كان عمرُ بن الخطاب "رضي اللّٰه عنه"
يستقبل رمضان بـ قولهِ
" مرحباً بمُطهر ذنوبنا"
رمـضَان كـريم♥️..
ياربّ تكُون الـ ٣٠ يوم  غافرة لـِ الذنوب ومُطهرة لأرواحكُم ، اللّٰه يعينكُم على صيامه وقيامه وتكُونون من أهل الجنة ،
ينعاد عليكُم بصحة وعافية ، واللّٰه يحفظلكُم الي تحبوهم ويرحم مواتكُم ويبعد عنكُم كُل نية سيئة وحسد وحقد ، ياربّ هالأيام تكُون عوض عن كُل تعب وحزن وغصة عشتوها ، الله يريح بالكُم وقلوبكُم ويوفقكُم بكُل خطوة تخطوها ويرزقكُم سعادة الدنيا تنسيكُم كُلشي سيء صار بالشهور الفاتت♥️.

اللّٰه يتقبل منكُم ومنا صالح الأعمال ♥️.

كلام نون جَبر بحد ذاته 🥹😔.

قلبه لـ نون أنتِ🥺♥️.

🤍...

٢ / رمضان / ١٤٤٤ هـ
ياربّ طاقَة ، طاقَة نكدر نكمل بيها
ونَعيش ونرضَى ونتحمّل لحد ما تعَدي🤍.

يا ربّ
أريد أن أطمئِن
أن ينتهي شعوري بأنني أركض
وراء نفسي
بدون وصل
يا ربّ أعدني لنفسي
وإليك.

I always say it..
You are the most beautiful thing
that happens to portugal♥️.

ماكو شي مثالي ، ماكو حياة سعيدة دائماً
حلمك ما يجي بسهولة ، لازم تتعب ، لازم تحزن ، لازم تقاوم ، لازم تصبر ، ماكو شَخص أحسن من شَخص ، كُل شَخص بينا عنده سلبيات بحياته لو نجي نركز عليها عُمرنا ما راح نعرف نعيش ، خليك واثق كُلشي راح يجيك بالوقت المُناسب ، خليك واثق أنُ ربّ العالمين گادر يغير كُلشي علمودك ، گادر يجبر بخاطرك ، ويفرح كلبك..
عيش وأنتَ متوكل على ربّ كريم♥️.
-نـُورا.

وبعديين مَع هالمُعاناة 😂!!

مُشكلتنا الأزلية😂🤦🏻‍♀.

١١:١١ مـَ |
اللهُمَ تلك الأُمنية في رَمضان 🤍.

٣ / رمضان / ١٤٤٤ هـ

‏اللهُم دُعائنا الذي لا يعلمُه سُواك وصوتنا الذي لا يسمعُه غيرك ، اللهُم آمين لكُل ما في قلوبِنا🤍.

مع مرور الأيام وكمية التجارب الي يمر بيها الشَخص يكتشف أنُ
"أكبر وأقوى عدو للأنسان هي نفسهُ"
مثل ما گال رب العالمين :
{ وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ }..
الفكرة بـ أختصار أنُ رب العالمين خلق الدنيا وما عليها من ملذات وكذلك خلق النفس الي تميل بـ حُب قوي تجاه ملذات الدنيا ، بحكم أنُ عدنا عقل ووعي لازم نتعلم ضبط النفس وشلون نحافظ على مبادئها وقيمتها بعيد عن الشهوات والملذات
زين شلون واحد يضبط نفسه !
شكد ما تتقرب من رب العالمين وتفهم الدين بطريقة صح راح تفهم سر ضبط النفس ، صح مُمكن تكُون صعبة بالبداية مرة أنت تنتصر مرة نفسك تهزمك بس بالنهاية راح تفوز ، راح تتعلم هواي ، راح تعرف تحافظ ع قيمتك ومكانتك ومبادئك..
وهذا هو أقوى أختبار من رب العالمين ألنا.

ماكو أُمنية بگد أُمنيتي حالياً أنُ أزور الكعبة بـ رمضان ، أشوف كُل تفاصيلها ، ألمسها ، أسمع صوت العصافير الفَجر حول الكعبة ، أطوف والجو مُمطر ، كعدة على بلاط الحرم وسجدة طويلة مليانة دموع وأدعية ، أتمنى أنُ أشعر بالحديث مع اللّٰه ، أتمنى نومة عميقة أرزق بيها برؤية النبي صلى الله عليه وسلم ، زيارة تمسح على گلبي كُل التعب وطمئن روحي🤍.

إنتَ مَتدري شِنو معنَى
( وجهَك يتراوالي وسَط كُلشي ؟ )
تحِت أي ظرف ، وكُل زمَان ومَكان
بالجامِعة ، وسط صديقاتي
بوحِدتي ، وعِز إنشغالي
بلحظاتِي الهادئة ، وحتّى اللي تِملاها الهوسة !
مَتدري شِنو معنَى ..
( يشيلّك احّد بگلبَة وين مَيروح ! ) ♥️.

٤ / رمضان / ١٤٤٤ هـ

اليوم على گد ما هو لطيف
ودّي ميخلص أبد🤍.