- الرساله ؛ https://t.me/note112/35401
ياعيني هنيئاً
ابداً ماتأثر العباية، اذا تحبين تنزعيها بوقت اللي عندكم باطنية وحجاب كبير البسي بوقتها ينزل ع اللابكوت والسماعه تدخليها من جوه الحجاب كلش مريحة هيج احسن طريقة جربتها
وصدقاً احسن قرار تتخذيه ، وراح تندمين ع السنين السابقة اللي مالبستي بيها

ويارب خطوة مباركة محاطة بعناية السيدة الحنونة ❤️‍🩹❤️‍🩹

- الرساله ؛ السلام عليكم طلاب شوكت ينزل الجدول

- الرساله ؛ حكم الوسواسي هو عدم الإعتناء بوسوته، والبناء على صحة كل عمل يكون مورداً لها.
وهذا ما اتفق عليه الفقهاء، فإن جميعهم يفتون بكل صراحة و وضوح – تبعا للنصوص الشرعية – بأن وظيفة الوسواسي هو عدم الاعتناء بوسوسته و البناء على صحة كل ما يشك في صحته بل حتى لو تأكد من صحته عمله –على خلاف ما يحصل لسائر الناس من العلم بذلك – فلاعبرة بعلمه و واجبه ان يبني على الصحة فلو عمل الوسواسي بهذه الفتوى الشرعية و بنى على صحة كل مشكوك عدم الصحة بل و متيقن عدم الصحة. فلو عمل الوسواسي بهذه الفتوى الشرعية و بنى على الصحة مشكوك فقد اتى بوظيفته الشرعية.
https://youtu.be/bimQa5I8Q2E?si=TuCavWGSeK11EVl0

- الرساله ؛ اريد قنوات الخامسه بلا زحمه اكثر من مره دزيت وماكو

- الرساله ؛ طلاب الي راحو رابع اي سستم يجي بعد الجيرنال برنسبل ؟ يعني شنو اخذتو العام بعده ؟؟

طلاب السادس بالجراحة الكسور هاي المواضيع كلش سهلات بس محد شارحهن عدل ومنطيهن حقهن بكل الملازم مسويهن هوسة

وحرامات هيج مواضيع سهلة الفهم تبقونها لايام الوزاري وتاخذ منكم وقت المفروض من هاي الايام تقرونهن وتتخلصون منهن وتلخصونهن بفد دفتر

بكل بساطة تاخذ الموضوع تدزه للجات تكله عددهن بس عدد الامراض الخاصة بكل موضوع راح يعددهن الكم بدون شرح

بعدها تطلب منه يشرح موضوع وره موضوع

من تكملون اكو بينهن تشابه كلوله كل اثنين بينهن تشابه قارن بينهن حتى بيوم الامتحان ماتدوخون بيهن وتفرقون واغلبهن ترى يتفرق بينهن من الاعراض

فكل موضوع فرقوا بين امراضه بالاعراض وهيج يصيرن هن اسهل مواضيع عدكم بالكسور وتضمنون 6 درجات بالوزاري ترفع معدلكم

حاولوا توصلوها لطلاب السادس بالذات الي يفكر بالمعدل ويريد يرفع معدله وخايف من هيج مواضيع

وبعد عدكم بالباطنية الانفكشن

كل سنة تجي بسيطة وسهلة وتقريب نگدر نگول عليهن كيسات سطحية بالوزاري اجت عليهن بالسنوات السابقة

بسنتنه لا شوية يحتاج تدقق وتصفن حتى تختار الجواب الصح فمو تقرونهن ع ملفات بيهن كم كلمة

لان شفت دفعتنه بوقت الامتحان درسوا ع واحد تقريب ملفاته فارغة شبه سطحية وجايبها ع نظام السنوات السابقة ماحاسبين احساب للاسئلة المتوسة والصعبة الي اجت النه

فمن هسه رتبوا للانفكشن ملفات كاملة وتركز ع تفاصيل التعامل ويه كل اصابة

وجماعة الباطنية لامتحان السشن أدرسوا كل مواضيع النيورو وهم مواضيع الاندو والكارديو والجنرال أكثر مواضيع راح تشوفوهن بالطوابق بيوم الامتحان

- الرساله ؛ https://t.me/note112/35438

همين شفت اكو ملف ل د.احمد موفق هيج اسمه اعتقد
متكلم عنهن بملف واحد وهواي طلاب بالفاينل العام اعتمدت عليه وگالو جاوبو عليه

لأن احنه ملازمنا لهل المواضيع لو تفاصيل ولغوة كلش لو فارغات ما يفيدن أبد

أني هسة مو جراحة بس شفت ناشريه هواي قنوات، اذا يحبون يشوفونه جماعة الجراحة ويبلغونا بعدين يفيد لو لا

https://t.me/AhmedMoaffak/224

Non Traumatic Disorders
Hip .Shoulder .Elbow .Knee .Ankle and Foot and Spine
Benign and Malignant Bone Tumours-
Bone and Joint infection-
Nerve Injuries-
Genetic and Metabolic and Neuromuscular -diseases

- الرساله ؛ زين زنوبه واحنه النسائيه اكو مواضيع عليه واحد بالميه يعني اقصد كلش هواي مواضيع ومااتوقع اگدر اقراهن كلهن بالروته فااكو مواضيع اگدر اتركهن

