🍀 မင်္ဂလာရှိသော နံနက်ခင်း ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။ အသက်ရှည်ပါစေ။ ဘုန်းကြီးနိုင်ပါစေ။

🍀ဘေးအန္တရာယ်ကင်းရှင်းပါစေ။ အနာမျိုး ၉၆ ပါး ကင်းဝေးပါစေ။ စားရေရိက္ခာ ပေါကြွယ်ဝပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

မေတ္တာဘာဝနာပွားတာဟာ ကမ္မဋ္ဌာန်းကျင့်စဉ်တစ်ခုပဲ။
အဲဒီ သမထကျင့်စဉ်တစ်ခုကနေ ဝိပဿနာကျင့်စဉ်တစ်ခုကို သွားတော့မယ်ဆိုလို့ရှိရင် အာရုံပြောင်းရမယ်။

မေတ္တာဘာဝနာပွားတာက သတ္တဝါပေါ်မှာ ပွားတာ။ ပုဂ္ဂိုလ်ပေါ်မှာ ပွားတာ။ အဲဒီတော့ ဝိပဿနာကျတော့ ပုဂ္ဂိုလ်၊ သတ္တဝါနဲ့ အလုပ်လုပ်လို့ မရပြန်ဘူး။ ပုဂ္ဂိုလ်၊ သတ္တဝါရှိတယ်လို့ ယူဆလို့ရှိရင် မှားယွင်းတဲ့ အမြင်တစ်ခု ဖြစ်သွားတယ်ပေါ့။ အတ္တဒိဋ္ဌိ လို့ ခေါ်တယ်။

မေတ္တာဘာဝနာပွားတဲ့အခါ သတ္တဝါပညတ် ကို အာရုံပြုရတာဖြစ်လို့ သတ္တဝါရှိတယ်ဆိုတဲ့ အတွေးဝင်လာတတ်တယ်တဲ့။ အဲဒါကြောင့်မို့ အဲဒီအတွေးကို ဖျောက်ရမယ်တဲ့။ ဖျောက်တယ်ဆိုတာ ရုပ်နဲ့ နာမ် နှစ်မျိုးသာရှိတယ် ဆိုတဲ့ အသိကို ရအောင်လုပ်တာပဲ။

ငါ မေတ္တာပို့နေတဲ့ ပုဂ္ဂိုလ်လည်း ရုပ်နဲ့ နာမ် နှစ်ခုတည်းပဲရှိတယ်။ ပို့နေတဲ့ ပုဂ္ဂိုလ်ကလည်း ရုပ်နဲ့ နာမ် နှစ်ခုတည်းပဲရှိတယ်ဆိုတော့ “ဒိဋ္ဌိဉ္စ အနုပဂ္ဂမ္မ” — မှားယွင်းတဲ့ အယူအဆတစ်ခုကို မရောက်ပါစေနဲ့လို့ အတ္တဒိဋ္ဌိကို ပယ်ခွာလိုက်ပါ။

သတ္တဝါဆိုတာ မရှိဘူး။ အဲဒါ မပယ်ဘဲနဲ့ ဝိပဿနာကျင့်စဉ် ကျင့်လို့မရဘူးတဲ့။

ဝိပဿနာရဲ့ အာရုံသည် ရုပ်နဲ့ နာမ်ပဲရှိတယ်။ သတ္တဝါမဟုတ်ဘူး။ ဒါကြောင့်မို့ အတ္တဒိဋ္ဌိကို ပယ်ရှားလိုက်ပါဆိုတာ ရုပ်နဲ့ နာမ်ကို တွေ့အောင် ကြည့်ပါ။

တရားအားထုတ်တော့မယ်ဆိုရင် ကိုယ့်သန္တာန်မှာ ဖြစ်တဲ့ ရုပ်တရား၊ နာမ်တရား၊ သူတစ်ပါးသန္တာန်မှာ ဖြစ်တဲ့ ရုပ်တရား၊ နာမ်တရား တွေ့အောင်လုပ်။ အဲဒီလိုလုပ်မယ်ဆိုရင် အရေးကြီးတာ ဘာလဲဆိုရင် သီလဝါ — ကိုယ်ကျင့်သီလ ရှိရမယ်။

ကိုယ်ကျင့်သီလဆိုတာ ဘာဖြစ်လို့ လိုအပ်တာတုန်းလို့ မေးရင် သမာဓိဖြစ်ဖို့အတွက် ကိုယ်ကျင့်သီလ လိုအပ်တယ်။

ကိုယ်ကျင့်သီလနှင့် ပြည့်စုံပြီးလို့ရှိရင် စိတ်က ကြည်နူးတယ်။ ကြည်နူးမှုကို အကြောင်းပြုပြီးတော့ ဝမ်းသာတယ်။ ဝမ်းသာမှုကို အကြောင်းပြုပြီးတော့ ပီတိဖြစ်တယ်။ ပီတိကို အကြောင်းပြုပြီးတော့ ပဿဒ္ဓိ — ကိုယ်စိတ်ငြိမ်းချမ်းတယ်။

ကိုယ်စိတ်ငြိမ်းချမ်းရင် သုခဆိုတဲ့ ချမ်းသာမှုဆိုတာ ဖြစ်လာတယ်။ ချမ်းသာမှုဖြစ်လာလို့ရှိရင် သမာဓိဆိုတဲ့ စိတ်တည်ငြိမ်မှုဟာ လွယ်လွယ်လေးနဲ့ ရလာတယ်။

စိတ်တည်ငြိမ်မှု ရလိုက်တာနဲ့ ယထာဘူတ ဉာဏ ဒဿန — မှန်မှန်ကန်ကန် သိတယ်ဆိုတဲ့ အသိဉာဏ်ဟာ ဝင်လာတယ်။

သီလ မစင်ကြယ်ဘူးဆိုရင် အဲဒါတွေ ဆုံးရှုံးနိုင်တယ်ပေါ့။ ဒါကြောင့်မို့ “သီလဝါ” — သီလရှိပါစေ တဲ့။

နောက်တစ်ခုက “ဒဿနေန သမ္ပန္နော”။ သီလရှိပြီး ကျင့်ကြံကြိုးကုတ် အားထုတ်လိုက်လို့ရှိရင် ဝိပဿနာဉာဏ် အဆင့်ဆင့်တက်ပြီး နိဗ္ဗာန်မြင်တာကို ဒဿန လို့ ခေါ်တယ်။

ဒီနေရာမှာ သင်္ခါရတရားတွေရဲ့ အဖြစ်အပျက်ကို မြင်ပြီးတဲ့နောက် သင်္ခါရတရားတွေရဲ့ ချုပ်ငြိမ်းရာ နိဗ္ဗာန်ကို မြင်လိုက်တယ်။

“ဒဿနေန သမ္ပန္နော” — အဲဒီအမြင်နဲ့ ပြည့်စုံတယ်ဆိုတာ သောတာပန်ဖြစ်သွားတာကို မြတ်စွာဘုရားက ဟောတာနော်။

“ဒိဋ္ဌိဉ္စ အနုပဂ္ဂမ္မ” ဖြင့် ဝိပဿနာဉာဏ် ဖြစ်ပုံကို ဟောတယ်။
“ဒဿနေန သမ္ပန္နော” ဖြင့် သောတာပန်ဖြစ်ပုံကို ဟောတယ်။
“ကာမေသု ဝိနေယျ ဂေဓံ” — ကာမဂုဏ်အာရုံတွေမှာ တပ်မက်တဲ့ တဏှာကို ဖယ်ရှားပါဆိုတာက အနာဂါမ်ဖြစ်သွားတာကို ပြောတာတဲ့။

အနာဂါမ်ဖြစ်သွားပြီဆိုရင် ကာမဂုဏ်အာရုံတွေပေါ်မှာ တပ်မက်တဲ့၊ တွယ်တာတဲ့ တဏှာ ကင်းသွားပြီ။

