ရှေ့တပတ်က အသင်းအတွက် တော်တော်လေး အရေးပါတဲ့တပတ်ပါ။

မနက်ဖြန်မှာသာ ဖူလ်ဟမ်ကို အနိုင်ယူပြီး (၆) မှတ် ဖြတ်ထားနိုင်ရင် အယ်ဗာတန်နဲ့ မန်စီးတီး တနင်္လာနေ့ပွဲကို ဒူးနှံ့ပြီး ကြည့်ရုံပဲ။

ပြီးရင် အင်္ဂါနေ့မှာသာ ညစ်ကျယ်အသင်းကို နိုင်ခဲ့ရင် နှစ်ပေါင်း (၂၀) အတွင်း ပထမဆုံးအကြိမ် ချန်ပီယံလိဂ် ဗိုလ်လုပွဲ ပြန်တက်မယ်။

တကယ်ရင်ခုန်ရမဲ့ နေ့ရက်တွေပါပဲ။

တွေးကြည့်တော့လည်း နှစ်ပေါင်း (၂၀) ဆိုတာ ခဏလေးပဲနော်။

(၂၀၀၆) ခုနှစ် ဗိုလ်လုပွဲကြီးက အခုထိ လတ်လတ်ဆတ်ဆတ် ကျန်တုန်း။

လေးမန်း အထုတ်ခံရတာ ထားတော့ ...
ကင်းကြီးသာ အလွတ်အကျွတ်အပိုင်တွေ ဝင်ခဲ့ရင် ...
အယ်မူးနီးယားသာ ကာကွယ်ပုံတွေ ဒီထက် ကောင်းခဲ့မယ်ဆိုရင် ...

EG

🔴🗣️ CAPTAIN's TALK!

" ပြီးခဲ့တဲ့ ဗုဒ္ဓဟူးနေ့မှာ ပွဲသိမ်းခရာ မှုတ်လိုက်ချိန်ကတည်းက ကျွန်တော်တို့က ဒီပွဲကိုပဲ စောင့်နေခဲ့တာပါ။ ဒီပွဲကနေ ဘယ်လိုသုံးမှတ်ယူမလဲဆိုတာပဲ အာရုံစိုက်နေခဲ့တာ ဖြစ်ပါတယ်။ "

" အခုချိန်မှာ လေ့ကျင့်ရေးကွင်းထဲက အားအင်တွေက တကယ်ကိုပဲ ကောင်းမွန်နေပါတယ်။ ကျွန်တော်တို့ရဲ့စိတ်ထဲမှာ ကြီးမားတဲ့ အရာတခုခု ရရှိဖို့ နီးစပ်နေပြီဆိုတာကို ခံစားနေရပါတယ်။ အဲဒီအသိစိတ်ကပဲ ကျွန်တော်တို့ရဲ့ နေ့စဉ်အလုပ်တွေမှာ အပိုခွန်အားတွေ၊ စိတ်အားထက်သန်မှုတွေ ဖြစ်စေပါတယ်။ "

" ပြီးခဲ့တဲ့တပတ်က အမ်းမရိတ်မှာတော့ ရလဒ်ကောင်းတခုကို ကျွန်တော်တို့ ရယူနိုင်ခဲ့ပါတယ်။ နယူးကာဆယ်ကို ရင်ဆိုင်ကစားရတာက ခက်ခဲကြမ်းတမ်းတဲ့ပွဲတပွဲ ဖြစ်ခဲ့ပေမဲ့ အဓိကကျတဲ့ နိုင်ပွဲတပွဲ ရခဲ့ပါတယ်။ ကျွန်တော်တို့က ပွဲအခြေအနေတွေကို ကောင်းကောင်း ကိုင်တွယ်နိုင်ခဲ့ပါတယ်။ "

" ဒီရာသီ ဒီလိုအချိန်မျိုးမှာ ကျွန်တော်တို့ရဲ့ ခံစစ်မှတ်တမ်းကောင်းတွေကို အားကိုးနေရဆဲ ဖြစ်တာကလည်း တကယ် ကောင်းပါတယ်။ ပေးဂိုးမဲ့ပွဲတွေ ရဖို့ကလည်း အရေးကြီးပါတယ်။ ကျွန်တော်တို့ရဲ့ ခံစစ်ကျစ်လစ်မှုကလည်း အင်အားကြီးမားတဲ့အချက် ဖြစ်ပါတယ်။ "

