1 iyun tarixində "Baku Crystal Hall"da "GoalPlus" məktəblərarası futbol turnirinin püşkatma mərasimi keçirilmişdir. Tədbirdə Azərbaycan milli komandasının və Xorvatiyanın "Dinamo" (Zaqreb) klubunun hücumçusu Mahir Emreli, tanınmış teleaparıcı Sənan Şəfizadə, turnirdə iştirak edəcək komandaların təmsilçiləri və digər qonaqlar iştirak etmişdir.

Tədbirin qonaqları Mahir Emreli və Sənan Şəfizadə çıxış edərək, turnirin əhəmiyyəti və gənclər üçün idman fəaliyyətlərinin faydaları haqqında danışıblar. Daha sonra Mahir Emreli ilə xatirə şəkilləri çəkilmiş və imza mərasimi keçirilmişdir.

88 komandanın iştirakı ilə keçiriləcək idman festivalı 14 iyundan 18 avqusta qədər davam edəcəkdir. Bu müddət ərzində 400-dən çox oyun baş tutacaqdır. Turnirin məqsədi gənclər arasında idmana olan marağı artırmaq və sağlam həyat tərzini təşviq etməkdir.

"m10"-un baş sponsorluğu ilə keçiriləcək festivalın qarşılaşmaları "Su İdman Sarayı"nda baş tutacaqdır.

Millimizin Albaniya ilə yoldaşlıq oyunu öncəsi son məşqindən görüntülər: