“ဒါဖြစ်လာတော့မယ်လို့ ကျွန်တော်ပြောခဲ့တယ်”

“Everton က ကျွန်တော့်ရဲ့ကလပ်ပါ၊ ကျွန်တော်မွေးဖွားရာဇာတိပါ၊ အဲဒါက ဘယ်တော့မှ မပြောင်းလဲပါဘူး။ City နဲ့ ၃-၃ ရလဒ်အတွက် သူတို့ကြိုးစားနေတာကို မြင်ရတာ အရမ်းကြီးကျယ်ခန်းနားပါတယ်၊ သူတို့ အနိုင်ရနိုင်ပါတယ်၊ ဟုတ်တယ်.. သူတို့နိုင်လုနီးပါး အခြေအနေအထိ ဖန်တီးနိုင်ခဲ့တယ်။ ဒါပေမယ့် လပေါင်းများစွာကတည်းက ကျွန်တော်ပြောခဲ့တယ်၊ ရာသီတစ်လျှောက်လုံး ကျွန်တော်ပြောနေခဲ့တာပါ… ဒီ Manchester City အသင်းဟာ တချိန် ကျဆင်းသွားလိမ့်မယ်ဆိုတာ။ သူတို့ အဲဒီအဆင့်မှာ အမြဲတမ်းနေလို့မရဘူး။

Arsenal က လိဂ်ကို အနိုင်ရဖို့ ဆာလောင်နေတဲ့အသင်းလို့ ကျွန်တော်ပြောခဲ့ပြီးပါပြီ။ အခု ကျွန်တော်တို့ရှေ့မှာ ဒါတွေဟာ ဖြစ်ပျက်နေပါပြီ။

လူတိုင်းက ဒီကလပ်ကို ဝေဖန်ခဲ့ကြတာ ကြာပါပြီ။ ကျွန်တော်တို့အားလုံး ကစားသမားတွေနဲ့ မန်နေဂျာကို ဝေဖန်ခဲ့ကြပြီး အရာအားလုံးကို မေးခွန်းထုတ်ခဲ့ကြပါတယ်။ ဒါပေမယ့် အခုတော့ သူတို့က တိုက်ပွဲဝင်မှု၊ အားသာချက်ကို ပြသခဲ့ပြီး ဖလားယူဖို့ လက်တကမ်းအကွာမှာ ရှိနေပါပြီ။

ဒါကြောင့် အသင့်ပြင်ထားပါ… ဘာလို့လဲဆိုတော့ သူတို့ ဆုဖလားကို မြှောက်တဲ့အခါ ယှဉ်ပြိုင်မှုတွေ ၊ ဆူညံသံတွေ ၊ ချီးကျူးသံတွေ… ကျယ်ကျယ်လောင်လောင် ကြားရပါလိမ့်မယ်။

ဒါဖြစ်လာတော့မယ်လို့ ကျွန်တော်ပြောခဲ့တယ်”

🗣️ ဝိန်း ရွန်နီ

Ch@n-G

🔴🗣️ PUNDIT's TALK : အာဆင်နယ်ရဲ့ ကစားကွက်က အသင်းခေါင်းဆောင် အိုဒီဂ့ါဒ် မပါရင် ပိုပြီးတော့ မြန်ဆန်သွက်လက်တယ်လို့ ဂန္ထဝင်ကစားသမားကြီး သီယာရီ အွန်နရီက သုံးသပ်လိုက်ပါတယ်။

အွန်နရီရဲ့ အမြင်ကို အင်္ဂလန်ဂန္ထဝင်တိုက်စစ်မှူး ဂယ်ရီ လိုင်နီကာကလည်း ထောက်ခံခဲ့ပြီး သတိကြီးကြီး ကစားတာထက် စွန့်စားကစားတာက အခွင့်အရေးတွေ ပိုဖြစ်လာစေတတ်တယ်လို့ ဆိုပါတယ်။

