🍀 မင်္ဂလာရှိသော နံနက်ခင်း ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။

🍀ဘေးအန္တရာယ်ကင်းရှင်းပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

“အပါယ်ဘုံရောက်တယ်ဆိုတာ”
🔷🔷🔷🔷🔷🔷🔷🔷🔷🔷🔷

အပါယ်ဘုံရောက်တယ်ဆိုတာ
ဘာကြောင့်ရောက်တာတုန်းဆိုတော့စိတ်မနိုင်လို့ရောက်တာတွေချည်းပဲ။

စိတ်ထဲမှာမစင်ကြယ်တဲ့

လောဘတွေ
ဒေါသတွေ
မောဟတွေ
မာန်/မာနတွေ
ဣဿာမစ္ဆရိယတွေ
အဲဒါတွေကြောင့်အပါယ်ရောက်တာ။

စိတ်ထဲမှာဖြစ်တဲ့အညစ်အကြေးတွေကို
သန့်ရှင်းအောင်မလုပ်နိုင်လို့အပါယ်ရောက်တာ။

အဲဒါကြောင့်ကိုယ့်စိတ်ဆင်ရိုင်းကိုပညာတည်းဟူသောချွန်းဖြင့်အုပ်တယ်လို့
မြန်မာစာပေတွေမှာရေးလေ့ရှိတယ်။

အသိပညာနဲ့ဆင်ခြင်စဉ်းစားပြီးတော့ကိုယ့်စိတ်ကိုကောင်းတဲ့ဘက်ကိုရောက်အောင်
လမ်းမှန်ပေါ်တင်ပေးရမယ်။
ကောင်းအောင်ပြင်ရမယ်။

အခုလိုသာသနာနဲ့တွေ့တဲ့အချိန်ကလေးမှာ
ကောင်းအောင်မပြင်လိုက်နိုင်ဘူးဆိုရင်နောင်ဒီလိုအသိဥာဏ်မျိုးရဖို့ဆိုတာ
အများကြီးခဲယဉ်သွားပြီ ။
ရ လာ လိမ့် မယ် လို့ မထင် နဲ့ ။

ကျေးဇူးတော်ရှင် ပါမောက္ခချုပ်ဆရာတော် ဒေါက်တာ အရှင်နန္ဒမာလာဘိဝံသ

🍀 မင်္ဂလာရှိသော နံနက်ခင်း ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။

🍀ဘေးအန္တရာယ်ကင်းရှင်းပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

ဒေါသဖြစ်ပြီး ငုံ့ခံနေတာ ခန္တီမဟုတ်ဘူးနော်။ ဒေါသကို မဖြစ်အောင်ထားမှ ခန္တီအစစ်။ ခန္တီဆိုတာ "ခမု သဟနေ" တဲ့။ စွမ်းရည်သတ္တိတစ်မျိုးပဲ။ ဘယ်လိုစွမ်းရည်သတ္တိတစ်မျိုးတုန်းဆိုရင် ဘယ်လိုစိတ်ဆိုးအောင်လုပ်လုပ် စိတ်မဆိုးဘူး။ ဒီလိုဟာမျိုးကို ဆိုလိုတာ။ စိတ်ကိုက မဆိုးတာ။ ပြန်မပြောတာမျိုးကို ပြောတာမဟုတ်ဘူး။ ပြန်မလုပ်တာ၊ ပြန်မပြောတာကို ခန္တီလို့ ပြောတာမဟုတ်ဘူး။

စိတ်ကိုဆိုးအောင်လုပ်လို့မရအောင် သည်းခံနိုင်တဲ့ ကိုယ့်စိတ်လေးကို နဂိုစိတ်အခြေအနေအတိုင်း ထိန်းနိုင်တဲ့ အနေအထားမျိုးကိုသာ ခန္တီလို့ခေါ်တာတဲ့။ အဲဒီလို မဟုတ်ဘဲနဲ့ စိတ်ထဲကနေ ဗလောင်ဆူ၊ နှုတ်ခမ်းကြီးစူ မကျေမနပ်တွေဖြစ်နော်။ “နေနှင့်ဦး ကြည့်သေးတာပေါ့”တို့ ဘာတို့ဆိုရင် ဒါခန္တီမဟုတ်ဘူး။

