يارب لا تحرمني من هيج كلام طول عمري 🙏🏻

صراحة هذا الكلام وسام شرف بالنسبة الي

وصدگوني انتوا عائلي الثانية و فرحتي بيكم من تنجحون مو بس من عدد الأسئلة اللي تجي نصاً ، يعني ما تتخليون شكد ترتاح نفسيتي من اشوف طالب استفاد ارتاح بالدراسة وحصل على درجة أحسن بسبب تعبنا هذا الشي هوه سبب دخولي بهذا المجال.

أني من البداية وعدتكم بشغلة وحدة: نشتغل بأقصى جهد ممكن حتى نوفر عليكم وقت وجهد والباقي توفيق من الله سبحانه وتعالى.

شكراً إلك ولكل طالب وثق بينا ونفتخر بكل طالب دعم القناة أو شاركها ويا أصدقائه حتى توصل الفائدة لأكبر عدد ممكن من الطلبة. ❤️

أحبكم.

من تمتحن العربي أوصيك..
بس تستلم اسئلة العربي:

قبل كلشي نتوكل ع الله سبحانه وتعالى بعدين تسمي ب اسم الله كالعادة وتبدي بالأجوبة … طبعا اول شي تبلش بي هوه الأدب وسبب عقلك نشط انت رأسا اقلب الصفحة على اسئلة الأدب وابدي بالحل... تبدي سؤال سؤال نقطة نقطة ابدا لا تقرأ الأسئلة كلها

تقرأ اول نقطة من اول سؤال وتحلها يله بعدين تنتقل للنقطة الثانية وتحل وتعبر ع الي بعدها متفقين ؟
هيج يلا تخلص اسئلة الأدب.
اما اذا سؤال ماعرفتة اعبر على اللي بعده واكتب على اللي معرفتة دائرة بالاسئلة حتى ترجعلة ومتنسى فهمتني ضروري هذا الشيء.

وراها ترجع إلى اسئلة #القواعد ... نفس الحالة أيضا تبدي من اول سؤال ونقطة نقطة تحل لحد ما تخلص

بعد ما كملت الأدب والقواعد

تبدي بالإنشاء و الخط مهم إنوا يكون واضح ولازم تهتم ب الفوارز والنقاط، و #النقطه تخليها عند نهاية الجملة وبعدين تبدي بجملة الي بعدها، اما #الفارزة تخليها بين جملتين بينهم ترابط اللي وحده تكمل معنى الخ وهكذا....

أهم شي تكون المقدمة تخص الموضوع
يعني هواي شفنا إنوا جايبين مقدمة جاهزة وحافظينها لكن هو اسمه انشاء يعني شي انت تعبره من داخل قلبك مو شي محفوظ... راح تكلي أستاذ حسن ماعرف أعبر بمقدمة إني كتلك التعبير ( أفضل ) لكن إذا ما دبرتها ف ألجأ لمقدمة انتَ حافظها ومعلومة خاف ماتدري بيها ( كتبت مقدمة او لا مو مهم ) لكن المقدمة تفيدك انو تكتب هواي.

وراها تحجي عن الموضوع مال انشاء تدعمه ب آيات قرآنية وابيات شعرية لإنه هلشي يخلي انشاءك كلش قوي ومضبوط وبالخاتمة تحجي عن الموضوع مال انشاء

الانشاء؟ شنو ايجابياته وسلبياته؟ شلون ممكن تتعالج؟
السلبي [ الطالب يكتب ورقة وحدة "صفحتين" ]
الإيجابي [ اذا تكتب انشاء مرتب ورقة ونص "ثلاث صفحات" كلش كافي ]

بعد ماخلصت الانشاء

بعد ما كملت تراجع زين وتنتبه الى أجوبتك خاف ناسي كلمة أو ناسي شي أو ربما ناسي فرع ممجاوبة كلشي يصير ف حاول ثلاثة مرات تراجع أجوبتك ... لان هواي طلاب تنسى نقطة أو فرع ما تحله ف على شنو تضيع درجة وراها تموت قهر راجع زين أفضلك.

🤔بعض #الملاحظات

-أريدك تاخذ ريست من 3 الى 5 دقايق و من تخلص ادب او قواعد او الانشاء وبعدها من تكمل الريست ترجع تكمل

- اقل شي بالإنشاء ولو تعبيرك مو زين وخطك مو تمام ينطوك 15 من 20 وهذا الشي متأكد منة أطمئن.

- درجة الإنشاء تكون كاملة في حال انتَ ماخذ درجة كاملة بالادب والقواعد فـ راح ينطوك 100 درجة.

- طبيعة اسئلة القواعد ( احيانًا ) لمن تشوف السؤال راح تحس ما تعرف تحل لكَن لمن تباشر تحل راح تصير سهل عليك.

وأتمنالك كل التوفيق ❤️.
✍🏻 أ. حسن مهند ✅

➖➖➖➖➖➖➖➖➖➖➖
✅رابط قناة مكسرات الوزاري الرسمية 👇
📱👍 | https://t.me/o6o6o7

🟣مواضيع القواعد المرشحة بنسبة كبيرة:

🔴الاستفهام ( خصائص الهمزة ، إعرابات أي + كم + أيان + انى )

🔴النفي ( #لا النافية للجنس , #ليس ، #لام_الجحود ، لا تخص #الزائدة_والعاطفة )

🔴المدح والذم ( تقدير المخصوص ، نوع فاعل جملة المدح والذم )

🔴التوكيد ( نون توكيد ، لتوكيد بالحروف الزائدة ، حالة و اعراب فعل المضارع ، التوكيد المعنوي كلا _ كلتا )

🔴أسلوب النداء ( خصائص النداء الترخيم ، المنادى المعرف بــ (ال) جامد مشتق )

🔴أسلوب العرض والتحضيض و التمني والترجي ( مهمات )

➖➖➖➖➖➖➖➖➖➖➖
✅رابط القناة الرسمية لنشر المرشحات 👇
📱👍 | https://t.me/o6o6o7