دأكتب وأتذكر تفاصيل هاليوم وأبتسم وهيچ يحتلني شعور حِلو ، رغم كُل التعب والمرض والهوسة والتحضيرات كان يوم عظيم بكُل تفاصيله ، ما ينسي أبداً تحديداً أكو جزء بسيط غير مودي كله كانت ثواني بس هونت كُل التعب والفرحة الي بعيوني ، أبتسامتي الي ما كدرت أسيطر عليها حسيت كُل فراشات الدنيا بگلبي حَ يبقى ضمن أيامي المُميزة وأحلى أيامي الي عشتها بكُل حب وسعادة والي تمنيت ميخلص أبداً.

صُــــــــــــــداع.

هلفترة من أصعب ألفترات أللي أحاول اتجاوزها بدون خسارات .

محتاجة أحد يگولي
أبچي وأنا يمج .

8 مَـارس عيد المَرأة ..
لأننا نساءٌ نفهم بعضنا
نشعر ببعضنا ، و نُحب بعضنا
كُل عام وأنتّن الخير والفَخر
دمتّن أساس المُجتمع ، وصانّعات الرجال
دمتّن هنَاء الأيام ، ونَجمات السماء
دمتّن عَظيمِات كُل يوم.

أكثر فترة تعبت بيها نفسياً وجسدياً.

لازم نضيف شعور ( الأنطِفاء)
لِـ قائمة أسوء شعور مُمكن يَحس بي الأنسان بحياته.
-نـُورا.

- رغبَة مُلحّة لِـ " لِقاء وعِناق"
تحت المَطر♥️.
-نـُورا.

يأخذني إليك
‏المطر والموسيقى
‏بينما يعجز الطريق
‏عن ذلك♥️.

أتصالحوا يا جماعة
لو شَخص زعلان منكم وأنتو غلطانين
أعتذروا ، تأسفوا ، لحو ، حاولو لحد ما يرضى ، الأعتذار عمرهُ ما يقلل من قيمتكُم وكرامتكُم بالعكس يزيد قيمتكُم حتى لو ما تصلح كُل شي ع الأقل الشخص الزعلان راح يحس بمكانته ويعرف أنُ خاطره وزعله غالي وما يهون ، ولو هذا الشَخص يحبك حَ يتصالح بسرعة
أتصالحوا العمر مرة اليوم سوا باچر لوحدنا.
-نـُورا.

أحِب الناس الكلامهم حلو ويجي بالوقت المناسب.

٢٠٢١/١٢/٢٧
١٢:٤٩ مـَ |

أحِب الرسائل الورقية
أحِب الرسائل الطويلة
لما تكون من الشَخص الصح
الرسائل البيها هواي مَشاعر وحنية
وتكون مكتوبة إلي خصيصاً
الرسائل البيها هواي كلمات
بدون ترتيب وتخطيط تعدل گعدتي
وتخلي گلبي يبتسم قبل ما أبتسم.
-نـُورا.

أني شايفة نفسي أجمل وَحدة بهالدنيا ،
ومَهما أشوف مَ أحس نفسي قليلة يم أحَد
ودائماً حَابة شكلي ولون بَشرتي ونبرة صَوتي
وضحكتي وحتى نظراتي وتفكيري وأسلوبي
وشخصيتي ، وأنا مَ أتعَوض بحَياة أحد مَهما صَار 🤍.

أيييي مثل ما قالت طيبتـي
مُو غرور والله 😂🥹.

١١:١١ مـَ |
ياربّ يجي اليوم الي أگول بي
وأخيراً تحقق هالحلم🤍.

الأفلاونزا ترحّب بي🥹😂.

حِلو مِن تكون أستثنائي عند أشَخاصك
حِلو شَخص يگضي وقت راحته
كُله يمك ويستغل الوقت حتى تسولفون
شَعور حِلو مِن تكون أنت راحة هالشَخص
تحس روحك شَكد أنت مُهم عنده
حتى يذب روحّه يمك ويرتاح
حِلو من أحد يذب روحّه عليك
من يكون بعز تعبه ومشاكله أو مريض
بس يلجأ لمُحادثتك حتى ينسى كُلشي
حِلو من شَخص يگلك ها رأيك !
أنشر هذا لو لا  !
شتگول أختار هذا لو هذا !
أو يدزلك مشتاقلك فجأة أو أي كلمة حِلوة تقطع الحديث وتخليك تنصدم وتدمع من الفرحة
حِلوة المُكالمات الطويلة حتى لو متحچون يكفي الوشة وصوت أنفاسه تحسسك هالشَخص گاعد يمك وحاضنك
حلوة كِلمة أحبك
حلوة كِلمة حبيبي
حلوة من تصيح شَخص
ويرد ها أبوية
ها بنتي
ها حبيبي
أو مُمكن يعدد المُسميات المُميزة بيناتكم
ها أستثنائي ، ها سندي ، گلبه وروحه
وه‍يچ تكون طالعة بـ كُل حُب وحنية
متتخيلون هالشغلات البسيطة
شگد تخلي الشَخص سعيد♥️.
-نـُورا.

من أتمرض ما أحتاج الأدوية 
بگد أحتياجي لـ أحد يبقى يمي
يقرالي قرآن ، دعاء
أحس بـ لمسة أيده ؏ رأسي
حتى لو مسافات الدنيا بينا
القرب مَرات مُو بقرب الجَسد
تگفي كلمة " ها شلون صرتي "
أكلتي !
نامي لتعبين روحچ ، البسي زين
شَخص حنيته تحسسك هو يمك
رغم كُل المسافات والعوائق
شَخص ما يحسسك بـ أحساس
حسين السعيدي من گال :
" شگد أفتقد حنيتچ مِن أتمرض ".
-نـُورا.