فاتن قالت لي في عروس بتبارك لعريسها 😂👊🏻 قلت ليهم عفوا😳💔 ريم قالت لي امجد طلب يدك ما حسيت بنفسي الا وانا طالعه السلم دخلته غرفتي وقفلته الباب علي وبقيت قاعده في السرير بقول اكيد الناس ديل ما جادين لالا ي مناسك بكونو بهظرو معاك ديل ما جادين خالص 😪 لالا ما تختي في بالك كده اتوضيت وصليت ودعيت انو يكون الموضوع هظار ورقدته نمته صحيت زي الساعه 5 صليت العصر وانا لسه قافله الغرفه علي😪 شويه كده وباب الغرفه دق فتحت الباب لقيتها دي فوزيه قالت لي عمو عثمان قال هو عايزاك نزلته تحت قلت ليه هو ما قاعد في الهول قالت لي هو قاعد في غرفه المكتب اتوكلته ومشيت علي غرفه المكتب دقيت الباب قال لي اتفضلي دخلته وقعدته في الكرسي جاء قعد جنبي قال لي انتي ما موافقه علي امجد قلت ليه اوفق علي شنو قال لي امجد طلب يدك مني 😪 قلت ليه مع احترامي ليك يا عمو عثمان انا ما بفكر في الزواج حاليا قال لي بس انا عايز اقول ليك حاجه قلت ليه اتفضل قال لي ابوك الله يرحمو قبل ما يتوفا قال لي مناسك دي امانه في رقبتك ليوم الدين وقبل ما ابوك يتوفا مره كنا قاعدين انا وهو في صالون بيتكم قلت ليه يا اسحاق انا بتك دي دايرها لواحد من اولادي وانا كنت خاتيك لسامر ابوك قال لي انا موافق بس شرط انو يكون امجد هو العريس واتفقنا علي كده عايزه اتكلم قال لي لحظه اتم ليك كلامي قال لي متزكره المره الفاتت لمن كنت عايزه تطلعي من البيت وانا اتكلمته معاك كتير بس انا قلت ليك الموضوع ده وانتي تقريبا ما كنتي مركزه معاي علي العموم ي بتي امجد ولدي وما فيه اي عيب وانتي لو ما عايزهو ما في اي مشكله بس ادي نفسك فرصه انك تتعرفي علي وانا متاكد انكم هتفهموا بعض عايزه اتكلم كده قال لي انا عارفك عايزه تساليني عن شنو عايزه تساليني من حاله امجد ولي كان بتعامل معانا بالاسلوب الما محترم قال لي انا بوريك بس ممكن الموضوع ده ما يطلع من الغرفه دي وما في زول يعرف عنو حاجه قلت ليه اطمن😪 قال لي امجد كان ما كده يا مناسك هو كان بحب ليه واحده من ايام الجامعه وكانوا متفقين علي الزواج واي حاجه في يوم جاء كلمني وقال انو عايزها انا احترمت رغبتو بس قلت ليه خليني اسال عن اهل البت وكده😪 فعلا سالني عن البت وطلعوا ناس محترمين مشيت انا وهو لابو البت وادونا موافقه مبدئيه واي حاجه كانت ماشه سمنه علي عثل بس في يوم اتصل ابو البت لي وقال لي انو ما في قسمه امجد اتحسس من الحكايه كتير 😪 ومشا عشان يفهم منها الحاصل قابلها في مكان عام والبت قالت ليه انو هي ما عايزاهو وخلاص الحصل حصل😪 البت جات قاطعه الزلط وقدر الله وما شاء فعل جات عربيه ضربتها وربنا اخد امانتو 😪 امجد من اللحظه ديك اتغير شديد لمن مشا سال ابو البت ابو البت قال ليه انو ابوك ما موافق علي الارتباط امجد ما فكر انو يسالني بس في الوقت داك بقي يتعامل معانا بطريقه ما ظريفه واعتبر انو هو السبب في انو البت ماتت 😪 بس لمن حالتو اتازمت عرضنهو علي دكتور نفسي وكان متابع معاه طوال السنوات الاربعه الفاتت بس حالتو كانت ماشه في تدهور لحدا ما سامر شاف ليه دكتور في الامارات وامجد سافر طوال فتره الشهرين الفاتو اتعالج بس لسه فتره العلاج ما انتهت😪 وما في زول من ناس البيت عارف بحكايه انو هو مريض نفسي الا انا وسامر باقي البيت مفتكرين ده من تاثير المخدرات وانا شفته من حقك انك لازم تعرفي عشان تكوني علي بر عشان بعدين لمن توافقي ما تقولي غشيناك😪 يلا انا بعد كلام عثمان راسي بقي يودي ويجيب دي مصائب شنو البتنزل علي انا دي 😭😪 ياخي اطلع من مصيبه تجيني مصيبه اكبر منها ما معقوله والله الحمد لله علي كل حال الحمد لله ي رب 😪 طلعته من المكتب ومشيت غرفتي راسي بقي يودي ويجيب ياخي لي انا بس البتحصل معاها حاجات زي دي ليه ي رب ليه انا بس استغفرت ربي وفتحته تلفوني ضربته لايثار قلت ليها لازم بكره تجيني في الجامعه عايزاك في موضوع ضروري😪 وقفلته علي كده

يتبع.....

#نعمتي
-٢٢-




رقدته نمته علي كده صحيت الصباح وجهزته للجامعه نزلته تحت وكنت منتظره السواق عمو عثمان قال لي السواق اخد اجازه امجد انا كلمته امجد قلت ليه يوديك😪 قلت ليه ما في داعي انا هاجر لي امجاد قال لي وامجاد لشنو وامجد قاعد لحظه انده عليه نده عليه وجاء واتحركنا 😪 طول الطريق وانا ساكته وهو ساكت وصلته الجامعه جيت عايزه انزل قال لي بتخصلي الساعه كم قلت ليه ما في داعي تجيني قال لي انا ما سالتك اذا في داعي ولا لا وريني بس بتخلصي الساعه كم قلت ليه ما بهمك ونزلته 😪 دخلته الجامعه حضرت المحاضرات وكان عندنا لاب مع حذيفه دخلنا اللاب وابتدينا الشغل اثناء ما انا شغاله قال لي ممكن تجيني بعدين في المكتب نططت ليه عيوني قال لي ما تخافي ما هاعمل ليك حاجه بس عايزك في موضوع قلت ليه ان شاء الله ورجعته لشغلي😪 انتهيت وطلعت من اللاب لقيت البنات ومشينا الكافتريا وبقينا بنتونس محمد قال لي يخسي عليك ي مناسك يكون عندكم عرس وما تعزميناا😪 قلت ليه العرس ما تبعي والله مي قالت ليه خلاص يا محمد ما تزعل انا عازمك عرس اخوي اريج قالت ليها سالم يداب قرر انو يتزوج قال ليها تصوري بس سنابل قالت ليها العرس يوم كم قالت ليها بعد اسبوعين وكلكم معزومين قلنا ليها ان شاء الله اثناء ما نحن قاعدين واحد زميلنا جانا وقال لي علقوا الجدول بتاع امتحان السمستر الاول مشينا شفنا الجدول 😪 وقعدنا شويه كده عند الخاله ست الشاي وطلعنا اريج قالت لي اراح اوصلك قلت ليها لالا هاشوف لي امجاد قالت لي امجاد شنو عليك الله اراح معاي قلت ليها المسافه هتبقا ليك بعيده و اثناء ما انا واريج بتناقش امجد جاء وقف قال لي يلا مشينا رفعته راسي وقلت ليه معليش انا ما ماشه معاك قال لي ما هو ما علي كيفك 😪 قلت ليه علي كيف منو سكته ما رد اتلفت علي اريج قال ليها ممكن تتفضلي انا بوصلها اريج قالت ليها وتوصلها بصفتك منو بالله قال ليها بصفتي خطيبها😪 اريج اتلفت عاينت لي وانا عاينت ليها والاتنين مصدومات قلت ليه عفوا خطيبي انا قال لي ي مناسك اتفضلي مشينا وما في داعي للكلام الكتير واتلفت علي اريج قال ليها ممكن تتفضلي اريج سحبت رجلينها براحه ومشت وانا بقيت واقفه وبعاين ليه😪💔 قلت ليه بصفتك منو يا انت تقول انت خطيبي وبعدين انت منو من الاساس قال لي بصفتي خطيبك وفي حكايه انا منو انا امجد عثمان خليتو واقف في مكانو ومشيت علي الظلط وقفته لي امجاد عايزه اركب قال للسواق امشي خطيبتي ما قاصده توقفك اتلفت عليه قلت ليه ما تقول انك خطيبي ياخ 😪 قال لي خلاص اقول شنو اقول راجلك ما انا جد خطيبك 😪 ياخي عصبني بطريقه جات امجاد تانيه وقفتها وركبته هو زاتو ركب معاي بس ركب قدام 😪 وصفته للسواق البيت قال ليه لالا نحن ماشين اوزن قلت ليه لا العنوان الاول وامجد شغال يقول ليه اوزن 😪 السواق قال لينا اتفقوا لو سمحتو ماشين البيت ولا اوزن امجد اتلفت علي قال لي ي مناسك ماشه البيت لشنو مش اتفقنا نمشي اوزن وبعدين نمشي السوق عشلن نشتري الدبل😪 عايزه ارد كده قال للسواق معليش ي اخ بس خطيبتي زعلانه مني عشان كده قالت ماشه البيت بتاع الامجاد قال ليه اساسا بنات الزمن ديل كده ي اخوي اقل شد وجذب يعملوا زعلانه ويبوزو 😪 امجد قال ليه اي والله وبقوا بتونسوا وانا ما فضل لي الا اخنقو 😪 ياخ شميتو بطريقه ربنا يطولك ي روح وصلنا اوزن ونزلنا امجد اتقدم وانا بقيت واقفه بس وما فكرته اني ادخل المطعم هو قرب للباب تاني جاني قال لي ما عايزه تدخلي يعني قلت ليه وادخل لشنو 😪 قال لي مناسك ادخلي خلينا نتعرف علي بعض قلت ليه شكرا انا ما عايزه اي تعارف معاك 😪 مسح وشو بيدنو قال لي انتي عنيده كده لي ما رديت عليه قال لي عايني ادخلي ما صح وقفتك في نص الشارع كده ولو ما عايزه تاكلي انتظريني اكل ونطلع قلت ليه تمام ودخلنا المطعم😪 قعدنا وهو طلب مسك تلفونو وبقي شغال بيه وانا زاتي مسكته تلفوني شويه كده وجاهو اتصال قال ليه ااي انا في اوزن خلاص تمام نص ساعه كده وجيبها😪 جابو الاكل وهو بدا ياكل قال لي ما عايزه تاكلي يعني قلت ليه شكرا ما جعانه قال لي ما ظريفه يعني اني اكل وانتي لا وما ظريفه اني اكل وانتي تعايني لي😪 قلت ليه انا من البدايه قلت ليك ما عايزه اكل افتكر انو كلامي واضح قال لي خلاص روقي ما في داعي للنرفزه دي ورجع يكمل اكل😪 صراحه انا كنت جعانه لدرجه قف تامل وريحه الاكل تجنن بس كرامتي يا عالم😂💔 كمل اكلو وشرب عصيرو وانا عامله فيها اني شغاله بتلفونو وصراحه بعاين ليه بطرف عيني جينا طالعين مشي طلب سفري طلعنا وقفنا جنب الباب شويه كده😪 في عربيه جات وقفت ونزل منها واحد سلم علي امجد ورفع لي يدو امجد قال ليه تسلم ي حبيب ونخدمك في افراحك ياخ الولد قال ليه كده انت انجز بالاول ونحن دورنا بعدك ي ابو الشباب اتوادعو الولد دخل المطعم وامجد ركب العربيه نزل قزاز العربيه قال لي تعالي اركبي قلت ليه ما عايزه اركب 😪 قال لي عايني ده ما زمن عنادك الزمن اتاخر وهنا نادرا م

