اجو امي وابوي وقسم من اخواني جابولي بوكتها ابني الجبير علاء فرحت فرحه كلش جبيره لشوفتهم واشلون گلبي طاگ عليهم

ضلوو يترددون عليه بين فتره وفتره وكل زياره يجبولي واحد من جهالي وياهم ومره منهم جابو الي مرتي وشفتهه وردت روحي بشوفتها بس شكلها متغيير حييل وما يطمن احس وضعها مو تمام وخفت عليها خاف بيها شي وسألتها اذا بيها شي گالت مابيه شي وكلها گاعده يمنه ماحجت شي ولا انا الي لحيت عليها اعرفها ماتحجي حسيت بمعناتها والي تعاني هيه اكثر مني يمكن

بهذا الوكت رجعولي الراتب على هويتي لأن مطوع بلجيش وينطونيا ضليت اجمعه لأن مااحتاجه شسوي بي وانا بين اربع حيطان اكتره وكل ما يجي ابوي لو امي انطي الهم وأگلهم ينطون منه لـ كفايه

گضيت شهرين بين الزيارات والذكريات والبعد والفراگ والتهي وي الشباب اكو واحد رسام بلسجن يرسم ويگعد يحوك بلگواني ويطرز على القماش لو يرسم على الگواني ويسوي مصلايات انطي افلوس ويسويلي

سوالي مصلايه وصوره رمزيه للامام الكاظم عليه السلام واشلون مقيدينه بلسلاسل وطرزهم بوكتها خليته يكتب خرف كفايه حتى يوصلن الهه والجماعه ماخذينهن طلبت غيرهن يسويلي وصدگ سوالي وهم دزيتهن الهه هالمره منطينهن الهه وسووالي هواي شغلات

بهاي الفتره تمرضت واضطروا ينقلوني للمستشفى حتى يعالجوني والي اخذوني صحباني من الشرطه طلبت منهم ياخذوني على بيت أهلي حتى اشوفهم وارجع بسرعه مااطول بلگوه قبلو المهم رحت

وياريتني مارحت على وضع التكسير الي صاير بيهم شلت حمل چبير للوضع الي عايشته مرتي وجهالي بغرفه و حتى الباب شايله ابوي حتى لا يكسرونه الجهال ومرتي داگه بطانيه قديمه

وضع ينرفز ودمار بعد ماعرفت سالفة البيت والايجار وماتاخذ منه شي وكله عد ابوي متت قهر قهر السجن ودماره وتعذيبه والي عشته بصفحه وهذا الوضع بصفحه

ساعتين شفت بيهن الوضع واشلونه ادمرت چاا حال جهالي ومرتي شنوو رجعت للسجن بعدهه حالتي النفسيه صارت زفت و تكئبت ضليت بلسجن لا احجي وي احد ولا الي غرض بااحد

وبسبب هذا وضعي انطوني حسن السلوك وهم على الهويه ودوامي وشغلي وكوني الهم معرفه بيه قللوو الحكم چانت سنه و ثلاث شهور سوها عشر اشهر وطلعت والحمدلله











#بارت٨

لحظات الصمت مليئه
بـ الحنين ،، الشوق ،، الذكريات
تحكي مافي القلب من احاسيس
تكمن دائماً بـ السكوت وتسطر احلى الحكايات
تحلق في السماء تضيء بنجومها
تسبح في البحر من الذكريات
و تهيم في دنيا من الاحلام


يوسف من مواليد ٧٢ من بعد عادل انا الوحيد الي ما تأثرت بأبوي ولا سوه الي شي بلعكس انا الي اذيتهم اهواي اعترف بهذا الشي شغلي وحياتي الخاصه الي مااخلي احد يدخل بي ابد







ارجع وياكم اشوي للماضي
طبعاً احنه كونا اخوان وكلنا اصغار مشاغبين وكح بس الخوف من ابوي واضح علينه چنا نلعب ولعبن كله معارك ومصايح امي مالها غرض بينه يعني كلشي عادي عدها

احنه ندري بلوكت الي يجي بي ابوي من الدوام من الصبح للضهر احنه ماخذين راحتنا بس اصير ساعه اربعه يصير هدوء عام بلبيت من الخوف من السيد الوالد

جان اخوي قصي الصغير يوكف بلباب ومن ايشوف ابوي دخل لفرع الشارع يجي ينطينه تنبيه اجه ابوي احنه عود انصير عقاال انجيب امخاد ونسوي ارواحنه نايمين

وهيج امشين حياتنا بلبيت لعب وشارع مدرسه مااحبها وصلت صف خامس ابتدائي وبطلت وكبرنا وصرنا شباب ضليت اطب واطلع وي الشباب وكت شبتي وازيد وكفاتنا برأس الشارع

مره شفت ابنيه تخبل حاله من المدرسه عجبتني حييل وهيه حلوه عيون عسليه وبيضه حييل ملامحه هادئه وصغيره مايله للشگار ضليت اراقبه وين تدخل اليا بيت دخلت لبيتهم و اندليت بيتهم



ضليت دائماً اتواجد هنا حتى اشوفها واشوكت تروح واشوكت تجي انوب اطورت ضليت اروح وراها للمدرسه وكت طلعتها من بيتها وهم وكت جيتها من المدرسه الى ان انتبهت علي واشوفني وراها

حبيتها وتعلقت بيها بسرعه عجيبه صارحتهه بحبي الها وهي تقبلت هالشي بسرعه يعني ما عارضت واطورت علاقتنه واحد وي الثاني واوديها للمدرسه واجيبها منها بدون علم اهلها و اهلي

جنت اخذ من اخواني لو من امي افلوس واشتريلها اشياء الهه الى ان حصلتلي شغله كمت اطلع وي جيرانه تصليح بوريات ماي لو عامل كهرباء لو اصلح دراجات اشتغلت اهواي اشياء بس مصرف على گدي

جان بيت حبيبتي قريب علينه يفصل بينه شوارع وضليت اتردد عليهه من اخلص من شغلي اروح اشوفه چان اللغز بينه اشمر طابوگه على الباب حتى تطلعلي هيه ومحددين الوكت الي اجيها بي

