Confidence! Courage! Determination! Sacrifice! Perseverance! Endurance! Mental and Physical Stamina! Dedication! Loyalty!

Above all #kaayyoo! Nothing is more gratifying than fighting for the freedom of our nation and saluting our hero ❤️✊🏾🙏🏾

My appearance on TRT World where I spoke about the humanitarian and political crisis in the country. https://youtu.be/NSe7dyaTZXE?si=4pEEyGrD5Mn2zdDN

Harargee Bahaa aanaa Qarsaa keessatti kaadirootni PP Ooyiru irra Qamadii qofaa qotuu qabdu jechuun hawaasa dararaa jiraachuun dhaga'aame

ONM-ABO Onkoloolessa 20,2023 Gochi tibba Kam nurratti ta'ee hin beekne bara bulchiinsa koloneel Abiy Ahimed keessa kaadirootaa fi loltoota sirnichi bobbaafateen nurratti gaggeeffamaa jira kan jedhan jiraattota godina Harargee Bahaa fi Harargee Lixaati.

Akka jiraattotni godina Harargee bahaa aanaa Qarsaa ganda Balaangey jedhanitti namni adeemsa sirna paartii badhaadhinaa fi akkaataa bulchiinsa isaaniitti hin bulle jiraachuu hin qabu jechuun kaadirootni PP saamicha qabeenya keenya irratti raawwachaa jiru jechuun yaada isaanii Arraata Biyyoolessa Oromiyaatti himaniiru.

Onkoloolessa 17,2023 aanaa Qarsaa keessaa namoota maqaan isaanii Musxafaa Adam, Ayimad Juundii, Magarsaa Hayyuubee, Ibsaa Abdullaxiif, Abdii Buskutee, Sharaf Abdukaaliq, Jibiriil Umar, Mohaammed Muktaaree fi Mohammed Abdullaa jedhamaniin ooyiruu keessan irraa kuduraa fi Muduraa kaasuun qamadii qofa facaasaa jechuun dirqisiisanii Kan deeman yoo ta'u, guyyoota muraasa keessatti ooyiru irraa hin kaastan taanaan adabni keessan qarshii 500 jechuun akeekkachiisanii akka deeman maddeen himan.

Godina Arsii Lixaa Aanaa Adaabbaa keessatti loltootni bilxiginnaa manneen jiraattotaa gubuun, namoota hedduus hidhuun beekame

ONM-ABO Onkoloolessa 20,2023 Sarbamiinsi mirga namoomaa dhaabbata mirga namoomaa fi Gamtaa mootummoota addunyaa jalaa dhokachuun uummata Oromoo irratti gaggeeffamaa jiru birmannaa dhabuun, yakkoota waraanaa Oromiyaa keessatti hidhattoota impaayerattiin gaggeeffamaa jiruuf haala mijataa uumee gochichi akka tarkaanfatuuf sababa ta'aa jira.

Tarkaanfii yakkaa uummata nagaa irratti fudhatamaa jiru kanaanis Onkoloolessa 17,2023 godina Arsii Lixaa Aanaa Adaabbaa ganda Akoo Kaa'eraa jedhamu keessatti waraanni PP uummata nagaatti bobba'aan manneen Jiraattotaa 10 Ibiddaan gubanii barbadeessuun, namoota 50 ol ta'aan ammoo mana hidhaatti guuruu maddeen himan.

Ilmaan Oromoo guyyaa kana qabamanii hidhamuun hiraarfamaa jiran keessaa Abdulkariim Bariisoo, Mohaammed Huseeniif Huseen Abdullaayii Abbaaf ilma dabalatee namootni gariin kanaan dura qabamanii waggaa tokkoo oliif mana hidhaa keesssatti hiraarfamaa turuu kan himan maddeen, qe'ee jiraattotaa gubuu fi namoota nagaa hidhaatti guuruu kunis Maqaa deggertoota WBOti jedhuun ta'uus dubbatan.

