سلام عليكم ورحمة الله شلونك ستاذ حسن عساك طيب
اولاً أحب اوجه تحية طيبة ألك وللكادر
كل حرف ممكن اكتبة قليل بحقك والله العظيم يا أستاذ كل ما احاول اشكرك ما اعرف شلون والله وبالله وتالله يا أستاذ لو تعرف ضروفي شنو وشگد كنت مأيس ومقرر أعيد وانا سنة ثانية فتت دور أول ؏ بالي مرشحاتك مثل باقي المدرسين عليك يا الله ولكن طلعت غلطان بالدور الاول قريت فقط مرشحات العربي وأجت نصاً و الانگليزي كذلك
وهسة الاسلامية انا البارحة لحد ساعة 8 بليل ما دارس وبلشت ؏ ملزمتك والله العظيم يا أستاذ بقيت صافن الاسئلة نسخ لصق من مرشحاتك بقيت صافن أفكر شلون ممكن نوفي تعبك وجهودك ويانة والله قلة مدرسين يتعبون مثلك ومحللين خبزتهم قلة
أنتَ عملة نادرة وأسئل الله بحق محمد وآل محمد أن يوفقك ويرفع شأنك ويعلي مقامك ويرزقك من واسع ابوابة ويفتحهة بوجهك دنيا وأخرة أنتَ وكل شخص وياك بالكادر
هذي الرسالة سراب بحقك ستاذ تستاهل شي أكبر من هيج ولكن ان شاء الله نگدر نفرحك بنجاحنة ونعتذر جداً اذا كنة مقصرين وياك واكيد مقصرين مقابل جهودك النة
وأسئل الله التوفيق لحظرتك ولكادرك الطيب 🫀🌹

ردد معي👇🏻

كول يارب سوف أقرا هذا الدعاء على نية تسهيل آمري في امتحان الانكليزي، وذكّرني في ما حفظت وقرأت.

بسم اللّه الرحمن الرحيم
"اللهم إني اتوجه إليك بنبيّك نبيّ الرحمة واهل بيته الذين اخترتهم على عِلم على العالمين اللهم ليِّن لي صعوبتها وحزونتها واكفني شرّها فإنك الكافي المعافي والغالب القاهر"
اللهم صل على محمد وآل محمد