ပါမောက္ခချုပ်ဆရာတော်
ဒေါက်တာနန္ဒမာလာဘိဝံသ

စစ်ရေးနဲ့ပတ်သက်‌လေတော့ နည်းနည်းပဲ ပြောပါ့မယ်။

ဗန်းမော်မကျအောင် ထိန်းနိုင်ပြီး စစ်ကူအများအပြားနဲ့ ထောက်ပို့ပစ္စည်း တွေ ရောက်ခဲ့တုန်းက မိုးတွင်း အစပါ။ ရေကြောင်းကနေ တခါတက်ရင် အနည်းဆုံး ဆယ်ချီ အုပ်လိုက်တက်တာပါ။ တစ်ခုရှိတာက ရေကြောင်း ဖြစ်တဲ့အတွက် အချိန်ပြည့်တော့ လိုက်စောင့်‌ ချင်မှ စောင့်နိုင်မှာပါ။ ဒါပေမယ့် တပ်ကူအနေနဲ့တော့ လေကြောင်းက အမြဲ အသင့်အနေအထား ရှိပါတယ်။


လက်ရှိ တိုက်ပွဲ ဖြစ်နိုင်တယ်လို့ ယူဆရတာက ရွှေကူ၊ စင်ခမ်းပါ။ ဒါကလည်း မြစ်ကျဉ်း နဲ့ နီးကပ်တာရယ်...၊ ဗန်းမော်မရောက်ခင် ဒီလိုနေရာတွေမှာ Cut off လုပ်နိုင်တာ သာမန်အရပ်သားတောင် သိပါတယ်။ ကိုယ်တွေအနေနဲ့ မသိနိုင်စရာ မရှိပါဘူး။ ချွင်းချက်ကတော့ စစ်သားဆိုတာကတော့ အမိန့်က အဓိက အသက်ပါ။ ဒီလို လမ်းမျိုး ဘာလို့ လွှတ်ရတာလည်း ဆိုတာက အရပ်သား အတွေးအခေါ်လို့ပဲ ဆိုရပါ့မယ်။ ဒီလို Risk များတာတွေက တပ်မတော်အတွက် အရင်ကလည်း ရှိခဲ့တယ်။ ခုလည်း ရှိဆဲ၊ နောင်လည်း ရှိလာရင် ကျော်ဖြတ်နေရဦးမှာပါပဲ။ လေကြောင်း စိတ်မချရသေးတဲ့နယ်မြေအတွက် လိုအပ်တဲ့ ထောက်ပို့ကိစ္စက ဒီလမ်းကြောင်းကိုပဲ မဖြစ်မနေ ရွေးချယ်ရတဲ့ သဘောပါ။


ပြန်ဆက်ရရင်.. မြစ်ကြောင်း တစ်လျှောက် ဆန်တက်ရတဲ့ သင်္ဘောတွေက.အထိအခိုက်လည်း အနည်းအကျဉ်း ရှိနိုင်တယ်ဆိုပေမယ့် လက်ရှိမြင်နေရတာမျိုး အထိတော့ ဖြစ်နိုင်ဖို့ ခက်ပါတယ်။ ဗန်းမော်က ရေခဲဖြစ်ပြီလို့ မပြောနိုင်သမျှ အရပ်သား အုပ်ချုပ်ရေး ဝန်ထမ်းတွေကိုလည်း လွှတ်စရာ မရှိနိုင်သေးပါဘူး။


အရင်က ရေးခဲ့ဖူးသလို ဗန်းမော်ကို ကျော်ကြည့်ပြီး လိုင်ဇာလောက် စစ်ရေးအရထောက်နိုင်မှသာ ဒီလမ်းခရီးက စိတ်ချရမှာပါ။ NCA တွေ၊ တိုင်းရင်းသားမို့ပါဆိုတာတွေ၊ ငြိမ်းချမ်းရေးတွေနဲ့ ကိုယ်တွေက လူကြီး လူကောင်း ဆန်ပေမယ့် ဘယ်သူပုန်၊ ဘယ်လက်နက်ကိုင်ကမှတော့ ဥပဒေနဲ့ အညီ ဆိုပြီး လာမှာ မဟုတ်ပါဘူး။ စစ်ပွဲဆိုတာက မာမာထန်ထန် ကိုယ်ကစမလုပ်ရင်....အရင်ဆုံး ကိုယ့်စစ်ကြောင်းက အသက်ပေးရမှာပါ။