ويوم الي ماعندي شغل اروح اوصلها للمدرسه واجيبها

ميسون :: ولك يوسف اطونه عطله وخاف بعد مااشوفك اشلون

يوسف :: لا شني مااشوفچ چا غير اجي افلش البيت عليچ اذا مااطلعين

ميسون :: يمعود اخاف من ابوي مااشوفه دايما گاعد بلباب بله لچحك چا غير انذبح

يوسف :: خاب ولي تنذبح هيه غير اذبحهم كلهم غير انتي النبض اشلون اعيش بلياچ

ميسون :: بعد گلبي اروح فدوه لگلبك ونبضه

يوسف :: شوفي انا اجيج الصبح واطگ الباب بلطابوگه واوگف على صفحه انه واذا احد غيرج طلع اتگتر مااخلي احد يشوفني منا لحد ماانتي اطلعييلي

ميسون :: هسه شني هالرعب هذا والله لو مصطفى اخوي شافني يموتني اني وياك

يوسف :: تحملي بس هاي الفتره والله احجي وي اهلي ويجون يخطبونج الي واخذج واصير اسوالف

ميسون :: هيج واصير صدگ وانعيش جوه سگف واحد واصير رجلي چا هاي يرادلها بخت

يوسف :: وعيونج هاي لو الي لو مااصيرين لاحد غيري غير اسويها كاتل ومكتول اخذج لو اصير مذابح

ميسون :: يله حبيبي روح لا احد يشوفك مااريد طلايب نتحمل العطله 15 يوم
بس انت تعال بين فتره وفتره ترى والله اشتاقلك انه ومااگدر ابلياك

يوسف :: وج چا احنه شتفقنه توه مو گتلج اجيج الصبح هو انه اگدر ابلياج اذا مااشوفج يوم غير اتخبل

ميسون :: يله يروحي روح منا هسه مع السلامه ودير بالك على نفسك وتعالي فدوه

يوسف :: ماابدي اعوفج والله لو عليه مااخليج وامشي بس غصبا عليه ابين مااشوف حل حبيبتي مع السلامه وانتبهي لروجج

صارت العطله وانه اتبهذلت بين الروحه والجيه ومرات ماتطلع ولا اشوفها لان اخوانها يتواجدون بلبيت لو ابوها اشتاقيتلهه عشر أيام وانه ماشايفهه گلت اليوم ما منها لو اشوفهه لو مااتحرك من بابهم

رحت لبيتهم الصبح شمرت طابوگه على بابهم وطلعت هيه يارحمه الله الواسعه وج اشمشتاگلج وميت على شوفتج عذبتيني خرب يومج

ميسون :: ولك انه اكثر غير طگ گلبي عليك واحلامي كلها بيك ولك صرت مسودنه بلياك مشتاقتلك حييل

يوسف :: دخلي لا احد يشوفج وانه راح اقرب للباب

ميسون :: اي خوش وانه هم طلعت حتى اغسل بلحوض حتى محد ينتبهه عليي

يوسف :: اي اشلونچ وشنو اخبارچ اشلون العطله وياج

ميسون :: زينه الحمدلله بس محتاجه شوفتك متت شوگ

يوسف :: حتى انه والله وج اتبهذلت مااعرف شنو اخبارج واجي ومااشوفج

ميسون :: غير اخواني هنا لو خواتي خطار عدنه ومااكدر اطلع اشوفك
مصصصطفى



مصطفى :: منو انته واجاي اسوي هناا
وانتي اشعدج ويا جاي اسوالفون وماخذين راحتكم على الاخر شني مالكم رداد اليوم اكسركم اتكسر اثنينكم انتي ولي دخلي جوه لا اذبحج وانته وياي يله لاهلك اريد اشوف يرضونهه على هاي اسوالفك

يوسف :: خلي افهمك غير تفتهم هسه منه انته اشو خذتنه افلاحه املاجه

مصطفى :: انوب ماراضي موو تمشي لا اذبحك هناا وعلي امشي يله گبالي

يوسف :: هذا بيتنه اتفضل وياي ادخل بس قبلها اتفاهم وياك اختك رايدها انه واحبهه ولو اصير كاتل ومكتول اخذه ولو ما تنطونياها اهجم بيتكم عليكم وانه گتلك هذا حجيي والباقي عليكم واهلي رفضوا وان قبلوو اني ماخذها غصبا على الكل

مصطفى :: عود جاي تهدد لو شنوو انوب انته صاحب الراهي لازم اهلك ماامربينك عدل تقبلها انته على خواتك لو بس على اختي تقبلها

يوسف :: والله العظيم اختك الي تحجي عليها اعشگها واعشگ التراب التمشي علي وما ماسهه بشي مو زين والي ما اقبله على خواتي ما اقبل انه اسوي ابنات العالم

مصطفى :: امشي ولي صيحلي احد من اهلك احجي ويا وانه اعرف اشلون اصرف وي ذيج الغبيه

يوسف:: والله ثم والله لو مسيت منها شعره اله اسويها ادموم انتم سووالها شي وشوفوا

مصطفى :: ايباااخ صايرلي العاشک الولهان خاب مااطير من وجهي هو انته زعطوط وجاي اتبيع مراجلك عليي

يوسف :: خاب شو تعال اراوييك منو الزعطوط
ودگ بوكسات مني ومنه وطلعو اهلي و الجوارين على الصياح وگامو يفاككون بينه وصارت عركه اشكبرها بس محد مفتهم شني السالفه

وصل الخبر لاهله واجوو وطلايب وتهديدات وكتل وصياح وصارت السالفه معروفه طبعاً قبل لازم الرجال يستر على المره وبهاي انه ربحت اخذتها غصبا عليهم و على اهلي والطرفين ما راضي

المهم احنه گلوبنه وفرحتنه ما تنوصف وهمه طوب الي يطبهم 😁

ازوجتهه واخيرا بعد معاناة وسوينه حنه وعرس لا صار ولا مسوي مثله حتى مطربين جبت و كله على الوالد لان هو جبير عشيره واله كلمته وصيته وهاي اسوايتي اتنزل منه اذا مااستر على البنيه

المهم بعرسي صارت عركه بين الشباب واجت الشرطه كفت الشباب كلهم واخذوهم للسجن ومن ضمنهم أمجد وعادل باتو بلسجن صدگ ضجت عليهم بس هم زين خلصنه العرس بعد ثلاث ايام طلعوا اخواني من السجن

عشت وياها حياة سعيدة وحب وتفاهم ومرتاح وياها آخر راحه
بس الصراحه بدون توفيق لان اهلي واهلها ما موافقين ولا قابلين على زواجنه والي صار اهلي شدوا وياها وما حبوها كلش

ضليت اشتغل من الصبح لليل حتى اجمعلي چم فلس وادبر عيشتي واكون الي عايله بدون طلايب

