٢٠٢٢/١٢/١٨ .

- شيصيـر لـو نلتقـي بالأشخـاص الصـح
مـن المـرة الأولـى؟
- نـُورا

مراح نعيش شعور الحزن والقهر
ولا حنتعلم نختار صح
ولا حنتعلم بكل كسرة وخيبة
ومراح نتعلم شون نبي مستقبلنا بطريقة صحيحة وبعيدة عن كل الاخطاء الي صارت بفترة من حياتنا او مراهقتنا
حنتعلم هواي اشياء من الاشخاص الخطأ الي بحياتنة
راح نتعلم شون نسيطر ع عواطفنا ونتحكم بعقلنا مو بكلبنا
الاشخاص الغلط نعمة مو نقمة
حيعلموك شون توكف ع حيلك بدون مساعدة بدون طلب حيعلموك شون تقوي كلبك حيعلموك شون مو كلشي يستاهل البجي
حيعلموك شون تنطي كل شخص وحجمة بحياتك لا زيادة ولا نقصان
حيعلموك
شون يروح الانبهار وتطفي المشاعر
حيعلموك بكل الاحزان ع هل كرة الارضية
فقد كسرة خيبة وجع
واخيراً حيعلموك شون حتعيش بهاي الدنيا القاسية

لهالسبب أحب هيـا لان أكثر شخص فاهمنـي🥹🫶.

جـاي ع بالـي مـع هالجـو اللطيـف
أطفـي واي فاي وأعملـي گـوب قهـوة
وأطلـع لغرفتـي أشغـل فلـم هـادئ
وأستمتـع بأجـواء الأنعـزال.
-نـُورا.

أحس محتاجة نومة عميقة لأشهر أو سنين أنعزل بيها عن الدنيا كلها حتى عن نفسي.

- ماذا لو
التقينا يوماً في الموصل
في شارع الغابات ونسمات البرد من حولنا
نجلس أمام الشاطئ!
نسَتمع إلى أغنيتنا المفضلة
لـِ "ماجد المهندس"
"هـاذي اول مرةَ احس كليُ عشك"
ألتفت إليك لـِ أقول
أنتَ جَمال الإحساس بـِ أغنية ماجدنا
وأنا اتأمل جَمال عيناك الساحرتين الناعستين
وأهمس إِليك بـِ نبرة صوتي الهادئة
وأخبرك بـِ أن لمسة يديك
هي أماني و مأمني والأدفى لـِ قلبي..
ثم نتمشى في شارع الكورنيش
تحت قطرات المطر الخفيفة
لـِ نتشارك هذا المساء
فنجانين قهوة ووجهة واحدة.
-نـُورا.

لطفاً يعني لا تأخذون أي شي من القناة كوبي بيست ، وجهوا بقنواتكم لأن كتاباتي🫶.

المسَـاء هـذه الأيـام يصـلح لـِ لقـاء حقيقـي يجمعنـا
فـي مكـان هـادئ يشاركنـا ظـلامٌ دامِـس
مكـان لا يتسـع سـوى لـِ أثنيـن
ومشاعـرهم وموسيقـاهم
نُراقـب النُجـوم معـاً
أتنهـد قليـلاً وأنـا أحتضـن يَديـك الدافئتيـن
ومـن ثُـم أسنـد رأسـي علـى كتفـك
أخبـرك أنـي وجـدتُ أشباهـك الـ 39 فـي السمـاء♥️.
-نـُورا.

الوضع حالياً
‏1٪ إنسان
99٪صداع .

مرات توصل مرحلة غريبة من التعب
من كمية التراكمات والأيام الصعبة اللي مرت عليك
مو كادر تعرف نفسك
هيج فترة ثكيلة على روحك تفضل بيها الهدوء والأنسحاب والكتمان لا تفضفض ولا تفرغ التعب اللي بداخلك لان تعرف محد راح يفهمك والمواساة حتعتبر أهانة
ورغم كل هالفترات والأمور المتعبة والسيئة مجبور تقاوم وتكمل وتقنع نفسك بـ حتعدي
حتعدي بس بعديش!
بعد ما تستهلك طاقتك وروحك وصحتك.
-نـُـورا

الجو ضباب
والأجواء أوربية
مناسب كلش تخلي هيتفون وتشغل فنانك المفضل وتمشي بشارع طويل لوحدك♥️.
-نـُـورا

أغنية "لمستك"
لـِ "عمرو مصطفى"
من الأغاني اللي مأخذة گلبي
گل ما أسمعها شعور المرة الأولى يلازمني دائماً
تخلي گلبي يبتسم قبل ما أبتسم
خاصة من يگول :
سَرحت بعيونّك لفينّ؟
ايوا انتَ جمبي وهعيشلك سنينّ..
گمية المشاعر والأمان بهالبارت عظيمة كلش
أما نبرة صوته المليانة حنية
تأخذ خيالك لـ عالم ثاني
أكاد أحسد اللي تندزلهم هالأغنية
ويعيشون شعورها.
-نـُـورا

أحلى شعور من تشوف شخص واگف بظهرك ويدعمك وفخور بيك من گل گلبه
شخص يؤمن بيك وبقدراتك وگأنك أعظم أنتصاراته
شخص يبقى يحفزك وينطيك طاقة إيجابية ويسندك بگل الأوقات
يا أخي عن كمية الثقة وحب النفس اللي تجيك بساعتها ما تنوصف والله.
-نـُـورا

٢٠٢٢/١٢/٢٨

گمية التعب هالفترة ما تنوصف والله.

يا أخي ممصدكة چـا الخميس
ما تتخيلون شگد چـان هالأسبوع طويل ومتعب
جسدياً ونفسياً اللي

وأخيراً ويكنددددد🥳

بنهاية ٢٠٢٢..
أحب أگول فخورة بنفسي گلش
فخورة لان مثل ما گال محمد بـ قناته
تخطيت سنة گاملة صعبة گلش بمشاگلها ، بكُل شعور چان مؤذي بگلشي ماحلو صار بيها،
فخورة لان گدرت أتخطى أشخاص وأيام وحدي،
فخورة لان گدرت أخذ أصعب قرار هالسنة
وهو أعيد السادس للسنة الثالثة
فخورة لان أثبتت لـ نفسي أني قوية كلش.
-نـُـورا

ما ضل شي وتنتهي السنة..
كـ بداية حلوة للي يبقى بـ البيت
رتبو غرفتكُم وأسبحو ورتبو نفسكُم وتعطرو
وبعدها أقرو أقرب سورة لـ قلبكُم من القرآن من تكملون أفرشو سجادة الصلاة
صلو ركعتين شُكر لله عزّ وجل وأدعو بالسجود بكل ثقة ويقين وأستفتحو دعائكم بـ ذكر الرحمن والصلاة على النبي مُحمد صلى الله عليه وعلى اله وصحبه وسلم
وأبدو أدعو بكلشي يخطر ع بالكم بدون ما ترتبون دعواتكم و لا تترددون أبدددد أطلبو كُلشي بدعائكُم وأنتم واثقين بـ الله عزّ وجل راح يستجاب..
وراها سوولكم مشروب مفضل وأجواء لطيفة وأستقبلو 2023
وأنتم مطمئنين ومرتاحين البال والقلب🤍.