ညာခြမ်းမှာ ထောင့်ကန်ဘောရပြီဆိုရင် မာဒူအက်ကေက တိုက်ရိုက်ကန်မတင်ဘဲ အိုဒီဂါ့ဒ်နဲ့တွဲဆော့ပါတယ်။ ဒါမျိုးကို ပွဲအစကတည်က လုပ်ခဲ့တာပါ။ မာဒူအက်ကေကနေ အိုဒီဂါ့ဒ်ကိုပေး ... နောက်တော့ နော်ဝေသားက ဧရိယာထိပ်မှာ အသင့်စောင့်နေတဲ့ အက်ဇေကို ထပ်ဆင့်ပေးပြီး တည်ကန်ခိုင်းတာမျိုးပါ။ တကြိမ်မှာ မဂိုးဘူး ... နှစ်ကြိမ်မြောက်မှာ လွဲတယ် ... ဒါပေမဲ့ သုံးကြိမ်မြောက်မှာတော့ အိုဒီဂါ့ဒ်မဟုတ်တော့ဘဲ ဟားဗက်ဇ် ခင်းပေးတဲ့ ဘောလုံးကို အက်ဇေက လှလှပပ ကန်သွင်းယူပြီး အာဆင်နယ်အတွက် ဦးဆောင်ဂိုး ဖြစ်စေခဲ့ပါတယ်။ တကယ်ကိုပဲ ကောင်းလွန်းလှတဲ့ စီမံချက်ဝင် သွင်းဂိုးတဂိုး ဖြစ်ပါတယ်။

အဲဒီနောက်မှာ ဒဏ်ရာပြဿနာတွေ၊ ပွဲပယ်တွေနဲ့ အားနည်းနေတဲ့ နယူးကာဆယ်ကို ဆက်လက် ထိုးဖောက်နိုင်ခဲ့ပြီး သေချာပေါက် ဂိုးသွင်းခွင့်တွေ ဖြစ်လာသင့်တဲ့ အခွင့်အရေးတွေ ရခဲ့ပါတယ်။ ဒါပေမဲ့လည်း ညာခြမ်းက မာဒူအက်ကေက အရှိန်အဟုန်ကောင်းနေတဲ့ တိုက်စစ်မှာ ငုပ်ကောင်လို ဖြစ်နေခဲ့တာကြောင့် အများစုက အလဟသ ဖြစ်သွားခဲ့တာပါ။ နယူးကာဆယ်ကတော့ တိုနာလီ၊ ဂီမာရက်စ်တို့ရဲ့ ကွင်းလယ်နဲ့ ရုန်းတော့ ရုန်းပေမဲ့ တိုက်စစ်ပိုင်းက အရန်ကစားသမားတွေချည်းဆိုတော့ ထိုးဖောက်သမျှ သိပ်တော့ အရာမထင်ခဲ့ပါဘူး။ တိုနာလီရဲ့ အဝေးကန်ချက်တကြိမ်ကိုလည်း ဂိုးသမားရေယာက ပိုင်ပိုင်နိုင်နိုင် ကာကွယ်သွားနိုင်ခဲ့ပါတယ်။

အာဆင်နယ်အတွက် ကံဆိုးတာဆိုလို့ ပထမပိုင်းမှာတင်ပဲ ဟားဗက်ဇ် ဒဏ်ရာရသွားတာပါ။ ထိမိခိုက်မိလို့ ဒဏ်ရာရတာမျိုး မဟုတ်ဘဲ တဦးတည်း နေရင်းထိုင်ရင်း ဒဏ်ရာရသွားတာကြောင့် စိုးရိမ်ရပါတယ်။ ဟားဗက်ဇ် မျက်နှာကြည့်ရတာလည်း သိပ်မကောင်းပါဘူး။ ဒဏ်ရာမပြင်းပါစေနဲ့လို့သာ ဆုတောင်းရမှာပါ။ အဲဒီနောက် ယောကရက်ရှ် ဝင်လာခဲ့ပြီး ပွဲဆက်ခဲ့ပေမဲ့ ပထမပိုင်းမှာတော့ ဂိုးထပ်မရခဲ့ပါဘူး။

