Ҳаёт бошқача бўлди
еганлар қусмай қўйди..
Узатган қўлларини
виждони тўсмай қўйди..
Кечаги ёмон кунинг
негадир яхшидайин...
Эски касалликларинг
беозор бўлгандайин...
Кўз юмганлар, вирусмас
кутишдан ўлгандайин...
Ёмонларнинг бошини
Оллоҳ силагандайин..
Яхшиларнинг ишончи
чарчаб, қулагандайин...

Бир қисмимиз - хопир хупир
Бир қисмимиз - деворлар қур
Бир қисмимиз - бузиб ўпир
Бир қисмимиз - соммир- суммир
Бир қисмимиз - ичи кўмир
Бир қисмимиз - четда гулла
Бир қисмимиз - қиммат пулла
Бир қисмимиз - ўлда жўлда
Бир қисмимиз - қозоқ чўлда
Бир қисмимиз - савобталаб
Бир қисмимиз - қўлга қараб
Бир қисмимиз - Оллоҳ деган
Бир қисмимиз - харом еган
Бир қисмимиз - доно бошли
Бир қисмимиз - кўзи ёшли
Бир қисмимиз - болам дейди
Бир қисмимиз - олам дейди
Бир қисмимиз - қибла кўзлар
Бир қисмимиз - ёлғон сўзлар
Бир қисмимиз - айтдим дейди
Бир қисмимиз - қайтгин! дейди
Бир қисмимиз - узр😔дейди
Бир қисмимиз - ҳузур 😑 дейди
Бир қисмимиз - ўлай дейди
Бир қисмимиз - бўлай дейди

Бир қисмимиз - тармоқ ковла
Бир қисмимиз - уни овла😉

Қайтиб кетай ўша кунларга..
Антисептик сепмай қўлларга
Вирус хавфин солмаган жонга
Ўша..Эски Ўзбекистонга..😔

Майли дардим айтмай яшайин
Фақат ниқоб тақмай яшайин..
Майли жуда бахтсиз бўлайин
банкдан доллар топмай ўлайин..

Порталларга хатлар ёзмайин
Ўз камимни ўзим созлайин
Қабулхона излаб бормайин
саховатдан кўмак олмайин..

Майли қайтай ўша кунларга
50 сўму 100 сўм пулларга...
Майли боғча таъмирсиз қолсин
Болам кўча чангитиб юрсин

Майли чиқиб, пахта ҳам терсам
ғўза тутган қўлларим билан
тарвуз ёриб, қўрқмайин есам
майли, жуда чарчаб ҳам кетсам..

Қиммат дори изламас эдим
Адолатни кўзламас эдим
Ҳаммасига қўлим силтардим
Афсонавий зўр келажакни
сабр билан узоқ кутардим.

Тегиб кетди мавҳумлик жонга
Қайтгим келди, тилим тийилган,
Ўша.. Эски Ўзбекистонга...

Дугош, берган анжирларинг
пишиб қолди..
Очиқ чеҳранг, ёдгинамга
тушиб қолди.
Кўп бўлганди кўчатини берганинга
Йиллар ўтди эшигимдан келганинга
Араз қилиб юрган эдим кетганингда
Сўнг манзилинг, жаннатларга етганингда..
Бунчалик тез кетишингни билмас эдим
Билганимда қаттиқ араз қилмас эдим
Энди берган дарахтинга дардим дерман
Афсусларга қориштириб анжир ерман...