လိုင်နီကာက " ဖူလ်ဟမ်နဲ့ပွဲက အာဆင်နယ်က ဒီရက်သတ္တပတ်တွေထဲမှာ ကျွန်တော်တို့ မြင်ခဲ့ရတဲ့ အာဆင်နယ်နဲ့ ကွဲပြားခြားနားတယ်လို့ ထင်ပါတယ်။ "

" ကျွန်တော် တခု ပြောချင်ပါတယ်။ အိုဒီဂါ့ဒ်အပြင် ဇူဘီမန်ဒီလည်း ဒီလိုပါပဲ။ ဒါက ဇူဘီမန်ဒီကို အထင်သေးတာတော့ မဟုတ်ပါဘူး။ ဒါပေမဲ့ သူက တော်တော်လေးကို သတိကြီးတဲ့ ကွင်းလယ်ကစားသမား ဖြစ်ပါတယ်။ ဘောလုံးရရင် လုံခြုံမှုကိုပဲ ဦးစားပေးတော့ နောက်ပြန်ပေးပို့မှုတွေပဲ များပါတယ်။ "

" အရင်လို ဘယ်‌နောက်ခံလူနေရာကနေ ကွင်းလယ်ထဲ ဝင်ကစားတာ မဟုတ်တော့ဘဲ ကွင်းလယ်ကစားသမားစစ်စစ်အဖြစ် ကစားခွင့် ရခဲ့တဲ့ စကယ်လီကတော့ ဘောလုံးလက်ခံတာနဲ့ ရှေ့ကိုပဲ ကြည့်ပြီး လျင်လျင်မြန်မြန် လှုပ်ရှားတတ်ပါတယ်။ "

" ဒါကြောင့်ပဲ အာဆင်နယ်တိုက်စစ်က သွက်လက်ဖြတ်လတ်သွားတာပါ။ ဘူကာရို ဆာကာတို့လို တောင်ပံတိုက်စစ်ကစားသမားတွေကလည်း ရှေ့ကိုပဲ တိုးကစားချိန် များများစားစား ရသွားတာပါ။ စကယ်လီကြောင့် ခြားနားချက်တွေ အများကြီး ဖြစ်သွားတာပါ။ " ‌ဆိုပြီး ပြောသွားတာပါ။

- KP
Ref : The Rest is Football
Photo : X

🔴🗣️ PUNDIT's TALK : ဘိုင်ယန်မြူးနစ်နဲ့ မန်ယူကွင်းလယ်ကစားသမားဟောင်း အိုဝင် ဟားဂရေ့ဗ်ကတော့ ဒီနှစ် ချန်ပီယံလိဂ် ဗိုလ်လုပွဲမှာ အာဆင်နယ်က အောက်အသင်း ဖြစ်ပေမဲ့ ချန်ပီယံဖြစ်ဖို့ အခွင့်အရေး အပြည့်အဝ ရှိ‌နေတယ်လို့ ယုံကြည်နေပါတယ်။

ဟန်ဂေရီနိုင်ငံရဲ့ မြို့တော် ဘူဒါပတ်စ်မှာ ကစားမဲ့ ဒီပွဲဟာ PSG အသင်းရဲ့ တိုက်စစ်နဲ့ အာဆင်နယ်ရဲ့ ခံစစ်ခိုင်မာမှုတို့ အားပြိုင်မဲ့ပွဲ ဖြစ်လိမ့်မယ်လို့ အားလုံးက သုံးသပ်နေကြတာပါ။

ချန်ပီယံအဖြစ်တော့ လက်ရှိ ချန်ပီယံဖြစ်တဲ့ PSG အသင်းကိုပဲ အလေးပေးမှုတွေ ပိုများနေပေမဲ့ အိုဝင် ဟားဂရေ့ဗ်က အာဆင်နယ်မှာသာ ယုံကြည်မှုရှိရင် ဘာမဆို ဖြစ်နိုင်တယ်လို့ မှတ်ချက်ပြုခဲ့တာ ဖြစ်ပါတယ်။