ပထမပိုင်း ဟာဗက်ဇ် ဒဏ်ရာရလို့ ထွက်သွားအပြီး တဖြည်းဖြည်းကျလာတဲ့ အာဆင်နယ်တိုက်စစ်ဟာ ဒုတိယပိုင်းမှာ အက်ဇေလည်း ထပ်နာသွားအပြီးမှာတော့ ရုန်းကန်ရတဲ့အဖြစ်ကို ရောက်ခဲ့ပါတယ်။ အစောကတည်းက ငုပ်ကောင်ဖြစ်နေတဲ့ မာဒူအက်ကေ၊ အသင်းနဲ့ချိတ်ဆက်ကစားနိုင်မှု အားနည်းတဲ့ ယောကရက်ရှ်နဲ့ တခါတလေမှသာ ဘရာဇီးလ်သား ပီသတဲ့ မာတင်နယ်လီတို့နဲ့ အကောင်းဆုံးပုံစံမရသေးတဲ့ အိုဒီဂါ့ဒ်တို့ အစုအဖွဲ့ကို ကြည့်ရတာ တော်တော်ဆိုးပါတယ်။

ဒုတိယပိုင်းမှာတော့ နယူးကာဆယ်ကတောင်မှ တိုက်စစ်ကစားနေပြီး အာဆင်နယ်ကတော့ ထုံးစံအတိုင်းပဲ ခံစစ်စိတ်ပဲ ဝင်သွားခဲ့ပါတယ်။ ဝစ်ဆာ၊ ဘန်းစ်နဲ့ ဗော်တီမာဒါတို့ ဝင်လာပြီးနောက်ပိုင်းမှာ နယူးကာဆယ်တိုက်စစ်က ပိုလှုပ်လာနိုင်တာ တွေ့ရပါတယ်။ ဒါပေမဲ့ တန်ပြန်တိုက်စစ်ကနေတဆင့် ယောကရက်ရှ် လွတ်ထွက်သွားတဲ့တကြိမ်မှာ နယူးကာဆယ်ဂိုးသမား နစ်ပုတ်က ဧရိယာပြင်ပအထိ ထွက်ဆွဲခဲ့ပေမဲ့ ကွင်းလယ်ဒိုင်ကရော VAR ဒိုင်ကပါ အဝါကဒ် ပြစ်ဒဏ်သာ သတ်မှတ်ပေးခဲ့တာကတော့ ရုပ်ပေါက်လွန်းခဲ့တယ်။ နစ်ပုတ်သာမတားဘူးဆိုရင် ယောကရက်ရှ်က သေချာပေါက် ဂိုးသွင်းလို့ရတဲ့ အနေအထားတခုကို ပိုင်ဆိုင်သွားမှာပါ။ ဒါပေမဲ့လည်း ဒိုင်တွေရဲ့အမြင်မှာတော့ ဒါက အဝါကဒ်ပြစ်ဒဏ်ပါပဲတဲ့။

အာတေတာရဲ့ နောက်ထပ် လူစားလဲမှုတွေကို မိနစ် (၈၀) မှသာ မြင်တွေ့ခဲ့ရပြီး ဒီတခါမှာတော့ ဆာကာနဲ့ စကယ်လီတို့ ဝင်လာခဲ့ပါတယ်။ အလုပ်မဖြစ်တဲ့ မာဒူအက်ကေကို ဆာကာနဲ့ လဲခဲ့သလို ဇူဘီမန်ဒီအစား စကယ်လီကိုထည့်ပြီး ကွင်းလယ်ကစားခိုင်းခဲ့တာပါ။ အဲဒီနောက်မှာမှ အာဆင်နယ်အခွင့်အရေးအချို့ ထပ်ရခဲ့ပါတယ်။ ဒါပေမဲ့ ဆာကာရဲ့ ကန်ချက် လွဲချော်ခဲ့သလို အိုဒီဂါ့ဒ်ရဲ့ ဧရိယာထိပ်က ကန်ချက်ကိုလည်း နစ်ပုတ်က ပုတ်ထုတ်သွားခဲ့ပါတယ်။

ကစားပုံကတော့ နောက်ထပ်ဂိုးရဖို့ထပ် ပွဲအမြန်ပြီးဖို့ကိုသာ ဆုတောင်းခဲ့ရတဲ့ ကစားပုံပါပဲ။ ကိုယ့်ဘက်က ရေယာလည်း ကောင်းနေလို့သာ ခံသာခဲ့ရတာဖြစ်ပြီး ဒုတိယပိုင်းတပိုင်းလုံး ကစားသွားတဲ့ပုံစံကတော့ လက်ခံနိုင်စရာတောင် မရှိပါဘူး။ ပွဲပြီးကာနီးမှာ ယောကရက်ရှ် အလွတ်အကျွတ် အခွင့်အရေး ရပေမဲ့ ဆာကာကို ချိုးပေးရာမှာ လိုအပ်ချက်တွေ ရှိသွားခဲ့လို့ အဟောသိကံပဲ ဖြစ်သွားခဲ့ရပါတယ်။

