The Killing Performance ( 2024 )

IMDB: 6.3/10

ဒီတစ်ခေါက်မှာတော့ လူသတ်မှုတရားခံကို ဖော်တိုင်း သေဆုံးသူ ဝိညာဉ်ကို
ခေါ်မေးတတ်တဲ့ မန်စစ်ဆေးရေးမှူးကြီးတစ်ယောက်ဟာ ပြဇာတ်ရုံက
မော့လင်ယိဆိုတဲ့ မြို့မျက်နှာဖုံး သဘင်သည်မလေး
သေနတ်ပစ်ခံရတဲ့အမှုမှန်ပေါ်ဖို့ လိုက်ခဲ့ပုံကို နောက်ခံထား
ရိုက်ကူးထားတဲ့ killing performance ဆိုတဲ့
ဇာတ်ကားလေးကို ဘာသာပြန်တင်ဆက်ပေးလိုက်ပါတယ်…ဒီဇာတ်လမ်းလေးမှာ
မြို့မျက်နှာဖုံး သဘင်သည်မလေး မော့လင်ယိဟာ
ပုရိသယောက်ျားသားတို့ နှလုံးသားကို ပိုင်ဆိုင်ထားပေမယ့် အားလုံးကို ငြင်းနေသူတစ်ဦးပေါ့…
ဒီလိုနဲ့ ဒီကောင်မလေးနားဝဲနေတဲ့ ပျားပိတုန်းတွေကြားထဲမှာမှ
ဘယ်သူက နှလုံးသားကို အပိုင်ရမလဲ ကြိုးစားနေကြရာကနေ
ကောင်မလေးဟာ ပြဇာတ်ရုံက အနောက်ပန်းခြံထဲမှာတင်
သေနတ်ပစ်ခံရပြီး အသက်ဆုံးရှုံးသွားခဲ့ရတယ်…
ဒီအပြင် ဘယ်သူက တရားခံဆိုတာကို
ရဲနဲ့ အမှုစစ်တွေလိုက်တာတောင် မသိခဲ့ဘူးတဲ့….

ဒီလိုနဲ့ ဇာတ်လိုက်ကျော်ကြီး မန်စစ်ဆေးရေးမှူးကို ခေါ်ခဲ့ရာကနေ
သံသယရှိသူ ၇ ယောက်ထွက်လာပြီး ဘယ်သူက တကယ့်တရားခံဆိုတာကို
စစ်ဆေးရင်း စစ်ဆေးရင်း မေးခွန်းထဲက မေးခွန်းပေါ်ဆိုသလို
တစ်ခုချင်း အလိမ်အညာတွေကနေ ဖုံးကွယ်ထားတဲ့အမှန်တရားကို
သိရပေမယ့် အဆုံးသတ်မှာ တကယ် မော့လင်ယိကိုသတ်တဲ့
တရားခံရှာတွေ့မတွေ့ဆိုတာတော့ ဇာတ်ကားလေးက အဖြေတစ်ခုပေးမှာပါ

The Monster Is Coming ( 2024 )

IMDB: 5.7/10

အခုတစ်ခေါက် OC ရဲ့ ပရိသတ်တွေအတွက် သဲထိတ်ရင်ဖိုရုပ်ရှင်လေးကို
ဘာသာပြန်တင်ဆက်ပေးလိုက်ပါတယ်။ ဇာတ်လမ်းအကျဉ်းလေးကတော့-ပင်လယ်နယ်နိမိတ်အတွင်းမှာ နိုင်ငံတကာက ပူးပေါင်းထူထောင်ထားတဲ့
ခါအော်စီးကျွန်းဟာ ပတ်ဝန်းကျင်လှပပြီး သဘာဝအရင်းအမြစ်ပြည့်ဝတဲ့
ရှားပါတောရိုင်းတိရစ္ဆာန်တွေ ရှင်သန်ရာ နယ်မြေလေးတစ်ခု ဖြစ်ပါတယ်။
ကျွန်းပေါ်မှာ လက်ဝါးကြီးအုပ်ထားတဲ့ ဟော်ကျုံနည်းပညာကုမ္ပဏီရဲ့
အပေးအယူတစ်ခုမှာ ဗီဇပြောင်းတိရစ္ဆာန်ကြီး ၂ ကောင်က
လွတ်မြောက်သွားခဲ့ပြီး လူသားတွေကို အန္တရာယ်ပြုနေခဲ့ပါတယ်။

ဇီဝဗေဒပညာရှင် စုန်နန်ဟာလည်း ဒီကိစ္စကို လိုက်လံစုံစမ်းချိန်မှာ
သူ့သမီးလေးရှောင်ထင်ကို တိရစ္ဆာန်ကြီးက ဖမ်းခေါ်သွားခဲ့ပါတယ်။
စုန့်နန်အတွက် မထင်ထားရဆုံးအဖြစ်က ဒီတိရစ္ဆာန်ကြီး ၂ ကောင်ကို
တီထွင်ဖန်တီးသူက သူ့ရဲ့ ဇနီးဟောင်းဖြစ်သူ ကျိုးချန့်ပဲ ဖြစ်နေပါတယ်။
ရှာဖွေစုံစမ်းမှုတွေနဲ့ တိရစ္ဆာန်ကြီးတွေကို ပြန်လည်ထိန်းသိမ်းဖို့
ရှောင်ထင်ကို ကယ်တင်ဖို့ တာဝန်ကြီးက စတင်ရပါတော့တယ်။ဒီလို အန္တရာယ်တွေကို စုန့်နန်တစ်ယောက် ဘယ်လို ဖြေရှင်းမလဲ……
သူ့ကို ဘယ်လို အန္တရာယ်အသစ်တွေကရော စောင့်နေမလဲ……
ဆိုတာကို ရုပ်ရှင်နဲ့အတူ ခံစားကြည့်ရှုလိုက်ရအောင်နော်။

Journey to the West: Conquering the Demons (2013)

IMDb Rating (6.7) / Rotten Tomatoes (94%)

ဒီရုပ်ရှင်ကို Stephen Chow က ဒါရိုက်တာအဖြစ်ရော တွဲဖက်ပရိုဂျူဆာအဖြစ်ပါ ဖန်တီးရိုက်ကူးထားတာဖြစ်ပါတယ်။
ဇာတ်ကြောင်းကတော့ အနောက်ဖက်သို့ခရီးသွားခြင်း ဒဏ္ဍာရီကို အခြေခံထားပြီး ကျမ်းစာသယ်တဲ့ ခရီးစဉ်မစတင်မီ ဆရာတော်ထန်စန်းကျန့်ဆိုပြီးဖြစ်မလာခင် သူ့ရဲ့တပည့်၃ယောက်ဖြစ်လာမယ့် ဝူခုန်းတို့ ပါကျဲတို့ မိစ္ဆာဘဝဖြစ်စဉ်နဲ့ မိစ္ဆာတွေကို နှိမ်နင်းတဲ့အကြောင်းကိုရိုက်ကူးထားတာပါ။ဇာတ်လမ်းလေးကတော့ မြစ်ဘေးကရွာတစ်ရွာမှာ ငါးမိစ္ဆာကြီးတစ်ကောင်သောင်းကျန်းနေတာကို ထန်စန်းကျန့်ကနှိမ်နင်းဖို့ကြိုးစားရာကနေစတင်ပါတယ်… မိစ္ဆာကိုမသတ်ဘဲ မေတ္တာနဲ့အစွဲချွတ်ချင်တဲ့သူ့ရဲ့လမ်းစဉ်ဟာ ထင်သလောက်မအောင်မြင်ပါဘူး… သူက လောကကြီးကိုကယ်တင်ဖို့ရာ ကြီးမားတဲ့မေတ္တာတရားကသာ အခရာလို့ သိထားပေမယ့် အစွမ်းမရှိတဲ့ သာမန်လူဖြစ်နေတော့ အခက်အခဲတွေအများအပြားနဲ့ စမ်းတစ်ဝါးဝါးဖြစ်နေခဲ့ပါတယ်။ဆိုတော့ကာ ထန်စန်းကျန့်ကိုအစွမ်းထက်အောင် ဘယ်သူကအလင်းပြမလဲ….လာပါပြီ မမရှုကြည်(Shu Qi)ပါပဲခင်ဗျာ….ထန်းစန်းကျန့်အဖြစ် မင်းသား Wen Zhang ရော မင်းသမီးရှုကြည်ရော အတိုင်အဖောက်ညီတာမလို့ ဒီရုပ်ရှင်က Rating မြင့်မားတဲ့ Journey to the West ဇာတ်ကားတစ်ကားဖြစ်ခဲ့ပါတယ်။
Stephen Chow ရဲ့ လက်ရာခြေရာတချို့ပါတာမလို့ မြင်နေကျ Journey to the West ဇာတ်လမ်းတွေနဲ့မတူဘဲ ကွဲပြားတဲ့ရသတချို့ကို ပေးစွမ်းနိုင်ခဲ့ပါတယ်။

Flying Scrap Car ( 2024 )

IMDB: 5.7/10

ဒီတစ်ခါမှာ OC ပရိသတ်တွေအတွက် ဟာသအမောပြေဇာတ်လမ်းလေးတစ်ပုဒ်ဖြစ်တဲ့
Flying Scrap Car ကားလေးကိုတင်ဆက်ပေးလိုက်ချင်ပါတယ်။ဇာတ်လမ်းလေးကတော့ ဖျောင်ယီရွာဆိုတာကတော့ ပြိုင်ကားပြိုင်ပွဲတွေကျင်းပတဲ့
ပြိုင်ပွဲကွင်းနေရာဖြစ်တာပေါ့။ ဒီရွာလေးရဲ့ထူးခြားချက်ကတော့ အသုံးမဝင်တဲ့ပစ္စည်းတွေကို
ပြန်လည်အသုံးပြုတဲ့ ပြိုင်ကားသဖွယ်လုပ်ပြီး ပြိုင်ပွဲယှဉ်ပြိုင်ကြတာပေါ့။ အဲ့လိုပစ္စည်းတွေကို
ပြန်တပ်ဆင်ပြုပြင်တဲ့စက်ရုံကို ပိုင်ဆိုင်ထားတဲ့ ဖန်းရှန့်ကတော့ အကြွေးတွေ
ပတ်လည်ဝိုင်းနေပြီး ပျော်ပျော်နေတတ်တဲ့လူဖြစ်ပြီး ရိုးသားဖြူစင်တဲ့လူတစ်ယောက်ဖြစ်တယ်။