"န ဟိ ဇာတု ဂဗ္ဘသေယျံ ပုန ရေတိ" — အဲသလို ကာမဂုဏ်အာရုံပေါ်မှာ တပ်မက်မှု ကင်းသွားပြီးနောက် ဝိပဿနာအရှိန် မြှင့်လိုက်လို့ရှိရင် ဘဝတစ်ခုမှာ နောက်ထပ် ဘယ်တော့မှ မိခင်ဝမ်းထဲ ရောက်တော့မှာ မဟုတ်ဘူး။ ဘယ်တော့မှ ပြန်လည်မွေးဖွားမှာ မဟုတ်တော့ဘူး။ မိခင်ဝမ်း ဘယ်တော့မှ ပြန်မဝင်ရတော့ဘူး။ ရဟန္တာဖြစ်တာကို ပြောတာ။

အဲဒီတော့ မေတ္တာကို အခြေခံပြီးတော့ ဝိပဿနာကျင့်စဉ်ကို ကျင့်လိုက်တယ် ဆိုလို့ရှိရင် ရဟန္တာဖြစ်နိုင်တယ်။ ဒါကို ပြောတာနော်။

မေတ္တာဘာဝနာကို ပွားပြီးတော့ မေတ္တာစိတ်ဓာတ်လေးကိုပဲ နာမ်တရားအဖြစ် ရှုမယ်။ ထို နာမ်တရားရဲ့ တည်ရာ နှလုံးသားကိုလည်း ရုပ်တရားအဖြစ်နဲ့ ရှုလိုက်မယ်။ အဲဒီလို ရှုလိုက်လို့ရှိရင် ဝိပဿနာဉာဏ်ရင့်ပြီး သောတာပန်ဖြစ်မယ်။ ထပ်ပြီး ဝိပဿနာဉာဏ် အဆင့်မြင့်လို့ရှိရင် သကဒါဂါမ်၊ အနာဂါမ် ဖြစ်မယ်။ အနာဂါမ်ဖြစ်တာနဲ့ တပြိုင်နက် ကာမဂုဏ်အာရုံတွေပေါ်မှာ တွယ်တာမှု တဏှာ ကင်းသွားမယ်။ အဲဒီကနေ အဆင့်မြှင့်ပြီး ကျင့်လိုက်တဲ့အခါ ကိလေသာ အာသဝေါကုန်လို့ နောင်ဘဝ ပြန်လည်မွေးဖွားခြင်း မရှိတော့ဘူးတဲ့။ အဲဒီကျတော့မှ အပြီးသတ်တယ်ပေါ့။

- ပါမောက္ခချုပ်ဆရာတော်ဒေါက်တာနန္ဒမာလာဘိဝံသ -

လိင်တူ ချစ်တာ အပြစ်တစ်ခုတော့ မဟုတ်ဘူး။ ဒါပေမယ့် အစိုးရဘက်က ထုတ်ပြန်ထားတာကိုကတည်းက လူငယ်တွေရဲ့ တွေးခေါ်မျှော်မြင်မှုတွေ လမ်းလွဲသွားမှာ စိုးလို့ ကန့်သတ်ရတာလို့ ကြေညာထားတယ်။

ဒီထုတ်ပြန်ချက်အောက်မှာ ကန့်လန့်တိုက်ကြတဲ့ စာတွေလည်း တွေ့ပါတယ်။ အများစုက လူငယ်တွေပဲ။ ဟိုဟာတွေကြ တရားဝင်သလား၊ ဒီဟာတွေကြ လွှတ်ထားပေးတာလား ဆိုပြီး ငေါ့တူး တာတွေလည်း မြင်ရတယ်။ လိင်တူကြိုက်တာ၊ လိင်တူကြားထဲက ချစ်ခြင်း မေတ္တာကို သန့်သန့်လေး ရေးတာတွေ ကိစ္စ သိပ်မရှိပါဘူး။ ဒီစာအုပ်တွေက သန့်၏၊ မသန့်၏ က ဖတ်ဖူးသူတွေတော့ အသိဆုံး ဖြစ်မှာပေါ့။