ကွင်းလယ်ဒိုင် ခရာမှုတ်ချိန်မှာတော့ နိုင်ပွဲတပွဲ ဖြစ်လာခဲ့ပေမဲ့ တော်တော်လေး ရုပ်ဆိုးအကျည်းတန်တဲ့နိုင်ပွဲလို့ပဲ ပြောရပါမယ်။ ချန်ပီယံအိပ်မက် ရှေ့ဆက်နိုင်ခဲ့ပေမဲ့ ခြေစွမ်းပိုင်းကတော့ ချန်ပီယံဆုနဲ့ ထိုက်တန်ခြင်း မရှိတာကြောင့် လာမဲ့ပွဲတွေမှာ ဒီထက်ပိုပြီး ကြိုးစားအားထုတ်ပြမှပဲ ရပါလိမ့်မယ်။

Samper Fidelis
Photo : X

အသင်း ဖလား မရမှာ ကြောက်တာလား / အလှောင်ခံရမှာ ကြောက်တာလား။

###############

မိတ်ဆွေ
အဲဒီမေးခွန်းလေးကို ကိုယ့်ကိုကိုယ်ပဲ ပြန်မေးကြည့်ပါ။

အရင်ကဆို ဘောလုံးအသင်းတစ်သင်းကို အားပေးရတာ အခုကာလလောက် မလောင်မြိုက်ရဘူးမလား။
ရှုံးကာမှ ရှုံးစေတော့၊ မလောင်မြိုက်ရဘူးလေ။
ဘာလို့လည်းဆိုတော့ အခုလို ဆိုရှယ်မီဒီယာတွေ မရှိသေးဘူး။

တီဗီက လာတဲ့ ဘောပွဲကြည့်တယ်၊ မပြရင် မကြည့်ရဘူး၊ တစ်ခါတစ်လေ စနေ တနင်္ဂနွေမှာ ၅ သုံးလုံး စီးကရက်က စပွန်ဆာနဲ့ပြတဲ့ ဟိုက်လိုက်တွေ ကြည့်မယ်။ အားပေးမယ်။ ဘယ်မှာမှ မကြည့်ရရင် ဂျာနယ် ဝယ်ဖတ်မယ်။ လက်ဖက်ရည်ဆိုင်မှာ၊ ကျောင်းမှာ ပြောကြမယ်။

ဟုတ်တယ်မလား။
အခုလို ပြောနေလို့ အရင်ကပွဲ မကြည့်ဖူးပဲ ပြောနေတယ် ထင်ကြမယ်။ ကျွန်တော်ဆို ၁၉၉၈ ကတည်းက အာဆင်နယ်ကို အားပေးလာတာ။ နှစ်ပေါင်း ၂၈ နှစ်ရှိပြီ အားပေးလာတာ။ အနိမ့်အမြင့် မျိုးစုံကို ဖြတ်သန်းခဲ့ဖူးတယ်။

ဖလားမရတာ ကြာတာလည်း ဟုတ်ပါတယ်။
ကစားပုံ မကောင်းတာလည်း ဟုတ်တယ်။
မျှော်လင့်ချက်က ယိုင်နဲ့နဲ့ပဲ ကျန်တော့တာလည်း ဟုတ်တယ်။
ဒါတွေက ငြင်းမရဘူး။

ဒါပေမယ့် အခုက peer pressure တွေ အရမ်းများတယ်။ Troll page တွေက လှောင်တာပြောင်တာ တင်တယ်။ အဲဒါတွေကို မခံစားနိုင်ကြဘူး။

မိတ်ဆွေ ပြန်တွေးကြည့်နော်။
အာဆင်နယ် တစ်ပွဲရှုံးသွားရင် စိတ်ထဲ အရင်ရောက်လာတာက "လေတိုက်ခံရတော့မှာပဲ" ဆိုတာပဲ မဟုတ်လား။ အဲဒါကို အရမ်းကြောက်တယ်၊ ဒေါသထွက်တယ်၊ ပူလောင်တယ်။ ဘယ်သူ့ဆဲရမှန်း မသိတော့ AM ကို ဘူတာဆိုက်လာတယ်။