" ကျွန်တော်တို့အနေနဲ့ ဂိုးတွေ အများကြီး သွင်းဖို့ လိုအပ်တာ မှန်ပေမဲ့ အရေးကြီးဆုံးကတော့ နိုင်ပွဲရဖို့ပါပဲ။ "

- မာတင် အိုဒီဂါ့ဒ်

Ref : Arsenal Matchday Programme
EG

📊🔴 STATS : ကြံ့ခိုင်မှုသာ ပြည့်ဝနေရင် ဘာမှကို ပစ်ရက်စရာ မရှိသော နောက်ခံလူ။

Mins Played - 90
Accurate Pass - 24/26 (92%)
Chance Created - 1
Successful Dribbles - 2/3 (67%)
Tackle Won - 1/1 (100%)
Blocks - 2
Clearances - 2
Headed Clearances - 2
Recoveries - 3
Ground Duels Won - 3/6 (50%)
Aerial Duels Won - 2/2 (100%)

EG

အာဆင်နယ် အသင်းအတွက် ပထမဆုံးရာသီမှာ ပြိုင်ပွဲစုံ ဂိုး ၂၀ အထက် သွင်းနိုင်တာ ကစားသမား ၃ ယောက်ပဲ ရှိပါသေးတယ်။

အွန်နရီ ၁၉၉၉/၂၀၀၀
ဆန်းချက်ဇ် ၂၀၁၄/၁၅
ယောကရက်စ် ၂၀၂၅/၂၆

OB1

🔴🗣️ LEGEND's TALK!

" အာဆင်နယ်က တိုက်စစ်မှူးတဦး လိုအပ်နေတယ် ဆိုတာကို ကျွန်တော် ပြောခဲ့တာ နှစ်ပေါင်း တော်ကြာပါပြီ။ အခု တိုက်စစ်မှူးတယောက် ရလာတော့လည်း လူတွေက သိပ်မကောင်းပါဘူးလို့ ပြောနေကြပြန်ရော။ "

" ဒါပေမဲ့ ယောကရက်က ဒီရာသီမှာ ပြိုင်ပွဲစုံသွင်းဂိုး (၂၁) ဂိုးအထိ သွင်းထားပြီးပါပြီ။ အဲဒီထဲကမှ (၁၄) ဂိုးက ပရီးမီးယားလိဂ်သွင်းဂိုးတွေ ဖြစ်နေတာကို ကြည့်လိုက်ရင် သူ့တာဝန်သူ ကျေနေတာကို မြင်နိုင်ပါတယ်။ "

" သူ ဖူလ်ဟမ်နဲ့ပွဲမှာ ပြသသွားတဲ့ ခြေစွမ်းမျိုးကို ရှေ့လာမဲ့ပွဲတွေမှာလည်း ဆက်ပြီးတော့ ပြသနိုင်လိမ့်မယ်လို့ ကျွန်တော် ယုံကြည်ပါတယ်။ "

" ခင်ဗျားတို့က ပြောကြမယ်။ သူက အသင်းငယ်လေးတွေကိုပဲ ဂိုးသွင်းနိုင်တာပါဆိုပြီး။ ဒါပေမဲ့ အဲဒီလို သွင်းနိုင်တာမျိုးကပဲ အာဆင်နယ်လိုအပ်နေတဲ့ အရာ ဖြစ်ပါတယ်။ "

" ကျွန်တော်တို့အသင်းက ထိပ်တန်း (၆) သင်းလောက်နဲ့ ကစားတဲ့ပွဲတွေမှာ ဂိုးရဖို့ ပူပန်စရာမလိုတဲ့အသင်းပါ။ ဖူလ်ဟမ်လိုအသင်းမျိုးနဲ့ ကစားတဲ့ပွဲတွေမှာသာ ဂိုးသွင်းနိုင်ဖို့ အမြဲ ခက်ခဲနေခဲ့တာ ဖြစ်ပါတယ်။ "

" အခုတော့ ယောကရက်က ဒီပြဿနာကို ဖြေရှင်းပေးလိုက်ပါပြီ။ "

- အီယန်ရိုက်

Ref : Metro
EG

ပိုလန်သားကြီး ယာကု ခီဗီယောကတော့ ပေါ်တိုအသင်းနဲ့အတူ ပေါ်တူဂီလိဂ် ချန်ပီယံ ဖြစ်သွားခဲ့ပါပြီ။

Congratulations ပါ ခီဗီယောရေ ...

