تشرَح الحچي المضمُوم بأعمق نقطة بگلبك.

صَباح الخيَر
أتمنالكُم يوم كُلش لطيف يليق بيكُم
يوم عبارة عَن جَبر خاطر ، يشبَه نقاوتكُم .

١:١١ مـ |

‏انها تتخطّى كُل شيءٍ بكل هدوء ؛
وهذا شيءٌ ثمين لا يتقنه أي أحد .

مَع آذان الفجر :
اللهُمَ أرني عجائب قُدرتك في تيسير أُموري .

يـاربّ.

{ فَإنيّ قَرِيب }
هالجملة من نسمعها من شخص نحبه نحس بأمان الدنيا كله يسكن أرواحنا ، فما بالكم من يكون رب العالمين بذات نفسه يگول هيج ! اطمئنو دائماً قريب🤍 ..

وجُود ربّ العالمين بقربنا شعُور عَظيم
مثل نسمة هوا باردة تدخل طَمن قلب مليان خوف وتعب ، وربك الأقرب والأحن ، حَ يداري أرواحنا بـ لَطف وحنية ، حَ يعوضنا عن كُل التعب والخذلان والأيام الصعبة ، حَ يرزقنا أيام تليق بينا وبنقائنا ودائماً وأبداً رب الخير لا يأتي إلا بالخير ، فـ خليكُم مطمئنين أنُ كُلشي يصير بحياتنا بي خير ألنا.
-نـُورا.

صَباحكم أشياء لَطيفة تُغمر مَلامحكُم بسعادة♥️.

النهايات أهم من البدايات ، البدايات دائماً تكُون حلوة ومليانة حُب وأهتمام ومَشاعر بس النهايات حَ تعيش وياك عُمر كامل ، حَ تبين حقيقة هالشَخص شنو ، حَ تبين هاي البدايات چانت خدعة لو حقيقة ، بنهاية الأمر الأنسان أثر ، نحن فترة بحياة كُل شَخص ثاني
أنتبه شنو حتخلي وراك ، خليك ذكرى حلوة ، خليك خفيف بحياة الناس من تجي بال شَخص يبتسم ويدعيلك بالخير ، ماكو شَخص يستاهل يعاني لـ فترة طويلة بسببك ، ماكو شَخص يستاهل يبچي كلما تجي باله ، ماكو شَخص يستاهل تعوفله ذكريات سيئة ومؤذية ، خلوا أثركم حلو لان حَ يرجعلكم بيوم من الأيام .
-نـُورا.

٢٠٢٣/٣/٣ 🤍.

٢٠٢٣/٣/٤♥️.

- أثر العوض أحلى من الماضي واهلّه.
-

مَن تبدي تحب و ترتبط حَ تفهم شگد المسافات والبُعد مَتعبين كلش ، حَ تفهم شعور مَن تتعب وتحتاج مَن يطبطب ع روحك مَن تريد تلزم أيد شخصك أو تحضنه أو تتأمل ملامحه وتسمع صوته بس المسافات تمنعك وتتعب أكثر فوگ تعبك ، مَن تتعودون ع بعض أكثر تحس لا المُكالمات ولا الچات ولا أي شي بالدنيا يكفي حتى توصل لهفتك وأشتياقك ومشاعرك ، المسافات حَ تبقى مُرة لحد ما تجمعكُم الأيام وقتها حَ تعرف شگد الحُب حلو وأنتم ويا بعض ويم بعض ، حَ تعيش أجمل أيام حياتك، وتحس بـ أحساس هيثم يوسف من گال
" ضايع عُمري القَبلك عِشته"♥️.
-نـُورا.

دأكتب وأتذكر تفاصيل هاليوم وأبتسم وهيچ يحتلني شعور حِلو ، رغم كُل التعب والمرض والهوسة والتحضيرات كان يوم عظيم بكُل تفاصيله ، ما ينسي أبداً تحديداً أكو جزء بسيط غير مودي كله كانت ثواني بس هونت كُل التعب والفرحة الي بعيوني ، أبتسامتي الي ما كدرت أسيطر عليها حسيت كُل فراشات الدنيا بگلبي حَ يبقى ضمن أيامي المُميزة وأحلى أيامي الي عشتها بكُل حب وسعادة والي تمنيت ميخلص أبداً.