AM ဆိုမှ ကျွန်တော်လည်း ပြောရဦးမယ်။ စိတ်ဆိုးလည်း မတတ်နိုင်ဘူး။
AM admin တွေထဲမှာ အမျိုးမျိုးရှိကြတယ်။
ပြောပြမယ်နော်။
ဘယ်နည်းပြတက်တက် မျက်စိမှိတ်ထောက်ခံမယ်ဆိုတဲ့ အက်မင်တွေ ရှိသလို၊
ဆဲစရာရှိ ကိုယ့်အသင်းကို ဦးအောင် ဆဲချင်တဲ့ အက်မင်လည်း ရှိတယ်။
မလုပ်မရှုပ် မပြုတ် သတင်း တင်စရာရှိတာ တင်ပြီး ဘာမန့်မှ မဖတ်ပဲ ခံစားမနေတဲ့ အက်မင်လည်း ရှိသလို၊
ရှိသမျှ မန့်တွေဖတ်ပြီး ထိုင်ခံစားနေတဲ့ အက်မင်လည်း ရှိတယ်။ လူအမျိုးမျိုး စိတ်အထွေထွေပေါ့လေ။ ဆိုတော့ကာ လူတွေက သဘောတိုက်ဆိုင်တာလည်း ရှိသလို မတိုက်ဆိုင်တာလည်း ရှိမယ်။

ခုနကပြောတဲ့ တစ်ခြားပရိသတ်တွေ လှောင်တာ ပြောင်တာကို မခံစားနိုင်၊ ပြန်ပြောလို့လည်း မရ၊ အသင်းကလည်း ချိုမိုင်မိုင်ဖြစ်၊ နဂိုကမှ ဘဝကြီးက ပျော်နေဖို့ မကောင်းချိန် အာဆင်နယ်ကပါ ပေါင်းနှိပ်စက်တော့ စိတ်ဒေါသတွေကို ဘယ်ကို ပုံချရမယ် မသိဖြစ်၊ နောက်ဆုံးတော့ AM ကို ပြန်ရောက်လာ၊ နည်းပြကို ထောက်ခံတဲ့ အက်မင်ကို ဆဲရမှာပဲဆိုပြီး "ဟိုအက်မင် ရှိလား၊ ဒီ အက်မင် ရှိလား၊ အခု ထုတ်ပေး" စသဖြင့် တရားခံ ထုတ်ခိုင်းသလို ဆွဲထုတ်ပြီး ဆဲချင်စိတ်လေးတွေက တဖွားဖွားပေါ်လာ။ အဲဒီမှာ စိတ်ဆတ်တဲ့အက်မင်တစ်ယောက်ယောက်က မန့်ဖတ်ရင်း ပြန်ပြော၊ နောင်ဂျိန်တွေ ပလေး။ ဒီလို ပြောလို့ အက်မင်တွေလည်း အမြဲမှန်တယ်လို့ ပြောနေတာ မဟုတ်ဘူးနော်။ လူက အမျိုးမျိုး မလား။ Audience handle လုပ်တာ လိုအပ်ချက်တွေ ရှိနေတာလည်း အမှန်ပဲ။

ပြီးတော့ ဘာလို့ အမှိုက်တွေကို ခေါင်းထဲ အထည့်ခံကြတာလဲဟင်။ ခင်ဗျားတို့ စိတ်ရှုပ်သွားအောင်၊ ခင်ဗျားတို့ရဲ့ ရက်သတ္တပတ်ကို Negativity တွေနဲ့ စသွားအောင် တစ်ခြား ပရိသတ်တွေ၊ Troll page တွေက အမှိုက်တွေ ခေါင်းထဲ လာထည့်တာကို ဘာလို့ ကျေကျေနပ်နပ်ကြီး ပွေ့ပိုက်ထားတာတုန်း။ ၁၅၀၀ တန် SIM card လေး တစ်ကဒ်နဲ့ ဖုန်းဘေလေး တစ်သောင်းဖိုးလောက် ဖြည့်ပြီး လူတကာ စိတ်သောကရောက်အောင် တစ်ရာဖိုး ၃ ပုဒ် ရေးနေတဲ့လူတွေက မိတ်ဆွေတို့ ခေါင်းထဲကို အမှိုက်သွန်ထည့်နေတာကို လက်ခံပြီး ပူလောင်နေကြဦးမှာလား။ EQ အရမ်း အရေးကြီးတယ်နော် မိတ်ဆွေ။

ဥပမာဗျာ။ ညက ထောင့်ကန်ဘောကနေ ၁၇ ဂိုးရလို့ record အနေနဲ့ တင်တယ်။ အရမ်းကြောက်ကြတယ်၊ လာဆဲကြတယ်။ Corner FC လို့ အပြောခံရမှာ ကြောက်တဲ့ စိတ်တွေနဲ့ အကန်တွေ မန့်ကြတယ်။ ပုံမှန် ပရိသတ်ဆို Fact အနေနဲ့ လက်ခံလိုက်မှာပဲ။ ကျွန်တော်တို့ကလည်း ဒါကို ဂုဏ်ယူပြီး ပြောပြပေးနေတာ မဟုတ်ဘူး။ Just fact ပဲလေ။ နော်။ အဲဒါကိုက ကိုယ့်အသင်းကို အားပေးတာလား၊ အတိုက်အခိုက်ခံရမှာ ကြောက်နေတာလား မသဲကွဲတာ။

