" أني عندي رهاب إجتماعي "
سمعتها هلبا صح❗️
هل الرهاب الإجتماعي ترند إنتشر بين الناس أو في سبب أعمق خلانا نخافوا نتواصلوا مع غيرنا ❓️
- الموضوع الثاني : الرهاب الإجتماعي 👥️️
خلينا نكونوا واقعيين هوا مش إنك بس تتحشم تتكلم قدام الناس، كلنا نعرفوا أن هوا خوف و إضطراب نفسي حقيقي ومعترف بيه في الطب .
باهي علاش انتشر توا ❓️
الموضوع ليه علاقة بعالمنا ل عايشين، تعودنا نتكلموا من خلف الشاشات، نكتبوا ونمسحوا ونعدلوا ونفكروا قبل م نردوا ، فجأة لما تجي محادثة واقعية نتوتروا؛ لأن ببساطة معش تعودنا ع التواصل المباشر .
وفي سبب ثاني مهم، احني عايشين في زمن المقارنة !
كل يوم نشوفوا حياة مثالية ع السوشيال ميديا، ناس ناجحة، كلامها مرتب، تضحك بعفوية ..
وهني تخاف تطلع عيوبك ويحكموا عليك، ف تختار السكوت أسهل .
بس المشكلة مش هني، المشكلة أن كلمة الرهاب الإجتماعي تحولت ل ترند، نعلقوا عليها ف اي موقف .
ليش مسألتش؟ عندي رهاب .
ليش ممشيتش؟ عندي رهاب .
بدل استعمال الكلمات الصح للموقف زي خايف، نتحشم، وما إلى ذلك ..
ف لازم نتعلموا نختاروا الكلمة الصح ل توصفك فعلاً مش بس تقول أي شي بس لأن " شائع وترند " 🙌 .
سمعتها هلبا صح❗️
هل الرهاب الإجتماعي ترند إنتشر بين الناس أو في سبب أعمق خلانا نخافوا نتواصلوا مع غيرنا ❓️
- الموضوع الثاني : الرهاب الإجتماعي 👥️️
خلينا نكونوا واقعيين هوا مش إنك بس تتحشم تتكلم قدام الناس، كلنا نعرفوا أن هوا خوف و إضطراب نفسي حقيقي ومعترف بيه في الطب .
باهي علاش انتشر توا ❓️
الموضوع ليه علاقة بعالمنا ل عايشين، تعودنا نتكلموا من خلف الشاشات، نكتبوا ونمسحوا ونعدلوا ونفكروا قبل م نردوا ، فجأة لما تجي محادثة واقعية نتوتروا؛ لأن ببساطة معش تعودنا ع التواصل المباشر .
وفي سبب ثاني مهم، احني عايشين في زمن المقارنة !
كل يوم نشوفوا حياة مثالية ع السوشيال ميديا، ناس ناجحة، كلامها مرتب، تضحك بعفوية ..
وهني تخاف تطلع عيوبك ويحكموا عليك، ف تختار السكوت أسهل .
بس المشكلة مش هني، المشكلة أن كلمة الرهاب الإجتماعي تحولت ل ترند، نعلقوا عليها ف اي موقف .
ليش مسألتش؟ عندي رهاب .
ليش ممشيتش؟ عندي رهاب .
بدل استعمال الكلمات الصح للموقف زي خايف، نتحشم، وما إلى ذلك ..
ف لازم نتعلموا نختاروا الكلمة الصح ل توصفك فعلاً مش بس تقول أي شي بس لأن " شائع وترند " 🙌 .
❤10💘2
https://t.me/EROREERR
قناة شاب توفاه الله زي عمرنا ربي يرحمه ويغفرله ويجعل مئواه الجنة يارب
ادعوله بالرحمة والثبات عند السؤال .
قناة شاب توفاه الله زي عمرنا ربي يرحمه ويغفرله ويجعل مئواه الجنة يارب
ادعوله بالرحمة والثبات عند السؤال .
❤6💘1
Off the notes 🩶
Photo
بجديات نصيحة
ديما حاولوا ما تخلوش شي وراكم، وديروا دورة عَ حساباتكم من وقت لوقت، وكان لقيتوا أي حاجة ممكن يجي من وراها ذنب، احدفوها.
نقصوا من الموسيقى، ولو بتنزلوا حاجة حاولوا تنزلوها بدون موسيقى.
الدنيا مش مستاهلة تاخد ذنب كل من سمعها بسببك، وكل من بحث عليها بسببك، وكل من نزلها عنده بسببك.