သို့သော် ဒီစာတွေကို ဖတ်လိုက်ရမှ ၊ ဒါမှမဟုတ် ဒီစာတွေကို ဖတ်ဖို့ လှုံဆော်နေတဲ့ မိမိအသိစိတ်ဓာတ်တွေကိုလည်း သတိထား ဆင်ခြင်ဖို့တော့ ကောင်းတာပေါ့။ ဆရာတော် တပါး ဟောထားတာကို ပြန်ပြောင်း ပြောရရင် ....ဒါတွေက အယူလွဲမှားမှုတွေပဲ။ ခက်တာက ....ပြောင်းလာတဲ့ ခေတ်ရေစီးကြောင်းမှာ ဒါတွေ ပြောပြလည်း အရာဝင်ချင်မှ ဝင်လိမ့်မယ်။ နားဝင်မယ်လည်း မထင်ဘူး။

နောက်တစ်ခုက စပါးနှံ၊ စက်သွား၊ အရွယ်တူ ကြယ်ဖြူ ၁၄ လုံး ဆိုတဲ့ နိုင်ငံတော်အလံကို ဒီဘက်ခေတ် လူငယ်တွေ မသိကြတော့တာကလည်း အံ့အား သင့်စရာ ကောင်းတယ်။

ခေတ်တွေ တိုးတက်လာတယ်။ လူနေမှု အသုံးအဆောင်တွေ ဖွံ့ဖြိုးလာတယ် ဆိုပေမယ့်....မကောင်းတဲ့အရာတွေကျတော့ ရွေးသိ၊ အစိုးရက တွေးခေါ်မျှော်မြင်မှု မှားမှာ စိုးလို့ တားမြစ်ရတဲ့အပေါ်မှာ ကပ်ကပ်လန်အောင် ငေါ့တူးကြတဲ့ လူငယ်တွေက ....တချို့ မဖြစ်မနေ သိအပ်တဲ့ အရာတွေကြတော့ မသိပြန်တော့ဘူး။ လိင်တူ ချစ်တာ အပြစ်တော့ မဟုတ်ပါဘူး။ လမ်းမှားမှာ ဆိုးလို့ တားမြစ်ရသူတွေကို .....ပြန်ငေါ့တူးတာကမှ ရှက်စရာပါ။ ပိုဆိုးတာက ....မိမိနိုင်ငံတော်အလံတောင် မသိတဲ့ လူငယ်တွေ ဖြစ်နေကြတာကလည်း ပိုရှက်စရာ ကောင်းပါတယ်။



(နရီမိုး)

🍀 မင်္ဂလာရှိသော နံနက်ခင်း ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။ အသက်ရှည်ပါစေ။ ဘုန်းကြီးနိုင်ပါစေ။

🍀ဘေးအန္တရာယ်ကင်းရှင်းပါစေ။ အနာမျိုး ၉၆ ပါး ကင်းဝေးပါစေ။ စားရေရိက္ခာ ပေါကြွယ်ဝပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

ကုသိုလ်တရားသည် ကျန်းမာခြင်းကို ဆောင်ကြဉ်းပေး၏

"အပ္ပမာဒတရား" ဆိုသည်မှာ ကုသိုလ်ကောင်းမှုများကို မမေ့မလျော့ဘဲ အမြဲပြုလုပ်ရန် တိုက်တွန်းနှိုးဆော်ပေးသော သဘာဝတရားဖြစ်သည်။

တရားအားထုတ်သည့်အခါ ရောဂါဝေဒနာများ ပျောက်ကင်းသွားရခြင်းမှာ ရောဂါကိုဖြစ်စေသည့် အကုသိုလ်ကံများ ကင်းစင်သွားပြီး စိတ်ထဲတွင် လောဘ၊ ဒေါသ၊ မောဟတို့ ကင်းဝေးကာ အလောဘ၊ အဒေါသ စသည့် ငြိမ်းအေးသော ကုသိုလ်စိတ်များ ဝင်ရောက်လာသောကြောင့် ဖြစ်သည်။

စိတ်ပူလျှင် ရုပ်ပူ၏ – လောဘ၊ ဒေါသများပြားပါက စိတ်ပူလောင်၍ ရုပ်ခန္ဓာပါ ပူလောင်ပျက်စီးရသည်။