အခု ယူကေက ပရိသတ်တွေဆို တော်တော်ညီကြတယ်။ အသင်းနောက်ကနေ မားမားမတ်မတ် ရပ်တည်ပြီး အားပေးကြတယ်။ ပြောစရာရှိ ပြော၊ ဆိုစရာရှိဆို ပေမယ့် အားပေးတာတော့ မလျော့သွားဘူး။

ဆိုတော့ဗျာ။ အခု မိတ်ဆွေတို့ ကြိုက်ကြိုက် မကြိုက်ကြိုက် လိဂ် ၄ ပွဲ၊ ချန်ပီယံလိဂ် ၂ ပွဲ သို့မဟုတ် ၃ ပွဲ ထပ်ကန်စရာရှိမယ်။ ဒါပြီးရင် ရာသီ ပြီးပြီ။

ဖလား မရတာလည်း ဖြစ်နိုင်သလို
ရတာလည်း ဖြစ်နိုင်တာပဲ။

ဘာတွေ မျှော်လင့်နေတာလဲလို့ လာမေးရင်တော့ မျှော်လင့်လို့ ရသေးသရွေ့ မျှော်လင့်မိတာ အပြစ်တော့ မဟုတ်ပါဘူး။ အားပေးကြပါ၊ အသင်းကို အားပေးကြပါ၊ လှောင်တာတွေ ပြောင်တာတွေ မေ့ထားလိုက်ပါ၊ လိုအပ်နေချိန် အသင်းနောက်ကနေ ရပ်တည်ပြီး အားပေးလိုက်ရအောင် မိတ်ဆွေ။

ဆင်ပျံကြီး
စည်သူလွင်
အောင်မင်္ဂလာအသင်း
စတုတ်စီးတီးအသင်း
ကော်နာ အက်ဖ်စီ
စသဖြင့် လှောင်သံတွေကြောင့်
ကိုယ်ချစ်တဲ့ အာဆင်နယ်ကို မမြင်တော့ပဲ
ပူလောင်နေကြရတာပါ။

ဘဝကြီးက တိုပါတယ်ဗျာ။
ကိုယ်သဘောကျတဲ့ အသင်းကိုပဲ focus ထားပြီး အားပေးကြတာပေါ့ဗျာ။

It isn’t easy being a Gooner ပါ။

OB1

🏆 STANDINGS!

ပရီးမီးယားလိဂ်ပွဲစဉ် (၃၄) စနေနေ့ညပွဲစဉ်တွေအပြီး Top 2

ဂိုးသေချာပေါက်ရမယ့် အခွင့်အရေးကို ခုလိုတားဆီးတဲ့သူ နေရာမှာ အာဆင်နယ်က ဒေးဗစ် ရာယာသာဆို သေချာပေါက် အနီပါပဲ။

VAR က ပြန်ကြည့်ပေးတာ မကြည့်တာလား မမဆောင်း လုပ်သွားသေး။

မပေးသင့်တဲ့အလုံးလည်း ပေး။ ပေးသင့်တာကြ မပေးလို့ ပေါက်ကွဲတဲ့ ရိုက်စ်ကို အဝါပြလိုက်သေး။

115 မှုကြီးကို မုဆိုးမလေး မဂဂ်ါဇာတ်ထက် ပိုရှည်အောင်ဆွဲနေကြတာ အံ့အောစရာမှ မဟုတ်တော့တာ။

အဲလို ၁၂ ယောက်နဲ့ ကစားရမယ့် ပွဲတွေ လာဦးမှာ။ ကိုယ့်ဂန်းနားတွေ ပါးပါးနပ်နပ်နဲ့ ရှောင်နိုင်ဖို့ပဲ အရေးကြီးတယ်။

GDN@
Photos credit

🔴 TEAM NEWS : ညကပွဲမှာ ဟားဗက်ဇ်နဲ့ အက်ဇေတို့ကို ဒဏ်ရာတွေကြောင့် လူစားလဲခဲ့ရပေမဲ့ အသေးစား ကြွက်သားနာကျင်မှုဒဏ်တွေသာ ဖြစ်ကြောင်း နည်းပြ အာတေတာက အတည်ပြုသွားပါတယ်။

အထူးသဖြင့် ပထမပိုင်းမှာတင် လူစားလဲခဲ့ရတဲ့ ဟားဗက်ဇ်က အဝတ်လဲခန်းထဲကို စိတ်မသက်မသာနဲ့ တန်းဝင်သွားခဲ့တာကြောင့် ပိုပြီးတော့ စိုးရိမ်စရာ ဖြစ်ခဲ့တာပါ။

