تريد ستوريات حزينه
تعال هنا بلتيك توك
رابط الحساب👇
https://vm.tiktok.com/ZSJ6EWVgX/
اجمل مقاطع حزينا
وأجمل كلام من الشعر الشعبي
يلا وين عشاق الشعر الشعبي

اِي يكَلبي ، مثل آدم ،
عيب تكَعد راحه
غرّتك شجرة التفاح ..
وضكَتها ودولبتني ،
وآنت تدري آبليس بالتفاحة


#عبدالکریم_ألقصاب

.
.

(شبگة روح)


صـوت : محمد الأميري


#عبدالکریم_ألقصاب

.
.

(سعدون)


بصـوت : محمد الأميري


#عبدالکریم_ألقصاب

عود عراقي

أغاني حزينه

@o1uuoo

هيج ويسويها حضي ..!
هيج ومحنه اروح لعلي الشرجي
ورايتي منشوره ..

عبد الكريم القصاب
بصوت الحب محمد الاميري

https://youtu.be/z_mrfpsJMJk
أرجو الأشتراك بلقناة خاصة للمبدع محمد الأميري وشكرا لجميع

https://t.me/o1uuo
قناة ستوريات محمد الأميري

متانين

لــعبد الكريم القصاب


بصوت محمد الاميري

**** تغريدة ****
وجهي كَمره وعينك مرايه زغيره
بيها آشوفن نعمة الله ...

وآكَعد كَبالك أمير .
بين عيني وبين ماي مرايتك ...

كاس وقصيدة ...
وبسمه أعذب من عبير ...

وصوت اليْعلم البلابل ...
على التغريد الحرير ،

وانا آغرد كَبل تغريد البلابل ...
وآسكر بعينك وآكَلك لاتغمّض .

من تغمّض ياحبيبي ...
السكر من راسي يطير .

#عبدالکریم_ألقصاب

** خبيث******

أحن وأشتهي آخيالك ،

وآكَولن هلبت آمروّه ...

تحطّك عالدرب وتفوت .

أوصّي آعليك شباجي ...

يبشرني اِجه الياقوت .

وعلى عنادي ...

تمر من يمّي بالبسكوت ،

تلبد وره الناس الماشيه وتفوت ،

خاف يشوفك الشباج ويكَلّي .

ييابه ، شكَد خبيث آنت !!

#عبدالکریم_ألقصاب

............... راوي العود ............
يراوي العود ، يمعسّل ،
يمدري بيا وهج تضوي ،....
وعلى النسمه آيتماوج ضيّك مدلّل .
مذعوره النجوم ، تخاف لا تطفه ،..
تجي وتحط على عيونك ........
ذليله وبيك تتوسّل .
يهلبت جدحه من عينك .....
توج بكل نجم مشعل .
يكَمره وكل رمش شمعه ،
وضواها خصور تتفتّل ،
يمضوي وبس عليْ مطفي ،
شجاك وغمضن عيونك ؟ ...
ونا بسجّة عمى ماشي ،
مشي بضيجة نفس وبدوخة المغزل ،
وآريد آلكَاك ، ما أندل .
برد ليل الهوى الدافي .....
ونجمتي بغيمه تتعلّل .
وآنت ولا يحن كَلبك ولا تسأل .
شجاك ، آشميّلك عني ؟
جنت من الشعاع آعدل .
يشوك البارحه اليجوي ،،،،،،
البُرَد كلّش ، ولا يسأل ،
شجاك ؟ اشغيّر آطباعك ؟
ولا نشغة جروحي تفزز دموعك !،
ولا صفنه التكضّك فوك الوساده ، ...
وتشوف آغيار وجهي كَبالك وتخجل !
يهلبت تستحي وتسأل .
حزن بالروح .....
أغمك من صفنتي آعليك ،
وآطول من خلك ميّت ، ولا تسأل .
حزن .....
مالي عرف بيْه كَبل ماآشوفك ، يلمدلّل .
حزن ضحكه وحزن شهكَه ،
حزن مامـش وراه ملكَـه ،
حزن مديـوف بالحركَه ،...
ومثل لون الكحل دمي عليك ......
وجرحي مكحّل ،
وآنت ولا يحن كَلبك ، ولا تسأل .
يغاوي بيا عطور مطيّب زلوفك ،
ونا فوك الجمر للفاجعه مهدّل ؟
مكَطوعه الحراثي وشهكَتي تفرفح ،
مثل طيره ومِتربة شوف ، ماتندل ،
وآنت ولا أجي آببالك ، ولا تسأل .
يراوي هناك ومعسّل ،
عكَدتي مدوهنه ..........
وناكَوط صوتك موش يم الحل .
شجاك ؟ آشبرّد آنفاسك ؟
ولا لهفه ،
ولا جلمة عشك ترفه ،
ولا من جذب تتغزل ، ولا تسأل .
يتالي المو على بالي ،
شحلاتك جنت بالأول !!
جنت معسول من ترضى ،
وجنت كلّش لذيذ أوياي من تزعل
يراوي العود ، يمعسّل ،
شحلاتك جنت بالاول ّ؟
يريت تعود للأول .

