هاجـر وأغانيها متربعين بنص قلبي♥️.

١٢:٠٠ صـَ |

يوم جديد يارب يكون مليان أحداث لطيفة♥️.

أنا شخص أنطي كامل إهتِمامي وحُبي ومشاعِري وتركيزي وأغركك بالفُرص فَجأة وبدون مُقدمات أنسحب ومَن أقرر أنسحب لو أشوفَك كِدامي مَا أعرفَك.
-نـُورا.

عمي وجهو من القناة ترى ما فد شي صعب والله!

حُب كلش كبير لكُل شَخص وجهلي هسه🥹🫶.

- المُكان اللي چنت أروحلة علمود أتطمن هوَّ نفسة المُكان الي " زرع بيّة الخوف " .

شگد ايييي.

أكـَره تقلبات مزاجـي.

٢٠٢٣/٢/١٢
الحَياة مُرة وصَعبة بما فيه الكِفاية
لا تصعبوها على نفسكم أكثر ،
أختارو ناس حنينة ، حتى على أخطائكم
ناس حقيقية ، باقين معاكم لأخـر لحظة
ناس روحها حلوة ، تحِب تشوف ضحكتكم دائماً
شگد ما كانت الحياة مُرة وجود الناس الصح بحياتك يحَليها ويسهلها🫶🏻.
-نـُورا.

صراحة تغيري الأخير مخوفني.

ماكو شي ينافس كَعدة الظهر بعد سهرة طويلة ويا الأهل للصبح🤍.

١١:١١ مـَ |
يا أول شَخص يعيش بوسَط گَلبي ويأخذني مَن العالم♥️.

Happy Valentine's Day ♥️.

"‏بَعيدان جداً
بَيني وبَينك
شَوارع ، ومَسافات ، وأحيَاء
بالرُغم من كُل تلِك الحَواجز
أنتَ هُنا
تَسكن في أقصى أيسَري".
-نـُورا.

كُتبت في ١٤ شباط | فبراير مَن عام ٢٠٢٣.

عيد الحُب الحقيقي مو شرط للحبيب وبس
حُبك لـِ نَفسك ، حُبك لـِ أهلك ، حُبك لـِ أصدقائك ، أو أي شَخص قَريب عليكم وتحُبو يستحق تحتفلون وياه بهاليوم
بس أول شي قدموا الحُب لـِ نفسكُم الي تستحق حُب كُل يوم وبـِ كُل لَحظة
بـِ كُل لَحظة تجاوزت بيها وجع أو ظروف
بـِ كُل لَحظة تقرر تستسلم بس ترجع أقوى
بـِ كُل الأنتصارات الي محد يعرف عنها شي
حُبو أشَخاصكُم الحقيقين ، أشخاصكُم الصح
لـِ كُل شَخص طّيب خاطركم ، وشجعكُم
لـِ كُل شَخص زرع الضحكة بوجهكُم
لـِ كُل شخص مُهتم بتفاصيلكم ويحاول يسعدكُم
أنشروا الحُب والسعادة بـِ حياتكُم.
-نـُورا.