ဒါပေမဲ့ ဟားဗက်ဇ်ရဲ့ ဒဏ်ရာက ရက်အနည်းငယ်လောက်ပဲ အနားယူရမဲ့ ဒဏ်ရာမျိုး ဖြစ်တယ်လို့ နည်းပြ အာတေတာက အတည်ပြုခဲ့သလို ဂျာမန်သားဟာ ပွဲအပြီးမှာလည်း ပရိသတ်တွေနဲ့အတူ ဓာတ်ပုံရိုက်ကူးခဲ့တာကို တွေ့ရတာကြောင့် အဆင်ပြေနေတဲ့ပုံပါပဲ။

အက်‌ဇေကတော့ ပွဲအပြီး သတင်းစာရှင်းလင်းပွဲမှာကို သူကိုယ်တိုင် " ကျွန်တော် အဆင်ပြေပါတယ်။ ဒါက ကြိုတင်ကာကွယ်မှုသပ်သပ်ပါ။ " ဆိုပြီး ပွင့်ပွင့်လင်းလင်းပဲ ပြောသွားခဲ့ပါတယ်။

ဒါကြောင့် အက်ဇေကို အက်သလက်တီကိုပွဲမှာကို ပြန်မြင်ရနိုင်ပြီး ဟားဗက်ဇ်ကတော့ ဖူလ်ဟမ်နဲ့ပွဲကို မလွဲဘူးလို့ ယုံကြည်ရပါတယ်။

- KP
Ref : Sky Sports
Photo : X

🔴🗣️ MANAGER's TALK!

" နစ်ပုတ်ကို ဘာကြောင့် အနီကဒ် မပြသလဲတော့ ကျွန်တော်လည်း မသိပါဘူး။ ဒိုင်တွေမှာလည်း သူတို့အမြင်နဲ့သူတို့ ရှိနိုင်ပါတယ်။ ကျွန်တော်ကတော့ ဒီမှာ ကျွန်တော့်အမြင်ကို ပြောရမှာပေါ့။ "

" ကျွန်တော်က ဘောလုံးလောကထဲမှာ ဖြတ်သန်းနေခဲ့ရတာ ကြာပါပြီ။ နစ်ပုတ်နဲ့ ယောကရက်တို့ ဖြစ်သွားတဲ့အခြေအနေကို ဘယ်လို ကစားသမားကိုမဆို သွားမေးကြည့်လို့ ရပါတယ်။ "

" ဘောလုံးသွားတဲ့လမ်းကြောင်းရယ်၊ ဘောလုံးရှိနေတဲ့နေရာရယ်၊ ဂိုးသမားမရှိတော့တဲ့ ဂိုးပေါက်ရယ်။ ဒီအခြေအနေမျိုး အခြားတဖက်မှာ ဖြစ်ခဲ့မယ်ဆိုရင်တော့ သေချာပေါက် အနီကဒ် ဖြစ်မယ် ထင်ပါတယ်။ "

" ကျွန်‌တော်တို့ ကစားခဲ့တဲ့ နောက်ဆုံးနှစ်ပွဲရဲ့ လက်တွေ့ အခြေအနေတွေကို ကျွန်တော် ပြောနေတာ ဖြစ်ပါတယ်။ အရာအားလုံးက အရေးကြီးနေတဲ့ အခိုက်အတန့်တွေမှာ ဒီလိုမျိုးတွေ ကျွန်တော်တို့ ကြုံနေရတာပါ။ "

" ကျွန်တော်တို့လမ်းအတိုင်း ရှေ့ဆက်နိုင်ဖို့ အရာအားလုံး လိုအပ်ခဲ့ပေမဲ့ ဖြစ်မလာခဲ့ပါဘူး။ ကျွန်တော် ဆင်ခြေပေးနေတာ မဟုတ်ပါဘူး။ "

" ဒီအကြောင်းတွေကို ကျွန်တော်တို့ ရှုံးပွဲတွေ့နေချိန်မှာတောင် ကျွန်တော် မပြောခဲ့ဘူးလေ။ အခု နိုင်ပွဲရမှသာ ကြုံလို့ ပြောပြတာ ဖြစ်ပါတယ်။ "

" ဒီနေ့ပွဲကဖြစ်ရပ်ကလည်း အနီကဒ် ဖြစ်ပါတယ်။ ပြီးခဲ့တဲ့ မန်ချက်စတာက ဖြစ်ရပ်ကလည်း အနီကဒ် ဖြစ်ပါတယ်။ ဒါတွေသာ ရခဲ့မယ်ဆိုရင် အခြေအနေတွေက အများကြီး ကွာခြားသွားမှာပါ။ ကျွန်တော် ပြောချင်တာ ဒီလောက်ပါပဲ။ "

- နည်းပြ အာတေတာ

Ref : Sky Sports
EG

FULL TIME!