စိတ်အေးလျှင် ရုပ်အေး၏ – ကုသိုလ်စိတ်ဖြင့် စိတ်နှလုံး ဖြူစင်အေးချမ်းလာပါက ခန္ဓာကိုယ်၏ ကျန်းမာရေးနှင့် အသားအရေ စိုပြေမှုတို့သည် အလိုလို ကောင်းမွန်လာသည်။

မြတ်စွာဘုရားရှင်နှင့် ပညာရှိအပေါင်းတို့သည် သံသရာတွင် အသက်ရှည်ခြင်း၊ ကျန်းမာခြင်း၊ ဘဝအဆင့်အတန်း မြင့်မားခြင်းစသည့် နှစ်သက်ဖွယ် အကျိုးတရားများကို လိုလားပါက "ကုသိုလ်ကောင်းမှု၌ မမေ့မလျော့ခြင်း (အပ္ပမာဒတရား)" ကို လက်ကိုင်ထားကြရန် ချီးမွမ်းဟောကြားခဲ့ခြင်း ဖြစ်ပါသည်။

#ပါမောက္ခချုပ်ဆရာတော် #ဒေါက်တာနန္ဒမာလာဘိဝံသ
🙏🙏🙏

◾ နိုင်ငံတစ်ခုမှာ သယံဇာတတွေ ဘယ်လောက်များများ… ပညာတတ်တဲ့သူတွေ၊ ဒါမှမဟုတ် စဉ်းစား ဆင်ခြင်နိုင်မှု နိမ့်ပါးတဲ့သူတွေများရင်…တိုးတက်ဖို့ မလွယ်ဘူး။ လက်ရှိ ပူပူနွေးနွေး ၂၀၂၁ အရေးအခင်းကိုပဲ ပြန်ကြည့်ပေါ့။ ဒီ (၅)နှစ်အတွင်း တိုင်းပြည် တည်ဆောက်ရေးကို သွားခဲ့ကြသလား။ အစိုးရ ပြုတ်ကျဖို့ အရေးကြီးတယ်ဆိုပြီး တိုင်းပြည်ဖျက်ဆီးရေးကို ဦးတည်ခဲ့ကြသလားဆိုတာ ပြန်ပြီးသုံးသပ်ဆင်ခြင်ကြည့်ကြ စေချင်တယ်။ ဒီ ၅ နှစ်အတွင်းမှာ တော်လှန်ရေးအကြောင်းပြပြီး ဒလံခေါင်းစဉ်နဲ့ လူသတ်ခဲ့ ကြတာ မနည်းသလို ဖျက်စီးခဲ့ကြတဲ့ နိုင်ငံပိုင်အဆောက်အအုံတွေလည်း မနည်းလှဘူး မလား။ ဒီကာလတစ်လျှောက် ကိုယ့်ကျင့်တရားအရ အာမခံနိုင်တဲ့ ဘယ်လက်နက်ကိုင် အဖွဲ့တွေ ရှိနေသေးလို့လဲပေါ့။
----
◾ ဒီကနေခေတ် နိုင်ငံတွေရဲ့ယှဉ်ပြိုင်မှုမှာလည်း လူ့စွမ်းအားအရင်းအမြစ်က အဓိကပဲ။ ဒီလို လူ့စွမ်းအားအရင်းအမြစ်ကိုမှ အသိပညာနဲ့ နည်းပညာစွမ်းရည်တွေ ထပ်ပေါင်း ထည့်တာမျိုးနဲ့…နိုင်ငံအချင်းချင်းကြားမှာ ယှဉ်ပြိုင်နိုင်စွမ်းတွေ ချဲ့ထွင်လာနေကြတယ်။ AI နည်းပညာတွေ၊ ဒီဂျစ်တယ်စီးပွားရေးလုပ်ငန်းစုတွေနဲ့ စွန့်ဦးတီထွင်မှုတွေက လက်ရှိ ကမ္ဘာ့စီးပွားရေးလမ်း ကြောင်းနဲ့ အကိုက်ညီဆုံးပဲ။ ဒါကို ဘယ်လိုထိုးဖောက်ယှဉ်ပြိုင်ကြမ လဲဆိုတာက …လက်ရှိ လူငယ်ထုအတွက် ပေးထားချက်ပုစ္ဆာတစ်ခုဆိုတာ ထောက်ပြထား တယ်။
---------
◾ လူငယ်ပဲ ဖြစ်ဖြစ်၊ လူကြီးပဲဖြစ်ဖြစ်….တည်ဆဲဥပဒေတွေ သိရှိလိုက်နာဖို့ကလည်း အရေးကြီးတယ်။ နိုင်ငံကို ဦးဆောင်ကြမယ့်လူငယ်တွေအတွက် ဥပဒေဆိုတာ အဓိက အသက်သွေးကြောပဲ။ တာဝန်ယူမှုနဲ့ တာဝန်ခံမှု၊ ဥပဒေကို လေးစားမှု၊ ဝေဖန်ပိုင်းခြား စဉ်းစားနိုင်မှုနဲ့ နိုင်ငံအကျိုးကို ဦးစားပေး မျှော်တွေးနိုင်မှုဆိုတာက...စနစ်တကျ ပြုစု ပျိုးထောင်နိုင်မှပဲ ရမယ်။ ဥပဒေကို သိမှပဲ…လုပ်သင့်လုပ်ထိုက်တာကို လုပ်နိုင်ကြလိမ့် မယ်။
--------
◾ နောက်တစ်ခုက အမျိုး၊ ဘာသာ၊ သာသနာနဲ့ ယဉ်ကျေးမှု အမွေအနှစ်တွေကို ထိန်းသိမ်းဖို့ဆိုတဲ့ တိုက်တွန်းချက်စကားလုံး။ ရိုးရာယဉ်ကျေးမှုကို ထိန်းသိမ်းရင်း…၊ မတူကွဲပြားမှုတွေကို လေးစားရင်း၊ သိပ္ပံနည်းကျ စဉ်းစားတွေးခေါ်တတ်မှုနဲ့ ကမ္ဘာ့ အသိုက်အဝန်းမှာ လိုက်လျောညီထွေ နေတတ်ဖို့ဆိုတာကလည်း…လူငယ်တွေအတွက် သိပ်ကို အရေးကြီးတယ်။ ဒါတွေက…မနေ့က ထူးချွန်ကျောင်းသား ၃၀၇ ဦးကို ရွှေစင်ဒင်္ဂါး ချီးမြှင့်တဲ့ ပွဲမှာ သမ္မတကြီး ပြောခဲ့တဲ့ မိန့်ခွန်းထဲက အဓိက Key Point တွေပဲ။

