- أدلت مصادر خاصه من مسؤولين عن بدايه تصحيح إمتحانات الشهادة السودانية من بعد عيد الأضحى المبارك، مشيره الى ان صدور النتائج قد يتم من بعد يوم ٢٠ من شهر سبتمبر القادم، واشارت الى عدم تصديق الشائعات وعدم الأخذ بأي خبر ما لم يصدر من وزارة التربية والتعليم او المسؤولين

حلول إمتحان الرياضيات الأساسية 2022

وضعي لماشفته حلول الرياضيات 😭😭

امتحان الكمياء الشهادة السودانية/2022

اعادة نشر
كتب //////
د احمد الطيب ابراهيم
استشاري جراحة الكلي والمسالك
20/1/2021
((( الطيش عند الله بعيش )))

مبرووووووك للاولادنا و بناتنا الاحرزوا نتائج خرافية هذا العام وده من حقهم علينا نفرح ليهم من قلوبنا و نهنئهم.... لانهم افذاذ و نوابغ.... الجاب فوق ال 90% والجاب فوق ال 50% انا بحييهو...
__ انا شخصيا بي كل صدق لو امتحنت الشهادة السودانية في ظروف زي دي ما بجيب خمسين في المية لو نططت....
سنة كلها إجازات وكلها كرونات و فيضانات..... ومظاهرات و عدم مواصلات وعدم كهربات و بعد كده الواحد يجيب نتيجة بدل امه تزغرد ليه يدخلوهوا في نفسيات بمقارنات وهمية .....
الجاب خمسين امه زعلانة والجاب تمانين امه برضو زعلانة عشان ما جاب تسعين او سبعة وتسعين و الجابوا اقل من خمسين ديل حكايتهم براها حكاية انا خايف يكون ودوهم غوانتانامو عديل كده ....
__ حزنت فقط للذين لم يستطيعوا الجلوس للامتحان وهم عدد كبير جدا للأسف ..
__ اخوانا الرسبوا والجابوا نتائج ما مرضية لي أسرهم و لأنفسهم داير اكلمكم عن المقولة دي (( الطيش عند الله بعيش ))... علي الرغم من أنها مقولة سودانية الا انه الدراسات اثبتت الكلام ده و الواقع بصدق الكلام ده ايضا....
__ الواقع انه الطيش دايما فرصته في حكم البلد اكبر من الأول و حظه في الثروة اكبر من الأول.... نميري كان بيجي الطيش وعمر البشير احتمال ترتيبه بعد الطيش بي نفرين تلاتة ومع ذلك حكموا السودان ( 16+30= 46 سنة )..
__ عليكم الله في من هو اغبي من ترامب في امريكا حكم اربعة سنوات ..... لما الكرونا بتحصد في الشعب الأمريكي و العلماء مجتهدين يكتشفوا لقاح قال ليهم نحقن المرضي بي كلور عشان نقضي علي المرض... ومع ذلك صوت ليه 74 مليون ناخب امريكي..... موش قلت ليكم الطيش عند الله بعيش ..
__ البلد دي مما استقلت ولي يوم بكرة ما سكنها ناس الطيش.. السلطة عند الطيش القروش والثروة عند ناس الطيش البيوت السمحة عند ناس الطيش البنت السمحة بعرسوها ناس الطيش والعضة السمحة بياكلوها ناس الطيش....موش قلت ليكم الطيش عند الله بعيش.
__ في دراسة علمية أثبتت انه 3% فقط من المتفوقين أكاديميا بنجحوا في الحياة والباقين يتبخروا في دوامة الحياة كأنهم ما عاشوا فيها و ربما يعيشون حياة مزرية وهذه الدراسة دعوة لكي نعلم أبناءنا ان يعيشوا حياتهم كل حسب مقدراته و حظه في الحياة و ان نركز علي تعليمهم كيف يكونوا مبدعين....
__ العالم بيعرف ليونيل ميسي من الأرجنتين ومحمد صلاح من مصر وما في بروفسور من الدولتين ديل العالم عرفه و احتفي بيهو كما احتفي بالاتنين ديل ....
العالم الان يحتفي بالإبداع ويدفع للمبدعين الغالي و النفيس ....
__ انتوا عارفين (استيف جوبز) صاحب شركة أبل تم رفده من كلية الهندسة في عامه الأول ومع ذلك قدم للبشرية ما لم يقدمه كل بروفسورات الهندسة في الغرب....
__ مارك ذوكربيرغ هو صاحب الفيس بوك...ولد سنة ١٩٨٤ و سنة 2002 دخل الجامعة وسنة 2003 اسس الفيس بوك و تخرج عام 2004 ... الفيس بوك تقدر ثروته الان بي مية وتسعين مليار دولار تساوي تلاتة اضعاف ديون السودان منذ الإستقلال مرة ونص يعني ولد ذي ده لو كان سوداني كان حل ديون البلد دي براهو و خلانا قبل السعودية ولبسنا عقالات بدل نندق بالعقالات.....
__ ده زمن الإبداع يا اخوانا ما زمن التخطيط للاولاد و إختيار مستقبلهم حسب تطلعات الام والاب أو حسب التحصيل الأكاديمي ... يعني المية الأوائل ما لازم يقدموا طب وهندسة.....
__ لو عندك ولد بلعب كورة كويس و مجنون رياضة ادعمو في الكورة و قول ليه الجامعة ملحوقة....
__ لو بنتك جنها مفكات و جابت 100% خليها تمشي مكانيكا..
__ لو امتحن علمي و جاب 100% خليه يختار حاجة بيهواها وممكن يكون فيها مبدع ....
__ لو عندك طالب او طالبة رسوب أو أحرز نتيجة غير مرضية دي لا تعني نهاية الكون و لا تعني انه فاشل بقدر ما تعني انك ختيتو في الطريق الغلط ويفترض تعيد توجهه حتي لو كان الطريق ده المدرسة زاتها .....
__ في المانيا من الصف السادس بيتم اختيار اربعة أو خمسة لمواصلة تعليمهم حتي دخول الجامعة والبقية بيتم توجيههم لمدارس فنية...
__ مافي زول بشتغل حلاق قبل ما يتخرج من معهد تدريب للحلاقة و هو تلاتة سنوات بعد التعليم الالزامي...
مافي طباخ وللا ترزي بشتغل مساعد طباخ شهرين وبكرة يفتح مطعم لازم يقرأ معهد فن الطبخ....
__ 53.4% هي نسبة الطلاب الراسبين في الشهادة السودانية و ديل ليس الأقل ذكاءا كما يعتقد البعض ولكنهم الأقل رغبة في التحصيل الأكاديمي و احتمال يكون بينهم من هو في نفس ذكاء اوائل الشهادة ...