ا تلقي امجاد قلت لي

ه ياخي الامجادات الله ما رقدها قال لي انا عارف انو الامجادات كتيره بس ما ظريفه يعني انك تركبي امجاد وفي سواق ميت موت عشان يوصلك😪 صراحه لمن قال لي كده حسيت نفسي فوق وقربته اجري عشان اركب بس البرستيج اهم حاجه😂👊🏻 وقفت قلت ليه ما ماشه قال لي خلاص براحتك ودور عربيتو ومشا انا وقفت مسافه بستوعب في الحاصل بعد شويه جات امجاد وقفته عايزه اركب امجد اشر لبتاع الامجاد انو يمشي اتلفت عليه قلت ليه ياخ انت مالك قال لي انا مالي 😪 قلت ليه بطل لتاخه دمك دي وما في داعي اي امجاد تجي انت تمشيها قال لي يلا الليله ي تمشي معاي ي هاعمل ليك كده اخدت نفس طويل وزفرتو قلت ليه عاين يا امجد بالواضح كده انت عايز مني شنو قال لي والله ما عايز منك حاجه غير تركبي معاي اوصلك البيت غير كده ما عايز حاجه غير رضا الله والرسول😪 قلت امري لله غيتو قلت ليه اراح ومشينا ركبنا العربيه وكان مشغل اغاني بتاعت ريهانه😻 وريهانه دي مش الحب دي العشق بالنسبه لي😻 من شافني اندمجته مع الاغاني قام قفل المسجل عاينت ليه قام ابتسم😪 وصلنا البيت ونزلنا ودخلته البيت ولا انتظرتو لقيتهم كلهم مجتمعين في الهول قلت ليهم جمعه كده في الحرم يا رب قالوا لي جمعا يا رب وطلعته غرفتي اتدوشتها وصليت الصلوات الفاتنتي وجيت عايزه انزل تحت اتصدمت مع زحل في السلم قالت لي الاكل ده امجد قال يدوك ليه قلت ليها شكرا بس انا ما عايزهو قالت لي براحتك ونزلت انا نزلته وراها لقيتها ختت الاكل في المطبخ عمتو فتحته التلاجه ما لقيت حاجه بياكلوها قلت لفوزيه الاكل وين قالت لي الليله ناس البيت كلهم طلبوا دليفري قلت معناها ما في طريقه الا اكل اكل الما بيتسما ده😪 عايزه افتح الكيس كده لقيتو واقف جنب باب المطبخ قال لي مش هسا قلت لزحل انك ما عايزهو الجد شنو 😪 اتلفت عليه قلت ليه وهسا برضو ما عايزهو شلت لي جزره وطلعت علي غرفتي وما معاي رقم واحد من المطاعم عشان اطلب😪 قلت اشوف ريم لو معاها بعدين قلت ياخي فيها شنو لو نمته بدون اكل ما فيها اي حاجه فتحته تلفوني ولقيت كترت مكالمات من اريج😂👊🏻 رجعته ليها وردت طوالي التقول منتظره مكالمتي ردت علي قالت لي ي عفنه ي وسخه تتخطبي وانا اخر من اعرف متخلف دي قلت ليها ما كده قالت لي اسكتي ما عايزه اسمع صوتم اصبري لي بس خليني ادخل الجزم ديل في المكالمه😂👊🏻 دخلتهم واي واحده ورتني فنونها في الردح قلت ليهم اسكتوا خلوني افهمكم اريج قالت لي لا تفهمينا لا شي بس وريني عليك الله الشفتو انا ده بشر بس قولي لي انو ده بشر قلت ليه يعني لو بشر هيكون شنو قالت لي الزي ده بكون ملاك بس😻 قلت ليها ملاك هه😏 اريج قالت لي عليك الله ده بتنفس نفس الهواء البتنفسو ده عليك الله ده زول قلت ليه اريج بطلي تخلف مي قالت لي اتشوقته عشان اشوفو قلت ليهم ما فيهو اي حاجه تخليك تتشوقي عشان تشوفيهو اريج قالت لي حاسده انتي والله كل ده وما فيه حاجه عشان تشوفهيه قلت ليها ما شايفه ليه شي 😪 سنابل قالت لي كده خلي كل الكلام ده بالجنبه ووريني اتخطبتي بتين قلت ليهم ما انتو لو سكتو من البدايه كان وريتكم مي قالت لي احكي حكيت ليهم من ما كنا ماشين الحفله لحدا ما وصلني البيت بس ما كلمتهم بكلام عمو عثمان لي😪 مي قالت لي امرك عجيب استخيري بالاول قلت ليها ولا هافكر استخير اساسا لاني ما عايزهو وهانتظر اسبوع وهامشي اكلم عمو عثمان بقراري لانو اداني فتره عشان افكر فيها 😪 سنابل قالت لي يعني هسا هتنومي وانتي جعانه قلت ليها ويعني ما فيها اي حاجه😂👊🏻 يا ما نمته وانا جعانه اريج قالت لي لحظه ارسل ليك ارقام المطاعم واطلبي قلت ليها منتظراك اتونسته معاهم شويه وقفلته منهم😪 انتظرته مسافه كده وباب الغرفه دق فتحتو وما لقيت اي زول بس لقيت تحت في كيس شلتو ولقيت فيه اكل وفي ورقه فتحتها امجد قال ما صح انك تنومي وانتي جعانه 😪 اتلفت عاينت يمين عاينته شمال ما لقيت اي زول ودخلته بالكيس جو الغرفه ووقعت فيه اكل😂👊🏻 ياخي كنت جعانه بالجد ولقيت كمان بيبسي مع الاكل شربتو وحسيت يداب انو روحي ردت لي جد جد الجوع كافر😂👊🏻 واتصلت علي ايثار فصلت وردت علي حكيت ليها بالموضع كلو من الاول للاخر قالت لي انا بكره جايك في الجامعه قلت ليها تمام ووري معاك نون وهبه قالت لي تمام😪 قفلته منها علي كده وجهزته لبسه بكره ونمته علي كده صحيت الصباح و جهزته للجامعه نزلته تحت لقيت امجد واقف ومنتظر😪 قلت ليه ما تعشم الليله امشي معاك قال لي ولا علي كيفك عايزه اود كده عمو عثمان جاء وقال لي مناسك ي بتي واقفه لي اتحركي علي الجامعه عشان ما تفوتي محاضراتك قلت ليه حاضر واستسلمت اني اركب معاه ركبته واتحركنا في الطريق قال لي ان شاء الله الاكل عجبك ياخ 😪 قلت ليه شكرا قال لي ولو ياخ😪 وصلنا الجامعه نزلته من العربيه كده اشوف ليك حذيفه جااء علي وزي الثور الهايج قال لي انا ما قلت ليك تجيني امبارح في المكتب امجد جاء نزل قال ليه في حاجه يا حذيفه حذيفه بقي زي الصبت فيه مطره قال ليه لالا ما في حاجه ي

ا امجد امجد اتلفت علي وقال لي ادخلي الجامعه

يتبع....

#نعمتي
-٢٣-
دخلت الجامعه وانا بقول يا ربي دي مصيبه شنو كمان كيف نسيت انو دكتور حذيفه قال لي تعالي لي في المكتب😪 اخ يا حظي اخ 😪 مشيت علي اتجاه اللاب لانو عندنا اول محاضره لاب مع حذيفه لقيت البنات جوه اللاب سلمته عليهم وقعدت بقينا منتظرين الدكتور وغريبه الليله من دون الايام اتاخر عدت نص ساعه والدكتور لسه ما جاء شويه كده وجانا واحد من الحرس قال لينا دكتور حذيفه بيعتذر عن المحاضره دي لظروف خارجه عن ارادتو وطلع ياخي الناس دي فرحت فرح 😂👊🏻 التقول قالوا ليهم هنوزع ليكم تلفونات ايفون هديه شلنا شنطنا واتخارجنا مشينا قعدنا في البنشات البره مي قالت لي يلا احكي قلت ليها احكي شنو😪 قالت لي احكي لينا عن امجد ده قلت ليها امجد منو سنابل قالت لي امجد خطيبك قلت ليهم انا ما عندي خطيب مي قالت لي بطي لياقه ياخ وورينا عنو قلت ليها والله ما بعرف حاجه عنو غير انو ولد عمو عثمان الكبير وقال عايز يتزوجني غير كده ما بعرف عنو حاجه😪 سنابل قالت لي اتعرفي عليه المانع شنو قلت ليها انا كرهته ذريه ادم بعد رامي مي قالت لي ورامي ده منو كمان😳 قلت ليهم my ex قالت لي اول مره اسمع انو عندك حبيب قلت ليها كان عندي😪 سنابل قالت لي وخليتو بعض يعني قلت ليها ايوه قلت ليهم متزكرين لمن مشينا بيرجر جونيت اخر مره قالوا لي ااي قلت ليهم بس متزكرين الولد الجاء سلم علينا قالوا لي صابر قلت ليهم ما صابر ياخ الجاء بعد ما صابر كان قاعد معانا😪 مي قالت لي القرضه الحلبي قلت ليهم بس ده هو اريج قالت لي قرضه ياخ قلت ليهم يعني ما كتير 😪 سنابل قالت لي انتي اي ولد ما حلو بتقولي عليهو ما هو حلو نفس اعرف الوجيه بنظرك منو 😪 قلت ليها انا ما بهمني الشكل الخارجي علي قدر ما بتهمني اخلاق واسلوب الانسان يعني شنو لو حبيبي سمح ووجيه وقرضه لبهناك واسلوبو واخلاقو زيرو اعمل بسماحتو دي شنو الا اعمل من سماحتو علاقه واتحاوم بيها انا البهمني انو يكون لي راجل قبل ما يكون لي وش سمح بتهمني اخلاقو وطريقه تعاملو مع الناس اكتر من وجاهتو وعربيتو وقروشو اهم حاجه عندي الاخلاق والباقي كماليات عندي😪 اريج قالت لي ما عرفتك خالص يلا قلت ليها ولسه ما هتعرفيني😪 بقينا بنتونس ونضحك شويه كده ودخلنا المحاضره التانيه المحاضره انتهت وطلعنا نفطر ايثار اتصلت لي قالت لي تعالي دخلينا الحرس ما خلانا ندخل قلت لسنابل اراح معاي قالت لي وين قلت ليها ناس ايثار جو اتحركنا مشينا دخلنهم قلت ليهم سجم جايني بعبايات لي😂👊🏻 نون قالت لي نان عايزنا نجيك بشنو عاد لو جيناك ببنطلون من الباب ده ما بدخلنا قلت ليه اسكتي اراخ قدامي مشينا كلنا الكافتريا وقعدنا وبقينا بنفطر مي واريج وسنابل استاذنوا قالوا ماشين يحضروا المحاضره انا قلت ليهم ما عايزه احضرها بشيلها منكم بعدين😪 نون قالت لي اتخطبتي يا عفنه ما قادره تتتظرينا قلت ليهم انا للان ما اتخطبت قالت لي وامجد ده شنو يختي 😪 قلت ليها ما عارفه هبه قالت لي بس اصدمني وقولي لي انو ده ياهو زاتو الوصفني لينا البيت 😪 قلت ليها بس ده هو نون صرخت قالت مستحيييييييييل الكافتريا دي كلها اتلفت علينا قلت ليها اسكتي يا هبله نون قالت لي حرام عليك والله يا مناسك حرام عليك بالجد هسا الزي ده ترفضيهو هسا ده بترفضي دي بجي مره واحده في العمر😪 ده اعتبريهو هديه من ربنا ليك 😪 ياخي ده بترفض اترفض انا يا يمه 😻 قلت ليها انتي لسه في انبراشتك دي👊🏻 قالت لي الزي ده مفروض يكتبو عليه خلق ليتم الانبراش به😻 قلت ليه الله يعينك بس هبه قالت لي رافضهو لي قلت ليهم ساي المهم اتوسنا شويه وقالوا ماشين الاستراحه وصفتها ليهم وقعدنا انا وايثار ايثار قالت لي اها احكي قلت ليها احكي شنو ما انا العندي حكيتو قالت لي ما علي انا يختي انا حافظك وعاجنك😪 قلت ليها ما في حاجه يا ايثار بس ده كل الموضوع قالت لي عايني هنا يا مناسك انا لا بعرفك امبارح ولا اول امبارح انا عرفتي ليك حوالي السته سنوات يعني بكون عارفك اذا زعلانه ولا فرحانه ولا عاديه من نبره صوتك بكون عارفه اذا عندك كلام ولا لا 😪 فشنو ما تعملي لي الحركات دي وانا لا نون ولا هبه البتمشيني بكلمتين تلاته 😪 ايثار دي انا بحسها مش اختي مرات بحس انو هي زي امي الله يرحمها بحس انو فيها حنان الام والاخت ربنا يحفظك لي يا رب 😪 قلت ليه بالجد في حاجه بس ما بقدر اقولها ليك هسا هاقولها ليك لمن يجي الوقت المناسب قالت لي وانا منتظره الوقت المناسب ده قالت لي اخدي وقتك واستخيري وفكري بهداوه 😪 قلت ليها ان شاء الله شويه كده وجوا هبه ونون ورجعنا نتونس وما خلو لي شمار ما حكوا لي بيهو فرقوا عني والله انتظرنا اريج وسنابل ومي جوا واتونسنا وطلعنا قربنا علي البوابه كده لقينا محمد 😪 جاء سلم علينا وعينو خالص ما نزلها من هبه وهبه تشيل وتتكشم 😂👊🏻 عرفتو علي البنات وطلعنا هبه جاتني ناطه قالت لي بس رقمو😻 قلت ليها يرقم راسك ياخ عايزه تبقي زي نون نون قالت لي ي مناسك انا لو عارفه انو في مزز للدرجه دي كان اتحولته مع