ဒီတော့ မြစ်ကမ်းတစ်လျှောက်ကို စက်လက်တွေနဲ့ ချိန်၊ ပစ်ခတ်မှု ဖြစ်တာနဲ့ ချက်ခြင်း ဒရုန်းတက်နိုင်အောင်လုပ်၊ FPV drone တွေအတွက် ကာနိုင်သမျှ ရအောင်ကာ၊ မျက်စိရှင်ရှင်ထား၊ သတိဖွင့် နားစွင့်၊ တိုက်ပွဲ ဖြစ်တာနဲ့ ဖြစ်တဲ့နေရာ လေကြောင်းကပါ အမှုန့် အကုန်ကြိတ်....ဒီလိုသွားမှပဲ ကိုယ်တွေ ခံသာပါ့မယ်။



(နရီမိုး)

❝ ရေလွှမ်းမိုးမှု ပြဿနာနှင့် ရေအရင်းအမြစ် စီမံခန့်ခွဲမှု အခန်းကဏ္ဍ ❞


👉👉👉


https://t.me/c/3945493285/142

🍀 မင်္ဂလာရှိသော နံနက်ခင်း ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။

🍀ဘေးအန္တရာယ်ကင်းရှင်းပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

တစ်ယောက်တည်း နေခြင်းကို သင်ယူပါ။
တစ်ယောက်တည်း ထွက်ခွာသွားရန် ပြင်ဆင်ပါ။
လူတွေကြားမှာ မွေးလာခဲ့ပေမယ့်
အဆုံးသတ်မှာတော့ လူတိုင်းဟာ
တစ်ယောက်တည်းပဲ သွားရတာပဲ။
ဒါဟာ ဝမ်းနည်းစရာမဟုတ်ပါ။
ဒါဟာ ဘဝရဲ့ အမှန်တရားပါ။
တစ်ယောက်တည်းနေရတာက
အားနည်းမှုမဟုတ်ပါ။

အများစုက တစ်ယောက်တည်းနေရတာကို
အထီးကျန်ခြင်း၊ ဝမ်းနည်းခြင်း လို့ထင်ကြတယ်။
မြတ်ဗုဒ္ဓရဲ့အဆိုရ တစ်ယောက်တည်းနေရတာက
စိတ်ဓာတ်တည်ငြိမ်မှုကို ဖွံ့ဖြိုးစေတယ်။
ဥပမာကိုယ့်စိတ်ရဲ့ အသံကို နူးညံ့စွာ
နားထောင်နိုင်လာစေတယ်။

• ကိုယ့်အတွေးတွေကို မရှုပ်ထွေးဘဲ
သဘောထား နားလည်လာစေတယ်။

• လူမရှိတဲ့အခါမှာတောင် ကိုယ့်အတွင်းထဲက
အေးချမ်းမှုကို ကိုယ်တိုင် ရှာတွေ့နိုင်လာစေတယ်။

လူတွေက မမြဲပါ။ ချစ်ခြင်းလည်း မမြဲပါ။
ခန္ဓာကိုယ်လည်း မမြဲပါ။ ဒါကို သိလာတဲ့အခါ
ဘယ်သူ့ကိုမှ အလွန်အမင်း မတွယ်ကပ်တော့ပါ။
အရာအားလုံးဟာ မမြဲဘူးလို့ နားလည်ထားသူ
သင်ယူထားတဲ့သူက ဘယ်သူမှမရှိတော့လည်းလွယ်လွယ်နဲ့ ပြိုလဲမသွားနိုင်ပါ။