بالنسائية اقروا كلشي ابسط المواضيع وغير مواضيع ممكن ماشايفها تدخل تلكاها محطة بامتحان السشن

بالذات الامراض الباطنية الي متعلقة بالنسائية لا تتركون بيهن موضوع كلهن جابوهن بالفاينل النه بالعملي

والمواضيع الي شارحاتهن الدكتورات بالرابع والخامس كلهن توقعوا يجنكم محطات لو سلايدات

النسائية والجراحة مانصحكم تتركون شي بيهن

- الرساله ؛ طلاب الرابعه ما استحستوا رابط تسجيل وسربتوا لجماعتكم قبل لا ينزل بيوم
جا بعد كم يوم شنو تسون

بما الموضوع انذكر كلش هواي بالبوت وانا مقررة ماتدخل ومانشر اي شي يخص الدفع وممثليهم وعركاتهم يحلوها بالگروبات


بس انطي رأي ومانشر بعدها شي يخص الموضوع

من الناس تثق بيكم وتخليكم ممثلين المفروض تكونون گد هاي الثقة صح لو مو صح؟

واذا جانت الكروبات والروابط كلاوات كدام الكلية
فجنتوا تگدرون بكل بساطة تنشرون انو الممثلين فلان وفلان وفلان رتبوا جماعتكم وشكلوا كروبات نفس ماجان يصير بدفعتنه كل ممثل يرتب جماعته وبعدها الطالب الي يريد ينقل يروح ينقل


أنتم نفسكم تحجون ع الدولة وفسادها وبعدكم ممثلين وهيج صار اذا لزمتوا الدولة شنو تسوون؟

تعلموا الامانة بشغلكم ومن تريد تصير ممثل تعلم تصير نادر وترتب شغلاتك ويه الدكاترة ولا تبقى بيد فلان وعلان وبسببك تروح درجات كروب كامل لان الدكاترة اذا ماحبوا الممثل بالذات انتم الي رحتوا هسه رابع راح تصيرون بوجه الدكاترة بشكل مباشر

تعلموا تجاملون الدكاترة وتسلكون الهم ولا تعترضون ع تصرفاتهم لان الدكتور شايف نفسه ملاك نازل من السماء مايخطأ لان اي خطأ منك تروح درجات الأوسكي من الكروب

ورتبوا موادكم ومواضيعكم قبل كل سشن اسأل الدكتور شنو تشرح باجر حتى الطلاب تروح دارسه مو طالب يروح قاري موضوع وينشرح ويسألونه بموضوع ثاني ومجرد تضيعون ايام الطلاب

ومالك خلك هاي القوانين وماتريد ترتبها لا تصير ممثل ع گروب وتورط روحك ترى ماينطون درجات ع الممثلية فواحد يستغل الوقت يدرس بيه حتى يجيب معدل افضله

وان شاء الله السالفة صارت مرة بعد ماتنعاد وتكون درس لكل الدفع

نفس المشكلة صارت بسبب بعض الممثلين بوقت توزيع السشنات يروح ياخذ الجدول المرتب لگروبه

وعباله نفس قبل الطلاب تسكت وتغلس فكلها راحت أشتكت لحتى صارت قرعة وكل سنة لأخر 3 مراحل صار قانون القرعة للجدول يم د أدريس وبطلوا يتلاعبون

وطبعا كلش نحترم الممثلين الزينين الي ولا مرة صار حجي ع كروباتهم لو دكتور أنتقدهم

واكو ممثلين بس واحد بكروبهم يعترض ع موضوع لو طالب من الدفعة يعترض يگمز عليهم بدل مايحل المشكلة الصايره الي الناس معترضه عليها يرحون يگولون احنه عايفين شغلنه وعايفين دراستنه ويبقون يتمننون ع الطلاب حتى يغيرون السالفة

خو من البداية شوف المشكلة شنو واحلها
صح الطلاب مرات يردون من الممثلين سوالف غريبة عجيبة ويقترحون اشياء تخلي الدكاترة ينتحرون بس اكو مشاكل الطلاب تعترض عليها لازم تنحل فبدل ماتكله عايف دراستي وعايف شغلي وتبدي الدراما حل المشكلة

عندك شغل ودراسة روح ادرس لا تصير ممثل منو جابرك؟ وتورط كروب وياك ترى التعامل ويه الطلاب والدكاترة شي مو سهل ويحتاج شغل مرتب وشخصية قوية تعرف تجامل تعرف تسلك الهم هي هاي الممثلية

خلي انطيكم أقتراح من سوالف الطلاب الي يورطون الكروبات بيها

أكو طلاب بشهر رمضان رايحين مقترحين ع د نادية انو نداوم بس 3 أيام بالاسبوع

وعايفين كل الدكاترة رايحين لدكتورة نادية وشنو تتوقعون ردة فعل الدكتورة؟ أكيد تتخبل عليهم رسمي 🤣

ومخلين الممثل يروح للدكتورة فطاحت براسه وراسنه وبقت د نادية متحلفه بينه كلنه🤣🤣🤣

- الرساله ؛ مرحبا زينب ممكن تسألين البنات إذا بناصرية دخلت بضاعة ملابس جديده نكدر نجهز هسه