☘مدح بزواج النورين ع☘

اليوم دنيانه بدت 🌷🌷 تنثر درر
والشمس طلعت تباهي بالكمر💦

اتكول يامحله الضوه💦
معطر اليوم الهوى💦
والي عطشان ارتوى💦

وازهرت ورد وشجر....💦
اليوم دنيانه بدت 🌷🌷تنثر درر


جاوبت كالت بلي💦
قابله بحيدر علي💦
هوه زوجي والولي💦

وفرح كلبي وابتشر....
اليوم دنيانه بدت 🌷🌷تنثر درر

صار عدنه اليوم عيد💦
نلبس الثوب الجديد💦
نكتب اشعار ونزيد💦

معرس وطش الخبر....
اليوم دنيانه بدت 🌷🌷تنثر درر


وبتشر فحل الفحول💦
تزوج الزهره البتول💦
خل نبارك للرسول💦

للنبي نهني بفخر....
اليوم دنيانه بدت 🌷🌷تنثر درر


صفكي منريد السكوت💦
نهلهل بعالي الصوت💦
والمعاند خل يموت💦

نفرح وطول الدهر....
اليوم دنيانه بدت 🌷🌷تنثر درر



✍️بقلم شاعرة اهل البيت عليهم الصلاة والسلام

☘️ام فراس الساعدي ☘️
غير مبري الذمه لكل من يغيير الاسم او ياخذ كلمات  القصيده وينسبها اليه

https://t.me/omFeras2

الان 🔴
اعلن مكتب سماحة السيد السيستاني دام ظله يوم السبت هو اول ايام شهر ذي الحجة 1446 هجريه يوم الاثنين هو اول ايام عيد الأضحى المبارك

☘بمناسبه زواج النورين ع☘


محلاها هل فرحه
ينسى الگلب جرحه
نبارك الزهره اليوم
بعرس الولي الجيدوم
🌺🌺🌺🌺🌺🌺🌺🌺

ضوّت شمسنه وازهرت بلديره
يامحلا  زفت  فارس   الاميره
خل اليضدنه يموت من الغيره
جلوة عرس حلوه
لارواحنه سلوه
محلاها هل فرحه
ينسى الگلب جرحه

✍☘ ام فراس الساعدي ☘
💕💕💕💕💕💕

انبارك اجينه يم علي  والينه
هوسه نسوي ونصفگ ابايدينه
الفرحه هاي جبيره والله علينه

احله عرس بالكون
شيعتنه خيحضرون
محلاها هالفرحه
ينسى الگلب جرحه

✍🏻ام سجاد الشهيد

💕💕💕💕💕💕
طشينه احلا ورود يم اعتابه
واعلگنه اشموع الفرح یم بابه
متونسه بالجلوه جميع احبابه

عشّاگه   ملهوفه
فرحانه واتطوفه
محلاهه هل فرحه
ينسى الكلب جرحه

✍️☘️ام فراس الساعدي ☘️

💕💕💕💕💕💕
التمن حواريها وأجن  حننها
من الجنان اثيابها  و زفنها
بالعنبر وريحة مسچ عطرنها

انبارك  الوالينه
ويانه   مهدينه

محلاهه هل فرحه
ينسى الگلب جرحه

✍🏻ام سجاد الشهيد

💕💕💕💕💕
💕
فرحانه املاك السمه ومبتشره
ليلة زواجك حيدره من الدره
احلا اليالي شكثر حلوه السهره

ليلة   فرح  هليله
فرحانه كلها العيله

محلاهه هل فرحه
ينسى الكلب جرحه

✍️☘️ام فراس الساعدي ☘️
💕💕💕💕💕
💕
١/ ذو الحجه/١٤٤٥

تمت باقلام شاعرات اهل البيت عليهم السلام
✍️☘️ام فراس الساعدي ☘️
✍️ام سجاد الشهيد
غير مبري الذمه لكل من يغيير الاسماء او ياخذ كلمات القصيده وينسبها اليه

https://t.me/omFeras2

قناة الشاعره المبدعه ام محمد الحسناوي 👆👆👆

☘قصيده للامام الباقر ع☘

ابو جعفر كضه مسموم
وين اهله يحظرونه...
🏴🏴🏴🏴🏴

امام الخامس المعصوم
من الدين الركن مهدوم
يحظرونه كظه مظلوم
واحبابه يشيعونه....
🏴🏴🏴🏴🏴