صارت مشاكل هواي وهيه هم ما تقبلت اهلي وكلما حجوا وياها گلولها سكتي انتي غريبه وهيه اضوج وتجي تحجيلي وانه اتخبل ولا واحد يمسهه بأحجايه

انه اعاملها چنها بتي مو مرتي وهم ضلو يضوجون مني لان اعاملهه بحب شدو حييل ويانه المهم قررت اخذها واطلع ابيت لوحدي

ضليت سنه وي اهلي وعزلت ولحد السنه انه ما صار عندي جهال اهلها عدهم بيت امأجرينه رحت لابوها وحجيت ويا وطلبت منه يأجرلي البيت واسكن بي لان قريب عليهم

وافق ابوها علاقتهه قويه بأبوها كلش ويحبها حييل ما يعارضها بشي حتى هاي الهوسه كلها ولا ادخل خطيه رجال فقير كلش وملتزم ولان هيه الصغيره مدللهه

المهم اجرنه البيت منه والشهر الما اشتغل بي ما ياخذ مني افلوس وصارت اغلب عيشتي عليي وانه اروح لاهلي اخذ منهم افلوس لو لاخواني سجاد وعادل امفضلين علي هواي

وانوب صارت هاي المشاكل مالت سجاد وسفره وانوب عادل وهم سافر والأمور اتأزمت وياي حييل ابوي گوه يطلع الفلس اروح لامي تنطيني الله قاسمه

ضليت افتر على شغل صديقي عده سياره وتوضف وطلب مني اسوق بيها هو چان يروح ببها بغداد بصره لو حله واخذتها انه منه وضليت اروح كراوي من البصره للحله لو لـ بغداد

يوسف :: اگلج ميسون امشي اخذج للدكتور انشوف ليش ماجاي يصير عدنه جهال

ميسون :: اهووو يوسف والله مليت كل يوم دكتور شكل لعبت روحي من هاي السالفه هسه هو مايصير شنسوي احنه ختولي الدكتاره ما منهم نتيجه

يوسف :: چاا اشلون انضل هيجي صار سنتين من ازوجنه ولهسه كلشي ماكو تذكرين صاحبي الي ازوج ورانه صار عده ولد وهسه مرته حامل واحنه ماكو انه اريد جهال تدرين بيه اشگد احب الجهال

ميسون :: ادري اني شبيدي مو هالجاي اخذ العلاجات واشرب بيهن وماكو دكتوره ودكتور يعتب علينه ما رحناله اشو انته اجيب الفلوس منا ونذبهن منا على الدكاتره

يوسف :: ميخالف كلشي يهون لعيونج المهم يجيني طفل منج كلشي الچان بت ولد واضل عايش وياج لاخر عمري

ميسون :: الله كريم اذا رب العالمين كاتبلنه ايصير ليش لا

وبعد مرور اربع سنوات من زواجنه چان يصير حمل كلش فرحنه بيي حتى اهلي واخواني فرحولي صار الحمل اربع اشهر ومات ابطنها ويا فرحه ماتمت 😔

وهم رجعنه نعاني من جديد المشكله ماكو شي ويگولون مابينه شي ليش الحمل مايصير مانعرف

بعد سنه من هذا الحمل همين صار حمل فرحنه بس بخوفه وبدت يوم عن يوم تكبر والحمدلله هالمره عاش الطفل وهاي راح يخلص تسع اشهر منتظرينه على نار

ميسون :: يوسف حبيبي تعال شوف اشلون يرفس بيه الطفل هيج واولد واشوف طفلي وانته ويا هذا سعدي ومنااي

يوسف :: اروح فدوه الج و للي ابطنج انه ان شاء الله ماكو شي بعيد على ربج

وبعد معاناة وعناء وصبر سنوات ولدت ميسون وصار عدنه ابنيه حلوه بس معوقه

يتبع

٩__١٠

#بارت٩


‏يرهقني أنني مليئ بما لا استطيع وصفه
‏بـ الأمس بكيت كثيراً وتمنيت ان يكون لي نصيب من كل شيء تمنيته ان يكون
من احلامي من شغفي من حبي
تمنيت ان يرتاح قلبي من ضجيج الحياة
تمنيت ان ارتاح من الركض ولو لمرة واحده

جࢪوحکم و ألآلآمکم
شوهت صوࢪکم العزيزه في داخلي
أنتم الآن عباࢪه عن خذلان ڪبيࢪ داخل أطاࢪ مهشم محطم





سجاد :: طلعت من السجن وعذابه الى عذاب اكبر وهم اكبر وهو عذاب الحياة بعد ما خسرت كلشي وتدهور اوضاع عايلتي يرثى لها

اول شي سويته بطلعتي قدمت على شغلي ودوامي وبعد مراجعات وتقديمات وايام واسابيع رجعت والحمدلله

خلوني بفوج بعيد حيل عن اهلي واسبوع دوام واسبوع استراحه وبهذله الطريق والتعب والمعاناة بلصحراء والطبابه والجرحى والبرد والحر

حييل تأذيت هاي بصفحه ومعاناة البيت بصفحه قررت ابيع البيت الي مأجره وجمعت الايجارات بعد ماطلعت من السجن انا الي ضليت استلم افلوس الإيجار بعد عرايك وطلايب ومداهر

يردون الفلوس الهم عبالك همه مشرينه الي و بفلوسهم ومسوين علي فضل
بعت البيت ولميت الفلوس اخذت نصيحة اصدقائي وياي بلدوام

اكوو بيوت تابعه للدوله ملكهم ويأخذون من الناس افلوس ويگعدون بي انا رحت قدمت على بيت انطوني وبفلوسي اشتريت بيت

البيت حلوو و چبير غرفتين واستقبال وهول ومطبخ وصحيات وحدايق داير مداير البيت كلش حلو وحيل نضيف بس بعيد

منطقه يسموها الشعيبه وانا دوامي بلرميله يعني قريب عليها واصدقائي اكثرهم هناك يسكنون وهم بذاك الوكت رخيصه

كونها ملك للدوله مو ملك للشخص وبأي وقت تريد اتشيل منه وينطوك افلوسك وتروح هاي جانت الطفره بلنسبه الي

كفايه :: بعد كمية المعاناة الي عشناها بتعب وملل وارهاق على اساسه فكر سجاد يرجع للبيت الي مأجرينه نعدله ونگعد بي ماقبلت انه لأن هذا البيت ضجت منه

ضلينه اشهر على وضعنه بلغرفه ابيت خالي ابو أمجد بعد رجعت سجاد لدوامه وروحاته وجياته وتعب الطريق حاول يدور النه على بيت قريب على دوامه

