ملف الاسئلة بدون حلول
⚠️القديم حذفته ، اعتمدوا هذا✅

اللستة هاي نفسها ثبتتها لنهاية امتحاناتكم ، و راح اضيف عليها الأشياء الجدد🤝🏻

رجعت للمسجات القديمة داتأكد من التواريخ ، المهم ..
امتحان العلاجيات العام جان غريب و طلعنا منه بقدرة قادر ،، مو لأن صعب😂😂😂 بس شوفوا شصار ،، أول شيء السكراب يوم 12/7 و الفاينل أول يوم علاجيات بتاريخ 12/15 و المادة يوم 12/8 تحددت و انصدمنا كل المادة داخلة (11 ملزمة أو بالأحرى 12) هسة تعرفون شلون .. و يوم 12/9 جان عدنا امتحان عملي بايو (تعويض اختياري) ،، فوقت قليل جدًا ،، كالوا اقروا مادة بعد المد هي مهمة و يجي عليها هواي , و الصدمة من كل شيء اجه 🤣 ... و ثاني شغلة الملزمة ال12 انحذفت جان اسمها liver cirrhosis الصدمة تقريبًا أول 4 اسئلة عليها و هي محذوفة ( الظاهر جان حذف معنوي)😂😔 ... ر غم الوقت قليل بس حاولنا ننجح و الحمدلله ، و حتى بالوزاري جبنا أعلى نسبة بالعلاجيات مقارنة بباقي الدفعات ، هالشيء يُذكر إلنا (و يوم الإلكم) ✌🏻🤍

مُختصر الكلام لتخافون ابد اقروا و انتو مرتاحين يعني رغم كل الصار ويانا و كدرنا نعبر ، عدكم بعد وقت خير من الله صح تحسون المادة هواي و ضغط مو طبيعي و افكار و خوف بس كله بعدين يهون ، و إن شاء الله تطلعون منها بأحسن النتائج و أقل الاضرار 🤍

+ مو شرط تكون تجربتنا نفس تجربتكم ، ممكن انتو احسن ؛ لأن الظروف تختلف و المدة تختلف

من اتذكر احس جانت خفيفه ولا عبالك ١١ ملزمه🤣🤣

احنا جان بس دكتور إبراهيم ياخذنا + الاسئلة زينة مو صعبة و من الملازم بس وقت قليل ، لكن انتبهوا على سالفة except هواي اسئلة بهل نمط 🤝🏻

بالنسبة لأسئلة الفاينل جانت 70 MCQs و المد تقريبًا تكرر 6-10 نقاط.

مو كلولنا اقروا بعد المد😂😂😂🙈

اني قريت قبل وبعد وتطفر🤣

اي اتذكر 😂😂😂 ما انسى هالامتحان

هههههههههههههههههههههه لا والله اني دومني ما اهتم بالامتحانات بس هسه من ارجع اتذكر احس كل شي چان بالمعقول

يعني هو إذا انتم تخافون ومقتنعين صعب ف راح يكون صعب
واذا تقرون وتخلونها ع الله راح تسهل عليكم ف لا توترون نفسكم

⚠️الملف المحلول حذفته ؛ لأن حسب كلام طلابكم يكولون اكو اخطاء (قليلة يمكن سهوًا) .. رغم حل المنصة هو🙃 فبقيت هذا ، الأفضل انتو تدققون بالحل

اخوانا المسيح كل عام وانتم بخير
عيد مجيد عليكم ☃️🩵

هلو ، مرحلة خامسة وينكم ؟
تعالوا خل نسولف شويَ ، شنو شصاير وياكم؟

خل اجاوب على كل الاسئلة إلّي سألتوها :
أول شيء اني من قبل كلتلكم احنا الاسئلة عبارة عن مادة قبل المد و المد و بعد المد ( بإختصار كلهاا) + الملزمة المحذوفة .

ثاني شيء سألتوني على الأصفر ، صح جان ممطلوب لكن اكو أشياء يشرحها الدكتور بالمحاضرة هاي مطلوبة ،، بما أنُ ماكو وقت ترجعون للتسجيلات فشوفوا منو مأشر الأصفر حتى يدزه إلكم.


-التكرار مال اسئلة حسب بعد اني كلتلكم من 6 إلى 10 نقاط تكررت هيج شيء + احنا مجان عدنا الاسئلة مثلكم فبعد ما اعرف بصراحة.

هواي صارت ملفات و نقاشات ، احسن شيء راح اسويه .. أدز الملف مال منصة نفسه نصًا + ادزلكم الأشياء إلّي تصححت و انتو بعد بكيفكم على شنو تعتمدون🙏🏻

و بالأخير اقروا و لتضيعون وقت و تفكرون شلون حتجي الاسئلة و شنو المهم ، كلتلكم مو شرط نكون نفس التجربة ، فقط دانقللكم الوضع العام و ها هيَ🥹

⭕️اسئلة مد العلاجيات 2025-2026 .

⚠️الحلول نصًا من المنصة.