امام وشايعه علومه
بالسم كظه من يومه
اليبجي لحد يلومه
فدوه ارواحنه دونه....
🏴🏴🏴🏴🏴

هذا البقر علم الدين
جدة سيد الكونين
لمن شاف يوم حسين
يبجي ودر عيونه....
🏴🏴🏴🏴🏴

مابطل دموع العين
دم يصب على الخدين
مفسر كل علوم الدين
وابو الصادق يسمونه....
🏴🏴🏴🏴🏴

احضروا مجلسه ياناس
هذا العلمه ماينقاس
امام ويبقى رفعة راس
انس وجن يعرفونه....
🏴🏴🏴🏴🏴

هوسه:-
وني وهوسيله// الباقر يسوه الهوسه



✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه

https://t.me/omFeras2

فزاعيه للامام الباقر عليه السلام

ـــــــــــــــــــــــــــــــــــــــــــــــــــ


شايل ظنوة السجاد
والصادق تصب عينه

••┄┅══✼°••°✼══┅┄••

شايل ظنوته المهضوم
شچم غصه جرع لليوم
وحيل ابنه عليه مهدوم
شافاه يجهر ونينه

✍️ام حسين المحمداويه

••┄┅══✼°••°✼══┅┄••

مغبره اليوم دنيانه
منه  الديره خلوانه
عليه العين عميانه
اليوم اهله امشيعينه

✍☘ام فراس الساعدي ☘

••┄┅══✼°••°✼══┅┄••

ابنه بحزن تجاله
ودمع العين هماله
يون متغيره احواله
لمصابه بواجينه

✍ #عـلــویــه_ام_فــاضل

••┄┅══✼°••°✼══┅┄••

گلبه من الصغر  ملهوف
وماكفّه حزن الطفوف
وعمته بالحبل ويشوف

مهضومه الحنينه

✍ام اسعد الشمري

••┄┅══✼°••°✼══┅┄••

حزنانه المدينه اليوم
عالشال ومشه مسموم
گلب عوده عليه مهظوم
بحرگه خلص اسنينه

ب✍الحاجه ام احمد الحچامي

••┄┅══✼°••°✼══┅┄••

وسفه راعي الهيابه
راح ويتم احبابه
حزنانه على غيابه
كل اهله ومحبينه

✍️الخادمه ام زيد الشمري

••┄┅══✼°••°✼══┅┄••

الكل تلطم على الباقر
تنادي والقلب حاير
يومك كربله صاير
ونون عليك يلعينه

✍️الخادمه ام زهراء

••┄┅══✼°••°✼══┅┄••

تمت باقلام خادمات صاحب الزمان (عجل الله فرجه)
#_منتدى_القلم_الفاطمي

https://t.me/omFeras2

☘لاستشهاد الامام الباقر ع☘

ياباقر اعلوم النبي
سولفها قصتك عالعبي
اشسون شخلت اثر
ياوضع اكثر، شِطر
كلبك الملچوم/٢
ــــــــــــــــــــــــــــــــــ
بويه يلمسموم كلبك  جاي احس بلي تحس
كطعت مني دليلي  ولامس العله لمس
طف مواجع بيك باني خلص بروحك همس
حرگ خيمه وسلب طفله والسبي  عصمة درس
عصمه وضهدها الاجنبي
سولفها قصتك عالعبي

چم ضلع شفت انكسر
اشسون شخلن اثر
كلبك الملچوم/٢

ام حسين المحمداويه
ــــــــــــــــــــــــــــــــــــــــــــ
يگله قصة وبالمآسي من الطفولة للمـــات
موقف امي فوگ هزله وتحتضني النايبات
احتارت ابلم العبـاية والنياگ امــــهرولات
وانه تلزمني بديهه خاف اطيحن بالفلات
هاي جزء امن السبي
سولفها قصتك عالعبي

موقف لآخر عمـــــر
اشسون شخلن اثر
گلبك الملچوم
✍🏻  وعد الڪفيل
ـــــــــــــــــــــــــــــــــــــــ
يبني شفت انه المصايب خيم محروكه وعبي
شفت جدي نحره دامي وشفت عمتي تنسبي
والحرم راحن سبايا وبالضعن يحدي اجنبي
اصعب موقف الي شفته بالسبي موقف أبي
عبدالله سهمه مختبي
سولفها قصتك عالعبي

گلبي متحمل قهر
شسون شخلن اثر

ب✍الحاجه ام احمد الحچامي
ــــــــــــــــــــــــــــــــــــــــ
ادري ماذيتك مصايب قصه مامنها هروب
ولّي  يسمع  هلقضيه  حتما  گليبه  يذوب
ماتنام اعيونه تسهر روحه دوم تظل تلوب
يمكن بعينك شفت طيف السبي بذيج الدروب
واليحدي بيهن ناصبي
سولفها قصتك عالعبي