و بمشورت أصدقائه والي قسم منهم ساكنين هاي المنطقه گايليله عليها راح با؏ البيت واخذ افلوسه وراح اشترى بدون مااحد يدري حتى اني ماادري ولا گالي

چانت مفاجأة وصدمه بنفس الوقت اخذ اجازه أسبو؏ كمل بيها كلشي نقل وهاي سوالف البيت جانت غراضي يرثى لها يعني سياره صغيره كفت لغراضي كلها

كفايه :: يله أماني روحي للمدرسه تعاي خل ابدلج

أماني :: والله ولا اروح اليوم انتم الواته تردون اروح للمدرسه وانتم تروحون وتعيفوني ابيت جدي

كفايه :: لا يمه مانعيفج من تجين ناخذج ويانه

أمآني :: ماااا مااروح اغيب اليوم انا سمعتكم تگولون ورى الغدا تمشون و حميد اجه من المدرسه يعني يروح وياكم وانا اهنا اضل لوحدي

كفايه :: يا يابه منج منو يگدرلج لا ترحين ضلي

گعدت المن بغراضي واحضرهن چان اسعد ويانه و نورس هم صلينه واتغدينه ورى الغدا اجت السياره اخذوا الغراض وراحوا

احنا اخذنه سجاد بسياره لوحد ورحنا دخلنه البيت صلوات على محمد وآل محمد البيت كلش حلو واسع وچبير والحدايق كلشي بيهن

حميد :: اگلج يمه هسه هذا بيتنه

أماني :: لا حبيبي هذا بيت الجيران غير بيتنه چا بيتمن تعال خلي انشوف البيت اشگد حلوو والورد الاحمر شفته انا جنت بلحديقه شفتهه كلش حلوه

كفايه :: اگول لو توخرون مني وتخلوني اشتغل مو احسن بدل هاي گرگتكم فوگ راسي ولوو مني

أمآني :: يمه رايحين بس على كيفج

ذكريات :: امونه هاي الورده الج

أماني :: خرب يومج ليش اشلعين بيهن ابوي گال لحد يشلع شي مايقبل

ذكريات :: هسه فوگ ما جبتلج ورده

سلام :: ختولي جيبيها الي انا اخذها منج لا تنطيها لاماني

اماني :: خاب عابت لهل وجه هسه انته يمك حاشر روحك بكلشي ماتروح منا المن اجيت ويانه انته

سلام :: اتغلطين عليه شمسويلج

أماني :: ايي عليك چا عليمن ما مسوي بس اضوج واموت منك الصراحه

سلام :: خووش راح اگل لعموو عليج

أماني :: يااا روح گله واذا گتله مايسويلي شي على عنادك

حميد :: امشي سلام عوف اماني مالك غرض بيها امشي نلعب برى اكوو ولد بلباب يلعبون خلي نشوفهم

نورس :: اگلج خيه هاي البوفيه وين احطها بيا غرفه

كفايه :: يمعوده وين ما تحطيها حطيها خلينه نخلص قبل الليل بس خلي نسوي مجال ونظفه نگعد انام بي

نورس :: أماني اماني

أماني :: هاا عمه شنوو

نورس :: تعاي وياي انتي كنسي الغرفه وانا اغسل وراج
أماني :: خوش يله جايه

كفايه :: نظفنا و رتبنه الغراض رحت گليت طماطه وبتيته سويت الهم عشا صلينه وتعشينه حاره الدنيا وبنكات ماعدنه واضويه ماكو عدينه الليله اشلون ماكان ثاني يوم خلصنه كلشي

سجاد :: كفايه رايح انا اشتري اضويه وبنكات ديري بالج

كفايه :: خير إن شاءالله واسوگ بدربك ترى ماعدنه شي

أسعد :: اگلك سجاد انا راح اروح بعد خلصنه كلشي غير ما تريد شي بعد انته

سجاد :: لا خويه ما عدنا شيء بعد اذا تريد تمشي براحتك

اسعد :: يي راح اروح واخذ وياي سلام هم

سلام :: لا عموو خليني هناا اضل وياهم

أماني :: انته اسوي فضل لو تروح شسوي اضل هناا مو عدك مدرسه روح وراك دوام

سجاد :: أماني 😠

اماني :: هاا بابا 😒
سجاد :: احجي عدل
أماني :: خوش 🙄

أسعد :: اشبيج امونه شنوو سوالج سلام ليش ضايجه منه

أماني :: لا عموو ماسوالي شي
سلام :: عموو هيه اضوج مني

سجاد :: لا بابا مايصير انتم كلكم اخوان لا تحجون هيج

أماني :: صار بابا تدلل بس لا تزعل مني

أسعد :: يله خويه رايح انا وانته سلام يله امشي وياي لبيتكم

سجاد :: يله امشوا انا هم اريد اروح لهاي الانشائيه على الدرب اجيب غراض
يله مشينه

نورس :: أماني امشي وياي فوگ انظف السطح والغرفه بقت مانظفناها

أماني :: اهووو هم انا كله انا

نورس وجعوو شمسويه هسه انتي شو بس جاي تعاركين واطالبين

أماني :: لا عمه والله ما متعاركه وي احد ولا مسويه شي لاحد

نورس :: چا وسلام منو چان يتعارك ويا

أماني :: اووو والله عمه هذا الولد اضوج منه اشوف كلشي ولا اشوفه فد فرحت من راح

نورس :: يااا ولج شمسويلج

أماني :: عمه هيج من الله ما ادري مسوي روحه چبير و يأمر ويتأمر عبالك مدري منو هوه وكله اكبر مني بسنه

نورس :: يله ام السان منو يگدرلج انتي امشي امشي

نورس :: صعدنه نظفنه السطح و الغرفه والمشاي يله أماني خلصنه خلي ننزل

أماني :: يله انا تعبت أگلج عمه صدگ شوكت ينقلونه وانداوم هناا المدرسه قريبه كلش علينه

نورس :: ماادري والله بس ابوج گال لـ وسناء روحي اخذي نقل من المدرسه ومنا ابوج راح يروح للمدرسه وياخذلج قبول

أماني :: هاا خوش

سجاد :: رتبنا امورنا والحمدلله استقرينه كملت نواقص البيت وخلص اسبوع الاجازه ورجعت لدوامي وضليت اروح كل يوم واجي بنفس اليوم من الفجر للعصر أرجع

عشنا حياة طبيعيه رغم صعوبة الضروف نقلت حميد واماني للمدرسه و گامو يداومون وبسبب قلة البيوت وناسها وسكنها المدرسه مختلطه بنات و ولد

