Samarqandda ilk bor malaka oshirish va qayta tayyorlash tizimida xalqaro ekspertlar ishtirokidagi akkreditatsiya jarayoni boshlandi

Samarqand shahridagi “Xalqaro turizm akademiyasi Samarqand kampusi” muassasasida maxsus davlat akkreditatsiyasidan o‘tkazish jarayoniga start berildi.

Akkreditatsiya doirasida mehmonxona va turizm yo‘nalishlarida joriy etilishi rejalashtirilayotgan quyidagi 7 ta yangi ta’lim dasturi kompleks baholanmoqda.

Ekspertlar tomonidan dasturlarning tashkilot strategiyasi bilan uyg‘unligi, mehnat bozori va ish beruvchilar ehtiyojlariga mosligi, tinglovchilarda shakllantirilishi kutilayotgan kompetensiyalar, moddiy-texnik baza hamda raqamli ta’lim imkoniyatlari atroflicha o‘rganilmoqda.

Qayd etish joizki, malaka oshirish va kadrlarni qayta tayyorlash tizimida ilk bor baholash jarayonida xalqaro ekspertlar Buyuk Britaniyaning nufuzli Plymouth University (THE reytingida Top-600) professori Huang Rong hamda rossiyalik ekspert Artyom Klikov ishtirok etmoqda.

Akkreditatsiya jarayoni samarali tashkil etilsa, bu ish beruvchilar, ta'lim tashkilotlari va umummilliy rivojlanish maqsadlari o'rtasida mustahkam ko'prik vazifasini bajaradi,

– deydi professor Huang Rong.

Akkreditatsiya jarayoni video-lavhamizda.

#DavlatAkkreditatsiyasi #XalqaroEkspertlar #MalakaOshirish

English

➖➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook

Yana 6 ta ta’lim dasturi xalqaro akkreditatsiya orqali o‘z sifatini tasdiqladi

Navoiy davlat universitetining Germaniyaning Akkreditatsiya, sertifikatlashtirish va sifatni ta’minlash instituti (ACQUIN) tomonidan xalqaro akkreditatsiyadan o‘tkazilgan 6 ta ta’lim dasturi O‘zbekiston Respublikasida tan olindi.

Xalqaro akkreditatsiyadan o‘tgan ta’lim dasturlari:

Bakalavriat bosqichi – 3 ta ta’lim dasturi:
➖ Biologiya;
➖ Matematika;
➖ Xorijiy til va adabiyoti (ingliz tili).

Magistratura bosqichi – 3 ta ta’lim dasturi:
➖ Biologiya;
➖ Matematika;
➖ Xorijiy til va adabiyoti (ingliz tili).

Eslatib o'tamiz, O‘zbekiston Respublikasida xalqaro, xorijiy va nodavlat akkreditatsiya tashkilotlari reyestriga kiritilgan tashkilotlar tomonidan akkreditatsiyadan o‘tkazilgan ta’lim dasturlari tan olinadi.

English

➖➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook

Urganch RANCH texnologiya universitetining 4 ta ta’lim dasturi xalqaro akkreditatsiya natijalari asosida tan olindi

Urganch RANCH texnologiya universitetining Germaniyaning muhandislik, informatika, tabiiy fanlar va matematika yo‘nalishlari bo‘yicha ta’lim dasturlarini akkreditatsiya qilish agentligi (ASIIN) tomonidan xalqaro akkreditatsiyadan o‘tkazilgan 4 ta ta’lim dasturi O‘zbekiston Respublikasida tan olindi.

Xalqaro akkreditatsiyadan o'tgan ta'lim dasturlari:

Bakalavriat:
➖ Logistika (avtomobil transporti);
➖ Texnologik mashinalar va jihozlar;
➖ Transport vositalari muhandisligi (avtomobil transporti bo‘yicha).

Magistratura:
➖ Mashinasozlik texnologiyasi.