ပေါ်တိုဟာ အသက် (၂၆) နှစ်သားကို အပြီးသတ် ခေါ်ယူသွားမယ်လို့လည်း သိရပါတယ်။

EG

“ဒါဖြစ်လာတော့မယ်လို့ ကျွန်တော်ပြောခဲ့တယ်”

“Everton က ကျွန်တော့်ရဲ့ကလပ်ပါ၊ ကျွန်တော်မွေးဖွားရာဇာတိပါ၊ အဲဒါက ဘယ်တော့မှ မပြောင်းလဲပါဘူး။ City နဲ့ ၃-၃ ရလဒ်အတွက် သူတို့ကြိုးစားနေတာကို မြင်ရတာ အရမ်းကြီးကျယ်ခန်းနားပါတယ်၊ သူတို့ အနိုင်ရနိုင်ပါတယ်၊ ဟုတ်တယ်.. သူတို့နိုင်လုနီးပါး အခြေအနေအထိ ဖန်တီးနိုင်ခဲ့တယ်။ ဒါပေမယ့် လပေါင်းများစွာကတည်းက ကျွန်တော်ပြောခဲ့တယ်၊ ရာသီတစ်လျှောက်လုံး ကျွန်တော်ပြောနေခဲ့တာပါ… ဒီ Manchester City အသင်းဟာ တချိန် ကျဆင်းသွားလိမ့်မယ်ဆိုတာ။ သူတို့ အဲဒီအဆင့်မှာ အမြဲတမ်းနေလို့မရဘူး။

Arsenal က လိဂ်ကို အနိုင်ရဖို့ ဆာလောင်နေတဲ့အသင်းလို့ ကျွန်တော်ပြောခဲ့ပြီးပါပြီ။ အခု ကျွန်တော်တို့ရှေ့မှာ ဒါတွေဟာ ဖြစ်ပျက်နေပါပြီ။

လူတိုင်းက ဒီကလပ်ကို ဝေဖန်ခဲ့ကြတာ ကြာပါပြီ။ ကျွန်တော်တို့အားလုံး ကစားသမားတွေနဲ့ မန်နေဂျာကို ဝေဖန်ခဲ့ကြပြီး အရာအားလုံးကို မေးခွန်းထုတ်ခဲ့ကြပါတယ်။ ဒါပေမယ့် အခုတော့ သူတို့က တိုက်ပွဲဝင်မှု၊ အားသာချက်ကို ပြသခဲ့ပြီး ဖလားယူဖို့ လက်တကမ်းအကွာမှာ ရှိနေပါပြီ။

ဒါကြောင့် အသင့်ပြင်ထားပါ… ဘာလို့လဲဆိုတော့ သူတို့ ဆုဖလားကို မြှောက်တဲ့အခါ ယှဉ်ပြိုင်မှုတွေ ၊ ဆူညံသံတွေ ၊ ချီးကျူးသံတွေ… ကျယ်ကျယ်လောင်လောင် ကြားရပါလိမ့်မယ်။

ဒါဖြစ်လာတော့မယ်လို့ ကျွန်တော်ပြောခဲ့တယ်”

🗣️ ဝိန်း ရွန်နီ

Ch@n-G

🔴🗣️ PUNDIT's TALK : အာဆင်နယ်ရဲ့ ကစားကွက်က အသင်းခေါင်းဆောင် အိုဒီဂ့ါဒ် မပါရင် ပိုပြီးတော့ မြန်ဆန်သွက်လက်တယ်လို့ ဂန္ထဝင်ကစားသမားကြီး သီယာရီ အွန်နရီက သုံးသပ်လိုက်ပါတယ်။

အွန်နရီရဲ့ အမြင်ကို အင်္ဂလန်ဂန္ထဝင်တိုက်စစ်မှူး ဂယ်ရီ လိုင်နီကာကလည်း ထောက်ခံခဲ့ပြီး သတိကြီးကြီး ကစားတာထက် စွန့်စားကစားတာက အခွင့်အရေးတွေ ပိုဖြစ်လာစေတတ်တယ်လို့ ဆိုပါတယ်။

