Қўйлар хақида ўйлар... 🥴

Тармоқ дегич томорқада
видео кўрдим.
Содда, бахтли манзарадан
хурсанд бўлдим😑

Сизга хабар келса эди у дунёдан
"бизга мадад бўлмади мол-дунё" деб..

Қандай оғир жиноят
содир бўлди Сурхонда?
Бир йигит тақдирини
қилгувчи пароканда

Қилган иши тўғрими
ё нотўғри билмадим
У блогерлик қилганда
мен гувоҳи бўлмадим..

Лекин кўриб йиғладим
йигитнинг кўз ёшларин
Сўзини тингламаган
неча бағритошларни

Бугун шу Отабекка
бор заҳримиз сочдикми?!
Раҳм қилиш ўрнига
қахрга йўл очдикми?!

Қандай оғир жиноят
ишига қўл урди у?
Қайси зўрнинг йўлини
кесишга улгурди у?

Томлари учиб кетган
уйларни қурганмиди?
Ё қиммат кўприкларни
ўпириб сурганмиди?

Ё президент, халқ учун
ажратган пулларини
Талон тарож қилишда
булғади қўлларини?!

Ё бирон ожизани
таҳқирлаб хўрладими?
Ё давлатнинг мулкини
талаб, ўғирладими?

Ватаним, кўрсат ҳозир
меҳр бир, икки, учдан
Душман билан туз тотган
адашганларни қучган.

Адолатни уйғотинг,
мудрамасин Сурхонда
Керагида гапирмай,
қолмасин у армонда

Адолат, Адолат
яна бир Адолат
деб чақиринг одамлар,
уйғонсин у ниҳоят!!!

Йиғламасин қафасда
Алпомишдай улларинг!
Тошбағрлар тортинглар
Отабекдан қўлларинг!!!

Коррупциясиз ҳаёт сари
Ташладик катта қадам
Порани рад қиғанмиш
Бизда ҳам битта одам😳

Шул қизимни жуда хафа қилишган😔
Ичи қора, ўзларини оқ билишган..🙄

Архивдан...

Понимаете...

Позитив.. 😊

Яратганга шкур, Россия Федерациясининг фуқароси бўлган ўғлим, Қашқадарё вилояти Нишон тумани ИИБ Миграция ва фуқароликни расмийлаштириш бўлинмасига мурожаат қилиб, керакли ҳужжатларини топшириб, ҳеч бир муаммосиз, қонун билан белгиланнган муддатда, УЗ.РЕС.ВМНИНГ 28.09.2020 йилдаги қарорига асосан, ҳорижий фуқаронинг Ўзбекистонда яшаш гувоҳномасини олди.

Ҳеч қандай бюрократиясиз, сарсонгарчиликсиз, фуқароларга хизмат кўрсатишни йўлга қўйганликлари учун, ички ишлар тизимига миннатдорчилигимни билдираман!
Рахмат. Барака топинглар.

Матбуот ва ОАВ ходимлари!

БАЙРАМИНГИЗ МУБОРАК БЎЛСИН!!!

Кеча мен ҳам бир байрамда бўлиб келдим.
Эл дардини жозғичларди кўриб келдим.
Журналисту-блогерларди иззатлаган
Раҳбарларди алқаб, мамнун бўлиб келдим😊

Мана мен ҳам пистирмадан чиқдим, байрамга бораман деб🙃

Ҳойран қилди мени рости
Ҳашаматли тўйдинг пости
Энди тўйга борган билар
Бу ёлғонми ёки ростми🤔

"Дунё (юрт) ободлиги тўртта нарса сабабидан: раҳбарлар адолати, олимлар илми, бойлар саховати, муҳтожлар дуоси"
Абу Ҳомид ал-Ғаззолий

Кўпга келган тўй деганларидек, мен ҳам "ковид" билан касалландим, "онлайн" даволаниш самара бермади. Қашқадарё вилоят юқумли касалликлар шифохонасида даволаниб чиқдим. Реабилитация уйда давом этмоқда.
Организмнинг аввалги ҳолатига қайтишига вақт керак. Дармонсизлик, ҳолсизлик кучли жуда.

Кўп йиллар давомида, соғлигимдан шикоят бўлса фақат Тошкентга борганман. Афросиёб оввора, мен оввора, чолинканинг пули оввора🙄.

Яратган эгам , шундай бир кунинг борки , мен шу кунни сенга кўрсатаман, мен ҳоҳламасам Тошкентинга ҳам боришга кучинг бўлмайди, мен ҳоҳласам шу воҳангда, фарзандингдан ҳам ёш шифокорлар дардинга дармон бўлишади дегандек бўлди.

Шифокорларнинг энг биринчи қилган самарали, ажойиб иши, бу беморни "руҳий тетиклантириш" ва тушкунлик ҳолатидан чиқариб олишида эди.

Вилоятимиз юқумли касалликлар шифохонаси "бокс бўлими" шифокорлари :
ЭШОНҚУЛОВ САНЖАР, АБДИРАХМОНОВ ДАВРОН, ота-онангизга рахмат, сизлардек элига, юртига мана шундай оғир дамларда мадад бўладиган фарзандларни билим бериб, тарбиялагани учун.

Устозингиз, билими ўткир шифокор ҲАМЗА ҲАМРОЕВИЧ ЭРНАЗАРОВга, чуқур миннатдорчилигимни билдираман. Сизлардек, танлаган касбига садоқатли, билими ўткир шогирдларни халқимиз хизматига тайёрлаб бергани учун!

Мени хурсанд қилган факт, билимли ёшларимиз борлиги. Ҳаётимизда, руҳий ҳолатимизда бўлаётган "хаос" га қарамай, билимини оширишда чарчамаган ва ўз ишини меҳр билан бажараётган шифокорлар, Санжардек, Даврондек фарзандларимиз борлиги.

Мазкур шифокорлар билан елкама-елка туриб, кечаю-кундуз тиним билмай хизмат қилаётган ҳамшира сингилларим Муҳаммадаминова Шодиёнага, Элбоева Кларага, санитаркалар Қобилова Зуҳра ва Итолмосова Гулжаҳонларга ҳам улкан миннатдорчилигимни билдираман.

Воҳамиз шифокорларига миннатдорчилик билдириш билан бирга, вилоят раҳбаримиз Зойир Тойирович Мирзаев ва Нишон туманимиз раҳбари Мухтор Қўлдошевич Ҳайитмуродов ҳамда вилоят ва туман соғлиқни сақлаш тизими раҳбарларига ҳам рахмат дейман.
Ҳозирги, одамларни таҳликага солган "к.вирус касаллиги" авжига чиққан даврда, беморларга ўз вақтида кўрсатилаётган "тез тиббий ёрдам" чораларини, воҳамизда юқори даражада йўлга қўйиб назоратга олиб турганингиз учун ҳам рахмат.

Бу ишлар халқнинг пулига бажарилаётгани тўғри..

Лекин билингки халқ учун энг муҳими шу ишларнинг виждонан қилингани.
Ва доим ёдда тутингки, бизнинг энг соддамиз ҳам, ёшимиздан, маълумотимиздан " соц.статус" имиздан қатъий назар, ЯХШИЛИКни кўра биладиган элмиз ва яхши раҳбарларни ҳурмат қиламиз☝

Яратган эгам сизларни тўғри йўлдан адаштирмасин🙏