သူနဲ့ဆရာတူအစ်ကိုတော် မာထာ့ဆွေကတော့ သူ့ဆရာနဲ့ပြိုင်ပြီးအနိုင်ရရှိသွားတဲ့လူဆိုပေမဲ့
ဖျောင်ယီရွာရဲ့ ပြိုင်ဘက် ဂလိုဘယ်လုပ်ငန်းစုကုမ္ပဏီဆီ သစ္စာတော်ခံခဲ့တာကြောင့်
တရွာလုံးက သူ့ကိုသစ္စာဖောက်အဖြစ်မုန်းတီးနေကြတာပေါ့။ဒီလိုနဲ့တနေ့မှာ တကမ္ဘာလုံး
ပြိုင်ကားပြိုင်ပွဲရဲ့ ပြိုင်ပွဲခွဲကျင်းပဖို့ကွင်းနေရာစကားတင်စာရင်းမှာ ဖျောင်ယီရွာနဲ့
ဂလိုဘယ်ကုမ္ပဏီနှစ်ခုက ထိပ်တန်းအကြိတ်အနယ်ယှဉ်ပြိုင်ကြတာပေါ့။ ကဲဒီတော့
ပြိုင်ဘက်ဂလိုဘယ်ကုမ္ပဏီနဲ့ ဖျောင်ယီရွာတို့ယှဉ်ပြိုင်မှုကြား ဘယ်သူအနိုင်ရရှိမလဲ။နောက်ဆုံးမှာ ဘယ်သူကိုရွေးချယ်သွားမလဲဆိုတဲ့ စိတ်ဝင်စားစရာကောင်းတဲ့
ယှဉ်ပြိုင်မှုတွေကို ဟာသအရောအနှောလေးနှင့် တင်ဆက်ထားတာဖြစ်တာကြောင့်
အမောပြေဟာသဇာတ်လေးတစ်ပုဒ်ကောင်းကို လက်မလွတ်တမ်းကြည့်ရူလိုက်ရအောင်

Tragic Hero (1987)

~ IMDb – 6.3/10, Rotten Tomatoes – 58% ~

၁၉၈၆မှာ ဂျွန်ဝူးရဲ့ A Better Tomorrow ရဲ့အောင်မြင်မှုနဲ့အတူ Heroic Bloodshed ရုပ်ရှင်တွေရဲ့ သဏ္ဍာန်ကပိုပေါ်လာပြီး ချောင်ယွန်ဖတ်ရဲ့ အောင်မြင်မှုလည်း တဟုန်ထိုးတက်လာပြီးတဲ့နောက် ၁၉၈၇မှာ ချောင်ယွန်ဖတ်ကားတွေမနည်းရိုက်ခဲ့တယ်။ An Autumn’s Tale, City on Fire, Tragic Hero, Rich and Famous, Flaming Brothers, A Better Tomorrow II တို့တွေပေါ့။ အဲဒီထဲက An Autumn’s Tale ကလွဲလို့ ကျန်တဲ့ကားတွေအကုန် Heroic Bloodshed ကားတွေချည်းပဲ။ ပြောရရင် ညီအစ်ကိုစိတ်ဓာတ်တွေ၊ သူရဲကောင်းဆန်တဲ့လုပ်ရပ်တွေနဲ့ ပစ်ခန်းခတ်ခန်းကြမ်းကြမ်းတွေ တွဲဖက်ပါဝင်နေတဲ့ ရုပ်ရှင်တွေ။ ဒီကားတွေထဲက ၂ကားကတော့ အဆက်တွေ။ Rich and Famous နဲ့ Tragic Hero တို့တွေပေါ့။ Tragic Hero က လပိုင်းလောက်စောပြီး အရင်ထွက်ပေမဲ့ ဇာတ်အရဆို သူက ၂ပဲ။ တစ်နှစ်တည်းထွက်တာဆိုတော့ ဘာလို့ဒါကိုအရင်ထုတ်လိုက်လဲတော့ မပြောတတ်ဘူး။ ဒါပေမဲ့သေချာတာက Tragic Hero ကြည့်ပြီးရင် Rich and Famous ကိုကြည့်ဖို့ မလိုလောက်တော့ဘူး။Tragic Hero ကို ရိုက်ထားတာက တေလာဝေါင်။ Behind the Yellow Line ဒါရိုက်တာ။ ကောင်းတာတွေလည်းရိုက်တယ်။ မကောင်းတာတွေလည်းရိုက်တယ်။ အတော်ကြီးလည်းမဟုတ်ဘူး။ ကောင်းတာတွေလည်းရှိတယ်။ ဒီကားက သူ့ကောင်းတဲ့ ၃ ၄ ကားထဲဝင်တယ်။ သရုပ်ဆောင်တွေကတော့ ချောင်ယွန်ဖတ်နဲ့ အန်ဒီလောင်။ ညီအစ်ကိုစိတ်ဓာတ်တွေ သဘောထားကြီးတာတွေနဲ့ပတ်သက်ရင် ချောင်ယွန်ဖတ်က ခွဲပစ်လို့မရတဲ့ မင်းသားပဲ။ သူက အဲဒီလိုဇာတ်ရုပ်တွေနဲ့ တော်တော်လေးလိုက်ဖက်တယ်။ အန်ဒီလောင်ကတော့ ထုံးစံအတိုင်း အက်ရှင်ကားတွေထဲက အန်ဒီလောင်ပါပဲ။ ဝေါင်ကာဝေးနဲ့ရိုက်ရိုက် ဂျွန်နီတိုနဲ့ရိုက်ရိုက် ဘန်နီချန်းနဲ့ရိုက်ရိုက် ဒီလိုကားတွေဆို အန်ဒီလောင်က အန်ဒီလောင်လို့ပဲပြောရမယ့်အထိ အန်ဒီလောင်ပီသတဲ့ပုံအတိုင်းပါပဲ။ဇာတ်ကတော့ ဟောင်ကောင်ဂိုဏ်းစတားလောကမှာ ထိပ်သီးဖြစ်ခဲ့တဲ့ ချောင်ယွန်ဖတ်မှာ လက်ရုံး၂ယောက်ရှိခဲ့တယ်။ အန်ဒီလောင်နဲ့ နောက်တစ်ကောင်ပေါ့။ သူတို့က ညီအစ်ကိုတွေ။ အဲဒီ၂ယောက်မှာ အန်ဒီလောင့်အစ်ကိုက ချောင်ယွန်ဖတ်ကို သစ္စာဖောက်သွားတယ်။ အင်အားလည်းကြီးလာတယ်။ စီးပွားရေးဘက်ပဲ အာရုံစိုက်နေတဲ့‌ ချောင်ယွန်ဖတ်အတွက်လန့်စရာဖြစ်လာတယ်။ ရှောင်လွှဲပေမယ့် ရှောင်လွှဲလို့မရဘဲ ထိပ်တိုက်ရင်ဆိုင်ရတဲ့အခါ သူ့မှာရှိသမျှအရာအားလုံးဆုံးရှုံးရဖို့ဖြစ်လာတယ်။ အဲဒီနောက် ပြန်တိုက်ခိုက်တဲ့အကြောင်းပေါ့။ ဒီလိုဇာတ်လမ်းတွေရဲ့ ပုံသေနည်းအတိုင်း မင်းသားခံရ ပြန်ထလာ ပြန်ချဆိုက်ပဲ။ Heroic Bloodshed ကားပီသစွာပဲ Battle Scene တွေက တော်တော်ကြမ်းကြမ်းပြထားတယ်။ ဂျွန်ဝူးကားတွေကြိုက်ရင် ကြည့်သင့်တယ်လို့ပဲပြောရမယ်။ အဲဒီပုံစံနဲ့ခပ်ဆင်ဆင်ပါပဲ။

Time and Tide (2000)

IMDB: 6.8/10

တိုင်လာက လမ်းပျော်လူငယ်လေးတစ်ယောက်ဖြစ်ပြီး သူ့ကြောင့်မိန်းကလေးတစ်ယောက် မတော်တဆကိုယ်ဝန်ရှိသွားတဲ့နောက်မှာ ငွေရှာဖို့ဆုံးဖြတ်ရင်းက တရားမ၀င်သက်တော်စောင့် ဂိုဏ်းတစ်ခုမှာ ၀င်လုပ်ခဲ့ပါတယ်။

အဲ့ဒီမှာပဲ လုပ်ငန်းတာဝန်တစ်ခုအတွင်း ဂျက်ခ်ဆိုတဲ့လူတစ်ယောက်နဲ့ မတော်တဆခင်မင်ရင်းနှီးခဲ့ရာကနေ အလုပ်တစ်ခုအတူတူတွဲလုပ်ဖို့ဖြစ်လာပါတော့တယ်။ တကယ်တမ်းတော့ ဂျက်ခ်ဟာ ထိပ်တန်းအဆင့်လေ့ကျင့်ထားတဲ့ကြေးစားတပ်ဖွဲ့ခေါင်းဆောင်ဟောင်း တစ်ဦးဖြစ်ပြီး ရာဇ၀တ်လောကကိုကျောခိုင်းပြီး သူ့ဇနီးနဲ့အခြေချဖို့ကြိုးစားနေတဲ့သူပါ။ ဒါပေမယ့်လဲ သူချန်ထားရစ်ခဲ့တဲ့ အတိတ်တွေဟာ သူရဲ့တည်ငြိမ်ဖို့ကြိုးစားနေတဲ့ဘ၀ထဲအထိ ၀င်စွက်နှောင့်ယှက်ဖို့ ကြိုးစားလာတဲ့အချိန်မှာတော့ တိုင်လာပါ ဒီကိစ္စတွေထဲ ၀င်ပတ်သက်ရပါတော့တယ်။ဟောင်ကောင်ရုပ်ရှင်လောကရဲ့ရွှေခေတ်အကြောင်းပြောရမယ်ဆိုရင် Tsui Hark အကြောင်းမပါပဲပြည့်စုံမှာမဟုတ်ပါဘူး။ မကြည့်ဖူးသူမရှိသလောက် နာမည်ကြီးတဲ့ Zu Warriors from the Magic Mountain၊ Once Upon a Time in China film series တွေ၊ A Chinese Ghost Story တွေကိုပုံဖော်ခဲ့တဲ့ ဒါရိုက်တာတစ်ယောက်ဖြစ်ပြီး ဒီကားကတော့ ဟောလိဝုဒ် မှာဗန်ဒိမ်းနဲ့နှစ်ကားဆက်တိုက်သွားရိုက်ပြီးဟိုမှာစိတ်ရှိတိုင်း ကြဲခွင့်မရလို့ဟောင်ကောင်ကို ပြန်လာပြီး ပထမဆုံး ရိုက်ခဲ့တဲ့ ဇာတ်ကားဖြစ်ပါတယ်။ သူ့ထုံးစံအတိုင်းခေတ်ရှေ့ကို မိုင်တွေကြိုပြေးပြီး ဂေါ်နေတဲ့ အမိုက်စား cinematography တွေကိုတွေ့မြင်ရပါလိမ့်မယ်။ slow-paced ဖြစ်လွန်းတယ်ဆိုပြီး ပြန်ပြင်ထားတာဆိုတော့ အစပိုင်းမှာတော့ ဇာတ်သွားကအတော်ကြီး မြန်သလိုဖြစ်နေပါလိမ့်မယ်။ ဒါပေမယ့် ကြည့်ရှူရတဲ့စက္ကန့်တိုင်းကို ကျေနပ်အားရစေမှာပါ။ ဟောင်ကောင်အက်ရှင်ကားကောင်းတွေထဲမှာ ဒီကားလည်း တစ်ကားအပါအဝင်ပါပဲ။

A Better Tomorrow III: Love and Death in Saigon (1989)