လိုင်နီကာက " ဖူလ်ဟမ်နဲ့ပွဲက အာဆင်နယ်က ဒီရက်သတ္တပတ်တွေထဲမှာ ကျွန်တော်တို့ မြင်ခဲ့ရတဲ့ အာဆင်နယ်နဲ့ ကွဲပြားခြားနားတယ်လို့ ထင်ပါတယ်။ "

" ကျွန်တော် တခု ပြောချင်ပါတယ်။ အိုဒီဂါ့ဒ်အပြင် ဇူဘီမန်ဒီလည်း ဒီလိုပါပဲ။ ဒါက ဇူဘီမန်ဒီကို အထင်သေးတာတော့ မဟုတ်ပါဘူး။ ဒါပေမဲ့ သူက တော်တော်လေးကို သတိကြီးတဲ့ ကွင်းလယ်ကစားသမား ဖြစ်ပါတယ်။ ဘောလုံးရရင် လုံခြုံမှုကိုပဲ ဦးစားပေးတော့ နောက်ပြန်ပေးပို့မှုတွေပဲ များပါတယ်။ "

" အရင်လို ဘယ်‌နောက်ခံလူနေရာကနေ ကွင်းလယ်ထဲ ဝင်ကစားတာ မဟုတ်တော့ဘဲ ကွင်းလယ်ကစားသမားစစ်စစ်အဖြစ် ကစားခွင့် ရခဲ့တဲ့ စကယ်လီကတော့ ဘောလုံးလက်ခံတာနဲ့ ရှေ့ကိုပဲ ကြည့်ပြီး လျင်လျင်မြန်မြန် လှုပ်ရှားတတ်ပါတယ်။ "

" ဒါကြောင့်ပဲ အာဆင်နယ်တိုက်စစ်က သွက်လက်ဖြတ်လတ်သွားတာပါ။ ဘူကာရို ဆာကာတို့လို တောင်ပံတိုက်စစ်ကစားသမားတွေကလည်း ရှေ့ကိုပဲ တိုးကစားချိန် များများစားစား ရသွားတာပါ။ စကယ်လီကြောင့် ခြားနားချက်တွေ အများကြီး ဖြစ်သွားတာပါ။ " ‌ဆိုပြီး ပြောသွားတာပါ။

- KP
Ref : The Rest is Football
Photo : X

🔴🗣️ PUNDIT's TALK : ဘိုင်ယန်မြူးနစ်နဲ့ မန်ယူကွင်းလယ်ကစားသမားဟောင်း အိုဝင် ဟားဂရေ့ဗ်ကတော့ ဒီနှစ် ချန်ပီယံလိဂ် ဗိုလ်လုပွဲမှာ အာဆင်နယ်က အောက်အသင်း ဖြစ်ပေမဲ့ ချန်ပီယံဖြစ်ဖို့ အခွင့်အရေး အပြည့်အဝ ရှိ‌နေတယ်လို့ ယုံကြည်နေပါတယ်။

ဟန်ဂေရီနိုင်ငံရဲ့ မြို့တော် ဘူဒါပတ်စ်မှာ ကစားမဲ့ ဒီပွဲဟာ PSG အသင်းရဲ့ တိုက်စစ်နဲ့ အာဆင်နယ်ရဲ့ ခံစစ်ခိုင်မာမှုတို့ အားပြိုင်မဲ့ပွဲ ဖြစ်လိမ့်မယ်လို့ အားလုံးက သုံးသပ်နေကြတာပါ။

ချန်ပီယံအဖြစ်တော့ လက်ရှိ ချန်ပီယံဖြစ်တဲ့ PSG အသင်းကိုပဲ အလေးပေးမှုတွေ ပိုများနေပေမဲ့ အိုဝင် ဟားဂရေ့ဗ်က အာဆင်နယ်မှာသာ ယုံကြည်မှုရှိရင် ဘာမဆို ဖြစ်နိုင်တယ်လို့ မှတ်ချက်ပြုခဲ့တာ ဖြစ်ပါတယ်။

" ‌ဒါက မေးနေစရာတောင် မလိုပါဘူး။ အာဆင်နယ်အသင်းမှာလည်း အခွင့်‌အရေး အပြည့်အဝ ရှိနေပါတယ်။ သူတို့အသင်းရဲ့ ခံစစ်အစုအဖွဲ့နဲ့ သူတို့အသင်းရဲ့ ဂိုးသမားနဲ့တင်ကို အရမ်းကောင်းနေပါပြီ။ "