أمآني :: داومت مدرسه ثالث ابتدائي نمط المدرسه مختلف بنات و ولد سوى اروح اني وحميد سوى ونرجع سوى مرات يعيفني ويروح وي الولد واني اروح لوحدي

لان اجيت نقل كلهه تعرفت عليه واغلبهم نفس مكانه وجوارينه حتى المعلمين همين جوارينه مره طلعت بلباب وطلع المعاون مال المدرسه من بيته بصف بيتنه

گالي وج شسوين واكفه دخلي يله ومن خوفي منه دخلت اركض للبيت الناس زينه وطيبه شي تسأل على شي منطقه وسچة القطار يمنه يمر القطار انشوفه چنه متعجبين

ذكريات اصغيره سمره ومعانيها حلوه يجي ابن جوارينه يگرص بخدودها ويلاعبها

رحنه للمدرسه انا وحميد وچان يكتلون حميد

حميد :: أمآني هذا الولد كتلني ومايخليني امشي واطلع من الصف

أمآني :: تعال وياي دليني علي منو
حميد :: هذا هو
أمآني :: اني لزمته لو موتت الولد انت تكتل اخوي اعااا

اجه اخو الولد چان صف سادس چبير وضخم ولج ليش تكتلين أخوي

أمآني :: اگتله واكتل عشره مثله چا ليش يكتل أخوي هسه انته مو اجيت ادافع على اخواك اني هم مااقبل احد يكتل اخوي خلي يدناله ويشوف اله اذبحه

خطيه شرد ولا ادنوو لاخوي بعد يخافون مني مو من حميد 😂😂

ايامنه طبيعيه هنا ماكو شي ضارنه من المدرسه للبيت لو نگعد اشويه بلباب انشوف القطار يعبر من يمنه

سجاد :: تعالوا امشو وياي خلي اروح لذاك الجبل

حميد :: بابا خلي اصعد اله انا

سجاد :: واذا طحت
حميد :: لا لا مااطيح
أمآني :: خلي اصعد ويا اني
سجاد :: گعدي وسكتي انتي وين صاعده
أمآني :: وياهم چا بس همه يصعدون مو هاي ذكريات راح تصعد ويا
سجاد :: اي بس انتي لا
أماني :: اوووف ليش بله
عافني ومشه ابوي وي صاحبه وضليت اباوع عليهم اني والعب بلتراب بس ودي اكتلهم لان مارحت وياهم

كفايه :: أمآني روحي لبيت ام حسين جيبي رأس بصل منهم

أمآني :: اي يمه رايحه
بيت ابو حسين عدهم چلب اجلكم الله هذا عضته تكتل بعد امسلسلينه يخافون منه
اني دگيت الباب ودخلت ماادري اجالي الچلب يركض واني اطفر اريد اندل الباب ماكو

فتحت الباب وهو وراي عضاني واني ضليت اصرخ عضته حتى شگت الملابس الي لابستهن وطلع دم من رجلي اجه حسين گوه فگا مني

أمآني :: كله منج انتي وديتيني على بصل عضاني الچلب وركض وراي

كفايه :: يااا چا غير اديرين بالج منه
أمآني :: شدير بالي واني وين ادري بيهم ما شادينه بلسلسله مالته دخلت وهو ركض وراي
كفايه :: تعاي خلي اعقمهه

خطيه امي عقمت رجلي وخلتلها دهن وشدتها

عادل :: معاناة الغربه ومشقتها وذلة السفر وتعب الشغل قررت الرجوع للعراق واهلي و عائلتي

10

عادل :: معاناة الغربه ومشقة السفر وتعب الشغل والبعد الي دام ثلاث سنوات قررت الرجوع للعراق ولعايلتي

رجعت العراق جان لقائي حافل بلود والشوگ مشتاق حيل لاخواني وامي وابوي خواتي ومرتي وجهالي فرحتي ما تنوصف بس سجاد وعايلته ماشفتهم

صارت نزلتي على اهلي گبل لأن مااندل بيتي واروحله سويتها مفاجأة محد يدري بيه جاي طبتي عليهم جانت صدمه الهم بعد سلامي وكعدتي وياهم اجو جهالي ومرتي

عهود :: هلا بيك والله مشتاقييلك اشلونك عادل شني هالمفاجاة ماگلتنه جاي احضان ودموع اشتياق

عادل :: هلا بيج الحمدلله زين انتي شلونج وانا هم مشتاقلكم بعد صارت گلت اسويها الكم مفاجأة

اجو يركضون سلام و وئام ولولو وفاطمه يحضنون بيه ويسلمون عليه وانا هم مشتاقلهم كبرانين وكل واحد صاير اشكبره

سلام :: بابا مشتاقلك اشلونك
عادل :: زين بابا انت اشلونك واشلونك بلمدرسه
سلام :: زين

أسعده :: زينيش الكسولي يدفعون بيك دفع من المدرسه يتكفون شرك

عادل :: ليش اشبي ليش ماتدرس ولك

أسعد :: هو يروح يعارك ويطالب ويجي غير ذاك اليوم طاگ المعلمه بلقلم بعينهه وفصلو من المدرسه وگوه رجعو انوب لو ما ضلينه نتوسل بلمدير

عادل :: صدگ تحجي شنو هاي ليش ولك هيجي اسوي

صادف جيتي سنة 2000 شهر 8
لليل تعبت اريد ارتاح گتلهم اريد اروح للبيت باچر اجيكم رحت ويا ريتني ما رحت ☹️

شعور الخذلان و الانڪسار ما ينوصف وللاسف الصار الي بلحاضر حاليا خلاني انسى أهواي أمور مااگدر استذكر كل التفاصيل الماضيه بس اكو اشياء تنحفر بالگلب

افلوسي الي دازهن الهم على أساس يشترون الي بيهن بيت اجيب احسن واحلى بيت بلمنطقه وهذا البيت مجرد بيت بلاسم

ساحه اشكبرها وغرفتين وصحيات اجلكم الله
هم اگول الحمدلله بس انقهرت وضجت حييل الجو يكتل من الحر شهر الثامن يعني صدگ آب اللهآب

اگلج عهود هذا البيت اشلون عايشه بي هاي الاشهر كلها

عهود :: شسوي يمعود ولا عيشة ابوك غير ماشايف الضيم الشفته غير حصره عليه كلشي لو المشاكل الما تخلص تدري چم مره انكتلت

عادل :: غير من السانج هو انتي تنحملين

عهود :: يا هو هذا الله گدرك عليي بدال ما ادگلي الله يعينج ويساعدج

عادل :: محشومه ام اسليم ورده انتي وين اكو منج

عهود :: مشتاقتلك أيامنه مره بدونك

عادل :: صدگ جذب چان خليتي عليها شكر يابه حتى انا مشتاقلكم اهواي

عهود :: طبعاً ولا عندك اشويه رومانسيه حتى كلمه حلوه ماكو شني الغربه ما غيرت بيك شي

عادل :: لا وداعتج غيرتني اهواي تعاي هسه انتي وما عليج بلباقي...........

ليلة شوق من بعد غياب وفراگ
عيب تباوعون طلعوا وسدو الباب وراكم 😁

بعد يومين من جيتي قررت اروح لبيت سجاد اشوفهم رحت لأهلي وسألت وين ساكنين وصفولي المكان ورحت على الوصف وصلت بس يا بيت ما اندل بلضبط

وصفولي الشارع دخلت بي وأشوف أمآني واكفه بلباب شافتني وانصدمت ما تعرف شنو تسوي انوب اجتلي تركض لرأس الشارع حضنتني

أمآني :: عموو هذا انت اشوكت اجيت اني ما امصدگه والله مشتاقتلك اهواي

عادل :: حبيبتي امونه اشلونج بويه حتى انا مشتاقلج كبرانه وصايره حلوه وج شني هاي الخدود جنهن تفاحه

أمآني :: عمووو ☺️☺️يله يله تعال امشي للبيت

عادل :: اگلج صدگ اشعدج واكفه بلباب

أمآني :: هيج ماكو شي بس ضوجه طلعت بلباب هسه إنا لو ما طالعه چا اشلون تندل بيتنه

عادل :: هم صدگ چا مااندليت ام السان يعني انا جاي مناك لهنا وما اوصل الكم ديله يله أمشي

أمآني :: عموو هذا بيتنه ادخل

عادل :: بسم الله الرحمن الرحيم
حميد :: عمو حبيبي هذا انت اشوكت اجيت
عادل :: هلا بحميد اشلونك ولك
ها ذكريات ما تذكريني تعاي وج انا عمج
هلا بمحمد بعد عمك كبران ولك ابو أن اشلونك بعدك ماتحجي

كفايه :: هلا بيك خويه اشلونك واشلون صحتك الحمدلله على السلامة

عادل :: هلا و مرحبا الله يسلمج بخير بشوفتكم انتم شلونكم شخباركم

كفايه :: تفضل خويه ادخل لزموك على الباب حتى ما دخلوك
ولكم وخروو خلوو يدخل

عادل :: خليهم يمعوده شني السالفه والله فرحان بشوفتهم شني سجاد ماكو

كفايه :: هسه على جيه راح للزبير اليوم ما ندري بيك جاي ومحد گال

عادل :: ياهو يگلكم وانتم بآخر الدنيا وانا هم ما منطي خبر لاحد جيتي صارت فجأة وقررت ارجع بدون تخطيط

سجاد :: السلام عليكم لك هذا منوو اشوكت اجيت محد گالنه جاي

عادل :: يابعد اخوك وگلبه تحاضنه وضلينه نبجي

كمية الحب لخوي سجاد ماتنوصف ولا اگدر اوصف شعوري اتجاهه بعد سلامي ويا گعدت اشتكيله كل الي بگلبي

عادل :: خويه صدگ جذب هاي شمره شامرهم ابوي بهذا البيت والله الصراحه اول ما دخلت انقبض گلبي گلت من الصبح اروح اعاتبه واحجي ويا على هالضيم والحر الي يذبح بس بعدين اتراجعت ما يفيد العتب المعاتب والحجي وي ابوي اصلا ضايع

سجاد :: يمعود قابل تعلمني بابوي الفلوس كلهن كلاهن عليي وانوب افلوس ايجار البيت ابطنه وماكفا كل هذا راتب ادزه مصرف لمرتي وجهالي وانا بسجن كله يصفه اله وما ينطيهم شي شتحجي وشتخلي خليني بضيمي و ساكت احسن

واذا على بيتك بيعه وچمل افلوس فوگاه واشتريلك احسن منه مادامك اجيت واحفظ عايلتك ولا أتاني شي من ابوي ولا تروح تحجي واتعب نفسك والله يسهلك ويسهلي يخوي

الله يفتحها علينه مادام ماعدنا شي غلط و موزين واحنا نسند اروحنا بروحنا لا اتاني ابوي ولا غيره لو شايف بلچذب ما سأل ولا وصلي واجالنه عبالك انا معاركه هذا كله وهو ما راضي علي

عادل :: تهون يخوي تهون ربك كريم
اگلك صدگ گالوا گله خلي يجي باچر غداهم عدنه مسوي ثواب
« لروح حامد اخوهم الشهيد»
وگال ڪلكم تنجمعون باچر عدنا

سجاد :: خير ان شاء الله اذا الله راد نجي
عادل :: يله يخوي انا اروح راح يصير علي الليل

سجاد :: بعد وكت خليك يمنا ضل عدنا وباچر اروح سوى

عادل :: لا يمعود هم ياله اروح لبيتي عشتوو

سجاد :: هههههه عشتو ليش چنك ماراضي يمعود ارضى بقسمتك والحمدلله على كل حال يمكن انت احسن من غيرك
عادل :: الحمدلله على كل حال يله خويه ارفع الزحمه

أمآني :: لا عمو ضل عدنا مو صارلك هواي ما جاي النه وما شايفينك

عادل :: ان شاء الله عموو بعد دائماً اجيكم

حميد :: يعني بعد ما اسافر وتروح
عادل :: لا حبيبي مااروح بعد
أمآني :: اي هم زين

عادل :: يله مع السلامه

ليس من العدل أن نذهب معاً في الغياب
من منا سيحرس الألم و الوجع والذكريات
لشتاء آخر ...؟
من سيبقى منا لـ رفقة الليل يوقد السراج....؟ ويحكي للورق مظلمة الحنين والشوق ؟

ثم ...

