NUXUR SIDA️

Jacaylka kahor cafiska barta.❤️

2.7K viewsBahja🥰, 04:48

Dilkii basra

-------------------
Q2aad

Gaadhiga ayaa ay wada saareen dhaawacii
Wuuna la dhaqaaqay askarigii.
Ninkiina waa uu ka hadhay.
Laba isgoys kolkii uu ka laalaabtayba wuxu isasoo hortaagay isbitaal.
Saacadda ayaa uu eegay mise waa 12kii habeenimo.
Gudaha dhakhtarka ayaa uu sii galay,waxa aanu uga sii gudbay qaybta gargaarka degdega ah.
Laba hablood iyo wiil neeras ah oo dhar cad cad ayaa kasoo hor baxay.
-Adeer dhakhaatiirtii aaway ayaa uu su'aalay.
-Xiligan way tagaan oo ma joogaan.

Dhaawacii ayey soo rogeen.
Sariirta bukaanka ayaa la saaray.
Markiiba waxa lagu rakibay qalabka naqaska soo saara sidoo kale faleebooyin ayey ku rakibeen neeraskii.

Hal mar ayaa uu iska baxay askarigii yada oo aan la arkayn gaadhigiisiina kaxaystay.
Waagii baa baryey oo qorax nadiif ah ayaa bari kasoo baxday.
Waadh kamid ah qolalka dhakhtarka wali waxa yaala bukaankii.Waxa hareeraha ka taag taagan afar hablo ah oo neeras shaadhadh cad cad xidhan koomo ayey sidii ugu jirtaa.
Saacadda ayey fiiriyeen mise waa 11kii subaxnimo.
-Naa ninkii idiin keenay dhaawacani meeyey ayey tidhi inan kamid ah hablaha neeraska.
-Dee waa uu iska tagay
-Oo miyey daan garanayn?
-Maya?
Qoraxdii casar gaaban ayey u wareegtay.
Wiil neeras ah oo dhar cad cad xidhan ayaa soo dhex raacay dhismayaasha waadhadhka dhakhtarka sidii uu u soo socday waxa uu furay albaabkii qolka dhaawacu kujiray. Waa uu fiiriyey ma nuuxsanayso!. Qalabkii ayaa uu ku eegay mise waa mayd oo waa ay dhimatay!.
Cabaar ayaa uu kor taagna. Waa uu fekeray, Kadib mobilkiisii ayaa uu lasoo baxay oo laba sawir inta uu ka qaaday dhaawacii ayaa uu Facebook giisa ku bosti gareeyey oo kudul qoray: "Maydkan xalay ayaa na loo keenay isaga oo dhaawac ah hadda ayaa ay naftii kabaxday;Cidii garanaysa ha ugu timaado cusbitaalka wayn ama aniga ha ila soo xidhiidho".
Isla iyo markiiba waxa dhakhtarkii soogalay oday waayeel ah oo aad u murugaysan iyo islaan hooyo ah.
Hore ayey gudaha u soo galeen.Cumar neeras oo markaas kasoo baxay qolkii maydka ayey iska hor yimaadeen.
-Salama-calaykum adeer xagee kujirta inanta maydka ahi" odaygii ayaa cod gargariiraya kuyidhi.
-Adeer qolkan ee soo soco,waa uu horgalay oo geeyey qolkii.
Alla inantaydii basra!! alla hoogayey way qasheen! alla inantaydii!
Islaantii ayaa baroor qabsatay.
Isla markiiba saxaafad ayaa soo gaadhay goobtii.
Waxa warka kasoo muuqday ninkii waardiyaha beerta ahaa ee dhacdada arkaayey oo sharaxaya siday wax udhaceen.
Garabkiisa waxa taagan cumarkii neeraska ahaa iyo odayga murugaysan ee duqa ah kaasoo aabeheed ah.

Aniga oo goobta jooga ayaa gaadhi cad laga soo tuuray qof aan markii horeba wax la noolayn oo hore loo soo jidh dilay ayey u eekayd. Waxa yidhi waardiyihii beerta
Saxaafadii ayaa waydiinaysa gaadhiga ma aqoonsatay?.
-Haa muraayadaha ayaa u dallacnaa oo cid kujirta ma arkayn,laakiin hore waxa aan ugu arkay suhayb dheere wiilka uu dhalay wasiirka amnigu.
Saxaafaddii: Ma wasiir rooble inankiisa xoghayaha ah?.
Waardiyihii: Haa isaga ayaan ku arkay.
-Ma cadaynaysaa hadii maxkamad lagu geeyo.
-Haa.
Cumar: ninka taliyaha degmada ah ee la yidhaahdo cusmaan ayaa noo keenay dibna uguma soo noqon.Waa in isaga la waraysta.
Odaygii duqa ahaa: Adeer jaamacadda ayaan ku ogaa waan waayey sidii aan u sugaayeyna maydkeeda ayaan arkay adeer.

Subaxdii xigtay shacabkii magaalada ayaa mudaharaad iskugu soo baxay.waxa ay codsanayeen in taliyaha iyo wasiirkaba cadaaladda la horkeeno.
Maalin labaadii mudaharadkii ayaa sii xoogaystay.
Galinkii danbe ayaa warka laga soo daayey ayada oo lasii xidhaayo taliyihii.
Habeenkiina waxa warka laga daawaday wasiirkii oo xilka laga tuuray isaga iyo inankiisiina jeelka loo taxaabay.

Shan cisho kadib maxkamadda ayaa la horkeenay sadexdoodiiba.
Wasiirka inankiisii suhayb dheere ayaa maxkamadda horteeda ka qiranaya in uu kufsaday oo waliba jidh dilay.
Ayada oo live loo daawanayo ayey maxkamddii xukunkii ku dhawaaqday
Garsoorihii wuxu yidhi.

3.1K viewsAbdirisak fawsi, 19:01