မမတို့ကတော့ ချန်ပီယံလိဂ် ဆီမီးဖိုင်နယ် ပထမအကျော့မှာ လီယွန်အသင်းကို အိမ်ကွင်း အမ်းမရိတ်မှာ (၂-၁) ဂိုးနဲ့ အနိုင်ရသွားခဲ့ပါတယ်။

“အာဆင်နယ် အသင်းဖော်တွေ တစ်ယောက်နဲ့တစ်ယောက် ပိုပြီး ထိန်းကျောင်းနိုင်ဖို့ လိုပါတယ်။ ဆိုလိုတာက Gyökeres က ဒီအချိန်မှာ အိုဒီဂတ်ဆီက ဘောလုံး မရတာကို ဒေါသထွက်ရမှာ အသေအချာပါ။ ဒါပေမယ့် သူ ထွက်ပြတဲ့ဒေါသက အိုဒီဂတ် သတိထားမိစေလောက်တဲ့အထိ မလုံလောက်ပါဘူး။ သူ့ရဲ့ အသင်းဖော်တွေ အဲဒီအမှားကို ထပ်မလုပ်မိအောင် ဖိအားရော တွန်းအားပါ ပေးနိုင်လောက်တဲ့အထိ ကျယ်လောင်မှု ရှိရပါမယ်။ ဒီလိုမျိုး ပြီးစလွယ် ထားလိုက်ရင် နောင်လည်း အသင်းဖော်တွေက ပေးစရာရှိတာ ပေးဖို့ မေ့လျော့နေအုံးမှာပါပဲ။ ကိုယ်တိုင်က အသင်းဖော်တွေရဲ့ အာရုံစိုက်မှုကို လုပ်ယူမှရပါလိမ့်မယ်။”

🗣️ ရွိုင်ကိန်း

Ch@n-G

TRANSFER NEWS!

နယူးကာဆယ်ကတော့ အန်တိုနီ ဂေါ်ဒွန်ကို ပေါင်သန်း (၈၀) လောက်ရရင် ရောင်းမယ်လို့ သိရပါတယ်။

လတ်တလောမှာတော့ အာဆင်နယ်ထက် ဘိုင်ယန်မြူးနစ်နဲ့ ချဲလ်ဆီးတို့က အင်္ဂလန်သားကို ပိုပြီးတော့ စိတ်ဝင်တစား ရှိနေပါတယ်။

အာဆင်နယ်ကတော့ ဂေါ်ဒွန်ကို ပစ်မှတ်စာရင်းထဲ ထည့်ထားဆဲ ဖြစ်ပေမဲ့ အဓိက ဦးစားပေးအဖြစ် ကြိုးစားသွားမလားဆိုတာကိုတော့ စောင့်ကြည့်ရဦးမယ်လို့ The Athletic က ဖော်ပြထားပါတယ်။

Ref : The Athletic
EG

TRANSFER NEWS!

ဒီသုံးယောက်စလုံးရဲ့ လမ်းခွဲကို ရာသီကုန်မှာ တွေ့ချင်တွေ့ရနိုင်ပါတယ်။

Ref : Telegraph
EG

🔴 LIFE STYLE : တိုက်စစ်မှူး ယောကရက်ဟာ သူ့ချစ်သူ မင်းသမီး အီးနက် အဂီလာနဲ့ ပြန်ပေါင်းထုပ်သွားပြီလို့ သိရပါတယ်။

ဆွီဒင်သားဟာ မနှစ်က နွေတုန်းကတော့ အာဆင်နယ်ကို ပြောင်းဖို့ပဲ အာရုံစိုက်နေချိန်မှာ ပေါ်တူဂီနဲ့ပတ်သက်သမျှ ဘာအနှောင်အဖွဲ့မှ မထားချင်တော့ဘူးဆိုပြီး အဂီလာကို လမ်းခွဲခဲ့တာ ဖြစ်ပါတယ်။

အခုတော့ ယောကရက်တယောက် လန်ဒန်မှာ အခြေကျပြီးနောက်မှာ အဂီလာနဲ့ ပြန်ဆက်ခဲ့တာ ဖြစ်ပါတယ်။

ဒါကြောင့်လည်း ပြီးခဲ့တဲ့ (၂) နှစ်ကျော်ကြာ တွဲခဲ့တဲ့ ချစ်သူနှစ်ဦးကို ဒီရက်ပိုင်းအတွင်း လစ္စဘွန်းမြို့က စားသောက်ဆိုင်တခုမှာ တူတွေ့ခဲ့ရတာပါ။

