من أتمرض ما أحتاج الأدوية 
بگد أحتياجي لـ أحد يبقى يمي
يقرالي قرآن ، دعاء
أحس بـ لمسة أيده ؏ رأسي
حتى لو مسافات الدنيا بينا
القرب مَرات مُو بقرب الجَسد
تگفي كلمة " ها شلون صرتي "
أكلتي !
نامي لتعبين روحچ ، البسي زين
شَخص حنيته تحسسك هو يمك
رغم كُل المسافات والعوائق
شَخص ما يحسسك بـ أحساس
حسين السعيدي من گال :
" شگد أفتقد حنيتچ مِن أتمرض ".
-نـُورا.

راح يجي يوم وأنسى كُل هذا التعب
وكأنهُ ما صار ♥️.
-نـُورا.

🤍🌧.

أحِب المَطر بشكل مُبالغ
أحِب صوت المطر
أحسه يواسيني دائماً
بكُل مرة ينزل ترد روحي
أطلع جوا المطر أو يم شباك
وأبقى ه‍يچ گاعدة واتأمل وأدعي
الجو وقت المَطر يجماعة
يبقى مليان حنية♥️.
-نـُورا.

٢٠ | ٣ | ٢٠٢٣ .

وحدة مِن الليالي الي ترجع تطفى الضوه وتخلي رأسك ع مخدة بعد يوم متعب مِن التمثيل تنزع قناع " أني بخير "
وتبدي بمعركتك الثانية مع الأرق والتفكير
تحتضن تعبك وصُداعك وتحاول تنام
ومنين ما تنگلب تتأذى .
-نـُورا.

أتمنى تهدأ روحي ياربّ.

؏ ڪولة نون ( اتمنى تهدأ روحي)
يا رب تهدأ روحي و روح نون وأي شخص يحس بتعب🥹🫶🏻.

بعد عُمري واللّٰه🥹🫶🏻.

ـ كم أودّ
‏أن نكون معًا
‏أينما حلّ المطر ..

الهواتف اذا أجاها يوم وحچت ..
راح تحچي عن دموع محد شافها،
وراح تحجي عن ضحكة محد سمعها وعن
كلام انكتب 100 مَرة بس ما أنرسل راح
تحچي عن صور عندك لأشخاص تبچي
گلبك گد مامشتاقلهم، راح تحجي عن
شَخص منتظر منه كلمة، بس كلمة وتحچي
عن ناس باعتنا، خذلتنا وصارت بعيدة ، راح
تحچي عن أشخاص جانت عدهم كلوب مثل
الزجاج و أنكسرت، راح تحچي عن اشخاص
فارگونا بدون وداع وراح تحچي عن اشخاص
باعو ثقتنا بيهم الثقه اللي ماجان الها حدود
وكسرونا راح تحچي عن لهفتنا المجنونه اللي
ما نگدر نوصلها من دموع الشوق والغيرة،
راح تحچي وتكول كم مَرة حطينا هواتفنا
على صورة وايدينا تتلمس ملامحه رح تحچي
كم مره غلقناه حتى بس نحس بيه من
نفتحه انو احد افتقدنا، راح تحچي على
هواي ايام مرت واحنا ما حاسين بيها، راح
تحچي عن الحُب اللي بداخلنا لأشخاص
مانعرف أخبارهم، وراح تحجي عن المَشاعر
الـ هواي المضمومة و محد يعرفها غير
الـ ' notes ' وتحچي وتحچي هواي
أمور محد يعرف بيها ..

راح تحچي عَن لحضات حلوة عشناها وچانت نهايتها حلوة ، و لحضات حلوة چنا مفكريها حقيقية ، راح تحچي عَن أشخاص وجودهم يحلي الدنيا بعينك ، وأشخاص من تذكرهم تكره الدنيا ، راح تحچي عَن هواي رسائل لطيفة وصلت ، وهواي رسائل تركت جرح عميق ، راح تحچي عَن مُكالمات مليانة حُب وحنية ، ومُكالمات مليانة أسئلة مُوجعة ، راح تحچي عَن أشخاص مسج واحد منهم يكدر يحول يومَك ونفسيتك لعالم وردي وسعيد ، وأشخاص رد واحد منهم يكدر يحول يومَك ونفسيتك لعالم موحش ومليان سواد ، راح تحچي عَن وعود تحققت ، و وعود أنرسلت لـ غيرنا ، راح تحچي عَن مشاعر چانت النا بس ، ومشاعر مُتاحة للكُل ، راح تحجي عَن مُحادثات مُستمرة سنين ، ومحادثات مهجورة أنفتحت ألف مرة ، راح تحچي عَن حواجز خلتنا ما نعرف نراسل أشخاص مُعينة ، راح تحچي عَن ذكريات مؤذية محد كدر ينساها ، وذكريات حلوة خلتك تعيش وداخلك مليان ورد ..
-نـُورا.

٢٢ / أذار 🤍.

لطالما كنتُ أعتبر لِقائي بك من أفضل المكاسب في حياتي ، تخيّل فقر العُمر لو لم نلتقِ ؟ ♥️

١ / رمضان / ١٤٤٤ هـ

كان عمرُ بن الخطاب "رضي اللّٰه عنه"
يستقبل رمضان بـ قولهِ
" مرحباً بمُطهر ذنوبنا"
رمـضَان كـريم♥️..
ياربّ تكُون الـ ٣٠ يوم  غافرة لـِ الذنوب ومُطهرة لأرواحكُم ، اللّٰه يعينكُم على صيامه وقيامه وتكُونون من أهل الجنة ،
ينعاد عليكُم بصحة وعافية ، واللّٰه يحفظلكُم الي تحبوهم ويرحم مواتكُم ويبعد عنكُم كُل نية سيئة وحسد وحقد ، ياربّ هالأيام تكُون عوض عن كُل تعب وحزن وغصة عشتوها ، الله يريح بالكُم وقلوبكُم ويوفقكُم بكُل خطوة تخطوها ويرزقكُم سعادة الدنيا تنسيكُم كُلشي سيء صار بالشهور الفاتت♥️.

اللّٰه يتقبل منكُم ومنا صالح الأعمال ♥️.

كلام نون جَبر بحد ذاته 🥹😔.

قلبه لـ نون أنتِ🥺♥️.

🤍...