" ကွင်းလယ်ခံစစ်နေရာမှာ ကစားနေတဲ့ ဒက်ကလန် ရိုက်စ်ကလည်း လက်ဖျားခါစရာကောင်းတဲ့ စွမ်းရည်မျိုးနဲ့ ကစားပြနေပါတယ်။ ဒါကြောင့် ဒီပွဲက စိတ်ဝင်စားဖို့ ကောင်းနေပါတယ်။ "

ဟားဂရေ့ဗ်က " PSG အသင်းက ဘိုင်ယန်မြူးနစ်နဲ့ပွဲကထက်ပိုပြီး တိုက်စစ်ကစားလာမှာ သေချာပါတယ်။ ဒါပေမဲ့ သူတို့ရင်ဆိုင်ရမှာက အာဆင်နယ်အသင်း ဖြစ်ပါတယ်။ "

" အာဆင်နယ်အသင်းဟာ ပြီးခဲ့တဲ့ သုံး‌လေးပတ်တုန်းကနဲ့ မတူတဲ့ အသင်းမျိုး ဖြစ်နေပါပြီ။ ခြေစွမ်းယိမ်းယိုင်ခဲ့တဲ့ ကာလတွေကို သူတို့ ‌ကျော်ဖြတ်နိုင်ခဲ့ပါပြီ။ အခုတော့ သူတို့မှာလည်း ယုံကြည်မှုတွေ ရှိနေပြီ ဖြစ်ပါတယ်။ "

" ဒါက အရေးကြီးပါတယ်။ အာဆင်နယ်မှာ အခွင့်အရေး ရှိနေတာပါ။ ချန်ပီယံလိဂ်ဖလားကို အရယူနိုင်ဖို့အတွက် သူတို့လိုအပ်မှာက ယုံကြည်မှုတခုတည်းပါပဲ။ " လို့ ပြောပါတယ်။

- KP
Ref : TNT Sports
Photo : X

🔴🗣️ FORMER GUNNER's TALK!

" ကျွန်တော့်အတွက်တော့ မီခေးလ်က အရမ်းထူးခြားတဲ့ပုဂ္ဂိုလ် ဖြစ်ပါတယ်။ သူမပါဘဲနဲ့ ဒီနေ့ ကျွန်တော် ဖြစ်မလာနိုင်သလို ကျွန်‌တော့်အနေနဲ့ အခုလို အဆင့်အတန်းမျိုးမှာလည်း ရှိမနေနိုင်ပါဘူး။ "

" မီခေးလ်ကြောင့်သာ ကျွန်တော့်အနေနဲ့ ဘောလုံးကို မတူခြားနားတဲ့ နည်းလမ်းတွေနဲ့ ချဉ်းကပ်တတ်အောင် သင်ယူခဲ့ရတာ ဖြစ်ပါတယ်။ "

" ကစားသမားတဦး ကွင်းထဲမဝင်ခင်မှာ သူ့ရဲ့ ပြင်ဆင်ပေးမှုတွေက အရမ်းကောင်းပါတယ်။ ကွင်းထဲမှာ မျက်လုံးမှိတ်ထားရင်တောင်မှ ပြိုင်ဘက်က ဘယ်နေရာမှာ ရှိနေမလဲ ... အသင်းဖော်တွေက ဘယ်နေရာမှာလဲဆိုတာ သိနိုင်ပါတယ်။ "

" ကျွန်တော်ကတော့ ဒီနှစ် ပရီးမီးယားလိဂ် ချန်ပီယံဆုအတွက် အာဆင်နယ်ကိုပဲ အားပေးသွားမှာ ဖြစ်ပါတယ်။ ဒီနှစ်တရာသီလုံး ကြိုးစားခဲ့ကြတဲ့ ကစားသမားတွေနဲ့ နည်းပြအဖွဲ့အတွက် ကျွန်တော် အားပေးနေတာပါ။ "

" ကျွန်တော်တို့အားလုံး ပွင့်ပွင့်လင်းလင်းပဲ ပြောလို့ရပါတယ်။ အာဆင်နယ်ဟာ ချန်ပီယံဆုနဲ့ ထိုက်တန်ပါတယ်။ "

- ဂရာနစ် ချာကာ

Ref : Football London
EG