(နရီမိုး)

🍀 မင်္ဂလာရှိသော နံနက်ခင်း ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။

🍀ဘေးအန္တရာယ်ကင်းရှင်းပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

“အပါယ်ဘုံရောက်တယ်ဆိုတာ”
🔷🔷🔷🔷🔷🔷🔷🔷🔷🔷🔷

အပါယ်ဘုံရောက်တယ်ဆိုတာ
ဘာကြောင့်ရောက်တာတုန်းဆိုတော့စိတ်မနိုင်လို့ရောက်တာတွေချည်းပဲ။

စိတ်ထဲမှာမစင်ကြယ်တဲ့

လောဘတွေ
ဒေါသတွေ
မောဟတွေ
မာန်/မာနတွေ
ဣဿာမစ္ဆရိယတွေ
အဲဒါတွေကြောင့်အပါယ်ရောက်တာ။

စိတ်ထဲမှာဖြစ်တဲ့အညစ်အကြေးတွေကို
သန့်ရှင်းအောင်မလုပ်နိုင်လို့အပါယ်ရောက်တာ။

အဲဒါကြောင့်ကိုယ့်စိတ်ဆင်ရိုင်းကိုပညာတည်းဟူသောချွန်းဖြင့်အုပ်တယ်လို့
မြန်မာစာပေတွေမှာရေးလေ့ရှိတယ်။

အသိပညာနဲ့ဆင်ခြင်စဉ်းစားပြီးတော့ကိုယ့်စိတ်ကိုကောင်းတဲ့ဘက်ကိုရောက်အောင်
လမ်းမှန်ပေါ်တင်ပေးရမယ်။
ကောင်းအောင်ပြင်ရမယ်။

