ديروا بالكم يا شباب، كل المواقع اللي تشوفون بيها أفلام مثل EG Best وغيرها مليانة بمالوير اسمه Luma Stealer، هالبرنامج يسحب كل الباسووردات اللي بجهازك إذا شغلته.

من تدخل للموقع، يطلعلك إعلان ويقولك لازم تضغط Win و R وتحط كود معين حتى يتأكدون إنك مو روبوت. بالحقيقة، إنت هيچ قاعد تنفذ كود Powershell بجهازك، وهو يحمل المالوير عليه.

هالشي مو مقصود من أصحاب الموقع، هما متعاقدين ويه معلنين، والمعلنين متعاقدين ويه زبائن. اللي صار إن الهاكر دخل كزبون وحط الإعلان مالته، وأصحاب الموقع ما تأكدوا من المحتوى، فحطوه على EG Best.

هذا يسموه malvertising، ويصير حتى بالإعلانات على فيسبوك وجوجل سيرش للأسف.

الحل؟ نزل إضافة متصفح تمنع الإعلانات مثل Adguard، وبيها anti-malicious URL همين. ودير بالك، لأن الهاكر كل فترة يرجع يشفر المالوير ماله بشكل مختلف ويرفعه من جديد، فما راح تگدر تشوفه بالكثير من برامج الأنتي فايروس.
https://t.me/ogluF