#عبدالكريم_ألقصاب

......... ليلة شذر .........
واهس وليله مزركشه ،
والشذر رصّع عيني .
ليلة شذر معلوك وبرودة هوه ..
ونسيانك مدفيني .
ليلة الما بيها جرس ...
دخان ما مش بيها ...
ولا خنكَه التبجّيني .
لو هيجي لو مو ليله .
شلّي بمناديل الدمع ؟
شلّي بأصابع ما يوجّن لي شمع ؟
شذره على فراش الدفو ...
ونجمه بسما تكفيني .
يا فرحتي ، ولا طاري منك .....
جاس كَلبي الليله .
أفّيش ، كلّش ريّعت .
الليله جم شباج عالجنه آنفتح ،
وكَلبي بمراجيح الله شابع نوم ...
والله براحتي مخليني .
اشكَد ورد يتعطر بروحي غنج ...
وآمنعّس يشهّيني
اشكَد فراش يحط عليْ ...
ويشمني ويغطيني
كلها وتريد آتذكّرك ،
وآتزاعل آنا وألله ،
وآنكر البينه وبيني !!
لا بويه شموازيني .

#عبدالكريم_ألقصاب

.............. طقوس الضمير .............
أشهد أنّ الله أكبر .
اِي نعم ، الله جبير ,
مو لأن بروحه مطلق ،
بس لأن ذاته حرير ،
الحرير المالي دنيا وغير مرئي ....
وما كو مثله ولا يصير .
أشهد آنّ الله عاشك .
الله فيض آمن المحبه والسلام .
يحزن آمن يشوف دمعه ....
وينشرح بالأبتسام .
يفرح آمن يشوف ورده ....
ويغضب آمن يشوف دم .
أشهد آنّ الله واحد ،
وآشهد آنّ الدين مفتاحه الضمير .
بعض من ألله بدواخلنا يسمونه ضمير .
اليطفي بداخله نور المحبه ،
يعني طفّه شمعه لله .
ويا ما ياما شموع بسم الله آنطفن ....
من ماي بير
من مسلّات الكهوف .....
الضّامّه الله آعلى الفقير .
وهذا واقع .
ولم يزل بالذاكره .......
تاريخ من طبع الأصابع ،
هذا واقع ما يغطونه بحصير .
فرق ما بين السراديب القديمة والضمير .
أشهد آنّ الدين عند الله الضمير .
مو طقوس البيها آوكَف حائط آطرش .
الدين من أقطع صلاتي .....
وفك بابي للفقير .
الدين من أقطع صلاتي ....
وأمسك بأيد الضرير .
الدين من أقطع صلاتي ....
حتى آطفي لي حريق ،
حتى لو جان بحظيره .
المهم أنقذلي روح .
الدين من أسكَي العطاشى ، وانا منهم ،
لكن آشرب بالأخير ،
من أروّي البلبل الظامي ...
و أفك باب القفص حتى يطير .
أشهد آنّ الله في ذاته جميل .
كل سحر بالدنيا من ألله آلتفاته .
ليش نحجب وجه ألله آمن الحياة ؟
والجمال الخالقه بدقة ومساماته العبير ؟
الدين عالفطره نمير .
والله ما يخدش الخاطر ،
لا يلبسك ثوب غيرك ،
لا يأمرك صدى تصبح للأمير .
مثلما تشتهي صير .
المهم عاشك تظل ،، عاشك نبيل .
عاشك ، بروحك جميل .
بغير شك ألله جميل ،
الله شفّاف وسمير ،
والعشك للروح مرجوحة حرير .

#عبدالكريم_ألقصاب