IMDB: 5.9/10

A Better Tomorrow Trilogy ရဲ့ နောက်ဆုံးကား ဖြစ်တဲ့ A Better Tomorrow III ကိုတော့ ရှေ့နှစ်ကားရဲ့ ဒါရိုက်တာ ဂျွန်ဝူးဟာ ပရိုဂျူဆာဖြစ်တဲ့ Tsui Hark နဲ့ သဘောထားကွဲလွဲရာကနေ ဆက်မရိုက်ဖြစ်ခဲ့ပါဘူး။ ပရိုဂျူဆာ Tsui Harkကပဲ ဒါရိုက်တာအဖြစ် ရိုက်ကူးခဲ့တယ်။Tsui Hark ဟာ A Better Tomorrow III နဲ့တော့ အောင်မြင်မှုအပြည့်အ၀ မရခဲ့ပေမဲ့ သူလည်း ဟောင်ကောင် စီနီမာရဲ့ အရေးပါတဲ့သူပါပဲ။ ဂျက်လီရဲ့ Once Upon A Time In China ၄ကားအပါအ၀င် Green Snake, Tide and Time, Seven Swords, Detective Dee, Journey to The West စတဲ့ အင်တာတိန်းမန့်အတော်ဖြစ်တဲ့ နာမည်ကျော်ကားတွေကိုရိုက်ခဲ့တယ်။သူရဲ့ A Better Tomorrow III ကတော့ ရှေ့၂ကားရဲ့အဆက်မဟုတ်ဘဲ ရှေ့၂ကားမတိုင်ခင်က အချိန်မှာဇာတ်အိမ်တည်ထားတယ်။ ၁မှာ သိပ်မကြမ်းပြသွားရတဲ့ မာ့ခ်ရဲ့ ဗီယက်နမ် ဆိုင်ဂုံမှာ ပြန်ကြမ်းပြမယ့်ရုပ်ရှင်ပေါ့။ ဇာတ်အိမ်တည်ထားတာက ၁၉၇၄ ဗီယက်နမ်စစ်ပွဲမပြီးခင် တစ်နှစ်ဆိုတော့ ဗီယက်နမ်စစ်ပွဲအတွင်း ၀င်ကြမ်းသွားတာပါပဲ။ ပစ်ခန်းခတ်ခန်းတွေက စစ်ပွဲကာလအတွင်းဆိုတော့ ရှေ့၂ကားထက်ပိုကြမ်းပါတယ်။ ဒါရိုက်တာဟာ ရှေ့၂ကားကလူတွေကို စကားနဲ့တစ်ဖုံ လူကိုယ်တိုင်တစ်ဖုံထည့်ပြီး ရှေ့၂ကားစလုံးနဲ့ ချိတ်သွားတော့ ရှေ့၂ကားကို ကြိုက်တဲ့သူတွေ မလွဲမသွေ ကြည့်သင့်တယ်လို့ ပြောရမှာပါပဲ။
လတ်စလီချောင်တို့ တီလုံးတို့တော့ မပါပေမဲ့ ဟောင်ကောင်ရဲ့ နာမည်ကြီးမင်းသားတစ်ယောက် ဖြစ်တဲ့ တိုနီလျောင်ချုဝေနဲ့အပြိုင်ဖြစ်တဲ့ နာမည်ပါတူနေတဲ့ တိုနီလျောင်ခဖိုင်တော့ ပါလာပါတယ်။ မာ့ခ်ရဲ့ ၀မ်းကွဲနေရာကပါ။ ခဖိုင်ရဲ့ အဖေကို သွားခေါ်ဖို့ သူတို့ဆိုင်ဂုံကို သွားရာကနေ ဒီဇာတ်လမ်းက စလာတာပါပဲ။ ခဖိုင်ရဲ့ ကာရိုက်တာဟာ တော်တော်လည်း စိတ်၀င်စားစရာကောင်းတယ်။နောက်ဒီရုပ်ရှင်ကို ဂျွန်ဝူးရိုက်တာမဟုတ်ပေမဲ့ ရှေ့၂ကားရဲ့ အငွေ့အသက်မကင်းတာကြောင့် ဂျွန်ဝူးရဲ့ Heroic Bloodshed ဟန်က မလွတ်တာမို့ Bloodshed ဟန်ကို ထပ်မြင်ချင်တဲ့သူတွေ အကြိုက်တွေ့မှာပါ။ ဒီကားရိုက်ပြီးနောက်မှာပဲ ဂျွန်ဝူးကလည်း ဆိုင်ဂုံမှာပဲ အခြေတည်ထားတဲ့ Bullet In The Head ကို ရိုက်ခဲ့တယ်ဆိုတော့ အစကတည်းက သူတို့၂ယောက်လုံး ဆိုင်ဂုံကို မျက်စိကျခဲ့ကြပုံရတယ်။A Better Tomorrow Trilogy ကို ဂျွန်ဝူးကိုယ်တိုင် အဆုံးမသတ်ပေးနိုင်ခဲ့ပေမဲ့ ဂျွန်ဝူးရဲ့ လမ်းစဉ်ကိုတော့ မဖောက်ဖျက်ခဲ့တာကြောင့် A Better Tomorrow Trilogy ဟာ အကောင်းဆုံး မဟုတ်တောင် သင့်တင့်တဲ့ နောက်ဆုံးကားတစ်ကားရခဲ့တယ်ဆိုရမှာပါ။ ဟောင်ကောင် အက်ရှင်ကားတွေ အကြောင်းပြောကြရင် ဖယ်ထားလို့မရတဲ့ A Better Tomorrow ရဲ့ နောက်ဆုံးရုပ်ရှင်ဟာ သူ့ပရိသတ်တွေကို အတိုင်းအတာတစ်ခုအထိ စိတ်ကျေနပ်မှုပေးနိုင်မှာပါပဲ။

The Lonely Warrior ( 2023 )

IMDB: 6/10

OC ကနေ ဒီတစ်ခေါက်တင်ဆက်ပေးမယ့်ဇာတ်ကားလေးကတော့ မှုခင်းရဲဇာတ်ကားလေးပဲဖြစ်ပါတယ်
Main cast တွေအနေနဲ့ နာမည်ကြီးသရုပ်ဆောင်တွေဖြစ်တဲ့
Yi Zhen ,Chen Li တို့က အဓိကပါဝင်သရုပ်ဆောင်ထားပြီ
း Steven Zhang ကလည်း ပါဝင်အားဖြည့်ပေးထားတာပါဇာတ်လမ်းအကျဉ်းကိုပြောပြရမယ်ဆိုရင် အသက်မပြည့်သေးတဲ့
မိန်းကလေးငယ်တစ်ယောက်ကို အဓမ္မပြုကျင့်ပြီးသတ်သွားခဲ့တာကနေ
ဇာတ်လမ်းလေးကို အစတည်ထားပါတယ်
မှုခင်းရဲတပ်ဖွဲ့(၃)က ခေါင်းဆောင်ချန်ဦးဆောင်တဲ့အဖွဲ့ဟာ
အမှုကြီးတွေကို ကိုင်တွယ်ရာမှာ နာမည်ကြီးပါ ဒီအမှုကိုလည်း
သူတို့အဖွဲ့ပဲကိုင်တွယ်စုံစမ်းနေစဉ်မှာ သူတို့သိလိုက်ရတာက
ဒီအမှုက သာမန်သွေးရိုးသားရိုးမဟုတ်ဘဲ ကွင်းဆက်အဓမ္မပြုကျင့်လူသတ်မှုဖြစ်နေခဲ့တာပါပဲတရားခံကတော့ ဝမ်သာ့ယုံနဲ့ ဝမ်အော့ယုံ ညီအစ်ကိုနှစ်ယောက်ပါ
တရားခံကိုသိရတဲ့အချိန်မှာ လိုက်လံဖမ်းဆီးခဲ့ပေမယ့် အစ်ကိုဖြစ်သူကိုပဲ
ဖမ်းဆီးလို့ရခဲ့ပါတယ် အစ်ကိုဖြစ်သူဆီကနေ ညီဖြစ်သူရဲ့သတင်းကို
စစ်ဆေးမေးမြန်းရာကနေ ခြေလွန်လက်လွန်တွေဖြစ်ပြီး
တရားခံဝမ်သာ့ယုံ သေဆုံးသွားခဲ့ပါတယ် ခေါင်းဆောင်ချန်အပါအဝင်
သူတို့အဖွဲ့(၃)က အဖွဲ့ဝင်တွေလည်း အသီးသီးထောင်ကျသွားခဲ့ပါတယ်ချန်ပင်းတစ်ယောက် ထောင်ကထွက်လာပြီးနောက်ပိုင်းမှာ လွတ်နေသေးတဲ့
တရားခံဝမ်အော့ယုံကို ဖမ်းမိဖို့အတွက် ဘယ်လိုတွေကြိုးစားကြမှာလဲ
ဘယ်လိုအခက်ခဲတွေနဲ့ရင်ဆိုင်ရဦးမှာလဲ….
မှုခင်းရုပ်ရှင်တွေကို စိတ်ဝင်စားတဲ့ပရိတ်သတ်တွေအကြိုက်တွေ့စေနိုင်မယ့်
ဒီဇာတ်ကားလေးမို့လို့ ကြည့်ရှုအားပေးကြပါဦးနော်

Exiled (2006)