" ‌ဒါက မေးနေစရာတောင် မလိုပါဘူး။ အာဆင်နယ်အသင်းမှာလည်း အခွင့်‌အရေး အပြည့်အဝ ရှိနေပါတယ်။ သူတို့အသင်းရဲ့ ခံစစ်အစုအဖွဲ့နဲ့ သူတို့အသင်းရဲ့ ဂိုးသမားနဲ့တင်ကို အရမ်းကောင်းနေပါပြီ။ "

" ကွင်းလယ်ခံစစ်နေရာမှာ ကစားနေတဲ့ ဒက်ကလန် ရိုက်စ်ကလည်း လက်ဖျားခါစရာကောင်းတဲ့ စွမ်းရည်မျိုးနဲ့ ကစားပြနေပါတယ်။ ဒါကြောင့် ဒီပွဲက စိတ်ဝင်စားဖို့ ကောင်းနေပါတယ်။ "

ဟားဂရေ့ဗ်က " PSG အသင်းက ဘိုင်ယန်မြူးနစ်နဲ့ပွဲကထက်ပိုပြီး တိုက်စစ်ကစားလာမှာ သေချာပါတယ်။ ဒါပေမဲ့ သူတို့ရင်ဆိုင်ရမှာက အာဆင်နယ်အသင်း ဖြစ်ပါတယ်။ "

" အာဆင်နယ်အသင်းဟာ ပြီးခဲ့တဲ့ သုံး‌လေးပတ်တုန်းကနဲ့ မတူတဲ့ အသင်းမျိုး ဖြစ်နေပါပြီ။ ခြေစွမ်းယိမ်းယိုင်ခဲ့တဲ့ ကာလတွေကို သူတို့ ‌ကျော်ဖြတ်နိုင်ခဲ့ပါပြီ။ အခုတော့ သူတို့မှာလည်း ယုံကြည်မှုတွေ ရှိနေပြီ ဖြစ်ပါတယ်။ "

" ဒါက အရေးကြီးပါတယ်။ အာဆင်နယ်မှာ အခွင့်အရေး ရှိနေတာပါ။ ချန်ပီယံလိဂ်ဖလားကို အရယူနိုင်ဖို့အတွက် သူတို့လိုအပ်မှာက ယုံကြည်မှုတခုတည်းပါပဲ။ " လို့ ပြောပါတယ်။

- KP
Ref : TNT Sports
Photo : X

🔴🗣️ FORMER GUNNER's TALK!

" ကျွန်တော့်အတွက်တော့ မီခေးလ်က အရမ်းထူးခြားတဲ့ပုဂ္ဂိုလ် ဖြစ်ပါတယ်။ သူမပါဘဲနဲ့ ဒီနေ့ ကျွန်တော် ဖြစ်မလာနိုင်သလို ကျွန်‌တော့်အနေနဲ့ အခုလို အဆင့်အတန်းမျိုးမှာလည်း ရှိမနေနိုင်ပါဘူး။ "

" မီခေးလ်ကြောင့်သာ ကျွန်တော့်အနေနဲ့ ဘောလုံးကို မတူခြားနားတဲ့ နည်းလမ်းတွေနဲ့ ချဉ်းကပ်တတ်အောင် သင်ယူခဲ့ရတာ ဖြစ်ပါတယ်။ "

" ကစားသမားတဦး ကွင်းထဲမဝင်ခင်မှာ သူ့ရဲ့ ပြင်ဆင်ပေးမှုတွေက အရမ်းကောင်းပါတယ်။ ကွင်းထဲမှာ မျက်လုံးမှိတ်ထားရင်တောင်မှ ပြိုင်ဘက်က ဘယ်နေရာမှာ ရှိနေမလဲ ... အသင်းဖော်တွေက ဘယ်နေရာမှာလဲဆိုတာ သိနိုင်ပါတယ်။ "

" ကျွန်တော်ကတော့ ဒီနှစ် ပရီးမီးယားလိဂ် ချန်ပီယံဆုအတွက် အာဆင်နယ်ကိုပဲ အားပေးသွားမှာ ဖြစ်ပါတယ်။ ဒီနှစ်တရာသီလုံး ကြိုးစားခဲ့ကြတဲ့ ကစားသမားတွေနဲ့ နည်းပြအဖွဲ့အတွက် ကျွန်တော် အားပေးနေတာပါ။ "

" ကျွန်တော်တို့အားလုံး ပွင့်ပွင့်လင်းလင်းပဲ ပြောလို့ရပါတယ်။ အာဆင်နယ်ဟာ ချန်ပီယံဆုနဲ့ ထိုက်တန်ပါတယ်။ "

- ဂရာနစ် ချာကာ

Ref : Football London
EG

🔴🗣️ PUNDIT's TALK : လီဗာပူးလ်နဲ့ စပါးတိုက်စစ်မှူးဟောင်း ပီတာ ခရောက်ခ်ျက အာဆင်နယ်အသင်းအနေနဲ့ လက်ကျန်ပွဲစဉ် (၃) ပွဲမှာ အမှတ်လျော့ဖို့ လမ်းမမြင်မိဘူးလို့ သုံးသပ်လိုက်ပါတယ်။

ဂန်းနားတွေအနေနဲ့ ဒီညမှာသာ ဝက်စ်ဟမ်းအသင်းကို အနိုင်ကစားနိုင်ခဲ့ရင် ပရီးမီးယားလိဂ် ချန်ပီယံဆုပွဲက သည်တင်ပဲ ပြီးဆုံးသွားလိမ့်မယ်လို့လည်း ဆိုပါတယ်။

ခရောက်ခ်ျက " ကျွန်တော်လည်း အာဆင်နယ်သာ ဝက်စ်ဟမ်းကို နိုင်ခဲ့ရင် အရာအားလုံးပြီးဆုံးသွားမယ်လို့ ယုံကြည်ပါတယ်။ "

" မန်စီးတီးကလည်း သူတို့လုပ်နိုင်သမျှ လုပ်ခဲ့တာပါပဲ။ ဒါပေမဲ့ အဲဗာတန်ပွဲရလဒ်က ပေးဆပ်မှု ကြီးမားခဲ့ပါတယ်။ "

" လက်ကျန်ပွဲမှာ အာဆင်နယ် အမှတ်လျော့ဖို့ လမ်းမမြင်မိပါဘူး။ သူတို့က ဝက်စ်ဟမ်းကို နိုင်ပါလိမ့်မယ်။ ဘန်လေကိုလည်း နိုင်ပါလိမ့်မယ်။ "

" ပဲလေ့စ်ဆိုရင် ယူရိုပါ ကွန်းဖရန့်လိဂ် ဗိုလ်လုပွဲကိုပဲ အာရုံရောက်နေမှာပါ။ အာဆင်နယ်ရဲ့ဖလားပါပဲ။ " လို့ ပြောသွားပါတယ်။

- KP
Ref : TNT Sports
Photo : X

Happy birthday to Sylvain Wiltord 🎉❤️

ဒီနေ့ဟာ ဝီလ်တော့ဒ်ကြီးရဲ့ အသက် (၅၂) နှစ်ပြည့် မွေးနေ့ပဲ ဖြစ်ပါတယ်။

🔴🗣️ MANAGER's TALK : ဒီတပတ်အပါအဝင် လာမဲ့ ရက်သတ္တပတ်တွေဟာ သူ့အတွက် နည်းပြဘဝတလျှောက် အကြီးမားဆုံး အခိုက်အတန့်တွေ ဖြစ်လာလိမ့်မယ်လို့ နည်းပြ အာတေတာက ဆိုလိုက်ပါတယ်။

