٢٠٢٢/١٢/٢٨

گمية التعب هالفترة ما تنوصف والله.

يا أخي ممصدكة چـا الخميس
ما تتخيلون شگد چـان هالأسبوع طويل ومتعب
جسدياً ونفسياً اللي

وأخيراً ويكنددددد🥳

بنهاية ٢٠٢٢..
أحب أگول فخورة بنفسي گلش
فخورة لان مثل ما گال محمد بـ قناته
تخطيت سنة گاملة صعبة گلش بمشاگلها ، بكُل شعور چان مؤذي بگلشي ماحلو صار بيها،
فخورة لان گدرت أتخطى أشخاص وأيام وحدي،
فخورة لان گدرت أخذ أصعب قرار هالسنة
وهو أعيد السادس للسنة الثالثة
فخورة لان أثبتت لـ نفسي أني قوية كلش.
-نـُـورا

ما ضل شي وتنتهي السنة..
كـ بداية حلوة للي يبقى بـ البيت
رتبو غرفتكُم وأسبحو ورتبو نفسكُم وتعطرو
وبعدها أقرو أقرب سورة لـ قلبكُم من القرآن من تكملون أفرشو سجادة الصلاة
صلو ركعتين شُكر لله عزّ وجل وأدعو بالسجود بكل ثقة ويقين وأستفتحو دعائكم بـ ذكر الرحمن والصلاة على النبي مُحمد صلى الله عليه وعلى اله وصحبه وسلم
وأبدو أدعو بكلشي يخطر ع بالكم بدون ما ترتبون دعواتكم و لا تترددون أبدددد أطلبو كُلشي بدعائكُم وأنتم واثقين بـ الله عزّ وجل راح يستجاب..
وراها سوولكم مشروب مفضل وأجواء لطيفة وأستقبلو 2023
وأنتم مطمئنين ومرتاحين البال والقلب🤍.

الشخص المؤذي لو تقدمله سنين من الحب والأهتمام والأحترام،ما راح تگدر تغيره لأن قليل الأصل طول عمره حيبقى قليل أصل .

"ما رأيك أن نلتقي أنا وأنت"
في ٧ مِن يناير
ويكون اللقاء في أحد المَقاهي القَديمة
نتشارك كُوبينِ من القهوة
نُراقبُ هُطول المَطَر
بِجِوار بَعض
ونحنُ نَستمِع لـِ أُغنية ماجد المهندس هو يگول
"أحِس بِك وقَلبي لِك
وأشوفِ عُمري في هواك
وإِحنا معاً حَبيبي لِك
مِنّي وعَد حُب سَرمدي"
لأختمها بـِ
وجُودك أدفئ ما حصل في عُمريِ كلهُ.
-نـُورا.

إِنتبَهت أكُثر كِتاباتي عَن اللِقاء
بكُل مرة شُعور مُختلف
لهفةَ مُختلفة
طريقة لِقاء مُختلفة
بس بعد كُل هالتخيّلات
يا ترى متى الأيامُ تَجمعُنا؟
شلون راح يكُون شُعور لِقائنا الأول؟
شلون راح تكُون لهفتهَ وتفاصَيله؟
-نـُـورا

- بالنسبة للي مسوين گوبي بيست
لكتاباتي بقنواتهم ومنسبيها ألهم
ترا متابعتكم وداشوف !

أيمتي تنقرضون؟

أكـرهُ مـرارة الشعـُور المُستقـر بِداخلـي
بعـدَ الكِتمـان.

مأسـاة عظيمـة إنـك تكـون
مريـض "القولـون العصبـي" 
لـِ كونك شخـص حسـاس جـداً
وشخـص يـدقق بأصغـر التفاصيـل
مـن تصـرف،كلمـة،نظـرة،تفكيـر
إذا زعـلت،بكيـت،أنقهـرت،كتمـت
تبـدي معركـة بداخـلك.
-نـُـورا

الحَياة يوم بعد يوم ع تصير أصعب
أكثر من اليوم القبله
والبشرية يوم بعد يوم ع تصير أسوء
وتكرهك فكرة وجودك بهل عالم.

الأرق والصداع هالفترة صايرين best friend.

چنت داكلب بالانستا قبل يومين
وشفت أثنين يحبون بعض وأتزوجوا عن حب
وكاتب هسه يلا كدرت أحضنها براحتي يم أهلنا
ياللّٰه شگد حلوين
وشگد حلو هيچ شعور
ناس حقيقية ومشاعرهم نقية وحبهم صادق
شگد حلو لو الكُل صادقين ويحافظون ع حُبهم
شگد حلو لو الكُل يصير حقيقي ويوفي بوعده
اللّٰه يوفق كُل أثنين يحبون بعض♥️.

الجوو هسه مال أيدك واتأمل عيونك
وگوب چاي.
-نـُـورا

مبـروك الفـوز🥹🔥🇮🇶

فرحتنـا🤍🔥🔥🔥

للأبـد :
لا تكسرون بشَخص وتخَلوا يندم وينخذل
بَعد ما شاف بيكم الأمان
بعد ما أختارَكم من بين كُل الناس حَواليّه.
-نـُـورا

التجَاوز أنتِصار حَزين.