اك😻 قلت لايثار لميها مني قبل ما اقتلها هبه قالت لي خليك من نون وهبالتها انجزي لي عليك الله قلت ليها ابيت قالت لي عليك الله قلت ليها ابيت قالت لي بشتري لي سنكيرز😻 قلت ليه خمسه قطع قالت لي تلاته قلت ليها يا خمسه يا لا قالت لي اربعه وحات الله تاني ما بزيد بتهدي لي ميزانتي 😂 قلت ليها خلاص اراح اشتريهم لي هسا وانا بنجز ليك خلينا ناس ايثار طلعوا وانا وهبه رجعنا الكافتريا نشتري الشوكلاتات نلقي ليك محمد في وشنا قال لي رجعتي لي قلت ليه هبه قالت عازمني سنكيرز قال لهبه عن اذنك عايزاك خمسه دقائق هبه قالت ليها جدا مشوا بعيد مني شويه شايفهو بتكلم وشايفه هبه بتتكشم وضرسها الاخير ظاهر😂👊🏻 وشايفها محمد طلع تلفوني والزفته تقريبا بتملي في الرقم وجوني بعد شويه محمد قال ليها خليهم انا بشتريهم هبه قالت ليه لالا انا هاشترهم محمد حدر ليها وسكته محمد اشتري لي الاسكنيرز وطلعنا 😪 مسكته هبه من يدها وقرصته قلت ليها دي اخر تربيتي ليك يا منحرفه😂👊🏻 بتين جيتي عشان تشيلي ارقام الاولاد قالت لي براهو جانا انا مشيت جبتو قلت ليها اسكتي اسكتي قالت لي عشان انتي كنتي عايزه تستغليني عشان تحنكب لي معاه ربنا جابوا لحدا عندي 😪 قلت ليه مشم تتهنوا يا بعيده انا ما هني شي ما دام الاسكنيرز معاي😪 وتعالي هنا بتين ارتبطوا عشان يحدر ليك ويدفع بدلك😂👊🏻 قالت لي الولد همش ياخ اتحمس زياده عن اللزوم ودفع قلت ليها برضو ما طلعتي منها الاسنكيرز بتاعتي عايزاها 😪 قالت لي وفي يدك دي شنو قلت ليها ما بهمك بس دايره تاني قالت لي افكر طلعنا بره للبنات ولقيناهو واقفين مع امجد😪 ياخي دي حاله دي هبه قالت لي هسا انا ده ارفضو يرفضك شنو اقول ليك قلت ليها اسكتي مني ما ناقصك 😪 مشينا عليهم واتلفت علي البنات لقيت وشهم كلو قلوب حتي ايثار معاهم😪 امجد قال لي نمشي قلت ليه اتقدم انا بحصك مشي علي العربيه وانا اتلفت عليه سنابل قالت لي اصدمني وقولي لي انك ما عايزهو قلت ليها ما عايزهو سنابل قالت لمي ناوليني الحجر ده بسرعه عشان اقتلك وارتاح منك هسا ده انا برفضو😻 ولد زي السته في الليدو قلت ليها ما فيه اي حاجه الساعه الكلهم اتلفتوا علي قلت ليهم خلاص يلا مع السلامه ركبت العربيه واتحركنا وانا ساكته وهو ساكت😪 قال لي اطمني حذيفه تاني ما هيتعرض ليك قلت ليه عملت ليه شنو قال لي ما بهمك كل البهمك انك تعرفي انو تاني ما هيتعرض ليك 😪 قلت ليه ان شاء الله ورجع عم السكوت قال لي امتحانتكم بتين قلت ليها بعد اسبوع قال لي وهتسمتر كم يوم قلت ليها حوالي الشهر قال لي لي قلت ليها موادنا سبعه وفي قابات طويله قال لي ايوه وبعد السمستر في اجازه فترتها كم قلت ليه حوالي الشهر اتلفت عليه قلت ليه بتسال ليه سكته ما رد علي سالتو مره تانيه قال لي لمن يجي وقتو هتعرفي اي حاجه😪 وصلنا البيت وانا نزلته قلت ليه ما عايز تنزل قال لي عندي شغل ودور عربيتو ومشاا دخلته البيت وغيرته ملابسي ورقدته نمته صحيت زي الساعه 7 علي صوت تلفوني لقيتو رقم محلي بس غريب ما رديت خالص قمته اتوضيت وصليت ونزلته تحت لقيت ريم قاعده في المطبخ قلت ليهت جيتي هسا قالت لي ااي قلت ليها خلاص تعالي ناكل سوا قالت لي جهزي الاكل وانا بعمل العصير قلت ليها تمام جهزنا الاكل ورصينهو في صفره المطبخ وبقينا بناكل ريم قالت لي ما فكرتي لسه قلت ليها افكر في شنو قالت لي في عرض امجد قلت ليه لسه قالت لي ما عايزه اجبرك ولا امدح ليك اخوي بس والله امجد ما منو اتنين ااي هو عصبي للحد البعيد واخلاقو ضيقه بس طيب وقلبو ابيض وما تتخيلي يا مناسك انا من يوم ما شفتك واتعرفته عليك اتمنيت انك تكوني مره اخوي ❤ وما صدقنا خالص انو امجد رجع يفكر في الارتباط يا ما امي حاولت وابوي بس كان بيرفض وبيتعصب بس بعد ما شافك في الحفله براهو جاء لامي قال ليها انا عايز اتزوج مناسك وقبل ما يسال امي جاء سالني اذا انتي مرتبطه او لا 😪 عليك الله يا مناسك فكري برواقه وما في داعي انك تتسرعي وحتي لو رفضتيهو انتي مكانتك عندي عمرها ما هتزحزح ❤ قلت ليها ان شاء الله هافكر والله زحل جات داخله المطبخ وقعدت معانا قالت لي صح يا مناسك انا وانت علاقتنا ما زي علاقتك انتي وريم بس والله زي ما قالت لي انو نحن عايزنك وما عايزين نخسرك عليك الله كم ما وافقت بامجد اخوي والله هو طيب 😪 يلا انا علي قدر ما مصدومه في انو اخواتو بشكرو لي علي قدر ما مصدومه في زحل القاعده تترجاني اني اوافق باخوها😂👊🏻 ياخي دي كلمتين زي الناس ما بتقولها لي 😪 يا الله السلام ده بتردوا علي زي الناس محن غيتو😪 قلت ليهم هافكر وهاستخير ان شاء الله كملته اكلي وطلعته الغرفه طلعته لبسه بكره ولقيت تلفوني برن رفعتو لقيتو نفس الرقم الغريب قلت كم رديت يمكن يطلع حذفه يهددني 😂👊🏻 وحلفت كم افتح الخط قفلته تلفوني بالمره وختيتو في الشاحن انتظرته العشاء اذن ورقدته نمته صحيت الصباح صليت الصباح وجهزته😪 وكنت متاكده ميه في الميه انو امجد هيوصلني نزلته تحت ولقيتو منتظر ركبنا وات

حركنا علي الجامعه وطول الطريق كالعاده ساكتين😂👊🏻 وصلته الجامعه عايزه انزل كده قال لي انا بعدين هاكون مشغول شويه ممكن تديني رقمك عشان اتصل عليك بعدين لو خلصتي قلت ليه ما في داعي انك تتعب نفسك انا هارجع بامجاد قال لي عايني انا قلت ليك اديني رقمك ما ليك علاقه بتعبي 😪 مليتو الرقم ونزلته دخلته الجامعه ولقيت البنات في وشي😪 سلمته عليهم ودخلنا المحاضره حضرنا المحاضره الدكتور قال لينا ي شباب دكتور حذيفه بيعتزر منكم وبقول ليكم انو هو تاني ما هيمسكم الجزء العملي وقبل ما يتم كلامو ياخي الناس دي هاجات بطريقه الصفافير والصفيق😂👊🏻 والله جد جد كان عامل رعب الدكتور قال لينا انتظرونا خلوني اتم ليكم كلامي عشان فرحتكم تكتمل علي الاخر قالوا ليه تم قال ليهم الهيمسكم الجزء العملي دكتور بابكر احمد ياخي الاولاد ديل قامو فوق وصفروا واي واحد بيحضن الجنبو والبنات اي واحده تحضنها الجنبه😂👊🏻 اتلفت لقيت اريج بتبكي قلت ليها مالك قالت لي دموع الفرح😂👊🏻 انا بالجد فرحته انو حذيفه ما هيمسكنا واحد دفعتنا اسمو سامي قال لينا دي دعوات امي والله امي الليله بالصباح قالت لي ربنا يسهل دربك اتاري في دربي كان واقف حذيفه😂👊🏻 والله ضحكني ضحك طلعنا من المحاضره واي واحد فينا مبتسم للضرس الاخير غيتو حذيفه دي بالجد كان العذاب في شكل انسان😂👊🏻 قلت لسنابل دكتور بابكر احمد ده منو سنابا قالت لي ده اظرف دكتور في الدنيا كان ماسكنا السنه الفاتت لو ما ناجحه بنجحك😂👊🏻 دكتور ظريف ياخ همو كلو بطنو لو عايزه تحكنيها ولا تكلفي انك نفسك بس اعزميهو طعميه وبلبي لي رغباتك😂👊🏻 والله ضحك قلت معناعا السنه هنجنح نجاح ظريف اتحركنا علي اللاب ودخلنا واللاب كان فاضي ما فيهم غيرنا انا ومي قلت ليها الباقين وين قالت لي مش دكتور حذيفه بقي ماف😂👊🏻 يلا دي الحريه باسمى معانيها قلت ليها انا حاسه انو الراجل ده هيكون اكعب من حذيفه قالت لي ده ولا يهمك والله دلاها😂👊🏻 قلت ليه نشوف قعدنا والدكتور دخل وجد جد علي قول سنابل همو بطنو بس😂👊🏻 بطنو جات قبلو ياخ ما شاء الله تبارك الله قعدنا وقوم اقفل الباب بتاع اللاب وشغالين يصرخ باعلي صوتو قوانين دكتور حذيفه هتطبق زي ما هي وبحزافرها السنه الفاتت سامحتكم بس السنه دي ما هاسامحكم عشان انتو ناس فاينل المشكله ما في كلامو المشكله في انو انا ومي بس في اللاب😂👊🏻 واللاب طويل لمن عواره والصوت عامل صدا 😂👊🏻 غيتو شي سبحان الله بس ادانا الجزء النظري وطبقنا عليهو جاء اخد الدرجات و الحضور جينا طالعين قال لينا وين في تست مفاجئ قعدنل والحمد لله اني كنت مزاكره اداني درجاتي 8 من 10 ومي 6 من 10 جينا طالعين قال لينا كلموا باقي دفعتكم وقولوا ليهم اني خصمته منهم 30 درجه عشان ما حضرو اللاب ولا سجلوا حضروهم ولا اخدوا اتنديس وال30 درجه دي هاخصمها من الامتحان نصف السنه والاخير قلنا ليه تمام وطلعنا

يتبع.....

#نعمتي
24


طلعنا من اللاب قلت لمي انا ماشه الاستراحه انتي وري باقي الدفعه قالت لي تمام مشيت الاستراحه وطلعت مشيت الكافتريا لقيت البنات قعدنا وبقينا بنتونس تلفوني رن لقيتو برضو نفس الرقم الغريب دخلتو طوالي جوه الشنطه😪 مي قالت لي ردي قلت ليها ما قاعده ارد علي ارقام غريبه قالت لي يمكن الموضوع مهم قلت ليها اه😪 شويه كده وتلفوني رن مره تانيه استلسمته وريت الو معاي منو قال لي ما بتسلمي بالاول قلت ليه عايز تتفضل تقول انت منو ولا لا قال لي طيب هاقول انا منو بس اسمعيني للاخر لو سمحتي قلت ليه اتفضل قال لي انا منزر ولد خالتك وقبل ما يتم كلامو قفلته الخط في وشو😪 قال ولد خالتي قال 😪 وحظرته رقمو طوالي مي قالت لي ده منو قلت ليها واحد عايز يقضي زمنو اتونسنا كاير واتوداعنا عشان تاني ما هنتلاقي الا بعد اسبوع للامتحانات😪 طلعته بره وما لقيت امجد جاء اتزكرته انو قبيل قال لي انو اديهو رنا بعد ما اخلص بس كسرته الحنك ووقفته لي امجاد واتحركته 😪 وصلته البيت ادوشتها ورقدته نمته ما صحيت الا بعد المغرب صليت المغرب ونزلت عشان اكل لي حاجه لقيت امجد قاعد في المطبخ من شفتو كنت عايزه ارجع بس هو لمحني قال لي انا مش قلت ليك بعد ما تخلصي تتصلي علي ممكن اعرف لي ما اتصلتي علي😪 قلت ليه نسيت قال لي نسيتي طيب يا مناسك انا هاوريك النسيان ده كيف وطلع من المطبخ ما اشتغلته بكلامو خالص طلعته الاكل سخنتو واكلت وطلعته غرفتي قفلت الباب علي طلعت اللابتوب وابتديت ازاكر😪 شي الشيتات واقعه في الارض وشي المراجع في السرير غيتو حاله بالبلاء بس😪 تلفوني رن لقيتها دي سنابل فتحته الغلط لقيتها بتسالني عن اسم مرجع وريتو ليها وقفلته تلفوني بالمره بقيت بقرا العشاء اذن صليتو ورجعته اتم قرايتي قريت تقريبا للساعه 11 حسيت بنفسي تعبت بس القرايه كتيره خالص قلت انزل تحت اعمل لي كوبايه نسكافيه عشان اصحح😪 نزلته تحت عملت النسكافيه ورجعته اتم قرايتي بس فجاه باب غرفتي دق فتحته الباب لقيت امجد واقف قال لي ارقدي نومي بعد ده عشان ما تتعبي قلت ليه عفوا😪 قال لي ارقدي نومي وتمي باقي قرايتك بكره قلت ليه لا هاتمها الليله 😪 قال لي بالطريقه دي ما هتاذي الا نفسك وبعدين انتو عندكم سبعه مواد وعندكم قابات طويله ممكن تقري خلال اللابات بس هسا ارقدي نومي لانو السهر هياذك اكتر مما هيفدك 😪 صراحه اقنعني الزفت بس كابرته قلت ليه ما ليك شغله بي وقفلته باب الغرفه ورجعت اقرا كنت نعسانه بطريقه بس قلت عشان المعفن ده هاقرا للصبح 😪 وما حسيت بنفسي الا وانا نايمه صحيت اليوم التاني متاخره خالص حتي الصبح فاتني صليتو مع الضحي ونزلته تحت لقيت ما في زول قلت لفوزيه عمتو فاتن وين قالت لي مشيت لسناء قلت ليها ايوه ختيت لي اكل وطلعته فوق عشان اتم قرايتي قريت مسافه حسيت بعيوني مولمني 😪 قلت انوم وفعلا رقدته نمته صحيت زي العصر صليت واتغديت ورجعته اقرا 😪 الاسبوع كلو عدا بالطريقه دي بكره اول امتحان لي بعد ما صليت العشاء فتحت واحد من المراجع بقيت براجع المصطلحات وكده باب الغرفه دق فتحتو بس ما لقيت زول لقيت كيس كبير فتحتو لقيت كرتونه جلكسي وكرتونه تويكس وكروتنه سنكيرز وكروتنه كت كات ولقيت علبه كده فيها شوكلاتات ميرسي وفي علبه علي شكل صندوق فتحتها لقيت علبه فيها مارشيلو وتحتها ورد طبيعي مجفف وتحتها في رساله مكتوب فيها عارف انك ماره بفتره صعبه اللي فتره الامتحان وعسي ولعل الحاجات دي تساعدك في انك تحسني نفسياتك امجد❤ شلته الكيس ودخلتو الغرفه وانا ما بين مصدومه وما بين مستغربه في شخصيه امجد 😂👊🏻 فتحته كرتونه الكت كات وبقيت باكل اكلته زين ورقدته نمته صحيت اليوم التاني بدري شويه مع انو الامتحان الساعه 12 بس يلا لبسته ونزلته تحت لقيت امجد واقف ومنتظرني😪 صبحت عليهو واتحركنا شايفهو مشي في طريقه غير طريق الجامعه قلت ليه لحظه ده ما طريق الجامعه قال لي عارف قلت لي موديني وين قال لي خاطفك😪 قلت ليه شنو قال لي روقي شويه مع انو الليله اول يوم امتحان ليك قلت نفطر سوا بعديها تمشي الامتحان قلت ليه بس كده هنتاخر😪 قال لي ما تخافي هسا الساعه 10 وامتحاناك 12 عندنا زمن كافي سكته وصلنا جامعه مامون قلت ليه هنفطر في مامون قال لي طبعا لا بس عندي صحبي شغال هنا وقال عايزني في موضوع بياخد اقل من نص ساعه قلت امري لله شايفها صحبو جاء عليه وسلم عليه😪 وكان ماسك ورقه في يدو زي المخطط كده شايفهو هو وامجد بتناقشوا انتهوا من نقاشهم واتوادعو وامجد جاء راجع العربيه قال لي ما تكوني زهجتي قلت ليه لا😪 مشينا مسافه خمسه قائق وصلنا مطعم باريستا قلت ليه هنفطر هنا قال لي باريستا عندهم احلي فطور انزلي نزلته ودخلنا المطعم وجابوا الاكل وفعلا فطورهم فظيع😻 فطرنا وطلعنا علي كده وصلني الجامعه قال لي ركزي كويس وما تستعجلي وانا هانتظرك هنا عشان ارجعك قلت ليه حاضر 😪 ياخي احرجني بتعاملوا الزفت ده دخلته الجامعه وطوالي دخلته قاعه الامتحان لانو فضل للامتحان اقل من خمسه دقائق شويه