ဂန်းနားတို့ဟာ (၂၀၂၅/၂၆) ရာသီ ပိတ်သိမ်းဖို့ နီးကပ်လာချိန်မှာ ပရီးမီးယားလိဂ် ချန်ပီယံဆုနဲ့ နီးကပ်လာသလို ချန်ပီယံလိဂ်ဗိုလ်လုပွဲကိုလည်း တက်လှမ်းထားပါတယ်။

သုံးပတ်တာကာလထဲမှာ အခမ်းနားဆုံး ဆုဖလားနှစ်လုံးအတွက် တိုက်ပွဲဝင်ရမှာ ဖြစ်တာကြောင့် နည်းပြ အာတေတာက အကောင်းဆုံး ခံစားချက်၊ အကောင်းဆုံး စိတ်ဓာတ်၊ အကောင်းဆုံး ကြံ့ခိုင်မှုတွေနဲ့ ဒီရာသီအဆုံးသတ်ကို ဖြတ်သန်းသွားမယ်လို့ ပရိသတ်ကို ကတိပေးခဲ့တာပါ။

" ဟုတ်ပါတယ်။ လာမဲ့ရက်သတ္တပတ်တွေ အရမ်း အရေးကြီးပါတယ်။ ဒီအချိန်မှာ 'တကယ်လို့' တွေ များနေပေမဲ့ အဲဒီ 'တကယ်လို့' တွေက ဘောလုံးမှာ အလုပ်မလုပ်ပါဘူး။ ကိုယ်တိုင် လက်တွေ့လုပ်ပြနိုင်မှပဲ ဆုလာဘ်တွေရမှာ ဖြစ်ပါတယ်။ "

" ဒီနေ့မှာ ကျွန်တော်တို့ လုပ်စရာတွေ ရှိနေသေးတယ်ဆိုရင် ရအောင် လုပ်ရမှာပါပဲ။ ဒါကပဲ အဖြေ ဖြစ်ပါတယ်။ "

" ဒါကပဲ အရေးကြီးဆုံးအချက် ဖြစ်ပါတယ်။ ဆိုတော့ ကျွန်တော်တို့ ဒီတပတ်မှာလည်း လုပ်စရာရှိတာတွေ လုပ်ရမှာပါပဲ။ "

" ဒီအခိုက်အတန့်တွေကို အကောင်းဆုံး ခံစားချက်၊ အကောင်းဆုံး ကြံ့ခိုင်မှု၊ အကောင်းဆုံး စိတ်ဓာတ်တွေနဲ့ ဖြတ်သန်းရမှာ ဖြစ်ပါတယ်။ တနင်္ဂနွေနေ့တိုက်ပွဲအတွက် ကျွန်တော်တို့ အသင့်ဖြစ်နေဖို့ လိုအပ်ပါတယ်။ " ဆိုပြီး နည်းပြ အာတေတာက ပြောသွားပါတယ်။

- KP
Ref : Arsenal
Photo : X

🔴 TRANSFER NEWS : အာဆင်နယ်အသင်းဟာ အသက် (၃၂) နှစ်ထဲကို ဝင်လာတဲ့ ထရောဆာဒ်ကို လာမဲ့နွေအပြောင်းအရွှေ့မှာ ရောင်းချသွားဖို့ လမ်းဖွင့်ထားတယ်လို့ သိရပါတယ်။

နောက်ထပ် ထိပ်တန်းကစားသမားသစ်တွေ ခေါ်ယူနိုင်ဖို့အတွက် အသက်ရလာတဲ့ ကစားသမားတွေကို ရောင်းချသွားဖို့ စီစဉ်လာခဲ့တာ ဖြစ်ပါတယ်။