لوعات دنيانهن غدر
اشسون شخلن اثر
كلبك الملچوم/٢

✍☘ام فراس الساعدي ☘
ـــــــــــــــــــــــــــــــــــــــــــــــــــ
شفت لوعات  ونوايب ندّت اعليها الجروح
طاحت  خيمنه علينه ودخنت روس الصروح
شوفت اطفال اتراكض تبجي محتركه  تروح
تصرخ ارقيه من اذنها علركبه الدم سروح
عيني اعله ابوي الترتبي
سولفها قصتك عالعبي

ياوضع  منه امر
شسون شخلن اثر

ام سجاد الشهيد
ـــــــــــــــــــــــــــــــــــــــ
ظلت اللوعات بيه من شفت منظر ذبيح
من الكفه عيني تشوفه يرفس ابرجله ويصيح
انكان ذبحي الدين يكمل ربي اهنه واستريح
وعمتي تركض ساعه تعثر ساعه عالجمره تطيح
حيل ورگد يحبي حبي
سولفها قصتك عالعبي

يبني سطرني سطر
اشسون اشخلن اثر
✍ام اسعد الشمري


تمت باقلام خادمات صاحب الزمان "ع"

#_منتدى_القلم_الفاطمي
https://t.me/omFeras2
‌https://t.me/alkalm313

☘قصيده للامام الباقر ع☘

نعي مجرد//

مظلوم يا خامس العتره
الله  يعينه  شكبر  صبره
ظلت بالگلب تسعر الجمره

🏴🏴🏴🏴🏴
حيرهم  بدينه وعلومه
بتسبيحته وحتى بصومه
يذكر مصاب حسين دومه

🏴🏴🏴🏴🏴

غدروه غدر ذوله الملاعين
مسموم ظل  يجهر  بلونين
مصابك كلف  عاميهه العين
🏴🏴🏴🏴🏴

يمفسر الايه مصلي الليل
منلسم بعد مابيه كل حيل
المن عفت ذوله المداليل

🏴🏴🏴🏴🏴

المنبر فرغ والمسجد ينوح
وابنك يگلك  بويه  لتروح
وشيعتك تبچي بدمع مسفوح

🏴🏴🏴🏴🏴

الباقر  گظه  وايس  طبيبه
راح  الولي  ومنين  اجيبه
واذكر  احجاياته   وطيبه

🏴🏴🏴🏴🏴

✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه
https://t.me/omFeras2

☘لاستشهاد الامام الباقر ع☘


وزن السريع //
مستفعلن مستفعلن فعلن

نعازي الرسول وكلنه نادينه
للباقر  المظلوم  ونينه

🏴🏴🏴🏴🏴

شدوا حرابه العده يردونه
تحزموا عل مولى يغدرونه
نصبوا مكيده اعليه يسمونه
بسرج الفرس سمّه  امخلينه...

🏴🏴🏴🏴🏴

جابو السم ودهنوا بسرجه
علفرس يصعد ما اله منجه
لمن تدوهن صارت الضجه
طاح وتلولح  محد يعينه...

🏴🏴🏴🏴🏴

من كثر سمه ترادت احواله
بعينه  يدير  ايودع  عياله
والحضر  يمه  الف  هنياله
واصحابه تتباچه ومجبلينه...

🏴🏴🏴🏴🏴

وصّه اوليده اليله  بوصيه
ماتم  ينصبوله  او  تعزيه
مدة  بعشر   تيام   ليليه
والشيعه تلطم گام تنعيله...

🏴🏴🏴🏴🏴

اوليده جعفر ياعظم  صبره
منكسر گلبه الكسر شیجبره
مسموم رايح خامس العتره
ياخذ بثاره الحجه مهدينه...

🏴🏴🏴🏴🏴
٤/ذو الحجه/١٤٤٤
بقلم شاعرة اهل البيت عليهم السلام 
✍☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
https://t.me/omFeras2

☘قصيده للامام الباقر ع☘

فزاعي//

للباقر عزانه اليوم
          وين الي تگابلنه


راح  اليعدل  الميله
مترادي انبهض حيله
تبجي اعليه مداليله
گضى بلسم رحل  عنه....
وين الي تگابلنه

       ✍☘ام فراس الساعدي ☘
🏴🏴🏴🏴🏴

تبچي ادموع سچابه
لاهله وكلهم احبابه
تدك واتنوح لمصابه

والينه شفيع النه...