တစ်ယောက်တည်းသွားရမယ် ဆိုတာကို
ကြောက်ကြတာ လူ့ရဲ့သဘာဝပဲ။
ထွက်ခွာခြင်းဟာ သဘာဝဖြစ်စဉ်
တစ်ခုသာ ဖြစ်တယ်လို့ လက်ခံနိုင်ရမယ်။
ဒါဟာ ဘဝရဲ့ အမှန်တရားပါ။
တစ်ယောက်တည်း နေရမယ်ဆိုတာ
လူတွေနဲ့ မဆက်ဆံရဘူးဆိုတာ မဟုတ်ပါ။
လူတွေနဲ့အတူရှိနေလည်း ကိုယ့်စိတ်ကို
ကိုယ်တိုင် ထိန်းနိုင်ရမယ်။ လူမရှိရင်လည်း
ကိုယ့်ဘဝကို တည်တံ့စွာ ဆက်လက်နိုင်ရမယ်
ဆိုလိုတာပါ။

တစ်ယောက်တည်းနေရတာကို လက်ခံနိုင်ပြီ
ဆိုရင် တစ်ယောက်တည်း သွားရမယ်
ဆိုတာကိုလည်း ကြောက်လန့်မှုနည်းလာပါတယ်။
ဘာကြောင့်လဲဆိုတော့ သူ့အတွင်းစိတ်မှာ
အေးချမ်းမှုရှိနေပြီးသား ဖြစ်နေလို့ပါ။
ဒါတွေအားလုံးကို တကယ် နားလည်နိုင်သွားတဲ့အခါတစ်ယောက်တည်းနေရတာကို မကြောက်တော့ဘူး။
တစ်ယောက်တည်း သွားရမယ်ဆိုတာကိုလည်း
အေးချမ်းစွာ လက်ခံနိုင်လာလိမ့်တယ်။ 🙏🙏🙏

ပါချုပ်ဆရာတော်ဘုရားကြီး
ဒေါက်တာအရှင်နန္ဒမာလာဘိဝံသ

တပ်ရဲ့သဘောသဘာဝအရ ဖြစ်ကြောင်းကုန်စင် အိတ်သွန်ဖာမှောက် ‌ထုတ်ပြန်မယ် မထင်ပါဘူး။ အနည်းဆုံး ထုတ်ပြန်လာမယ့် ပုံစံက


နယ်မြေထိန်းချုပ်နိုင်ရေး ကြိုးပမ်းဆောင်ရွက်နေသည့် ဗန်းမော်တပ်နယ်သို့ လိုအပ်သည့် အုပ်ချုပ် ထောက်ပံ့ရေး ဆိုင်ရာ အကူယာဉ်များ ဘယ်နေ့ ၊ ဘယ်ရက်သို့ ရောက်ရှိ၍ ဗန်းမော်ဒေသ အနီးတဝိုက်အား ထိန်းချုပ်နိုင်ရေး ဆက်လက်ကြိုးပမ်း ဆောင်ရွက် သွားမည် "

ဆိုတာလောက်ပဲ လာမှာပါ။ ဒါတောင် မူဝါဒ ကြေညာတဲ့ သတင်းရုပ်သံကပဲ တင်ဆက်ဖို့များပါတယ်။ စစ်ရေး စစ်‌ရာဖြစ်လို့ Breaking news လည်း ထိုးစရာ မရှိပါဘူး။


စထားတဲ့ ရည်မှန်းချက်ကိုက ဒါတွေ ထောက်ပံ့ပေးနိုင်ဖို့ သွားတဲ့အရာပဲ။ ရောက်သွားရင်ကို Mission Complete ဖြစ်တယ်လို့ ပြောလို့ရတာပေါ့။ ကျန်တဲ့ ကောလာဟလ ဆိုတာ အချိန်တိုင်း လည်း ထွက်နေတာပါပဲ။

ရန်သူရဲ့ သဘောကတော့ စိတ်ဓာတ်အသားစီရအောင် Psychology သဘောအရ လုပ်တဲ့သဘောပါ။ အရင် လည်း မတ္တရာကနေ ထွက်မပြေး ခံစစ်ပြင်လိုက်ကြတဲ့ လက်နက်ကိုင်တွေ ဘယ်တုန်းကများ တားနိုင်တာ ရှိလို့လဲ။ ခုလည်း တပ်က ရွှေကူကတဆင့်တောင် ဗန်းမော်အလုံးစုံ ထိန်ချုပ်နိုင်ဖို့ လုပ်နေတာ တွေ့နိုင်တာပဲ။ တချို့ဟာတွေက ကြားကာလအပိုင်းအခြားလောက်လေးမှာ သတင်းမှားတွေ ဖြန့်ပြီး False Hope ပေးတဲ့သဘောပါ။ ဒီလောက်များတဲ့ စစ်ကြောင်းကို လေကြောင်းက အပြည့်အဝ ကာဗာ ပေးပါ့လိမ့်မယ်။