~ IMDb – 7.2/10, RT – 80%, Meta – 73% ~

Directed by “Johnnie To”ဂျွန်နီတိုရဲ့ ဒါရိုက်တာဘဝအစောပိုင်းမှာ ခုလို Crime Action ရုပ်ရှင်တွေကို စရိုက်ခဲ့တာတော့မဟုတ်ဘူး။ ကနဦးသူ့ရုပ်ရှင်တွေမှာ ဟာသနဲ့အက်ရှင်အရောကားတွေ ချောင်ကားတွေအထိ ရိုက်ခဲ့တယ်။ နောက်ကျ မှုခင်းအက်ရှင်ဘက် ပိုကူးလာတာတွေ့ရတယ်။ ဒါပေမဲ့ နှောင်းပိုင်းမှာတော့ Crime Action ကားတွေပဲ အရိုက်များလာခဲ့သလို အဲဒီကားတွေကလည်း သူ့မာစတာပိစ်ဖြစ်လာခဲ့တယ်။ ကနဦးအားဖြင့်တော့ သူက စတားတွေအသုံးများခဲ့တယ်။ ဒါပေမဲ့ သူ့တကယ့်မာစတာပိစ်ဆိုတာတွေကတော့ စတားတွေ မသုံးထားတာတွေပဲ။ သို့ပေမဲ့ သရုပ်ဆောင်ကောင်းတဲ့ သူသုံးနေကျလူတွေပါပဲ။ The Misson နောက်ပိုင်းကတည်းက ဒီလိုပုံစံမျိုးမှာ ဒီလူတွေကို သူခဏခဏသုံးလာခဲ့တယ်။ သူ့ကားတွေများပေမဲ့ ဒီလူတွေပါရင်ကို သူ့မာစတာပိစ်ကားလို့သတ်မှတ်လိုက်လို့ရတယ်။ ဒီနှစ်ကားကတော့ အဲဒီလူတွေကို သုံးထားတဲ့ သူ့မာစတာပိစ်၂ကားပေါ့။Exiled (2006) ကလည်း ဂျွန်နီတို့ တစ်ချို့ရုပ်ရှင်တွေလိုမျိုး ရဲတွေဝင်မပါရဲတာကို ကောင်းကောင်းအသုံးချပြထားတဲ့ ဂျွန်နီတိုရုပ်ရှင်ပဲ။ ဒီဇာတ်အဖြစ်အပျက်တစ်ခုလုံးရဲ့ကြာချိန်ကို ဂိုဏ်းတွေပစ်ခတ်တဲ့ ကြားရောက်ရောက်လာတတ်တဲ့ ပင်စင်ယူတော့မယ့်ရဲအဘိုးကြီးကို သုံးပြီးပြသွားတယ်။ ဘယ်လိုပြလဲဆို‌တော့ သူတို့ပြဿနာစဖြစ်တဲ့အချိန်မှာ ရဲအဘိုးကြီးက သူပင်စင်ယူဖို့ ၃ရက်ပဲလိုတော့တယ် သူ့ဘာသာလေးနေပါရစေလို့ပြောတာကနေ စတယ်။ ဒီကနေ သူက ဂိုဏ်းတွေချပြီဆိုပေါ်လာတတ်တယ်။ သူပင်စင်ယူဖို့ ဘယ်နှနာရီပဲလိုတော့တယ် ထထအော်ပြီး လစ်လစ်သွားတယ်။ သူပင်စင်ယူမယ့်ညမှာ ဒီဇာတ်က ဆုံးသွားတယ်။ ဆိုတော့ အဖြစ်အပျက်တွေများပေမဲ့ ဒီဇာတ်က တကယ်တမ်း ၃ရက်ပဲ။ Exiled မှာ Anthony Wong, Francis Ng, Lam Suet, Nick Cheung, Richie Jen, Simon Yam တို့ပါထားတယ်။ ဒီလူတွေနဲ့ ဒီလိုကားတွေ လိုက်တယ်ဆိုတာ ထပ်ပြောဖို့မလိုလောက်တော့ဘူး။
Nick Cheung ရဲ့ ဇာတ်ကောင်က သူတို့ဘော့စ် Simon Yam ကို သတ်ဖို့ကြိုးစားခဲ့တယ်။ ဒီတော့ သူတို့ဘော့စ်က နစ်ရဲ့ဇာတ်ကောင်ကို သူ့လူတွေကို သတ်ခိုင်းတယ်။ သူ့လူတွေဆိုတာလည်း နစ်ရဲ့ ဘော်ဒါတွေချည်းပဲ။ ဒီတော့ သူတို့တွေ သတ်ဖို့သွားပေမဲ့ တကယ်တမ်းမသတ်ရက်ဘဲ အတူတူထွက်ပြေးကြဖို့ အကြောင်းဖန်လာတယ်။ ဒီမှာတစ်ခုရှိတာက ဒီအဖြစ်က ကိုရီးယားက ရိုက်တဲ့ Jang Dong-gun ပါတဲ့ Friend (2001) လို အဖြစ်မျိုးပဲ။ အဲဒီမှာတော့ ဘော်ဒါကိုသတ်လိုက်ပေမဲ့ ဒီမှာတော့ တော်တော်အားရစရာကောင်းတယ်။ နှစ်ခုယှဉ်ကြည့်လိုက်ရင် ဒီဇာတ်က တော်တော်အားရစရာကောင်းလိမ့်မယ်။ ဆိုခဲ့သလို သူတို့တွေ ပြေးဖို့ကြံရင်း ငွေရအောင် နောက်ဆုံးအလုပ်ကိုလုပ်ကြတယ်။ အဲဒီအလုပ်အဆင်မပြေသွားရာကနေ ဒီသုံးရက်အတွင်း ဘယ်လို ဂြိုဟ်တွေ ဝင်စီးလဲ ပြတယ်။ ဒါပဲ။သူ့ထုံးစံအတိုင်း ဇာတ်အချိန်ကျဉ်းတယ်။ ကကျိုးကကြောင်အဖြစ်တွေလည်းပါတယ်။ ဂျွန်နီတိုအရသာအပြည့်ရတယ်။ ဒါမဲ့ တချို့အချက်တွေကြောင့် ဒီကားကို ဂျွန်နီတိုရဲ့အကောင်းဆုံးကားလို့ သတ်မှတ်ချင်မိတာမျိုးတော့ ရှိတယ်။ ဥပမာဆို နောက်ဆုံးပစ်ခန်း ပစ်ကြခတ်ကြတာတွေကို ကျွန်တော်တို့ကိုပြရင် အနည်းဆုံး ၅မိနစ်ဝန်းကျင်လောက်တော့ ကြည့်ရတယ်။ လူအုပ်လိုက်ကြီးပစ်ခတ်နေကြတာဆိုတော့ ထောင့်ပေါင်းစုံက ပတ်ပြနေတာကိုး။ ဒါပေမဲ့ ပစ်ခတ်ကြတဲ့အချိန်ဟာ ခဏလေးဆိုတာကို ကြည့်တဲ့သူ မြင်သာ‌အောင် ဂျွန်နီတိုက လှလှလေးပြသွားတယ်။ ဆိုင်မွန်ယန်းရဲ့ ဇာတ်ကောင် ဘော့စ်က ကျွဲရိုင်းဘူးကို ဝရန်တာက ပစ်ချပြီး သူ့လူတွေကို ပစ်ဖို့အချက်ပြတယ်။ ဘူးမကျခင် တစ်ကောင်က ဘူးကိုကန်ချလိုက်တယ်။ ပြီးတော့နောက်တစ်ကောင်ကကန်တယ်။ နောက်ဆုံးအန်သိုနီဝေါင်ထပ်ကန်လိုက်လို့ ဘူးလေထဲပြန်မြောက်သွားတဲ့အချိန်မှာ စပစ်ကြတယ်။ ပစ်တာခတ်တာကတော့ အကြာကြီးလိုလိုပဲ။ ဟိုကောင်ကပစ်တာပြလိုက် ဒီကောင်ကပစ်တာပြလိုက်နဲ့ပဲ။ အကုန်လည်းသေပြီးရော ဘူးက ကြမ်းပေါ်ပြုတ်ကျတာကိုပြတယ်။ တကယ်တမ်း သူတို့ပစ်နေကြတဲ့အချိန်က စက္ကန့်ပိုင်းပဲရှိခဲ့တာကို ဂျွန်နီတိုက ဇာတ်ထဲရှိနေပြီးသား အရာကိုပဲသုံးပြီး လှလှပပကို ပြသွားခဲ့တယ်။ Exiled (2006) ဟာ ကြည့်လို့တော်တော်အရသာရှိတဲ့ ဂျွန်နီတိုရုပ်ရှင်တွေထဲမှာတောင် ကြည့်လို့တော်တော်အရသာရှိနေတဲ့ ရုပ်ရှင်ပဲ။ ခုကြည့်ပြီး ခုနောက်တစ်ခေါက်ပြန်ကြည့်ချင်လောက်အောင်ကို ကြည့်ရ အရသာရှိလွန်းခဲ့ပါတယ်။

Running Out of Time (1999)

~ IMDb – 7.3/10, Rotten Tomatoes – 90% ~
Directed by “Johnnie To”

Four Heavenly Kings of Cantopop လို့ဆိုကြတဲ့ အန်ဒီလောင်၊ ဂျက်ကီချောင်၊ အာရွန်ကော့၊ လီယွန်လိုင်တို့ထဲ အန်ဒီလောင်က ရုပ်ရှင်လိုင်းထဲတော့ အဂေါ်ဆုံးလို့ ကျိန်းသေပြောလို့ရတယ်။ ပြောလို့ရဆို သူ သရုပ်ဆောင်နယ်ပယ်ကို သေသေချာချာစဝင်တာကလည်း အန်းဟွေရဲ့ Boat People နဲ့စတာဖြစ်သလို ပထမဆုံးခေါင်းဆောင်မင်းသား စဖြစ်တာကလည်း Shaw Brothers ရဲ့ အက်ရှင်ကား On the Wrong Track နဲ့စတာ။ နောက် ဝေါင်ကာဝေးရဲ့ ပထမဆုံးရုပ်ရှင် As Tears Go By, နောက် ဟောင်ကောင်အက်ရှင်ရိုမန့်မာစတာပိစ်တစ်ကားဖြစ်တဲ့ ဘန်နီချန်းရဲ့ A Moment of Romance… ၁၉၉၉မှာ ဂျွန်နီတိုရဲ့ Running Out of Time နဲ့ သရုပ်ဆောင်ဆုရခဲ့သလို အဲဒီနောက်မှာ Infernal Affairs ကားတွေရိုက်ခဲ့တယ်။ ဒါက တကယ့်အထင်ကရတွေချည်း။ ဂျွန်နီတိုတို့ ဝေါင်ကာဝေးတို့နဲ့ကားတွေ တခြားကားကောင်းတွေ မနည်းဘူး။ ကျန်တဲ့သုံးယောက်လည်း ဒါရိုက်တာကောင်းတွေနဲ့တွဲလုပ်ဖူးပေမဲ့ သူ့လောက်တော့မများဘူး။ ဒါပေမဲ့ ကျန်တဲ့သုံးယောက်မှာလည်း ကိုယ်ပိုင်မာစတာပိစ်ကားတွေရှိနေတာပါပဲ။ Four Heavenly Kings ဟာ Four Heavenly Kings တော့ ပီသခဲ့တယ်။အန်ဒီလောင်နဲ့ ဂျွန်နီတို တွဲရိုက်ဖူးတာ ၇ကား၈ကားလောက်တော့ရှိတယ်။ အဲဒီထဲကမှ Running Out of Time နဲ့ Blind Detective ကတော့ အကြမ်းဆုံးပဲ။ Running on Karma, Needing You, Love on a Diet နဲ့ A Moment of Romance III တို့ကတော့ အစောပိုင်းကားတွေဆိုတော့ သူ့ပုံစံသိပ်မပေါ်သေးဘူး။ Running Out of Time မှာတောင် ဂိုဏ်းစတားရုပ်ရှင်မဟုတ်ဘဲ Heroic Action ဆန်ဆန်ဆိုတော့ ဒါမျိုးက သူ့ဆီမှာပဲ တွေ့နိုင်တဲ့ကားမျိုးမဟုတ်နေဘဲ ဟောင်ကောင်အက်ရှင်စီနီမာတစ်ခုလုံးမှာ နိုင်းချင်းတွေ့နေကျကားတွေပဲ။ အထူးသဖြင့် ဂျွန်ဝူးဆီမှာပေါ့။ ဂျွန်ဝူးလို အပစ်အခတ်ကြမ်းတယ်လို့တော့ မဆိုလိုဘူးပေါ့။ နည်းနည်းထူးမှာက ညှိနှိုင်းရေးသမားနဲ့ ဓားစာခံဖမ်းအကြပ်ကိုင်တဲ့လူဆိုးတွေကြားက အဖြစ်တွေကို ရိုက်ပြထားတာပဲ။ ဒါမျိုးအများကြီးတော့ မတွေ့ဖူးဘူးပေါ့။
အန်ဒီလောင်နဲ့အတူ သရုပ်ဆောင်ထားတာက သူသုံးနေကျထဲက Sean Lau နဲ့ Lam Suet နောက် Waise Lee တို့ပါပဲ။ သူ့ကားတွေထုံးစံအတိုင်း သူသုံးနေကျ သရုပ်ဆောင်တွေနဲ့တော့ ကြမ်းနေတာပါပဲ။ Sean Lau ကို Mad Detective မှာနဲ့ တော်တော်ကွဲပြားတဲ့ ကာရိုက်တာနဲ့ပြထားသလို ဒီကားက သူ့နောက်ပိုင်းကားတွေလို Hero မပါတဲ့ကားမဟုတ်ဘဲ Hero ပါတဲ့ကားဖြစ်နေတော့ အန်ဒီလောင်က အဲဒီဟီးရိုးနေရာက သရုပ်ဆောင်ထားတာကိုလည်း မြင်ရလိမ့်မယ်။ ဒါပေမဲ့ Blind Detective မှာလည်း အန်ဒီလောင်နဲ့ ဟီးရိုးပါတဲ့ကားထပ်ရိုက်ဖူးတော့ အန်ဒီလောင်နဲ့ရိုက်ရင် ဒီလိုကားမျိုးတွေဖြစ်နေတတ်တယ်လို့ အကြမ်းဖျဉ်းသတ်မှတ်ရမှာပဲ။ အန်ဒီလောင်နဲ့ ဂျွန်နီတိုတွဲရိုက်ဖူးတဲ့ထဲက အကောင်းဆုံး၂ကားဖြစ်တဲ့ Running Out of Time နဲ့ Blind Detective မှာတူတာက နှစ်ခုလုံးက အက်ရှင်ထက် လူဆိုးနဲ့ရဲ ဉာဏ်ကစားတာကို ပြသွားတာပဲ။ ရဲကို ဂျွန်နီတို အကောင်းရိုက််ပြသွားတဲ့ သိပ်မများတဲ့ကားတွေထဲက ကားတွေပေါ့။ Running Out of Time 2 တော့ ထပ်ထွက်ပေမဲ့ ဂျွန်နီတိုရိုက်တာ မဟုတ်တော့သလို အန်ဒီလောင်လည်းမပါတော့ပါဘူး။