အခုလိုသာသနာနဲ့တွေ့တဲ့အချိန်ကလေးမှာ
ကောင်းအောင်မပြင်လိုက်နိုင်ဘူးဆိုရင်နောင်ဒီလိုအသိဥာဏ်မျိုးရဖို့ဆိုတာ
အများကြီးခဲယဉ်သွားပြီ ။
ရ လာ လိမ့် မယ် လို့ မထင် နဲ့ ။

ကျေးဇူးတော်ရှင် ပါမောက္ခချုပ်ဆရာတော် ဒေါက်တာ အရှင်နန္ဒမာလာဘိဝံသ

🍀 မင်္ဂလာရှိသော နံနက်ခင်း ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။

🍀ဘေးအန္တရာယ်ကင်းရှင်းပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

ဒေါသဖြစ်ပြီး ငုံ့ခံနေတာ ခန္တီမဟုတ်ဘူးနော်။ ဒေါသကို မဖြစ်အောင်ထားမှ ခန္တီအစစ်။ ခန္တီဆိုတာ "ခမု သဟနေ" တဲ့။ စွမ်းရည်သတ္တိတစ်မျိုးပဲ။ ဘယ်လိုစွမ်းရည်သတ္တိတစ်မျိုးတုန်းဆိုရင် ဘယ်လိုစိတ်ဆိုးအောင်လုပ်လုပ် စိတ်မဆိုးဘူး။ ဒီလိုဟာမျိုးကို ဆိုလိုတာ။ စိတ်ကိုက မဆိုးတာ။ ပြန်မပြောတာမျိုးကို ပြောတာမဟုတ်ဘူး။ ပြန်မလုပ်တာ၊ ပြန်မပြောတာကို ခန္တီလို့ ပြောတာမဟုတ်ဘူး။

စိတ်ကိုဆိုးအောင်လုပ်လို့မရအောင် သည်းခံနိုင်တဲ့ ကိုယ့်စိတ်လေးကို နဂိုစိတ်အခြေအနေအတိုင်း ထိန်းနိုင်တဲ့ အနေအထားမျိုးကိုသာ ခန္တီလို့ခေါ်တာတဲ့။ အဲဒီလို မဟုတ်ဘဲနဲ့ စိတ်ထဲကနေ ဗလောင်ဆူ၊ နှုတ်ခမ်းကြီးစူ မကျေမနပ်တွေဖြစ်နော်။ “နေနှင့်ဦး ကြည့်သေးတာပေါ့”တို့ ဘာတို့ဆိုရင် ဒါခန္တီမဟုတ်ဘူး။

ပါမောက္ခချုပ်ဆရာတော်
ဒေါက်တာနန္ဒမာလာဘိဝံသ

စစ်ရေးနဲ့ပတ်သက်‌လေတော့ နည်းနည်းပဲ ပြောပါ့မယ်။

ဗန်းမော်မကျအောင် ထိန်းနိုင်ပြီး စစ်ကူအများအပြားနဲ့ ထောက်ပို့ပစ္စည်း တွေ ရောက်ခဲ့တုန်းက မိုးတွင်း အစပါ။ ရေကြောင်းကနေ တခါတက်ရင် အနည်းဆုံး ဆယ်ချီ အုပ်လိုက်တက်တာပါ။ တစ်ခုရှိတာက ရေကြောင်း ဖြစ်တဲ့အတွက် အချိန်ပြည့်တော့ လိုက်စောင့်‌ ချင်မှ စောင့်နိုင်မှာပါ။ ဒါပေမယ့် တပ်ကူအနေနဲ့တော့ လေကြောင်းက အမြဲ အသင့်အနေအထား ရှိပါတယ်။


