- الرساله ؛ زين زنوبه واحنه النسائيه اكو مواضيع عليه واحد بالميه يعني اقصد كلش هواي مواضيع ومااتوقع اگدر اقراهن كلهن بالروته فااكو مواضيع اگدر اتركهن

بالنسائية اقروا كلشي ابسط المواضيع وغير مواضيع ممكن ماشايفها تدخل تلكاها محطة بامتحان السشن

بالذات الامراض الباطنية الي متعلقة بالنسائية لا تتركون بيهن موضوع كلهن جابوهن بالفاينل النه بالعملي

والمواضيع الي شارحاتهن الدكتورات بالرابع والخامس كلهن توقعوا يجنكم محطات لو سلايدات

النسائية والجراحة مانصحكم تتركون شي بيهن

- الرساله ؛ طلاب الرابعه ما استحستوا رابط تسجيل وسربتوا لجماعتكم قبل لا ينزل بيوم
جا بعد كم يوم شنو تسون

بما الموضوع انذكر كلش هواي بالبوت وانا مقررة ماتدخل ومانشر اي شي يخص الدفع وممثليهم وعركاتهم يحلوها بالگروبات


بس انطي رأي ومانشر بعدها شي يخص الموضوع

من الناس تثق بيكم وتخليكم ممثلين المفروض تكونون گد هاي الثقة صح لو مو صح؟

واذا جانت الكروبات والروابط كلاوات كدام الكلية
فجنتوا تگدرون بكل بساطة تنشرون انو الممثلين فلان وفلان وفلان رتبوا جماعتكم وشكلوا كروبات نفس ماجان يصير بدفعتنه كل ممثل يرتب جماعته وبعدها الطالب الي يريد ينقل يروح ينقل


أنتم نفسكم تحجون ع الدولة وفسادها وبعدكم ممثلين وهيج صار اذا لزمتوا الدولة شنو تسوون؟

تعلموا الامانة بشغلكم ومن تريد تصير ممثل تعلم تصير نادر وترتب شغلاتك ويه الدكاترة ولا تبقى بيد فلان وعلان وبسببك تروح درجات كروب كامل لان الدكاترة اذا ماحبوا الممثل بالذات انتم الي رحتوا هسه رابع راح تصيرون بوجه الدكاترة بشكل مباشر

تعلموا تجاملون الدكاترة وتسلكون الهم ولا تعترضون ع تصرفاتهم لان الدكتور شايف نفسه ملاك نازل من السماء مايخطأ لان اي خطأ منك تروح درجات الأوسكي من الكروب

ورتبوا موادكم ومواضيعكم قبل كل سشن اسأل الدكتور شنو تشرح باجر حتى الطلاب تروح دارسه مو طالب يروح قاري موضوع وينشرح ويسألونه بموضوع ثاني ومجرد تضيعون ايام الطلاب

ومالك خلك هاي القوانين وماتريد ترتبها لا تصير ممثل ع گروب وتورط روحك ترى ماينطون درجات ع الممثلية فواحد يستغل الوقت يدرس بيه حتى يجيب معدل افضله

وان شاء الله السالفة صارت مرة بعد ماتنعاد وتكون درس لكل الدفع

نفس المشكلة صارت بسبب بعض الممثلين بوقت توزيع السشنات يروح ياخذ الجدول المرتب لگروبه

وعباله نفس قبل الطلاب تسكت وتغلس فكلها راحت أشتكت لحتى صارت قرعة وكل سنة لأخر 3 مراحل صار قانون القرعة للجدول يم د أدريس وبطلوا يتلاعبون

وطبعا كلش نحترم الممثلين الزينين الي ولا مرة صار حجي ع كروباتهم لو دكتور أنتقدهم

واكو ممثلين بس واحد بكروبهم يعترض ع موضوع لو طالب من الدفعة يعترض يگمز عليهم بدل مايحل المشكلة الصايره الي الناس معترضه عليها يرحون يگولون احنه عايفين شغلنه وعايفين دراستنه ويبقون يتمننون ع الطلاب حتى يغيرون السالفة

خو من البداية شوف المشكلة شنو واحلها
صح الطلاب مرات يردون من الممثلين سوالف غريبة عجيبة ويقترحون اشياء تخلي الدكاترة ينتحرون بس اكو مشاكل الطلاب تعترض عليها لازم تنحل فبدل ماتكله عايف دراستي وعايف شغلي وتبدي الدراما حل المشكلة

عندك شغل ودراسة روح ادرس لا تصير ممثل منو جابرك؟ وتورط كروب وياك ترى التعامل ويه الطلاب والدكاترة شي مو سهل ويحتاج شغل مرتب وشخصية قوية تعرف تجامل تعرف تسلك الهم هي هاي الممثلية