 
Waraanni Shororkeessaa PP Kaaba Shaggar Aanaalee hedduu meeshaa gurguddaan rukutaa jiraachuun ifoome
 
ONM-ABO Onkoloolessa 25,2023 Sirni impaayericha utubee jiru abdii murannaa guddoo keessa seenuun ollaa uummataa meeshaa gurguddaan haleeluun lubbuu namootaa akka malee baasaafi qabeenya uummataa barbadeessaa jira.
 
Kaaba Shaggar aanaalee akka Yaayyaa Gullallee, Dagam, Kuyyuu, Ada'aa Bargaa, Meettaa Roobii, Meettaa Walqixxeefi Hidhaabuu Abootee keessatti meeshaalee Akka Moortara, BM, Madfii Taankiifi Zu 23 itti dhukaasuun lubbuu namootaa balleessaa akka jiru maddeen keenya ifoomsani.
 
Akka maddeen keenya jedhanitti dhukaasni kun dhaabbataadhaan dhuka'uu kan eegaluun torbee tokko kan caale yoo ta'u, uummatnii Kaaba Shaggar akka walii galaatti rakkoo hamaa fi rifaatuu keessa akka jirus dubbataniiru.
 
Uummanni nagaan heedduun ajjeefameera, kaanis madaa'eera. Qe'eefi qabeenya isaanii dhiisanii baqataa akka jiraniifi horiin qonnaan bultootaa heedduunis haleellaa kanaan gaaga'amaa akka jirus dabalanii heeraniiru.
 
Arsii Bahaa Aanaa Shirkaa keessatti hidhamtoota mana hidhaa keessaa miliqsuun bakka buutee dhabamsiisuun himame
 
ONM-ABO Onkoloolessa 25,2023 Maqaa deggertoota WBO itti maxxansuun uummata jiruufi jireenya isaa gaggeeffatu qabanii yeroo dheeraaf murtii tokko malee erga hidhaniin booda, manneen hidhaa keessaa miliqsaa akka jiran odeessi nu dhaqqabaa jiru ni addeessa.
 
Haaluma kanaan Godina Arsii Bahaa Aanaa Shirkaa keessatti ilmaan Oromoo hirmaannaa Siyaasaa hoomaatuu hin qabne shakkiidhaan mana hidhaatti guuruun murtii tokko malee ji'oota heedduuf hidhanii rakkisaa erga turaniin booda Onkoloolessa 21,2023 mana hidhaa aanichaa keessaa baasuun bakki buusan hin beekamne jechuun maddeen keenya gabaasaniiru.
 
Ilmaan Oromoo mana hidhaa sana keessatti dararamaa turuun achi keessaa dhabamsiifaman baay'inaan 14 kan ta'an yoo ta'u, maqaan isaaniis; Muhaammad Bakaroo, Muhaammad Ahimad, Abbattii Qaasim, Ahmad Abduu, H/Fattash Aadam, Damee Aadam, Sa'iid Fatoo, Nuuree Fatoo, A/Jabbaar Gambuu,  Yuunee Huseen, Jamaal Huseen, Kamaal Kurub, Kadiir Maammaa, She Jamaal Ahimad kan jedhaman ta'uun ifoomee jira.
 
Akka aanaa Shirkaatti adda durummaan kaabinoonni dhimma kana raawwachiisaa jiran Ahimad Jamaaloo I/G W/Qonnaa, Ahimad Sh/Umaar I/G W/ bulchiinsaa fi Nageenya, I/G /W/Paartii kan ta'e Muhaammad Hajjii fi Huseen Hajii Bulchaa Aanaa akka ta'aanis maddeen keenya dabaluun ibsaniiru.

Qophii Raadiyoonii Arraata Biyyoolessa Oromiyaa Sadaasa 8, 2023

Hogganni Waraana Bilisummaa Oromoo diina waliin araaramee galuuf ala ba'e dubbiin jettu soba!