လတ်တလောမှာတော့ ဘယ်ဂျီယံသားကို စီးရီးအေကလပ် နာပိုလီအပါဝင် ဥရောပ ကလပ်အသင်း တော်တော်များများက စိတ်ဝင်စားနေပါတယ်။

အသင်းဘက်က ထရောဆာဒ်ကို ရောင်းသာရောင်းချင်နေပေမဲ့ အစားထိုးဖို့ ခက်ခဲနိုင်တာကိုလည်း လက်ခံထားပါတယ်။

ထရောဆာဒ်ကို ရောင်းရင် ပေါင်သန်း (၂၀) အောက်သာ ရဖို့ သေချာနေတာပါ။

ဒါပေမဲ့ ဈေးကွက်ထဲမှာ ထရောဆာဒ်လို အရည်အသွေးမျိုးနဲ့ ပိုမိုငယ်ရွယ်တဲ့ ကစားသမားကို ရှာမယ်ဆိုရင်တော့ အာဆင်နယ်အသင်းအတွက် ငွေကြေးအမြောက်အများ အသုံးပြုမှသာ ရနိုင်မှာ ဖြစ်ပါတယ်။

- KP
Ref : Daily Mail
Photo : X

🔴🗣️ CAPTAIN's TALK : အသင်းခေါင်းဆောင် မာတင် အိုဒီဂါ့ဒ်က အခုချိန်မှာ သူ့ရဲ့ ဒူးဟာ အပြည့်အဝ ပြန်လည်ကောင်းမွန်နေပြီဖြစ်ပြီး ဘာဝေဒနာမှ မခံစားရတော့ဘူးလို့ ဖွင့်ဟလာခဲ့ပါတယ်။

ဒီနှစ်ရာသီမှာ ဒူးဒဏ်ရာနဲ့ ရုန်းကန်ခဲ့ရတဲ့ နော်ဝေသားဟာ ဝက်စ်ဟမ်းနဲ့ပွဲမှာ ဒုတိယပိုင်းမှာမှ ဝင်ကစားပေးနိုင်ခဲ့ပေမဲ့ အသင်းအတွက် တလုံးတည်းသော အနိုင်ဂိုးကို ဖန်တီးပေးနိုင်ခဲ့ပါတယ်။

အိုဒီဂါ့ဒ်ဟာ အဆိုပါပွဲမှာ ကစားချိန် တိုတောင်းခဲ့ပေမဲ့ အရင်လို ခြေစွမ်းခြေစမျိုး ပြန်လည်ပြသနိုင်ခဲ့တာပါ။ ဒါဟာ ဒဏ်ရာအရှင်းပျောက်သွားတာကြောင့် ဖြစ်နိုင်ပါတယ်။

" ဝက်စ်ဟမ်းနဲ့ပွဲမှာ ကျွန်တော် ကစားတာ အရမ်းကောင်းခဲ့တယ်လို့ ထင်ပါတယ်။ "

" ဒီနှစ်ရာသီကတော့ ကျွန်တော့်အတွက် ခက်ခဲတဲ့ ရာသီတခု ဖြစ်ခဲ့ပါတယ်။ အချိန်တော်တော်များများကို ဒူးဒဏ်ရာနဲ့ ရုန်းကန်ခဲ့ရဝာာ ဖြစ်ပါတယ်။ "

" ဒါပေမဲ့ ကျွန်တော်က အသင်းနဲ့ အနီးကပ်နေရင်း တိုက်ပွဲဝင်ခဲ့သလို ကစားခွင့်ရချိန်တိုင်းမှာလည်း ပြင်းပြင်းထန်ထန် ကြိုးစားခဲ့ပါတယ်။ "

" အခုတော့ ကျွန်တော် အရင်ကထက် ပိုကောင်းလာပြီလို့လည်း ခံစားရပါတယ်။ " လို့ အိုဒီဂါ့ဒ်က ပြောသွားပါတယ်။

- KP
Ref : Viaplay
Photo : X