شوفوا تطلعاتهم شنو وشوفوا ابداعاتهم شنو ديل يا اخوانا اهم من النجحوا و ح يدخلوا الجامعات... لانهم يملكون اهم مؤهلات الإبداع وهو الخروج من المنافسة الأكاديمية علي مقررات يتفق الجميع انها خالية من الإبداع و الفائدة....
ديل ح ياكلوا صاح وينوموا صاح ويعرسوا صاح و يلدوا صاح و ح يكونا أفضل رزقا و صحة و أكثر سعادة ...و المعترض علي كلامي ده خليه يرجع للممتحنين الشهادة السودانية قبل كم و عشرين سنة و يقارن بين كل الفئات المتفوقين والناجحين والراسبين في الامتحان من ذلك التاريخ وحتي تاريخ اليوم....

ودمتم سالمين

20/1/2021
د احمد الطيب ابراهيم استشاري جراحة الكلي والمسالك البولية

الف الف مبروووك للمتفوقين والناجحين👏🏻👏🏻👏🏻👏🏻🥳🥳🥳🥳🥳🥳🥳
اتمنى لكم مستقبل مشرق
وحظ افر للراسبين😔😔😔😔 الرسوب ماهو نهاية العالم الرسوب هو بداية جديدة لمستقبل باهر😍😍😍😍 اللي عنده الرغبة في الاستمرار فيك تعيد السنة بكل حماس ماتخلي كلام الناس يأثر فيك
ابدأ بداية جديدة وشوف ايش أخطاء العام الماضي وعدلها سوى ان كانت من المدرسة اوالمدرسين ماحبيت المعلمين اللي درسوك المادة وماكنت تفهم شي
او طريقة المذاكرة او اي ظرف كان اكيد الظروف اللي مريت فيها العام الماضي ماراح تتكرر ان شاءالله هذا العام يكون أفضل
اكيد في سبب للرسوم ونحن نشوف ايش هو ونحاول نصلح الاخطأ
والناس اللي ماعندها رغبة في الإعادة شوفو ايش اللي يناسبك وايش اللي نفسك فيه اي مجال انت تحبه ادخل فيه واكيد ح تبدع في المجال اللي انت اخترته
وبالتوفيق للجميع
مع خالص حبي واحترامي للجميع ❤️

أستاذة/آمنة أحمد 🤍🤍🤍

قريبا ..




🔰صناعة روبوت لمساعدة طلاب الشهادة السودانيه

@hhhExamsBot 🥇.

📌شيروا الإعلان دا، وكلم/ي صحبك /صحبتك قولو ليهم نحن حنبدأ 🙏🏻🩶.

السلام عليكم ورحمة الله وبركاته
شبابنا الجميلين 🔥زي م عارفين هنبدأ كورس جديد بطريقة جديدة وفريدة وهتعحبكم اكيد 🔥

📍الكورس مجاني بدون رسوم

📍للتسجيل في الكورس نرجو ارسال الاسم الثلاثي ورقم ولي الامر + تخصصكم علمي ولا ادبي على الارقام أدناه :

+249 11 761 7452
+249 99 336 6366

خلو حماسكم عالي وكونو مستعدين 🔥