أحـب الشَخص الـي...
-يڪون صديقي قبل ڪُلشي وأڪدر أشارڪه وأحچيله حتـى الأمور التافهة بدون تردد و يبقـى العمر كُله My favourite person
-ما ينام إذا ما يحچـي وياي ويشارڪنـي ڪُل تفاصيل يومه الڪبيرة والصغيرة
-يأخـذ حزنـي علـى محمل الجد يحسسنـي أنو حزنـي هـو قضيته الأولى
-مـن أعجز عـن وصف شعوري والتعب يأخذ منـي قدرتـي علـى الڪلام هو يفهم سڪوتـي يفهم انـي ما بخير حتـى لـو ڪلتله العڪس
-يتحملنـي ويتحمل تعلقـي بالتفاصيل الصغيرة الـي تأذينـي بـس تأخذ مڪان ڪبير بڪلبـي
-ما يخلينـي بتساؤلات وحيرة ويستثنينـي عـن الدنيا ڪُلها
- الـي يتباهـى و يبالغ بيه ويدللنـي ويسوي ڪُلشـي لخاطر عيونـي
فڪرة وجود هيچ شخص لطيفة وتحسسك بـ أمان بعيد عـن الدنيا ڪلها ♥️.

-نـُـورا

كلش محظوظة♥️.

تجيك أيام تفقد قدرتك ؏ الڪلام
وتعجز عن وصف تعبك والهوسة الي بداخلك
هيچ ما عندك طاقة ولا عندك خلگ لشي
تحس تريد تبتعد عن الدنيا ڪلها بنفس الوقت متريد تحس بشعور الوحدة لأن شعورها مقرف..
تريد تستمر وبنفس الوقت تريد تستسلم وتعوف ڪلشي وتنعزل
ڪل الي تريده حياة بسيطة وهادئة وسعيدة بس مدتعرف شلون بوقتها ڪلمة وحدة حَ تطلع منك
"يارب" وأنت تدري وڪلك يقين وثقة حَ يستجاب و هالڪلمة حَ ترتب ڪل الهوسة البداخلك وتعفيك من ثقل الشرح 🤍.

يارب وأنت أعلم 🤍.

بدون أي سبب..
صليت ودعيتلڪم ڪل الموجودين بالقناة وخاصة أشخاصي الدعوة بـ الأسم..
هو صح ما حلوة أحجي وأكول دعيتلڪم ولازم أخليها بيني وبين رب العالمين بس أوقات أحب أشوف الفرحة بقلبڪم هالشي يفرحني ڪلش..
الله يوفقڪم ويحقق أحلامڪم ويرزقڪم الأستجابة لڪل دعاء بداخلڪم ويڪتبلڪم الخير بڪل خطوة وعسى أيامڪم الجاية مليانة راحة ويجعلڪم مطمئنين البال والقلب ويرزقڪم بأشخاص مليانة حنية تعوضڪم عن مرارة الحياة يارب🤍.

الجميع يعلم بـ أنني قوية..لڪن لا أحد يعلم ڪم ڪلفني ثمن هذه القوة ڪل يوم..لا أحد يعرف حجم المعاناة الي اعيشها ڪل ليلة لـ أظهر للناس بهذه القوة والثبات..

يحل الظلام ڪل ليلة ويبدأ الضجيج بداخلي مع سڪون الليل وهدوئه حتى يحتل مساحة أڪبر من رأسي أستلقي على سريري مثل ڪل ليلة عندما يبدأ قلبي المتعب بالأنين ڪأنه يبڪي..أتحسسه بيدي وأشعر بـ نبضاته تتسارع حتى تنهمر دموعي وأجهش بـ البڪاء أڪثر فـ أڪثر أشعر بـ حرارتها  لدرجة أني أشعر بـ أنها تحمل شيئاً من حرقة قلبي..
يضيق صدري وأشعر أن أوڪسجين العالم أجمع لا يمڪنه أن يملئ رئتاي..وتلك الغصة العالقة في حنجرتي وقلبي أيضاً تظهر لـ تخبرني أن داخلي لا يستطيع تحمل ڪل هذا الألم بعد.. من هنا أدرك أن هذه الليلة ڪ سابقها من الليالي أمسح دموعي وأقرر أن لا أقاوم اي شيء يحصل بعد الان حتى يهدأ ڪل شيء من حولي عدا نبضات قلبي السريعة وألم رأسي..
أغمض عيناي ويدي على صدري.. أحيانا أشعر أن داخلي وقلبي بالتحديد خاوي وباهت من المشاعر ..
وأخيراً أغفو بعد ڪل هذا الصراع
يأتي الصباح فـ تشرق الشمس على روحي وأعود لـ قوتي ڪ أقوى فتاة على وجه الأرض..
القوة التي دفع ثمنها جسدي وروحي في ڪل ليلة.

٢٥\٩\٢٠٢٢
-نـُـورا

-

كان يفترض أن نكون ‏معًا
هذا المساء تحّت ضوَء القمُِر
أمسكَ بيدكَ
‏نستمعُ لأغانينا المفضلة
‏أتأمل ملامحك
‏وضحكاتِك
‏ولكنّها المسافات ..

