غالي ومانريد ندك عليك الباب
عند اهلك كنز مو سهل ينطونك
يالعاشك فقرنا شعاجبك بالعوز
ماعدهم اهلنا وبيش يشرونك
- جبار رشيد

ما رهمت ويانة تگول ماعيش !
- جبار رشيد

"من تحب تكون انسان"
احلى تعبير سمعتة عن الحُب
من مدرسة الحُب جبار رشيد ♥️

@oz_8y259bot 🤍

سمعت مقابلة لجبار رشيد الله يرحمه
چان يگول بيها للمقدم تعال افتحلك الانستا
وشوف كل بنيه تراسلني سواء صغيرة او چبيره اصيحلها "عمو"
گله لعد والبنات اللي تكتب الهم قصائد
هذول مگلت ألهم عمو ؟
گله مكتبت قصائد إلا لحبيبتي 🤍

صدك سويتها ؟
وتبطل تريد
تعوف ايامنة وتنساها كلها ؟
عوفك من تعبنا ، ومن الجروح
تعال احلامنة باچر شگلها ؟
- جبار رشيد

واحد من مواقف جبار الكثيرة
مرة اجه يستلم راتبه ال(800 د. ع) باذاعة العراقية بس تفاجأ انطوه نصف راتب مستقطعين منه ساعات عمل وغياب و.. المهم استلم الباقي من راتبه وطلع يمشي ويضحك بباب شبكة الاعلام العراقي شاف عائلة على الرصيف رجال مريض واهله واطفاله وياه بيدهم معاملة وكاعدين بالباب يريدون يقابلون مدير الشبكة علمود بتبرعلهم بعلاج وكف جبار سلم عليهم كلهم شعدكم هنا حجوله القصة ...
كالهم شكد يكلف علاجكم.. كلوله بوقتها تقريبا ١٥٠ او ٢٠٠ الف دينار .. گلهم صدك جذب طلع المحفظة خله بيها بس الهوية و الباقي من الراتب وانطاه الهم كلهم هاكم روحوا اتعالجوا بيهن كاعدين بهاي الشمس علمود تفاليس واجه لبيتهم بلايه راتب ويضحك ومرتاح ..
مرة گلناله شلون هيج تسوي سوالف انت هاي وغيرها... كال اني اكدر احصل فلوس بأي لحظة كلها تحبني وكلها مفضل عليها او اتداين واسددهن بس هاي الناس ماتكدر تحصل فلوس الا بماي الوجه واحنا مسؤولين عنهم شركائنا بالحياة ذوله

اعصابي سواهن حبل
ويتمرجح بواهس طفل
وماجنت اخلي بخاطرة
وماگتلة ياما تمرجحت
اخطائة ابد ما تنغفر
ومتطيح لو ما تنمحي
واصفن واعاتب طيبتي
يا طيبتي شگد طيحت
زعلان منة ومن نمت
من الشوگ ميت صبحت
- جبار رشيد

بين بعينك ملل اي والكفيل
عميه عيني الخلتك مليتني
ياهو مثلي الحبّك وحط روحه بيك
جنت اضويلك درب من شح ضواك
من اجتك وادَمك طفيتني
رغبه عندك ياوسف حسبالي شوك
من دريت اتنفسك غثيتني
امنيتي اضحكك حتى لو اشيع بابوي
ليش بالعيد الصبح بجيتني
ردتك توديني لهلي لمن عميت
وتالي ماتالي للحد وديتني
بعيني خليتك على عليه السواد
وفرجه الله والخلك خليتني
يامسيه العافيه عليك انا اكول
وانت بخشونه حجي مسيتني
جنت اشيل الكاع واركض مدري وين
مدري وينك بالضحك سليتني
كتلك الفوكي الشمس والحدري نار
وانت كثرت حطب جويتني
ردتك تحافظ علي وتضمني بيك
ليش يم جمعه غجر غثيتني
كتلك عيوني عمن بس كضني اشوف
وانت يم شامت ولك هديتني
قشمرتني بها حبيبي وبعد ابوي
ومدري بسماء شكثر سميتني
راح اصدك بالحسب نجمات ليل
وما اصدك من صدك حبيتني

اياد عبدالله الاسدي

️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️

چِنت أطول بالموادع
بلكي منك تَطلع
حچاية التِردني
رَدتك تحسسني أهمك
مِن أگُلك هِدني
تُرفض ما تِهدني .

بعنه البيت ريت البيت مَهجوم
ريت اكثَر بَعد من هالخساير
فراش الفاتحه لو شفته ملموم
بنص گلوبنه تلگه الچوادر.

كاظم اسماعيل الكاطع "