ရေပြင်မှာပါတဲ့ မြေပြင်စစ်ကြောင်းမှူးတွေကတော့ ဉာဏ်ကို လွှာသုံးမှ ရမှာပါ။ FPV ဒရုန်းက လွဲရင်...ကျန်တဲ့အနီးကပ် ပစ်ခတ်မှုက မီတာ ၁၀၀၀ မကျော်ပါဘူး။ ကြိတ်စရာရှိတာ အရင်ကြိတ်ပေါ့။ သူပုန်သေလို့ ငိုမယ့် သူတွေ မရှိလောက်ပါဘူး။ အနိမ့်ဆုံး ခွက်ခေါက်ရုံပေါ့။



(နရီမိုး)

ညောင်ဦးမြို့နယ်ထဲက တက်မ ရေနံမှော်မှာ ပြန်ပေးဆွဲရင် ပေါက်တဲ့နှုန်းထားက ကျပ်သိန်း ၅ သောင်း ဆိုပဲ။ ဒါ့ကြောင့်လည်း တော်လှန်ရေး နည်းနည်းကြာလာတော့ မေမေ ပြန်လွတ်ဖို့ အရေးတွေက အဓိက မကျတော့တာ ဖြစ်မယ်။


ခက်တာက မြန်မာနိုင်ငံ စရိုက်ကိုက ခေတ်ပျက်လေ သူဌေးပိုဖြစ်လေက အများကြီးပဲ။ ခုလည်း PDF တွေ လုပ်ရပ်ပဲကြည့်ဦး။ သာမန် အရပ်သား ပြန်ပေးဆွဲရင် ကျပ်သိန်း ၃၅၀ ၊ သာမန် ရေနံမှော် လုပ်ငန်းရှင်ဆို ကျပ်သိန်း ၈၀၀၀နဲ့ ရေနံမှော် အကြီးဆိုရင် ကျပ်သိန်း ၅ သောင်းဆိုပြီး ပြန်ပေးဆွဲဈေးနှုန်း သတ်မှတ်ကြသတဲ့။


ဒီအညာသားတွေက ဘယ်လိုလုပ် လက်နက်ချ အလင်းဝင်တော့ မတုန်း။ နောက်ဆုံး အချင်းချင်း အဝေမတည့်လို့ သတ်ဖြတ်မှပဲ ကိစ္စပြီးမယ့်သဘောရှိတယ်။ နောက်....ဒီလောက်ဝင်ငွေကောင်းနေမှတော့ လက်နက်ခဲယမ်းတွေ ဈေးကြီးပေး ဝယ်ချင်ဝယ်မပေါ့။ ဆိုတော့ အညာရဲ့ စစ်ရေး ပဋိပက္ခက မုန့်လုံး စက္ကူကပ်ပြီလေ။


အစိုးရ မထိန်းချုပ်နိုင်သေးလေလေ...PDF နဲ့ပေါင်းပြီး ရသလောက် ခိုးထုတ်ကြမှာပဲ။ ပေးနိုင်တုန်းက မိတ်ဖက်ဆိုပေမယ့် မပေးနိုင်တဲ့အခါ ပြန်ပေးဆွဲကြပုံပေါက်တယ်။ အညာသားတွေ ရိုးတယ်သာ ပြောတာပါ။ ပုဂံမှာ ပြန်ပေးဆွဲလို့ကို ဘယ်သူမှ မလာရဲ၊ မလည်ရဲ ဖြစ်ရပြီ။ ဒါတွေ ပြန်ကြည့်ရင်....တစ်ချို့လုပ်ရပ်တွေက ကိုယ်တိုင် စခဲ့ကြတဲ့ ဇာတ်လမ်းတွေပါပဲ။ မီးမှန်းလည်း သိတယ်။ လောင်မယ် ဆိုတာလည်း သိသိနဲ့၊ အားပေးအားမြှောက် လုပ်ခဲ့ကြတယ်။ သရဲတွေမွေးပြီး သဘက်တွေ ဖြစ်လာတော့ ....လူ့စည်း၊ ဘီးလူးစည်း မထားနိုင်ကြတော့ဘူး တူပါတယ်။