လတ်တ‌လော ပေါ်တူဂီရုပ်သံအစီအစဉ်တခုမှာ ပါဝင်နေတဲ့ အဂီလာဟာ အခုဆိုရင် လန်ဒန်မှာ အိမ်တလုံးဝယ်ဖို့တောင် စီစဉ်ထားပြီး ဖြစ်တယ်လို့ သိရပါတယ်။

- KP
Ref : Daily Mail
Photo : X

အာဆင်နယ်ဟာ အေတီကိုနဲ့ နောက်ဆုံး ၅ ကြိမ်တွေ့ဆုံရာမှာ ၂၀၁‌၈ က တကြိမ်သာ ရှုံးခဲ့ဖူးပြီး ကျန်အကြိမ်တွေမှာ ရှုံးနိမ့်ဖူးခြင်းမရှိပါဘူး။

Ch@n-G

TRANSFER NEWS!

နယူးကာဆယ်ကတော့ အန်တိုနီ ဂေါ်ဒွန်ကို ပေါင်သန်း (၈၀) လောက်ရရင် ရောင်းမယ်လို့ သိရပါတယ်။

လတ်တလောမှာတော့ အာဆင်နယ်ထက် ဘိုင်ယန်မြူးနစ်နဲ့ ချဲလ်ဆီးတို့က အင်္ဂလန်သားကို ပိုပြီးတော့ စိတ်ဝင်တစား ရှိနေပါတယ်။

အာဆင်နယ်ကတော့ ဂေါ်ဒွန်ကို ပစ်မှတ်စာရင်းထဲ ထည့်ထားဆဲ ဖြစ်ပေမဲ့ အဓိက ဦးစားပေးအဖြစ် ကြိုးစားသွားမလားဆိုတာကိုတော့ စောင့်ကြည့်ရဦးမယ်လို့ The Athletic က ဖော်ပြထားပါတယ်။

Ref : The Athletic
EG

TEAM NEWS!

အက်သလက်တီကိုမက်ဒရစ်နဲ့ပွဲမှာ ကပ္ပတိန် အိုဒီဂါ့ဒ်ကို လူစားလဲလိုက်ရတာဟာ ဒူးမှာ နာကျင်မှု ပြန်လည်ခံစားခဲ့ရတာကြောင့် ဖြစ်တယ်လို့ သိရပါတယ်။

ကပ္ပတိန်ဟာ ဒူးဒဏ်ရာကြောင့်ပဲ ဒီရာသီပွဲ တော်တော်များများကို လွဲချော်ခဲ့ရသူ ဖြစ်ပါတယ်။

ဖူလ်ဟမ်နဲ့ပွဲ ပါနိုင်မလားဆိုတာကိုတော့ ဆေးစစ်ပြီးမှပဲ သိရမှာပါ။

Ref : Simon Collings
EG

ရှေ့တပတ်က အသင်းအတွက် တော်တော်လေး အရေးပါတဲ့တပတ်ပါ။

မနက်ဖြန်မှာသာ ဖူလ်ဟမ်ကို အနိုင်ယူပြီး (၆) မှတ် ဖြတ်ထားနိုင်ရင် အယ်ဗာတန်နဲ့ မန်စီးတီး တနင်္လာနေ့ပွဲကို ဒူးနှံ့ပြီး ကြည့်ရုံပဲ။

ပြီးရင် အင်္ဂါနေ့မှာသာ ညစ်ကျယ်အသင်းကို နိုင်ခဲ့ရင် နှစ်ပေါင်း (၂၀) အတွင်း ပထမဆုံးအကြိမ် ချန်ပီယံလိဂ် ဗိုလ်လုပွဲ ပြန်တက်မယ်။

တကယ်ရင်ခုန်ရမဲ့ နေ့ရက်တွေပါပဲ။

တွေးကြည့်တော့လည်း နှစ်ပေါင်း (၂၀) ဆိုတာ ခဏလေးပဲနော်။

(၂၀၀၆) ခုနှစ် ဗိုလ်လုပွဲကြီးက အခုထိ လတ်လတ်ဆတ်ဆတ် ကျန်တုန်း။

လေးမန်း အထုတ်ခံရတာ ထားတော့ ...
ကင်းကြီးသာ အလွတ်အကျွတ်အပိုင်တွေ ဝင်ခဲ့ရင် ...
အယ်မူးနီးယားသာ ကာကွယ်ပုံတွေ ဒီထက် ကောင်းခဲ့မယ်ဆိုရင် ...

EG