كده ووزعوا الاوراق وبعد ساعتين كامله من غربله المخ سلمته ورقتي وطلعته لقيت البنات سلمته عليهم وطلعته لقيت امجد واقف 😪 جاء سلم علي البنات وسالهم من الامتحان وكده وقال لي مشينا مشيت معاه وركبنا في العربيه واي زول ساكت 😪 استغربته لي ما سالني بعدين انا قلت انتي مالك وما ما سالك لو سالك اكيد هتردي ليهم باجابه تسد النفس احسن تسكتي😪 شويه كده وقال لي اشتغلتي كيف قلت ليه الحمد لله وسكت وانا سكته تاني انا قلت ليه شكرا قال لي علي شنو قلت ليه علي الشوكلاتات قالت لي ودي حاجه تشكريني عليها😪 قلت ليه ايوه قال لي ايوه😪 وسكتنا وصلنا البيت انا نزلته وهو اتحرك ما اشتغلته بيه اساسا😪 الموهم ايام الامتحانات كلها عدت بسلام وفيها الساهل والصعب اخر يوم بعد ما طلعنا من الامتحانات😪 لقيت البنات قالوا هم طالعين قلت ليهم ماشين وين قالوا ماشين اوزن قلت ليهم ظريف طلعنا لقيت امجد كالعاده واقف ومنتظرني مشيت عليه قلت ليه الليله ما ماشه معاك😪 قال لي نعم وماشه مع منو قلت ليه طالعه مع صحباتي ماشين اوزن قال لي ما في اي مشي واتفضلي اركبي قلت ليه عاين هنا انت لا ولي امري لا حاجه عشان تكورك فيني بالطريقه دي وبعدين انا قلت ليك ما ماشه معاك يعني ما ماشه معاك 😪 قال لي هتمشي معاي ولا علي كيفك ومشي مع صحباتك ماف😪 قلت ليه ياخي وبصفتك منو تمنعي😪 قال لي بصفتي خطيبك وزوجم المستقبلي قلت ليه باين انت صدقته بالجد حكايه انك خطيبي قال لي ولي ما اصدق اذا انا بالجد خطيبك 😪 قلت ليه عاين ده ما زمن كلامك الما منو فائده ده وانا ماشه مع صحباتي يعني هامشي معاهو ولا انتظرني اكمل كلامي ومشي اتجاه ناس اريج ما عرفته اتكلم معاهم وقال ليهم شنو وهو مشوا😪 انا طوالي من ما شفتهم مشوا اتحركته ناحيه الظلط ووقفته لي امجاد جاء جراني من يدي وودنا العربيه ودخلني بالغصب انا قعدته وبقيت بس ببكي😪 قلت ليه عاين يا امجد خليني نكون واضحين انا ما عايزاك فاهم ولا لا 😪 قال لي انا هسا سالتك اذا عايزني ولا لا سكته ما رديت قال لي دي علبه المناديل امسحي دموعك ما في داعي تمسحي دموعك بيدنك😪 وانا ساكته وخالص ما اتكلمت معاه تلفوني رن ولقيتو رقم غريب طوالي رديت قلت ليه ايوه قال لي انا منزر قلت ليه خير يا منزر في حاجه قال لي انا عاوز اتكلم معاك قلت ليه اسمعني يا منزر انت باين كلامي الكتير ده كلو ما جاب معاك نتيجه بس والله الغظيم تاني تتصل علي هنا ما هيحصل ليك وانساني ياخ واعتبر انك ما عندك بت خاله وقفلته علي كده😪 لقيت امجد بعاين لي بس مسحته دموعي قال لي منزر ده منو سكته ما رديت قال لي مناسك انا قلت ليك منزر ده منو برضو سكته ما رديت عليه ضرب الدرسكون بيدو قال لي قلت ليك منزر ده منو وانا مع ضربه الدرسكون نطيت فوق وقعدته😂👊🏻 وبقيت بعاين ليه وانا مصدومه قلت ليه بهمك قال لي اي بهمني اعرف ده منو قلت ليه ما بوريك قال لي مناسك ما تنرفزيني احسن ليك تقول منزر ده منو قلت ليه ولد خالتي قال لي وعايز منك شنو قلا ليه ما عارفه 😪 قال لي اديني رقمو قلت ليه ابيت قال لي قلت ليك اديني رقمو مليتو الرقم وصلني البيت وما عرفتو طار وين 😪 دخلته البيت وطوالي علي غرفتي قفلته باب الغرفه علي وتميت بكاي😪😭 ياخي دي حاله شنو دي 😪 بكيت زين بعدين دخلت الحمام اكرمكم الله واتدوشتها وجيت طوالي نمته ما صحيت الا حوالي الساعه 9 اتوضيت وصليت الصلوات الفاتتني ونزلته تحت لقيت عمو عثمان وعمتو فاتن ومعاهم عمتو سناء وراجل وسامر وامجد سلمت عليهم ودخلته المطبخ اكلته جيت طالعه. عمتو فاتن قالت لي تعالي اقعدي قعدته وانا قلبي خالص ما مرتاح للقعده دي😪 عمتو فاتن قالت لي فكرتي قلت ليه باي خصوص قالت لي بخصوص امجد قلت ليه لسه عمتو سناء قالت لي غريبه امجد قال انتو اتفقتوا انو العرس يكون بعد امتحانتك طوالي انا طوالي نططت عيوني وعاينت لامجد لقيتو عامل نفسو مشغول بتلفونو😪 عايزه ارد كده عمتو فاتن قالت ليه بتكون البت خجلانه تقول كده قدامنا عمو عثمان قال لي والله يا مناسك ما تتخيلي انا فرحته قدر كيف عشان اناي وافقتي بامجد ولدي سامر قال لي مبروك يا مره اخوي ومعاها غمزه😪 انا ما فاهمه حاجه خلاص بتين اتفقنا انا وامجد اننا نتزوج قلت ليهم كده لحظه يا جماعه انا وامجد خالص ما اتفقنا علي موضوع العرس امجد نط قال لي صح نحن ما اتفقنا علي انو الحكايه عرس اتفقنا علي انها خطوبه بي انا قلت بالمره احسن نعملها عرس عشان الفتره بتاعت اجازاتك كافيه اننا نتزوج فيها انا هنا خلاص راسي شطب والفيني كملت😪 بتين انا اتكلمته مع الزفت ده وقلت ليه اننا متفقين علي العرس عمو عثمان قال لي ما دام انتر اتفقتوا علي الخطوبه نعملها خطوبه عمتو فاتن قالت ليه خطوبه شنو يا حاج احسن نعرس ليهم بالمره قلت ليهم كده عن اذنكم وطلعته علي غرفتي وقفلته الباب صرخته باعلي صوت عني 😪 ما خليت دمعه ما نزلتها بكيت باعلي حس عندي ياخ انا لي بس بيحصل معاي كده ليه بس 😭 ليه يا ربي كل مره تختني في

امتحان اكبر من قدرتي

ليه يا رب انا عملته شنو في دنيتي تجازيني بالطريقه دي ليه يا رب😪 استغفرته ربي علي الكلام البقولو دخلت الحمام اكرمكم الله غسلته وشي وجيت قعدته كنت متمنيه زول يجيني من تحت ويقول لي صرختي لي بس الابواب بتاعتهم عازله للصوت شويه كده وباب غرفتي دق فتحت الباب لقيتها ريم قالت لي مالك كنتي بتبكي قلت ليها لا قعدتني في طرف السرير قالت لي انا عارفك بتكوني مشتاقه لاهلك وخصوصا في الاوقات بس اعتبريني زي اختك وامي هي امك قبل م تم كلامها عمتو فاتن وعمو عثمان جو عمتو فاتن حضتني وكانت بتبكي قالت لي ما تتخيلي انك فرحتني كيف يا مناسك ربنا يفرحك دنيا واخره علي قدر ما فرحتني عمو عثمان قال لي والله يا مناسك امجد هيسعدك وربنا يسعدك قدر ما سعدتنا كنت عايزه اقول ليهم انا ما موافقه بس لمن شفته رده الفعل عليهم سكته وقلت كلو لخير يا مناسك وعسي ان تكرهي شيئا وهو خيرا لك اتكلموا معاي كتير وطلعوا😪 اتصلته طوالي لايثار طوال النص ساعه الاولي من المكالمه قضيتو بكي بعدين حكيت ليها بالحصل وقالت لي انها بكره جايه وقالت لي قومي صلي واستخيري طوالي قمته اتوضيت وصليت الاستخاره ❤ فتحته الدولاب وطلعته البوم الصور بقيت بتفرج في صور اهلي ودعيت ليهم بالرحمه والمغفره ونمته علي كده صحيت الصباح اتوضيت وصليت الصباح وبقيت بقرا في قران تاني رجعته نمته صحيت زي الساعه 11 نزلته تحت لقيت عمتو فاتن ومعاه مره تانيه صبحته عليهم وقعدت عمتو فاتن قالت لي هتنزلي تتشتري الشيله بتين قلت ليها لو ما فيها حاجه ما عايزه انزل انا😪 قالت لي خلاص الشيله بكلف سناء وريم يمشي يجيبهوا ليك المره التانيه قالت ليها ما شاء الله مره ولدك سمحه قالا ليه الله ما ضراك يا سوسن سوسن قالت ليها هتبدوا الحبسه بتين قالت ليها بكره ان شاء الله عمتو فاتن اتلفت علي قالت لي بكره مناسب معاك قلت ليه ايوه

يتبع....