ONM-ABO Sadaasa 7,2023 Dubbiin miidiyaa hawaasaa fi namoota dantaa siyaasaa qaama biroo guutuuf deeman akkasumas inaaffaa ABO-WBOn of danda'ee siyaasa isaa maaliif geggeeffata jedhan akka ajajaan olaanaan ABO-WBO namoota muraasa waliin diina waliin walii galanii qabsoo gurguruun galaa jiranitti odeessaa jiran dhara ta'uu beeksisna.

Ajajaa olaanaan ABO-WBO hojiif gara biyya ambaatti guyyaa har'aa imaaluun dhugaa dha. Hojiin hogganni ABO-WBO hojjetu kamuu qawwee isaa harka tokkotti harka biroon siyaasa dippiloomaasiin qabsoo bu'aa dursee lafa kaa'ateen guduunfuuni.

Kanaaf har'a wareegama qaalii miseensotni WBO kafalan akkasumas hawaasni keenya baaseen beekamtii qabsoon hidhannoo Oromoo ABO-WBOn geggeeffamu argate Oromoon bilisummaa fi walabummaatti amanu of qusannoo tokko malee deggeruu fi shakkii akkasumas sodaa biroo irraa walaba ta'uu qaba.

Imalli kun quba qabeenya dhaabichaan waan geggeeffameef bu'aa waamicha idila addunyaa irratti taasifame maal akka ta'e, maaliif akka ta'e, eessaa fi maal irra akka gaa'ame jala buunee isin beeksifna.

Qabsoon hidhannoo keenya mirga abbaa biyyummaa keenya mirkanneessuuf malee dantaa dhuunfaa eegsifachuuf miti!

Injifannoon Uummata Oromoof!

Gumaacha IMALA Bilisummaa
Today, November 18, 2023.

With special guests:
Jaal Marroo | Jaal Gammachuu | Jaal Qajeelaa

Via-Zoom:
https://us02web.zoom.us/j/84652590034?pwd=Y1lBSzZSNUwvVG1xMUowbmh2YlNodz09

The result of a drone strike in Chawaka district of Buno Bedele zone. Over 25 civilians were killed in the attack.

Akeekkachiisa!

Sirni faashistii adeemsa WBOn akka rifatee fi duula diroonii isaa cimsuuf akka yaadu odeeffannoo arganneerra. Kanneen armaan gadii yaada keessa galchuun barbaachisaadha:

⁃ Tokkoon tokkoon diroonii kanaa misaa’ela 4 dhukaasu akka danda’u.
⁃ Dirooniin kun sa'aatii 27f qilleensa keessa turuu danda'a.
⁃ Dirooniin kun buufata to'annoo isaanii Bishooftuu fi Asoosaa irraa hanga kiiloo meetira 300 deemuu danda'a.
⁃ Dirooniin kun fageenya km 15 irraa bakka tokkotti misaa'ela dhukaasuu danda'a.
⁃ Dirooniin halkan illee ho'a qaamaa arguu danda'a. Garuu bosonaa fi gamoo keessaa darbee arguu hin danda’u.
⁃ Kallattii misaa’ela diroonii erga dhukaafamee booda operetera dirooniitiin jijjiiramuu danda’a.
⁃ Sirni faashistii humni isaa erga injifatamee booda naannoo namoonni nagaa jiraatan irratti xiyyeeffatee hojjechaa jira. Kanaaf lola booda of eeggannoo gochuun barbaachisaa dha.
⁃ Dhohinsi misaa’ela diroonii kanaa bal’ina meetira 25 kan uwwisudha. Kanaaf gareen namoota 3 ta’uun meetira 30 walirraa fagaachuun barbaachisaa dha.

Sirnichi ammallee dirooniin waraana keenya miidhuu hin dandeenye. Ummata keenya shororkeessuu fi adabuuf namoota nagaa irratti xiyyeeffatee jira. Haleellaa diroonii madda isaa irraa dhaabuu akka dandeenyuuf tarsiimoo amma qabnu eeggachuun barbaachisaa dha.