السلام عليكم استاذ طبعا ماعرف شلون اشكرك استاذ على كل تعبك ويانه الله يشهد اعتمد على الله و عليك استاذ ربي يوفقك ويحفظك ان شاء الله حتى كل صديقاتي الي انطيهم الرابط مال القناة ضلو يدعولي كلولي ان شاء الله تفرحين بنجاحج على هذا الاستاذ ابد مفتحنه كتاب ولاملزمه وكل مرشحاتك قريناها الحمد الله والشكر الفضل لالله والك استاذ ربي يخليك خيمه على عائلتك وهذا كله تعبك ميروح ابد ومراح ننساك بالدعاء استاذ ان شاء لله تعبك بميزان حسناتك 🙏😍

عزيزي المصحح/ة

توضأ كن نقياً طيب القلب قبل ان تبدا الفحص والتدقيق فبين يديك أحلام الطلبة وإخوة بحاجة إلى فرح ومستقبل الملايين كنّ حريصاً 🙏🏻.

تردون أسويلكم جدول للدور الثاني؟

هذا الإنجاز قبل كل شيء هو فضل من الله سبحانه وتعالى والحمد لله على كل توفيق من الله. ثقوا بالله الكريم بعد كل امتحان أسجد سجدة شكر لأن أشوف تعب أشهر كاملة يثمر ويجيب نتيجة ممتازة، وأشوف فرحة الطلبة وهي هاي أكبر مكافأة ممكن أحصل عليها.

هواي سألوني عن الإحصائية ، تأخرت بنشرها لأن ردت اني أراجعها بنفسي أكثر من مرة حتى تكون دقيقة لأن أي رقم أنشره هو أمانة.

وأحب أوضح نقطة مهمة…
مرشحاتي بالنسبة إليّ مو مجرد أرقام درجات حتى أگول “جابت هيج وهيج” بل قبل كل امتحان أيام طويلة من التعب والجهد والتحليل حتى أوصل للطالب أهم شيء ممكن يفيدة.

وأعرف شعور الطالب من يسمع كلمة “مرشحات” يبقى بين يثق وبين خايف ومتردد يعتمد عليها أو لا.
لهذا ما راح أوعدك بشيء مستحيل ولا أگلك اترك الكتاب واعتمد عليها فقط لان غلط هيج تتصرف.

لكن إذا مراجع المادة بالطريقة الصحيحة تكدر تعتمد المرشحات كمراجعة أخيرة وشرط لازم بعد دراسة المادة راح تختصر عليك وقت وجهد چبير وتخليك تدخل الامتحان وأنت مسيطر.

وهاي گدامك باقي الادوار: اضغط
سنين كاملة دور أول وثاني وثالث
وتمهيدي… ونفس النتيجة القوية.

كل طالب نجح وكل رسالة وصلتني وكل دعوة من أم أو أب هي نعمة أحمد الله عليها كل يوم وراح تبقى آثر حلو بالنسبة الية.

فـ الحمد لله أولاً وآخراً وظاهراً وباطناً وأسأل الله أن يكتب النجاح والتوفيق لكل طالب وأن يجعل كل هذا العمل خالصًا لوجهه الكريم. 💚

شلونها المعنويات؟