أصدق شي قريته حرفياً.

بـ عُمرك ما حتلاكي شَخص يحتويك يحضَن تعبك و يحنّ عليك ويراعي نفسِيتك ومشَاعرك ويجبر بـ خاطرك بكدك ، أنتَ الشَخص الوحيد الي حيفهَمك بالطريقة الصَح الي تريدها الي تخليك تكُون نسخة أقوى وأفضَل مَن اليوم الي قبله ، نفسك تستحق الحُب والأولوية بحياتك.
-نـُورا.

تصبَحون على خَبر يفرحكُم ويجبر بخاطركُم🤍.

"اني أستحق الي چاي يصير؟"
أغلب الأيام يجي بالي هالسؤال وتأخذني الصفنة والف تساؤل وراها يجي بالي..
أكتشف مع الأيام اني ما أستحق الي چاي يصير ولا حتى أنتَ ، مُجرد كُل الي ديصير بي خير النا وبي هواي دروس حَ نتعلم منها ونميز ناسنا بيها ، وبالنهاية كُلشي يعدي وينتهي.
-نـُورا.

أُمنيتي لليوم وكُل يوم
أنُ أكُون حُضن دافي ، لكُل شَخص يحس حاله وحيد رغم كُل الهوسة الي يمه ، حُضن دافي يحتويهُم بمزاجيتهُم ومشاعرهُم ومشاكلهُم ،حُضن عبارة عَن طبطبة بوقت التَعب والأيام الصَعبة.
-نـُورا.

أنهوا علاقتكُم بسلام ،
مَن دون مشاكل أو شي مَحلو
أحترموا الأيام إللي جمعتكُم
سوا ، والذكريات ، كونوا
لُطفاء ومُسالمين للنهاية ..

"النهايات أخلاق"
من تنتهي العلاقة وتكتشف سوء هالشَخص ، لا تگعد تنطي وتكسر بي گدام أحد ، أحتراماً لِلحظات والأيام الحلوة مهما كان هو مو زين ، لاتنسى بـ يوم من الأيام هالشَخص چان سَند بفترة مُعينة ، چان مَركز أمان ، وگف مَعاك بموقف مُعين ، سَهر معاك بليلة چنت تعبان بيها ، طبطب ع گلبك ، وأحتضن روحك بوقت تعبك ،
مو دائماً حَ يكون هو الطرف الغلط وأنتَ الصح كُلنا بشر وكُلنا نغلط وكُل شَخص وطاقته وقدرته ع التحمل بالمقابل كُلنا عدنا مواقف ولحظات تنذكر ما قصرنا بيها وقدمنا كُل الخير بيها ، فَـ خليكُم حتى بعد نهاية العلاقة الطرف الي قدم كُل الخير .
-نـُورا.

١٢:٠٠ صـَ |
يوم جديد تعيشو بـ سَعادة ياربّ🤍.

- الرساله ؛ من ارجع شغفي اعلمج الطريقة✅

مثل ما گال المثل :
جِبتك يا عبد المُعين تعيني
لقيتك يا عبد المُعين عايز تتعان.

أنا مِن الناس
اللي تحب تشوف ناسها مرتاحين وياها
بمعنى أدَق " ما أعاتبك ع تصرفاتك "
لك كامل الحرية بـ وجودك وياي
أنتَ الي تحدد مكانتك عندي
يا تكبرها يا تنهيها
الي يهمني "أنا ما الشخص القديم"
الي يخلي الناس تُعبر حدود حياتي
سوي الي تريد تسوي
بالمقابل أنهيك من حياتي بلحظة
من أشوفك بديت تتمادى.
-نـُورا.

أگو مَواقف غير مَفهومة تصير بالعلاقات
الي هي الهدوء والأنسحاب مَن الطرفين ،
ما بينكُم شي لا مشكلة ولا أحد گال ضايج مَن شي معين ، مجرد هدوء وسكوت وكُل شَخص ساحب نفسه عَن الثاني لحد ما يقل التواصل تدريجياً ، هاي المواقف تخليك بـ تساؤولات ما لها نهاية "هذا شَخص ضايج مني ، زعلان شي ، هو ما عنده شي يحچي لو متقصد يبتعد لو شنو سالفته!"
هاي المواقف بالذات يعم بيها هدوء فضيع لدرجة تخليك بدوامة مُتعبة أكثر من المشاكل والزعل ، أحسها تخلي الطرفين يشيلون بگلبهم ومحد يبادر ويحجي لحد ما تخرب العلاقة..
لُطفاً لا تخلون أشخاصگم بهيج مواقف مَن تضوج أحچي ، مَن تزعل گول أني زعلان مَن فلان شغلة مَن فلان تصرف أحجو وتفاهمو بس لا تسكتون
"هذا السكوت نهايته فُراق".
-نـُورا.

‏﴿يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

فَخورة بنفسي جداً مَن أتذَكر أنُ چنت أگدر أخليهم بنفس الشعور لكن أختاريّت ما أضَر♥️.

♥️...

صَباح الكلش خير♥️.