#نعمتي


25


قعدته معاهم شويه وايثار جات سلمت عليهم وطلعنا علي غرفتي من دخلته الغرفه حضنتها وبقيت ببكي😭😪هي زاتها مسكتني وبقينا بنبكي ما حسيت بالوقت وانا في حضنها قالت لي بطلي بكي خلاص يا مناسك قلت ليه انا تعبته يا ايثار تعبته من الدنيا دي تعبته والله من الاختبارات دي تعبته يا ايثار انا خلاص ما فيني حيل لاي حاجه ما فيني حيل انا خلاص يا ايثار طاقتي انتهت😭😪 تعبته والله تعبته ايثار مسحته لي دموعي قالت لي خلاص يا مناسك عليك الله ما تبكي😭 عليك الله ما تقولي كده خليك ثقتك في ربنا كبيره خليك انسانه واعيه ودي امتحانات من ربنا ليك عشان يعرف مقدار صبرك😭 معقوله تضفي كده يا مناسك انا بعرفك زوله قويه وبتقيف في وجه المصائب دي انتي مناسك النحن لمن ضهرنا يتعوج انتي بتصلحيهو لينا😭 ما تضعفي يا حبيبتي ما تضعفي ياخ 😭 قلت ليها تعبته والله تعبته انا فاهمه يعني شنو اني تعبت يعني انا خلاص ما قادره افهميني بس 😭 ليه بس انا بحصل معاي كده اي دي امتحانات من ربنا بس اي انسان وليه قدره علي التحمل وانا المصائب دي فاتت طاقتي😭 سكته وبقيت بس ببكي وايثار من البكي لمن بقت بترجف مشيت غسلته وشي وهي غسلت وشها وبقينا قاعدين😪 قالت لي هتعملي شنو هسا قلت ليها ما في حل غير اني اوافق ما الموضوع اتقرر خلاص قالت لي حاولي انك تماطليهم قلت ليه هه اماطلهم وبكره هيبدوا يحبسوني😪 ما علينا ياخ زي ما قلتي لي دي كلها اقدار قلت ليها ما لازم نون وهبه يعرفوا اني مجبوره علي الزواج قالت لي اطمئني الكلام ده من هنا ما هيتطلع قلت ليها ان شاء الله 😪 بقينا بس ساكتين فوزيه دقت الباب وجابت الضيافه لايثار وبقينا قاعدين بس وبنعاين لبعض😪 قلت ليها طلعينا من جوه النكد ده ياخ ووريني احمد جاي يتقدم ليك بتين قالت لي هو نازل السودان بعد اسبوع قلت ليها ربنا يتمم ليكم علي خير قالت لي امين قلت ليها معليش يعني ما مشيتي بسببي اليوم الجامعه قالت لي انتي متخلفه ولا حاجه هسا اضربك بالفازه دي اعدل ليك ملامح وشك👊🏻😪 انتي اختي فاهمه يعني شنو اختي والله لو قلتي كده تاني بزعل منك قلت ليها كلو ولا زعلك ي ايثو قالا لي ايثو دي بقولها لي احمد بس 😂👊🏻 ما حلوه فيك قلت ليها مشم 😏 قعدنا اتونسا كتير وطلعته الشوكلاتات الكان جابهم لي امجد ومشينا الهول الفوق وقعدنا وبناكل وبنتونس مشينا صلينا الضهر ورجعنا قعدنا 😪 غيتو ما خلينا لينا فلم في mbc2 ما حضرناهو نزلنا تحت اتغدينا ورجعنا قلت ليها تعالي اقعدي معاي لمن موضوع الحبسه دي ينتهي خايفه من الحكايه دي 😪 قالت لي اشوف امي وبجيك ولو ما جيتك من الاسبوع الاول بجيك في الاسبوع التاني انا والبنات وبنعسكر معاك قلت ليها ظريف 😪 قبل المغرب بشويه قالت ماشه طلعته ودعتها وجيت داخله قعدت مع عمتو فاتن شويه وبقينا بنتونس شويه كده 😪 المغرب اذن صليتو في غرفتي وما فكرته اساسا اني انزل تحت فتحت تلفوني وبقيت برد علي رسائل الواتس وكده لقيت رساله من رقم غريب ليها اكتر من شهر رديت عليها مكتوب فيها سلام انا منزر ولد خالتك كل العايز اقولو ليك انو نحن بالجد قصرنا في حقك وبالجد امي اتلومت معاك ليك الحق تكرهينا وليك الحق في انك ما تحبي تسمعي صوتنا بس رغم اي حاجه حاصله الدم عمرو ما بكون مويه وانا نزلته السودان لي حوالي شهر كلو عشان اسوقك معاي وتمشي تعيشي معانا خالتك بهجه متشوقه خالص انك تعيشي معانا وبتمني بعد ما تقري رسالتي ترجعي لي ونتفاهم😪 يلا بعد ما قريت الرساله جد جد الفيني كملت ويداب اقتنعت انو المصائب بتجي مع بعضها 😪 بقيت بتسغفر بس انتظرته العشاء اذن وصليتو ورجعته علي سريري بقيت بتخيل في حياتي اذا اتزوجته امجد هتكون كيف بغد ما رقدته اتزكرته اني ما صليت الاستخاره رجعته صليتها ورقدته وبقيت بتم في تفكيري ااي هو طيب وللان بعاملني كويس 😪 بس هو عصبي ياخ وبتنرفز بسهوله بعدين بقول انا السبب في انو يكون متنرفز 😂👊🏻 بعدين اتزكرته كلام عمو عثمان عنو وكيف عانا لمده خمسه سنوات متتاليه استغفرته ربي ورقدته نمته 😪 صحيت اليوم التاني صليته الصبح وبقيت قاعده بس وبفكر في حكايه الحبسه دي كيف كمان😂👊🏻 اتمنيت بالجد لو اهلي كانوا حاضرين اتمنيتهم بشده يكونوا معاي بس كلو لخير والحمد لله علي كل حال 😪 زي الساعه 11 كده نزلته عشان افطر فطرته ولقيت عمتو سناء وعمتو فاتن قاعدين ومعاهم مره الجيران الاسمها سوسن وواحده تانيه سلمته عليهم وقعدته معاهم ريم جات نازله سلمت علينا وقعدت معانا شويه 😪 عمتو سناء ومعاها عمتو سوسن وريم استاذنوا قالوا ماشين يجيبوا الشيله بقينا قاعدين انا وعمتو فاتن والمره التانيه😪 عمتو فاتن قالت ليها يا فاطمه سوقي مناسك وامشوا الحوش انا هاجيب الحاجات وهاجيك قالت ليها سمح قالت لي قومي يلا مشيت معاها 😪 عندهم حوش بيطلعوا ليه بباب المطبخ الخارجي فيها عريشه كده طويله وحاجات الدخان حقت عمتو فاتن يعني المنطقه دي خاصه بعمتو فاتن😪 قعدته في واحده من سراير الحوش وشويهكده ابتدوا فينا شغل?

?😭 جد جد عذاب الحمد لله بس 😪 وبعد ساعه كامله من التعذيب البشري استسلمت فاطمه وخلتني امشي غرفتي ارتاح شويه واجيها بعد نص ساعه شلته كبايه العصير وطلعته بباب السلم الخارجي عشان سامر كان قاعد في الهول😪 باب السلم الخارجي ده بوديني لغرفه صغيره كده ولمن تفتحيها بتلقي نفسك في الهول الفوق😪 يلا ده نفس المكان الطلع منو الزول المره الفاتت دخلته غرفتي وفتحته تلفوني لقيت كترت مكالمات من هبه ونون واريج وسنابل ومي اول حاجه رجعته لناس نون وهبه في مكالمه جماعيه 😪 نبذوني كتير وما خلوا لي صفحه انوم فيها وبعد ما انتهوا من الردح باركوا لي وقالوا هيجوني كلهم بكره ومن الاسبوع التاني هيجوا يعسكروا معاي قفلته منهم😪 ورجعته لناس اريج برضو في مكالمه جماعيه وما شاء الله تبارك الله تقول الردح ده شاربنو شراب😂👊🏻 برضو باركوا لي وقالوا هيجوني بكره وهيعسكروا معاي من الاسبوع الجاي😂👊🏻 قلت معناها البيت هيكون جايط بطريقه غيتو الحمد لله😂👊🏻 شربته عصيري وفوزيه جات دقت لي الباب قالت لي فاطمه منتظراك قلت اللهم طولك يا روح ورجعته ليها بنفس الطريق الجيت منه😪 وتاني ابتدت مرحله تعذيبي شويه كده لبسوني الشرابات والجونتات😪 وبقيت قاعده معاهم وبتنوس شويه كده وزحل جات من الجامعه مشيت غيرت وجات قعدت معانا وبقيت تتونس معاي 😪 علي قدر ما انا مستاءه علي قدر ما مستغربه في شخصيه الزوله دي😂👊🏻 وريت عمتو فاتن انو صحباتي جايني بكره وقالوا هيعسكروا معاي من الاسبوع التاني قالت لي يشروفنا في اي وقت😪 شويه كده وجو ناس ريم ومحملين بالاكياس تقريبا ما خلو حاجه في السوق ما جابوها😪 ريم قالت لي امي قالت ما نجيب ليك تياب كتيره جبنا ليك سبعه توب بس😪 قلت ليها سبعه توب وما كتيره 😂👊🏻 ياخي شذيتو والله عمتو فاتن قالت لي ما شذوا ولا حاجه تاني قالت لي جبنا ليك حوالي 10 فساتين 7 حقت مرقه و3 سهرات والفستاتين اي فستان بمطبقتو وجزمتو والتياب كذلك😪 يلا لمن قالت لي 10 فساتين انا نططت ليها عيوني قلت ليها يلا بالغتو عمتو فاتن قالت لي ما بالغوا اها تمي لينا يا ريم 😪 قالت لي ما جبنا ليك اسكرتيات بس جبنا ليك بناطلين بتونكاتهم وجزمهم وشنط وفضل لينا المكياجات والكريمات بنجيبهم بكره 😪 قلت ليهم ده كتير شديد علي فكره عمتو فاتن قالت لي هيي اسكتي بلا كتير معاك بلا شي وقبا ما تكوني مره ولدي انتي بتي ولازم ندلعك شويه ريم قالت لامها نسينا حاجه تانيه عمتو فاتن قالت ليها شنو عمتو سناء قالت ليها ملابس ال.. وقبل ما تم كلامها انا طوالي قمته منهم وطلعت سامعهم بضحكوا ولا اشتغلته بيهم طلعته غرفتي ورقدته في السرير😪 شويه كده وريم جاتني قالت لي مره اخوي الخجوله ابتسمت ليها قالت لي اها ناويه تلبسي عند اي كوفير قلت ليها صراحه يا ريم ما نفسي البس زفاف😪 قالت لي وليييه قلت ليها والله العظيم كل ما اقول البس زفاف بتزكر اهلي وخالص انا ما عايزه البسوا مفكره العرس يكون بسيط ومختصر والبس لي توب والسلام 😪 ريم قالت لي اي بت بتتمني انو تلبس الزفاف ودي ليليه العمر وما هتكرر قلت ليها انا طلبي الوحيد في الزواج ده بس اني ما البس زفاف عايزه ترد لي كده عمتو فاتن جات داخله 😪

يتبع....

#نعمتي

-٢٦-

عمتو فاتن جات داخله وقالت لي انا ما عندي مانع لو عقد عليك ساي وساقك انا المهم عندي انك وافقتي انك تكوني مره ولدي ودي عندي بالدنيا 😪 قلت ليها شكرا علي تفهمك قالت لي انا امك لازم افهمك 😪 وقعدت معاي شويه وطلعت انتظرته المغرب اذن صليتو وبقيت بس قاعده عمتو فاتن جابت لي عصير وقعدت معاي شويه قالت لي ما هتكلمي خالتك يجوا يحضروا العرس قلت ليها ما عايزه اشوفهم اساسا😪😊 قالت لي بس كده ما صح منك يا مناسك قلت ليها هم خلر فيها صح ولا لا قالت لي ديل اهلك يا مناسك بالمقام الاول وخالتك بالمقام التاني وانتي لازم تحترميهو حتي لو ما اهتموا بيك انتي ما لازم تجافيهم قلت ليها ان شاء الله قالت ليها اها اتصل اعزمهم قلت ليها ما هسا اتصل ليهم بعد ما اتزوج لانو حاليا لو عرفتو ممكن يعملوا حاجه 😪 قالت لي علي راحتك وطلعت انتظرته العشاء اذن وصليتو ونمته من التعب العلي صحيت اليوم التاني من الصباح ونفس الروتين بتاع امبارح😪 ناس ايثار جو وقعدته معاهم وبقينا بنتونس شويه كده وناس اريج جو والونسه والجوطه غيتو فرقوا علي كتير والله ايثار همست لي قالت لي حاسه بيك والله بس كلو لخير 😪 قلت ليها ونعم بالله قعدوا معاي كتير وطلعوا بعد المغرب واتفقنا انهم يجوني في الأسبوع التاني ويعسكروا معاي 😪 اما ايثار قالت جايني من يوم الاربعاء اتوادعنا علي مده وطلعته غرفتي انتظرته العشاء اذن وصليتو 😪 المهم ما في حاجه جديده نفس الروتين والعبط لحدي ما جاء يوم الاربعاء وايثار جاتني مع امها امها سلمت علي ومشت وقالت بتجي يوم دق الريحه ويوم العقد وطلعت😪 دخلته مع ايثار غرفتي اتونسا كتير اثناء ما بنتونس قالت لي هسا يعني امجد ده قاعد يتواصل معاك😪 قلت ليها من يوم وقع الفاس في الراس ما لقيتو ولا عايزه القايهو قالت لي يعني ما بتصل عليك وكده قلت ليها خالص وهسا زي ما انتي شايفه مشا قعد في الشقه قال فيها شويه صيانه 😪 قالت لي ربنا يعينك والله قلت ليها امين الموهم ما في حاجه حاصله غير التعذيب البشري القاعده اتعرض ليه😂👊🏻 لحدي ما جاء يوم الجمعه وعمو عثمان قال لي امجد قال لو ما فيها حاجه نعقد هسا قلت ليه البتشوفو يا عمو عثمان وفعلا عقدوا لي😪 انا كنت في اللحظه دي مجرده من الاحاسيس خالص والبشوفني بقول بالجد البت دي مجبوره علي الزواج بس كنت بداري وجعي بابتسامتي😪 عمو عثمان. جاء وبارك لي ومعاه كم راجل كده وسامر برضو جاء بارك لي😪 بس الا امجد ما جاء بارك لي وانا اساسا قلت مالك ومال يجي نسيتي انتي في الموقف ده بسببو طوالي رجعته اتونس مع البنات وبضحك بس الساعه التجيني عمتو فاتن وتقول لي البنات اطلعو امجد جاي يبارك لمناسك انا زي الصبت فيني مطره😪 شايفه البنات طلعوا وسامعهم بباركوا ليه وجاء داخل وباين عليهو متردد 😪 جاء وقف قدامي وقال لي مبروك علينا وانا وحاتكم ما كلفت نفسي اني اعاين ليه بس شايفهو لابس جلابيه بيضه تسوي كدي👋🏼 ومركوب نمري تاني ما شفته حاجه😪 قلت ليه تسلم جاء قعد في الكرسي جنبي وانا زحيت قال لي ما تخافي ما هاكلك😂👊🏻 قلت ليه نن ظريف قال لي عارف وسكتنا قال لي انا عايز اوعدك بس بحاجه اني هاكون ليك سند ❤ هاكون ليك ام واب واخ واخت❤ هاكون ليك الصاحب والحبيب والزوج قلت ليه امجد قال لحظه بس قال لي عارف نفسي استعجلته في حكايه العقد كونو انتي ما بتعرفيني ولا بتعرفي عني اي حاجه غير الشفتيهو 😪 بس اوعدك انك عمرك ما هتنصدمي فيني وهاكون دايما عند حسن ظنك وحتي لو ما اتعرفنا هسا ما في مشكله نتعرف بعد الزواج😪 قبل ما يتم كلامو قلت ليه طلقني ياخي من سمع كلمه طلقني وقف فوق ويداب انتهبت ليه ما شاء الله تبارك الله😻 قمر يمشي علي الارض 😻 قال لي نعم اطلقك هه ما نصيحه انتي والله انا ما صدقته انك خلاص بقيتي حلالي قال اطلقك قال اقسم بالله اسمع الكلمه دي تاني منك ما هيحصل خير قلت ليه انا ما عايزاك 😪 قال لي العقد تم خلاص وكم عايزني ولا لا انتي خلاص بقيتي حلالي فاهمه 😪 يلا عن اذنك ياخ انا عملته شنو في دنيتي عشان اتجازا كده😭 لطفك يا ربي طلع وبعد مسافه البنات جوني واي واحده بتقول ليك عليك الله قال ليك شنو احكي عليك الله وانا بس ساكته اريج قالت لي ده كلو خجل😂👊🏻 ريم قالت ليها اكييد اخوي سمعها كلام فاحش🙊 اريج قالت لي احكي ياخ ريم قالت ليها هي خجوله ما هتحكي لينا انا في اللحظه دي اتلتفت علي ايثار وهي مسكت لي يدي وبقت بتربت فيها😪 ياخي مهما اقول ليكم عن كميه العذاب الانا فيها ما هتتخيلوهاا خالص الحمد لله ي رب اليوم عدا عادي والضيوف مشوا والاسبوع مشي بنفس الروتين لمن جاء يوم الاربعاء كنت قاعده وطبعا بكره العرس والعرس عباره عن جرتق بس😪 انا قلت ما عايزه اي حاجه قاعده كده في الهول بس فجاه اسمع صوت جوطه بره وما في زول في البيت غيري انا وريم 😪 البنات في السوق وسامر وامجد في شقه امجد وعمو عثمان وعمتو فاتن طلعوا حتي فوزيه طلعت😪 ريم كانت في بتكوي لي ملابسي بس فجاه اشوف ليك واحد دخل علي الاتجاه ا

