سمعت بودكاست قال🩶:
خلي حياتك تسير بدون ضغط منك، المعنى من كلامه اتفرج عَ الي يصير وأفعال الأشخاص اللي حواليك بدون ماتبدل ضغط منك، بمعنى لو حد دارلك مشكلة في حياتك it’s ok ماتشوفلاش من الأساس ولو إنتَ ماشي صح أكيد الناس حتعرف الغلط من مني، ولو إنه حد في حياتك عنده قيمة عندك في يوم من الأيام قالك حنطلع من حياتك it’s ok ، ماتبدلش قوة ولا أي ردة فعل عَ أشخاص مرات ربي مش كاتبلك وجودهم في حياتك، ولو ربي كاتب إنه حيكون ليهم تأتير وقيمة فحياتك صدقني حتلقاهم في حياتك بدون أي ضغط ولا أي ردة فعل منك🩶

" أني عندي رهاب إجتماعي "
سمعتها هلبا صح❗️
هل الرهاب الإجتماعي ترند إنتشر بين الناس أو في سبب أعمق خلانا نخافوا نتواصلوا مع غيرنا ❓️

- الموضوع الثاني : الرهاب الإجتماعي 👥️️

خلينا نكونوا واقعيين هوا مش إنك بس تتحشم تتكلم قدام الناس، كلنا نعرفوا أن هوا خوف و إضطراب نفسي حقيقي ومعترف بيه في الطب .

باهي علاش انتشر توا ❓️
الموضوع ليه علاقة بعالمنا ل عايشين، تعودنا نتكلموا من خلف الشاشات،  نكتبوا ونمسحوا ونعدلوا ونفكروا قبل م نردوا ، فجأة لما تجي محادثة واقعية نتوتروا؛ لأن ببساطة معش تعودنا ع التواصل المباشر .

وفي سبب ثاني مهم، احني عايشين في زمن المقارنة !
كل يوم نشوفوا حياة مثالية ع السوشيال ميديا، ناس ناجحة، كلامها مرتب، تضحك بعفوية ..
وهني تخاف تطلع عيوبك ويحكموا عليك، ف تختار السكوت أسهل .

بس المشكلة مش هني، المشكلة أن كلمة الرهاب الإجتماعي تحولت ل ترند، نعلقوا عليها ف اي موقف .
ليش مسألتش؟ عندي رهاب .
ليش ممشيتش؟ عندي رهاب .

بدل استعمال الكلمات الصح للموقف زي خايف، نتحشم، وما إلى ذلك ..

ف لازم نتعلموا نختاروا الكلمة الصح ل توصفك فعلاً مش بس تقول أي شي بس لأن  " شائع وترند " 🙌 .

نفسيتك حتتحسن 90% لما تستوعب إنّ مش كل شيء يستاهل منك ردة فعل، ومش كل موقف يستاهل إنك تكبره ولا كل كلمة تستاهل إنك ترد عليها🩶

https://t.me/EROREERR

قناة شاب توفاه الله زي عمرنا ربي يرحمه ويغفرله ويجعل مئواه الجنة يارب
ادعوله بالرحمة والثبات عند السؤال .

بجديات نصيحة
ديما حاولوا ما تخلوش شي وراكم، وديروا دورة عَ حساباتكم من وقت لوقت، وكان لقيتوا أي حاجة ممكن يجي من وراها ذنب، احدفوها.

نقصوا من الموسيقى، ولو بتنزلوا حاجة حاولوا تنزلوها بدون موسيقى.
الدنيا مش مستاهلة تاخد ذنب كل من سمعها بسببك، وكل من بحث عليها بسببك، وكل من نزلها عنده بسببك.
الدنيا مش مستاهلة تاخذوا ذنوب حد.
وتخيلوا معاي إنك تكون راقد، أو حتى ناسي الحاجة اللي نزلتها من زمان، ومازال يجيك من وراها ذنب ، متخيلين معاي الرعب في الموضوع؟
بجديات حاولوا تنقصوا، وما تخلوش حاجات فيها موسيقى في حساباتكم ، لا في البوستات ولا الهايلايت، ولا أي حاجة تقعد موجودة ديما.

فكروا في الموضوع بينكم وبين نفسكم صدقوني الدنيا مش مستاهلة إنك تاخذ ذنوب جارية عَ خاطر حاجة تقدر بكل بساطة تتجنبها أو تحدفها🩶

طبعاا انيي يجيني شغف الرسمم مرة ف السنة واي نو مش هديكا الموهبةة لكنن اعطوني رايكمم 🌚🤍

كنت نتفرج عَ بودكاست أنس مع صالح حمدان

الصبر لِ عند الإنسان هذا يُدرس حرفياً
ايمانه بالله وثقته بيه إن كلشي ليه حكمة وكلشي بأجره، وان بعد كل عسر يسر، بجديات يخليك تستوعب تفاهة مشاكلنا ومواضيعنا لِ نتضايقوا منها .
لفتني شي قاله، قال كل مَ تجي كلمة " لو " او فكرة " ليش اني بالذات صارلي هكِ "كنت نقول الحمد لله طول ومعش نفكر .
فالحمد لله دائماً وأبداً، وحسبنا الله ونعم الوكيل فِ كل ظالم .

ننصحكم كلكم تتفرجوا عَ الحلقة حَ تتعلموا منها هلبا وحَتتغير نظرتكم للحياة 🤍.