Triple Tap (2010)

IMDB: 6.2/10

ဒီတစ်ခါမှာတော့ OC ပရိသတ်ကြီးတို့ကို ၂၀၁၀ ခုနှစ်ကထွက်ရှိခဲ့တဲ့ ဟောင်ကောင်ဇာတ်ကားတစ်ကားနဲ့ မိတ်ဆက်ပေးချင်ပါတယ်။

ဇာတ်ကားနာမည်ကတော့ Triple Tap လို့ခေါ်ပြီးတော့One Night in Mongkok နဲ့ Double Tap အစရှိတဲ့ဇာတ်ကားတွေရဲ့ sequel ကား ဖြစ်ပါတယ်။
ဒီဇာတ်ကားထဲမှာတော့ Louis Koo နဲ့ Daniel Wu တို့ကအဓိက ပါဝင်သရုပ်ဆောင်ထားတာ ဖြစ်ပါတယ်။ ဇာတ်လမ်းအကျဉ်းကို ပြောပြရရင်တော့သေနတ်ပြိုင်ပွဲချန်ပီယံရဲ့ မစ္စတာကန်ကွမ် (Louis Koo) ကIPSC ပြိုင်ပွဲမှာ အနိုင်ရခဲ့ပြီးတော့ အိမ်ကိုပြန်လာခဲ့တယ်။အိမ်ပြန်လမ်းမှာ ဓားပြတိုက်မှုတစ်ခုနဲ့ ကြုံတွေ့ခဲ့ရတယ်။ဓားပြတိုက်သူတွေဟာ ကျည်ကာကားပေါ်မှာပါတဲ့သန်းရာချီတန်တဲ့ ပိုင်ဆိုင်မှုစာချုပ်ကို လိုချင်ကြတာပါ။ဓားပြတိုက်သူတွေက ကားပေါ်မှာ လိုက်ပါလာသူတွေနဲ့ရုန်းရင်းဆန်ခတ်ဖြစ်ရင်း သေနတ်ပစ်ဖောက်ခဲ့ကြတယ်။ဒါတွေကို ကန်ကွမ်က အစအဆုံးမြင်လိုက်ရပါတယ်။ခဏကြာပြီးနောက်မှာ ယာဉ်ထိန်းရဲ ရောက်လာခဲ့တယ်။ယာဉ်ထိန်းရဲကိုလည်း သေနတ်နဲ့ ပစ်တော့မှာကို မြင်သွားတဲ့အခါကန်ကွမ်ဟာ ဓားပြတွေကို သူ့မှာပါလာတဲ့သေနတ်နဲ့ ပစ်သတ်ခဲ့ပါတယ်။ဒီကိစ္စနဲ့ပတ်သက်လို့ ကန်ကွမ် လူသတ်လိုက်တာ မှန်တယ်မမှန်ဘူးဆိုပြီး တရားရုံးရောက်တဲ့အထိ အငြင်းပွားကြပါတော့တယ်။စာချုပ်ဓားပြတိုက်တဲ့ အမှုကို စုံစမ်းမယ့် ရဲအရာရှိဂျယ်ရီချုံက ကန်ကွမ်နဲ့ ပြိုင်ပွဲမှာ ရှေ့ဆင့်နောက်ဆင့် ဆုရသူတွေပါ။မျက်မြင်သက်သေတွေလည်းအကုန်သေသံသယတရားခံတစ်ယောက်ကလည်းလွတ်သွားဘာသက်သေမှမကျန်ခဲ့တဲ့ ဒီအမှုကို ဂျယ်ရီချုံတစ်ယောက်ဘယ်လိုစုံစမ်းဖော်ထုတ်မလဲ။ အခင်းဖြစ်ပုံကို အစအဆုံးမြင်ခဲ့တဲ့ ကန်ကွမ်ကရောအားလုံးထင်သလို အရာရှိကို ကယ်တင်ခဲ့တဲ့သူရဲကောင်းတစ်ယောက် ဟုတ်ရဲ့လား၊ နောက်ကွယ်မှာဘာဇာတ်လမ်းတွေရှိနေဦးမလဲဆိုတာကိုတော့ပရိသတ်ကြီးတို့ကိုယ်တိုင် ဒီကားထဲမှာ ကြည့်ရှုလိုက်ကြပါနော်။

Fleet of Time (2014)

IMDB: 5.6/10

ဒီတစ်ခါမှာတော့ တရုတ် romance ကားလေး တစ်ကားနဲ့ မိတ်ဆက်ပေးပါရစေ။ဇာတ်ကားနာမည်ကတော့ fleet of time လို့ခေါ်ပြီးတော့ ၂၀၁၄ ခုနှစ်က ထွက်ရှိခဲ့တဲ့ ရုပ်ရှင်ကားပဲ ဖြစ်ပါတယ်။ ၁၉၉၀ – ၂၀၀၀ ပြည့်နှစ်ကြားမှာ အထက်တန်းကျောင်းသားဘဝကို ဖြတ်သန်းခဲ့ကြတဲ့
သူငယ်ချင်းတစ်ဖွဲ့အကြောင်းကို အဓိက ရိုက်ကူးထားတာဖြစ်ပါတယ်။အဓိကဇာတ်ဆောင်တွေအနေနဲ့ မင်းသား Eddie Peng က ချန်ရွှင်အဖြစ်နဲ့နာမည်ကြီးရုပ်ရှင် Lost in the Stars ထဲကမင်းသမီး Ni Ni က ဖန်းဟွေအဖြစ် ပါဝင်ထားပါတယ်။ ဇာတ်လမ်းအကျဉ်းကို ပြောပြရရင်တော့ ဖန်းဟွေဟာတခြားကျောင်းကနေ ပြောင်းလာတဲ့ ကျောင်းသူအသစ်ပါ။အမြဲတမ်း တစ်ယောက်တည်း သီးသန့်နေတတ်ပြီးဘယ်သူနဲ့မှလည်း စကားမပြောပါဘူး။ချန်ရွှင်က ဖန်းဟွေကို စစတွေ့ချင်းနေ့မှာတင် စိတ်ဝင်စားသွားခဲ့ပြီးတော့ဖန်ဟွေရဲ့ အာရုံစိုက်မှုကိုရဖို့ နည်းမျိုစုံသုံးတော့တာပေါ့။ချန်ရွှင်တို့ သူငယ်ချင်းအဖွဲ့ထဲက လင်းကျားမော့ဆိုတဲ့ကောင်မလေးရဲ့ ဖန်တီးပေးမှုကြောင့် ဖန်းဟွေလည်းချန်ရွှင်တို့အဖွဲ့ထဲကို ရောက်လာခဲ့ပါတယ်။ တဖြည်းဖြည်းနဲ့ ချန်ရွှင်ဟာ ဖန်းဟွေရဲ့ နာကျင်စရာအတိတ်စိတ်ဒဏ်ရာကို သိသွားရင်းကနေ ချစ်မိသွားခဲ့ပါတယ်။ဖန်းဟွေကလည်း ချန်ရွှင်ကို ပြန်ချစ်နေခဲ့တာမလို့နှစ်ယောက်ဟာ ရည်းစားတွေဖြစ်သွားခဲ့ကြပါတယ်။ ဒါပေမဲ့လည်း တစ်ခါတလေမှာ အချစ်ဆိုတဲ့အရာကဒီလူတစ်ယောက်နဲ့စခဲ့ပြီး ဒီလူနဲ့ပဲ အဆုံးသတ်မယ်လို့တပ်အပ်မပြောနိုင်တဲ့ အရာတစ်ခုပါပဲ။ အထူးသဖြင့် အထက်တန်းဘဝမှာ စတင်တွေ့ရှိခဲ့တဲ့အချစ်ဟာ တစ်သက်စာ အတူရှိသွားနိုင်ဖို့က လက်တွေ့မှာ မလွယ်ကူခဲ့ပါဘူး။ ချန်ရွှင်နဲ့ ဖန်းဟွေဟာလည်း အချိန်ရေစီးကြောင်းထဲမှာဖြတ်သန်းနေတဲ့ လူတွေပဲဖြစ်တာမလို့ သူတို့နှစ်ယောက်ကရောအချိန်ရဲ့ စမ်းသပ်မှုတွေကို ကျော်လွှားနိုင်ပါ့မလား။အထက်တန်းဘဝမှာ ထားရှိခဲ့တဲ့ ကတိတွေကိုရောတစ်သက်စာ တည်သွားနိုင်လိမ့်မလားဆိုတာကိုတော့ပရိသတ်ကြီးတို့ကိုယ်တိုင် ကြည့်ရှုလိုက်ပါ။ ဇာတ်လိုက်နှစ်ဦးရဲ့ အချစ်ဇာတ်လမ်းအပြင် ကျောင်းသားဘဝမှာတွေ့ကြုံလေ့ရှိတဲ့ အချစ်မေတ္တာတွေ၊ လွဲချော်သွားခဲ့တဲ့ရေစက်တွေ၊ ချစ်တိုင်းလည်း မနီးစပ်နိုင်တာတွေ….ဒါတွေအားလုံးကို ရိုက်ပြထားတာမလို့ ရင်ထဲမှာခပ်ဆွေးဆွေးဖြစ်စေမယ့် ရုပ်ရှင်ကားလေးတစ်ကားပဲဖြစ်ပါတယ်။ဒါကြောင့်မလို့ ပရိသတ်ကြီးတို့လည်းလက်မလွတ်တမ်း ကြည့်ရှုလိုက်ပါဦးနော်။

The Wild Blade of Strangers ( 2024 )