لانا قاعده فيه وطلع الحزام وبدا يضرب فيني😭 وبشتم فيني باقبح الالفاظ انا ما فاهمه دي منو ولا عارفه بضربني لشنو ريم جات نازله علي صوت الصواريخ وبقت بتحاول تدفر في الزول قال ليها زحي خليني اقتلها ما صدقت اهلها اتوفوا جات سكنت مع الغرباء ما سالنها😪 يعقدوا ليها ونحن اخر من نعرف 😪 قلت ليك زحي مني والله العظيم اوريك ليه وزواج ما في ليك غير لي 😪 بعد ما دقاني زين طلع ريم جات ترفعني وانا خالص ما واعيه حاسه بجسمي كلو جروح ما قادره خالص 😭 صحيت وانا في المستشفي لقيت امجد قاعد في الكرسي وخاتي وشو في يدنو قلت ليه انا وين جاء علي وكان باين من صوتو ونظراتو انو ملهوف علي قال لي م م مناسك انتي كويسه يا عمري ما في حاجه بتوجعك ولا اقول ليك ما تتكلمي وما تقومي لحظه بس 😪 طلع من الغرفه وانا حاسه بجسمي كلو تقيل شويه كده ولقيت الغرفه كلها مليانه عمتو فاتن جات مسكت يدي قالت لي ي ريتني لو سمعته كلامك وما كلمت اهلك 😪 ديل ما اهل ديل ديل اذي قلت ليها ولا يهمك وانا خالص ما مستوعبه انا هنا لشنو وعمتو فاتن دي بتقول في شنو بس كل همي اشوف ريم قلت لعمتو فاتن ريم وين قالت لي بره مع ايثار ما قدروا يدخلوا ليك 😪 شويه كده والدكتور جاء وقال ليهم المريضه لازم ترتاح كلهم طلعوا امجد جاء قال لي والله العظيم ما اخليهو الزفت ده قلت ليه امجد الحاصل شنو😪 سكته ما رد قال لي بس انا بوعدك اني ما هاخليهو وطلع شويه كده وريم جات ووشها واقع من البكي قلت ليها ما تبكي حصلت ليك حاجه😪 قالت لي بس ضربه خفيفه في الراس انتي كيف قلت ليها تمام قلت ليها الضربني ده منو يا ريم قالت لي ده تقريبا ولد خالتك😪 قلت ليها ايوه جات طالعه قلت ليها نادي لي ايثار 😪 ايثار جات داخله وحالتها تحنن الكافر😭 ياخي عيونها من البكي لمن انتهت جات مسكت يدي قالت لي انتي كويسه قلت ليها زي الحصان قالت لي حمد لله علي سلامتك قلت ليها تسلمي ومالك بتبكي قال قالت لي افتكرتك ما هتقومي تاني قلت ليها انا لي كم يوم هنا قالت لي يومين

يتبع....

#نعمتي

27

قلت ليها انتي جاده انو انا لي يومين هنا قالت لي ايوه 😪 قلت ليه الحمد لله يا رب قلت ليها جيت كيف هنا😪 قالت لي نحن كنا جاين من السوق بس شفنا امجد رافعك وركبك العربيه وريم ركبت بوراء ما فهمنا اي حاجه دخلنا البيت واتصلت علي ريم قالت ليه انهم في المستشفي بس جينا المستشفي وشفنا حالتك وعرفنا الحصل معاك😪 قلت ليه ايووه ايثار قالت لي هسا انتي كيف قلت ليها حاسه بجسمي تقيل شويه قالت لي دي ما اثار الضرب قلت ليه يمكن😪 قعدت معاي شويه كده وبعديها الدكتور جاء وكشف علي قال لي يمكن بعد ده نطلعك شكرتو وطلع😪 شويه كده وايثار جات غيرت لي وطلعنا لقيت امجد بس الواقف بره قال لايثار فكيها انا بسندها قلت لايثار لا اسنديني انتي امجد ولا عبرني ايثار زحت ليه وهو بقي ساندي😪 لمن وصلنا العربيه وركبته وراء وايثار كانت قاعده جنبي واتحركنا امجد جااهو اتصال 😪 مسكتهو بس عاين يا عمر خليك قاعد معاه انا بجيك بعد ساعه وعاين لمن عايز اجي ما عايز واحد من رجالك يكونو قاعدين😪 المهم اتكلم معاه كده وقفل ايثار قالت ليه لقيتو خلاص قال ليها اااي لقيتو وانا ما فاهمه هم بتكلموا بقولوا شنو وصلنا البيت ومن ما دخلنا سامعين صوت جوطه دخلنا ولقيت خالتي الاتنين بهجه وسميه ومعاهم بت خالتي 😪 من ما شافوني بهجه جات علي ومسكتني من طرحتي وبقت بتقول دي اخر تربيه اختي ليك يا قليله الادب😪 يا فاجره اختي بدل ترتاح في قبرها بتتعذب بسببك امجد نزل يدها مني وقال لي احترمي نفسك ي خاله والا قسما بالله هتعرفي حاجه ما حصل قبل كده قابلتك 😪 سميه قالت هسا دي ولاده يا ريت اختي قبل ما تولدك متي وارتحتي سكنتي في شقه براك قلنا ما مشكله بس كونك تجي تكسني مع غرباء ولا كمان تتزوجي ونحن اخر من نعرف دي قله ادب جديده ولا شنو هيا تلقي عملتي ليك عمله وجيتي تضاريها 😪 عمتو فاتن قالت ليها احترمي نفسك قلت لعمتو فاتن لحظه امجد قال لي ي مناسك ديل ما بيستاهلو انك تتكلمي معاهو قلت ليه كده دقيقه بس فكني 😪 اتلفت علي بهجه قلت ليها انتي فاكره نفسك منو اولا عشان تمدي يدك علي وثانيا عشان تتكلمي معاي بالاسلوب ده قالت لي خالتك😪 قلت ليها هه خالتي خالتي الما جات بكي اختها ولا خالتي الكنت لمن اتصل عليها بترفضني ولا خالتي اللمن احتجت ليك في اصعب اوقاتي ما لقيتك هه قالت خالتي قال 😪 انا ما عندي خاله خالص انا اعتبرتكم متو في اليوم الامي ماتت فيه وجايه هسا بكل نفس تقولي انك خالتي ولا كمان بتمدي يدك علي وبتشككي في تربيه امي 😪 والله امي انتي ما بتطولي ضفر صباعها الصغير اتلفت علي سميه وقلت ليها وانتي كمان البتقولي اني جيت وسكنته مع الغرباء شايفه الغرباء دي احسن منك ومن عشره امثالك😪 انا لمن جيت سكنته معاك ناسيه العملتي فيني ناسيه شكلك خليني اذكرك😪 مش كنتي بتصحيني صلاه الصبح عشان انضف ليك بيتك واعمل ليك الشاي ليك ولاولادك وناسيه انك كنتب بتنزليني السوق مع السواق عشان اجيب لي خضارك وناسيه انو لمن جوك ضيوف بدل ما تقولي ليهم دي بت اختي بتقول ليهم خدامتي الجديده ناسيه ده كلو😪 وهسا بكل نفس جايه وبتقولي لي ساكنه مع الغرباء هه ولا كمان بتقولي لي اني عملته عمله وجيت اضاريها انتي فاكره انو كل البنات زي بناتك 😪 هسا اكبر مثال بتك الواقفه جنبك دي مش كانت ما بتطلع من البيت ولو طلعت الا تطلع معاك اها وريني بس بقت حامل كيف صحيح قالوا الجمل ما بشوف عوجه رقبتو😪 قلت ليهت وبخصوص اني اتزوجته وما وريتكم اوريكم لشنو مش لمن اخت ليكم اعتبار انكم ناس بالاول بعدين اكلمكم بت خالتي اسمها فاطمه قالت لي احترمي نفسك قلت ليها انتي اخر من تتكلم عن الاحترام خليك ساكته احسن ليك😪 بهجه قالت لي حسافه والله منزر ما ضربك زي الناس اتلفت عليها قلت ليها منزر هه انتي معتبره ولدك ده راجل😪 قلت ليها بالجد لو كنتي معتبره انو ولدك ده راجل يداب الضعتي يا شيخه ولدك ده انا ما بعتبرو ولا شبيه للرجال وعمرها ما كانت الرجاله في انو الزول يمد يدو علي مره 😪 وبعدين في حكايه انو ما ضربني ما هو كان يبقي راجل زي الرجال ويجي يقعد معاي ويشوف الحاصل علي 😪 قال ما ضربني زي الناس قال 😪 قلت ليهم وبعدين انتو جاين هسا لشنو عايزين الورثه صح بهجه قالت لي ده مش من حقنا الطبيعي قلت ليها حقكم 😪 حق شنو بالله عاينو هنا بالواضح كده ما عندي ليكم ورثه تمام سميه قالت لي المحاكم الله ما رقدها قلت ليها اعتقد انك بتعرفي درب المحاكم بوين تمشي ولا اجي امشيك فاطمه قالت لي انتي جد جد خالتي ما عرفت تربيك قلت ليها طيب تعالي وربيني جايه علي وقفت قصادي ورفعته يدي عايزه تضربني كف مسكته يدها العايزه تضربني بيها قلت ليها عايني انا للان محترماكم ومحترمه حكايه انكم جاين لبيت محترم والا قسما عظما لو ختيتكم في بالي ما هيحصل ليكم خير وما هتطلعوا سليمين واتزكري يا فالحه يدك دي قبل ما تمديها علي مره تانيه انا هاكسرها ليك فاهمه قالت لي ما مودبه والله ما حسيت بنفسي الا وانا ضاربه كف ومن شده الضربه لمن يدي