Бир ой бўлди сесимди
Чиғармайин журганга
Борми мени унутиип
Мозза қилип журганнар.. 😉

Зумраддан ўрнак олиб
Мулойим сўз кўзлайин
Негатип жонга тегди
Позитивно сўзлайин..😉🙃

Тўймасларди кўзлаб ўт оч,
Тўрт томонга қарамай қоч.
Жонга тегди талон тарож,
Кимдир бўккан, кимлардир оч🙄

Бугун байрам эшик қоқар
Кўчаларни безатиб
Мустақиллик куни келди
Ўтганларни эслатиб...
Бугун кўплар эслашади
"Дода" лазги ўйнаган деб..
Ҳаёл қилинг сизга азиз
Инсонларни, ўлмаган деб
Бугун ҳеч ким ёмон гаплар
Гапирмасин тармоқда
Бугун ҳамма бизга қарар
Ўзбек байрам қилмоқда...
Бугун ҳеч ким тош отмасин
Бир бирига қарата
Бугун ҳамма инсон бўлсин
Парвардигор яратган..
Бугун ҳеч ким хўрсинмасин
Бораётган йўлида
Бугун кунни бошламасин
Оғриқ билан кўнглида
Бугун бир кун ҳаёл қилинг
Талон тарож бизда йўқ
Ҳамма уйда қозон қайнар
Арзончилик, кўнгил тўқ
Бугун бир кун ҳаёл қилинг
Тўймасларда виждон бор
Чет элларда давлат йиғмас
Юрагида ВАТАН бор
Бугун бир кун ҳаёл қилинг
Зўрлар жаннат ўйлаган
Кимдир кимнинг уйин бузиб
Қон йиғлатиб қўймаган
Бугун ўйланг яхшиликни,
Кўнгиллар эзилмасин
Бир кунгина ҳеч бўлмаса
Дарахтлар кесилмасин
Бугун хурсанд бўлиш учун
Айтадиган алёр бор
Бугун кимдир фарзанд қучди
Кўп кутилган дийдор бор..
Бугун байрам, яхши бир кун
Эшигимиз қоқмоқда
Бугун ҳамма бу айёмнинг
Ҳурматини қилмоқда...

Оллоҳимга шукур дегич бир миллат бор,
Ўз ризқини ўзи топар бир элат бор.

Ўксинганлар тақдиридан...

Кетаяпман тошимни териб
Тошлар ҳам кўп экан йўлимда
Ҳаётимни айтиб бергувчи
Ҳужжатларим билан қўлимда

Кетаяпман тошимни териб
Айбдор бўлиб, бошимни эгиб
Сен менга бир меҳр бермадинг
Кетдим сенга дунёни бериб..

Кетаяпман тошимни териб
Айтганингни қилганман доим
Фарқ қилмайди, билсанг барибир
Шу тош йўлдан, аввалги жойим

Кетаяпман тошимни териб
Қийин эмас эгилиб олиш...
Менга қийин эди аслида
Тош одамнинг ёнида қолиш

Кетаяпман тошимни териб
Тошлар ҳам кўп экан йўлимда
Қўтир тошлар сени эслатар
Ўхшатиш йўқ бошқа кўнглимда

Порахўрлар "қўшиқ" заказ қилганди..😉

Пора, пора, пора
Олганнингмас,
Олган вақти, ушланганнинг
юзи қора..

Пора, пора, пора..
Сенсиз ҳеч бир
иш битмайди
Сен бир чора..

Пора, пора, пора
Сени истар,
сени кутар
Мансабдаги нафси қора,. ..

Пора пора пора
Емай ичмай узатади
Бир бечора..
Эҳ начора

Пора, пора, пора..
Бизга мерос бўлиб келган
Мансаб сенга кўнгил берган
Сен деб, виждон ўлиб қолган
Ҳамма касал бўлиб қолган

Порагина, порамизей
Сени суйиб оламизей
Тезда бойиб қоламизей
Қаср уйлар соламизей

Онда сонда, ангда қолиб
Кучли тойиб қоламизей
Қамалсак ҳам, зумда чиқиб
Яна сени оламизей

Биз сен билан бўлиб жўра
Дўзах сари борамизей
Бу гапимдан қўрқма пора
Яшаш гўзал, ўзинг қара!

Эшити-и-б қўшиғини
Излагани кетяппан
Юлдуздинг мушугини🙃