IMDB: 6.1/10

ဒီဇာတ်ကားလေးက နန်းတွင်းအရှုပ်တော်ပုံတွေနဲ့
သိုင်းကားကောင်းကောင်းလေးကြည့်ချင်တဲ့သူတွေအတွက်
ကြည့်ကိုကြည့်သင့်တဲ့ ဇာတ်ကားကောင်းလေးတစ်ကားပဲဖြစ်ပါတယ် ။ထိုက်ရှင်းခေတ် ၇နှစ်မြောက်နှစ်မှာ အရင်မင်းကြီးနတ်ရွာစံသွားခဲ့ပါတယ် ။
သူကသူ့ရဲ့သားတော် အိမ်ရှေ့စံမင်းသား ယန်ထန်ကိုထီးနန်းလွှဲအပ်ခဲ့ပါတယ် ။
ဒါပေမဲ့ ထီးနန်းကိုလိုချင်နေတဲ့ မင်းကြီးရဲ့ညီတော် မင်းသားချီက
တော်ဝင်ထီးနန်းလွှဲအမိန့်စာကို အတုလုပ်ပြီး ထီးနန်းကို
မင်းသားယန်သုန်းကို ပေးအပ်မယ်ဆိုပြီး ကြေညာခဲ့ပါတယ် ။

အဲဒီသတင်းကြောင့် အိမ်ရှေ့စံမင်းသား ယန်ထန်ဟာ သူရဲ့စစ်တပ်နဲ့အတူ
မင်းသားချီရှိတဲ့ လျန်မြို့ကိုဝန်းရံပြီး တိုက်ခိုက်ခဲပါတယ် ။
ဒါပေမဲ့ တိုက်ခိုက်မှုကျရှုံးပြီး အိမ်ရှေ့စံမင်းသားအပါအဝင်
အရှေ့နန်းဆောင်တစ်ခုလုံး မင်းသားချီရဲ့လက်ချက်နဲ့ ‌သုတ်သင်ခံလိုက်ရပါတော့တယ် ။မင်းသားယန်ထန်က သူမသေခင်မှာ သူ့မှာဆက်ခံသူကျန်သေးတယ်လို့ပြောသွားတဲ့အတွက်
မင်းသားချီကသူ့ရဲ့ရုပ်‌သေးဘုရင် မင်းသားယန်သုန်း ပိုင်ဆိုင်ထားတဲ့
ထီးနန်းကိုကာကွယ်ဖို့အတွက် အိမ်ရှေ့စံမင်းသားရဲ့ မျိုးဆက်ဖြစ်တဲ့
ကချေသည်အမျိုးသမီးနဲ့ကလေး သားအမိကို လိုက်လံရှာဖွေသတ်ဖြတ်ခိုင်းပါတော့တယ် ။အဲဒီလိုလိုက်လံသတ်ဖြတ်မှုခံရတဲ့ သားအမိကလည်း
ပုန်းရင်းရှောင်ရင်းပြေးရင်းနဲ့
ကယ်တင်ရှင်တစ်ဦးနဲ့ကြုံပြီး သူတို့ကိုမြို့ပြင်ထွက်ခွင့်ရအောင်
ကူညီပေးဖို့ အကူအညီတောင်းခဲ့ပါတော့တယ် ။
အဲဒီကယ်တင်ရှင်ကဘယ်သူဖြစ်မလဲ ?
ဇာတ်လမ်းထဲမှာရောဘယ်လိုအရှုပ်အထွေးဆက်ဖြစ်မလဲ ?
မင်းသားချီရဲ့ဆန္ဒအတိုင်း ဆက်ခံသူကိုသတ်နိုင်မလား ?
အိမ်ရှေ့စံရဲ့တစ်ဦးတည်းသောသွေးသားကရော မြို့ပြင်ကိုရောက်အောင်သွားနိုင်ပြီး
ဘေးကင်းမလားဆိုတာကို ဇာတ်လမ်းလေးထဲမှာ
စိတ်ဝင်စားဖွယ် လိုက်ပါကြည့်ရှု့ဖို့ တိုက်တွန်းလိုက်ပါရစေ

The Happy Ghost 1 ( 1984 )

IMDB: 6.0/10

90s တွေ ငယ်ငယ်က အမှတ်တရရုပ်ရှင်တွေထဲမှာ တစ်ခုဖြစ်တဲ့
Happy Ghost ဆိုတဲ့ ဟာသကားလေးကို
ဘာသာပြန် တင်ဆက်ပေးလိုက်ပါတယ်။ ရုပ်ရှင်အကျဉ်းလေးကတော့-ချင်မင်းဆက် ရှန်ဖုန်းနှစ်ပိုင်းမှာ ကွမ်တုံးခရိုင် ပေါင်အန်းနယ်မှာ
စာမေးပွဲ ၁၈ ကြိမ်ကျခဲ့တဲ့ ကျူးကျင်ချွင်းဟာ သူ့ဇနီးက
တခြားလူနဲ့ လိုက်သွားတဲ့အတွက် စိတ်ဓာတ်ကျပြီး
ဘုရားကျောင်းမှာ ဆွဲကြိုးချသေခဲ့ပါတယ်။
အဲ့ဒီနောက်မှာတော့ သူ့ရဲ့ ဝိညာဉ်က ဘုရားကျောင်းက ကြိုးထဲမှာ ကျန်နေခဲ့ပါသတဲ့။

၁၉၈၄ ခုနှစ်မှာ အထက်တန်းကျောင်းသူတစ်ဖွဲ့ဟာ ပျော်ပွဲစားထွက်ခဲ့ပါတယ်။
ဒါပေမဲ့ မိုးတွေလေတွေ ကြီးနေတဲ့အတွက် ဘုရားကျောင်း
အဟောင်းထဲမှာ မိုးခိုခဲ့ပါတယ်။ ချင်းချင်းရဲ့ အိတ်ချည်တဲ့ကြိုးက
ပျက်သွားလို့ တွေ့ရာကြိုးယူပြီး ချည်ခဲ့ပါတယ်။
အဲ့ဒီကြိုးကတော့ ကျူးကျင်ချွမ်းဝိညာဉ်ရှိနေတဲ့ ကြိုးဖြစ်နေပါတယ်။ဒီလို တိုက်ဆိုင်မှုတွေကြောင့် ကျူးကျင်ချွမ်းတစ်ယောက်
မိန်းကလေးကျောင်းကို ရောက်လာတဲ့အခါ ဘယ်လိုအလွှဲလေးတွေဖြစ်မလဲ……
ကျောင်းသူလေး ၃ ယောက်နဲ့ သူငယ်ချင်းဖြစ်သွားပြီးနောက်
ကောင်မလေးတွေကို သူ့အစွမ်းနဲ့ ဘယ်လိုကူညီမလဲ……
နောက်ဆုံးမှာ သူတို့အားလုံးဘဝရဲ့ အဓိပ္ပာယ်ကို ဘယ်လိုနားလည်သွားမလဲ
ဆိုတာကို ဟာသလေးတွေနဲ့အတူ ကြည့်ရှုခံစားလိုက်ရအောင်နော်။

Happy Ghost 3 (1986)

IMDB: 6.1/10

ဒီတစ်ခါမှာ OC ပရိသတ်တွေအတွက်
ဟောင်ကောင်သရဲဟာသကားလေးဖြစ်တဲ့
Happy Ghost 3 ဇာတ်လမ်းနဲ့ တင်ဆက်ပေးချင်ပါတယ်။ဇာတ်လမ်းလေးကတော့ နာမည်ကြီးအဆိုတော်တစ်ယောက်ဖြစ်ချင်ပေမဲ့
ဘဝပေးကံကြမ္မာကြောင့် ထုတ်ဝေတဲ့သီချင်းတိုင်းကိုအားပေးမှုမရှိပဲ
နောက်ဆုံးကိုယ့်ကိုယ် အဆုံးစီရင်သတ်သေသွားတဲ့ အဆိုတော်ရွှီကျောင်းကျောင်း။

နောင်ဘဝမှာနာမည်ကြီးအဆိုတော်ဖြစ်ဖို့
ပြန်လည်မွေးဖွားမယ့်ရက်ကောင်းရက်မြတ်ကိုရွေးပေမဲ့
ခပ်တုံးတုံးအအဖြစ်တဲ့ကျောင်းဆရာ
ခန်းစန်ကွေ့လူရဲ့ဖန်တီးမှုကြောင့် နှစ်ကြိမ်တိတိ
ပြန်လည်မွေးဖွားခွင့်နဲ့လွဲချော်ခဲ့တယ်။ ဒါကြောင့်
ရွှီကျောင်းကျောင်းကလက်စားချေဖို့
နေ့တိုင်း တနည်းမဟုတ်တနည်းဒုက္ခပေးပါတော့တယ်။ဒါပေမဲ့ကျောင်းဆရာရဲ့အတိတ်ဘဝက
ချင်ခေတ်စာဂျပိုးဖြစ်ပြီးသရဲအဖြစ် ကိုယ်ထဲဝင်နေတဲ့အခါ
ခန်းစန်ကွေ့မှာမတူညီတဲ့စွမ်းအားတွေရှိနေခဲ့တယ်။
ဒီလိုနဲ့ရွှီကျားကျားရဲ့ ဒုက္ခကိုမခံနိုင်တဲ့အဆုံး
သူ့ကိုချစ်ကျွမ်းဝင်အောင်လုပ်မှသာသူဒုက္ခပေးတာရပ်တန့်မယ်လို့
ကျောင်းဆရာကို အကြံဉာဏ်ပေးလိုက်တဲ့အခါ
စတင်ဟန်ဆောင်ချစ်မိရာကနေတကယ်အတည်ချစ်မိသွားတဲ့အခါ
ဘယ်လိုတွေဆက်ဖြစ်လာကြမလဲ။
နာမည်ကြီးဟာသကားကောင်းလေးတကားဖြစ်တာကြောင့်
လက်မလွတ်တမ်းကြည့်ရူအားပေးလိုက်ကြရအောင်

Happy Ghost 4 (1990)

IMDB: 5.7/10

1990 ခုနှစ်က ထွက်ရှိခဲ့တဲ့ Happy Ghost 4 ဖြစ်ပါတယ်..
အရှေ့က ၃ ကားကိုလဲ တင်ဆက်ပေးခဲ့ပြီးပြီပဲဖြစ်ပါတယ်Happy Ghost Link စုစည်းမှုကိုဒီမှာရှာနိုင်ပါတယ်