خلي انطيكم أقتراح من سوالف الطلاب الي يورطون الكروبات بيها

أكو طلاب بشهر رمضان رايحين مقترحين ع د نادية انو نداوم بس 3 أيام بالاسبوع

وعايفين كل الدكاترة رايحين لدكتورة نادية وشنو تتوقعون ردة فعل الدكتورة؟ أكيد تتخبل عليهم رسمي 🤣

ومخلين الممثل يروح للدكتورة فطاحت براسه وراسنه وبقت د نادية متحلفه بينه كلنه🤣🤣🤣

- الرساله ؛ مرحبا زينب ممكن تسألين البنات إذا بناصرية دخلت بضاعة ملابس جديده نكدر نجهز هسه

- الرساله ؛ بنات الي طالبين من شي آن جاي توصل طلباتكم لولا ؟
اخاف اطلب ومايوصلن😞

- الرساله ؛ زينب ولو انتِ مشغولة مع السادسة
لكن عندي سؤال مهم و عادي تشاركيه
نفسيتي دوم متكدرة و دوم خايفة
حتى من الأشياء الي تفرح ابقى ارجف
جربت كلشي و مانفع و حالياً داخلة اكتئاب قوي و اخاف ابقى بيه لأن وراي دراسة
احتاج مساعدة شلون اتخلص منه و من الضوجة

جدا متكدرة اسم الله عليكم 😔

- الرساله ؛ من نداوم بل مستشفى هم لازم زي لو عادي اي شي ؟

هو الزي بالمستشفى اللابكوت
وطول 3 سنوات ماشفت دكتور حاسب ع الزي بالمستشفيات لان كلها لابسه لابكوت ومامبين اللون جواه

بس مرة وحدة دكتور حاسب وعصب ع طالبة گدامنه كلنه واكو مرضى ومرافقين للمرضى سمعوا وانطه ردة فعل أوفر ومالها داعي جان يگدر بدل مايحرج الطالبة يصيح الها ع جهى او بسكتة او بصوت ناصي بس كدامنه الطلاب ينبها ع اللون

المهم هذا الدكتور طلع بعدين نفسه متعارك ويه الاستعلامات شلون حاجوا بنته ع الزي بالكلية🌚

- الرساله ؛ لحد الان مواصله تقريب صارلها ٢٠يوم 😔💔

هاي ع شي ان لا تستغربون

- الرساله ؛ اطلبي من بيج لان توصيل شي ان للعراق ماكو

- الرساله ؛ https://t.me/note112/35454
هاي انا صارلي من 2022 بهيج حاله مثلج وشكد حاولت اطلع منها وماكو فجاي احاول اتعايش وي الوضع

- الرساله ؛ https://t.me/note112/35454 الي تخافين منه سويه غصبن عليج لا تخلين الخوف يتملكج لو انتي لو هو

- الرساله ؛ السلام عليكم بصفتي طالبة مرحلة رابعة وأحجي نيابة عن أغلب الآراء وياريت تنشريها زينب لأن احنه بنات ومانگدر نحجي بگروب الدفعة وهواي متقيدين وكل الطلاب راح تأيد الفكرة

يعني أغلب الطلاب حابه گروبها ومرتاحة وياهم ومن ضمنهم أحنه ناس تعودنا عليهم وخطوطنا وصديقاتنا سوة ومرتاحين
وكل گروب بيه تقريبا ٦٠-٧٠ طالب فبدال ماتنعاد من جديد يگدر الممثل يدمج گروبين سوة وأحنه بالأصل ٨ گروبات والمفروض يصيرن ٤ وإلي يريد ينّقل بعدين يگدر بكل سهولة ويرتب الباقي ليش هيج التشتت هذا حتى لو نعادت الفورما ماراح نگدر نسجل ونكون سوه لأن اعدادنا هواي والگروب بسرعة يمتلي
هاي غير أنو الممثل گال گروب كامل حابين يكونون سوة فحتى متصير تفرقة أغلب الطلاب تريد تبقى نفس گروباتها والميريد ينقل ياريت تنشريها يقراها الممثل والطلاب…

- الرساله ؛ https://t.me/note112/35456اي شبيكم يجوز نيته تختلف نيه المرء خير من عمله 🤣🤣🤣🤣🤣🤣🤣🤣

يحب القوانين واللتزام بس بشرط ماتطبق عليهم ولا ع عوائلهم

مادري ليش يخلون نفسهم بهيج مواقف مايدرون السالفة تطلع من واحد لواحد🗿