مكسرات الوزاري

13 يـوم : ‏﴿وَعَلَى اللَّهِ فَلْيَتَوَكَّلِ الْمُتَوَكِّلُونَ‏﴾.

❤‍🔥665❤290🙏84😭47💔13💯10💘8👏4⚡3🌚1

35.9K views18:11

طلاب دفعة 2027
أهلا بكم في محطة السادس الإعدادي

إليكم أهم النصائح خلال بداية #مسيرتك

⚪️أولًا : لازَم أنتَ تڪون مَستعد " نفسيًا وجسديًا و واقعيًا " نفسيًا لازَم نفسيتك تڪون زينَة وألك شعور من داخلَك أنَك تبلش دراسة ، علمود لا يصير عندَك مَلل من الدراسة أول يوميَن ، جسديًا لازَم مَ تڪون معتني بصحتك ، واقعيًا لازَم تڪون مجهَز أغراضك وأحتياجاتك من دفاتر وأقلام وبند أوراق وملازمَك وترتبلك مڪان تدرُس بيه طول هالمرحلَة .

⚪️ثانيًا : مَن تبدَي خلي ببالَك هدَف مُعين خلال دراستَك بالعُطلة الصيفية ، شلون يعني؟ يعني أڪمل فصلين من ڪذا مادة وفصل من ڪذا مادة وهڪذا بقيَة المواد ، علمود من تدرُس أنت عندَك هدَف وتشتغل وتدرُس عليه مو تدرُس بدون هدف وتخطيط وحسَب المزاج .

⚪️ثالثًا: لازَم تڪون ڪد هالمرَحلة وتتعَب علمود بعدين لا تتندَم وتڪول ياريَت الوقَت يرجَع ، ياريَت درسَت بهذا الوقَت أحسن ما ضليَت أسخت وڪتابي بصفي بحجة أدرُس وأنتَ تسخَت .

⚪️رابعًا: لازَم تبتعد عن سوالف المُقارنة ، مثل صديقي بلَش قبلي هل يا تُرى راح يطلع مُعدل أعلى ، صديقتي دخلَت معهد وأني لا ، أبن خالي دخَل أهلية ، هاي السوالف ڪُلها تسَببلك توتر وخوَف ولا ذرَة فائدة منها مو من تشوَف صديقك دخل معهد لازَم أنت هميَن ، فَ سووا الي يناسبكُم ومعليكم بغيركم .

⚪️خامسًا : أبدوا ؏َ جدوَل خاص بيڪُم أنتـَوا مو تاخذون من هذا وذاكَ ، مَ أڪلڪُم لا تشوفون نماذج جدول يخُص الدرَاسة ، لا شوفوا واخذوا فكرة .

⚪️سادسًا ؛ خلوا ببالڪُم التعَب ودراستَك من اليوم ولحد أخر يوم أمتحان بالوزاري مَ جاي تدرسَها لأي شخص أنت دَتتعب علمود توصَل لحلمك توصَل للمڪان ألي درسَت 12 سنة علمودَة ومَن تدرُس خلي هالفڪرة ببالَك ، مَحد يفيدك غير دراستك ، دراستَك هيَ ألي تفيدك سواء أن ڪنت ولد أو بنت .

⚪️سابعًا : تتوڪل ؏َ الله لأن الله سبحانهُ وتعالى هو الوحيد ألي يعرف شڪد تعبت شڪد حاولَت شڪد عثرت ومَ أستسلمت
ودائمًا خلَي عندَك يقين بربك ، أخذوها ڪَ مبدأ أنُّ مهما أشتدت الصعوبة بحياتَك وراها فد فرحـَة تنسيك ڪُل شيء صار وياك ، وبوقت العوض من رَب العالميَن راح تڪول شڪد كنت قوي وشڪد تحملَت أشياء صعبة وشڪد رَب العالميَن منطيني نعمة الصبَر والتحمل .

⚪️ثامنًا : تريد تتعب نفسياً ؟ و تدخل بدوامه تشتت تابع هواي قنوات و أشخاص بالسادس !!! راح تدمر حرفيا نصيحتي الك قناتنا مكسرات الوزاري تقدم الك كلشي تحتاجه من ملازم و وزاريات و نصائح و طرق دراسية و اخبار و كل شيء تحتاجه بالسادس بدون هوسة فـ يفضل تخفف ناسك ويبقى راسك بارد و تبقى بس بمكسرات الوزاري ❤️

شارك المنشور للفائدة لا غير 💛

Please open Telegram to view this post

VIEW IN TELEGRAM

❤240💔32😢13👍7😱7🍓4🕊3🥱3👀3🌚2

40.2K views06:50