✍️☘️ام فراس الساعدي ☘️
🏴🏴🏴🏴🏴

ياويلي على المسموم
مايكدر امامي يگوم
عدلن لطمت المظلوم

دمع العين هلّنه....

✍️خادمة زينب ع ام محمد الحسناوي
🏴🏴🏴🏴🏴

خلنه الطم راضات
عالباقر ندك هامات
هذا اليعدل الميلات

بهذا اليوم اطلبنه....

✍️خادمة زينب ع ام محمد الحسناوي

🏴🏴🏴🏴🏴

يا وسفه يغدرونه
و بالغربه  يسمونه
وين اهله يشيعونه

محد يسمع الونّه..

✍🏻ام سجاد الشهيد

🏴🏴🏴🏴🏴

محرابه طفه انواره
ظلمه  ضلت دياره
ويلي انگطعت اخباره

اولاده گطعو الظنّه

✍🏻ام سجاد الشهيد

ــــــــــــــــــــــــــــــــــــــ

تمت باقلام خادمات الحسين ع
غير مبري الذمه لكل من يغيير الاسماء او ياخذ كلمات القصيده وينسبها اليه
https://t.me/omFeras2

خادمة البتول:
☘قصيده للامام الباقر ع☘

على الباقر ننوح ونون هليله
مسموم ويلوج مكدره العيله

الف وسفه   عليه   الباقر    علومه
روحي عليه ايمامي اليوم مهضومه
مكه   والمدينه  اصبحت  مهمومه
ضل يلوب محد اجا يتجيله....
على الباقر ننوح ونون هليله
🏴🏴🏴🏴🏴

عند الباقر لكل سائل جوابه
مسدوده المدارس تنعى طلابه
خالي اليوم صبح منه محرابه
عمت عيني بجت اعليه مداليله....
على الباقر ننوح ونون هليله
🏴🏴🏴🏴🏴

كظه مسموم زركه صارت شفافه
والملعون سمه اووحده عافه
يلوج ومنبهض فرحان من شافه
ظل مطروح ويلي ومحد يشيله....
على الباقر ننوح ونون هليله
🏴🏴🏴🏴🏴

اويلي شلون من شالوها الجنازه
اوليده يصيح ابوي انه اله بعازه
والدنه وعزيز شلون يتجازه
مايكدر يكوم وراح كل حيله....
على الباقر ننوح ونون هليله
🏴🏴🏴🏴🏴

هذا ايمامكم ياشيعه احضروله
بكل عام وسنه ماتم تسووله
بكل فرض وصلاة الفاتحه اقروله
عليه واجب نصب الدمع ونسيله....
على الباقر ننوح ونون هليله
🏴🏴🏴🏴🏴

✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
https://t.me/omFeras2

☘ لاستشهاد الامام الباقر ع☘


الوزن نصاري


تعنيت لگبر باقر العـــــــــــتره
وين انصب عزه وليدي واحضره

....................................

وين انصب عزاه وگبره مهدوم
ويا هدم  الگبر  زيدلي الهموم
اشم  تراب گبره وضلعي مالوم
ما تطفه بدليلي لجله جمره....

✍🏻نبضي حسين
🏴🏴🏴🏴🏴🏴🏴

تعنيت البقيع بنار  گلبي
لبني الباقر وكثرت  نحبي
على ضيم الزمن وجهت عتبي.
لضيع مني البدور المزهره....

✍ام فاطمه الزهراء
🏴🏴🏴🏴🏴🏴🏴

خامس عترتي ذوّب الدلال
سموه النواصب گوم الارذال
ظل يجري الدمع من عيني همال
دمعتي ساچبه مكسره العبره....

✍️☘️ام فراس الساعدي ☘️
🏴🏴🏴🏴🏴🏴🏴

ابجي على الولد دلالي مفطور
وانوحن على امصابه وسط الگبور
شايل عمت عيني العمد والسور
واون ونه شجيه على گبره....

ام ✍مرتضى الخزرجي
🏴🏴🏴🏴🏴🏴🏴

عل الگبره انهدم ما نمت ليلي
وانه بگبري يمه خلص حيلي
وين الفاگده مثلي تجيلي
يافگد الولد شيجبره كسره....

✍️ ام مهدي الفرطوسيه
🏴🏴🏴🏴🏴🏴🏴

اونن دوم مايفتر ونيني
لمصاب الولد  ماغفت عيني
مسموم وكثر لجله  حنيني
ومن طف كربله ياعجب صبره....

✍ام جعفر  الايرواني
🏴🏴🏴🏴🏴🏴🏴

من طف كربلايه وعظم المصاب
بقه بقلب ابو جعفر جمر لهاب
شاف السبط عاري فوق التراب
وتطفي بالخيم زينب الحوره....

📚🖌️ام زهراء
🏴🏴🏴🏴🏴🏴🏴


https://t.me/omFeras2
https://t.me/alkfoofalskea

☘لاستشهاد الامام الباقر ع☘

موشح مقصور
فاعلاتن فاعلاتن فاعلات

كاتب الباقر طلب گبل الممات
خلي ينعوني  النساء النادبات


وصه الصادق على مر الزمان
يجمع  الاموال  ويقدم   بيان
شيعتي تحيي المجالس كل مكان

يذكروني شيعتي طول الحياة....
كاتب الباقر طلب گبل الممات
خلي ينعوني  النساء النادبات
🏴🏴🏴🏴🏴

گال عشر سنين سوولي عزاء
يلطمون بماتمي صبح ومساء
كلها حزنانه الرسل والانبياء

كل شهر ذوالحجه عيدو النايبات....

كاتب الباقر طلب گبل الممات

✍☘ام فراس الساعدي ☘
🏴🏴🏴🏴🏴

شيعتي وبكل عزه ذكروني
علمنابر العنوا
السموني
ادري بيكم ماتخيبو اضنوني  

  خدّام اسجلكم وكل الخادمات….

كاتب الباقر طلب كبل الممات...

✍️خادمة زينب ع ام محمد الحسناوي
🏴🏴🏴🏴🏴

اذكروا هذا الخبر يا اهل الكلام
كولوا مات واسف مسموم  الإمام
انصروا هلدين  وامحوه الضلام

شرط حبنه عالخلك مثل الصلاة....

✍️خادمة الموعود الغزي
🏴🏴🏴🏴🏴

انا باب العلم باب المرحمه
خلي طلابي علي تبجي دمه
هناك بلمحشر تجيهم فاطمه

وتشفع الكلمن اجا من الحاضرات....

كاتب الباقر طلب قبل الممات

✍️خادمة زينب ع ام محمد الحسناوي
🏴🏴🏴🏴🏴

عن لسان النبي وصى بالوداع
كل اصول الدين يحذر  هلضياع
حاربو اهل الكفر  كلهم  ضباع

يرتل  القران يقره العاديات....

كاتب الباقر طلب قبل الممات

✍🏻ام سجاد الشهيد
🏴🏴🏴🏴🏴

تمت باقلام شاعرات اهل البيت عليهم السلام
غير مبري الذمه لكل من يغيير الاسماء او ياخذ كلمات القصيده وينسبها اليه

https://t.me/omFeras2

☘قصيده،، الحج الى كربلاء☘
--------؛؛-----؛؛؛------؛؛؛-----

غير مساره حسين للغاضريه
والكربله ماشين لأرض المنيه

كمل حجيجه والنبل
عالخيم يطوف
عالخيم يطوف
،،،،،،،،،،،،، ،،،،،،،، ،،،،،،،،،،

كبر ابو اليمه الولي ولبو صفوته
كل الهواشم هالأجت وياه اخوته
والضعن سار الكربله من سمع صوته

التمو انصاره ابفخر سواهم صفوف...
كمل حجيجه والنبل
عالخيم يطوف
عالخيم يطوف

✍🏻ام سجاد الشهيد
ـــــــــــــــــــــــــــــــــــــــــــــــــــــــــــــــ

التمو جمعهم وهتفو ياراعي الزود
لابد نطبها كربله من الله موعود
ومن يوصل الصوب الخيم من يعبر حدود

من يكدر وهاي الزلم لتخوف الخوف...
كمل حجيجه والنبل
عالخيم يطوف
عالخيم يطوف

ام حسين المحمداويه
ـــــــــــــــــــــــــــــــــــــــــــــــــ
ـــــــــ
ساروا بني هاشم سوه چنهم عراضه
والكفل واگف بالوسط یحكم فراضه
يتجاهل افعال العده منه يتغاضه

شما كثرت الخيل وزلم متهمه السيوف...
كمل حجيجه والنبل
عالخيم يطوف
عالخيم يطوف

✍️☘️ام فراس الساعدي ☘️

ـــــــــــــــــــــــــــــــــــــــــــــــــــــــــــــــ

اتعنوا لاراضي كربله وبيديهم اعلام
ورايه الحق امعلكه النصرة الاسلام
لبيك تهتف سيدي متحزمه الازلام

اصفوف مرصوصه وكفوا بأرض لطفوف...
كمل حجيجه والنبل
عالخيم يطوف
عالخيم يطوف

ام ✍مرتضى الخزرجي
ـــــــــــــــــــــــــــــــــــــــــــــــــــــــــــــــ

ماهمهم الموت التعنوله بكرامه
يدرون من راحوا سوه اهل الشهامه
كلمن تعنه لكربله بايده حسامه

وزينب على اخوتها تون بگلب ملهوف ...
كمل حجيجه والنبل
عالخيم يطوف
عالخيم يطوف

✍ام جعفر الايرواني

ـــــــــــــــــــــــــــــــــــــــــــــــــــــــــــــــ

يلبي ويسعه ويه اخوته يا شبل عدنان
بذبح الاضاحي الروح منه يضحي قربان
والسعي بيديه الطفل عبدالله عطشان

وزمزم تفجر بالنحر والماي مجتوف ...
كمل حجيجه والنبل
عالخيم يطوف
عالخيم يطوف

✍🏻نبضي حسين
ـــــــــــــــــــــــــــــــــــــــــــــــــــــــــــــــ

تمت باقلام شاعرات رابطة الجفوف السخيه
احنه غير حسين ماعدنه وسيله
https://t.me/omFeras2

https://t.me/alkfoofalskea

سؤال/ لماذا عيد الغدير هو عيد
الله الأكبر وليس عيد الفطر ولا الأضحى ؟؟

جواب / دعونا نرى العيد متى يسمى عيدًا ،فعيدُ الفطر بعد إتمام نعمة الصيام والصيام جزءٌ من الدِّين وليس الدِّين كله ،

وعيد الأضحى بعد إتمام نعمة الحج والحج جزءٌ من الدين وليس كل الدين ،ولكن في الغدير نزلت الآية الكريمة 👇👇

" اليَوْمَ أكْمَلْتُ لَكُمْ دِينَكُمْ وَ أَتْمَمْتُ عَلَيْكُمْ نِعْمَتِي وَ رَضِيْتُ لَكُمُ الإسْلَامَ دِيناً "

فلقد كَمُل الدين بعيد الغدير
و مِن هُنا هو العيد الأكبر .

وسُمّي عيد الله الأكبر لأنّ كلّ الأعياد يحتفل بها المنافق والمسلم إلّا عيد الغدير ، فلا يحتفل به إلّا المؤمن تأكيداً
لقول رسول الله(صلّى الله عليه وآله): (لا يُحبّك يا عليّ إلّا مؤمن ولا يبغضك إلّا منافق) .

الا من كنت مولاه فهذا
#عـــلــــي_مـــولاه

جدد بيعتك لأمير المؤمنين
#عيد_الغدير
#بايعتك_ياعلي✋

يوم الغدير في الثامن عشر من ذي الحجة من أشهر الأيام في حياة رسول الإسلام (ص) ولقد وثّقته كل الكتب التاريخية على اختلاف مذاهبها وذكرت العديد من تفاصيل هذا اليوم العظيم.. فما هي قصته؟.!