الدنيا مش مستاهلة تاخذوا ذنوب حد.
وتخيلوا معاي إنك تكون راقد، أو حتى ناسي الحاجة اللي نزلتها من زمان، ومازال يجيك من وراها ذنب ، متخيلين معاي الرعب في الموضوع؟
بجديات حاولوا تنقصوا، وما تخلوش حاجات فيها موسيقى في حساباتكم ، لا في البوستات ولا الهايلايت، ولا أي حاجة تقعد موجودة ديما.
فكروا في الموضوع بينكم وبين نفسكم صدقوني الدنيا مش مستاهلة إنك تاخذ ذنوب جارية عَ خاطر حاجة تقدر بكل بساطة تتجنبها أو تحدفها🩶
ديما حاولوا ما تخلوش شي وراكم، وديروا دورة عَ حساباتكم من وقت لوقت، وكان لقيتوا أي حاجة ممكن يجي من وراها ذنب، احدفوها.
نقصوا من الموسيقى، ولو بتنزلوا حاجة حاولوا تنزلوها بدون موسيقى.
الدنيا مش مستاهلة تاخد ذنب كل من سمعها بسببك، وكل من بحث عليها بسببك، وكل من نزلها عنده بسببك.
الدنيا مش مستاهلة تاخذوا ذنوب حد.
وتخيلوا معاي إنك تكون راقد، أو حتى ناسي الحاجة اللي نزلتها من زمان، ومازال يجيك من وراها ذنب ، متخيلين معاي الرعب في الموضوع؟
بجديات حاولوا تنقصوا، وما تخلوش حاجات فيها موسيقى في حساباتكم ، لا في البوستات ولا الهايلايت، ولا أي حاجة تقعد موجودة ديما.
فكروا في الموضوع بينكم وبين نفسكم صدقوني الدنيا مش مستاهلة إنك تاخذ ذنوب جارية عَ خاطر حاجة تقدر بكل بساطة تتجنبها أو تحدفها🩶
❤10💘1
لستُ ممن يُجيدون شرحَ ما بداخلهم، أتركُ صمتي يقولُ عنّي ما لا أقوله.
أميلُ لكلِّ ما هو هادئٌ، عميقٌ، ولا يُشبه الجميع،
فبعضُ الجمالِ لا يحتاجُ أن يُرى… يكفي أن يُشعَر به ❤️
أميلُ لكلِّ ما هو هادئٌ، عميقٌ، ولا يُشبه الجميع،
فبعضُ الجمالِ لا يحتاجُ أن يُرى… يكفي أن يُشعَر به ❤️
❤11💘1
طبعاا انيي يجيني شغف الرسمم مرة ف السنة واي نو مش هديكا الموهبةة لكنن اعطوني رايكمم 🌚🤍
❤7💘1
كنت نتفرج عَ بودكاست أنس مع صالح حمدان
الصبر لِ عند الإنسان هذا يُدرس حرفياً
ايمانه بالله وثقته بيه إن كلشي ليه حكمة وكلشي بأجره، وان بعد كل عسر يسر، بجديات يخليك تستوعب تفاهة مشاكلنا ومواضيعنا لِ نتضايقوا منها .
لفتني شي قاله، قال كل مَ تجي كلمة " لو " او فكرة " ليش اني بالذات صارلي هكِ "كنت نقول الحمد لله طول ومعش نفكر .
فالحمد لله دائماً وأبداً، وحسبنا الله ونعم الوكيل فِ كل ظالم .
ننصحكم كلكم تتفرجوا عَ الحلقة حَ تتعلموا منها هلبا وحَتتغير نظرتكم للحياة 🤍.
الصبر لِ عند الإنسان هذا يُدرس حرفياً
ايمانه بالله وثقته بيه إن كلشي ليه حكمة وكلشي بأجره، وان بعد كل عسر يسر، بجديات يخليك تستوعب تفاهة مشاكلنا ومواضيعنا لِ نتضايقوا منها .
لفتني شي قاله، قال كل مَ تجي كلمة " لو " او فكرة " ليش اني بالذات صارلي هكِ "كنت نقول الحمد لله طول ومعش نفكر .
فالحمد لله دائماً وأبداً، وحسبنا الله ونعم الوكيل فِ كل ظالم .
ننصحكم كلكم تتفرجوا عَ الحلقة حَ تتعلموا منها هلبا وحَتتغير نظرتكم للحياة 🤍.