လက်ရှိ တိုက်ပွဲ ဖြစ်နိုင်တယ်လို့ ယူဆရတာက ရွှေကူ၊ စင်ခမ်းပါ။ ဒါကလည်း မြစ်ကျဉ်း နဲ့ နီးကပ်တာရယ်...၊ ဗန်းမော်မရောက်ခင် ဒီလိုနေရာတွေမှာ Cut off လုပ်နိုင်တာ သာမန်အရပ်သားတောင် သိပါတယ်။ ကိုယ်တွေအနေနဲ့ မသိနိုင်စရာ မရှိပါဘူး။ ချွင်းချက်ကတော့ စစ်သားဆိုတာကတော့ အမိန့်က အဓိက အသက်ပါ။ ဒီလို လမ်းမျိုး ဘာလို့ လွှတ်ရတာလည်း ဆိုတာက အရပ်သား အတွေးအခေါ်လို့ပဲ ဆိုရပါ့မယ်။ ဒီလို Risk များတာတွေက တပ်မတော်အတွက် အရင်ကလည်း ရှိခဲ့တယ်။ ခုလည်း ရှိဆဲ၊ နောင်လည်း ရှိလာရင် ကျော်ဖြတ်နေရဦးမှာပါပဲ။ လေကြောင်း စိတ်မချရသေးတဲ့နယ်မြေအတွက် လိုအပ်တဲ့ ထောက်ပို့ကိစ္စက ဒီလမ်းကြောင်းကိုပဲ မဖြစ်မနေ ရွေးချယ်ရတဲ့ သဘောပါ။


ပြန်ဆက်ရရင်.. မြစ်ကြောင်း တစ်လျှောက် ဆန်တက်ရတဲ့ သင်္ဘောတွေက.အထိအခိုက်လည်း အနည်းအကျဉ်း ရှိနိုင်တယ်ဆိုပေမယ့် လက်ရှိမြင်နေရတာမျိုး အထိတော့ ဖြစ်နိုင်ဖို့ ခက်ပါတယ်။ ဗန်းမော်က ရေခဲဖြစ်ပြီလို့ မပြောနိုင်သမျှ အရပ်သား အုပ်ချုပ်ရေး ဝန်ထမ်းတွေကိုလည်း လွှတ်စရာ မရှိနိုင်သေးပါဘူး။


အရင်က ရေးခဲ့ဖူးသလို ဗန်းမော်ကို ကျော်ကြည့်ပြီး လိုင်ဇာလောက် စစ်ရေးအရထောက်နိုင်မှသာ ဒီလမ်းခရီးက စိတ်ချရမှာပါ။ NCA တွေ၊ တိုင်းရင်းသားမို့ပါဆိုတာတွေ၊ ငြိမ်းချမ်းရေးတွေနဲ့ ကိုယ်တွေက လူကြီး လူကောင်း ဆန်ပေမယ့် ဘယ်သူပုန်၊ ဘယ်လက်နက်ကိုင်ကမှတော့ ဥပဒေနဲ့ အညီ ဆိုပြီး လာမှာ မဟုတ်ပါဘူး။ စစ်ပွဲဆိုတာက မာမာထန်ထန် ကိုယ်ကစမလုပ်ရင်....အရင်ဆုံး ကိုယ့်စစ်ကြောင်းက အသက်ပေးရမှာပါ။


ဒီတော့ မြစ်ကမ်းတစ်လျှောက်ကို စက်လက်တွေနဲ့ ချိန်၊ ပစ်ခတ်မှု ဖြစ်တာနဲ့ ချက်ခြင်း ဒရုန်းတက်နိုင်အောင်လုပ်၊ FPV drone တွေအတွက် ကာနိုင်သမျှ ရအောင်ကာ၊ မျက်စိရှင်ရှင်ထား၊ သတိဖွင့် နားစွင့်၊ တိုက်ပွဲ ဖြစ်တာနဲ့ ဖြစ်တဲ့နေရာ လေကြောင်းကပါ အမှုန့် အကုန်ကြိတ်....ဒီလိုသွားမှပဲ ကိုယ်တွေ ခံသာပါ့မယ်။



(နရီမိုး)

❝ ရေလွှမ်းမိုးမှု ပြဿနာနှင့် ရေအရင်းအမြစ် စီမံခန့်ခွဲမှု အခန်းကဏ္ဍ ❞


👉👉👉


https://t.me/c/3945493285/142