علمت في خدها وخشمها نزف😪 قلت ليها انا ما بعيد كلامي مرتين فاهمه وابقي بت حلال وتاني قولي لي ما مودبه كم انتي ولا كم الاتنين الواقفين ديل وهتشوفو شي عمركم ما شفتوه 😪 سميه جات ورفعت بتها وساقت اختها وقالت لي بينا المحاكم قلت ليها عارفه درب الباب ولا اوصلك ليه وطلعوا😪 اتلفت لقيت الناس كلها بتعاين لي عمتو فاتن وعمتو سناء ومعاها مرتين وعمو عثمان وسامر وريم وزحل وايثار حتي امجد منصدم فيني 😪 قلت ليهم اسفه يعني علي الحصل عمتو فاتن قالت لي ده الكان مفروض يحصل من زمان هسا امشي ارتاحي قلت ليه حاضر امجد سندني وانا كل خطوه لي في السلم بحس جسمي بتالم معاها دخلته غرفتي وامجد رقدني وغطاني وطلع 😪 ما حسيت بنفسي الا وانا نايمه ما عرفته زاتي صحيت بتين بس لمن صحيت لقيت ايثار نايمه جنبي قمته دخلته الحمام اكرمكم الله واتدوشتها جيت عايزه البس ملابسي شفته جسمي بالمرايه عباره عن كدمات وجروح بس خفيفه😪 طلعته من الحمام ولقيت ايثار صحت قالت لي عايزه حاجه قلت ليها لالا قالت لي تعالي اعمل ليك المرهم جيت قعدته ومسحت لي المرهم ورقدنا صحينا بالصباح وصلينا الصبح😪 قلت لايثار انا عايزه اطلب الطلاق من امجد ايثار قالت لي ما جاده انتي ولا شنوووووو😳 قلت ليها جاده والله قالت لي ولشنوو يعني تطلقي قلت ليها انا ما بحبو يا ايثار وحاسه اني هاظلموا لو اتزوجتو😪 قالت لي عايني يا مناسك انا معاك في حكايه انك ما بتحبيهو وانتي ما بتعرفيهو بس والله العظيم امجد ده انسان طيب ولمن تتعرفي عليه هتحبيهو وهتجي وتقولي ايثار قالت😪 قلت ليها حتي انتي بتقولي طيب قالت لي يا بت انا ما بشكر زول بالساهل وامجد ده من خلال العلموا معاك عرفته بالجد انو ده الانسان البستاهلك والانت بتساهليهو 😪 قلت ليها بس انا ما دايرهو ياخ افهميني قالت لي بطي بكي وعبط 😪 الزول ده حاليا زوجك فاهمه يعني شنو وبعدين عايزه اقول ليك انو هو قال عايز يسوقك قلت ليه يسوقني ووووووين😪 قالت لي تمشوا بيتكم خلاص قلت ليها ما جاده والله 😳 قالت لي ما جاده كيف هو اساسا قال ما دام العرس اتاجل احسن من تطلعي من المستشفي تمشوا بيتكم بس عمتو فاتن قالت احسن تجيبها البيت هنا ترتاح يومين وسوقها😪 من سمعته كلام ايثار بقيت ببكي ايثار قالت لي بتبكي لشنو قلت ليها انا تعبته يا ايثار ما قادره والله😭😪 قالت لي كده استهدي بالله قلت ليها اهدا كيف بس وريني اهدا كيف😪 قلت ليها في الاول انا ما عايزهو وواقفته عشان خاطر عمتو فاتن واكشتفه انو ابوي كان عايز يزوجني لامجد ايثار قالت لي لحظه لحظه كيف كان عايز يزوجك لامجد😪 حكيت ليها بكلام عمو عثمان لي من الاول للاخر ايثار حضنتني وبقت بتبكي 😪 قلت ليها متخيله كميه العذاب الانا فيه قالت لي الله يصبرك بس يا مناسك الله يصبرك بكينا زين قمنا غسلنا ووشنا وجينا قعدنا😪 قالت لي نون وهبه ومي مشوا الشقه بتاعتك ينضفوها ليك ويرتبوها قلت ليها ايوه 😪 شويه كده وعمتو فاتن جات وايثار طوالي طلعت قالت لي تعالي اقعدي يا مناسك جيت قعدته 😪 قالت لي امجد قال عايز يسوقك قلت ليها ايثار كلمتني قالت لي طيب يا بتي انا عايزه اوصيك بس ما هاوصيك بصفتي عمتك لا بصفتي امك😪 قالت لي ابقي عشره علي بيتك وعلي زوجك واحفظيهو في نفسك ومالو وبيتك ما تخليهو يشوف شينه منك ودايما خليك بشوشه مع ضيوفك واحترميهم كلهم وما تفرزي بينهم 😪 وخلي بيتك دايما نضيف وانتي نضيفه وراجلك ما يشوف شينه منك و.... وصايا الامهات وكده😪 بعد ما انتهت قالت لي عارفه انك ما موافقه علي الزواج ده من الاول بس انا احترمت كتير لمن ما كسرتي خاطري وخاطر عمك عثمان وحضنتني وبقت بتبكي😪انا زاتي بكيت بس بكيت علي اني داخله حياه جديده علي ومع زول انا ما عايزهو 😪 استغفرته ربي وعمتو فاتن اتونست معاي شويه وطلعت جات عمتو سناء وبرضو ادتني كميه من الوصايا وحضنتني وطلعت جات واحده ما بعرفها قالت لي انا عمه امجد اسمي مناهل سلمت ليها وبرضو كميه كبيره من النصائح وطلعت😪 جاء عمو عثمان برضو اداني نصائح وطلع😪 حسيت مخي هيتفجر من النصائح دي😂👊🏻 قعدته شويه كده وشلتي الكريمه وصلت واي واحده فيهم بتبكي قلت ليهم هاا انا ماشه استراليا ما ماشه بيتي نون قالت لي انا ببكي علي حظي😂👊🏻 قلت ليها كيف قالت لي طول عمري ومتخيله اني هاطلع اول واحده فيكم بس اتفاجات بيك 😪 قلت ليها انا زاتي لو ما القسمه ما كان طلعت سنابل قالت لي بختك بامجد ياخ😻 عليك الله يا مناسك امجد ده امسكي فيه قوي قلت ليها انتي كمان عايزه تديني دسته نصائح قالت لي لالا 😂👊🏻 انا خايفه انو يشلبو منك قلت ليه هه خليهو يشلبو ساي قعدنا اتونسا وهبه وريم كانوا مافيشن قلت لزحل هم لسه ما جوا قالت لي مشوا يجيبوا الحنانه 😪 شويه كده والحنانه جات ونزلنا مشيت العريشه التحت وقعدنا والجبنه كانت مدوره 😪 والحنانه كانت بترسم لي بعد ما انتهت مني رسمت للبنات وقعدت شويه ومشت بقينا بنتونس والبنات شويه يبكوا وشويه يضحكوا 😪 غيتو كان يوم كئيب بشكل الحنه نش

فت وغسلته وقعدت اتغدينا كلنا ورجعنا تاني نتونس عمتو فاتن قالت لي امشي البسي انا طلعته ليك لبسه فوق مشيت ولقيتها طلعت لي توب 😪 وانا ياالله توب الصلاه بشيلو قلت ليها ما بعرف اللبسوا نادت علي عمتو مناهل ولبستني التوب😪 غيتو شفته نفسي في المرايه مره مره😂👊🏻 قالت لي ماشه الله تبارك الله سنابل جابت المبخر وبخروني انا من كتره البخار لمن بكيت😂👊🏻 قلت لسنابل هسا في داعي للعذاب ده قالت لي كلو يهون في سبيل امجد😻 فنيتها باقرب مخده صلحته مكياجي وعمتو فاتن جات قالت لي انزلي نزلته ولقيتهم كلهم قاعدين في الهول😪 وانا الخجل عايز يقتلني😂👊🏻 ما متعوده اني اكون محط الانظار عمو عثمان قال لي ماشاء الله بسحروك يا بتي قلت ليه الله ما ضراك ودعتهم كلهم وسامر قال لي هسا والله لو كنت ما مرتبط كنت هاكون زوجك 😂👊🏻 قلت ليه الحمد لله انت مرتبطقال لي الحمد لله وبس 😪 ودعانهم وطلعنا وشايفه الما بيتسما امجد واقف وبعاين لي قلت تعاين ان شاء الله للما عاينت ليه نجلاء😪 طلعنا وركبنا واتحركنا وهو ساكت وانا ساكته شايفهو مشي علي اتجاه كبري بحري البودي امدرمان😪 قلت ليه البيت في امدرمان يعني قال لي اااي في العرضه وصلنا العرضه وشايفهو بلفلف ساي لمن وقفنا قصاد شقق قال لي ده البيت قلت ليه ايووه دخل هو وانا دخلته وراها لقينا في السلم مره ومعاها راجل باين انو زوجها😪 امجد سلم عليهم سلام معرفه وقال ليهم دي المدام سلمته عليهم ودخلنا الشقه قال لي انتي شيلي الغرفه الرئيسه وانا هاخد واحده من الغرف 😪 قلت ليهم تمام ماشه علي غرفه النوم كده قلت ليه امجد اتلفت علي قلت ليه طلقني

يتبع....

#نعمتي
28


قال لي نعم نعم اطلقك قلت ليه ايوه انا ما عايزاك 😪 قال لي هاعتبر اني ما سمعته الكلمه دي وتصبحي علي خير دخل غرفتو وانا بقيت واقفه بس وعيت علي نفسي ودخلته الغرفه طلعته التوب وفتحته الدولاب قلت اغير 😪 باب غرفتي دق قلت منو قال لي امجد قلت ليه خير عاوز حاجه قال لي تقريبا البنات رتبوا لي ملابسي في دولابك وعايز اشيلهم قلت ليه لحظه لبسته التوب بسرعه وفتحته ليه الباب😪 مشي وقف نزل الشنطه من راس الدولاب ورتب ملابسو بسرعه وطلع انا قفلته باب الغرفه علي وغيرته ورقدته نمته علي كده😪 صحيت الصباح اليوم التاني مرهقه دخلته الحمام اكرمكم الله واتوضيت وجيت صليت وقاعده بقرا في قران قلت امشي اعمل لي شاي او عصير😪 فتحته باب الغرفه ولفحته توبي الصليت بيه وقلت استكشف البيت بالاول حمته كده فيه😪 دخلته اول غرفه قابلتني لقيت امجد نايم طوالي قفلت الباب مشيت علي الغرف الباقيه شفتها ودخلته المطبخ فتحت التلاجه ولقيتها ملايانه طلعت لي برتقال وبقيت بفتح في الادارج لمن لقيت الخلاط😪 خلطته العصير وقلت بالمره اجهز الفطور بس الزمن بدري شويه شلت العصير وقعدته في الهوب فتحته التلفزوين وبقيت بحضر😪 شايفه امجد دخل الحمام الخارجي وتاني دخل غرفتو وجاء صبح علي صبحته عليه وبقينا بنحضر😪 مشيت اجهز الفطور وهو كان قاعد وشغال بتلفونو جهزتو وقلت ليه تعال الفطور جاء وقعدنا نفطر وطوال الفطور هو بعاين لي وما نزل عينو مني وانا خالص ما شغاله بيه😪 فطرنا وساعدنا في المضايره ومشي قعد انا غسلته العده وبقيت قاعده في المطبخ وشغاله بتلفوني😪 ما لقيت لا رساله ولا مكالمه قلت الجزم ديل ما بعبروني بعدين اتزكرته اني انا عروس😂👊🏻 وقلت ما صح يتصلوا علي فتحته الواتس وعملته اخفاء ظهور ودخلته القروبات وبقيت بقرا في الرسائل 😪 قعدته مسافه في المطبخ عاينته للساعه لقيتها عامله 12 وحاجه قمت مشيت ادوشت واتوضيت وطلعته توبي ورقدته في السرير سامعه باب الشقه اتقفل قلت معناها الزفت ده طلع طوالي طلعته وما شلته التوب معاي 😪 قعدته وبقيت بحضر بس فجاه اشوف ليك امجد واقف وبعاين لي انا من الصدمه طوالي وقفته😪 وهو بعاين لي وقرب ياكلني من نظراتو جاء علي وانا ما فاهمه زاتو جاي علي لشنو بس بقي واقف قصادي 😪 وهو طويل ما شاء الله انا بحصل ليه في كتفو قال لي سبحان من خلقك قلت ليه امجد قال لي عيون امجد قلت ليه طلقني😪 قال لي نعم قلت ليك طلقني مسكني من يدي شديد وبقي يلويها قال لي انا ما بطلقك فاهمه وانا ما اتزوجتك عشان اطلقم وما صدقته انك بقيتي لي قلت ليه امجد فكني قال لي ما هافكك الا تتخلي عن فكره الطلاق دي قلت ليه بطريقتك دي انا هاطلق وحتي لو ما رضيت هاطلق قال لي عايني يا مناسك انا كلامي واحد وما بعيدو طلاق ما بطلق 😪 وفك لي يدي وطلع انا انفجرته بالبكاء😭😭😪 ياخي دي ما حاله والله بكيت لمن حسيت دموعي انتهت وعاينته ليدي لقيتها محمره ومولمني وما قادره احركها 😪 ياخي ما خليت دعوه وما دعيتوا 😪 لملمت نفسي ودخلته الغرفه ويدي من الالم لمن ما قادره امشي 😪 فتحته الدولاب بقيت بفتش في الشنط عسي ولعل القي لي مضاذ حيوي او بندول فتشته كتير وما لقيت قلت اكيد بكون عندو علبه اسعافات دخلته الحمام اكرمكم الله وفتشته في الادارج حتي لقيت العلبه فتحتها كلها شاش ومعقمات ومرهم لعلاج الحروق فتشته كده ولقيت لي حبوب 😪 قلت بتكون مضاد حيوي قريت اسمها واتاكدت من انو هي مضاد حيوي وبلعته خفف لي الالم شويه مشيت عشان اصلي وما قدرته خالص😪 يا الله لبست اسدال الصلاه وصليت بصعوبه 😪 بعد ما صليت رقدته نمته او بحاول اني انوم ما قدرته خالص طلعته بره وبقيت قاعده في كراسي الهول وببكي 😪 في اللحظه دي امجد جاء داخل ولقاني ببكي جاء علي وقال لي بتبكي لي 😪 ما رديت عليه لاحظ اني ماسكه يدي مسك يدي وبقي بحرك فيها انا دفرتو😪 قلت ليه زح مني عايز تقلتني مش انت وعدتني انك تحميني ده وعدك لي بقيت زي منزر😪 زح بعيد مني مسكته يدي علي وبقيت ببكي امجد طلع من البيت 😪 وانا يدي من الالم انسوا بس والزادها لي زياده لمن امجد حركها لي 😪 بقيت ببكي بس شويه كده وامجد جاء داخل ومعاه كيس 😪 وجاء قعد جنبي قال لي جيبي يدك قلت ليه عايز تتاكد اذا اتكسرته ولا لا 😪 قال لي اسف ما قاصد والله قلت ليه لا كان تقصد والله😪 قال لي لحظه بس جيبي يدك قلت ليه ابيت قال لي مناسك عليك الله جيب يدك امسح ليك المرهم ده قلت ليه لا جيبوا بمسحوا براي انا ما ضامنك 😪 اداني الكيس بتاع الادويه فتحته الكيس وطلعته المرهم مسحته في يدي ولفيت الشاش وبلعته لي حبه وقعدته بقيت بعاين ليه 😪 هو دخل المطبخ جاب لي عصير قال لي هاك اشربي العصير ده قلت ليه ما عايزهو قال لي بطلي عناد وهاك امسكي مني الكوبايه خليتو واقف في مكانو ومشيت المطبخ كبيت لي عصير قلت ليه انا ما بضمنك ممكن تكون كبيت لي سم في العصير قال اللهم طولك يا روح 😪 ومشي قعد انا طوالي من ما شربته العصير مشيت علي غرفتي و رقدته ما جايني نوم بس ب