الماضي مآت والمستقبل أمامنا وقد كتب لنا
والذي رحل لا يعود أبداً
فـ يا ﷲ نسألك العوض الجميل عن تراكمات و أوجا؏ لا يعلم بها إلا أنت
وأيامآ وليالي ذهبت وحدک تعلم كيف مرت
بک يا ﷲ

١١_١٢

#بارت١١.
★ ﮼ ★ ❖═══❖◎◎❖═══❖ ★ ﮼ ★

يوسف :: صادف يوم جمعه انجمعنه كلنا عد أهلي ابوي مسوي ثواب وهم علمود جيت عادل

اگلك سجاد اريد احجي وياك بموضوع و طالبك طلب يخوي

سجاد :: گول خويه عيوني الك مو تدلل
يوسف :: خويه شغل ماكو و ماعندي افلوس وابو الإيجار يريد افلوسه بلكي ادبرلي چم فلس وهسه هم اشوف ابوي

سجاد :: ان شاء الله ادبرلك لا اضيگ بعينك الله موجود

يوسف :: رحمه الله والديك ما تقصر
اگلك انا اريد اعيف الإيجار

سجاد :: وين اتروح هم ترجع لاهلي وترجع المشاكل

يوسف :: لا گلت اجى عندك اسكن فوگ مو عدكم غرفه فارغه

سجاد :: كل الهلااا والله ماعدي مشكله اخلي كفايه اتنظفلكم الغرفه وترتبها ويا يوم تجي هلا بيك وان ما شالتك الگا؏ اشيلك اعيونه

يوسف :: الله يحفظك ويخليك عساك سالم ان شاء الله هذا الأسبوع اني يمكم

سجاد :: ان شاء الله وانا هاي اليومين اجيبلك لفلوس التريدهن

أسعد :: شكوو خوماكو شي اشبيكم مكترين وبوحدكم تحجون شنو صاير

سجاد :: ماكو شي سلامتك
گلي شني اوضاعك أنت تشتغل گاعد

أسعد :: لا والله گاعد وينه الشغل ماكو شأشتغل

أمجد :: تدري انا مستغرب ابوي اشلون ساكت عنك وانت ما تشتغل هاي معجزه الصراحه

سجاد :: والله ضحكتنا دسكت يمعود ولا تحسد الوضع

أسعد :: ادري غير ماكو شغل شسوي

أمجد :: هو انت دورت وما لگيت شو انت حاضن المخده ونايم وتريد الشغل يجيك للبيت

أسعد :: خو انت اليوم ناوي عليي
سجاد :: غير لمصلحتك يحجي دور شغل وتحرك مرتك على وشك ولاده وهم مصاريف

عادل :: اگلكم أنا عندي مشرو؏ ولو صار راح اشغل وياي أسعد و منو يريد يشتغل هم بس لا تحجون شي لابوي هسه لا يعلسني

أمجد :: اگلك عادل اسكت خويه چنك راح تنعلس من هسه ابوي اذانه يمنه والتفتوو الولد كلهم على ابوي و گامو يضحكوون

صاحب :: خير على شنو اضحكون ما اضحكوني وياكم

أمجد :: لا بويه ماكو شي بس عادل جاي بسولفلنه على الأردن وسوالفه هناك

صاحب :: وانت يا عادل صدگ ما جبت شي وياك من الأردن

عادل :: لا بويه ما جبت شي اجيت بطرگ روحي ما شفتني اول مادخلت عليكم بس مشتري غراض وملابس والعاب للجهال و وصيت جمعه يدزهن الي بيد الولد الي راح يجون للعراق ومن يجون انا اروح استلمهن منا

سجاد :: بويه هسه اهم شي جيته بسلامه وبينه هو الحمدلله بعد شنو جاب مو مهم

صاحب :: لا هيج بس اسأل
أسعد ما ادگوم اسكت هاي الهوسه مال الجهال شو الجهال بصفحه والنسوان و كهكهتهن بصفحه

أسعد :: بويه شتريد منهم هسه همه كل يوم جايين وملتمين خليهم على راحتهم

صاحب :: ولك انثبر راسي منهم ومن اصواتهم
أسعد :: صار هسه اگوم اسكتهم
صحت عليهم وسكتتهم ورحت على البنات ملتمات
أگلچن عيفن السوالف اشويه و لزمن جهالچن ترى راح ينكتلون من ابوي راح يگوم الهم

عهود :: هسه احنا كل يوم جايين ونلم سوى خلوهم اشويه ورايحين لو لأن ماعندك جاهل يلعب وياهم

أسعد :: ولج انا شكوو غير ابوي گال روحلهم وسكتهم مو راح اگوم الهم

كفايه :: صار خويه هسه راح نصيح عليهم

سجاد :: يله كفايه گومي خلي اروح هم ياله راح يصير علينه الليل

ام أمجد :: وين يمه بعد وكت خليكم
سجاد :: لا يمه هم ياله طريقنه بعيد

عهود :: يا بعد وكت انتم ابدكم اتخلصون منا ومن جهالنه

نورس :: اگلج مااسكتين لا يجونج
عهود :: يااا چا انا حاجيه چذب

ميثم :: اگول صخلون ما اسكتين واسدين حلگچ صوتج يجيب التايهه لرأس الشارع واصل

عهود :: يبووي صرتوا كلكم عليه خل اروح لبيتي احسنلي

ميثم :: والله اسوين فضل تكفينا شرج انتي و جهالج ما تنحملون

عهود :: بله اشوفك شراح تتزوج و شتخلف شيطلعون جهالك اريد اشوفهم بله

سجاد :: يله كفايه گومينه فضيها
كفايه :: ماعندي شي هذا هو منتظرتك وهذول الجهال كملتهم
سجاد :: يله مع السلامه اروح احنا
الكل رد الله وياكم محروسين

يوسف :: بمساعدة سجاد دفعت الإيجار وبعد أيام انتقلت على بيت سجاد حولت غراضي هناك عدهم المكان حلوو ومريح وابد ماقصروا ويانا بشي حتى الاكل يجهزونه ويصعدونه النه بيد علاء لو حميد واماني

مع مرور الايام حصلت شغل بسيط واروح واجي والجمع اخذ مرتي لاهلها تشوفهم مامتعوده على بعدهم ضليت تقريباً اربع اشهر عد بيت سجاد عايش وياهم

ميسون :: يوسف انا مااگدر اضل هناا وما مرتاحه اريد اروح اگعد يم أهلي
وحاجيت ابوي و گال تعالو گعدو ابيتي الي امأجره راح اشييل المأجرين وانتم گعدو بي

يوسف :: ليش اصاير مو هل گاعدين ومرتاحين هناا شو حتى الأكل يصعدونه الج فوگ چا بعد شنو تردين وما اشوفيني لا شغله نفس العالم ولا عمله عود جاي اطگطگ منا ومنا منين انطي لابوج الإيجار