ဒီကားက Happy Ghost 3 အနောက်က ထွက်ခဲ့တယ်ဆိုပေမယ့်
ဇာတ်လမ်းဇာတ်ကွက်တွေ
ဘာမှဆက်စပ်မှုမရှိပါဘူး.
အကြောင်းအရာသီးသန့်သာဖြစ်ပါတယ်…အရှေ့တုန်းက ထွက်ခဲ့တဲ့ ၁ , ၂ , ၃ ကလည်းမင်းသားပဲတူပြီး
ဇာတ်လမ်းဇာတ်ကွက်တူညီခြင်းမရှိလို့ ကြည့်ရတာ
ကြောင်တောင်တောင်ဖြစ်နေမှာမဟုတ်ပါဘူးအရင်အပိုင်းတွေရဲ့ ဇာတ်လမ်းအကျဉ်းကို ပြောရမယ်ဆိုရင်
ချင်မင်းဆက်ခေတ်တုန်းက လူတစ်ယောက်က
ပညာရှိစာမေးပွဲကို
အကြိမ်ကြိမ်ဖြေဆိုခဲ့ပေမယ့်
အောင်မြင်ခြင်းမရှိပဲ..နောက်ဆုံးမှာ
သူ့မိန်းမကိုယ်တိုင်က
ထားရစ်ခဲ့လည်း စိတ်ကျရောဂါဖြစ်ပြီးတဲ့နောက်
ဘုရားကျောင်းပျက်ထဲမှာ ကိုယ့်ကိုယ်ကိုယ် ဆွဲကြိုးချ
သတ်သေခဲ့ပါတယ်လူပြန်ဝင်စားခွင့်မရပဲနဲ့ ကြိုးပေါ်မှာပဲ
တွယ်ကပ်နေခဲ့ပါတယ်တစ်နေ့မှာ မြို့က
ကျောင်းသားအဖွဲ့တစ်ဖွဲ့လာရောက်အပန်းဖြေရာကနေ
ကြိုးကိုသယ်ဆောင်သွားပြီး Happy Ghost က မြို့ကို
ရောက်ရှိသွားပါတယ်
ကျောင်းသားအဖွဲ့ကကောင်မလေးတွေနဲ့
သိရှိပြီး ဘဝရဲ့ အဓိပ္ပါယ်တွေကို
သေချာစွာ နားလည်သင်ယူနိုင်ခဲ့လို့
လူပြန်ဝင်စားခွင့်ရရှိခဲ့ပါတယ်
ဒါက အပိုင်း ၁ ပါ..
အပိုင်း ၂ ကနေ ၄ အထိက လူပြန်ဝင်စားပေမယ့်Happy Ghost က ပြန်ဝင်စားတဲ့လူရဲ့ ကိုယ်စောင့်နတ်အဖြစ်နဲ့
ဆက်ပြီးရှိနေတဲ့အကြောင်းတွေပါ……..
ဒီနံပါတ်လေးရဲ့ ဇာတ်လမ်းအကျဉ်းကတော့
Happy Ghostရဲ့ကူညီပေမယ့် အလွဲလွဲအချော်ချော်ဖြစ်နေတာကြောင့်
လက်ရှိဘဝကအားကွေ့ဟာတော်တော်စိတ်ညစ်နေရပါပြီ။
အဲဒါကြောင့် သူ့ရဲ့အရင်ဘဝအစောင့်အရှောက်သရဲHappy Ghostကို
အမြန်ထွက်သွားစေချင်နေလှပြီ။ အဲဒီလိုနဲ့အရင်ဘဝကကောင်းမှုတွေ
အရမ်းလုပ်ခဲ့တာကြောင့် ဘုရားဖြစ်တော့မှာဖြစ်လို့ထွက်သွားရတော့မယ့်အချိန်မှာမှ
မကျွတ်မလွတ်သရဲတစ်ကောင်ကရန်ညှိုးထားပြီး
အားကွေ့ရဲ့ကောင်မလေးကိုလိုက်သတ်တဲ့အတွက် ပြန်လာပြီး ကယ်ရပါပြန်ပါတော့တယ်။အဲဒါအပြင် ရည်းစားလုဘက်ရဲ့တပည့်ကလဲ အားကွေ့ကိုသတ်ဖို့ကြိုးစားနေတော့
အလွဲလွဲအချော်ချော်နဲ့ အန္တရာယ်တွေကိုဘယ်လိုဖြေရှင်းမလဲဆိုတာ
အားလုံးပဲဆက်ကြည့်လိုက်ပါဦးနော်။
Happy Ghostဆိုတဲ့အတိုင်း အားလုံးကိုပျော်ရွှင်စေနိုင်မှာသေချာပါတယ်။

Happy Ghost 5 ( 1991 )

IMDB: 6.1/10

1991 ခုနှစ်က ထွက်ရှိခဲ့တဲ့ Happy Ghost 5 ဖြစ်ပါတယ်..
စုစုပေါင်း ငါးကားတိတိရှိပြီးတော့
အရှေ့က ၄ ကားကိုလဲ တင်ဆက်ပေးခဲ့ပြီးပြီပဲဖြစ်ပါတယ်

Kathy မှာ အရမ်းချစ်စရာကောင်းပြီး သိတတ်တဲ့ မက်ဂျစ်လို့ခေါ်တဲ့
ခွေးလေးတစ်ကောင် ရှိပါတယ်။ သူမရဲ့ အမေရိကန်မှာရှိတဲ့
မိဘတွေဆီ အလည်သွားနေတုန်း ရည်းစားဖြစ်သူ အားကျယ်ဆီ အပ်ခဲ့ပါတယ်။
ဒါပေမဲ့ အားကျယ်က မက်ဂျစ်ကို ကြည့်မရသူ ဖြစ်တဲ့အတွက်
သေချာဂရုမစိုက်ပဲ ဖြစ်သလိုထားခဲ့ပါတယ်။ဒါနဲ့ မက်ဂျစ်ဟာ အိမ်က ထွက်ခဲ့ပြီး ဘုရားကျောင်းတစ်ခုကို ဖြတ်သွားချိန်
ဖယောင်းတိုင်မီးကြောင့် လောင်ကျွမ်းနေတဲ့
အပျော်နတ်ဘုရားရုပ်တုကို ကယ်ခဲ့ပါတယ်။ အပျော်နတ်ဘုရားကလည်း
ကိုယ်ထင်ပြပြီး မက်ဂျစ်ရဲ့ ဆုတောင်းတစ်ခု ဖြည့်ဆည်းပေးဖို့ ကတိပေးခဲ့ပါတယ်။မက်ဂျစ်က လူဖြစ်ချင်တယ်လို့ ဆုတောင်းတော့ အပျော်နတ်ဘုရားက
၄၉ ရက်တာ လူဖြစ်ခွင့်ပေးခဲ့ပါတယ်။ ခွေးလေး မက်ဂျစ်ကနေ
လူယောကျာ်းမက်ဂျစ် ဖြစ်သွားပြီးနောက် ဘယ်လိုအလွှဲလေးတွေ ဖြစ်မလဲ……
သူ့သခင် Kathy နဲ့တွေ့ရတဲ့အခါ သူ့ကို မှတ်မိလိမ့်မလား……
Kathy နဲ့ အားကျယ်ကြားမှာ မက်ဂျစ်တစ်ကောင်
ဘယ်လိုဝင်ရှုပ်မလဲဆိုတာကို ရုပ်ရှင်နဲ့အတူ ရယ်မောလိုက်ရအောင်နော်။

Drug Hunting ( 2024 )

IMDB: 5.9/10

ဒီဇာတ်ကားကတော့ မူးယစ်ဆေးရောင်းဝယ်ဖောက်ကားနေတဲ့
မူးယစ်ရာဇာဂိုဏ်းသားတွေကို တရုတ်နိုင်ငံကရဲတွေဖမ်းတဲ့ပုံစံကိုမှ
ဒရမ်မာလေးနည်းနည်းနဲ့ ဇာတ်အိမ်ခိုင်ခိုင်ရိုက်ကူးထားတာပဲဖြစ်ပါတယ် ။နိုင်ငံခြားကနေ မကြာသေးခင်ကမှပြန်လာပြီး
ထျန်းပို့ဆောက်ဆက်သွယ်ရေး company ရဲ့ လက်ထောက်ဒါရိုက်တာဖြစ်လာတဲ့ပေ့ပေ့
ပန်းချီဆွဲရတာကိုဝါသနာပါပြီး တစ်နေ့ကျ
ပန်းချီပြခန်းတစ်ခုဖွင့်ဖို့ကြိုးစားနေတဲ့ရွှယ်အာ မူးယစ်ဆေးတိုက်ဖျက်ရေးဌာနရဲ့ အဖွဲ့ခေါင်းဆောင်အဖြစ်
တာဝန်ထမ်းဆောင်နေတဲ့ ခေါင်းဆောင်လင်
ပေ့ပေ့တစ်ယောက်နိုင်ငံခြားကပြန်လာပြီးတော့
ရည်းစားဟောင်းဖြစ်တဲ့ ခေါင်းဆောင်လင်ကိုပြန်ဆက်သွယ်ဖို့ကြိုးစားခဲ့ပါတယ် ။
ဒါပေမဲ့ ခေါင်းဆောင်လင်က ပေ့ပေ့ဦးလေးနဲ့အစ်ကိုဖြစ်သူက
မူးယစ်ဆေးဝါးရောင်းဝယ်ဖောက်ကားမှုနဲ့သံသယရှိနေခဲ့တာပါ ။ရည်းစားဟောင်းနဲ့ပြန်အဆင်ပြေချင်တဲ့ ပေ့ပေ့တစ်ယောက်
ညီမလေးရွှယ်အာအတွက် ပန်းချီပြခန်းဖွင့်ဖို့စပွန်စာပေးခဲ့ပေမဲ့လည်း
ခေါင်းဆောင်လင်ကသူ့ကိုလက်မခံတဲ့အပြင် ရည်းစားရှိနေတာပါသိလိုက်ရပါတယ် ။အဲဒီအချိန် ခေါင်းဆောင်လင်ကလည်း မူးယစ်ရာဇာတွေနောက်ကိုလိုက်ရင်း
သဲလွန်စတွေတစ်ခုပြီးတစ်ခုရလာချိန်မှာတော့..
ခေါင်းဆောင်လင်နဲ့ပေ့ပေ့ကြားဘယ်လို အခက်အခဲတွေပေါ်လာမလဲ ?
မူးယစ်ဆေးအပြစ်ကျူးလွန်သူတွေကိုရော ဖမ်းမိနိုင်မလားဆိုတာကို
စိတ်ဝင်စားစရာကြည့်ရှုရမှာဖြစ်လို့စောင့်ကြည့်ကြဖို့မမေ့ပါနဲ့နော်

Fleet of Time (2014)