جبرائيل يبلّغ الرسول (ص) :
لما انصرف رسول الله (صلى الله عليه وآله) من حجة الوداع والمسلمون معه وهم على بعض الروايات زهاء مائتي ألف نسمة، سار (صلى الله عليه وآله) نحو المدينة، حتى إذا كان اليوم الثامن عشر من ذي الحجة وصل ـ رسول الله (صلى الله عليه وآله) ومن معه من المسلمون ـ إلى غدير خم من الجحفة التي تتشعّب فيها طرق المدنيين عن غيرهم، ولم يكن هذا المكان بموضع إذ ذاك يصلح للنزول، لعدم وجود الماء فيه والمرعى، فنزل عليه الأمين جبرئيل (عليه السلام) عن الله بقوله تعالى: ((يا أَيُّهَا الرَّسُولُ بَلِّغْ ما أُنْزِلَ إِلَيْكَ مِنْ رَبِّكَ وَإِنْ لَمْ تَفْعَلْ فَما بَلَّغْتَ رِسالَتَهُ وَاللهُ يَعْصِمُكَ مِنَ النَّاسِ))[2].
وكان نزوله هذا بهذا الشأن هو للمرة الثالثة، فقد نزل (عليه السلام) عليه (صلى الله عليه وآله) قبلها مرّتين ـ وذلك للتأكيد ـ: مرة عند وقوفه بالموقف، وأخرى عند كونه في مسجد الخيف، وفي كل منهما يأمره بأن يستخلف عليّ بن أبي طالب (عليه السلام)، وأن يسلّم إليه ما عنده من العلم وميراث علوم الأنبياء (عليهم السلام) وجميع ما لديه من آياتهم، وأن يقيمه علماً للناس، ويبلّغهم ما نزل فيه من الولاية، وفرض الطاعة على كل أحد، ويأخذ منهم البيعة له على ذلك، والسلام عليه بإمرة المؤمنين، ورسول الله (صلى الله عليه وآله) يسأل جبرئيل أن يأتيه من الله تعالى بالعصمة، وفي هذه المرة نزل عليه بهذه الآية الكريمة التي فيها: ((وَاللهُ يَعْصِمُكَ مِنَ النَّاسِ)).
الرسول يقوم بالمهمة :
فأمر رسول الله (صلى الله عليه وآله) بالتوقّف عن المسير وأن يردّ من تقدّم من القوم ويحبس من تأخّر منهم في ذلك المكان، فنزل (صلى الله عليه وآله) ونزل المسلمون حوله، وكان يوماً قايظاً شديد الحرّ، فأمر بدوحات هناك فقمّ ما تحتها وأمر بجمع الرحال فيه، ووضع بعضها فوق بعض.
ثم أمر (صلى الله عليه وآله) مناديه فنادى في الناس: الصلاة جامعة، فاجتمعوا إليه وإن الرجل منهم ليضع بعض ردائه على رأسه وبعضه تحت قدميه من شدّة الحرّ، فلما اجتمعوا صعد (صلى الله عليه وآله) على تلك الرحال حتى صار في ذروتها، ودعا علياً (عليه السلام) فرقى معه حتى قام عن يمينه ثم خطب (صلى الله عليه وآله) الناس خطبة بليغة لم يسمع الناس بمثلها فحمد الله وأثنى عليه، ووعظ فأبلغ الموعظة، ونعى إلى الاُمّة نفسه، وأشار إلى أمر الإستخلاف فنصب علياً (عليه السلام) بأمر من الله تعالى خليفة عليهم بعده (صلى الله عليه وآله)، ومما قال (صلى الله عليه وآله) فيها ما يلي:
«معاشر الناس، ان الله أوحى إليّ يقول: ((يا أَيُّهَا الرَّسُولُ بَلِّغْ ما أُنْزِلَ إِلَيْكَ مِنْ رَبِّكَ وَإِنْ لَمْ تَفْعَلْ فَما بَلَّغْتَ رِسالَتَهُ وَاللهُ يَعْصِمُكَ مِنَ النَّاسِ))[3]. وأنا مبيّن لكم سبب نزول هذه الآية: إنّ جبرئيل هبط عليّ مراراً ثلاثاً يأمرني عن ربّي جلّ جلاله أن أقوم في هذا المشهد، فاُعلم كل أبيض وأسود، أنّ علي بن أبي طالب أخي ووصيّي وخليفتي على اُمّتي، والإمام من بعدي، وقد ضمن لي تبارك وتعالى العصمة من الناس وهو الله الكافي الكريم.
فاعلموا معاشر الناس، أن الله قد نصبه لكم ولياً وإماماً مفترضاً طاعته على المهاجرين والأنصار، وعلى التابعين لهم بإحسان، وعلى البادي والحاضر وعلى الأعجمي والعربي، والحر والمملوك، وعلى كل موحّد. معاشر الناس، إنه آخر مقام أقومه في هذا المشهد، فاسمعوا وأطيعوا، وانقادوا لأمر ربّكم، فإنّ الله هو مولاكم وإلهكم، ثم من بعده رسوله محمّد وليّكم القائم المخاطب لكم، ثم من بعدي علي وليّكم وإمامكم بأمر ربّكم، ثم الإمامة في ذرّيتي من ولده إلى يوم تلقون الله ورسوله، لا حلال إلاّ ما أحلّه الله، ولا حرام إلاّ ما حرّمه الله، عرّفني الله الحلال والحرام وأنا أفضيت لما علّمني ربّي من