စစ်အာဏာရှက်မကြိုက်လို့ တော်လှန်ကြတဲ့သူတွေက ရေနံမှော်မှာ ပြန်ပေးဆွဲကြတယ် ဆိုတဲ့ လုပ်ရပ်ကတော့ ကြားလို့တောင် မဟန်ဘူး။ ကြိုက်မရှက်၊ ငတ်မရှက် ဆိုတာ ဒါမျိုး ပြောတာ ဖြစ်မယ်။



(နရီမိုး)

🍀 မင်္ဂလာရှိသော နံနက်ခင်း ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။

🍀ဘေးအန္တရာယ်ကင်းရှင်းပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

" ကုသိုလ်ကံ နည်းနေပါက အကုသိုလ်ကံများ ဝင်အကျိုးပေးတတ်ပုံ "
ကုသိုလ်ကံ လုံးဝမရှိတဲ့ ပုဂ္ဂိုလ်တွေမှာ အကုသိုလ်က နည်းနည်းလေးလုပ်လည်း အကျိုးပေးတယ်။ ကုသိုလ်ကံရှိတဲ့ ပုဂ္ဂိုလ်မှာတော့ ကုသိုလ်ကံတွေက သူ့ကို အကာအကွယ် ပေးထားတယ်။

မြတ်စွာဘုရားက နားလည်အောင် ဥပမာ‌လေးတစ်ခုနဲ့ဟောထားတာရှိတယ်။ ဆီးသီးလုံးလောက် ဆားခဲလေးကို ဖန်ခွက်ထဲကရေထဲ ထည့်လိုက်မယ်ဆိုရင်သောက်လို့မရလောက်အောင် ငန်သွားမယ်တဲ့။သို့သော် အဲဒီဆားခဲကို မြစ်ထဲချောင်းထဲမှာ ထည့်လိုက်မယ်ဆိုရင်တော့ ဘာအရသာမှ ပေါ်မှာမဟုတ်ဘူးတဲ့။ ဖန်ခွက်ထဲက ရေလိုမျိုး ကုသိုလ်ကံ အင်မတန် နည်းနေတဲ့ပုဂ္ဂိုလ်ဟာ ဆီးသီးလုံးလောက် အကုသိုလ် နည်းနည်းလေးလုပ်လည်း ခံရမယ်လို့ ဒီလိုပြောတာနော်။

လောကမှာ ပိုက်ဆံချမ်းသာတဲ့လူ ကျူးလွန်တဲ့အမှုနဲ့ ဆင်းရဲသား ကျူးလွန်တဲ့အမှု၊ အမှုချင်းတူတယ်။ ပိုက်ဆံချမ်းသာတဲ့ လူကျတော့ အပြစ်ပေါ့တယ်။ ငွေပေးနိုင်တာကိုး။ ဒါ သဘာဝဝပဲလေ။ ဒါကို မတရားဘူးလို့ပြောလည်း သူ့မှာက condition တွေ ကောင်း‌နေတယ်လေ။ ပိုက်ဆံပေးနိုင်တာကိုက condition ‌ကောင်းနေတာပဲ။ ဒါမှမဟုတ် သူက အားကိုးလောက်တဲ့ လူတွေနဲ့ သိတယ်။ အားကိုးလောက်တဲ့ လူတွေရဲ့အကူအညီကို ရတယ်။ ဒါကြောင့် အပြစ်ဒဏ်က လွတ်တယ်။