IMDB: 5.6/10

ဒီတစ်ခါမှာတော့ တရုတ် romance ကားလေး တစ်ကားနဲ့ မိတ်ဆက်ပေးပါရစေ။ဇာတ်ကားနာမည်ကတော့ fleet of time လို့ခေါ်ပြီးတော့ ၂၀၁၄ ခုနှစ်က ထွက်ရှိခဲ့တဲ့ ရုပ်ရှင်ကားပဲ ဖြစ်ပါတယ်။ ၁၉၉၀ – ၂၀၀၀ ပြည့်နှစ်ကြားမှာ အထက်တန်းကျောင်းသားဘဝကို ဖြတ်သန်းခဲ့ကြတဲ့
သူငယ်ချင်းတစ်ဖွဲ့အကြောင်းကို အဓိက ရိုက်ကူးထားတာဖြစ်ပါတယ်။အဓိကဇာတ်ဆောင်တွေအနေနဲ့ မင်းသား Eddie Peng က ချန်ရွှင်အဖြစ်နဲ့နာမည်ကြီးရုပ်ရှင် Lost in the Stars ထဲကမင်းသမီး Ni Ni က ဖန်းဟွေအဖြစ် ပါဝင်ထားပါတယ်။ ဇာတ်လမ်းအကျဉ်းကို ပြောပြရရင်တော့ ဖန်းဟွေဟာတခြားကျောင်းကနေ ပြောင်းလာတဲ့ ကျောင်းသူအသစ်ပါ။အမြဲတမ်း တစ်ယောက်တည်း သီးသန့်နေတတ်ပြီးဘယ်သူနဲ့မှလည်း စကားမပြောပါဘူး။ချန်ရွှင်က ဖန်းဟွေကို စစတွေ့ချင်းနေ့မှာတင် စိတ်ဝင်စားသွားခဲ့ပြီးတော့ဖန်ဟွေရဲ့ အာရုံစိုက်မှုကိုရဖို့ နည်းမျိုစုံသုံးတော့တာပေါ့။ချန်ရွှင်တို့ သူငယ်ချင်းအဖွဲ့ထဲက လင်းကျားမော့ဆိုတဲ့ကောင်မလေးရဲ့ ဖန်တီးပေးမှုကြောင့် ဖန်းဟွေလည်းချန်ရွှင်တို့အဖွဲ့ထဲကို ရောက်လာခဲ့ပါတယ်။ တဖြည်းဖြည်းနဲ့ ချန်ရွှင်ဟာ ဖန်းဟွေရဲ့ နာကျင်စရာအတိတ်စိတ်ဒဏ်ရာကို သိသွားရင်းကနေ ချစ်မိသွားခဲ့ပါတယ်။ဖန်းဟွေကလည်း ချန်ရွှင်ကို ပြန်ချစ်နေခဲ့တာမလို့နှစ်ယောက်ဟာ ရည်းစားတွေဖြစ်သွားခဲ့ကြပါတယ်။ ဒါပေမဲ့လည်း တစ်ခါတလေမှာ အချစ်ဆိုတဲ့အရာကဒီလူတစ်ယောက်နဲ့စခဲ့ပြီး ဒီလူနဲ့ပဲ အဆုံးသတ်မယ်လို့တပ်အပ်မပြောနိုင်တဲ့ အရာတစ်ခုပါပဲ။ အထူးသဖြင့် အထက်တန်းဘဝမှာ စတင်တွေ့ရှိခဲ့တဲ့အချစ်ဟာ တစ်သက်စာ အတူရှိသွားနိုင်ဖို့က လက်တွေ့မှာ မလွယ်ကူခဲ့ပါဘူး။ ချန်ရွှင်နဲ့ ဖန်းဟွေဟာလည်း အချိန်ရေစီးကြောင်းထဲမှာဖြတ်သန်းနေတဲ့ လူတွေပဲဖြစ်တာမလို့ သူတို့နှစ်ယောက်ကရောအချိန်ရဲ့ စမ်းသပ်မှုတွေကို ကျော်လွှားနိုင်ပါ့မလား။အထက်တန်းဘဝမှာ ထားရှိခဲ့တဲ့ ကတိတွေကိုရောတစ်သက်စာ တည်သွားနိုင်လိမ့်မလားဆိုတာကိုတော့ပရိသတ်ကြီးတို့ကိုယ်တိုင် ကြည့်ရှုလိုက်ပါ။ ဇာတ်လိုက်နှစ်ဦးရဲ့ အချစ်ဇာတ်လမ်းအပြင် ကျောင်းသားဘဝမှာတွေ့ကြုံလေ့ရှိတဲ့ အချစ်မေတ္တာတွေ၊ လွဲချော်သွားခဲ့တဲ့ရေစက်တွေ၊ ချစ်တိုင်းလည်း မနီးစပ်နိုင်တာတွေ….ဒါတွေအားလုံးကို ရိုက်ပြထားတာမလို့ ရင်ထဲမှာခပ်ဆွေးဆွေးဖြစ်စေမယ့် ရုပ်ရှင်ကားလေးတစ်ကားပဲဖြစ်ပါတယ်။ဒါကြောင့်မလို့ ပရိသတ်ကြီးတို့လည်းလက်မလွတ်တမ်း ကြည့်ရှုလိုက်ပါဦးနော်။

The Wild Blade of Strangers ( 2024 )

IMDB: 6.1/10

ဒီဇာတ်ကားလေးက နန်းတွင်းအရှုပ်တော်ပုံတွေနဲ့
သိုင်းကားကောင်းကောင်းလေးကြည့်ချင်တဲ့သူတွေအတွက်
ကြည့်ကိုကြည့်သင့်တဲ့ ဇာတ်ကားကောင်းလေးတစ်ကားပဲဖြစ်ပါတယ် ။ထိုက်ရှင်းခေတ် ၇နှစ်မြောက်နှစ်မှာ အရင်မင်းကြီးနတ်ရွာစံသွားခဲ့ပါတယ် ။
သူကသူ့ရဲ့သားတော် အိမ်ရှေ့စံမင်းသား ယန်ထန်ကိုထီးနန်းလွှဲအပ်ခဲ့ပါတယ် ။
ဒါပေမဲ့ ထီးနန်းကိုလိုချင်နေတဲ့ မင်းကြီးရဲ့ညီတော် မင်းသားချီက
တော်ဝင်ထီးနန်းလွှဲအမိန့်စာကို အတုလုပ်ပြီး ထီးနန်းကို
မင်းသားယန်သုန်းကို ပေးအပ်မယ်ဆိုပြီး ကြေညာခဲ့ပါတယ် ။

အဲဒီသတင်းကြောင့် အိမ်ရှေ့စံမင်းသား ယန်ထန်ဟာ သူရဲ့စစ်တပ်နဲ့အတူ
မင်းသားချီရှိတဲ့ လျန်မြို့ကိုဝန်းရံပြီး တိုက်ခိုက်ခဲပါတယ် ။
ဒါပေမဲ့ တိုက်ခိုက်မှုကျရှုံးပြီး အိမ်ရှေ့စံမင်းသားအပါအဝင်
အရှေ့နန်းဆောင်တစ်ခုလုံး မင်းသားချီရဲ့လက်ချက်နဲ့ ‌သုတ်သင်ခံလိုက်ရပါတော့တယ် ။မင်းသားယန်ထန်က သူမသေခင်မှာ သူ့မှာဆက်ခံသူကျန်သေးတယ်လို့ပြောသွားတဲ့အတွက်
မင်းသားချီကသူ့ရဲ့ရုပ်‌သေးဘုရင် မင်းသားယန်သုန်း ပိုင်ဆိုင်ထားတဲ့
ထီးနန်းကိုကာကွယ်ဖို့အတွက် အိမ်ရှေ့စံမင်းသားရဲ့ မျိုးဆက်ဖြစ်တဲ့
ကချေသည်အမျိုးသမီးနဲ့ကလေး သားအမိကို လိုက်လံရှာဖွေသတ်ဖြတ်ခိုင်းပါတော့တယ် ။အဲဒီလိုလိုက်လံသတ်ဖြတ်မှုခံရတဲ့ သားအမိကလည်း
ပုန်းရင်းရှောင်ရင်းပြေးရင်းနဲ့
ကယ်တင်ရှင်တစ်ဦးနဲ့ကြုံပြီး သူတို့ကိုမြို့ပြင်ထွက်ခွင့်ရအောင်
ကူညီပေးဖို့ အကူအညီတောင်းခဲ့ပါတော့တယ် ။
အဲဒီကယ်တင်ရှင်ကဘယ်သူဖြစ်မလဲ ?
ဇာတ်လမ်းထဲမှာရောဘယ်လိုအရှုပ်အထွေးဆက်ဖြစ်မလဲ ?
မင်းသားချီရဲ့ဆန္ဒအတိုင်း ဆက်ခံသူကိုသတ်နိုင်မလား ?
အိမ်ရှေ့စံရဲ့တစ်ဦးတည်းသောသွေးသားကရော မြို့ပြင်ကိုရောက်အောင်သွားနိုင်ပြီး
ဘေးကင်းမလားဆိုတာကို ဇာတ်လမ်းလေးထဲမှာ
စိတ်ဝင်စားဖွယ် လိုက်ပါကြည့်ရှု့ဖို့ တိုက်တွန်းလိုက်ပါရစေ

Drug Hunting ( 2024 )

IMDB: 5.9/10

ဒီဇာတ်ကားကတော့ မူးယစ်ဆေးရောင်းဝယ်ဖောက်ကားနေတဲ့
မူးယစ်ရာဇာဂိုဏ်းသားတွေကို တရုတ်နိုင်ငံကရဲတွေဖမ်းတဲ့ပုံစံကိုမှ
ဒရမ်မာလေးနည်းနည်းနဲ့ ဇာတ်အိမ်ခိုင်ခိုင်ရိုက်ကူးထားတာပဲဖြစ်ပါတယ် ။နိုင်ငံခြားကနေ မကြာသေးခင်ကမှပြန်လာပြီး
ထျန်းပို့ဆောက်ဆက်သွယ်ရေး company ရဲ့ လက်ထောက်ဒါရိုက်တာဖြစ်လာတဲ့ပေ့ပေ့
ပန်းချီဆွဲရတာကိုဝါသနာပါပြီး တစ်နေ့ကျ
ပန်းချီပြခန်းတစ်ခုဖွင့်ဖို့ကြိုးစားနေတဲ့ရွှယ်အာ မူးယစ်ဆေးတိုက်ဖျက်ရေးဌာနရဲ့ အဖွဲ့ခေါင်းဆောင်အဖြစ်
တာဝန်ထမ်းဆောင်နေတဲ့ ခေါင်းဆောင်လင်
ပေ့ပေ့တစ်ယောက်နိုင်ငံခြားကပြန်လာပြီးတော့
ရည်းစားဟောင်းဖြစ်တဲ့ ခေါင်းဆောင်လင်ကိုပြန်ဆက်သွယ်ဖို့ကြိုးစားခဲ့ပါတယ် ။
ဒါပေမဲ့ ခေါင်းဆောင်လင်က ပေ့ပေ့ဦးလေးနဲ့အစ်ကိုဖြစ်သူက
မူးယစ်ဆေးဝါးရောင်းဝယ်ဖောက်ကားမှုနဲ့သံသယရှိနေခဲ့တာပါ ။ရည်းစားဟောင်းနဲ့ပြန်အဆင်ပြေချင်တဲ့ ပေ့ပေ့တစ်ယောက်
ညီမလေးရွှယ်အာအတွက် ပန်းချီပြခန်းဖွင့်ဖို့စပွန်စာပေးခဲ့ပေမဲ့လည်း
ခေါင်းဆောင်လင်ကသူ့ကိုလက်မခံတဲ့အပြင် ရည်းစားရှိနေတာပါသိလိုက်ရပါတယ် ။အဲဒီအချိန် ခေါင်းဆောင်လင်ကလည်း မူးယစ်ရာဇာတွေနောက်ကိုလိုက်ရင်း
သဲလွန်စတွေတစ်ခုပြီးတစ်ခုရလာချိန်မှာတော့..
ခေါင်းဆောင်လင်နဲ့ပေ့ပေ့ကြားဘယ်လို အခက်အခဲတွေပေါ်လာမလဲ ?
မူးယစ်ဆေးအပြစ်ကျူးလွန်သူတွေကိုရော ဖမ်းမိနိုင်မလားဆိုတာကို
စိတ်ဝင်စားစရာကြည့်ရှုရမှာဖြစ်လို့စောင့်ကြည့်ကြဖို့မမေ့ပါနဲ့နော်