دائماً وأبداً.. لا تحاولون ترجعون علاقة قديمة أنتهت وعدا وقت عليها لو شكد ما الطرف المقابل متندم ومصلح أخطائه حَ يضل أكو حاجز بيناتكم بعمركم ما حَ ترجعون مثل قبل ولا مشاعركم ولهفتكم حَ ترجع نفس ما هي بالمرة الأولى أبد الي تهونون عليه والي يسمح بأذيتكم مرة ومرتين وثلاثة حَ تهونون عليه أربعة وخمسة وعشرة الي ميحافظ على حبكم من المرة الأولى لا تتوقعون يحافظ عليها بالمرة الثانية ونقطة رأس سطر.

-نـُـورا

الفكرة مو بالأرتباط..
الفكرة بوجود الشخص الصح يمك بين قوسين الإحتياج شخص موجود يمك وقت الي تحتاجه مو علمود هذا فرض عليه أو واجب موجود علمود هو يريد يكون موجود ويسمعك يكلك..
اني يمك فضفض أحجيلي أسمعك..الخ
شخص يكدر يحتويك يفهم حزنك وسكوتك مو يكلك ترى ما تسوى كلنا نمر بنفس الشي مو بس أنت!! شخص يفهم أنو لو الموضوع ما يسوى وما يستاهل ما كان أثر بيك لهدرجة يحتويك مع عقل ينصحك يساعدك ويخليك ترجع أقوى من قبل
شخص يسندك قبل ما تطلب منه يسندك
متخاف من الدنيا ومصايبها طول ما هو وياك شخص وجودهُ أمان لان يعرف شوكت يكون أخ وشوكت يكون حبيب وشوكت يكون صديق وشوكت يكون أب..
شخص راضي بعيوبك وسلبياتك قبل إيجابياتك متحمل مزاجك الي يتغير الف مرة بالدقيقة ويتحمل أغلاطك وجفصاتك ومتقبلك نفس ما أنت..
شخص يحسسك بقيمتك ومكانتك عنده يحسسك أنو وجودك يفرق وغيابك يفرق مو تأدية واجب وبس لاا شخص يحسسك فعلاً وجودك وغيابك مو شي واحد..

الإرتباط ما أحبك وأحبج وهاي هي...
الإرتباط حب أهتمام ملجأ خوف حنية أمان وسند وثقة..

ومثل ما أحمد سعد گال..
يفوت الوَقت وبقيلو في قلبي مكان
مَفيش ولا حد عوضني ببيت غربتي فَحضني
وجودهُ مُهم بيطمن
وجودهُ أمان...
الشخص الصح من يدخل حياتكم الدنيا والبيها ما حَ تعوض مكانته لو مهما تعدي الأيام والسنين..
أختارو صح لان الندم مو بس كلمة "ياريت" لا حَ يأذيكم كلش هواي ويستنزف طاقتكم ومشاعركم ويترك جرح كبير يعشعش بداخلكم.♥️

-نـُـورا

أحب عادة العودة إليك صباح كل يوم
وكأنني أمحو من سجل حياتي مشقة ليلةٍ كاملة🤍.

♥️!

ممگـن تجمعنا هيـچ گـعدة
بعيدة عـن هوسة دنيا گـلها..
مثـلاً ؏ نهر دجلة أو شـارع مليان هـدوء
نگـعد ع رصيف مـع گـوبين چـاي وزخـة مـَطر خفيفة وشخصـي المفضـل
ممگن..؟!
- نـُورا .

مطرت..
ضل شخصي وكوبين الچاي وتگمل🫶

-الخمـيس/١/ديسمـبر..

شيصير لو يَكـون بداية ديِسَمـبر عـِناق🫂🤍؟

١٢:٢٠ صّـ
-نـُـورا

من تشوفها تحبك وتستثنيك
من تشوفها محاربة الكل والدنيا لخاطرك
من تشوفها راضية بگل عيوبك مثل ما أنت
وما تريدك تتغير حتى تحبك
من تشوفها تحبك من گلبها بدون مصلحة أو سبب
بدون ما تهتم للناس والمجتمع وگلشي
لا تخسرها مع گامل أحترامي بس
حتگون غبي گلش من تخسرها و تضيعها من أيدك.
- نـُورا .

٢٠٢٢/١٢/١٢

يارب أمنياتنا بين أيدك وأنت رب مُجيب🤍.

الوضع مأساوي يجماعة👌

أكره الخنگة اللي تچي ع غفلة بعد طن من التراكمات.

أگره كوني شخص حساس گلش
لان أبسط تفاصيل ممكن تأثر عليه وتخلي يومي ومودي وضعي كله يتخربط بمجرد أحساس وهمي حسيته من نبرة أو طريقة كلام أو تصرف معين .

شنهي هالكأبة مالها رداد؟

اليوم سهرتنا صباحية ويا البؤس والأنسجة.