رجعت درجاتي تتساقط أكثر من شعري🌚.

المندوب محمد : ياطلاب الدكتور يعتذر وقال بنعوض المحاضرة يوم 14/7..

-احمد : يعني الان نمشي والا نجلس.. !!
-أشرف : انت من فاكر نفسك يعني تلعب بنا على ماتشتي وتخسرنا زلط سرحه ورجعه...!!!

-الحسن: الان انت تقصد اربعطعش شهر سبعه والا سبعة شهر اربعطعش...!!!
-انا : هنيت لك ياكلب حين رقدت الدكتور ماحضرش
- عبد الوهاب : يامندوب كلم اي دكتور يحضر بدله اهم شي نواصل المسيرة التعليمية ونستثمر الوقت الثمين

-اكرم في اخر صف : بشير.. يبشير اصحى ياخي اصحى نخرج نصتبح الدكتور ماعيجيش
-المندوبة : يااابنات لاحد تخرج لأجل اذا حضر الدكتور يتجمل لنا ويغيب العيال.

POV:
طلع المقص قص أنفك، شم الوردة، كيف تشمها وأنت ما عندك أنف!.😂💔

ـ علموا أولادكم الأدب، مش وقت السباحة وركوب الخيل .

في دفعتنا فاعلين الف قناة وقروب في التليجرام و الواتس والكل نفس الشي :
قروب للدفعة كلها
وقروب ثاني للدفعه كلها مدري ليش
وقروب لكل مجموعة
وقروب للأعياد والمناسبات والتهانيء بالاعراس والأموات
وقناة خاص بكل مادة نظري
وقناة خاص بكل مادة عملي
وقناة للحاجات المهمة
وقناة للكلام اللي مابش له داعي
وقنوات للبنات خاص
وقروب من غير الدكاترة
وقروب من غير الدكاترة والمعيدين
وقروب من غير الدكاترة والمعيدين ومندوب الدفعة.
وقروب للبنات خاص
وقروب مابش احد فيه.

لو عند الكلب حاجة لي بقول له يا كلب.

فعليًا😎.

أعتقد قده وقت ابدا اعتكف فوق الملزمة من الان .

💔 الله يفرجها عليهم وعلينا

ماعاد بش فرحه بعد الاختبار لما نزيد الدرجات في المجموع 😔

- اللهم الشغف للأيام الجاية 🌚

وحشتني محاضرات الجامعة اللي كُنت ما أحضرها.

بالله عيدو الإجازة لانه ما فهمت ☹️

أنا شاك أنه ضميري الدراسي مات في كورونا في 2020 بس مابش معي دليل.

الإنسان يعتاد ويجتاز
إلا إذا أختار أنه يكون بكاي هذا شي ثاني !

ماعندي مشكلة بالسعي ..
بس ليش مابش إجازة

يبدو أن هناك صعوبة في طلب حياة جديدة، دبر نفسك بالحاصل وبنشوف كيف بعدين!

- صباح الخير وبعد :
- الجامعة وراحة البال خطان متوازيان لا يلتقان .

جامعة صنعاء ايام الطيبين 🙂

واحنا ذلحين لاسوينا مسكرة فعلوا لنا شكوئ للمجلس التأديبي ..🚶🏼‍♀️