❤6💘4
عمركم سألتوا نفسكم: علاش مهما وصلت لِ حاجات كنت نحلم بيها فِ يومم، يقعد فِ شعور ناقص وإن الشي هدا مش كفايةة ❓️
- الموضوع الثالث : تقبل الذات 🌟
إنك تتقبل ذاتك مش معناها تشوف نفسك كامل ومفيكش عيوب، وتستسلم ومتحاولش تغير نفسك للأحسن، بالعكس هوا إنك تعرف نفسك كويس وبكل تفاصيلها، بمميزاتك وسلبياتك ونجاحك وفشلك !
المشكلة لما يبدأ الإنسان يعيش طول الوقت فِ حرب مع نفسه، كل مَ يشوف حد أحسن منه يقارن روحه بيه يبدأ يقارن أصعب لحظات فِ حياته بحياة شخص تاني تكون منتقاة منه أصلاً❗️ و عأبسط غلط يجلد نفسه، ومع الوقت ينسى الحاجات الحلوة لِ فيه؛ جست لأنه تعود يركز ع النقص، ويقعد عالق ف حلقة فارغة باش يدور عَ رضا الناس وقبولهم لين يوصل لِ مرحلة ينسى فيها نفسه، ويولي طموحه الأكبر هيا تقبل الناس ليه، لأن رضاه عن نفسه بدي مربوط بردة فعل الناس .
تقبل الذات لما تفهم إنك لازم تكون متصالح مع نفسك، وتستوعب إنك إنسان يغلط ويصلح، ويحاول يحسن جوانب من نفسه للأحسن، لما تفهم إن قيمتك كإنسان م تتحددش لا بشكلك ولا بدرجاتك ولا برأي الناس فيك .
تعلم تكون نفسك من غير عوامل خارجية تغير منك، تعلم تفتخر بنفسك مهما كانت إنجازاتك بسيطة، واهمشي ميكونش حبك لِ نفسك مشروط !
وفي النهاية، مهما حاولت تغير من نفسك باش ترضي الناس، ديمه حَ تلقى حد مش عاجبه فيك شي، لأن الناس مش حَ تسكت مهما درت، ومش حَ تقدر تكون الصورة لِ كل شخص يبيها منك .. لهذا؛ خليك " أنت " ، بتفاصيلك ونواقصك واختلافك، لأن راحة بالك تبدأ يوم تختار تكون نفسك، مش النسخة لِ يبوها الناس منك 🤍.
- الموضوع الثالث : تقبل الذات 🌟
إنك تتقبل ذاتك مش معناها تشوف نفسك كامل ومفيكش عيوب، وتستسلم ومتحاولش تغير نفسك للأحسن، بالعكس هوا إنك تعرف نفسك كويس وبكل تفاصيلها، بمميزاتك وسلبياتك ونجاحك وفشلك !
المشكلة لما يبدأ الإنسان يعيش طول الوقت فِ حرب مع نفسه، كل مَ يشوف حد أحسن منه يقارن روحه بيه يبدأ يقارن أصعب لحظات فِ حياته بحياة شخص تاني تكون منتقاة منه أصلاً❗️ و عأبسط غلط يجلد نفسه، ومع الوقت ينسى الحاجات الحلوة لِ فيه؛ جست لأنه تعود يركز ع النقص، ويقعد عالق ف حلقة فارغة باش يدور عَ رضا الناس وقبولهم لين يوصل لِ مرحلة ينسى فيها نفسه، ويولي طموحه الأكبر هيا تقبل الناس ليه، لأن رضاه عن نفسه بدي مربوط بردة فعل الناس .
تقبل الذات لما تفهم إنك لازم تكون متصالح مع نفسك، وتستوعب إنك إنسان يغلط ويصلح، ويحاول يحسن جوانب من نفسه للأحسن، لما تفهم إن قيمتك كإنسان م تتحددش لا بشكلك ولا بدرجاتك ولا برأي الناس فيك .
تعلم تكون نفسك من غير عوامل خارجية تغير منك، تعلم تفتخر بنفسك مهما كانت إنجازاتك بسيطة، واهمشي ميكونش حبك لِ نفسك مشروط !
وفي النهاية، مهما حاولت تغير من نفسك باش ترضي الناس، ديمه حَ تلقى حد مش عاجبه فيك شي، لأن الناس مش حَ تسكت مهما درت، ومش حَ تقدر تكون الصورة لِ كل شخص يبيها منك .. لهذا؛ خليك " أنت " ، بتفاصيلك ونواقصك واختلافك، لأن راحة بالك تبدأ يوم تختار تكون نفسك، مش النسخة لِ يبوها الناس منك 🤍.
❤🔥4❤2💘1