ကံကြမ္မာမှာလည်း အဲဒီအတိုင်းပဲ။ ကံကြမ္မာမှာကျတော့ အားကိုးလောက်တဲ့ condition ဆိုတာ ဘာကိုပြောတာလဲဆိုရင် ကုသိုလ်ကောင်းမှုတွေ ရှိနေတာ။ အကုသိုလ်လုပ်တာချင်း တူပေမဲ့လို့ ကုသိုလ်ကံ ရှိတဲ့ပုဂ္ဂိုလ်က သက်သာပြီးတော့ ကုသိုလ်ကံ နည်းတဲ့ပုဂ္ဂိုလ်က အပြည့်အဝ ခံရတတ်တယ်။ လူတိုင်းဟာ တူညီတဲ့အကျိုး ရလိမ့်မယ်လို့တော့ မအောက်မေ့လေနဲ့။

သရက်စေ့လေး စိုက်တာတောင်မှ ကြည့်လေ။ မြေဩဇာကောင်းတဲ့နေရာ စိုက်တာနဲ့ ကျက်တီးကုန်း စိုက်တာနဲ့ ကွာလား မကွာလား။ မိုးခေါင်ရေရှားအရပ် စိုက်တာနဲ့ မိုးကောင်းတဲ့အရပ် စိုက်တာ မတူပြန်ဘူး။ အခြေအနေချင်း မတူတာကို ဆိုလိုတယ်။ ကံကြမ္မာမှာလည်း ဒါတွေကို ထည့်သွင်းစဉ်းစားရတယ်။

မဟာဝီရလို့‌ခေါ်တဲ့ မြတ်စွာဘုရားနဲ့ တစ်ခေတ်တည်းပေါ်ခဲ့တဲ့ ဂျိန်းဘုရားက ဘယ်လိုဟောသလဲဆိုရင် ပါဏာတိပါတ လုပ်တဲ့သူမှန်သမျှ ငရဲကျတယ်လို့ ဒီလို အတိအကျကြီး ဟောတာ သူက။ မြတ်စွာဘုရားကျတော့ အဲလို မဟောဘူး။ ပါဏာတိပါတာဆိုတဲ့အကုသိုလ်အမှုသည် ငရဲ၌ ဖြစ်စေနိုင်သည်။ ဒီစကားနှစ်ခုဟာ အင်မတန်မှ ကွာခြားတယ်နော်။ ဖြစ်စေနိုင်တယ်လို့ပြောတာ ဖြစ်ရမယ်လို့ ပြောတာမဟုတ်ဘူး။ငရဲကျနိုင်တယ်လို့ ပြောတာ။ ကျချင်မှလည်း ကျမယ်။ ဘာဖြစ်လို့လဲဆိုရင် တခြား condition တွေပါလာလို့ရှိရင် ဖြစ်ချင်မှ ဖြစ်မယ်ပေါ့။ ဒီအဓိပ္ပာယ်ပဲ။

မြတ်စွာဘုရားဟောတဲ့ တရားတွေဟာ အင်မတန်မှ Logical ဖြစ်တယ်၊ Reasonable ဖြစ်တယ်။ ဆိုင်ရာအကြောင်းတရားတွေကို ထည့်သွင်းစဉ်းစားရမယ်ဆိုတာ လက်တွေ့မှာလည်း အင်မတန်မှ မှန်ကန်တဲ့အချက်ဖြစ်တယ်။ ပိုက်ဆံချမ်းသာရင် ပြစ်မှုသက်သာမယ်။ အားကိုးလောက်တဲ့ သူတွေနဲ့သိရင်လည်း ပြစ်မှုသက်သာမယ်။ ကူမယ့်သူ မရှိဘူး၊ပိုက်ဆံလည်း မပေးနိုင်ဘူးဆိုရင် အပြစ်ကြီးမယ်။

ကံကြမ္မာမှာလည်း အဲဒီအတိုင်းပဲ။ ကောင်းတာတွေများများလုပ်ထားလို့ရှိရင် ကောင်းတာတွေက မကောင်းတာတွေကို ဖယ်ထုတ်သွားမှာပဲ။ ဒါကြောင့်ကောင်းတဲ့အလုပ်တွေကို များများလုပ်ဖို့ လိုအပ်တယ်လို့ ဒီလိုဆိုလိုတာနော်။


ပါချုပ်ဆရာတော်ဘုရားကြီး
ဒေါက်တာနန္ဒမာလာဘိဝံသ