كتابه وحلاله وحرامه إليه ـ إلى أمير المؤمنين علي بن أبي طالب (عليه السلام) ـ.
وظل رسول الله يقول معاشر الناس، حتى وصل إلى قوله :
معاشر الناس، فما تقولون؟ قولوا الّذي قلت، وسلّموا على عليٍّ بإمرة المؤمنين، وقولوا: سمعنا وأطعنا، وقولوا: الحمد لله الّذي هدانا لهذا وما كنّا لنهتدي لولا أن هدانا الله .. معاشر الناس، إنّ فضائل عليّ عند الله عزّوجل الذي قد أنزلها في القرآن أكثر من أن اُحصيها في مكان واحد، فمن أنبأكم بها فصدِّقوه.
معاشر الناس، من يطع الله ورسوله وعلياً أمير المؤمنين والأئمّة من ولده فقد فاز فوزاً عظيماً».
فناداه القوم: سمعنا وأطعنا أمر الله وأمر رسوله بقلوبنا وألسنتنا وأيدينا.
ثم إنّ رسول الله (صلى الله عليه وآله) نادى بأعلى صوته ويده في يد علي (عليه السلام) وقال: «يا أيّها الناس، ألست أولى بكم من أنفسكم؟ ».
قالوا بأجمعهم: بلى يا رسول الله.
فرفع رسول الله (صلى الله عليه وآله) بضبع علي (عليه السلام) حتى رأى الناس بياض ابطيهما، وقال على النسق من غير فصل: «فمن كنت مولاه فهذا عليّ مولاه، اللهمّ والِ من والاه، وعادِ من عاداه، وانصر من نصره، واخذل من خذله، والعن من خالفه، وأدر الحقّ معه حيثما دار، ألا فليبلّغ ذلك منكم الشاهد الغائب، والوالد الولد».
الصحابة يبايعون عليّاً (عليه السلام) :
ثم نزل رسول الله (صلى الله عليه وآله) وكان وقت الظهيرة فصلّى ركعتين ثمّ زالت الشمس، فأذّن مؤذّنه لصلاة الظهر، فلما صلّى بهم جلس في خيمته وأمر عليّاً (عليه السلام) أن يجلس في خيمة له بازائه، ثم أمر (صلى الله عليه وآله) المسلمين أن يدخلوا عليه فوجاً فوجاً فيهنّؤوه (عليه السلام) بالولاية، ويسلّموا عليه بإمرة المؤمنين، ويبايعوه على ذلك.
ففعل الناس ذلك كلّهم يقولون له: بخّ بخّ لك يابن أبي طالب أصبحت مولاي ومولى كلّ مؤمن ومؤمنة[6]. ثم أمر رسول الله (صلى الله عليه وآله) أزواجه وسائر نساء المؤمنين معه أن يدخلن على علي (عليه السلام) ويسلّمن عليه بإمرة المؤمنين، ويبايعنه على ذلك، ففعلن وسلّمن عليه (عليه السلام) وبايعنه بإدخال أيديهنّ في طشت فيه ماء كان قد أدخل علي (عليه السلام) يده فيه قبل ذلك.
القرآن يبارك خلافة علي (عليه السلام) :
وعن ابن عباس، وحذيفة، وأبي ذر وغيرهم، انهم قالوا: والله ما برحنا من مكاننا ذلك حتى نزل جبرئيل بهذه الآية عن الله تعالى: ((الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلامَ دِيناً))[7].
فقال رسول الله (صلى الله عليه وآله): الله أكبر على إكمال الدين، وإتمام النعمة، ورضا الربّ سبحانه وتعالى برسالتي إليكم، والولاية لعليّ بن أبي طالب بعدي.
يوم الغدير شعرا :
كان شاعر الرسول (ص) حسّان بن ثابت موجودا فقال: يا رسول الله أتأذن لي أن أقول في هذا المقام ما يرضاه الله؟
فقال له (صلى الله عليه وآله): قل يا حسّان على اسم الله.
فوقف على نشز من الأرض وتطاول الناس لسماع كلامه، فأنشأ يقول:
الغدير برواية الشعر :
يناديهم يوم الغدير نبيّهم***بخمّ واسمع بالرسول منادياً
فقال: فمن مولاكمُ ونبّيكم؟ *فقالوا ولم يبدوا هناك التعاميا
إلهك مولانا وأنت نبيّنا*ولم تلق منّا في الولاية عاصيا
فقال له: قم يا علي فإنّني***رضيتك من بعدي إماماً وهادياً
فمن كنتُ مولاه فهذا وليّه***فكونوا له أتباع صدق موالياً
هناك دعا اللهمّ وال وليّه***وكن للذي عادى علياً معاديا
فقال له رسول الله (صلى الله عليه وآله): لا تزال يا حسّان مؤيّداً بروح القدس ما نصرتنا بلسانك[8]. ثم قام من بعده جماعة من الشعراء وألقوا على مسامع القوم أبياتاً في مدح علي (عليه السلام) وتبجيل هذه المناسبة العظيمة كقيس بن سعد بن عبادة الخزرجي وغيره.

منقول من النت👆👆