-نـُـورا

ماگو أسوء من الفترة الي من تحس گلشي دينطفي بداخلك فجأة يوم بعد يوم..
گل محاولاتك حتى تصلح الضوا اللي بگلبك ومتخلي ينطفي تفشل
تبدي تفقد قدرتك ع الإستمرار والشغف تجاه گلشي..
الأشخاص وأحلامك وشغفك ومشاعرك وسعادتك وأحساسك گلشي تحس يبهت وينطفي بالتدريج..
لحظتها تريد تنهزم من الگل حتى من نفسك للأبد..

-نـُـورا

قبل شوية أنظمت بنت أسمه مروة
مَ گدرت اتخطىٰ جمالها 🫂🥺🤍

أحب الي يشاركون كتاباتي🫂🤍

٢٧ أكتوبر /٢٠٢٢..

وبنهاية هالشهر أنسو كُل الأشياء السلبية والصعبة الي عشتوها واللي ممكُن حسيتوها ثكيلة ع كلبكم بـ ليالي أكتوبر تذكروا دائماً أنو كُل يومُ هوَ بداية جديدة حتى تَصنعون يوم لطيف ينسيكُم مرارة الأيام القبله
وتذكروا للأبد أنو
" ربكُم أحن مِن كُلشي وقادر ع كُلشي "
خلو ثقتكم قوية برب العالمين وعيشو يومكُم ولا تخلونُ اي شيُ سلبي يأثر عليكُم الحياة محسوبة علينا لا تعيشوها بـ حِزن وتعب على شيُ فات
كُل يومُ هوَ بداية جديدة ♥️.

-نـُـورا

‏١٤٤٤/٤/٤ هـُـ
يارب يَكون كُل إللي جاي خير
خير وبس♥️.

دائماً وأبداً.. لا تحاولون ترجعون علاقة قديمة أنتهت وعدا وقت عليها لو شكد ما الطرف المقابل متندم ومصلح أخطائه حَ يضل أكو حاجز بيناتكم بعمركم ما حَ ترجعون مثل قبل ولا مشاعركم ولهفتكم حَ ترجع نفس ما هي بالمرة الأولى أبد الي تهونون عليه والي يسمح بأذيتكم مرة ومرتين وثلاثة حَ تهونون عليه أربعة وخمسة وعشرة الي ميحافظ على حبكم من المرة الأولى لا تتوقعون يحافظ عليها بالمرة الثانية ونقطة رأس سطر.

-نـُـورا

الفكرة مو بالأرتباط..
الفكرة بوجود الشخص الصح يمك بين قوسين الإحتياج شخص موجود يمك وقت الي تحتاجه مو علمود هذا فرض عليه أو واجب موجود علمود هو يريد يكون موجود ويسمعك يكلك..
اني يمك فضفض أحجيلي أسمعك..الخ
شخص يكدر يحتويك يفهم حزنك وسكوتك مو يكلك ترى ما تسوى كلنا نمر بنفس الشي مو بس أنت!! شخص يفهم أنو لو الموضوع ما يسوى وما يستاهل ما كان أثر بيك لهدرجة يحتويك مع عقل ينصحك يساعدك ويخليك ترجع أقوى من قبل
شخص يسندك قبل ما تطلب منه يسندك
متخاف من الدنيا ومصايبها طول ما هو وياك شخص وجودهُ أمان لان يعرف شوكت يكون أخ وشوكت يكون حبيب وشوكت يكون صديق وشوكت يكون أب..
شخص راضي بعيوبك وسلبياتك قبل إيجابياتك متحمل مزاجك الي يتغير الف مرة بالدقيقة ويتحمل أغلاطك وجفصاتك ومتقبلك نفس ما أنت..
شخص يحسسك بقيمتك ومكانتك عنده يحسسك أنو وجودك يفرق وغيابك يفرق مو تأدية واجب وبس لاا شخص يحسسك فعلاً وجودك وغيابك مو شي واحد..

الإرتباط ما أحبك وأحبج وهاي هي...
الإرتباط حب أهتمام ملجأ خوف حنية أمان وسند وثقة..

ومثل ما أحمد سعد گال..
يفوت الوَقت وبقيلو في قلبي مكان
مَفيش ولا حد عوضني ببيت غربتي فَحضني
وجودهُ مُهم بيطمن
وجودهُ أمان...
الشخص الصح من يدخل حياتكم الدنيا والبيها ما حَ تعوض مكانته لو مهما تعدي الأيام والسنين..
أختارو صح لان الندم مو بس كلمة "ياريت" لا حَ يأذيكم كلش هواي ويستنزف طاقتكم ومشاعركم ويترك جرح كبير يعشعش بداخلكم.♥️

-نـُـورا

أحب عادة العودة إليك صباح كل يوم
وكأنني أمحو من سجل حياتي مشقة ليلةٍ كاملة🤍.

♥️!