ميسون :: انا مو مرتاحه هناا واريد قريبه على أهلي وبعدين اذا على الإيجار الله كريم ابين ما تلگى شغل ما ياخذ من عدنا ابوي انا احاجيي

يوسف :: ماادري والله وشگل لسجاد هسه عيب منه فوگ ما قدرنا وگعدنا ابيته وصرفه علينه حاله حال بيته اگله اريد اطلع بسهوله

ميسون :: ماادري انت دبرها من يمك انا مااريد اضل هنا
يوسف :: الله كريم اشوف اشلون ادبرها ويصير خير

أمآني :: بهاي الأيام شتا و صادف رمضان وما اعرف شنو رمضان گعدو امي وابوي يحجون وياي ويعلموني حتى اصلي واصوم والبس حجاب صرت بسن التكليف

سجاد :: بابا أمآني بعد انتي كبرتي ولازم اتلبسين حجاب

أمآني :: ليش البس حجاب يعني مايصير اضل هيج وعادي اصلي

سجاد :: لا بابا مايصير خلي اگلج شي
اذا عندج جوهره ثمينه او حاجه عزيزه عدج وين تخليها اضمينها لو تخليها بأي مكان و اصير عليها اتراب او احد يجي ياخذها

أمآني :: لا بابا اضمها واحافظ عليها ومااخلي اي احد يلعب بغراضي

سجاد :: عفيه هو هذا الي اريد اوضحه الج انتي جوهره ثمينه عندي وعند الرسول صلِّ الله عليه وآله وسلّم وصى ولهيج رب العالمين يأمر اي ابنيه حلوه وثمينه وتخاف على روحها و اهلها يخافون عليها تتحجب ومااصير عرضه للناس وانتي شعرج حلو حتى ماتشوفه الناس لازم اضمينه

والحجاب والصلاة و الصيام علينا واجب ولازم نحافظ عليهم انا اروح للسوگ واخذج وياي اشتريلج حجابات هم للمدرسه وهم للبيت وهسه تعاي اعلمج اشلون اصلين

أمآني :: علمني أبوي على الصلاة واشلون اصوم ومن اشوكت يبدي وكت الصيام لمتى ينتهي واشگد يطول عدنا وبعدها اخذني ويا للسوگ انا اشترالي حجابات

وبديت الصلاة والصيام چان وكتها برد حييل ومطر ومدرسه وضليت برى جوى المطر احبه موبيدي وهسه وبعد اول ما تمطر اروح اركض اطلع برى جوا واتنگع ياله ادخل طبعاً احصلي كم رزاله بس ما يفيد وياي 😁

اول يوم صيام الي تمرضت ارتفعت درجة الحرارة وافلاونزا قويه صارت رادوا يفطروني حتى اشرب دوا ماقبلت ولا فطرت استمريت

جانت الاجواء حلوه وعموو يوسف ومرته ويانه نگعد نسحر اذكر دبس وراشي و حليب ازيد اكلاتنا 😂

وانتهت ايام رمضان اخذنا ابوي انا وحميد يشتريلنه ملابس للعيد وبيوم العيد اخذنا كلنا ابوي لبيت جدوو صاحب لا صاحب له 😁

كلها مجمعه عمامي وعماتي وبناتهم واولادهم
بنات عمي أمجد گالن امشو ويانه انروح انعايد اقاربنه مشينه شله چبيره انا وحميد وذكريات وياي

بنات عمي أمجد نوره وازدهار وضياء
بنات عمي عمي عادل وئام ولولو وسلام
كلنا نمشي سوى عبرنا الشارع چان يجي واحد راكب بيسكل اخذ جنطتي من ايدي وشرد ركضوا ورا ضياء وسلام

كتلو الولد موتو واخذوا جنطتي منه
چان من صغري يگولون أمآني لـ ضياء و ضياء لـ أمآني وترسخ هذا الشي ابالنه

ضياء حييل حلو معاني وشخصيه و اسلوبه بلكلام عايلت عموو أمجد يحبوني واحبهم عكس عايلت عموو عادل اما عمو عادل احسه ابوي الثاني علاقتي بـ عمو عادل و أمجد و أسعد كلش قويه الحمدلله

يوسف :: أگلك سجاد انا حصلت شغل هناك ابمنطقتنه

سجاد :: اي خوش خبر هذا عسى الخير بوجهك ان شاء الله ويفتحها عليك

يوسف :: اي بس هنا بعيد علي الروحه والجيه صعبه راح اصير اليه وهم تگضي يوميتي للكراوي اريد اروح هناك انا

سجاد :: وين هناك اشتغل فتره ابين ماتدبر امورك وانوب سوي الي تريده

يوسف :: مو انا شفت بيت اهل ميسون و گالوا تعالو سكنو بي

سجاد :: هاا خير إن شاءالله هذا هو اذا انتم مقررين وكامله اموركم سويي الي يريحك يخوي

يوسف :: رحمه الله والديك خويه ماقصرت

سجاد :: لا خويه صدگ جذب غير احنا اخوان هذا واجبي تجاهكم الله يقدم البي خير النه والكم يآرب

هاا أنا أقف على أعتاب الذكريات
منها السعيده و منها الحزينه
منها ما يبڪيني و منها ما يضحڪني
يترأسها إلألم و ينتهي بها الندم

ڪفاڪي ياهموم الحياة تجرجرينا نحن الأنڪسارات والخذلان و الهدم
قلب يحن و قلب يأن قلب يشتاق و قلب يحزن
قلب يبڪي و قلب يشڪي قلب يتألم و قلب لا زال يتأمل
إلا يا دنيا الأحزان ڪفاڪي عبث
بـ قلوب انهڪها التعب و قلوب ارهقها الحزن

ڪيف تحملين في جعبتک كل القلوب و كل قلب له قصة وجع وله من المأسي مالا يعد ويحصي وله الم ڪيف تتحملين كل ذا أأنتي صخر ؟
ثم.... يقولون
دنيانا و حياتنا لا علاقة لها بأي شيء يحصل لنا و إنما الذي يحصل من صنع إيدينا و سوء أختياراتنا

طيب و ما مجرى القدر و كيف بأرادة الله وحكمته لنا ؟

قسم يقول
الزواج قسمه ونصيب
والبعض الآخر يقول أختيار
والبعض يقول القدر يجمع بين الشتين

يقولون النجاح بأجتهادك وارده منك
والقسم الآخر يقول مقدر ومكتوب و لطف من الله لك سبب في ذلك

والاخرون يقولون التوفيق بـ الحياة من عند الله

والبعض يقول لا توفيق بـ الحياة اذا لم ترضى والديك