Xalqaro akkreditatsiya natijalarining tan olinishi ta’lim dasturlarining xalqaro standartlarga muvofiqligini tasdiqlaydi hamda ularning O‘zbekiston Respublikasida rasmiy e’tirof etilganligini anglatadi.

English

➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook

Buxoro davlat universitetining yana 2 ta ta’lim dasturi xalqaro akkreditatsiya natijalari asosida tan olindi

Buxoro davlat universitetining BMTning Turizm bo‘yicha agentligi huzuridagi Turizm akademiyasi (UN Tourism Academy) tomonidan xalqaro akkreditatsiyadan o‘tkazilgan ta’lim dasturlari O‘zbekiston Respublikasida tan olindi.

Tan olingan ta’lim dasturlari:

➖Bakalavriat – Turizm va mehmondo‘stlik;
➖Magistratura – Turizm va mehmondo‘stlik.

Avvalroq ushbu oliygohning Germaniyaning ACQUIN xalqaro tashkiloti tomonidan akkreditatsiyadan o‘tgan 16 ta ta’lim dasturi ham O‘zbekistonda tan olingani haqida xabar bergan edik.

Shunday qilib, bugungi kunga qadar universitetining jami 18 ta ta’lim dasturi xalqaro akkreditatsiyadan o‘tgan.

English

➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook

Urganch davlat universitetining 6 ta ta’lim dasturi xalqaro akkreditatsiya natijalari asosida tan olindi

Urganch davlat universitetining Germaniyaning Germaniyaning muhandislik, informatika, tabiiy fanlar va matematika yo‘nalishlari bo‘yicha ta’lim dasturlarini akkreditatsiya qilish agentligi (ASIIN) xalqaro tashkiloti tomonidan akkreditatsiyadan o‘tkazilgan 6 ta ta’lim dasturi O‘zbekiston Respublikasida tan olindi.

Tan olingan ta’lim dasturlari:

Bakalavriat:
➖Amaliy matematika;
➖Matematika;
➖Fizika.

Magistratura:
➖Matematika;
➖Matematik injiniring;
➖Fizika.

Xalqaro akkreditatsiya natijalarini tan olish ta’lim dasturlarining xalqaro standartlarga muvofiqligini tasdiqlaydi hamda oliy ta’lim muassasasining ta’lim sifati bo‘yicha xalqaro e’tirofga ega ekanligini ko‘rsatadi.

English

➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook

Ta’lim sifati sizning fikringiz bilan yanada yaxshiroq bo'lishi mumkin

Aziz talabalar!

Ta’lim sifatini ta’minlash milliy agentligi yuksak salohiyatli, tashabbuskor hamda mas’uliyatli talabalarni haq to'lanadigan ekspert sifatida davlat akkreditatsiyasi jarayonlarida ishtirok etishga taklif qiladi.

Agar siz ta’lim sifatini oshirishga befarq bo‘lmasangiz bu imkoniyatidan foydalaning.

Nomzodlarga qo'yiladigan talablar:

➖bakalavriat yoki magistratura bosqichida tahsil olayotgan bo'lish;
➖ta'lim jarayonlari va talabalar manfaatlariga befarq bo'lmaslik;
➖tahliliy fikrlash, muloqot va jamoada ishlash ko'nikmalariga ega bo'lish.

Talaba-ekspert sifatida ishtirok etish sizga talabalar manfaatlarini ifodalash bilan birga o'zingizdagi liderlik ko‘nikmalarni rivojlantirish imkonini beradi.

Ekspertlar tarkibiga kirish uchun:

O'zingiz haqingizda motivatsion xat (200 ta so'zgacha) hamda “Ta’lim tizimida qanday o‘zgarishlar kiritish muhim deb hisoblaysiz?” degan savolga taklifingizni yozib, quyidagi elektron pochta manziliga yuborishingizni so'raymiz: experts@nqaae.uz

Ta’lim sifatini ta’minlashga befarq bo'lmang!

English

➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook