أگو مَواقف غير مَفهومة تصير بالعلاقات
الي هي الهدوء والأنسحاب مَن الطرفين ،
ما بينكُم شي لا مشكلة ولا أحد گال ضايج مَن شي معين ، مجرد هدوء وسكوت وكُل شَخص ساحب نفسه عَن الثاني لحد ما يقل التواصل تدريجياً ، هاي المواقف تخليك بـ تساؤولات ما لها نهاية "هذا شَخص ضايج مني ، زعلان شي ، هو ما عنده شي يحچي لو متقصد يبتعد لو شنو سالفته!"
هاي المواقف بالذات يعم بيها هدوء فضيع لدرجة تخليك بدوامة مُتعبة أكثر من المشاكل والزعل ، أحسها تخلي الطرفين يشيلون بگلبهم ومحد يبادر ويحجي لحد ما تخرب العلاقة..
لُطفاً لا تخلون أشخاصگم بهيج مواقف مَن تضوج أحچي ، مَن تزعل گول أني زعلان مَن فلان شغلة مَن فلان تصرف أحجو وتفاهمو بس لا تسكتون
"هذا السكوت نهايته فُراق".
-نـُورا.

‏﴿يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

فَخورة بنفسي جداً مَن أتذَكر أنُ چنت أگدر أخليهم بنفس الشعور لكن أختاريّت ما أضَر♥️.

♥️...

صَباح الكلش خير♥️.

-

عمُرها الصَداقة ما كانت بكُثرة السنين ،
أوقات يدخُل شخص ؏ حَياتك وبفترة قصيرة
جِداً يصير صَديقك وكإنو مَن سنين تعرفه 🤍.

أحلى شي صار معرفتكِ ودخولكِ لـ حَياتي
أحبك بگد الدنيا🫂🤍.

بالنسبة ألي ..
أحِب العُيون ، أحِب نظرات العُيون الخاطفة ، أحِب نظرات المقصودة والعشوائية ،
أحِب لمعة العُيون مَن تتأمل ملامح شَخص تحبه ، أحِب حچي العُيون ، ورمِش العُيون ،
أحس كُلشي بالدنيا مُمكن يتشابه بين أي شَخصين إلا العُيون ونظراتها ما مُمكن أبد تتشابه شي مُميز بكُل شَخص.
-نـُورا.

تشرَح الحچي المضمُوم بأعمق نقطة بگلبك.

صَباح الخيَر
أتمنالكُم يوم كُلش لطيف يليق بيكُم
يوم عبارة عَن جَبر خاطر ، يشبَه نقاوتكُم .

١:١١ مـ |

‏انها تتخطّى كُل شيءٍ بكل هدوء ؛
وهذا شيءٌ ثمين لا يتقنه أي أحد .

مَع آذان الفجر :
اللهُمَ أرني عجائب قُدرتك في تيسير أُموري .

يـاربّ.

{ فَإنيّ قَرِيب }
هالجملة من نسمعها من شخص نحبه نحس بأمان الدنيا كله يسكن أرواحنا ، فما بالكم من يكون رب العالمين بذات نفسه يگول هيج ! اطمئنو دائماً قريب🤍 ..

وجُود ربّ العالمين بقربنا شعُور عَظيم
مثل نسمة هوا باردة تدخل طَمن قلب مليان خوف وتعب ، وربك الأقرب والأحن ، حَ يداري أرواحنا بـ لَطف وحنية ، حَ يعوضنا عن كُل التعب والخذلان والأيام الصعبة ، حَ يرزقنا أيام تليق بينا وبنقائنا ودائماً وأبداً رب الخير لا يأتي إلا بالخير ، فـ خليكُم مطمئنين أنُ كُلشي يصير بحياتنا بي خير ألنا.
-نـُورا.