قيت شغاله بتلفوني والالم شويه شويه ماشي يختفي 😪 شايفه باب الغرفه بيفتح قفلته التلفون بسرعه وعملته نفسي نايمه شايفه امجد وقف قصادي وباسني في جبيني وطلع🙈😪 فتحته عيوني ومشيت قفلته باب الغرفه علي وجيت قعدته بقيت بقول كيف يتجرا ويقبلني الما بيتسما ده 😪 بقيت بشتم فيه ورقدته نمته ما صحيت الا الساعه خمسه وحاجه لفحت توبي مع انو يدي بتالمني بس يلا وطلعته لقيتو قاعد في الهول😪 قال لي يدك بقت كيف ما اشتغلته بيه ودخلته المطبخ شربته لي مويه جاء علي في المطبخ قال لي يدك بقت كيف قلت ليه بهمك😪 قال لي اسف والله انا ما قاصد اني ااذيك بس انتي عصبتني بكلامك قلت ليه اي كلام قال لي الكلام بخصوص الطلاق 😪 قلت ليه ده ما كلام بنرفز قال لي ياخ قلت ليه ايوه وكده كده انت هتطلقني مسح وشو بيدنو وقال اللهم طولم يا روح😪 وطلع من المطبخ وشايفهو مشي اتجاه غرفتو طوالي انا مشيت قعدته في الهول وبقيت بحضر 😪 شايفهو طلع قال لي انا ماشه اجيب الغداء وجاي ولا هببته للبقولو زدته صوت التلفزيون وبقيت بحضر 😪 هو وقف عاين لي كده وطلع قلت ان شاء الله مشيه بلا عوده 😪 لقيت في فلم ظريف في دبي ون وبقيت بحضر فيه واندمجته مع الفلم لدرجه انو لمن جابو فاصل لقيت امجد قاعد معاي 😪 من ما شفتو نطيت قال لي بسم الله مالم شفتي لي شبح قلت ليه مش كفايه شوفتك قال لي تعالي اتغدي قلت ليه ما عايزه 😪 قال لي مناسك بطلي عناد الغداء انا جهزتو اراح اتغدي مشيت وراهو لقيتو جاب الغداء ورصاهو شلته لي صحن وختيت لي قطعتين بتاعت بيتزا ومعاهم قطعه فراخ وشلته البيبسي بتاعي وجيت عايزه امشي قال لي يعني ما هتقعدي تاكلي معاي😪 قلت ليه والبضمن ليه شنو انك ما تضربني بالصحن الجنبك ده مسح وشو بيدنو قال لي اقعدي اتغدي معاي وانا والله العظيم اسفه والله والله تاني ما هتكرر سامحيني 😪 قلت ليه بسامحك بس بشرط قال لي واللهو قلت ليه تطلقني غير كده ما هاسمحك قال لي ي بت انتي فاكره الطلاق ساهل كده قلت ليه ساهل شديد كلها كلمتين قولهم وريحني قال لي ما هتفهميني انتي الطلاب عمرو ما كان ساهل وعمرها ما كانت كلمتين الطلاق نهايه قلت ليه لا نهايه لا بدايه بس تطلقني 😪 قال لي والله العظيم انا متزوج طفله قلت ليه نن طفله ولا لا لو قلت انك هتطلقني هقعد غير كده لا هاقعد معاك لا هاسامحك قال لي هاطلقك بس ما هسا قلت ليه بتين قال لي بعد اربعه شهور قلت ليه لي بعد اربعه شهور😳 ما تطلقني هسا قال لي هاطلقك بعد اربعه شهور عشان للوقت داك بتكوني اتعرفتي علي كويس ويمكن تغيري رايك قلت ليه تمام اتفقنا تطلقني بعد اربعه شهور قال لي ان شاء الله 😪 قلت ليه ولو ما طلقتني بعد اربعه شهور انا هاخلعك قال لي نعممممم 😳 قلت ليه السمعتو بس وقعدته وبقيت باكل وكنت باكل باليد الشمال عشان احسسوا بالذنب وتانيي الضمير شايفهو بعاين لي وباين عليه انو متاثر👊🏻 وانا صراحه ممكن اكل بيدي اليمين بس قصدته احرق ليه روحو😂👊🏻 واخليهو يحس بالذنب قال لي يدك مولمك شديد قلت ليه ااي😪 قال لي اسف قلت لي بتتاسف علي شنو يعني سكته ما رد انتهيت من الاكل وجيت عايز ارفع الصحانه قال لي خليهم انا برفعهم قلت ليه شكرا ما محتاج لخدماتك ورفعته صحني 😪 لحقني للمطبخ قال لي بطلي عناد وامشي ارتاحي عشان يدك قلت ليه ما بهمك ارتاح ولا لا قال اللهم طولك يا روح قال لي مناسك قلت ليه نعم قال لي بطلي عناد وامشي اقعدي انا برفع الصحانه قلت ليه ولو ابيت ولا عبرني شالني وجاء قعدني في كراسي الهول ومشي 😪 قلت لنفسي دي مصييه شنو كمان قعدته احضر جاء قعد جنبي قال لي مواعيد المرهم تقريبا جات قلت ليه نعم قال لي مواعيد المرهم ده زمنها قلت ليه بس انا ما عايزه اعملوا مره تانيه ولا اشتغل بكلامي مشي المطبخ وجاب معاه كبايه مويه وشايل كيس الدواء في يدو قال لي فكي الشاش قلت ليه انا قلت ليك ما عايزه اعمل المرهم 😪 ولا اشتغل بكلامي فك لي الشاش وانا بدفر فيه قال لي وفري طاقتك دي وخليني اعمل ليك المرهم😪 فك الشاش وعمل لي المرهم وطلع الحبوب واداني ليهم قال لي ابلعيهم يلا قلت ليه وكم ابيت قال لي بطلي عناد قلت ليه ياخ انتي ما ليك شغله بي 😪 عشان لاقيني انسانه مستضغفه عايز تفرض سيطرتك علي قلت ليك ما ببلع الحبوب يعني ما ببلعها 😪 قال لي ولا علي كيفك دخل لي الحبوب بالقوه وشربني المويه وانا بس بقيت واقفه وبعاين ليه😪 قلت ليه الله يرضي عنك طلقني وريحني ولا اشتغل بي الشغله شال الريموت وبقي يعلي الصوت وانا شغاله لي طلقني وهو بعلي الصوت 😪 لقيت اقرب مسند جنبي وفنيتو بيه اتلفت علي قال لي لمن اقول ليك شافعه مره تانيه ما تزعلي قلت ليه انا بكرهك والله بكرهك من جوه اعماقي قال لي وانا بحبك والله بحبك من جوه جوه اعماقي❤😻 بقيت بس بعاين ليه ولبرودو هسا لو كان زول تاني كان طلقني زمان وقفته وكنت ماشه علي غرفتي قال لي ماشه وين قلت ليه ما بهمك 😪👊🏻 ودخلته الغرفه وقفلته علي صليت العصر وبقيت قاعده بس انتظرته المغرب اذن صليتو وبقيت قاعده😪 م

ره افتح التلفزيون ومره اشتغل بتلفوني ببيت شغاله كده لمن العشاء اذن صليتو وجيت عايزه ارقد باب الغرفه دق فتحته الباب لقيت ده امجد قلت ليه غير قال لي العشاء قلت ليه ما جعانه اتعشا انت 😪 قال لي طيب تعالي اشربي عصير قلت ليه ما عايزه عايزه انوم قال لي تنومي من الساعه 8 قلت ليه انوم الساعه 8 انوم الساعه 6 دي حاجه بترجع لي ما ليك وطاخ قفلته باب الغرفه علي ومشيت علي سريري عشان انوم عايزه انوم كده ضميري بالجد انبئني كيف انا بعاملوا المعامله الزفته دي وهو مستحملني 😪 انا للان ما شفته منو حاجه كعبه بس قلت يتساهل القال ليه يكذب ويقول انا موافقه اني اتزوجو منو ونمته وانا بفكر صحيت صلاه الصبح صليت وقاعده في المصلايه سمعت الباب بتاع الشقه اتفتح واتقفل قلت معناها جاء من الصلاه 😪 قعدته في غرفتي مسافه عاينته للساعه لقيتها عامله سبعه وحاجه لفحت توبي ومشيت عملت الشاي ولقيت في بيض ودقيق ولبن قلت اعمل كيكه بالمره اشرب بيها الشاي 😪 يدي الالم بتاعها شبه اختفا عملته الكيكه وختيتها في الفرن طلعتها وختيتها في صحن وجهزته الشاي وختيتو في التربيزه في الهول 😪 كبيبت لنفسي شاي وشلته لي قطعه كيك ومشيت غرفتي شربته الشاي جيت ارجع الكبايه لقيت امجد قاعد وبشرب في الشاي😪 قال لي صباح الخير قلت ليه صباح النور وجيت قعدت معاه 😪 قال لي شكرا بس ما كان في داعي انك تتعبي نفسك قلت ليه اتعب نفسي علي شنو😪 قال لي ما كان في داعي تجهزي لي الشاي وكده قلت ليه عفوا😪 وسكتنا بقينل بنحضر شرب الشاي ورفع الصينه انا لحقتو ضايرته الحاجات وشايفهو دخل غرفتو وانا بقيت بحضر😪 حضرته زين عاينته للساعه لقيتها 11 وحاجه قلت اجهز الفطور جهزته الفطور ورصيتو وخلطته العصير مشيت دقيت ليه باب الغرفه قال لي اتفضلي قلت ليه لا ما هتفضل بس الفطور جاهز😪 قال لي افطري انتي انا ما عايز قلت ليه براحتك مشيت وبقيت بفطر قلت الزفت عايز يتسدا حق امبارح بس يصبر لي 😪 ابتديت اكل جاء قعد قلت ليه مش قلت ما عايز قال لي هسا بقيت عايز في حاجه 😪 عاينته ليه بطرف عيني ورجعته اكل تميت اكلي وضايرته المكان وهو دخل غرفتو قال لي ممكن لو ما فيها حاجه تعملي لي قهوه😪 عاينت ليه قال لي اسف يعني اذا طلبتها منك قلت ليه بتشربها كيف قال لي تكون مظبوطه بس ومشاقلت جابت ليها طلبات كمان 😪 بعدين قلت ي مناسك ده زوجك وليه الحق في انو يطلب انك تخدميهو وربنا زاتو هيحاسبك اذا ما نفذتي طلباتو 😪 دخلته المطبخ وعملت ليه القهوه ومشيت دقيت باب الغرفه قال لي اتفضلي قلت ليه تعالي شيل مني القهوه قال لي ادخلي ي مناسك انا ما قادر اتحرك😪 دخلته ولقيت الغرفه جايطه بطريقه ولقيتو قاعد في السرير خاتي اللابتوب بتاعو وعندو مرسم في غرفتو شايفهو مره يرسم في المرسم ومره يعاين للابتوب شال مني القهوه وقال لي شكرا قلت ليه العفو😪 وطلعت بقيت بقول في نفسي مسكين والله حتي وهو موجز بشتغل بعدين قلت يستاهل المعفن😪 خليهو يشتغل بس ضايرته المكان وبقيت بحضر لمن الساعه بقت 1 شايفه امجد طلع قال لي ماشي الجامع قلت ليه تمام انا مشيت اتوضيت وصليت وبقيت بقرا في قران سمعته صوت الباب اتفتح وقفل قلت معناها بكون جاء 😪 طلعته مشيت المطبخ وعملته ليه عصير دقيت ليه باب الغرفه قال لي اتفضلي وديت ليه العصير قال لي شكرا قلت ليه العفو شلت كبايه القهوه طلعته😪 قعدت وبقيت بحضر كان فلم يداب بدا بقيت بحضر بس عاينته للساعه لقيتها 3 وحاجه قلت امشي اعمل الغداء بس سمعته جرس الباب مشيت عشان افتح الباب لقيت امجد قال لي اقيفي 😪 فتح الباب وحاسب الزول بتاع البيتزا وجاء علي قال لي كنتي ماشه تفتحي الباب صح قلت ليه ااي فيها حاجه😪 قاال لي عايني ي مناسك لاي سبب من الاسباب ما تفتحي الباب ده فاهمه قلت ليه لي ما افتحو مسح وشو بيدنو قال لي انا ما شايفني يعني قاعد في البيت😪 قلت ليه ويعني 😪 نطط لي عيونو وقال لي

يتبع....